Rozeta Rapushi
E Premte, 29 Qershor 2007
Parlamenti do te dominoje mbi dy institucionet kryesore te shtetit, Presidences dhe Kryeministrise. Nje ndertese teper e ndricuar, qe do te ngrihet disa metra me lart dy institucioneve kryesore te shtetit dhe do i jape nje pamje krejt tjeter bulevardit "Zogu i Pare". Keshtu do te jete, kompleksi i ri parlamentar qe pritet te nise te ndertohet vitin e ardhshem dhe qe do te respektoje dhe vizualisht formen e regjimit te shtetit shqiptar, Republike parlamentare. Juria nderkombetare perzgjodhi dje si fituese firmen Zvicerano-Shqiptare qe eshte nje bashkepunim mes arkitekteve Mario Campi, Fabio Reinhart dhe Agron Jano. Kjo firme duke ju pershtatur Kushtetutes qe e percakton Shqiperine si Republike Parlamentare, ka marre persiper te nxjerre shume ne dukje kompleksin e ri parlamentar, qe do te qendroje mbi institucionet e para te shtetit qe jane Presidenca e Kryeministria e ndodhen afer tij. Eshte ende heret per te nxjerre shifra se sa do te kushtoje godina e re e stermadhe e Parlamentit, nga rikonstruksioni e ndryshimi i se ciles do te dalin ne "qiell te hapur" shume institucione te tjera, si Kontrolli i Larte i Shtetit, Avokati i Popullit apo Gjykata Kushtetuese. Arkitekti shqiptar, Agron Jano, fitues i konkursit te djeshem per ndertimin e kompleksit parlamentar tha per gazeten "Koha Jone" se kostoja e ndertimit te kompleksit te ri parlamentar, do te varet disi dhe nga fondi i buxhetit qe shteti do te percaktoje per kete strukture si dhe materialet qe do te perdoren. Procedura e kerkon qe nga projekti i paraqitur dje, nga firma zviceriano-shqiptare e deri ne venien ne zbatim si ide te tij, kerkohet nje periudhe gjashte-mujore. "Perzgjedhja e projektit fitues u be nga nje juri nderkombetare e perbere nga emrat me ne ze te arkitektures boterore. Fakti qe studiot ishin nga me prestigjiozet dhe juria ishte po aq prestigjioze, me ben te mendoj se kompleksi i ri parlamentar do te jete po ashtu i kesaj kuote dhe i ketij niveli", tha pas shpalljes se firmes fituese, Kryetarja e Kuvendit, Jozefina Topalli. Kryetarja e Kuvendit uroi qe te jete ajo qe do te vendose gurin e pare te godines se re te Parlamentit, nderkohe qe u shpreh se nga pikepamja arkitektonike po e orientojme Shqiperine drejt nje te ardhmeje evropiane. Ne konkursin nderkombetar per kompleksin e ri parlamentar, paraqiten kerkesat per pjesemarrje 45 studio arkitekture nga te gjitha shtetet fqinje, por dhe nga Gjermania, Anglia, Franca, Belgjika, Spanja, SHBA, Malajzi e Japoni. Pas shqyrtimit te kerkesave te paraqitura, Komisioni i Vleresimit te Ofertave, i ngritur me vendim te Kryetares se Kuvendit, perzgjodhi 10 studio, te cilat paraqiten projektet e tyre ne seance publike.
Epersia
Shume shpejt Parlamenti do te jete nje nga institucionet qe do te bien me ne sy ne vend. Nga struktura e miratuar dje, kompleksi i ri parlamentar do te jete me i shndritshem dhe me i larte se dy institucionet kryesore te shtetit shqiptar, Presidences dhe Kryeministrise. Kjo ka lidhje disi dhe me Kushtetuten e cila e percakton Shqiperine si nje Republike Parlamentare. Do te jete nje objekt i shndritshem, i cili do te nxjerre jashte loje disa institucione qe kane qene "strehuar" ne kete godine.
Fituesi
Studio e arkitektures zviceriano-shqiptare me arkitektet Mario Campi, Fabio Reinhart dhe Agron Jano fituan dje, konkursin per ndertimin e kompleksit te ri parlamentar. Kjo u perzgjodh mes 10 studiove qe ishin ne gare per te marre persiper ndertimin e kompleksit te ri parlamentar. Ne vend te dyte, ishte studio CoopHimmlblau Prix & Seiczinky & Dreibholz ZT Gmbh, nga Austria dhe ne vend te trete u shpall Mario Cucinella Architects S.r.l dhe Politecnica-Ingegneria e Architettura SCRL, Itali.
Ndertimi
Ndonese u perzgjodh dje, studioja, e cila do te projektoje ndertimin e kompleksit te ri parlamentar eshte ende heret per te folur mbi nje periudhe, se kur do te nisin realisht punimet. Gjashte muaj eshte procedura, qe projekti i paraqitur nga studioja zviceriano-shqiptare te zbatohet ne realitet e me pas do te mund te nisin punimet. Kostoja varet nga fondi qe qeveria shqiptare do te jape per ndertimin e kompleksit te ri parlamentar. Ndersa fondi, ende nuk eshte percaktuar nga qeveria shqiptare.
Studiot qe konkurruan
AMA Architecture dhe Daudre-Vignier architecte France
CoopHimmlblau Prix & Seiczinky & Dreibholz ZT Gmbh Austri
E.M.B.T sl, ODB Architects, HORMA AND Spanje/Angli/ Itali
GMP, RA Consultino S.r.l (Itali) Gjermani/Shqiperi
Hijjas Kasturi Associates Sdn Malajzi/Itali/Angli
Irlande/Shqiperi
Ishimoto Architectural & Engineering (Tokyo) Japoni/Itali
Mario Campi, Fabio Reinhart, Agron Jano. Zvicer/Shqiperi
Mario Cucinella Architects dhe Politecnica-Ingegneria Itali
Samyn and Partners Ingegneria Belgjike/Itali
Studio Architetto Mario Botta Zvicer
Përgjigju Duke Cituar
Krijoni Kontakt