Privatizimi i Albpetrol: Anulohet privatizimi, procesi rinis pas zgjedhje

[loneeagle]

Kerkova ne google per kompanine e Tacit, ne Singapor, me emrin 'Hyppo Oil' (postimi i pare ne kete teme), e qe ne disa shkrime gjendet me emrin 'YPO Holding'...por asgje!

Si ka mundesi qe te mos gjenden informata per nje kompani qe ben blerje rreth gjysem miliard dollar?!

Sepse eshte kompani "ghost". Ne singapor ka shume ligje te mira per tax shelter. krijo nje biznes ghost edhe paguan shume shume pak takse ste can koken kush. Edhe ky biznesmeni i madh qe e ndihmoj tacin gjoja ne fillim, ka ardhe me shuma marramendese nga shqiperia nuk e beri vertet biznesin ketu ne amerike jo. Se kush fshihet mbas tacit une nuk e di, por qe te besoj qe ky u be milarder brenda nates eshte kulmi. Kesaj i thone te pranojme me zore qe 2+2 = 10 lol. Sa bias qe jane disa edhe vazhdojne te kembngulin qe taci ka aktivitet te ndershem ahahaah edhe damn exon, sunoco, shell, bp etc. e di nje bote e gjithe qe harxhojne me miliona dollare per lobistet qe mos ti caj koken EPA etc. te bejne drilling ku duan imagjino taci cfare forca fshihen mbas tij per nje aktivitet te tille te qendroj ne biznes ne nje shtet te korruptuar si shqiperia lol. nejse secili shpreh opinionin e vet por te pakten te japin fakte kur mundohen te mbrojne drejtesin sepse e drejta/e verteta ka vetem nje version nuk eshte opinion qe shpreh cdo kush!

Pastaj si mund te thone qe jo ky ska vjedhur miliarda ne kurrizin e popullit shqiptare kur dihet qarte qe vlera ne market e Albpetrol eshte shume shume here me e madhe se shuma e cila kompania u shit. Mjere shqiperia kush e drejton!

[Plaku me kostum]

Pastaj si mund te thone qe jo ky ska vjedhur miliarda ne kurrizin e popullit shqiptare kur dihet qarte qe vlera ne market e Albpetrol eshte shume shume here me e madhe se shuma e cila kompania u shit. Mjere shqiperia kush e drejton!

Nuk do ishte me e sakte te thuhej "lum keta qe kane gjetur shqiptaret"?

[loneeagle]

Thashe "mjer" sepse nuk e meritojme te trajtohemi ne ate menyre, por jemi verbuar keq edhe ata po na shkelin me kembe si duan edhe kur duan! Fatkeqsi per Shqiperin edhe per shqiptaret. Per ata dihet fat i madh eshte sepse kaq hapur vjedhjet edhe shkatrrimet me pronen e popullit vetem ne shqiperi po ndodh.

[Plaku me kostum]

leje fare...................dikush le ta fshij kete

[Antiproanti]

Rezart Taçi blen 'Albpetrolin'

Edhe me mire...
Kryesorja eshte te paguhet shuma e te hollave dhe te behen investimet e premtuara.
Shume me te madhe nuk do te kishte ofruar askush.

[dardajan]

Dëgjova andej nga singapori se qeveria Shqiptare do bëj një ligj për privatizimin e Erës, thuhet se kompania Taçi ka një hartë të detajuar të gjitha grykave të maleve ku fryn më shumë erë, dhe do ti privatizojë ato për të ngritur mullinjtë e erës.....


Përsa i takon privatizimit të Albpetrolit, mendoj që qeveria ti marri ato lekët dhe ti përdori sa më mirë pa vjedh asnjë centezëm, sepse pas 20 vjetësh teknollogjitë e reja do bëjnë të mundur uljen e përdorimit të naftës në shkallë globale, dhe nëse për 20 apo 30 vjet ata mund të nxjerrin 850 milion euro fituan nëse jo do humbasin.

[DYDRINAS]

Perfekt!

Nuk ka ku te shkoje me mire, qe nje shqiptar si z.Taçi arrin te bleje koncensione te tilla.

I uroj suksese te metejshme ne rrugen e tij te biznesit.

[POKO]

e bleu i huaji,ouuu na shiti pasurin kombetare...e bleu vendasi nje shqipo,ouuu e mori per pes lek i koruptuar...ju hengert mortja ju hengert,se juve duhet me ju kthy te koperativat e te uzinat e shtetit prap.

propagand kuqosh,mashtro shpif bertit,se dicka do mbetet nga ajo...ne djalle vafshi!

[Albo]

Rezart Taçi: Unë jam pronari i Albpetrol

Biznesmeni i njohur i karburanteve, Rezart Taçi rezulton të jetë një ndër aksionerët kryesorë në konsorciumin ‘Vetro Energy’, i cili pak ditë më parë dha ofertën më të lartë për blerjen e Albpetrolit, 850 milionë euro. Në daljen e parë publike për median, Matheë Roszak, presidenti i ‘Vetro Energy’ e ka prezantuar Rezart Taçin si partnerin kryesor me 51 për qind të aksioneve dhe si president të kompanisë “YPO Holdings”, që është partneri kryesor në konsorcium. “Arritjet e Taçit kanë qenë shumë të thella dhe jemi shumë të nderuar që jemi partnerë të tij në këtë sipërmarrje. S’do kishim marrë pjesë në tender pa ‘Taçi Oil”, – tha Roszak. Rezart Taçi ka pohuar se do të investojnë 220 milionë USD në pesë vjet tek “Albpetrol” dhe do të mundësojnë që kërkesa e brendshme për naftë të plotësohet vetëm nga tregu vendas. “Do të riaktivizojmë puset joaktive dhe do të hapim puse të reja, – tha ai. – Me blerjen e Albpetrolit, kompanitë e grupit të Rezart Taçit do të mbyllin ciklin, duke prodhuar, rafinuar dhe shitur naftë. Grupi ynë me këtë projekt plotëson ciklin e tij të biznesit, ose siç thuhet në terminologjinë e fushës ‘integrohet vertikalisht’, që do të thotë se nxjerr, rafinon dhe shet tek konsumatori fundor”, – tha Taçi. Ai theksoi gjithashtu se nga ky integrim konsumatori do të përfitojë produktet shqiptare me kosto më të ulët; përfitojnë punonjësit shqiptare, sepse rafinimi në industrinë vendase i naftës bruto që është pasuri kombëtare, do të sjellë të ardhura shtesë edhe për ta. Taçi shtoi ndërkaq se përfiton ekonomia shqiptare nëpërmjet hapjes së mundësive për industritë mbështetëse dhe rritjes së të ardhurave nga taksat që derivojnë nga përpunimi në vend i naftës bruto. Kompania ‘Vetro Energy’ planifikon të realizojë një plan të madh investimesh në shumën 220 milionë dollarë. Plani i investimeve të kompanisë konsiston në rritjen graduale të prodhimit përmes riaktivizimit të 1048 puseve joaktive, për të cilat do të aplikohen metodat moderne të nxjerrjes së naftës. Duke prezantuar drejtimet themelore të planit të biznesit të zhvillimit të Albpetrolit, Rezart Taçi tha se “një vëmendje e madhe do t’i kushtohet ruajtjes së mjedisit, ndalimit të rrjedhjes së naftës bruto në mjediset e hapura, përmirësimit të situatës teknike të puseve përmes zëvendësimit të pompave dhe pjesëve të tyre, pastrimit të sipërfaqes së tokës, rrethimit të puseve etj”.

Kush është Rezart Taçi

Pak orë pas hapjes së ofertave Taçi u përfol si njeriu që ishte pas konsorciumit ‘Vetro Energy’, por në fakt ai tashmë zyrtarisht është blerësi kryesor i Albpetrolit. Pak vite më parë, pak a shumë në të njëjtën mënyrë në bashkëpunim me kompani të huaj, po amerikane, Rezart Taçi ka privatizuar kompaninë shtetërore të rafinimit të naftës, ARMO. Rezart Taçi renditet sot si një prej biznesmenëve më të mëdhenj në Shqipëri. Përmes kompanive të tij të naftës, “Taçi Oil”, “Kuid” dhe ARMO, Rezart Taçi realizoi një xhiro vjetore prej rreth 34 miliardë lekësh në 2011-ën (rreth 250 milionë euro), me një rritje prej 130% në raport me një vit më parë, kryesisht si rrjedhojë e zgjerimit të ARMO-s. Krahas biznesit të naftës, “Taçi Grup” vitet e fundit është zgjeruar dhe në media përmes blerjes së televizionit “Alsat”, tashmë të shndërruar në “Albanian Screen”, ku ka investuar ndjeshëm për ndryshimin e formatit televiziv dhe në arsim përmes shkollës private “Nobel”. Në Qendrën Kombëtare të Regjistrimeve ai rezulton si aksioner në 15 kompani, ndër të cilat edhe Banka Credins. Gjatë pesë viteve të fundit, Rezart Taçi ia ka dalë që të shndërrohet në biznesmenin kryesor të naftës në tregun e pakicës, ndërsa në total në këtë treg ai renditet pas “Kastrati & Kaspetrol” dhe “Elda Petroleum”, që janë dy shoqëritë më të mëdha të naftës në vend në bazë të xhiros vjetore dhe mbizotërojnë në tregun e shumicës.



Vetro Energy, ja aksionerët e konsorciumit

Aksionerët e “Vetro Energy” janë “YPO Holdings” dhe “SilkRoad Equity”. “SilkRoad Equity” është një firmë globale investimesh me portofola të diversifikuar të kompanive publike dhe private. Në dekadën e fundit kompania ka realizuar transaksione në vlerë 5 miliardë dollarë. Qendra e saj është në Çikago. Ajo rezulton aksionere me 49 për qind të aksioneve në ‘Vetro Energy’. Ndërsa “YPO Holdings” zotërohet nga aksioneri kryesor Rezart Taçi, i cili ka 51 për qind të aksioneve në “Vetro Energy”. Dy partnerët menaxhues të konsorciumit janë “Huddleston Energy Advisors” dhe “Home Creek Energy”, të dyja kompani me përvojë në fushën e naftës dhe të inxhinierisë gjeologjike, e para e përqendruar në analiza për naftën e gazin dhe vlerësime gjeologjike dhe e dyta, një operator direkt nxjerrës i naftës dhe i gazit natyror. “Home Creek” ka për president dhe njëkohësisht drejtor të përgjithshëm ekzekutiv Anthony Maye. Ndërsa, “Huddleston” ka si president Peter Huddleston dhe është një kompani që operon në treg që nga viti 1967, – njofton vetë kompania. “Vetro Energy” është e certifikuar me ISO 9001, duke plotësuar kështu kërkesën bazë të ligjit për formulën e privatizimit, pa të cilën, pavarësisht nga shuma e lartë e ofertës, komisioni nuk mund të jepte ‘OK’-in për vijimin e saj në fazat e mëpasshme të tenderimit.



Plani i investimeve të kompanisë 220 milionë USD në “Albpetrol”


-Rritjen graduale të prodhimit përmes riaktivizimit të puseve joaktive (1048 puse) –Aplikimin e metodave moderne të nxjerrjes së naftës.

Përmirësimit të kushteve mjedisore në fushat naftëmbajtëse përmes:

-Ndalimit të rrjedhjes së naftës bruto në mjediset e hapura

-Përmirësimit të situatës teknike të puseve përmes zëvendësimit të pompave dhe pjesëve të tyre, pastrimit të sipërfaqes së tokës, rrethimit të puseve etj.

-Parandalimit të emetimit të gazit në atmosferë, duke krijuar një sistem të mbyllur të rezervuarve të akumulimit pranë grupeve të puseve, njësive të dekantimit dhe qendrave të transportit.

- Aplikimit të praktikave dhe metodave më moderne të largimit të mbetjeve të ngurta.

Përmirësimit të efektivitetit në prodhim dhe aplikimit të metodave kompjuterike të kontrollit të prodhimit.

-Vlerësimit të rezervave aktuale të naftës.

- Përmirësimin e kushteve teknike të puseve aktive (në prodhim)

-. Krijimin e një sistemi të menaxhimit të informacionit të gjeneruar nga procesi i prodhimit

- Aplikimin e teknologjive të reja të prodhimit

- Përmirësimin e kushteve ekzistuese të transportit dhe depozitimit të naftës bruto

- Përmirësimin e cilësisë së prodhimit

Rritja e sigurisë së punonjësve dhe komunitetit që jeton pranë fushave

Zëvendësimit të tubacioneve të amortizuara dhe të dëmtuara

Përpunimit të ujërave të ndotura, të shkarkuara nga njësitë e dekantimit

Mbrojtjen e ujërave nëntokësore dhe mbitokësore

Rehabilitimit të qendrave të transportit të naftës bruto

Administrimit më të mirë të fushave naftëmbajtëse



Armitage: Privatizimi i Albpetrolit, mundësi e artë për ekonominë


Drejtoresha Rajonale e Bankës Botërore, Jane Armitage e vlerësoi dje privatizimin e Albpetrolit si një rast unik, që duhet përdorur për të ulur deficitin dhe stokun e borxheve

Banka Botërore këshillon Shqipërinë që paratë e privatizimit të Albpetrolit të përdoren për uljen e borxheve dhe deficitit. Drejtorja Rajonale e Bankës Botërore për Europën Juglindore, Jane Armitage, në vizitën e saj në Shqipëri për kremtimet e bashkëpunimit 20-vjeçar BB-Shqipëri, e konsideroi privatizimin e Albpetrolit si një mundësi të artë për ekonominë shqiptare. Në një intervistë për “Zërin e Amerikës” ajo tha se privatizimi i Albpetrolit është një rast unik që duhet përdorur për të ulur deficitin dhe stokun e borxheve. “Ne besojmë se privatizimi i Albpetrolit, i cili sapo u njoftua, i ofroi vendit një mundësi të artë për të përdorur këto fonde, së pari dhe mbi të gjitha për të paguar disa detyrime të grumbulluara me kalimin e kohës. Kjo është e vërtetë për Shqipërinë dhe për shumë vende të tjera. Është shumë e rëndësishme për sektorin privat që të paguhen detyrimet e mbledhura gjatë dy vjetëve të fundit, në mënyrë që të rifinancohen dhe të shpërblehen për shërbimet e kërkuara nga qeveria”, – tha zonja Armitage. Drejtorja Rajonale e Bankës Botërore për Europën Juglindore, Jane Armitage tha se Shqipëria dhe vende të tjera të Ballkanit Perëndimor janë shumë të prekura nga kriza ekonomike që vazhdon në Europë. Për shkak të kësaj, rritja ekonomike është shumë e ulët në Shqipëri, ndërsa disa vende janë në recesion. Ajo theksoi ndërkaq se rritja ekonomike e Shqipërisë pritet të jetë midis 0.5 deri në 1 për qind, çka është jashtëzakonisht e ulët. “Ulja e varfërisë ndaloi dhe ajo po rritet në disa zona, po ashtu po rritet edhe papunësia. Këto nuk po ndodhin vetëm në Shqipëri, por edhe në të gjithë rajonin, – shtoi zyrtarja e BB. Tashmë ka edhe probleme fiskale kur rritja ekonomike shkon poshtë, ulet mbledhja e taksave. Të gjithë vendet, përfshirë edhe Shqipërinë, kanë një nivel të lartë deficiti. Shqipëria e ka nivelin e deficitit në masën 60 për qind, i cili është edhe kufiri ligjor. Kjo duhet përmirësuar dhe deficiti duhet ulur. Nuk është e lehtë të arrihet në një kohë me rritje të vogël ekonomike”, – shtoi më tej ajo. Sipas saj, vite më parë Shqipëria ka ecur mirë, por tani po bëhet gjithçka më e vështirë për shkak të krizës në eurozonë, sepse shumica e investitorëve janë europianë dhe kanë kaq shumë pasiguri dhe rreziqe. Zonja Armitage tha se investitorët po diskriminohen kudo dhe është shumë e vështirë në këto kushte që një vend të bëhet tërheqës për investime dhe të konkurrojë me fqinjët, sepse të gjithë duan t’i tërheqin këta investues. Në këtë drejtim, përmirësimi i klimës së biznesit, forcimi i menaxhimit makro-ekonomik, duke nisur me reduktimin e deficitit, përmirësimin qeverisjes; të gjitha këto janë kushtet për investime të huaja, sepse investitorët janë shumë nervozë nga diskriminimi dhe nga përballja me rreziqet kritike”, – tha Drejtorja Rjonale e BB.



Arkëtimi në buxhet i 850 milionë eurove, brenda vitit

Javën që vjen qeveria do të nisë negocimin e kontratës me ‘Vetro Energy’. Sipas Taçit, si aksioneri kryesor në ‘Vetro’, qeveria ka vendosur një kusht, sipas të cilit, pagesa do të bëhet me një këst. Por përpara se të bëhet pagesa, theksoi ai, duhet të kalojnë disa hallka dhe qeveria duhet të plotësojë disa kushte, ku një nga këto është inspektimi i kontratave koncesionare. Nënshkrimi i kontratës bëhet brenda 30 ditëve pas shpalljes së fituesit, me të drejtë shtyrje edhe një muaj tjetër. Kështu, negocimi në tërësi mund të zgjasë deri në fund të muajit nëntor. Në fund të negociatave, ‘Vetro Energy’ duhet të nënshkruajë kontratën me ministrinë dhe të dorëzojë garancinë e kontratës. Garancia e kontratës do të jetë 20% e çmimit të blerjes ose 170 milionë euro dhe do të jetë sipas formatit të përcaktuar me ligj. Kontrata, pasi nënshkruhet nga ministri përgjegjës dhe blerësi, miratohet nga Këshilli i Ministrave dhe ratifikohet nga Kuvendi i Republikës së Shqipërisë. Miratimi në këto hallka do të bëhet gjatë muajit dhjetor. Pas miratimit nga Kuvendi, e gjithë shuma prej 850 milionë eurosh do të derdhet në buxhet me një këst. Sipas këtij kalendari, e gjitha vlera do të shpërndahet për përdorim në buxhetin e 2013-ës.

MAPO

[Albo]

Albpetroli, sot firmoset kontrata 850 mln, METE: Asnjë ankesë

Blerina Hoxha

Kompania amerikane Vetro Energy u shpall fituese për blerjen e Albpetrol. Deklarimi i kompanisë fituese u bë nga Kryeministri Sali Berisha ditën e sotme në mbledhjen e qeverisë. Kompania fituese ishte dhe kompania me ofertën më të lartë. Vetro Energy renditet i pari me 97. 79 pikë. Edhe sipas konsulentit Patton Boggs’ ka marrë 97,79 pikë, ku vlerësimi teknik është 22,79 pikë dhe financiar, 75 pikë”. Kjo kompani ofroi në tender ofertën financiare më të lartë prej 850 milionë euro. Kjo kontratë jep të drejtën e nxjerrjes dhe shfrytëzimit të naftës, “Ky privatizim synon para së gjithash, rritjen e eficensës së fuqsië nxjerrëse dhe eksploruese të vendit. Për ata të cilët u servirin shqiptarëve mendësitë e të shkuarës lidhur me koncesionet dhe kompanitë private dua tu kujtoj shqiptarëve se në këtë kontaratë, në këtë konscension dhe në cdo kontratë tjetër qeveria jep të drejtën e shfrytëzimit, që nafta dhe gazi që mund të jetë i fjetur në nëntokën shqiptare të mund të nxirret dhe të kthehet në vlerë për ekonominë shqiptare”, tha Berisha.


Ministria e Ekonomisë bëri me dije se nuk është regjistruar asnjë ankimim për renditjen, ndërkohë që afati ka skaduar dje. Sot pritet miratimi i ofertës 850 mln euro nga qeveria

Dy kompanitë, ‘Win Bussines’ dhe ‘Bankers Petrolium’ që janë renditur në vend të dytë dhe të tretë për privatizimin e Albpetrolit nuk kanë ankimuar për rezultatin që Komisioni i Vlerësimit të Ofertave dha duke renditur të parën konsorciumin ‘Vetro Energy’, e cila ofroi vlerën më të lartë prej 850 milionë eurosh. Ministria e Ekonomisë bëri me dije se dje skadoi afati për ankimimin e vendimit të Komisionit të Vlerësimit të Ofertave dhe nuk është regjistruar asnjë ankimim për renditjen. Ndërkohë që Këshilli i Ministrave gjatë mbledhjes së sotshme pritet të shpallë fitues konsorciumin ‘Vetro Energji’, duke i hapur rrugë arkëtimit të shumës prej 170 milionë eurosh si garanci për negocimin e kontratës. Tashmë qeveria ka të siguruara edhe 85 milionë euro si garanci për ofertën, të cilat janë të konfirmuara. Bashkë me garancinë e kontratës kjo shumë shkon 255 milionë euro, të cilat do të jenë të arkëtueshme për qeverinë nëse dështojnë bisedimet për nënshkrimin e kontratës. Pas vlerësimit të ofertave, komisioni përgatiti vendimin, në të cilin u përfshinë renditja e kandidatëve dhe kandidatët e skualifikuar. Komisioni vendosi të lërë në garë 3 kompani që plotësonin të gjitha kushtet e kërkuara. Në garë janë ende konsorciumi ‘Vetro Energy’, që renditet i pari me 97. 79 pikë. “Edhe sipas konsulentit ‘Patton Boggs’ ka marrë 97,79 pikë, ku vlerësimi teknik është 22,79 pikë dhe financiar, 75 pikë”. Kjo kompani ofroi në tender ofertën financiare më të lartë, prej 850 milionë eurosh. Sipas procedurave të garës, kundër vendimit të komisionit, kandidatët mund të paraqesin ankim brenda 5 ditëve nga data e marrjes së njoftimit, pranë ministrit të Ekonomisë, Tregtisë dhe Energjetikës. Ky afat ka mbaruar dje. Më pas Këshilli i Ministrave miraton raportin e vlerësimit të ofertave dhe shpall kandidatin fitues. Përpara përfundimit të afatit të vlefshmërisë së ofertës, ministria do të njoftojë kandidatin fitues dhe do të fillojë negocimin e kontratës me të. Nënshkrimi i kontratës bëhet brenda 30 ditëve pas shpalljes së fituesit. Kandidati fitues duhet të nënshkruajë kontratën me ministrinë dhe të dorëzojë garancinë e kontratës. Në të kundërt, negocimet do të fillojnë me kandidatin e klasifikuar i dyti dhe pastaj me kandidatët e tjerë, të klasifikuar pas tij, në përputhje me të njëjtën procedurë. Afati mund të shtyhet sipas marrëveshjes ndërmjet palëve për 30 (tridhjetë) ditë, por jo më shumë se një herë. Garancia e kontratës është 20% e çmimit, në rastin konkret 170 milionë euro. Garancia e kontratës do t’i kthehet blerësit pas pagimit të plotë të çmimit të kontratës, sipas kushteve të përcaktuara në kontratë. Kontrata, pasi nënshkruhet nga ministri përgjegjës dhe blerësi, miratohet nga Këshilli i Ministrave dhe ratifikohet nga Kuvendi



Qeveria ka të siguruar 85 milionë euro si garanci për ofertën, të cilat janë të konfirmuara. Bashkë me garancinë e kontratës kjo shumë shkon 255 milionë euro, të cilat do të jenë të arkëtueshme për qeverinë nëse dështojnë bisedimet për nënshkrimin e kontratës.



FMN dhe Bode: Albpetroli zgjidh ngërçin e borxhit, shlyhen faturat e biznesit

Privatizimi i Albpetrolit do të zgjidhë të gjitha problematikat që ka buxheti aktualisht”, – tha dje ministri i Financave, Ridvan Bode, në një konferencë të përbashkët për mediat bashkë me Misionin e Fondit Monetar Ndërkombëtar dhe Guvernatorin e BSH-së, Fullani. “Kemi një axhendë intensive për privatizimet në sektorë energjetikë, të cilët do të mundësonin hapësira të reja për mbështetjen ekonomike në periudhën afatmesme”, – u shpreh Bode. Ai tha se një pjesë e këtyre të ardhurave do të përdoren për uljen e borxhit. Të njëjtën këshillë ka dhënë edhe përfaqësuesi i ri i Misionit të FMN-së, Nadeem Lahi, i cili vlerësoi se pjesa më e madhe e parave të grumbulluara nga privatizimet duhet të përdoret për shlyerjen e faturave që qeveria ka ndaj kontraktorëve privatë. Sipas përfaqësuesit të FMN-së, me këtë mekanizëm qeveria do të zgjidhte disa problematika që janë krijuar në ekonominë e Shqipërisë. Së pari, sipas Lahit, duhet të shlyhen detyrimet me privatët. Këto likuiditete kompanitë mund t’i përdorin për investime në ekonomi ose do të shlyenin kreditë në banka, duke ndihmuar në këtë mënyrë edhe në uljen e kredive të këqija. Siç duket, qeveria dhe FMN-ja kanë gjetur mirëkuptim në këtë pikë. Ministri Bode tha se “mendohet që përmes axhendës së privatizimeve, suksesit në këtë axhendë, është synuar të zgjidhen problemet që kanë të bëjnë me disa prapambetje në likuidimin e detyrimeve të buxhetit ndaj disa kontratave. Sigurisht, do të japë një impakt në uljen e mëtejshme të presionit mbi borxhin publik, pra një zbutje të borxhit publik, ulje të tij”. Sipas tij, ky mekanizëm do të përdoret për të nxitur ekonominë shqiptare përmes një axhende në mbështetje të prodhimit. Privatizimi i Albpetrolit, nga i cili pritet të arkëtohen në buxhet rreth 1.1 miliard dollarë, duket se ka relaksuar qeverinë dhe ministrin e Financave. Shuma është e mjaftueshme për të shlyer të gjitha detyrimet ligjore të qeverisë me palët e treta dhe gjithashtu të kryejë edhe investime në infrastrukturë. Mirëpo Misioni i FMN-së dhe kreu i Financave nuk ndajnë pritshmëri të njëjta për rritjen ekonomike të vendit. “Rritja pritet të ngadalësohet në 0.5% në vitin 2012 dhe mund të ngrihet vetëm në mënyrë modeste me 1.3% në 2013-ën, ndërsa kërkesa vendase do të fillojë ngadalë të marrë veten”, – tha përfaqësuesi i FMN-së. Ndërsa Bode tha se pritjet janë për një rritje rreth 3 për qind. Zyrtari i FMN-së këshilloi që në vitin 2013, buxheti duhet të synojë të ruajë të pandryshuar nivelin e borxhit ndaj PBB-së. Konsolidimi fiskal do të kërkojë rritjen e të ardhurave dhe reduktimin e shpenzimeve korrente, ndërkohë që duhet të mbështeten shpenzimet kapitale dhe shpenzimet sociale të destinuara për shtresat në nevojë. Ai tha gjithashtu se sistemi bankar i Shqipërisë e ka përballuar krizën mirë edhe falë mbikëqyrjes së kujdesshme. Bankat mbështeten në depozitat vendase dhe kanë nivel të lartë likuiditeti dhe kapitali. Megjithatë, problemi i rritjes së nivelit të kredive nën standard duhet të adresohet nëpërmjet një ekzekutimi më të mirë të kolateralit dhe pagesës së faturave të prapambetura të qeverisë. Zyrtari i lartë i FMN-së këshilloi që “forcimi i të drejtave të pronësisë dhe zbatimi i kontratave do të ndihmojë në përmirësimin e klimës së biznesit dhe do të rrisë investimet. Një fleksibilitet më i madh në punësimin formal do të ndihmonte në uljen e punës informale”, – tha ai.

Privatizimi i Albpetrolit, nga i cili pritet të arkëtohen rreth 1.1 miliard USD, duket se ka relaksuar qeverinë dhe Ministrinë e Financave. Shuma është e mjaftueshme për të shlyer të gjitha detyrimet ligjore të qeverisë me palët e treta dhe gjithashtu të kryejë edhe investime në infrastrukturë.


MAPO