Privatizimi i Albpetrol: Anulohet privatizimi, procesi rinis pas zgjedhje

[Smth_Poetic]

A eshte e vertete qe taci e bleu kete albpetrolin apo jane thjeshte thashetheme?

[safinator]

A eshte e vertete qe taci e bleu kete albpetrolin apo jane thjeshte thashetheme?

Ka 51% te aksioneve.

[Albo]

Privatizimi i Albpetrolit



Albpetroli, firma e vetme shtetërore që shfrytëzon fushat e naftës në Shqipëri, është një nga pasuritë më të mëdha publike që po privatizohet. Firma fituese e tenderimit, koncorsiumi Vetro Energy, ka ofruar 850 milionë Euro për blerjen e Albpetrolit. Kjo firmë duhet të depozitojë tani në formë të paakthyeshme, 20 për qind të vleftës për të filluar negociatat me qeverinë shqiptare. Në këtë proces qeveria shqiptare ka marrë si këshilltar ligjor firmën amerikane Patton Boggs. Kolegu Arben Xhixho bisedoi me avokatin David Farber, lidhur me procesin e privatizimit të Albpetrolit.

VOA: Zoti Farber faleminderit për këtë intervistë. Albpetroli është një nga pasuritë më të rëndësishme që Shqipëria po privatizon, të paktën nga vlera monetare. A mund të na sqaroni fillimisht rolin që luajti firma juaj në këtë proces?

D. Farber: Patton Boggs, së bashku me partnerët tanë në Tiranë, studion e njohur ligjore Zaka-Kosta, shërbyen si këshilltarë të ministrisë së Energjitikës për privatizimin e Albpetrolit. Ky angazhim filloi para disa vitesh, na u desh kohë e gjatë të vijmë deri këtu, por sot jam i kënaqur që jemi në këtë fazë të projektit. Pra ne kemi shërbyer si këshilltarë së bashku me partnerin tonë lokal Zaka-Kosta.

VOA: A ishte firma juaj ajo që bëri vlerësimin e gjithë ofertave, duke i klasifikuar ato? Dhe si e bëtë ju renditjen?

D. Farber: Patton Boggs në partneritet me firmën Zaka-Kosta bën vlerësimin e ofertave. Siç e dini periudha e paraqitjes së ofertave u hap më 6 ose7 shtator dhe ne menjëherë filluam vlerësimin e tyre. Ofertat, me një përjashtim të vetëm, kishin paraqitur dokumente të shumta, kishim materiale të bollshme financiare për të vlerësuar. Firmat e interesuara paraqitën planin e biznesit 5 vjeçar, ne bëmë vlerësimin e tyre, i vlerësuam ofertat për nga kriteret teknike, në se i plotësonin ato apo jo, dhe pastaj vlerësuam çdo ofertë në tërësi. Patëm 6 oferta, bëmë vlerësimin për secilën prej tyre. Kriteret si pjesë e procesit të tenderimit, ishin bërë të njohura që në fillim, që kur u shpall privatizimi. Që atëhere u përcaktua se si do të bëhej vlerësimi dhe klasifikimi i çdo elementi të procesit të privatizimit. Bazuar në këtë proces, vlerësuam çdo ofertë dhe raportin përfundimtar ia dërguam ministrisë shqiptare me rekomandimin tonë.

VOA: Dy ndër elementët kryesorë vlerësues ishin kriteret teknike, pra përvoja e firmave në shfrytëzimin e fushave të naftës dhe kriteret monetare, pra sa para do të ofronin ato.

D. Farber: Po ashtu është.

VOA: Le të ndalemi tek secila prej tyre. Me atë që dini ju, kur u krijua firma YPO dhe çfarë përvoje teknike sjell ajo, që e kualifikon mbi të tjerat?

D. Farber: Po keni të drejtë. Kriteret u ndanë në dy kategori kryesore, në atë financiare, që ishte thjesht shuma që do të ofronin. Kriteri financiar do merte një vlerësim deri në 75 pikë ....

VOA: Do të ndalemi tek ana financiare më vonë, por le të flasim për aspektet teknike në fillim.

D. Farber: Për anën teknike, pyetja juaj ishte përse u zgjodh YPO. Ne nuk vlerësuam firmën YPO më vete. Firma YPO është pjesë e një koncorsiumi, ku bëjnë pjesë Silk Road Equity, dhe dy partnerët e tjerë, Huddleston Energy dhe Home Creek Energy. Ne e vlerësuam koncorsiumin në tërësi dhe bazuar në kualifikimet e koncorsiumit ishim në gjendje të vlerësonim përvojën, aftësitë teknike, si dhe aftësinë për të realizuar planin 5 vjeçar të biznesit. Në rastin e firmës Vetro, ajo që ishte e veçantë për të, është se oferta e tyre mbështetej edhe nga një bankë investuese ndërkombëtare BNP Paribas, me përvojë të gjatë në sektorin e energjitikës.


VOA: Cili është roli i kësaj banke? A e këshillon ajo firmën YPO?

D. Farber: Nuk e di në se ajo këshillon firmën YPO ose jo, por ajo këshillon koncorsiumin Vetro, pra këtu kemi një kombinim të dy elementëve kryesorë të koncorsiumit, SiklkRoad YPO dhe Huddleston e Home Creek nga njera anë dhe bankën investuese që është këshilltare e tyre, nga ana tjetër, që ne na u paraqit si pjesë e ofertës. Ne analizuam këtë përvojë dhe i kërkuam, jo vetëm Vetro-s, por të gjitha firmave, që paraqitën oferta, të na japin hollësi të shumta nga përvojat e së kaluarës, në shfrytëzuimin e naftës dhe gazit si dhe në tregëtimin e tyre. Të gjitha firmat e interesuara, jo vetëm Vetro, na paraqitën projekte konkrete që kanë kryer, fusha nafte që kanë shfrytëzuar. E morrëm këtë informacion nga të gjitha firmat. Pastaj bëmë punën tonë për të kontrolluar me sa mundëm informacionin. Verifikuam një pjesë të mirë të tij, dhe kjo na çoi në klasifikimin e firmave nga ana teknike. Dua të theksoj se vlerësimi teknik, nuk kishte të bënte thjesht me aftësinë për të drejtuar një biznes të caktuar, apo për planin 5 vjeçar të biznesit, por edhe për çështje të tjera, si për shembull për ato mjedisore, shëndetësore të sigurimit teknik, të punësimit e të tjera.

VOA: Edhe një pyetje e fundit për aspektet teknike. A është e saktë të thuhet se dy firmat, Huddleston Energy dhe Home Creek Energy, janë dy firmat kryesore të konsorciumit për shfrytëzimin e fushave të naftës në Shqipëri?

D. Farber: Po ato janë qendra e ekspertizës teknike. Të dyja ato kanë përvojë të gjatë dhe secila prej tyre këshillon konsorciumin Vetro...

VOA: Cili është roli i firmës Silk Road Equity?

D. Farber: Ajo është partnere me firmën YPO dhe së bashku janë pronare të koncorsiumit Vetro.

VOA: Silk Road nuk është e specializuar në energjitikë, a do të jetë roli i saj më shumë në aspektet financiare të koncorsiumit?

D. Farber: Nuk më kujtohen hollësitë e përvojës së tyre në sektorin energjitik, për momentin nuk më kujtohen, por pa dyshim ata do të ofrojnë një pjesë të mbështetjes financiare.


VOA: Ju thatë se aspektet financiare morën deri në 75 pikë. ..... një ndër kriteret kryesore ishte përzgjedhja e atij që paguante më shumë. Dhe oferta më e lartë ishte rreth 1,1 miliard dollarë ose 850 milion euro. Dhe ata duhet t’ia paguajnë këtë në cash qeverisë shqiptare në mbarim të negociatave. A i kanë ata këto para?

D. Farber: Çdo gjë që kemi parë deri tani na jep të kuptojmë se ky nuk do të jetë problem. Por çështja këtu është se si kanë ndërmend ata ta financojnë këtë marrëveshje, pra nëse i kanë paratë në dorë, apo do t’i marrin hua. Kjo varet krejtësisht prej tyre.

VOA: Nga ajo që dini ju, a i kanë ata paratë në banka dhe do t’ia transferojnë qeverisë shqiptare?

D. Farber: Nuk mund të hyj në hollësi për mundësitë financiare. Unë e kam studiuar gjendjen e tyre financiare por nuk dua të hyj aty.

VOA: Apo do t’i sigurojnë me hua? Sepse këtu ka dy zgjidhje, ose i kanë paratë, ose do t’i sigurojnë diku? Pra nga do të vijnë 850 milion eurot?

D. Farber: Si konsulent i ministrisë, nuk dua të shpreh hamendje se çfarë synimesh ka konsorciumi. Nuk e di, sepse është punë e tyre se si do të vendosin, se si do ta financojnë marrëveshjen. Pra, nëse do t’i marrin paratë borxh, do t’i gjejnë paratë në ndonjë mënyrë tjetër, apo do t’i marrin nga llogaria e tyre bankare. Kjo do të varet nga konsorciumi dhe nuk është çështje e ministrisë.

VOA: Por ju si konsulent i ministrisë duhet të jeni në gjendje të thoni se ata janë të aftë t’i gjejnë paratë, bazuar në atë që ju keni parë, apo jo?

D. Farber: Mos harroni se procesi funksionon kështu: për t’u kualifikuar për të bërë një ofertë, jo vetëm për Vetron por edhe për të tjerët, duhet të depozitosh një garanci në formë parash. Qëllimi i këtyre parave është pikërisht ky, që të mund të kemi firma serioze në tryezë, pra jo firma që thjesht thonë se janë në gjendje të paguajnë e që në fakt nuk janë. Me shpalljen e konsorciumit si fitues, që u bë javën e kaluar, kërkesa për këtë garanci dyfishohet dhe bëhet 20 përqind. Këtu flitet për shumë para...

VOA: Pra, rreth 200 milion dollarë, që duhet të depozitohen në një bankë.

D. Farber: Fjala tani është 170 milion euro, pra 20 përqind, që do të ofrohen nga një bankë si garanci e pakthyeshme, që ne mund t’i kërkojmë në çdo kohë për të mbështetur realizimin e procesit. Ne besojmë se kjo do të ndodhë shpejt, përndryshe procesi nuk do të shkojë përpara. Më lejoni të shtojë se këtu flitet për një sasi shumë të madhe parash që dikush i depoziton si garanci e pakthyeshme dhe kështu duhet të funksionojë procesi.

VOA: A është kjo e njëjta bankë ku është depozituar edhe 10 përqindëshi i parë, The American Charter Bank?

D. Farber: Ne parashikojmë që garancia prej 20 përqind do të jetë nga një bankë tjetër.

VOA: Pra, nëse negociatat nuk realizohen, konsorciumi humbet 170 milion euro. Por si mund t’i humbasë ai kur nuk i ka këto para?

D. Farber: Këtu është edhe i gjithë qëllimi që banka vendos një garanci të pakthyeshme. Pjesë e procesit është garantimi që hollësitë e ofertave të mbahen konfidenciale dhe ne e respektojmë këtë. Ajo që ne dimë është se kjo duhet të jetë një garanci e parevokueshme nga një bankë e madhe dhe këtë presim.

VOA: Sa pritet të zgjasin negociatat?

D. Farber: Ne ende nuk i kemi datat e sakta por sigurisht ne dëshirojmë që ato të fillojnë menjëherë. Varet se kur do ta njoftojë këtë konsorciumi dhe me ta njoftuar negociatat do të fillojnë.


Intervistoi: Arben Xhixho

Zeri i Amerikes

[Dajlan]

Nje nga efektet pozitive te privatizimeve te ndermarrjeve publike, eshte edhe efekti i ndikimit ne rritje te biznesit te madh, te mesem e te vogel ne Shqiperi mbi klasen politike. Jo me larg se 6 vjet me pare, qeveria shqiptare mund te kalonte ligje ne Kuvend duke anashkaluar cdo ankimim te dhomave te biznesit. Ajo qe po ndodh ne Shqiperi se me rritjen e numrit te privatizimeve te ndermarrjeve publike, me rritjen e numrit te investitoreve te huaj ne vend, ndikimi publik, mediatik, politik i biznesit ne vend eshte ne rritje. Dhe kjo eshte gje shume pozitive per Shqiperine pasi politikanet dhe pushtetaret nuk mund te nderrmarin dot kollaj politika ne dem te interesave te biznesit dhe ekonomise shqiptare sic kane bere ne te shkuaren. Do t'iu duhet qe te dialogojne e bejne kompromise me biznesin vendas.

Dhe kjo ka per te detyruar qeverine qe te jete me e ndeshme ndaj nevojave e shqetesimeve te biznesit ne vend. Po te kesh vene re, nuk eshte me vetem PD dhe Berisha qe mban takime me biznesin e vendit ne vend, por eshte edhe opozita socialiste. Kjo eshte nje arritje ne vetvete, pasi edhe socialistet kane arritur tashme te kuptojne qe nuk mund te vijne me dot ne pushtet me premtime e politika qe prekin interesat e biznesit te vogel, te mesem e te madh ne vend. Kjo ka per te bere qe ngercet administrative te se shkuares te zgjidhen nga shteti ne nje kohe rekord.

Albo

Ajo qe ka qene e pergjegjshme eshte qeveria e para 6 vjetve, e cila asnjehere nuk duhet ngaterruar me qeverine e sotme. Qeveria e sotme nuk e ve me ujin ne zjarr per efektet e ligjeve qe miraton ndaj biznesit. Do te te jap dy shembuj. Mospagesa e debive qe qeveria ka ndaj kompanive, si per kryerje investimesh (pune publike) ashtu edhe ne kuader te detyrimeve tatimore (TVSH e rimbursueshme etj). Vetem borxhet qe ka per kthimin e TVSH ndaj KURUM (e cila puneson mbi 2000 punonjes) shkojne mbi 30 mil Euro. Tjeter shiko ndryshimin e ligjit te energjise ku kompani si KURUM, ACR.... qe jane firmat me te medha prodhuese, u detyruan nepermjet ligjit te ri te hyre ne fuqi ne Jan 12, qe te kalonin nga statusi i klientve tarifor ne statusin e klientve te kualifikuar duke ju rritur kostot me minimumi 30%, pa mare parasysh asnje efekt. Per te mos folur per detyrimin e qeverise te akumuluar nder vite ndaj CEZ, i cili i detyrohet KESH-it, KESHi i detyrohet prodhuesve te vegjel dhe prodhuesit rrisin NPL te bankat pasi jane kthyer ne mospagues te kesteve te kredise.

Eshte e vertet qe si Qeveria dhe PS i ftojne bizneset ne workshope te tyre, por ajo qe bejne aty eshte nje teater. Aty kryhet prezantimi i arritjeve / sharjeve te njeri-tjetrit (PD vs PS) dhe asgje me shume, asnje strategji, asnje konkrete, just ASGJE.

Shoqata me e fuqishme e bisnezeve eshte dhoma Amerikane e Tregetise ne Tirane. Kjo shoqate ankohet vazhdimisht per zbatueshmerine e taksave dhe te gjobave te vendosura nga tatimet. Drejtori i tatim taksave pati frike te shkonte ne workshopin e pervitshem te kesaj dhome pasi e dinte qe te gjitha perfaqsuesit e bisnezit ne kete shoqate do ta shqyenin me kritika per masakren qe ka bere me gjoba dhe arbitraritetin e tij. http://www.amcham.com.al/calendar/Business_Forum-en.php

[Albo]

Zbardhet dosja “Albpetrol”, cilët janë amerikanët që do të paguajnë paratë

Analiza e cila çoi në shpalljen fitues të konsorciumit “Vetro Energy” në tenderin e shitjes së “Albpetrol”-it është zbardhur dje e plotë në Fletoren Zyrtare. Në këtë dokument mësohet se krahu financiar në konsorcium janë amerikanët e “SilkRoad Equity”, të cilët kanë paguar edhe garancinë e ofertës rreth 85 milionë euro. Në raport jepet një panoramë e gjerë e aksionerëve, kushteve që ata plotësojnë, ofertës financiare si dhe të planit të biznesit të parashikuar për “Albpetrol”. “Sipas raportit të auditimit të shoqërisë Jespersen të datës 31 dhjetor 2011, për investitorin financiar të lonsorciumit, shoqërinë SilkRoad, kapitali tërësisht i paguar është 178 386 753 USD (€140 milionë). Ky tregues e plotëson dhe e tejkalon kriterin e kërkuar të kapitalit të paguar prej 80 milionë eurosh”, thuhet në analizën që Komisioni i Vlerësimit të Ofertave ka përgatitur për shpalljen e fituesit, i cili thekson se krahu financiar që do të bëjë pagesën janë amerikanët e “Silk Road”. Konsorciumi nëpërmjet YPO Oil & Energy PTE. Ltd./Home Creek Energy LLC, ka paraqitur një përshkrim të eksperiencës mbi pesë vjet në një shumëllojshmëri projektesh në fushat e kërkimit, zhvillimit, prodhimit dhe tregtimit të naftës e të gazit. Për më tepër shoqëria “SilkRoad Equity LLC”, e cila zotëron grupin Huddleston, ka eksperiencë të zgjeruar në të njëjtat fusha. Konsorciumi ka eksperiencë në fushat e kërkimit, zhvillimit, prodhimit dhe tregtimit të naftës e gazit. Home Creek Energy LLC, e cila zotërohet 100% nga YPO Oil & Energy PTE. Ltd., ka zhvilluar dhe menaxhuar mbi 100 puse në “Pellgun Permian” përgjatë katër shteteve. Gjithashtu ka kryer operacione riparimi, duke rivënë në punë një numër pusesh në fushën e Hendrick Ranch në Haskell County, Texas, të cilat më pas u shitën. Në vitin 2007 shoqëria shpoi një numër pusesh në Luizianë, USA, të cilat si pasojë e operacioneve të suksesshme gjithashtu u shitën. Në mënyrë të ngjashme, në vitin 2008 shoqëria mori në zotërim një seri prej 8 pusesh në Teksas, të cilat i rivendosi në punë dhe që janë ende duke u punuar prej saj. Më së fundmi, përkatësisht në prill të vitit 2012, shoqëria mori në zotërim operimin e një numri pusesh në St. Helena Parish, Luiziana, të cilat janë duke u punuar prej saj dhe aktualisht janë në fazën e operacioneve të përmirësimit. Home Creek Energy LLC, e cila duke qenë e zotëruar 100% nga YPO Oil & Energy PTE. Ltd., është pjesë e këtij konsorciumi nëpërmjet letrës së dërguar prej saj në datën 21 shtator 2012, ka konfirmuar edhe njëherë se Home Creek Energy LLC është tërësisht e angazhuar në zbatimin e planit të biznesit të paraqitur në lidhje me ofertën, në zbatimin e të gjithë procesit të privatizimit, ashtu si dhe në zbatimin e operacioneve të “Albpetrol”-it në vijim të këtij procesi. Për më tepër, kandidati na informoi se z. Huddleston i shoqërive Huddleston dhe z. Maye i Home Creek do të jenë secili personalisht të përfshirë në operacionet strategjike dhe në menaxhimin e “Albpetrol”-it, në rast se konsorciumi “Vetro” do të jetë fituesi i tenderit. Vetro Energy nëpërmjet entiteteve të tij Huddleston & Company dhe Home Creek, ka eksperiencë të zgjeruar në fushat e zhvillimit të naftës, marketingut, vlerësimit të rezervave dhe eksplorimit, transportimit të gazit, konsulencës, rregullimit të partneriteteve dhe rinovimit të puseve. Kandidati ka zhvilluar aktivitetin e tij në: Shtetet e Bashkuara, Brazil, Kanada, Tailandë dhe Venezuelë. Ka si klientë 13 shoqëri madhore të pavarura nafte dhe gazi, duke përfshirë Chevron Texaco Corp., shoqërinë ConocoPhillips, shoqërinë ExonMobil Exploration, shoqërinë BP Amoco dhe Marathon Oil. Klientët e tjerë konsistojnë në më shumë se 200 shoqëri të tjera të pavarura nafte dhe gazi, shoqëri depozitimi dhe transmetimit të gazit, institucione edukative dhe agjenci qeveritare.


Dosja “Vetro Energy”

Vetro Energy PTE. Ltd.: Certifikatë e lëshuar nga Autoriteti Rregullator i Shoqërive dhe i Kontabilitetit të Singaporit, numër regjistrimi 200704225Ë, duke identifikuar “Vetro Energy PTE. Ltd.”, të themeluar në 14 mars 2007, si një shoqëri me status aktiv dhe në gjendje të mirë. Shoqëria ka paraqitur gjithashtu një certifikatë të gjendjes së mirë, të lëshuar nga Autoriteti Rregullator i Shoqërive dhe i Kontabilitetit i Singaporit, i datës 15 gusht 2012, certifikatë nr. ACR0000004220794A, nënshkruar nga z. Tan Yong Tat, asistent regjistrues i shoqërive dhe bizneseve, që provon se shoqëria ka statusin “aktiv” dhe në gjendje të mirë e nuk është në likuidim.



Dosja “SilkRoad Equity”

SilkRoad Equity LLC: Certifikatë riparaqitjeje e datës 30 gusht 2012 nga Sekretari i Shtetit të Delëare, USA, duke përfshirë një certifikatë riparaqitjeje formimi të datës 30 gusht 2012, të nënshkruar nga Mattheë Roszak, në cilësinë e anëtarit dhe personit të autorizuar, duke shpjeguar se shoqëria u krijua fillimisht në datën 20 maj 2003. Shoqëria gjithashtu ka paraqitur një certifikatë të gjendjes së mirë të datës 15 gusht 2012, nga Sekretari i Shtetit të Delëare, USA, z. Jeffrey Bullock, duke dëshmuar se shoqëria është në gjendje të mirë dhe se të gjitha taksat vjetore janë paguar. 7629

Dosja “YPO Oil & Energy PTE”

YPO Oil & Energy PTE. Ltd.: Certifikatë e lëshuar nga Autoriteti Rregullator i Shoqërive dhe i Kontabilitetit të Singaporit, numër regjistrimi 200817042M, që identifikon YPO Oil & Energy PTE. Ltd., të themeluar më 28 gusht 2008 si një shoqëri me status aktiv në gjendje të mirë. Shoqëria ka paraqitur gjithashtu një certifikatë të gjendjes së mirë, të lëshuar nga Autoriteti Rregullator i Shoqërive dhe i Kontabilitetit të Singaporit, të datës 15 gusht 2012, certifikatë nr. ACR0000004220794A, nënshkruar nga z. Tan Yong Tat, asistent regjistrues i shoqërive dhe bizneseve, që provon se shoqëria ka statusin “aktiv” dhe në gjendje të mirë e nuk është në likuidim.

Dosja “Huddleston Energy Advisors”

Huddleston Energy Advisors, LLC: Certifikatë riparaqitjeje dhe ndryshimi e datës 30 gusht 2012, paraqitur nga Sekretari i Shtetit të Delëare, USA, që dëshmon se shoqëria është themeluar më 9 korrik 2012 dhe se ortakët e shoqërisë janë SilkRoad Equity dhe Huddleston & Co., të zotëruara dhe të drejtuara nga z. Peter Huddleston.

Dosja “Home Creek Energy LLC”

Home Creek Energy LLC: Certifikatë formimi e datës 29 dhjetor 2006, të paraqitur nga Sekretari i Shtetit Delëare, USA, nënshkruar nga z. Anthony Maye. Shoqëria paraqiti një letër të nënshkruar nga z. Maye, ku deklarohej se ortaku i vetëm i shoqërisë është YPO Oil. Për më tepër shoqëria paraqiti një aplikim për regjistrim të emrit të shoqërisë nga Sekretari i Shtetit, Teksas, USA, të datës 28 gusht 2012 dhe një letër ku deklaron se shoqëria angazhohet të zbatojë biznesplanin e “Vetro”-s


Plani i biznesit, investimet 174.3 milionë euro në pesë vitet e para

Vetro Energy ka deklaruar se vizioni është pozicionimi i “Albpetrol”-it si lojtar kyç i tregut në Shqipëri, por edhe vendosjen e “Albpetrol”-it në zemër të planeve të kandidatit për të krijuar një platformë moderne dhe efektive rajonale. Sipas Komisionit të Vlerësimit të Ofertave, kandidati propozon shumën prej 174.3 milionë eurosh në pesë vitet e para pas blerjes. Aty përfshihen 394 000 euro për aktivitete inxhinierike teknike e financiare dhe të njëjtën shumë për studimet e mjedisit, të dyja të realizueshme brenda vitit të parë. 115.5 milionë euro janë parashikuar për riaktivizimin e puseve përgjatë një periudhe pesëvjeçare. Rehabilitimi i njësive të dekantimit, sistemeve të ndarjes së ujit, tubacioneve dhe depozitave ka një buxhet prej 37.4 milionë eurosh, për t’u përfunduar brenda 2 viteve, përveç rehabilitimit të tubacioneve që do të realizohet në 3 vjet. 9.4 milionë euro janë vendosur të përdoren për ndërtimin e 8 puseve të reja dhe 2.4 milionë euro do të përdoren për projekte kapitale në lidhje me mjedisin. Kandidati ka për qëllim: së pari të vazhdojë kryerjen e operacioneve në fushat ku “Albpetrol”-i kryen aktivitet; së dyti të menaxhojë dhe të zbatojë në mënyrë më efikase marrëveshjet hidrokarbure. Së treti, të eksplorojë dhe të zhvillojë blloqet e reja të naftës që i janë dhënë rishtazi “Albpetrol”-it për rritjen e prodhimit dhe së katërti, të eksplorojë mundësitë e lidhura me licencën e gazit natyror dhe me licencën e shpërndarjes së energjisë elektrike. Përbërësit e planit të biznesit janë riaktivizimi i 1048 puseve në fushat Kuçovë, Ballsh-Hekal, Patos-Marinza dhe Amonica, si dhe rinovimi i infrastrukturës së puseve, njësive të dekantimit dhe tubacioneve; zhvillimi i një seti të ri procedurash administrative dhe operative të fokusuara në çështjet mjedisore, shëndetin dhe sigurinë. Gjithashtu, në plan është edhe kryerja e studimeve teknike duke përfshirë krijimin e një baze të dhënash gjeologjike, listën e puseve dhe verifikimin e historisë së prodhimit; detektimin me matje elektrike-gjeofizike; studime gjeologjike, duke përfshirë ripërpunimin e të dhënave sizmike, përcaktimin e horizonteve kyçe të prodhimit, analizat kyçe për të matur më mirë rezervat ekzistuese. Në themel të planit të biznesit është edhe arritja e objektivit të madh të rritjes së prodhimit me anë të metodave EOR. Këto metoda përfshijnë shpimin horizontal, injektimin e ujit, përdorimin e pompave PCP dhe të makinerive të tjera specifike të puseve që zakonisht sjellin dyfishimin e prodhimit për pus dhe modelimit të sofistikuar. Vetro ka dhënë komente të shkurtra në planin e biznesit të paraqitur prej tij në lidhje me eksplorimin, zhvillimin dhe prodhimin e “zonave të reja” Theksi vendoset në zonat ekzistuese dhe buxhetet vjetore për çdo aktivitet janë të përfshira në programin CAPEX të paraqitur nga kandidati.

MAPO

[Alti Elezi]

Zbardhet dosja “Albpetrol”, cilët janë amerikanët që do të paguajnë paratë

Analiza e cila çoi në shpalljen fitues të konsorciumit “Vetro Energy” në tenderin e shitjes së “Albpetrol”-it është zbardhur dje e plotë në Fletoren Zyrtare. Në këtë dokument mësohet se krahu financiar në konsorcium janë amerikanët e “SilkRoad Equity”, të cilët kanë paguar edhe garancinë e ofertës rreth 85 milionë euro. Në raport jepet një panoramë e gjerë e aksionerëve, kushteve që ata plotësojnë, ofertës financiare si dhe të planit të biznesit të parashikuar për “Albpetrol”. “Sipas raportit të auditimit të shoqërisë Jespersen të datës 31 dhjetor 2011, për investitorin financiar të lonsorciumit, shoqërinë SilkRoad, kapitali tërësisht i paguar është 178 386 753 USD (€140 milionë). Ky tregues e plotëson dhe e tejkalon kriterin e kërkuar të kapitalit të paguar prej 80 milionë eurosh”, thuhet në analizën që Komisioni i Vlerësimit të Ofertave ka përgatitur për shpalljen e fituesit, i cili thekson se krahu financiar që do të bëjë pagesën janë amerikanët e “Silk Road”. Konsorciumi nëpërmjet YPO Oil & Energy PTE. Ltd./Home Creek Energy LLC, ka paraqitur një përshkrim të eksperiencës mbi pesë vjet në një shumëllojshmëri projektesh në fushat e kërkimit, zhvillimit, prodhimit dhe tregtimit të naftës e të gazit. Për më tepër shoqëria “SilkRoad Equity LLC”, e cila zotëron grupin Huddleston, ka eksperiencë të zgjeruar në të njëjtat fusha. Konsorciumi ka eksperiencë në fushat e kërkimit, zhvillimit, prodhimit dhe tregtimit të naftës e gazit. Home Creek Energy LLC, e cila zotërohet 100% nga YPO Oil & Energy PTE. Ltd., ka zhvilluar dhe menaxhuar mbi 100 puse në “Pellgun Permian” përgjatë katër shteteve. Gjithashtu ka kryer operacione riparimi, duke rivënë në punë një numër pusesh në fushën e Hendrick Ranch në Haskell County, Texas, të cilat më pas u shitën. Në vitin 2007 shoqëria shpoi një numër pusesh në Luizianë, USA, të cilat si pasojë e operacioneve të suksesshme gjithashtu u shitën. Në mënyrë të ngjashme, në vitin 2008 shoqëria mori në zotërim një seri prej 8 pusesh në Teksas, të cilat i rivendosi në punë dhe që janë ende duke u punuar prej saj. Më së fundmi, përkatësisht në prill të vitit 2012, shoqëria mori në zotërim operimin e një numri pusesh në St. Helena Parish, Luiziana, të cilat janë duke u punuar prej saj dhe aktualisht janë në fazën e operacioneve të përmirësimit. Home Creek Energy LLC, e cila duke qenë e zotëruar 100% nga YPO Oil & Energy PTE. Ltd., është pjesë e këtij konsorciumi nëpërmjet letrës së dërguar prej saj në datën 21 shtator 2012, ka konfirmuar edhe njëherë se Home Creek Energy LLC është tërësisht e angazhuar në zbatimin e planit të biznesit të paraqitur në lidhje me ofertën, në zbatimin e të gjithë procesit të privatizimit, ashtu si dhe në zbatimin e operacioneve të “Albpetrol”-it në vijim të këtij procesi. Për më tepër, kandidati na informoi se z. Huddleston i shoqërive Huddleston dhe z. Maye i Home Creek do të jenë secili personalisht të përfshirë në operacionet strategjike dhe në menaxhimin e “Albpetrol”-it, në rast se konsorciumi “Vetro” do të jetë fituesi i tenderit. Vetro Energy nëpërmjet entiteteve të tij Huddleston & Company dhe Home Creek, ka eksperiencë të zgjeruar në fushat e zhvillimit të naftës, marketingut, vlerësimit të rezervave dhe eksplorimit, transportimit të gazit, konsulencës, rregullimit të partneriteteve dhe rinovimit të puseve. Kandidati ka zhvilluar aktivitetin e tij në: Shtetet e Bashkuara, Brazil, Kanada, Tailandë dhe Venezuelë. Ka si klientë 13 shoqëri madhore të pavarura nafte dhe gazi, duke përfshirë Chevron Texaco Corp., shoqërinë ConocoPhillips, shoqërinë ExonMobil Exploration, shoqërinë BP Amoco dhe Marathon Oil. Klientët e tjerë konsistojnë në më shumë se 200 shoqëri të tjera të pavarura nafte dhe gazi, shoqëri depozitimi dhe transmetimit të gazit, institucione edukative dhe agjenci qeveritare.


Dosja “Vetro Energy”

Vetro Energy PTE. Ltd.: Certifikatë e lëshuar nga Autoriteti Rregullator i Shoqërive dhe i Kontabilitetit të Singaporit, numër regjistrimi 200704225Ë, duke identifikuar “Vetro Energy PTE. Ltd.”, të themeluar në 14 mars 2007, si një shoqëri me status aktiv dhe në gjendje të mirë. Shoqëria ka paraqitur gjithashtu një certifikatë të gjendjes së mirë, të lëshuar nga Autoriteti Rregullator i Shoqërive dhe i Kontabilitetit i Singaporit, i datës 15 gusht 2012, certifikatë nr. ACR0000004220794A, nënshkruar nga z. Tan Yong Tat, asistent regjistrues i shoqërive dhe bizneseve, që provon se shoqëria ka statusin “aktiv” dhe në gjendje të mirë e nuk është në likuidim.



Dosja “SilkRoad Equity”

SilkRoad Equity LLC: Certifikatë riparaqitjeje e datës 30 gusht 2012 nga Sekretari i Shtetit të Delëare, USA, duke përfshirë një certifikatë riparaqitjeje formimi të datës 30 gusht 2012, të nënshkruar nga Mattheë Roszak, në cilësinë e anëtarit dhe personit të autorizuar, duke shpjeguar se shoqëria u krijua fillimisht në datën 20 maj 2003. Shoqëria gjithashtu ka paraqitur një certifikatë të gjendjes së mirë të datës 15 gusht 2012, nga Sekretari i Shtetit të Delëare, USA, z. Jeffrey Bullock, duke dëshmuar se shoqëria është në gjendje të mirë dhe se të gjitha taksat vjetore janë paguar. 7629

Dosja “YPO Oil & Energy PTE”

YPO Oil & Energy PTE. Ltd.: Certifikatë e lëshuar nga Autoriteti Rregullator i Shoqërive dhe i Kontabilitetit të Singaporit, numër regjistrimi 200817042M, që identifikon YPO Oil & Energy PTE. Ltd., të themeluar më 28 gusht 2008 si një shoqëri me status aktiv në gjendje të mirë. Shoqëria ka paraqitur gjithashtu një certifikatë të gjendjes së mirë, të lëshuar nga Autoriteti Rregullator i Shoqërive dhe i Kontabilitetit të Singaporit, të datës 15 gusht 2012, certifikatë nr. ACR0000004220794A, nënshkruar nga z. Tan Yong Tat, asistent regjistrues i shoqërive dhe bizneseve, që provon se shoqëria ka statusin “aktiv” dhe në gjendje të mirë e nuk është në likuidim.

Dosja “Huddleston Energy Advisors”

Huddleston Energy Advisors, LLC: Certifikatë riparaqitjeje dhe ndryshimi e datës 30 gusht 2012, paraqitur nga Sekretari i Shtetit të Delëare, USA, që dëshmon se shoqëria është themeluar më 9 korrik 2012 dhe se ortakët e shoqërisë janë SilkRoad Equity dhe Huddleston & Co., të zotëruara dhe të drejtuara nga z. Peter Huddleston.

Dosja “Home Creek Energy LLC”

Home Creek Energy LLC: Certifikatë formimi e datës 29 dhjetor 2006, të paraqitur nga Sekretari i Shtetit Delëare, USA, nënshkruar nga z. Anthony Maye. Shoqëria paraqiti një letër të nënshkruar nga z. Maye, ku deklarohej se ortaku i vetëm i shoqërisë është YPO Oil. Për më tepër shoqëria paraqiti një aplikim për regjistrim të emrit të shoqërisë nga Sekretari i Shtetit, Teksas, USA, të datës 28 gusht 2012 dhe një letër ku deklaron se shoqëria angazhohet të zbatojë biznesplanin e “Vetro”-s


Plani i biznesit, investimet 174.3 milionë euro në pesë vitet e para

Vetro Energy ka deklaruar se vizioni është pozicionimi i “Albpetrol”-it si lojtar kyç i tregut në Shqipëri, por edhe vendosjen e “Albpetrol”-it në zemër të planeve të kandidatit për të krijuar një platformë moderne dhe efektive rajonale. Sipas Komisionit të Vlerësimit të Ofertave, kandidati propozon shumën prej 174.3 milionë eurosh në pesë vitet e para pas blerjes. Aty përfshihen 394 000 euro për aktivitete inxhinierike teknike e financiare dhe të njëjtën shumë për studimet e mjedisit, të dyja të realizueshme brenda vitit të parë. 115.5 milionë euro janë parashikuar për riaktivizimin e puseve përgjatë një periudhe pesëvjeçare. Rehabilitimi i njësive të dekantimit, sistemeve të ndarjes së ujit, tubacioneve dhe depozitave ka një buxhet prej 37.4 milionë eurosh, për t’u përfunduar brenda 2 viteve, përveç rehabilitimit të tubacioneve që do të realizohet në 3 vjet. 9.4 milionë euro janë vendosur të përdoren për ndërtimin e 8 puseve të reja dhe 2.4 milionë euro do të përdoren për projekte kapitale në lidhje me mjedisin. Kandidati ka për qëllim: së pari të vazhdojë kryerjen e operacioneve në fushat ku “Albpetrol”-i kryen aktivitet; së dyti të menaxhojë dhe të zbatojë në mënyrë më efikase marrëveshjet hidrokarbure. Së treti, të eksplorojë dhe të zhvillojë blloqet e reja të naftës që i janë dhënë rishtazi “Albpetrol”-it për rritjen e prodhimit dhe së katërti, të eksplorojë mundësitë e lidhura me licencën e gazit natyror dhe me licencën e shpërndarjes së energjisë elektrike. Përbërësit e planit të biznesit janë riaktivizimi i 1048 puseve në fushat Kuçovë, Ballsh-Hekal, Patos-Marinza dhe Amonica, si dhe rinovimi i infrastrukturës së puseve, njësive të dekantimit dhe tubacioneve; zhvillimi i një seti të ri procedurash administrative dhe operative të fokusuara në çështjet mjedisore, shëndetin dhe sigurinë. Gjithashtu, në plan është edhe kryerja e studimeve teknike duke përfshirë krijimin e një baze të dhënash gjeologjike, listën e puseve dhe verifikimin e historisë së prodhimit; detektimin me matje elektrike-gjeofizike; studime gjeologjike, duke përfshirë ripërpunimin e të dhënave sizmike, përcaktimin e horizonteve kyçe të prodhimit, analizat kyçe për të matur më mirë rezervat ekzistuese. Në themel të planit të biznesit është edhe arritja e objektivit të madh të rritjes së prodhimit me anë të metodave EOR. Këto metoda përfshijnë shpimin horizontal, injektimin e ujit, përdorimin e pompave PCP dhe të makinerive të tjera specifike të puseve që zakonisht sjellin dyfishimin e prodhimit për pus dhe modelimit të sofistikuar. Vetro ka dhënë komente të shkurtra në planin e biznesit të paraqitur prej tij në lidhje me eksplorimin, zhvillimin dhe prodhimin e “zonave të reja” Theksi vendoset në zonat ekzistuese dhe buxhetet vjetore për çdo aktivitet janë të përfshira në programin CAPEX të paraqitur nga kandidati.

MAPO

Tani ALBO djali,a mujt me na thane ne,a mujt or ti me n hap syt neve te forumit se bol te qut te kena,si ka mundesi or tej qebas shkuarjes se zonjes Klinton ne Albanistan ku takoi dhe Cyryket e Shqiperise,thone qe befas CIA,na i preu ato Garancite bankare prej miliona Eurosh qe do jepnin,bile dhe Banka qe do te ofronte ate garnci tha qe:ne te shesim te gjitha bejme a nuk bejme me shume se 20 milione dollare!?

A ke degju qe shitja e Albetrol ka deshtu or ti?qenakn kerku dhe nja ca dite Garanci,sic duket Cyryku i shqiperise SERB-ISHA nuk arriti te pastronte parate e Alievit?

Hajt pra na ndihmo me na thane ndonje gje.......

[Alti Elezi]

Ekskluzive/ FBI nis hetimet pë transaksionin e Albpetrolit
Byroja Federale e Investigimit ne Shtetet e Bashkuara te Amerikes ka nisur nje investigim prej nje muaji ne lidhje me transaksionet e mundshme qe do kryhen per blerjen e Albpetrolit duke perdorur pikerisht kete vend per te kryer krimin financiar. Burime te sigurta thone per agjencine AMA se agjentet po mbajne nen mbikeqyrje te gjithe veprimtarite e Patton Bogs, ndermjetesit qe do perfitoje si konsulent 22 milione euro qyl per ta kryer kete pisllik financiaqr te parave te mafias nepermjet emrit SHBA. Me tej jane kryer verifikime per aktivitetin e Bankes se Cikagos ky do kryhet operacioni i frikshem per 850 milione euro. FBI dyshon se banka nuk e ka kete kapital pasi eshte e dores se fundit, ndaj dhe i trembet nje pastrimi parash ne linjen Kajman-Azerbajxhan-SHBA. Nese ky operacion do kryhet, autoritetet amerikane do e kene te veshtire ne te ardhmen te perballen me kete fakt kriminal. Dyshohet se heshtja e kongresmenit Elliot Engel ka lidhje me kete pisllik, por ai eshte keshilluar qe te qendroje larg pasi do te mbaje te gjitha pergjegjesite. SHBA jane te shqetesuar se si nje grup investitoresh shqiptare mund te perdorin vendin e tyre per te kryer pastrim kaq te hapur parash per nje investim te dyshimte. Agjentet e FBI-se mund te nxjerrin se shpejti perfundimet ligjore, sapo transaksioni te kryhet, ndaj edhe grupi i mafiozeve ekonomik ka vonuar disa here kete operacion. Parate e garancise, 10 per qind e investimit te Vetro-Energy, pas te ciles fshihet Taci Oil dhe presidenti azerbajxhanas Alyev, me aksione te perbashketa me kryeministrin Berisha, nuk u kaluan ne muajin tetor duke deshtuar. Shkak qe 85 milione euro nuk u derdhen u tha se Banka Amerikane nuk i dispononte. Pra ato nuk ishin kaluar ende ne kete banke per t’u pastruar. Ministria e Ekonomise shkeli te gjitha ligjet me urdher te Berishes duke e shtyre dhe dhene afat per nje muaj me teper.Por perseri mesohet se banka ka veshtiresi, pasi shumat jane galopante dhe i gjithe procesi dhe makinacioni eshte nen mbikeqyrjen e FBI dhe autoriteteve amerikane. parate nuk mund te kalojne lehte nga Ishujt Kajman ne SHBA apo nga Azerbajxhani. E njejta gje edhe per te hyre ne Shqiperi, pasi eshte deklaruar se parate jane ne Banken e Cikagos dhe operacioni duhet te kryhet vetem prej saj. Por te kryhet nje operacion i tille duhet te raportohet patjeter ne autoritetet amerikane, FBI, CIA Kongres dhe pse jo ne Shtepine e Bardhe. Asnje kongresmen apo senator amerikan nuk do merrte persiper garancine e nje operacioni kaq te frikshem financiar ne pastrim parash. Ndaj edhe ceshtja Albpetrol eshte e destinuar te deshtoje sa me pare dhe ne menyre spektakolare. Megjithese autoritetet shqiptare e shtyne me nje muaj afatin ndaj Vetro Energy e Taci Oil per te derdhur 85 milione euro, dukee veshtire te arrihet pasi operacioni financiar do kryhet vetem nga Banka e Cikagos qe e ka marre persiper, ndryshe gjithcka mund te shkaktoje nje ciklon….

Cfare tha sot ministri Haxhinasto
Ministri i Ekonomisë Edmond Haxhinasto është optimist se negociatat për shitjen e kompanisë ‘Albpetrol’ do të përmbyllen me sukses brenda një kohe të shkurtër.

“Po vlerësojmë strategjinë dhe hapat që do të ndërmerren për të konkluduar marrëdhënien problematike, besoj që brenda dy-tre javëve të ardhshme do të kemi një përcaktim të qartë të asaj që duhet bërë për ta zgjidhur këtë marrëveshje apo situatë problematike”, tha Haxhinasto.

Gjatë një interviste në Top Channel, kreu i Ekonomisë ka folur edhe për mosmarrëveshjet me kompaninë CEZ. Sipas Haxhinastos, historia problematike me kompaninë e shpërndarjes merr zgjidhje brenda dy ose tre javësh.

“Eshtë një moment ku secila palë dëshiron të garantojë dokumentacionin respektiv për sa i takon një kontratë të tillë me rëndësi shumë të madhe për vendin. Jemi brenda gjithë afateve ligjore dhe jam optimist që do të përfundojë me sukses”, tha Haxhinasto.

Në lidhje me projektin e shumëpërfolur të linjës energjetike me Kosovën Haxhinasto, kërkon zhbllokimin e situatës.

“Eshtë një problem, i cili është ezauruar edhe në media. Besoj që tani është e domosdoshme për të përcaktuar hapat e tjera që ky projekt shumë i rëndësishëm shumë vital midis dy vendeve të përfundojë”, tha Haxhinasto.

[Fleur Blanche]

Na e hiqni një kureshtje, se këto gjëra dashje pa dashje, edhe na cytin kureshtjen... Nga i merrni vesh këto me CIA dhe FBI? Kini pak mëshirë për kureshtjen e ne profanëve dhe, na ndriçoni pak... meqë po i përmendi ju vetë them...

Meqë ra fjala:
Albpetroli, Taçi konfirmon financimin 850 milionë euro
Aksioneri kryesor i Vetro Energy: Kam besim se do biem dakord shpejt.
Negociatat me qeverinë për hipotekimin e pronave.



Pak ditë para se të përfundojë afati i dytë për firmosjen e kontratës së shqitjes së Albpetrolit, një ndër aksionerët kryesorë të Vetro Energy konfirmon gjetjen e 850 milionë eurove për blerjen e aksioneve. Në një prononcim për “Market Watch”, një ndër sajtet elitë të financës botërore, aksioneri kryesor i konsorciumit tregon negociatat dhe arritjen e marrëveshjes për 850 milionë euro. Sipas shkrimit, “aksioneri kryesor i Vetro Energy, z. Rezart Taçi, konfirmoi sot (dje) se grupi i tij ka finalizuar financimin dhe investimin e kapitalit për marrëveshjen prej 850 milionë eurosh për të privatizuar rezervat e naftës të Shqipërisë, nëpërmjet kompanisë shtetërore të naftës dhe gazit, ‘Albpetrol’. Vetro Energy është aktualisht në negociata me qeverinë për të blerë 100% të aksioneve të Albpetrolit. Kur të përmbyllet marrëveshja, ka për të qenë një nga transaksionet më të mëdha korporative në historinë e Ballkanit. Në përmasa, marrëveshja është e barasvlershme me pak më pak se 10% të Produktit të Brendshëm Bruto të Shqipërisë”. Më tej, Taçi ka sqaruar edhe negociatat me qeverinë dhe Ministrinë e Ekonomisë. Ai konfirmoi se diskutimet me qeverinë shqiptare janë në një fazë të avancuar. “Unë kam besim se marrëveshja e blerjes së aksioneve me qeverinë shqiptare për blerjen e Albpetrolit ka për t’u përmbyllur me sukses në një të ardhme shumë të afërt, meqenëse ne jemi shumë të vendosur për të shpënë përpara këtë projekt dhe për të investuar në të ardhmen e Shqipërisë. Është shënuar një progres i madh ndërmjet të dyja palëve, por të dyja palët kemi ende shumë punë përpara”.
Tregu
Vetro Energy po përgatitet të sigurojë të gjitha asetet e Albpetrolit, si dhe të drejtën për të eksploruar dhe zhvilluar naftë dhe gaz në territorin shqiptar. Sipas njoftimit të kompanisë, Vetro Energy planifikon të krijojë të vetmen platformë plotësisht të integruar të naftës dhe gazit në Shqipëri, e cila do t’u shërbejë tregjeve lokale, rajonale dhe ndërkombëtare, dhe që do ta shndërrojë Shqipërinë në një qendër ndërkombëtare energjie në Europën Juglindore. Me mundësitë e eksplorimit dhe zhvillimit në tokë dhe në det si dhe me zhvillimin e transmetimit të gazit natyror, Vetro Energy do të investojë në teknologji, në mjedis dhe në komunitetet e afërta. Si pasojë e marrëveshjes, Shqipëria mund të bëhet sërish e pavarur gjatë 3-5 viteve të ardhshme, duke eliminuar kështu nevojën për importet e naftës. “Vetëm fusha e Patoz-Marinzës është fusha më e madhe e naftës në tokë në Europën kontinentale me rezerva të vërtetuara prej 169 milionë fuçi naftë.
Negociatat
Vetro Energy, është shpallur fituese e tenderit për privatizimin e Albpetrolit me një ofertë 850 milionë euro më datë 3 tetor 2012. Sipas ligjit, kompania duhet të binte dakord me Ministrinë për firmosjen e kontratës brenda një afati 30-ditor. Ky afat mund të shtyhej, ashtu siç edhe ndodhi, vetëm me 30 ditë të tjera. Pra, sipas ligjit, në fillim të dhjetorit kontrata duhet të firmoset dhe Vetro Energy duhet të paguajë 170 milionë euro si garanci shtesë. Sot kanë ngelur edhe pak ditë nga përfundimi i afatit dhe duket se palën po përpiqen të kalojnë një pengesë themelore. Hipotekimin e aseteve të Albpetrolit. Sipas një raporti të KLSH-së, janë me qindra puse që janë pronë e Albpetrolit, por nuk janë të regjistruara në hipotekë. “Albpetrol sha, nga 649 objekte të regjistruara (ndërtime, kabina elektrike dhe depozita), ka marrë dokumente pronësie për 229 prej tyre, ose 35.3%, janë në proces 186, ose 28.7% dhe janë jashtë procesit 36% e tyre, ose 234 objekte. Gjithashtu, nga 5480 puse të naftës dhe të gazit në inventar, kanë certifikata dhe vërtetime pronësie vetëm 19% prej tyre 1041 dhe janë akoma pa dokumente pronësie 4439 të tjera”, thuhet në raportin e KLSH-së. Janë pikërisht këto asete që po frenojnë mbylljen e procesit. Regjistrimi i tyre dhe deklarata e djeshme e Taçit për sigurimin e parave jep shpresë që procesi po shkon drejt mbylljes.

Burimi i materialit të sjellur është nga Gazeta Panorama.

Tani, ju që i merrni infot të filtruara nga CIA dhe FBI: si është puna??!!

[mesia4ever]

Si te shitet pasuria e shtetit per kaq pak para?! Ne vend qe te shkollohen njerez qe do ta menaxhonin mire kete Kompani, keta krejt duan t'i shesin. A ka pas naj proteste nga qytetaret se cfare marreveshje po behen ne dem te tyrin. Shume padrejtesi te medha jane duke iu bere ketij populli, duan ta lejne gjithmone te varfer.

[Alti Elezi]

https://www.cia.gov/