Privatizimi i Albpetrol: Anulohet privatizimi, procesi rinis pas zgjedhje

[Fleur Blanche]

Lapsus i imi, kisha parasysh firmen kanadeze Bankers Petrolium qe nuk ka ne pronesi ARMO por puset e naftes ne Patos Marinze.

Në të vërtetë, para dy vitesh Taçi si aksioneri kryesor i ARMO ka nënshkruar një marrëveshje me Bankers Petroleum:


Dhe pikërisht, a thua është rastësi tani që Bankers oferton për të privatizuar AlbPetrolin? Jo për gjë, por edhe privatizimi i ARMO ngjan deja vu me këtë që pritet të AlbPetrol tani.

Por mbase intuita ime gabon kësaj here; më kanë thënë që i besoj mendjes sime më tepër sesa duhet. Mbase duhet ta marr parasysh këtë këshillën

[BlueBaron]

Qe keto kompani te huaja te vijne te investojne ne Shqiperi, kjo perben nje risk te madh per investimet e tyre, pasi leket do te dalin nga xhepi i tyre e jo nga xhepi i shtetit shqiptar. Asnje qindarke nuk del nga xhepi i shtetit shqiptar. Dhe per ti joshur keta investitore, shteti nxjerr ligje si ai mbi koncensionet apo mbi tatimet, qe i lejon keto biznese qe te mos paguajne tatim mbi fitimin per disa vite. Kjo ul riskun e investimeve dhe krijon klimen e duhur qe privati te punoje e rikuperoje disa prej investimeve fillestare, e pastaj shteti fillon e takson.

Ka kompani qe jane privatizuar ku shteti ka ruajtur nje perqindje te aksioneve. Dhe shteti nuk merr tatim mbi fitimin, por merr perqindjen e fitimit qe kompania nxorri ne baze te perqindjes se aksioneve qe ka en pronesi.

Po ça thu o burre se na hoqe petllen fare tani !!!

Po ku e shef riskun ti tek AlbPetroli apo tek minierat e hidrocentralet.

Nuk eshte se ke marre zone eksplorimi dhe do fillosh te kerkosh edhe e ke bixhoz, ka ose nuk ka. Nafta, minierat dhe hidrocentralet jane aty or burre. Jane si puna e asaj lopes, na merre, mile, shite qumshtin dhe fut parate ne xhep.

Te heqesh tatimin mbi keto lloj biznesesh eshte krim dhe loje e pandershme me biznesin prodhues, tregtar dhe sherbimet ku gjithçka bazohet ne rregullat e egra te tregut. Eshte krim ndaj puntorit te cilin e taton per nje rroge te lodhur mujore, eshte krim per te varfrin qe shkon ne shkolle, per te semurin qe dergjet ne spital.

Sa prej ketyre kompanive ku shteti eshte aksioner jane fitimprurese dhe sa jane te ardhurat e shtetit ???

[Albo]

Po ku e shef riskun ti tek AlbPetroli apo tek minierat e hidrocentralet.

Risku eshte i jashtezakonshem: po investojne ne nje vend ku opozita bojkoton e sulmon institucionet demokratike te vendit dhe ben deklarata te papergjegjshme se do te "anulloje kontratat ligjore te shtetit per koncensionet e privatizimet". Po investojne ne nje vend qe per gjysmen e shekullit te XX ishte jo vetem vendi me i izoluar ne bote, por kish nje ekonomi te shtetezuar e komanduar nga shteti komunist, ku prona private i la vendin "prones se perbashket". Komunizmi mund te kete vdekur ne Shqiperi por dy brezat e shqiptareve qe u rriten me ate fryme jane ende gjalle.

Gjeja tjeter qe duhet te mesosh eshte qe nafta shqiptare nuk eshte nje nafte e pastert, nuk eshte nje nafte me cilesi te larte dhe e rafinueshme lehte. Mbaj mend lexova nje artikull ku firma kanadeze pretendonte se nje fuci nafte ne tregun boteror duhet te kete nje vlere te pakten $70/fuci ne menyre qe ajo te mbuloje shpenzimet e nxjerrjes dhe rafinimit te naftes shqiptare. Domethene kjo kompani fiton leke vetem nese cmimi i naftes ne tregun boteron qendron me lart se $70/fuci dhe humb leke nese bie poshte ketij niveli. Kur kjo ndodh, kompanite rrisin prodhimin kur cmimi rritet e ngadalesojne prodhimin kur ai bie.

Qe te ndertosh nje termocentral te vogel duhen disa milione euro investim. Qe te ndertosh nje hidrocentral te madh, sic po bejne austriaket ne Shqiper, kerkon disa miliarda euro investime. Dhe kur keto firma te huaja investojne ne nje vend si Shqiperia keto miliona e keto miliarda, duhet te kuptosh qe keto kapitale levizin nga ekonomite e vendeve te tyre, e futen ne ekonomine shqiptare.

Sa prej ketyre kompanive ku shteti eshte aksioner jane fitimprurese dhe sa jane te ardhurat e shtetit ???

Eksporti me i madh i Shqiperise sot per sot eshte eksporti i energjise. Shifrat ekzakte kerkoi tek INSTAT por ne 2010 lexova qe shteti kish siguruar $110 milion nga eksporti i energjise. Shteti ua blen energjise prodhuesve private e publike te vendit dhe ua shet vendeve fqinje.

Albo

[Albo]

‘Albpetroli’, konsulenti amerikan sjell në Shqipëri diplomatin Wisner

Dilemat e qeverisë për shpalljen e fituesit të tenderit të Albpetrolit do të zgjidhen pas takimeve me diplomatin e njohur amerikan Frank Wisner, i cili është tashmë në Shqipëri si përfaqësues i kompanisë konsulente për privatizimin e Albpetrolit, “Patton Boggs”. Lajmin për mbërritjen e Wisner e tha televizioni Top Channel. Sipas profilit të tij në Wikipedia, ai është një diplomat me karrierë të gjatë dhe është njohës i mirë çështjeve të Europës Juglindore. Karriera e tij përfshin edhe poste drejtuese në CIA dhe në FBI. Wisner mësohet se ka patur takime me zyrtarë të lartë në Tiranë, si përfaqësues i kompanisë ‘Patton Boggs’, amerikanes që këshillon Qeverinë shqiptare në vlerësimin e ofertave dhe kritereve për shitjen e ‘Albpetrol’. Pikërisht procesi i vlerësimit është dhe ai që po mban pezull dhe në heshtje fatin e privatizimit më të madh të të gjitha kohërave në Shqipëri. Ky proces duket jo pak i lehtë, veçanërisht në dy pika të nxehta, që lidhen me sigurinë e garancisë financiare dhe përmbushjen e kriterit strategjik. Në rastin e konsorciumit, që ofroi çmimin më të lartë në tender, në të dyja këto pika ka jo pak pikëpyetje. Së pari, ndonëse zyrtarisht nuk ka asnjë konfirmim, burime konfidenciale thonë që garancia është lëshuar nga një bankë, e cila nuk bën pjesë në 50 më kryesoret në botë, ashtu sikurse parashikon vendimi për kriteret që ka miratuar qeveria. Së dyti, veç pikëpyetjeve në lidhje me garancinë, i paqartë mbetët edhe kriteri strategjik, ai që detyron kompaninë fituese të ketë të paktën 5 vjet eksperiencë ndërkombëtare në sektorin energjetik. Nga të dhënat që janë publike, si për ‘Vetron’ ashtu dhe “Silk Road” ky kriter vihet në dyshim. Në gjithë këtë situatë të paqartë, vizita e Wisner-it në Tiranë vështirë të besohet se është e rastësishme. Ajo që dihet është se konsulenti amerikan në kontratën e tij ka një bonus fitimi sa herë tenderi ka sukses, pra ka një fitues. Dhe në këtë rast tarifa e suksesit është 2.5 për qind e çmimit të shitjes, ose 22 milionë euro.

MAPO

[Albo]

Haxhinasto nuk dha afat për Albpetrolin: Fituesi po verifikohet

Rezultatet për blerësin e ri të Albpetrolit do të dalin shumë shpejt, por autoritetet që po merren me procesin nuk japin afate konkrete. Ministri i Ekonomisë, Haxhinasto, deklaroi dje nga Shkodra se ofertuesve në ankandin për ‘Albpetrol’ po u kontrollohet gjithë dokumentacioni. “Nuk duhet të merremi me përfolje. Duhet të shikojmë, të ndjekim procesin, i cili është krejtësisht ligjor, krejtësisht transparent. Ju keni parë që janë administruar ofertat e dhëna nga kompanitë. Është periudhë verifikimi dokumentacionesh dhe shumë shpejt do të kemi vendimin përfundimtar të Komisionit përsa i takon ofertave që janë paraqitur për privatizimin e Albpetrolit”, tha Haxhinasto. “Komisioni do shqyrtojë ofertat e kompanive. Pas shqyrtimit të ofertave të kompanive do merret vendimi.”- u shpreh ministri. Të njëjtin qëndrim për këtë çështje ka mbajtur e gjithë ana e qeverisë. Pasi edhe kryeministri i vendit, Sali Berisha, në mbledhje me Grupin Parlamentar një ditë më parë ka kërkuar durim deri në shpalljen e rezultateve dhe ka vlerësuar procesin. Pavarësisht mungesës së informacionit mbi kompaninë që ka ofruar ofertën më të lartë, opozita ende nuk ka një qëndrim zyrtar për këtë çështje. Në garë për blerjen e Albpetrolit aktualisht janë tri kompani. Komisioni i Vlerësimit të ofertave për shitjen e Albpetrolit ka marrë në shqyrtim vetëm dokumentet e tri kompanive, pasi ofertat e tri të tjerave janë skualifikuar automatikisht qysh në krye të herës, për shkak se nuk kanë plotësuar kushtet themelore të garës, garancinë bankare. Burime nga Ministria e Ekonomisë sqarojnë se është në shqyrtim dokumentacioni i kompanive Vetro Silkroad Equity, Bankers Petrolium, Consorcium Win Bussines. Të njëjtat burime shpjegojnë se skualifikimi i tri dosjeve të tjera në shqyrtim është e bazuar në dokumentet ligjore mbi të cilat zhvillohet gara. Ligji sanksionon qartë se, nëse ofertat nuk shoqërohen me garanci bankare ato skualifikohen qysh në hapjen e zarfeve. Ofertat që u shoqëruan pa garanci bankare janë të kompanive Ecolog international, Gazprom dhe Amber Shine iNC. Ecolog international nuk po shqyrtohet, pasi nuk ofroi as çmim dhe as garanci bankare, ndërsa dy kompanitë e tjera ofruan çmim, por jo garanci. Ndërkohë që Komisioni i Vlerësimit të Ofertave është duke shqyrtuar vetëm tri oferta, kështu që koha për shqyrtimin e tyre të shkurtohet ndjeshëm në krahasim me rastin e 6 ofertave.

Konsorciumi “Vetro Silk Roud Equity” ofroi 850 milionë euro. Falë kësaj shume të konsiderueshme, vështirë që pozitat e konsorciumit në garën për kompaninë shqiptare të naftës të lëkunden gjatë shqyrtimit të ofertuesve të tjerë. Sipas kritereve të vendosura nga qeveria për përcaktimin e fituesit për ofertën më të mirë financiare, kompania merr 75 për qind të pikëve në tender, ndërkohë që 25 për qind kanë të bëjnë me kushte teknike.

Konsorciumi i përbërë nga “Vetro” dhe ‘Silk Road Equity” nuk është shumë i njohur për shkak se kompanive që ka bërë ofertë Vetro nuk ka shumë të dhëna.

MAPO

[BlueBaron]

Risku eshte i jashtezakonshem: po investojne ne nje vend ku opozita bojkoton e sulmon institucionet demokratike te vendit dhe ben deklarata te papergjegjshme se do te "anulloje kontratat ligjore te shtetit per koncensionet e privatizimet". Po investojne ne nje vend qe per gjysmen e shekullit te XX ishte jo vetem vendi me i izoluar ne bote, por kish nje ekonomi te shtetezuar e komanduar nga shteti komunist, ku prona private i la vendin "prones se perbashket". Komunizmi mund te kete vdekur ne Shqiperi por dy brezat e shqiptareve qe u rriten me ate fryme jane ende gjalle.

Realisht ti si Albo, sa shonce mendon se ka opozita te anulloje kontratat dhe koncesionet e qeverise Berisha ???
Une them ZERO dhe nje ZERO e sigurte dhe e betonuar mire. Askush nuk guxon te provoje aventurat e politikaneve afrikane. Jane vetem llafe boshe per konsumim ditor. Çdo investitor e di se kontratat e konçesioneve JANE TE BLINDUARA si nga ligjet nderkombetare ashtu edhe nga politika.
Historia dhe e kaluara vendit ku investojne nuk ka te beje fare me investimin. Paraja nuk ka as flamur as krah politik !!!

Gjeja tjeter qe duhet te mesosh eshte qe nafta shqiptare nuk eshte nje nafte e pastert, nuk eshte nje nafte me cilesi te larte dhe e rafinueshme lehte. Mbaj mend lexova nje artikull ku firma kanadeze pretendonte se nje fuci nafte ne tregun boteror duhet te kete nje vlere te pakten $70/fuci ne menyre qe ajo te mbuloje shpenzimet e nxjerrjes dhe rafinimit te naftes shqiptare. Domethene kjo kompani fiton leke vetem nese cmimi i naftes ne tregun boteron qendron me lart se $70/fuci dhe humb leke nese bie poshte ketij niveli. Kur kjo ndodh, kompanite rrisin prodhimin kur cmimi rritet e ngadalesojne prodhimin kur ai bie.

Dmth qeveria ja paska fut rendshem fare ketyre investitoreve. Keshtu po thua ne kete paragraf. Pra, dmth keto investitoret qenkan qypa fare qe nuk ja paskan idene se ku dhe çfare kane blere. Business Intelligence e tyre qenka nje zero me bisht perderisa nuk kane mundur te sigurojne te dhena per cilesine e naftes. Ose Business Intelligence e tyre qenka super perderisa jane te sigurte qe çmimi naftes nuk do te bjere nen 70$/fuçi per nje kohe te gjate.
Nqs eshte e para, bravo qeveria. Nqs eshte e dyta turp qeveria. Nuk arriti te kishte nje konsulence profesionale, mgjs ka paguar nje firme ekspertesh per kete çeshtje.
Ajo qe mendoj une eshte se çmimi minimal 70$/fuçi eshte nje perralle e sajuar.

Qe te ndertosh nje termocentral te vogel duhen disa milione euro investim. Qe te ndertosh nje hidrocentral te madh, sic po bejne austriaket ne Shqiper, kerkon disa miliarda euro investime. Dhe kur keto firma te huaja investojne ne nje vend si Shqiperia keto miliona e keto miliarda, duhet te kuptosh qe keto kapitale levizin nga ekonomite e vendeve te tyre, e futen ne ekonomine shqiptare.

Arsyetimi yt me pelqen, por merr parasysh vetem shifren e parave, dmth miliardin e €urove.
Realisht sa perqind e ketij miliardi mendon ti se perfundon ne xhepat e shqiptareve apo te qeverise shqiptare ???
Une them vetem perqindja qe i perket forces puntore dhe lendes se pare te ndertimi (çimento, gure, tulla, rere). Ndersa instrumentat dhe materialet elektrike dhe instrumentat duke filluar qe nga kabujt me te holle dhe duke perfunduar tek turbinat jane te gjitha mall importi. Pra perqindja e miliardit qe i takon te mbetet ne Shqiperi eshte mjaft e vogel. Ajo qe duhet te kuptosh ti eshte se perfitimi i shtetit ne kete rast eshte vetem tatimi dhe taksa, asgje me shume. Nqs i heqim edhe tatimin perfitimi i shtetit eshte zero, per nje biznes disa milionesh.
Çfare do t'i levrdiste shtetit ??? Te ishte ortak me austriakun ne formen 50% + 1 te aksioneve, sa per te pasur kontrollin meqe eshte pronar i truallit, burimit ujor dhe per te pasur dore te lire mbi kontrollin e llogarive, ndersa fitimi te ndahej 50 me 50. Pra keto te ardhura do te shterrojne, vetem kur te shterroje uji i lumit !!!

Eksporti me i madh i Shqiperise sot per sot eshte eksporti i energjise. Shifrat ekzakte kerkoi tek INSTAT por ne 2010 lexova qe shteti kish siguruar $110 milion nga eksporti i energjise. Shteti ua blen energjise prodhuesve private e publike te vendit dhe ua shet vendeve fqinje.

Albo

Ore, aktualisht eksporti i energjise elektrike eshte monopol shteti. Dhe shume mire e kane qe e mbajne monopol. Por une te pyeta sa jane te ardhurat e shtetit nga kompanite ku eshte aksioner. Ndersa ti me the duhet te kerkosh tek INSTAT. Pra duhet te jene irrilevante, se perndryshe do t'i kishe lexuar siç ke lexuar kete punen e 110 mln.
Pra qeveria ben nje gabim kolosal dhe strategjik. Mban ne pronesi aksione te cilat krijojne vlera irrilevante dhe fal sektore strategjike siç eshte energjitika, qe krijon te ardhura ne periudhen afatgjate.



BlueBaron, dora vete ...

[user010]

Albo e kalove ç'do masë.. as një herë nuk të kam ofenduar

Në radhë të parë nuk të lejojë të përdorësh sharje drejt mua. Nuk do e bëj mundim se po desha të bëj vetëm me argumente që të flasësh me vete.. dhe të tregoj një për një se ti me të vërteta të vogla po na shet këtu një gënjeshtër të madhe.. pastaj do e shikojmë jam unë idiot apo ti këlysh i paguar! Sikur edhe një njeri të ketë këtu qe vret mendjen mua më mjafton.. ai do e kuptoi kush je!

Ty BlueBaroon kush të shau?? Në qoftë se mundesh me argumente të tregosh se unë jam dhi nga mendja.. unë do e qep gojën, kaq thjesht! Ndryshe të këshillojë mos të nxitohesh të nxjerrësh konkluzione, dhe akoma më keq të përdorësh këto fjalë për një person të cilin nuk e njeh!

Albo ti mendon se këtu është punë ekonomie në këtë mes.. jo punë grabitje!! Dhe pastaj më quan mua idiot!!??

[user010]

Ky postim është vetëm për ata çuna këtu që nuk janë fanatizuar pas politikës.. dhe sigurisht për ata që kan oreks sepse është shumë i madh. Ato që shkruaj këtu janë pjesë e kohës time personale dhe të sinqerta, ato unë do i lë të kenë "shijen" që ju meritonë dhe jo shijen që do Albo tju japi. Pra me sa më pak fjalë do justifikojë mendimet që postova, nuk më intereson ti mbrojë me ç'do kusht, nuk jam ndonjë guru, thjesht ti justifikojë... dhe të duket përse këto mendime bërën që të dali një nga fytyrat e Albos, pra sharja!

Sa për BlueBaroon, lista e injorimit mjafton, por Albo është shumë i rrezikshëm për tu injoruar.. sepse ai prodhon sasi të mëdha postimesh pro qeverisë (Rama nuk besojë se është më i mirë) dhe sistemit grabitqarë!


Mendim: Nuk e kuptoj këtë punën e privatizimeve ka plasur si peshku...Po jepen për një copë bukë!??
Justifikim: Është një plan prej shumë vitesh.. korrupsion, borxhe, rrëzim i ekonomisë të vërtetë dhe më në fund privatizime. Po ti biesh lapsit të japësh diçka që prodhon ditë më ditë për një çmim fiks është humbje. Pastaj se sa shumë interesohen për popullin ata që bëjnë privatizimet.. po e lë tek ju ta mendoni! Po korruptove shtetin dhe popullin gjithë këto vite, vjen pastaj me plot të drejtë dhe thua.. me që shteti është i pa aftë (dhe me të vërtetë është për deri sa i tunde nënën kaqe vite c'do institucioni) duhet të privatizojmë.

Mendim: Këta privatët, kaq budallenj janë që venë dhe blejnë??? Dhe po nuk janë budallenj.. përse vallë ne i shesim.. të babait i ka Sala??
Justifikim: Jo vetëm budallenj nuk janë.. por ja u kemi parë fytyrën më se mirë.. një fytyrë kan hajdutët!

Mendim: Dhe një gjë tjetër, mbase është budallallëk, nuk di nga ekonomia, por për deri sa duan ta shesin, përse nuk ja shesin popullit, gjithë këta veta...
Justifikim: "nuk di nga ekonomia" është një shprehje pak ironike, thjesht dua të them që nuk quaj sistemin e sotëm ekonomi pro grabitje! Fjala origjinale përmban "οίκος"-ikos = shtëpi.., flet për menaxhim jo grabitje Nuk mund të them se kjo është rruga me e mirë, por jam i sigurtë që do ishte shumë më mirë që në vënd të 1 privati Amerikan ta blinin pronën disa mijra Shqiptarë. Leku do ishte në duar Shqiptare dhe ajo do na ndronte dhe pak mentalitetin.. pra që shteti jemi ne në të vërtetë dhe jo ajo që duan grabitqarët të na bëjn të besojmë. Ky mendimi timi nuk e kuptoj ça lidhje ka me Enverin?? kur e bëri Enveri një gjë të tillë?? Por persona si Albo të vën direkt tabela, ose të shajnë.. kështu jan mësuar, ça pret!

Mendim: Se dhe kështu të vi tjetri... të të bëj budalla dhe të pasurohet me pronën tënde...
Justifikim: Po nuk ja vlen që ta kesh shtëpinë mbi naftë (p.sh në Fier) dhe të biesh për gjumë me barkun boshë dhe të jesh bërë si i dytë nga ankthi!

Mendim: Sala do iki do vdesi ... por kusuret do i lëri në krahët e fëmive tanë! Ça e mbani më atë tradhëtar atje..
Koment: Kjo duhet ta ketë fajin që Albo u çmend fare dhe filloi me të sharë.. por nuk ka shans të lejohen këto sharje. Kush ka argumente le të flasë.. por mos më rrini pas ekranit dhe shani njerzit e tjerë!

[Albo]

Dmth qeveria ja paska fut rendshem fare ketyre investitoreve. Keshtu po thua ne kete paragraf. Pra, dmth keto investitoret qenkan qypa fare qe nuk ja paskan idene se ku dhe çfare kane blere. Business Intelligence e tyre qenka nje zero me bisht perderisa nuk kane mundur te sigurojne te dhena per cilesine e naftes. Ose Business Intelligence e tyre qenka super perderisa jane te sigurte qe çmimi naftes nuk do te bjere nen 70$/fuçi per nje kohe te gjate.
Nqs eshte e para, bravo qeveria. Nqs eshte e dyta turp qeveria. Nuk arriti te kishte nje konsulence profesionale, mgjs ka paguar nje firme ekspertesh per kete çeshtje.
Ajo qe mendoj une eshte se çmimi minimal 70$/fuçi eshte nje perralle e sajuar.

Qe nafta shqiptare nuk eshte e cilesise se mire, kete e dime qe nga koha e Zogut, kur firmat italiane ishin te parat qe filluan nxjerrjen e naftes shqiptare. Firma kanadeze investoi ne Shqiperi pasi cmimi i naftes ne tregun boteror eshte i larte dhe kerkesa per nafte eshte e jashtezakonshme. Arsyeja tjeter perse firma kanadeze investoi eshte ajo qe te dhashe me lart: askush nuk e di me saktesi nivelin e rezervave te naftes se nentokes shqiptare.

Biznesi eshte biznes, eshte me interes si per firmen private qe fiton me te drejte, eshte edhe ne interesin e shtetit shqiptar qe merr perqindjen e fitimit dhe rrit rendimentin e prodhimit te naftes se vendit ne tregun shqiptar.

Une them vetem perqindja qe i perket forces puntore dhe lendes se pare te ndertimi (çimento, gure, tulla, rere). Ndersa instrumentat dhe materialet elektrike dhe instrumentat duke filluar qe nga kabujt me te holle dhe duke perfunduar tek turbinat jane te gjitha mall importi. Pra perqindja e miliardit qe i takon te mbetet ne Shqiperi eshte mjaft e vogel. Ajo qe duhet te kuptosh ti eshte se perfitimi i shtetit ne kete rast eshte vetem tatimi dhe taksa, asgje me shume. Nqs i heqim edhe tatimin perfitimi i shtetit eshte zero, per nje biznes disa milionesh.
Çfare do t'i levrdiste shtetit ??? Te ishte ortak me austriakun ne formen 50% + 1 te aksioneve, sa per te pasur kontrollin meqe eshte pronar i truallit, burimit ujor dhe per te pasur dore te lire mbi kontrollin e llogarive, ndersa fitimi te ndahej 50 me 50. Pra keto te ardhura do te shterrojne, vetem kur te shterroje uji i lumit !!!

Ai fshatari toka e se cilit do te mbulohet nga uji i hidrocentralit mbi kasaden e Devollit qe austriaket po ndertojne, do te demshperblehet nga shteti me nje vlere shume here me te larte se sa ai mund te merrte po ta shiste vete ne privat. Ngritja e hidrocentralit do te beje qe ne vend te hapen perseri vende pune per inxhinieri elektrike e mekanike, studentet e ketyre degeve do te mund te punesohen ne kete industri. Shqiptareve nuk do t'iu mungoje me energjia, e nuk do te ngelen me pa drita, pasi Shqiperia do te prodhoje aq shume energji, sa te mund ta eksportoje edhe vendeve fqinje qe kane probleme me energjine. Sic te thashe me lart, eksporti me i madh i Shqiperise deri me sot ka qene energjia elektrike. Ata punetoret qe do te punojne ne keto vepra gjigande, do te marrin nje eksperience pune pasi do te perdorin teknologjine me te fundit e do te punojne krah me krah me eksperte te huaj. Ne vend do te krijohet fuqia punetore e kualifikuar per te mirembajtur e menaxhuar vepra te tilla dhe kjo eshte nje arritje ne vetvete.

Nuk e ke te qarte fare se si punojne koncensionet. Koncesioni eshte nje kontrate e shtetit shqiptar me firmen private per 30+ vjet, ku shteti i ve ne dispozicion firmes burimet e veta natyrore (ne kete rast kaskaden e lumit Devoll) dhe i garanton firmes blerjen e gjithe energjise qe prodhon me nje cmim te arsyeshem. Firma nga ana e saj eshte pergjegjese per vleren totale te investimit, menaxhimin dhe venien ne pune te biznesit. Pas 30 vjetesh, shteti shqiptar ka te drejte te zgjedhi nje nga te dyja: ta rinovoje kontraten per 30 vjet te tjera nese eshte me interes per te; ose te mos e rinovoje e marrin ne pronesi hidrocentralin e ndertuar.

Firma private ka 30 vjet per te rekuperuar investimin fillestar dhe per te nxjerre fitimin e saj. Pas 30 vjetesh vepra shume kollaj mund te kaloje ne pronesi te shtetit shqiptar. Fitimi i shtetit nuk jane vetem taksa e tatimi, por jane edhe taksen qe u mbledh gjithe punetoreve te punesuar nga kjo firme, eshte fitimi qe nxjerr duke e shitur energjine qe keto hidrocentrale prodhojne vendeve fqinje, ashtu sic eshte edhe zgjidhja e furnizimit te vendit me energji. Pa harruar qe pas 30 vjetesh shteti mund ta kaloje ate hidrocentral ne pronesine e vete, por nuk ka perse e ben kete pasi e ka te qarte qe shteti nuk mund te menaxhoje dot vepra te tilla. Pa harruar qe keto investime te huaja rrisin GDP e vendit, rrisin te ardhurat e shtetit, rrisin te ardhurat per fryme, rrisin numrin e te punesuarve ne vend, ashtu sic rrisin edhe eksportet e vendit. Pa harruar qe energjia dhe sigurimi i saj konsiderohet ceshtje sigurie kombetare per te gjithe vendet e botes.

Koncensionet garantojne investime ne vepra me interes te madh publik me fondet e investitoreve private, pa nje kacidhe nga buxheti i shtetit apo xhepi i taksapaguesve shqiptare.

Albo

[DYDRINAS]

Oferta 850 milion euro është fituesja e Albpetrolit

28 Shtator, 2012 | Postuar në: Aktualitet,Ekonomia,Kryesore | Shkruar nga: TemA


Ashtu siç edhe ishte paralajmëruar, oferta më e lartë është edhe fituesja e tenderit për kompaninë shtetërore Albpetrol.

Kryetari i komisionit të tenderit, zëvendësministri i Ekonomisë, Sokol Dervishaj, foli me superlativa për ofertën e konsorciumit Vetro SilkRoad, duke thënë se ajo plotëson të gjitha kriteret dhe ka dalë e para në vlerësimin e bërë nga kompania e konsulencës Patton Boggs.

Sipas tij, në raportin e pikëzimit, 75 përqind shkon për ofertën financiare, kurse 25 përqind shkojnë për ofertën teknike. Ai tha se Vetro SilkRoad ka marrë totalin e pikëve në ofertën financiare dhe shumicën e pikëve në ofertën teknike.

Më pas në renditjen e përcaktuar nga konsulenti Patton Boggs, vjen konsorciumi Win Business dhe në vend të tretë Bankers Petroleum.

Dervishaj tha se dy kompani, ajo Ecolog dhe Gazprom, janë skualifikuar të parat, duke lënë në garë vetëm katër kompani, nga gjashtë që ishin në fillim. Kompanitë e skualifikuara nuk kishin paraqitur garancitë e nevojshme.

Më pas Dervishaj tha se iu është kërkuar kompanive të mbetura në garë që të plotësojnë dokumentacionin përkatës.

Kompania me ofertën e dytë më të lartë, Amber Shine, ka sjellë një dokumentacion të mangët, madje duke shkruar diku që oferta është 790 milion euro dhe diku tjetër që oferta është 750 milion euro. Kompania nuk kishte certifikatën ISO dhe në deklaratën e dorëzuar pranë komisionit të tenderit ka pranuar vetë se nuk plotësonte kushtet.

Më pas Dervishaj ka theksuar se edhe pse Bankers Petroleum ofronte 303.8 milion euro, oferta financiare e saj ishte vetëm 106.6 milion euro. Pjesa tjetër përfshinte programin social, programin e punës dhe dëmshpërblimin e punonjësve. Ai tha se garancia është lëshuar nga Raiffeisen Bank.

Duke u ndalur më gjatë tek oferta prej 850 milion euro e Vetro SilkRoad, Dervishaj tha se kishte kërkuar më shumë informacion në lidhje me këtë kompani, për shkak të ofertës së lartë.

Dervishaj tha se Vetro Energy, një nga dy kompanitë në konsorciumin ofertues, konsulencën e ka nga grupi i njohur bankar, BNP Paribas. Kurse certifikatën ISO e ka pasur kompania tjetër në konsorcium, SilkRoad.

“Kompania ka dorëzuar edhe dokumentacionin origjinal për aksionerët,” tha Dervishaj.

Zëvendësministri tha se të dy kompanitë në konsorcium, si Vetro Energy, edhe ajo SilkRoad, kanë në zotërim kompani me emër në fushën e naftës dhe gazit në SHBA.

Duke prezantuar raportin e konsulentit, Dervishaj tha se Patton Boggs ka kryer një punë të lavdërueshme.

“Ai na ka paraqitur raportin paraprak, që është një dokument i rëndësishëm. Në këtë dokumentacion, paraqitet e gjithë ecuria, e gjithë problematika, standardet e kompanive dhe raporti i pikëzimit. Në raportin e pikëzimit, ju kemi thënë se 75 përqind të pikëve i përcakton oferta financiare, 25 përqind oferta teknike. Nga verifikimet që janë bërë, rezulton se VetroEnergy është kompania që ka marrë më shumë pikë në vlerësim të gjitha aspekteve të asaj që do të bëjë nesër,” tha Dervishaj.

Ai tha se “do njoftohet kjo renditje dhe brenda pesë ditëve kompanitë mund të bëjnë apelimin”.

Më pas kompania është e lirë që të pranojë kontratën dhe ta lidhë atë pranë Ministrisë së Ekonomisë.

Ende nuk dihet se cili do jetë qëndrimi i Ilir Metës për këtë çështje, pasi ai ka deklaruar se nuk ka rëndësi oferta monetare, por serioziteti i kompanisë. Kurse Jozefina Topalli deklaroi se më të rëndësishme janë paratë.

Për Albpetrolin u zhvillua një garë interesante, pasi oferta e parë ndryshonte shumë nga ofertat e tjera.


tema