Korrik 2007 - Tirana ende pa Plan Urbanistik!

[DYDRINAS]

Bashkia 7 vjet pa plan urbanistik, banorët mes pluhurit e baltës


Gjatë gjithë vitit ajo që të bie në sy në lagjet e Tiranës është mungesa e asfaltimit të rrugëve. Madje bashkia nuk merr as masa që të paktën të hedhë disa makina me zhavorr në këto rrugë në mënyrë të ndërpritet balta apo pluhuri.z.Rama që është dhe përgjegjësi për të gjitha këto probleme duket se nuk i merr fare parasysh këto probleme të të gjitha banorëve të cilët edhe pse jetojë në kryeqytet janë të destinuar të mbyten nga pluhuri e balta. Edhe pse ka 7 vjet në krye të bashkisë si kryetari i saj, nuk e ka menduar një plan urbanistik për rrugët e kryeqyteti. Kështu edhe pse ka folur e stërfolur për këtë plan gjithçka ka mbetur në kuadrin e thënieve pa u arritur asnjë rezultat. Çdo gjë e ka kaluar në heshtje. Por këtë problem nuk mund ta kalojnë në heshtje banorët e kryeqytetit, të cilët vuajnë agoninë e rrugëve dhe u mbytën nga pluhuri. Nëse rrugët kryesore të Tiranës kanë probleme të shumta rrugët e lagjeve të Tiranës kanë probleme të panumërta. Në të shumtën e rasteve këto rrugë të ndërmjetme që lidhin lagjet me rrugët kryesore janë në një gjendje te mjerueshme. Kryesisht janë zonat e reja të Tiranës ato që kanë probleme me rrugët e brendshme të lagjeve, pasi ato janë të prishura dhe mbushen me ujë, kur bie shi. kur koha është e mirë të mbyt pluhuri. Balta në dimër dhe pluhuri në verë janë karakteristika e rrugëve të lagjeve të shumta të Tiranës, ku këpucët e qytetarëve janë gjithmonë të mbuluara nga balta. kjo për pasojë të gropave që kanë formuar “liqenet e Lurës” në lagjet e Tiranës. Jemi i vetmi shtet në botë pas tribuve afrikane, të cilët ende diskutojë dhe vuajmë mungesën e rrugëve të asfaltuara, në kohën kur njerëzimi po bën shpikje nga më të çuditshmet, ne s’kemi akoma rrugë të ecim. Kështu problemi i rrugëve nuk është i pranishëm në një apo në dy rrugë, por në shumicën e rrugëve në tiranë si : në rrugën “Sitki Çiço”, në rrugën “Don Bosko”, në rrugën “Shkozë”, në fushën e zezë te 21, në Laprakë, e plot të tjera.

Rrugët harrojnë asfaltin

Shumë lagje apo zona të kryeqytetit vuajë mungesën e rrugëve dhe në pamje parë të duken krejt të shkreta. Në verë këmbët të mbulohen prej pluhurit, ndërsa dritaret e banesave nuk mund t’i hapësh po për problemin e pluhurit. Kështu për shembull edhe pse rruga “Sitki Çiço”. është shumë afër unazës ajo që të bie në sy është mungesa e infrastrukturës së këtyre rrugëve. Banorët nga ana e tyre janë shprehur se janë ankuar për këtë problem në njësinë Bashkiake, problemi jonë nuk është marrë fare parasysh, janë shprehur ata. “ Na mbyti pluhuri dhe rrugët janë në gjendje shumë të keqe”. Ndërsa problemi bëhet edhe më në i madh në kohën e vjeshtës dhe të dimrit ku të gjitha gropat mbushem më ujë dhe me baltë. Ndërsa bashkia Bashkia e Tiranës dhe Njësia Nr. 3 as që po mendojnë që të bëjnë një studim urbanistik në këtë zone, të cilën si shumë të tjera e mbyt balta e pluhuri.

Shkoza me rrugë, e pa rrugë pluhuri e balta gjithmonë prezente

Shkoza renditet si një nga zonat te të cilat infrastruktura rrugorë është inekzistente, se për ta pasur nuk bëhet fjalë. Ndërsa investimet janë në kotën zero përsa i përket rregullimit të rrugëve. Edhe pse shqetësimi i rrugëve është thënë e stër thënë disa herë, asgjë nuk e ka ndryshuar situatën shqetësuese. Banorët e lagjes shkozë e vuajnë prej vitesh gjendjen e keqe të rrugëve. Në asnjërën prej tyre nuk është menduar që të bëhet qoftë edhe një rregullim i vetëm. Në stinën e dimrit shkozarët janë të detyruar të ecin përmes baltës. Ndërsa në verë të fryn flladi i lehtë i pluhurit, i cili përveç se të qelb nga papastërtia normalisht që të dëmton rëndë shëndetin. Por ky nuk është i vetmi problem që lagja e shkozës ka, sapo fillon stina e shirave, ura e shkozës përmbytet nga reshjet e shiut. Me pak fjalë situata është e tillë të veshësh çizme që të kalosh lumenjtë e shit dhe kur të arrish ku duhet mund të veshësh këpucët. Nuk hoqën dot dorë kurrë shqiptarët nga çizmet e llastikut si para 50 edhe sot në ditët tona përsëritet historia. Dhe për çfarë ? Vetëm e vetëm sepse bashkia nuk bën një plan urbanizimi dhe nuk ka ndërmend të shtrojë rrugët.

“Don Bosko” pa rrugë banorët, i shtrojnë vetë

Edhe lagjia “Don Bosko” nuk kishte si të mos vuante nga mungesës e rrugëve. banorët e kësaj lagjeje e kanë ngritur shpesh herë zërin e tyre, por askush nuk i ka dëgjuar kërkesat apo lutjet e tyre. Ndërsa rrugët mbushen me ujë dhe në to formohen liqene banorët nuk kanë se ku të kalojnë. dhe të detyruar futen për mes baltës, pluhurit. Të gjendur para kësaj situate para disa muajsh banorët treguan se mblodhën lekët së bashku dhe mbushën gropat e rrugëve me çakëll që kishin më shumë probleme në mënyrë që t’i shmangnin ato. Se po të prisnin kur të kujtohej bashkia do të duhej një kohë shumë e gjatë e mbase do të kishin kaluar vite me radhë deri atëherë. Por, ajo që të bën për të qeshur sepse, po të ngresh sytë lartë ndërtesat janë nga më të bukurat, të ulësh kokën poshtë, këmbët të janë zhytur në baltë e pluhur. Fëmijët nuk kanë ku të luajnë dhe janë të detyruar që sapo të zbresin shkallët e pallatit të përballen me gropat e ujit.

Fusha e Zezë dhe Lapraka, pa asnjë rrugë

Në po këtë gjendje katastrofale janë edhe rruga e 21 që ndryshe quhet rruga e Fushës së Zezë , ku pa çizme të gjata nuk mund të kalosh dhe tani në verë ajo që mund të të shohin sytë është vetëm mjegullnaja e pluhurit që nuk të lë të shohësh asgjë. Edhe zona e Laprakës ka vite që i vuan problemet me rrugët ku pa përjashtim të gjitha rrugët dytësore janë si mos më keq. Se kur do të marrin fund të gjitha këto probleme askush nuk e di. Një gjë është e sigurt që gjendja është më shumë se e mjerë dhe që Bashkia ka kohë që nuk i sheh këto probleme që bien mbi banorët, ose I sheh po bën sikur...

Gazeta Sot
17-07-2007

[Edvin83]

Eshte per te ardhur turp per kete gjendje. Dhe banoret nuk bejne asgje per te ndryshuar kete gjendje. Ne Shqiperi duhet nje ligj qe nese kryetari i bashkise nuk ben mire punen e tij te shkarkohet nga populli qe e zgjodhi.

[Edvin83]

Drejtoria e Ujësjellës-Kanalizimeve: Sidomos pjesa veriore ka probleme me mbipopullimin

Komuna e Parisit, 48 orë pa drita

321 milionë lekë, në procedura prokurimi për përfundimin e një rrjeti të ri unazor

Në çezmat e qytetarëve që jetojnë në zonën e Komunës së Parisit nuk ka mbërritur asnjë pikë ujë gjatë 48 orëve të fundit. Madje edhe më shumë, në këtë zonë nuk e ka fajin mungesa e energjisë elektrike. Edhe pse ka kufizime të herëpashershme në këtë zonë, përsëri uji duhet të shkonte në shtëpitë e qytetarëve të paktën herët në mëngjes. Banorët e zonës kanë dërguar disa ankesa në Drejtorinë e Ujësjellës-Kanalizimeve. Kanë kaluar më shumë se dy ditë që nga furnizimi i fundit me ujë në zonën e Komunës së Parisit. Problemin e kanë pranuar edhe specialistët e furnizimit me ujë. Sipas burimeve në Drejtorinë e Ujësjellësit, mbipopullimi i ndërtesave në këtë zonë, që rezultojnë pesëfish më tepër sjellin edhe këtë lloj situate problematike. Sipas Drejtorisë së Ujësjellësit, kjo zonë është një nga zonat më të vështira për të përballuar të gjitha kërkesat e ujit e për furnizim të rregullt.

Më problematike është pjesa veriore e zonës. Në këtë pjesë ndodhen ndërtimet më të mëdha, e pallate njëri pas tjetrit. Një tjetër faktor është edhe presioni i ujit. Komuna e Parisit furnizohet nga impianti i Selitës. Në këtë linjë, specialistët e rrjetit thonë se është evidentuar një problem në presionin e ujit që vjen nga Selita. Për të zgjidhur këtë problem, Drejtoria e Ujësjellësit njofton se për procedurat tenderiale po kujdeset Autoriteti i Prokurimit Publik. Tenderi që do të zhvillohet për pak kohë do të jetë lidhur me ndërtimin e një rrjeti unazor. Ky rrjet do të ndihmojë në rritjen e presionit të ujit. "Janë mbi 321 milionë lekë vetëm për këtë pjesë, është në procedura prokurimi, ka shkuar tenderi për shpallje në APP", sqaruan burime pranë ujësjellësit. Sipas tyre, ndërtimi i këtij rrjeti mund të përfundojë 2 muaj pasi të jetë përzgjedhur firma fituese. Një zgjidhje tjetër për Komunën e Parisit do të ishte edhe hapja e depove të ujit në kodrat e Selitës. Komuna është më e mbipopulluara dhe më problematikja. Por, nga ana tjetër, nuk ka as koordinim mes bashkisë që jep lejen e ndërtimit, komunës, apo Drejtorisë së Ujësjellësit. "Duhet të ketë një plan urbanistik që parashikon zonat e banuara, zonat e populluara. Përmendim këtu që lagjet: Allias, Tregu i Madh, zona e Qytetit të Studentit, deri në Zall-Herr kanë probleme me mbi popullimin", sqaruan specialistët e ujësjellësit. Sikurse ndodh në të gjithë botën do të ishte mirë që zonat më të populluara të ndërtoheshin afër burimeve ujore. Po ashtu, punët mes përfaqësuesve vendorë e drejtorive përgjegjëse duhet të jenë të koordinuara mes tyre për të mos i lënë më vend më pas problemeve të tilla si mbetje pa ujë më shumë se 48 orë. Por një tjetër ngërç i vënë në dukje nga ujësjellësi është edhe papërgjegjshmëria e bashkisë, e cila edhe pse vjel taksën vendore, nuk investon as 1 për qind të këtij fondi për infrastrukturën e kanalizimeve apo për rrjetin e ujësjellësve.

[Morning star]

Drita nuk kemi ne pergjithesi, se di ca behet kshu me neve, drita ska, edhe kur ska drita nuk ka as uje, kur ska uje qelbet dynjaja... jete o jete qe po bejm.