Privatizimi i Albpetrol: Anulohet privatizimi, procesi rinis pas zgjedhje

[Alti Elezi]

Na e hiqni një kureshtje, se këto gjëra dashje pa dashje, edhe na cytin kureshtjen... Nga i merrni vesh këto me CIA dhe FBI? Kini pak mëshirë për kureshtjen e ne profanëve dhe, na ndriçoni pak... meqë po i përmendi ju vetë them...

Meqë ra fjala:
Albpetroli, Taçi konfirmon financimin 850 milionë euro
Aksioneri kryesor i Vetro Energy: Kam besim se do biem dakord shpejt.
Negociatat me qeverinë për hipotekimin e pronave.



Pak ditë para se të përfundojë afati i dytë për firmosjen e kontratës së shqitjes së Albpetrolit, një ndër aksionerët kryesorë të Vetro Energy konfirmon gjetjen e 850 milionë eurove për blerjen e aksioneve. Në një prononcim për “Market Watch”, një ndër sajtet elitë të financës botërore, aksioneri kryesor i konsorciumit tregon negociatat dhe arritjen e marrëveshjes për 850 milionë euro. Sipas shkrimit, “aksioneri kryesor i Vetro Energy, z. Rezart Taçi, konfirmoi sot (dje) se grupi i tij ka finalizuar financimin dhe investimin e kapitalit për marrëveshjen prej 850 milionë eurosh për të privatizuar rezervat e naftës të Shqipërisë, nëpërmjet kompanisë shtetërore të naftës dhe gazit, ‘Albpetrol’. Vetro Energy është aktualisht në negociata me qeverinë për të blerë 100% të aksioneve të Albpetrolit. Kur të përmbyllet marrëveshja, ka për të qenë një nga transaksionet më të mëdha korporative në historinë e Ballkanit. Në përmasa, marrëveshja është e barasvlershme me pak më pak se 10% të Produktit të Brendshëm Bruto të Shqipërisë”. Më tej, Taçi ka sqaruar edhe negociatat me qeverinë dhe Ministrinë e Ekonomisë. Ai konfirmoi se diskutimet me qeverinë shqiptare janë në një fazë të avancuar. “Unë kam besim se marrëveshja e blerjes së aksioneve me qeverinë shqiptare për blerjen e Albpetrolit ka për t’u përmbyllur me sukses në një të ardhme shumë të afërt, meqenëse ne jemi shumë të vendosur për të shpënë përpara këtë projekt dhe për të investuar në të ardhmen e Shqipërisë. Është shënuar një progres i madh ndërmjet të dyja palëve, por të dyja palët kemi ende shumë punë përpara”.
Tregu
Vetro Energy po përgatitet të sigurojë të gjitha asetet e Albpetrolit, si dhe të drejtën për të eksploruar dhe zhvilluar naftë dhe gaz në territorin shqiptar. Sipas njoftimit të kompanisë, Vetro Energy planifikon të krijojë të vetmen platformë plotësisht të integruar të naftës dhe gazit në Shqipëri, e cila do t’u shërbejë tregjeve lokale, rajonale dhe ndërkombëtare, dhe që do ta shndërrojë Shqipërinë në një qendër ndërkombëtare energjie në Europën Juglindore. Me mundësitë e eksplorimit dhe zhvillimit në tokë dhe në det si dhe me zhvillimin e transmetimit të gazit natyror, Vetro Energy do të investojë në teknologji, në mjedis dhe në komunitetet e afërta. Si pasojë e marrëveshjes, Shqipëria mund të bëhet sërish e pavarur gjatë 3-5 viteve të ardhshme, duke eliminuar kështu nevojën për importet e naftës. “Vetëm fusha e Patoz-Marinzës është fusha më e madhe e naftës në tokë në Europën kontinentale me rezerva të vërtetuara prej 169 milionë fuçi naftë.
Negociatat
Vetro Energy, është shpallur fituese e tenderit për privatizimin e Albpetrolit me një ofertë 850 milionë euro më datë 3 tetor 2012. Sipas ligjit, kompania duhet të binte dakord me Ministrinë për firmosjen e kontratës brenda një afati 30-ditor. Ky afat mund të shtyhej, ashtu siç edhe ndodhi, vetëm me 30 ditë të tjera. Pra, sipas ligjit, në fillim të dhjetorit kontrata duhet të firmoset dhe Vetro Energy duhet të paguajë 170 milionë euro si garanci shtesë. Sot kanë ngelur edhe pak ditë nga përfundimi i afatit dhe duket se palën po përpiqen të kalojnë një pengesë themelore. Hipotekimin e aseteve të Albpetrolit. Sipas një raporti të KLSH-së, janë me qindra puse që janë pronë e Albpetrolit, por nuk janë të regjistruara në hipotekë. “Albpetrol sha, nga 649 objekte të regjistruara (ndërtime, kabina elektrike dhe depozita), ka marrë dokumente pronësie për 229 prej tyre, ose 35.3%, janë në proces 186, ose 28.7% dhe janë jashtë procesit 36% e tyre, ose 234 objekte. Gjithashtu, nga 5480 puse të naftës dhe të gazit në inventar, kanë certifikata dhe vërtetime pronësie vetëm 19% prej tyre 1041 dhe janë akoma pa dokumente pronësie 4439 të tjera”, thuhet në raportin e KLSH-së. Janë pikërisht këto asete që po frenojnë mbylljen e procesit. Regjistrimi i tyre dhe deklarata e djeshme e Taçit për sigurimin e parave jep shpresë që procesi po shkon drejt mbylljes.

Burimi i materialit të sjellur është nga Gazeta Panorama.

Tani, ju që i merrni infot të filtruara nga CIA dhe FBI: si është puna??!!

https://www.cia.gov/

[Fleur Blanche]

Domethënë, tek kjo faqja zyrtare e CIA, ti i paske marrë vesh ato që thuhen si fjalë veshi, që kur erdhi H.Clinton ë? Si duket vetëm ti arrin ta shohësh këtë, se unë s'shoh gjë, aq më tepër do habitesha sikur vërtetë të nxjerrnin këto që thua ti, në faqen zyrtare të CIA. Që kur CIA kaq e hapur kështu?

Meqë ra fjala, për FBI-në s'na solle gjë; po pate mundësi na e sjell edhe adresën e faqes zyrtare të FBI, se ne e kemi vështirë ta gjejmë ashtu si këtë të CIA, po ta besojmë ty si i infiltruar në rradhët e tyre.

[ilia spiro]

Kjo eshte nje shprese dhe mundesi e madhe per Shqiperine,...me keto mbyllen shume vrima, ne mos te gjitha, dhe na dacin politikanet tane, te hapin nje faqe te re dhe te ngrejne mireqenien e popullit

[DYDRINAS]

Domethënë, tek kjo faqja zyrtare e CIA, ti i paske marrë vesh ato që thuhen si fjalë veshi, që kur erdhi H.Clinton ë? Si duket vetëm ti arrin ta shohësh këtë, se unë s'shoh gjë, aq më tepër do habitesha sikur vërtetë të nxjerrnin këto që thua ti, në faqen zyrtare të CIA. Që kur CIA kaq e hapur kështu?

Meqë ra fjala, për FBI-në s'na solle gjë; po pate mundësi na e sjell edhe adresën e faqes zyrtare të FBI, se ne e kemi vështirë ta gjejmë ashtu si këtë të CIA, po ta besojmë ty si i infiltruar në rradhët e tyre.

Lajme te tilla prodhohen nga kuzhina e Mero Bazes! Alti Elezi siç duket eshte zedhenesi i tij ne forum.

[Antiproanti]

Dështon Albpetroli, ekspertët: Ishte e pritshme

Qeveria ka nisur zyrtarisht procedurat për ekzekutimin e garancisë 85 milionë euro të ofertës së bujshme prej 850 milionë euro të Albpetrol.

Zëvendësministri i Ekonomisë Sokol Dervishaj, që kryeson grupin negociator të privatizimit, tha negociatat për shitjen e Albpetrol dështuan të mbyllen brenda afatit ligjore, pasi Vetro energy nuk derdhi garancinë tjetër, atë të kontratës, e cila është sa 20 për qind e çmimit ose 170 milionë euro.

Dervishaj hodhi poshte zërat se njëri nga shkaqet e dështimit ishte mos hipotekimi i puseve nga Qeveria, duke deklaruar se privatizimi nuk parashikonte shitjen e puseve, por dhënien në përdorim të tyre për një periudhë 25-vjeçare. Megjithatë zoti Dervishaj tha se tenderi nuk mund të quhet ende i dështuar, pasi ky është një vendim që nuk e merr grupi negociator, por do të merret nga Qeveria gjatë ditëve në vijim. Sipas tij, edhe pse është shkelur afati ligjor nëse kompania do të paguajë gjatë këtyre ditëve shumën 170 milionë euro, negociatat mund të rihapen.

Vetro Energy ofroi 850 milionë euro për blerjen e Albpetrol dhe Qeveria thotë se kjo ofertë është e mbuluar sipas ligjit me garancinë përkatëse prej 10 për qind ose 85 milionë euro, e cila është verifikuar nga konsulenti 'Patton Bogs'.

Ekspertët: Rezultati i pritshëm

Për të komentuar zhvillimet e fundit mbi privatizimin e kompanisë “Albpetrol”, i ftuar në studion e Top Channel ka qenë zoti Kastriot Bejtaj, inxhinjer gjeofizik dhe konsulent për industrinë e naftës.

TCH: Zoti Bejtaj, ju jeni një nga ekspertët që pothuajse me saktësi matematike keni parashikuar ecurinë e kësaj marrëdhënieje mes kompanisë “Vetro” dhe METE-s, e cila tashmë ndodhet në krizë, për të mos përdorur fjalën dështim. Si e komentoni këtë situatë, cilat janë shkaqet kryesore dhe ku bie përgjegjësia paraprake?

Bejtaj: Duke parë situatën, që nga nisja e garës, prononcimet e METE-s dhe kompanisë, njoftimi i sotëm nuk është i papritur. Kjo, pasi duke i parë çështjet një nga një, oferta ishte një surprizë e pakëndshme, pasi duke krahasuar vlerën e “Albpetrol” me ofertën kishte një kontrast të madh e të pabesueshëm.

TCH: Çfarë do të thotë "dhënia e një shansi të dytë për kompaninë ‘Vetro’" nga METE?

Bejtaj: Nëse lexohet me vëmendje, vendimi i KM mbi raportin përfundimtar të vlerësimit të ofertave, shihet se 3 subjektet kanë mangësi të theksuara në dokumentacion dhe në plotësimin e kritereve. Legjislacioni për naftën dhe privatizimin është tepër modern dhe duke bërë krahasimin përkatës sheh se kompanitë kanë mangësi të theksuara. Ndërkohë, kompania “Vetro” nuk përfaqëson investitorët strategjikë, pasi edhe përfaqësuesit e saj thanë se subjekti kryesor është shqiptar.

TCH: Si e parashikoni përfundimin e këtij proçesi?

Bejtaj: Proçesi mesa duket sot mori një përcaktim. Ministria me gjysmë zëri pranoi një dështim të pritshëm. Si në prononcimin e METE-s ashtu dhe të MF-së vendoseshin termat “paraprakisht”, “praktikisht”, etj, që do të thotë se kishte pasiguri. Kjo situatë kërkon një analizë delikate pasi është një sektor i rëndësishëm i ekonomisë shqiptare që duhet menaxhuar me kujdes. Edhe institucionet që organizuan tenderin, janë po ashtu përgjegjëse.
http://www.top-channel.tv/artikull.p...247569&ref=rel

As 10%-shin s'do ta shohin me sy...

[Antiproanti]

Vetro says to deposit guarantee in a few days

* Vetro's Taci confident of a deal, sees lot more work

* Albania to be flexible if Vetro pays guarantee bond

TIRANA, Dec 11 (Reuters) - Vetro Energy, an Albanian-U.S. firm that made the top bid for Albanian state-owned oil company Albpetrol, said on Tuesday it would soon make a deposit as a guarantee so that the 850 million euro ($1.1 billion) sale can go ahead.

On Monday, a week after a second deadline to sign a contract expired, Albania held off signing a sale contract for Albpetrol again, saying Vetro had failed to deposit 20 percent of its offer in cash or an equivalent to cash, which is required to back the sale.

Deputy Energy Minister Sokol Dervishaj said the government would give Vetro another chance if it made the deposit.

Albanian oilman Rezart Taci, who has emerged as Vetro's majority shareholder, said in a statement that Vetro had asked the government for "a number of additional documents".

In return, the government demanded a guarantee, "which Vetro Energy is pleased to provide and will be in place within the next few days," he said.

He added that "a guarantee of this nature is customarily submitted only after a formal contract is signed" and that there was still "significant work ahead" to thrash out a deal.

Vetro had offered to buy 100 percent of Albpetrol for 850 million euros, which means its deposit to guarantee the contract would amount to 170 million euros.

"These are complex discussions and there is a great deal of detail involved. The delay is not entirely surprising in such circumstances, and I am very confident that we will finalise negotiations and reach a successful conclusion," Taci said.


The government welcomed Taci's pledge with caution.

"If Vetro deposits an unconditional contract guarantee bond in a few days as it officially committed today, we'll have the adequate flexibility to consider the fulfilment of their expressed commitment and continue with the negotiations," Dervishaj, also the sale board chairman, told Reuters.

Four years ago, Taci's Anika Enterprises teamed with Refinery Associates of Texas and Mercuria Energy Group to buy Albanian refiner ARMO for 125 million euros. ARMO is Albpetrol's biggest debtor at 5,374,445,691 lek ($49.7 million), according to the state audit commission.

http://www.reuters.com/article/2012/...8NB8IT20121211

[Akili-A]

As 10%-shin s'do ta shohin me sy...

ajo puna e 10% eshte nje budallallek qe eshte vene si kusht pagese, pasi cdo kompani do tja gjej anen per te mos paguar para ne ajer nese deshtojne negocjatat.
dhe nuk ka gjykate qe ti mbroje, pasi 10% eshte abuziv ne vetvete.

[Albo]

“Vetro” konfirmon pagesën e garancisë 170 mln euro

Konsorciumi “Vetro Energy” ka konfirmuar shlyerjen e shumës prej 170 milionë euro, që i korrespondon 20% të vlerës së ofertuar prej 850 milionë images (10)euro për blerjen e Albpetrol. Mirëpo Ministria e Ekonomisë nuk e ka dhënë konfirmimin. Zyrtarët e Ministrisë së Ekonomisë kanë fikur telefonat dje pas deklaratës së aksionerit kryesor të “Vetro Energy”, Rezart Taçit. Ndërkohë, në njoftimin që konsorciumi ka bërë publik në faqen zyrtare në rrjet, thuhet se me shlyerjen e pagesës së garancisë ndaj autoriteteve shqiptare, është afruar edhe data e shlyerjes së totalit të pagesës për blerjen e kompanisë shtetërore të nxjerrjes së naftës. Pas hezitimit të Ministrisë së Ekonomisë për të informuar rreth çështjes, nga kampi qeveritar nuk po tregohet optimizëm. Nga ana tjetër deklarata e ‘Vetro’-s nuk ka treguar emrin e bankës në të cilën janë ngrirë të 175 milionë eurot. Tri ditë më parë, përfaqësues të Ministrisë së Ekonomisë kërkuan shlyerjen e pagesave të garancisë për shkak të skadimit të afatit kohor. Sipas zv.ministrit të këtij dikasteri dhe njëkohësisht kryetar i vlerësimit të ofertave, Sokol Dervishaj, në tenderin e realizuar, i gjithë procesi i nënshkrimit të kontratës tregtare kishte ngecur pikërisht për këtë arsye. Më pas përfaqësues të konsorciumit u shprehën se vonesat në shlyerjen e pagesave erdhën për shkak të afateve të shkurtra kohore dhe volumit të madh të dokumenteve. Kampi qeveritar nuk po paraqitet shumë optimist për të ardhurat e privatizimit të Albetrolit, pasi qeveria sapo miratoi një buxhet i cili theu limitin e borxhit 60% që ishte sanksionuar me ligj. Madje zv.ministri i Ekonomisë, Eno Bozdo, tha pak ditë më parë se qeveria ka nisur procedurën e arkëtimit të garancisë së ofertës 10 për qind ose 85 milionë euro, ndërkohë që Bozdo ka pohuar se do të nisin negociatat me kompaninë e dytë në garë, Win Buissnes.

MAPO

[Albo]

Rezart Taçi: Pagesa e garancisë 170 mln euro për ‘Albpetrol’ çështje ditësh

Kompania ‘Vetro Energy’ u tregua e gatshme dje të paguajë garancinë e ofertës prej 170 milionë eurosh, pavarësisht se, sipas saj, nuk ka përfunduar negociimi i kontratës edhe pse ka skaduar afati ligjor. “Ne kemi kërkuar nga Qeveria një numër dokumentesh të lidhura me privatizimin. Nga ana e saj, qeveria ka kërkuar një garanci kontrate, të cilën ‘Vetro Energy’ do ta japë brenda pak ditësh. Këto janë negociata komplekse dhe ka shumë detaje për t’u mbuluar. Gjithsesi, unë kam besim se së bashku me Qeverinë do të finalizojmë negociatat së shpejti dhe do arrijmë në një përfundim të suksesshëm të transaksionit.” – tha dje në një deklaratë për median aksioneri maxhoritar i ‘Vetro Energy’, Rezart Tacci. Një ditë më parë Ministria e Ekonomisë në një deklaratë zyrtare konfirmoi se nuk kishte arritur marrëveshje me ‘Vetro’-n për kontratën e privatizimit të Albpetrolit. Ndërsa dje gjatë diskutimit nen për nen të buxhetit 2013 në komisionin parlamentar të Veprimtarive Prodhuese, opozita i ka kërkuar zv.ministrit të Ekonomisë, Eno Bozdo, shpjegime në lidhje me vazhdimësinë e procesit. Bozdo tha se, siç parashikon ligji, do të procedohet me ofertat e tjera, ndërsa ka nisur procedura për sigurimin e garancisë së ofertës së parë, prej 85 milionë eurosh. Por deputeti i opozitës, Eduart Shalsi, ka vënë në pikëpyetje edhe ekzistencën e garancisë së ofertës. Bozdo tha se janë ndjekur të gjithë hapat ligjorë duke ezauruar afatin e parë dhe është përmbushur kërkesa e kompanisë për një afat të dytë. Në çastin që ky afat ka mbaruar Ministria e Ekonomisë ka bërë kërkesën për sigurimin e ofertës dhe eventualisht do të procedohet siç parashikon ligji, duke filluar negociatat me kompaninë e dytë në radhë. Por ndërkohë, ‘Vetro’ shprehet e gatshme të vijojë procesin, duke mos konsideruar si problem arkëtimin e garancisë. Ministria e Ekonomisë ka lënë shtegun e hapur, duke u shprehur se, nëse kompania derdh garancinë e kontratës në vlerën 20 për qind të shumës 850 milionë euro, atëherë do të rifillojë procedura me ‘Vetron’. Deri më tani Këshilli i Ministrave nuk ka një vendim për raportin e Komisionit të Vlerësimit të Ofertave. Vendimi duket se do të jetë i vështirë, për shkak se vlera 850 milionë euro që është dhënë në këmbim të Albpetrolit është tundim i madh për buxhetin e shtetit, i cili kohët e fundit po kalon një periudhë të vështirë për shkak të mungesës së ardhurave sipas planit. Aksioneri kryesor i konsorciumit “Vetro Energy”, Rezart Taçi, ka konfirmuar pak ditë më parë për “Wall Street Journal” se ka finalizuar financimin prej 850 milionë eurosh sipas marrëveshjes së privatizimit të kompanisë shtetërore të nxjerrjes së naftës, “Albpetrol”. “Unë jam i entuziazmuar që marrëveshja për blerjen e aksioneve me qeverinë shqiptare do të kompletohet me sukses në një të ardhme shumë të afërt, që ne të kemi të mundur nisjen e investimeve më shpejt. Është bërë progres i madh ndërmjet palëve, por ende ka shumë punë për t’u bërë”, – tha Taçi për Wall Street. ‘Vetro Energy’ do të zotërojë të gjitha asetet e Albpetrolit për kërkimin dhe nxjerrjen e naftës dhe gazit në territorin shqiptar. Nëse procesi dështon, qeveria do të arkëtojë tashmë garancinë e ngrirë për ofertën që është 85 mln euro.

Bozdo tha se, siç parashikon ligji, do të procedohet me ofertat e tjera, ndërsa ka nisur procedura për sigurimin e garancisë së ofertës së parë, prej 85 milionë eurosh. Por deputeti i opozitës, Eduart Shalsi, ka vënë në pikëpyetje edhe ekzistencën e garancisë së ofertës.

MAPO

[Albo]

Skadon afati i kontratës së ‘Albpetrolit’, qeveria sërish e hapur me ‘Vetro’-n

Blerina Hoxha

Qysh në krye të herës edhe më optimistët e kanë pasur të vështirë të besojnë se nga shitja e Albpetrolit mund të arkëtoheshin 850 milionë eurot që u ofruan nga konsorciumi “Vetro Energy” në tenderin për blerjen e kompanisë. Kanë kaluar 7 ditë nga përfundimi i afatit ligjor të negociatave për nënshkrimin e kontratës, kur dje zv.ministri i Ekonomisë, Sokol Dervishaj, pohoi se ende nuk është firmosur kontrata me kompaninë fituese “Vetro Energy”, për shkak të mospagimit të fondit prej 20% të vlerës së ofertuar. Por, ndërkohë, bisedimet me këtë konsorcium po vijojnë, tha Dervishaj.

Ai tha se në kohën që ka kaluar afati i fundit, më 3 dhjetor, nuk ka as kontratë të nënshkruar me “Vetro Energy”, e as derdhje të 10% të garancisë së kontratës. “Në datën 5 tetor aksionerët e kompanisë bënë prezent planin e zhvillimit. Gjatë kësaj kohe, komisionit të ngritur për negocimin për shitjen e aksioneve, afati ligjor i parë nuk i ishte i mjaftueshëm për të përmbushur kontratën dhe për këtë arsye kompania më 1 nëntor kërkoi shtyrjen dhe për 30 ditë të tjera. Më 2 nëntor iu përgjigjëm pozitivisht kërkesës. Data 3 dhjetor ishte afati i fundit, por nuk ka pasur përfundim të negociatave, kompania nuk ka depozituar garancinë e kontratës dhe ministrisë i lindi e drejta dhe ka filluar procedurën e kërkimit të 85 milionëshit të garancisë. Kjo është situata. Nuk kemi kontratë dhe as depozitim të garancisë”,- deklaroi Dervishaj. Ai tha se tashmë ministria ka nisur procedurat e arkëtimit të garancisë, por pas skadimit të afatit të fundit ligjor, nëse “Vetro Energy” do të depozitojë në ditët në vijim garancinë e kontratës, METE do të tregojë fleksibilitet për të vlerësuar rifillimin e negociatave, duke pasur në vëmendje rëndësinë e veçantë të këtij privatizimi. Komisioni i Vlerësimit të Ofertave do të paraqesë konkluzionet në qeveri dhe më pas do të jetë ajo që do të vendosë sesi do të vijojë privatizimi i Albpetrolit. Sipas ligjit të privatizimit, nëse negociatat dështojnë me fituesin, si në rastin konkret, atëherë qeverisë i lind e drejta të nisë bisedimet me kompaninë e dytë, sipas listës së garuesve. Konsorciumi Win Bussines ofroi 297 milionë euro, duke u renditur e dyta. Në rast se qeveria arkëton të 85 milionë eurot e dhëna garanci për ofertën nga “Vetro Energy” dhe realizon shitjen e kompanisë tek ofertuesi tjetër, procesi mund të konsiderohet i mbarë, pasi buxheti i shtetit përfiton më shumë se 380 milionë euro nga shitja e Albpetrolit. Burimet jo zyrtare shpjegojnë se amerikanët e ‘Silk Road’, që janë pjesë e konsorciumit ku biznesmeni Rezat Taçi është aksioneri kryesor, kanë hezituar të vijojnë privatizimin për shkak se nuk janë optimistë për gazsjellësin TAP. Licenca për të shpërndarë gazin e TAP ka qenë synimi kryesor i tyre, por për gazsjellësin Azerbajxhani do të vendosë në pranverë. Pak ditë më parë në një prononcim për Wall Street Jornal, Rezart Taçi deklaroi se kishte siguruar të gjithë financimin e nevojshëm për Albpetrol, por kjo nuk ka rezultuar të jetë e vërtetë. “Vetro Energy” ofroi 850 milionë euro për blerjen e Albpetrol dhe Qeveria thotë se kjo ofertë është e mbuluar sipas ligjit me garancinë përkatëse prej 10 për qind ose 85 milionë euro, e cila është verifikuar nga konsulenti ‘Patton Bogs’.

Burimet jo zyrtare shpjegojnë se amerikanët e ‘Silk Road’, që janë pjesë konsorciumit ku biznesmeni Rezart Taçi është aksioneri kryesor, kanë hezituar të vijojnë privatizimin për shkak se nuk janë optimistë për gazsjellësin TAP. Licenca për të shpërndarë gazin e TAP ka qenë synimi kryesor i tyre, por për gazsjellësin Azerbajxhani do të vendosë në pranverë

MAPO