300 milion euro kredi nga Dojce Bank

E Shtune, 30 Qershor 2007

Shqiperia listohet tregun e Euroboneve.

Shqiperia renditet ne kategorine B1` ne tregun e kredive boterore. Ky eshte vleresimi qe ka bere kompania Moody’s nje nga 3 kompanite me te fuqishme ne bote e cila ben renditjen e vendeve te botes ne tregun e kredive boterore. Ministri i Financave Ridvan Bode e cilesoi kete vleresim si mjaft pozitiv per Shqiperine dhe kapacitetet e saj per thithur investime te huaj. "Kjo eshte hera e pare qe vendi yne i nenshtrohet nje procesi vleresimi me kerkesen e qeverise shqiptare dhe eshte nje standard kualifikimi qe perdoret nga kompanite e medha financiare ne te gjithe globin per te marre vendime investimi. Ministria e Financave shpreh besimin e qeverise shqiptare se ky vleresim do ta beje Shqiperine nje vend me terheqes per investitoret e huaj", theksoi ministri Bode. 680 milione euro do te jete vlera ne total, deri ne fund te vitit 2008 te kredise tregtare, qe vendi yne ka si limit per te marre. Per kete fond limit ministria e Financave, ka rene dokort ne nje marreveshje e me Fondin Monetar Nderkombetar , e cila synon qe te ule nivelin e pergjithshem te borxhit te Shqiperise ne raport me Prodhimin e Brendshem Bruto. Nderkaq, kredia e pare me terma Tregetare qe merret nga ministria e financave eshte ajo ne vleren e 230 milion dollareve, per segmentin Rreshen – Kalimash. “Ende pa marre vleresimin ne tregun monetar nderkombetar ne mundesuam emetimin e nje borxhi prej 230 milion USD dhe para pak ditesh u shpallen fituesit, dy banka te medha greke Alfa Bank dhe Banka Kombetare e Greqise. Kushtet e tyre ishin teper te leverdishme, me afat 15 vjet, me grace period prej 5 vjetesh dhe interes te njejte me ate qe kreditojne bankat e investimeve”, shpjegon Bode. Por sipas ministrise se Finnacave, gjiganti gjerman Dojce Bank ka bere oferte per dhenien e nje tregtie me terma tregtare prej 300 milion euro si bono me afat 10 vjecar. Por rritja e aftesise se shtetit shqiptar per te marre kredi ka ngritur nje tjeter pikepyetje, aftesine e qeverises per ti materializuar keto kredi ne investime publike , pasi te dhenat e viteve te fundit tregojne se qeveria ka mundur te thithe 150 milione dollare investime te huaja. Megjithese ka nje diskutim lidhur me vellimin e investimeve dhe absorbimin e tyre, ne 5 mujorin e pare te ketij viti, edhe pse ne nuk jemi ne parametrat qe jane programuar, niveli i tyre eshte rreth 70 % . “Aktualisht ne mendojme se duhet te rritet kapaciteti i pergatitjes se projekteve dhe i thithjes se investimeve. Ky fleksibilitet qe ne krijojme permes hyrjes drejt per drejt te qeverise shqiptare, ne tregun e kredive nderkombetare, krijon nje fleksibilitet me te madh ne perdorimin e fondeve, por nga ana tjeter kerkon kapacitete me te mira teknike dhe menaxhuese te administrates publike qe projektet e hartuara te jene cilesore, ne perputhje me nevojat dhe strategjite e zhvillimit qe ka vendi dhe te zbatohen ne kohen e duhur”, tha Bode.