Dosja antishqiptare e Greqisë, 1912-2007

[BARAT]

Shikoni se si kane shkuar ngjarjet. Varg, njera pas tjetres. Ne fillim shkolla te paligjshme, pastaj sponsorizim qe te forcohet ideja se Himara eshte minoritare, kur jo vetem qe nuk asnje prove historike per kete gje por eshte nje turp qe s ka ku te shkoje. Eshte njelloj sikur te thote Italia se te tere shqiptaret qe dine italisht jane minoritare italiane dhe une dua Tiranen Durresin Vloren Shkodren etj dhe dua qe te hapen shkolla italisht. Mirepo perseri te shiturit mbane gojen mbyllur, ashtu si po bejne edhe ne rastin aktual me Bollanon, qe pas deklarates ofenduese per nje komb te tere (se ku e gjen ai te drejten qe te kerkoje gjysmen e Shqiperise, kete te na e thote Saliu+salushet dhe Nano+nauçet), nuk e vret trurin fare, sepse e kane siguruar shefat e tij qe me ata lepujt jemi marre vesh...por s mbaron me kaq sepse si kane bere mire llogarite keta Bol lanot.

-------------------
Gjatë ceremonisë së inaugurimit është folur vetëm greqisht dhe janë lëshuar parulla nacionaliste greke

Hapet shkolla greke, Himara, thirrje për bashkim me Greqinë


Lindita Çela

HIMARË- Ajo që duhet të ishte thjesht një ceremoni e rëndomtë zyrtare që do të finalizohej me prerjen e një shiriti inaugurues është shndërruar dje në një miting elektoral të organizatës OMONIA në qytetin e Himarës. Thirrje antishqiptare si dhe parulla për bashkim me Greqinë, kanë qenë lajtmotivi kryesor i kësaj ceremonie. Ka qënë OMONIA dhe kryetari i bashkisë së qytetit, Vasil Bollano, ata që kanë organizuar festë si dhe janë kujdesur që në të, të mos ketë pjesëmarrës të padëshiruar. Kështu jo çdo himariot ka guxuar dje të ngjitet në zonën e quajtur Himara Fshat, aty ku edhe u inaugurua shkolla nëtëvjecare. Kjo është shkolla e parë në gjuhën greke në Himarë qysh pas Luftës së Dytë Botërore. Ndërkohë, gëzimi për hapjen e shkollës në gjuhën greke është shuar menjëherë pasi të pranishmit kanë parë se kishin përballë vetëm një ndërtesë me katër mure por asnjë bangë apo send tjetër që të tregonte se bëhej fjalë për një shkollë. Të vetmet gjëra që tregonin se aty mund të bëhej një shkollë ishin disa libra të vjetër, në gjuhën greke, të cilët ishin hedhur në një prej korridoreve të ndërtesës. Kjo ishte shkolla që himariotët e inaguruan dje me hare këngë dhe parulla antishqiptare.
(po nxenesit mo qirje, ku i keni...ku i keni nxenesit qe me zor flasin shqip dhe duan te mesojne gjuhen e memes, ate greqishte...s keni ku ti gjeni. VETEM PO TE VESHE PERPARESE TE ZEZE BOLLANEJA ME DULEN ....lol-BARAT)
***
Nën thirrjet “Rroftë Greqia”, “Himara është e Greqisë” si dhe duke kënduar himnin kombëtar grek, himariotët kanë pritur dje ardhjen e zv/ministrit të jashtëm të qeverisë greke, Stilionidhis në qytetin e tyre. Megjithëse festa në këtë qytet ka nisur pa zbardhur ende dita, zv/ministri grek ka mbërritur në vendin ku do të inaugurohej shkolla vetëm rreth orës 14 e 30 minuta. Ai ishte i shoqëruar në këtë ceremoni nga zëvëndës i integrimit, Albert Gajo, dhe nga një sërë diplomatësh grekë. Me të ardhur “miqtë” të pranishmit në ceremoni kanë gjetur edhe rastin për të shprehur pakënaqësitë e tyre. Duke folur vetëm në gjuhën greke, banorët kanë shprehur hapur pakënaqësitë e tyre ndaj shtetit shqiptar. Pas kësaj, gjithçka është shndërruar në një festë për ta. Kjo festë është shoqëruar me thirrje për bashkim të Himarës me Greqinë, edhe pse aty ndodhej edhe një përfaquesi i shtetit shqiptare. Situata progreke ka vazhduar përgjatë gjithë ceremonisë së inaugurimit të shkollës së re ku nuk është folur as edhe një fjalë në gjuhën shqipe.
***
Gjatë fjalës së tij, zv/ministri grek ka pohuar “Hapja e shkollës është një hap i parë i Shqipërisë drejt integrimit në Bashkimin Europian”. Zëvendësministri grek i konsideroi himariotët, duke iu drejtuar me fjalët “atdhetarë”, se ata janë një urë e bashkëpunimit të Shqipërisë me Greqinë dhe se hapja e kësaj shkolle, sipas tij, do të ndikojë në përforcimin e marrëdhënieve mes dy vendeve tona.
(Me sa duket Parlamenti Evropian eshte shume i shqetesuar per fatin e tre kater minoritareve qe do vene ne shkollen e Himares, apo jane te tjera raportet qe u con zedehnesja jone ne BE, zonja GREQI?? -BARAT)
Ndërkohë, po kaq i lumtur për hapjen e shkollës në gjuhën greke ishte edhe kryetari i Bashkisë së Himarës, Vasil Bollano. Sipas tij, pas 60 vjetësh, himariotët mundën të realizonin ëndrrën e tyre të mësimit në gjuhën amtare. Pas kësaj fjalie, Ballano nuk ka mundur që të japë detaje të tjera në lidhje me shkollën pasi ato nuk janë saktësuar ende. Ai nuk ka ditur që të shpjegojë se cili do të jetë profili i kësaj shkolle 9- vjeçare; sa nxënës do të hyjnë në të si dhe nëse në këtë shkollë do mësohet vetëm në greqisht apo edhe në gjuhë të tjera.

Himara ndahet për ceremoninë e shkollës
Ceremonia për inaugurimin e shkollës në gjuhën greke ka përçarë popullin e Himarës duke bërë që një pjesë e tij të mos shkojë. Këta banorë të Himarës kanë qëndruar larg festës dhe nuk kanë pasur guximin që të kundërshtojnë thirrjet antishqiptare të lëshuara në të. Një ndër këta njerëz është edhe Lefteri (ndoshta behet fjale per Lefter Çipen, nje prej perlave te folkut lab, poet dhe kengetar..krijuesi i nje numri te pafund kengesh labe, krijuesi i tekstit te Vajza Valeve. Shqiptar puro dhe burre i njohur ne tere jugun-BARAT ), i cili pothuajse që në mëngjes ka kundruar të gjithë panoramën pa guxuar të jetë pjesë e saj. Ai tregon se nuk është kundër hapjes së shkollave në gjuhë të huaja por ato duhet të jenë në gjuhë që vërtetë mund t’i shërbejnë të ardhmes së fëmijëve himariotë dhe jo në greqisht. Sipas tij, të gjithë fëmijët e Himarës dinë greqisht dhe nuk kanë nevojë që të bëjnë shkollë për këtë gjuhë. Të njëjtin mendim ka dhe një tjetër banor i Himarës, i cili duke qenë se është pjesë e strukturës së një partie shqiptare nuk dëshiron që të identifikohet. Ai shpjegon se mësimi i gjuhëve të huaja është kulturë por se kjo kulturë po trumbetohet ndryshe në qytetin e tij. Një përçarje është vënë re dje edhe ndërmjet përfaqësuesve të qeverisë shqiptarë që duhet të ishin të pranishëm në këtë ceremoni. Gjergj Bojaxhi, zv/ministri i Energjitikës, ka refuzuar që të marrë pjesë në këtë ceremoni pasi e ka konsideruar shkollën greke si të jashtëligjshme. Ndërkohë, zv/ministri i Integrimit, Albert Gajo, ka qëndruar në ceremoni dhe ka pohuar pas saj se shkolla greke është e aprovuar nga shteti shqiptar dhe se hapja e saj është një gjë shumë e mirë për komunitetin e Himarës.(Gajo ia fut qorres kot sepse Bojaxhiu tha se eshte e jashteligjshme...por edhe ate e ka cuar shefi atje dhe i ka thene zaten se thua ndonje fjale kundra, po se gezon me nje dite karriken e bute ku je ulur-BARAT)


27/02/2006
KATEGORIA: Kronike nga rrethet -SHEKULLI

[BARAT]

Zv/ministri i Jashtëm grek pohon se hapja e shkollës në Himarë forcon marrëdhëniet ndërmjet dy vendeve tona

Stilianidhis: S’është diskutuar hapja e shkollave shqipe në Greqi

(hajde te dh!er qe i ben ky miku Genc Pollos hajde...hajde o Pollo me tu mbyllte, burre zotni dole dhe tine. Po pak me siper ti sikur thoje se : "...Ministri Pollo ka premtuar tashmë se janë nisur negociata mes dy vendeve, për mundësimin e hapjes së një numri shkollash në gjuhën shqipe për fëmijët e shumtë të emigrantëve të cilët rrezikojnë të humbin gjuhën amëtare...."
BARAT)


Shekulli

Zv/ministri i Jashtëm grek, Stilianidhis, e konsideron hapjen e shkollës greke në Himarë si një hap përpara i marrëdhënieve ndërmjet vendit tonë dhe Greqisë. Sipas tij, shkolla në Himarë ishte e domosdoshme për atë pjesë të minoritetit grek që flet këtë gjuhë për që nuk ka patur mundësi ta shkruajë. Në një intervistë për “Shekullin” Stilianidhis është shprehur shumë entuziast për hapjen e shkollës ndërkohë që deklaron se ende në qeverinë helene nuk është diskutuar hapja e një shkolle në gjuhën shqipe, edhe pse në Greqi jetojnë një numër shumë i madh shqiptarësh.

Zoti Stilianidhis, si e konsideroni hapjen e shkollës greke në Himarë?
Unë e thashë edhe gjatë fjalës sime përballë banorëve himariotë se hapja e kësaj shkolle shënon një hap përpara në bashkëpunimin që ekziston ndërmjet Shqipërisë dhe Greqisë. Këtu jetonte një komunitet që deri më tani nuk ka patur mundësi të arsimohet në gjuhën që flet, ndërsa tashmë kjo gjë është bërë e mundur. Minoriteti grek në Shqipëri është një urë bashkëpunimi ndërmjet Shqipërisë dhe Greqisë dhe me hapjen e kësaj shkolle është realizuar një prej ëndrrave më të mëdha të këtyre banorëve.

A është diskutuar në qeverinë tuaj për hapjen e shkollave shqipe në greqi?
(kushedi sa ka qeshur ketu Skilia n dhis - BARAT)
Shteti që unë përfaqësoj ndjek një politikë të gjithëpërfshirjes së të gjithë popujve fqinjë që jetojnë tek ne. Po kështu ne kemi dhënë kontributin tonë për të ndihmuar në integrimin e popujve tanë fqinjë në familjen e madhe europiane. Ne jepi përpjekur të investojmë jo vetëm në ndërtimin e shkollave e kishave por edhe projekteve të tjera të rëndësishme dhe një prej tyre është ai i ujësjellësit. Deri më tani kemi investuar në ndërtimin e 30 shkollave dhe kjo jo vetëm në jug të shqipërisë por edhe në veri. Kjo është politika që ne ndjekim për të ndihmuar popujt tanë fqinjë në integrimin në familjen europiane
(pra plotika eshte e tille, maqedoni dhe Shqiperia duhet te flasin greqisht qe te hyjne ne BE dhe qe ti degjoje Zoti se ndryshe me kete gjuhe te mallkuar qe kane shqiptaret, s vene asgjekundi. Gazetarja e pyet per shkolla shqip ai i thote se kemi hapur shkolla ne Shqiperi greqisht, pra ce doni shqipen me nje llaf...-BARAT)

Hapja e shkollave shqipe në Greqi, a është diskutuar?
(gazetarja s lodhet e pyet perseri-BARAT)
Unë thashë sot këtu se minoriteti grek në Shqipëri është një urë miqësie ndërmjet Shqipërisë dhe Greqisë, po kështu janë edhe shqiptarët në Greqi. Deri më tani asnjë prej shqiptarëve që jetojnë në Greqi nuk iu është mohuar e drejta e shkollimit apo e ndjekjes së fakulteteve në vendin tonë. Kështu që edhe ata shqiptarë që jetojnë në Greqi japin kontributin e tyre në marrëdhëniet e mira që ekzistojnë ndërmjet dy vendeve tona.

Po përsa i përket hapjes së një shkolle shqipe në Greqi a ekziston mundësia?
(gazetarja s lodhet e pyet perseri...dhe ne fund JO-ja e thate-BARAT)

Stilianidhis:
Qeveria ku unë bëj pjesë ndoshta në të ardhmen mund të diskutojë për hapjen e një shkolle shqipe. Për momentin jo.

--------------------------------------------------------------------------
(dhe behet fjale per nje shkolle te vetme...vetem per nje ..pra as edhe nje nuk eshte hapur.)

[BARAT]

U nxehen njerezit edhe njeher po s dinin c te benin. Kujt ti flisnin? Kujt ti ankoheshin ? Kush do e kuptonte te verteten e tyre?

-------------------------------------------------------------------

I dashur shteti im! (pa liçencë…)

Nga: Arbër Himarioti

I dashur shteti im, (pa liçencë)
I dashur Kryeministër i vendit tim (pa liçensë.)
Për të hapur një dyqankë të vogël që të shesësh ca patate e qepë, sa për të mbajtur frymën gjallë, duhet patjetër një liçensë. Tatimorët e shtetit mbrrijnë me vrap dhe të kërkojnë lejen. Për të hapur një shkollë greke, në vendin tonë, ditën për diell, nuk ka nevojë për liçencë. “Shakaja” e radhës ka ndodhur në Himarë. Pa u ndjerë fare. Në kohën kur kryeministri ynë merrej me analizën fantastiko - shkencore se Blendi Klosi është një maniak elektroniko – polonezo - seksual, në Himarë, në një nga karakollet e Labërisë (Kaonisë) në tokën e tij, ( të kryeministrit dhe tonën) pa anjë leje, vërshon një copë greqi politike, mediatike, folklorike dhe ia këput një inagurimi për shtatë palë qejfe të një shkolle. Tej e mbanë Shqipërisë të gjithë bëjnë të paditurin. Në media ka një heshtje varri. Vetëm një televizion është ndodhur aty. Greqia ka dërguar nja 12 kamera për t’i treguar popullit të saj se Himara “e saj” e lavdishme, më në fund u bë greke.
Unë (dhe ne) në mbrëmje presim që kryeministri i vendit, ( i kudondodhuri ynë, i pagjumi ynë, që di edhe se si e kanë emrin gratë e deputetëve dhe në cilat dyqane i blejnë rrobat me lekët e korrupsionit,) të thotë pesë fjalë se si na mbiu kjo “copë greqi” aty ku ka vetëm ca greqishtfolës dhe asnjë pikë gjaku grek. Presim të gjej një justifikim rajonalo - ballkanik, intergako – politik, të paktën një ngritje supesh, një si nënqeshje, që do të na hutonte ne, popullin injorant, me nëntekstin „që ka ca gjëra të thella diplomatike që ju nuk i kuptoni dot etj...etj.” Mirëpo kjo nuk ka ndodhur. Ai nuk di asgjë. Ai e quan këtë një gjë të vockël fare përpara kungulleshkës “me kuti apo pa kuti.” (Tu thaftë goja, o beu ynë, që s’the një fjalë për gjuhën tonë shqipe! Frazë e marrë nga poeti ynë Çajupi. ( Kjo për të luftuar piraterinë e KKRT dhe Halil Lalën!)
Ndërkohë, ne durojmë e presim mos e bëj këtë gjë Ministri ynë i Arsimit shqip, mirëpo edhe ai është i zënë me lojën “me buton a me kuti” dhe nuk i nxihen fare vetullat e bardha për këtë punë. Durimi ynë i kalitur rënkon ende, duke pritur që këtë ta bëjnë TV -të tona, ata pesë - gjashtë analistët proverbialë që dinë gjithçka (jo më kot të gjithë ata tani kanë lënë mjekra 3 - 4 milionëshe, e kisha fjalën për rrogën e tyre, megjithse kam respekt për nja dy - tri të tjerë pa mjekër,) mirëpo edhe ata patriotët tanë të mëdhenj, që mbrojnë edhe popullin irakian nga “padrejtësia” amerikane, për çudi nuk thonë asnjë fjalë. (Tu thaftë goja, o beu ynë, që s’the një fjalë për gjuhën tonë shqipe!) Nuk e bën këtë as Ministri ynë i jashtëm, i cili është shumë i zënë me sa duket me punën e ndarjes së Mitrovicës dhe nuk di gjë për Himarën. Në fund të fundit Himara është punë e përbrendshme dhe ai merret me të jashtëmet (po sikur të ngatërrohesha e të thoshja gabimisht jashtë... pu, sa turp!)
Amani more gjeni një njeri të na i sqaroj se si ndodhi kjo gjë ditën për diell, se po çmendemi fare!...Amani bre se kemi të drejtën e shenjtë të informimit...të mbrojtur me kushtetutë. Mirëpo askush nuk flet për këtë gjënë e vockël me flamure e me himne palikarësh…Kujt t’i drejtohem se po plas?!… T’i drejtohem OBSE- së ata janë thjeshtë vëzhgues të paanshëm.
I dashur shteti im, (pa liçencë)
I dashur Kryeministër i vendit tim (pa liçensë.)
Gjeni një njeri të na i shpjegojë se si ndodhi kjo gjë, se po luajmë mendsh seriozisht. Harroni për një çast atë punën “me buton a me kuti” dhe na i ftilloni se si u kaluan fshehurazi në kufi gjitha ata burra me flamuj e buri dhe bënë goxha festë në Himarë, ku pas 50 vjetësh diktature, përsëri u kthye triufalisht gjuha greke dhe himni grek dhe thirrjet “duam të bashkohemi me Mëmën Greqi”, që kushtojnë gjithsej (në histori) 200 euro copa, aq sa është pensioni grek, i cili dikur ndahej natën e tani ndahet ditën. Na i spjegoni se po plasim me farsën komike të shtetit se si një zëvendës ministri ynë shkoi po s’tha asnjë fjalë (iu thaftë gjuha që në rrëzë, o zot) e një tjetër (i ekonomisë më duket ) cazë më “patriot” nuk shkoi fare.... Pikë e zezë! Është kaq misterioze kjo histori sa as sigurimi i famshëm i Kadri Hazbiut nuk do ta zbërthente dot.
Na i spjegoni de, se si qe ajo puna e Himnit grek, që këndohej për faqe të zezë nga që greqishtja tregtare e Korfuzit të vitit 1780 e “himariotëve 200 euro copa” nuk sinkronizohej dot me greqishten moderrne të Kavafis dhe Ricos.
Na shpjegoni si ta kuptojmë atë deklaratën e koalicionistit tuaj, Dules, (grek pa “s” me mbiemër mysliman,) se tani që u hap shkolla greke në Himarë ne shqipatrët kemi hipur në trenin e Brukselit dhe shpëtuam.(Daltë në kilometrin e parë nga shinat ky tren, në se na çon në Bruksel duke kënduar Himnin grek, që qoftë i bekuar për grekërit, se ne himariotët e vërtetë kemi atë tonin, të Asdrenit, që Neço Muka ynë i bukur si gjaku i tij i pastër arbëror, shkoi dhe e inçizoi në Paris me lekët e tij dhe pllakat e para të gramafonit me këtë himn i shiti në Himarë.
I dashur Kryeministër i vendit tim (pa liçensë.)
Qoftë thasheshem i mallkuar, po kam marrë vesh se nja tridhjetë tropojanë, emigrantë të konvertuar në greqi dhe nja tridhjetë gramshiotë, do të kthehen ( sigurisht të sponsorizuar ) dhe do të kërkojnë të hapin një shkollë greke në Tropojë e në Skrapar, për fëmijët e tyre që tani nuk dinë më shqip. A do t’u japësh liçencë apo do t’ia lësh këtë punë Dules, që të mos prishësh koalicionin delikat “me buton a me kuti, ha- ha- ha e hi-hi -hi”
Dikur para nja dhjetë vjetësh kur “himariotët” kërkonin shkollë greke unë edhe ti (më fal, Ju) qeshnim sa na tundej barku me këtë shaka, (madje ti, më fal, Ju, i arrestoje për ca çifte pa leje) Po sikur kjo shakaja e Tropojës dhe e Skraparit, që tani është shakaçkë, pas ca kohësh të na dalë e vërtetë? Se në këtë vendin tonë edhe shakaja më e marrë të ngjet e të del e vërtetë ditën për diell. Se të gjesh nja tridhjetë burra 200 euro copa sot, i gjen edhe në Tropojën tonë heroike edhe në Skraparin e lavdishëm. A ka ndonjë opsion të tijën për këtë punën e shkollës greke, labi himariot, Lefter Xhuveli nga Dukati, apo mjedisi i Himarës është në rregull tani që himni grek dëgjohet deri në Dukat tek varret e gjyshërve të tij...
Siç e shikoni u bënë shumë pyetje dhe shkrimi im u bë ca si lëmsh, po si mund të jesh i kthjellët në këtë farë turbullire mistike që u ngjan romaneve moderrne të Xhojsit.
A do të kesh mirësinë ( se e ke për detyrë, or burrë i dheut,) të na i sqarosh me që je qeveritari i parë i shërbimeve dhe i shërbesave. Mos ua lerë historianëve të mëvonshëm se kam frikë që mund të të rëndojnë me shumë epitete. Sqaroje qysh tani se si qe kjo punë që s’u ndjeve fare, sepse ( qoftë larg!) kam frikë, mos kjo puna e „me buton a me kuti ha- ha- ha e hi-hi –hi,” është shpikur prej teje, që të mos ia var njeri kësaj çështjes së greqizimit të Himarës kaonike. Bëje këtë, që të flerë rehat në varr edhe Petro Markua, edhe Nase Labi, edhe Zaho Koka, edhe Odise Grillo, Sokrat Leka, Andrea Varfi, edhe Kapedanëve e Vunoit që shkuan deri në Prizren më 1878 për shpëtimin e Himarës dhe të Shqipërisë, edhe .... Ose ndryshe na thuaj që t’u vemë nga një flamur grek tek koka dhe kockat e tyre të bjenë në paqe njëherë e mirë.
I dashur Kryeministër i vendit tim (pa liçensë.)
Në se shkolla greke u takon le ta gëzojnë! Në se kjo quhet intergrim, miqësi, tolerancë e të tjera gjëra që ne shqiptarët e thjeshtë (dhe himariotët akoma më të thjeshtë) nuk i kuptojmë dot, qoftë e bekuar shkolla greke! Në se ti ( më fal, Ju) je marrë vesh si burrë i besës me shtetarët grek, se edhe ata do të bëjnë të njëjtën duke hapur shkolla shqipe 9- vjeçare) në Specia, në Hidra, në Çamëri, e cila për grekërit nuk egziston as si nocion historik) në mbarë Greqinë, ku ka akoma mijra e mijra arvanitas ( s’po them miliona) të lashtë e të rinj, atëhere hallall të qoftë se ne qenkemi sylesh. Ne nuk ditkemi gjë e në Greqi do u hapkan nja 12 mijë shkolla se edhe kaq besoj nuk dalin. Pa le ç’tmerr do jetë kur t’I të na taksosh për tu çuar internetin që e ke premtuar. Atëhere hallall, or burrë i maleve, po ua falim fare Himarën me kadastër se katër mijë banorë ka. (Sigurisht Lefter Çipa dhe qindra burra të tjerë të ndershëm nuk do shkojnë e do ngjitet prapë lart në Pilurin e tij e tonin, për të shkruar elegji malli për Himarën e tij të bashkuar me tokën e famshme të gjeneral Zervës.)
Ajo që na shqetëson ne të gjorëve është të kuptojmë, në se kemi ende ndonjë çikë shtet tonin, apo jemi si Hani i Stavros akoma?! Ajo që na shqetëson ne të gjorëve është të kuptojmë, në se kemi akoma ndonjë çikë nder e dinjitet si komb apo na ka plasur fare cipa. Ajo që na shqetëson ne të gjorëve është të kuptojmë në se kemi akoma ndonjë burrë që të thotë ky vend, si të gjitha vendet e botës, ka ligje e rregulla si çdo shtet sovran e si çdo popull sovran. (Fjalën sovran ti e ke aq për zemër dhe e ke përmendur edhe në fshatin më të humbur, kur kërkoje vota. Prandaj e shkruajta dy herë rresht,.edhe pse përsëritja e një fjale dy herë brenda një fraze është amatorizëm letrar)
Në se nuk na jep dot një përgjigje, na i boto tekstin e Himnit grek të transliteruar me shkonjat shqipe, në fletoren zyrtare me një VKM të veçantë si projekligj të Dules, dhe ti përpara me zë baritoni e ne mbprapa me zërin e dytë, ta këndojmë për shtatë palë qejfe sa të tunden malet e detet tanë arbërorë.
Pak më vonë i këpusim një të mohuar edhe Kongresit tonë të Manastirit, ku “ca të lajthitur” si Gjergj Fishta me shokë, si “injorantë” që ishin, nuk zgjodhën gërmat greke në vend të atyre latine. (Këtë propozim lerua aleatëve si Lefter Xhuveli, komunisto - socialistit ma të korruptuoem dhe mos e nxirr fare në skenë Vangjelin përsëri,) se mund të të iki ndonjë votë për dhjamë qeni. Atë shiko, votën, i dashur Kryeministër i vendit tim, (pa liçensë,) lere Himarën se përpara serenatës “me buton a me kuti, ha- ha- ha e hi-hi –hi” Himara është një pesë me hiç…
E me që e nisëm me dy vargje të një poeti tosk, pse mos ta mbyllim me dy vargje të të një poeti të madh geg: “O moj Shqypni, e mjera Shqypni/Kush të ka qit me krye në hi?! Dikur ke pas kenë një Zonjë e randë,… (Dulet me vota kurrë s’të kanë trandë....”)
shtetari yt (pa liçence.)


BALLKAN

[BARAT]

Nga: Arben Duka dhe Gjergj Golemi

O Vasil Bollano leshi
O greku nga Kurveleshi

Shtatë herë në ditë lutesh
Kjo tregon se hiç nuk ngutesh
As nuk ngutesh, as nuk tutesh
Kur këkon që të shkëputesh

O more Bollano leshi
O greku nga Kurveleshi
Ke pesë vjet që bën rrëmujë
Herë si kec e herë si ftujë

Herë si qepë e herë si hudhër
O ushtari ndënë urdhër
Ndënë urdhër, ndënë fre
Se s’je kali hergjele

Nga ne do që të shkëputesh
Në të stëme të futesh
Bollano të lumtë trapi
Që na vure brirë cjapi!...

Lih, or lih, aty ku rri
Po fajin nuk e ke ti
Kot u kapëm me Bollanon
E ka Berisha me Nanon

Këta trima të byrekut
Që ja lanë Himarën grekut
Që të dy janë “kryeburra”
Po nga greku u shkon shurra...

Që të dy për pak kolltukë
Kthehen, hop, në eunukë
Eunukë për buzuqë
Kot që ishin lëkurëkuqë!...

Këto dy burra me barrë
Nuk pjerdhin për një Himarë
Po për kolltukët që rrinë
Shesin gjithë Shqipërinë!...

Gjithë Shqipërinë e shesin
Veç të mos humbasin thesin
Ndaj s’ia vlen hiç me Bollanon
Por me Salën dhe me Nanon

Miqtë e dashur të fasules
Deputetin ia lanë Dules,
Për ti bërë qejfin Greqisë
I dhanë vulat e bashkisë

Gjëmon greku me jehona
Thotë: “Himara është e jona!”...
Sepse Çorba është e helmuar
Grek-kopilin ka votuar...

Socialistë e demokratë
Kanë mbetur në të thatë
Qendra dërgon porosinë:
“Mos e prishni terezinë!”...

“Mos e prishni terezinë
Mos e mbushni hiç kutinë
Aspak mos e çani tulen
Mos mërzisni Vangjel Dulen!

Kontratë nuk kemi bërë
Po në heshtje që të tërë
Neve trimat e byrekut
Himarën ia falëm grekut!”...

***
Ngrihet shqipja si furtunë
E fal ti, po s’e lë unë
Merr me vete dhe Mballomën
Dhe më puthni prap fundomën

Puthni, o burra-kukuthi
Aty greku më puthi
Se Himara është e imja
Dhe nuk do t’i preket qimja!...

[BARAT]

Kur u hap shkolla greku i rradhes tha:
Gjatë fjalës së tij, zv/ministri grek ka pohuar “Hapja e shkollës është një hap i parë i Shqipërisë drejt integrimit në Bashkimin Europian”. Zëvendësministri grek i konsideroi himariotët, duke iu drejtuar me fjalët “atdhetarë”, se ata janë një urë e bashkëpunimit të Shqipërisë me Greqinë dhe se hapja e kësaj shkolle, sipas tij, do të ndikojë në përforcimin e marrëdhënieve mes dy vendeve tona.

Tani e hengren llafin dhe filluan te lehin ne BE.
Duket qarte dhe hapur se greket kane qendrim antishqiptar dhe kane si qellim te vetem perfitimn territorial dhe shtimin ne menyre artificiale te minorances greke ne Shqiperi. Pse nuk thone perseri keta legenet si thane ne diten e inagurimit te nje godine pa nxenes qe e quajten shkolle...pse nuk thone qe shqiptaret jane te mirepritur ne BE? Apo duhet thene greket-shqiptare se gradualisht kete po thone qe ne nuk egzistojme

--------------------------------------

Greqia ankohet për Himarën në BE

Viron GJYMSHANA Bruksel
30-04-2007

Olli Rehn pranon se si në Himarë dhe po ashtu edhe në rrethe të tjera, pati parregullsi për shkaqe administrative

Eurodeputetët në Bruksel, në sinkron me deklaratat e Bollanos dhe Kokosis

TIRANË- Si në një orkestër të drejtuar me zotësi nga një dirigjent i aftë, e ashtuquajtura "çështja e minoritetit grek" në Himarë, po jehon dhe po merr pak nga pak përmasa sa kombëtare dhe ballkanike, por po aq edhe evropiane. Deklaratat e Bollanos për një lloj autonomie të Shqipërisë së Jugut, ose të Vorio Epirit, sipas tyre, si dhe ato mbështetëse të ambasadorit grek në Tiranë, janë në sintoni të plotë me fushatën disavjeçare për Himarën që disa europarlamentarë grekë po përpiqen ta ngrenë dhe ringrenë në institucionet e Bashkimit Evropian në Bruksel. Së fundmi janë europarlamentarët grekë, Kostandinos Haxhidakis i Partisë Popullore dhe Demokrate Evropiane, si dhe Panajotis Beglitis i Partisë Socialiste Evropiane, të cilët i shkruajnë Komisionerit përgjegjës për Zgjerimin, Olli Rehn, rreth parregullsive të vëna re, sipas tyre, në zgjedhjet e 18 shkurtit në Shqipëri, dhe veçanërisht në Himarë dhe pengesave që u janë nxjerrë atje kandidatëve të minoritetit grek. Në përgjigjen e tij, komisioneri Olli Rehn pranon se si në Himarë dhe po ashtu edhe në rrethe të tjera të vendit, pati parregullsi dhe vonesa të theksuara në mbarëvajtjen e votimeve, por këto parregullsi, sipas zyrtarit të lartë të BE-së, erdhën më shumë për mungesa të theksuara administrative të shkaktuara nga mospasja e një Regjistri Themeltar të zgjedhësve, si dhe të kartave të identitetit. Dhe që të mos përsëriten më këto dukuri, Olli Rehn njofton se Komisioni Evropian, në kuadër të programit të tij të ndihmave ndaj vendeve të Evropës Juglindore, CARDS, ka akorduar 3,3 milionë euro për hartimin e një regjistri të popullsisë dhe pajisjen e shtetasve shqiptarë me karta identifikimi.

Sulmi

Këtij sulmi të organizuar pa ndërprerje dhe frontal, janë detyruar t'iu kundërvihen një varg personalitetesh të Bashkimit Evropian, si p.sh., komisionerët që kanë qenë përgjegjës për vendet e Ballkanit, duke filluar nga Hans van den Bruk, Kris Patten dhe së fundmi nga Olli Rehn, apo edhe eurodeputetja Doris Pack. Kanë qenë gjykimet e tyre të kthjellëta dhe të paanshme që kanë bërë që deri më sot, pretendimet greke ndaj Himarës dhe minoritetit grek në Shqipëri, të mos trajtohen me seriozitet në institucionet e BE-së.

Është tashmë i njohur për publikun shqiptar rasti i ish-eurodeputetit Ksarhakos, por edhe të tjerëve, që nuk kanë lënë rast pa përdorur për të ngritur pranë institucioneve të BE-së çështjen e minoritetit grek në Shqipëri, si dhe për të risjellë në skenë Protokollin e Korfuzit, apo të autonomisë së Vorio Epirit.
(keta jane ata qe pas Bollano & CO-BARAT)
Por, siç thamë, këto pretendime janë hedhur poshtë nga përfaqësuesit më në zë të Bashkimit Evropian. Në një raport p.sh., të hartuar nga Komisioni Evropian para 3-4 vjetësh, pohohej e zezë në të bardhë se pakica greke në Shqipëri përfaqëson 1,5% të popullsisë së përgjithshme dhe se të drejtat e pakicave atje përgjithësisht respektohen.

Ky pohim i Komisionit Evropian vuri atëherë në lëvizje krahun më radikal grek në Parlamentin Evropian, të cilët organizuan edhe një të ashtuquajtur konferencë për shkeljen e të drejtave të pakicës greke në Shqipëri. Në këtë konferencë morën pjesë edhe disa deputetë minoritarë grekë në Kuvendin e Shqipërisë. Synimi i kësaj konference të organizuar në vitin 2003, ishte pikërisht që të përgënjeshtroheshin si të dhënat e Komisionit Evropian, por po ashtu edhe për të ringritur edhe një herë tjetër pretendimin e autonomisë së Shqipërisë së Jugut. Organizatori i këtij takimi, eurodeputeti i atëhershëm dhe i sotëm, Haxhidakis, theksoi ndër të tjera atëherë se "...ka disa probleme me raportin e Komisionit Evropian. Ekzistojnë shkelje të rënda të të drejtave të njeriut dhe të pakicave në Shqipëri, që në këtë raport nuk janë pasqyruar. Kjo ka qenë edhe një nga arsyet që kemi organizuar këtë konferencë dhe që kemi ftuar përfaqësues të pakicës greke në Shqipëri, të flasin këtu para zyrtarëve të Parlamentit dhe Komisionit Evropian, për të parë se si mund t'i zgjidhim këto kundërshti në të ardhmen. Do të jetë pozitive për të ardhmen e Shqipërisë në Evropë, që ajo të respektojë të drejtat e minoritareve grekë. Komisioni Evropian është informuar keq, prandaj ne do të përpiqemi ta bindim atë se të dhënat në raportin e tij janë të gabuara",- u shpreh ndër të tjera europarlamentari grek.

Por ndërsa Haxhidakis foli me një gjuhë të moderuar diplomatike, përfaqësuesit e minoritetit grek në Shqipëri, ishin edhe me të hapur dhe më agresivë në pretendimet e tyre.

Njëri prej tyre, duke folur në greqisht, theksoi se Shqipëria ndjek një politikë të dyfishtë ndaj minoriteteve. Ajo, sipas tij, i ka aprovuar te gjitha ligjet dhe konventat ndërkombëtare, përsa i takon respektimit të të drejtave të njeriut dhe pakicave, por në praktikë nuk i zbaton ato. Ai nënvizoi pastaj se, ndryshe nga sa thotë Kushtetuta vendase dhe Këshilli i Evropës, në Shqipëri nuk mund të shprehet me zë të lartë përkatësia etnike dhe fetare. Prandaj edhe mungojnë të dhëna të besueshme mbi numrin real të pakicave kombëtare në Shqipëri, si dhe të përkatësisë së tyre fetare, shtoi përfaqësuesi i minoritetit grek në Parlamentin shqiptar. Ai e konsideroi si padrejtësi që vetëm në 99 fshatra të Jugut të Shqipërisë janë vendosur shkolla në gjuhën greke dhe jo kudo ku jetojnë minoritarët grekë. Më pas, ai nënvizoi nevojën që edhe në Shqipëri, sidomos në ato zona ku banojnë pakicat, të njihet dygjuhësia. Pra, që gjuha greke të njihet dhe të përdoret si gjuhë e dytë zyrtare, në të gjitha ato treva ku ka prani të minoritareve greke. Sipas logjikës së deputetit minoritar, të gjithë ata që do të punojnë në të ardhmen në administratën lokale, ku jetojnë edhe minoritarë, duhet të njohin si shqipen ashtu edhe greqishten. Ai bëri po ashtu thirrje, që gjuha greke të përdorej në tabelat e rrugëve, në shkresat zyrtare etj.

I pakënaqur dukej deputeti minoritar edhe me ndarjen e re administrative në Shqipëri. Ai kërkoi që zonat e populluara nga minoritarë, të formonin njësi administrative më vete. Sipas tij, ishte e padrejtë p.sh., që Saranda të formonte me Vlorën një ndarje administrative, në vend që të mbetej me Gjirokastrën, ku jetojnë minoritarë.

Pas tij, eurodeputeti grek, Haxhidakis ia dha fjalën dikujt që e paraqiti si përfaqësues të minoritareve që jetojnë në Greqi, i quajtur Karathanos.
Ky i fundit, pasi theksoi se minoritaret greke kanë 4000 vjet që jetojnë në trojet e tyre në Epirin e Veriut, deklaroi se 10% e popullsisë së Shqipërisë janë minoritare greke, megjithatë, Karathanos bëri thirrje që të kryhet një regjistrim i ri i popullsisë në Shqipëri, ku të shënohet edhe përkatësia fetare dhe etnike. Dhe megjithëse pati pohuar më përpara se minoritarët grekë janë larguar nga Shqipëria në fillim të viteve '90, për shkak të kushteve të këqija ekonomike, Karathanos nuk ngurroi t'i bëjë thirrje Bashkimit Evropian t'i ndihmojë dhe t'i mbrojë minoritarët grekë, për t'u kthyer sa më shpejt në vatrat dhe shtëpitë tyre në Vorio Epir.

(per te tere ju qe nuk dini greqisht dhe dini vetem shqip, mesoni se haxhiu dhe Kara Thanasi kane ne plan tua mesojne se jeni greke po nuk e dini se jeni te tille LOOOOOL...o ca farse...o ca pislliku....o ca poshtersih qe behen ne ket bot....
hahahahah...-BARAT)
Më pas e mori fjalën J. Simos, i cili u paraqit si këshilltar i minoritetit grek për Epirin e Veriut. Me një fjalim prej ideologu, Simos iu kundërvu termit "pakicë kombëtare", duke pretenduar se nga numri i tyre dhe nga historia, ata nuk mund të jenë pakicë. Ka qenë gabim i historisë që e ka lënë këtë pjesë të popullit grek në shtetin shqiptar, i cili deri në vitin 1990 nuk e ka njohur demokracinë, por edhe tani është Bashkimi Evropian që po angazhohet në ruajtjen e stabilitetit të tij, tha Simos. Edhe ai kërkoi që në Shqipëri të organizohet një regjistrim i ri i popullsisë, nën kujdesin dhe kontrollin e Bashkimit Evropian, ku të theksohet edhe origjina etnike, si dhe feja. "Të përcaktohen grupet gjuhësore në çdo zonë, jo vetëm në 99 fshatrat që njihen si minoritarë",- tha Simos, para se të deklaronte që "minoriteti grek në Shqipëri kërkon t'i marrë në dorë fatet e veta nëpërmjet vetëvendosjes".

Por përfaqësuesit e Vorio Epirit duket se nuk mjaftoheshin me shtrembërimin e fakteve apo kërkesat e tyre për vetadministrim, hapjen e shkollave greke kudo ku ka minoritarë, përdorimin e gjuhës greke si gjuhë të dytë zyrtare, por duket se kishin ardhur me kërkesa të qarta dhe synime konkrete. Ato i shprehu hapur Karathanos, kur deklaroi se ata kërkojnë që minoriteti grek në Shqipëri të ketë të drejta të njëjta me ato që gëzojnë sot kosovarët! Pra deklaratat e fundit të Bollanos veçse përsërisin ato që u shpalosën në Parlamentin Evropian, që në vitin 2003.

Që në atë kohë ata kishin botuar dhe shpërndarë në Parlamentin Evropian një libërth të shkruajtur në greqisht dhe anglisht, të titulluar: "Shqipëria sot dhe bashkësia etnike greke në Epirin e Veriut", në të cilin përmblidheshin këndvështrimet e tyre.

Dhe konferenca e organizuar atëherë nuk ishte e para e këtij lloji. Mbahet mend se një taktikë të tillë ata e përdorën edhe pas zgjedhjeve vendore të tetorit të vitit 2000, sidomos për të kundërshtuar rezultatet e zgjedhjeve në Himarë dhe Dhërmi. Atëherë ishte kryetarja e delegacionit të Parlamentit Evropian, zonja Doris Pack që diskreditoi me përçmim përpjekjet dhe shpifjet e një minoritareje greke, që e vajtur nga Greqia në Dhërmi, kishte shkatërruar atëherë kutinë e votimit atje.

Para një ofensive të tillë të disa qarqeve nacionaliste greke, të vret sytë mefshtësia e shtetit shqiptar. Edhe ata që mbrojnë të vërtetën mbi respektimin e të drejtave të minoritetit grek në Shqipëri, si komisionerët Kris Patten, Olli Rehn, eurodeputetja Doris Pack apo organizatat ndërkombëtare, si Grupi Ndërkombetar i Krizave etj., po vihen përherë e më shumë para një presioni gjithmonë e më të fuqishëm të palës greke.

Dhe në qoftë se deri më tani pretendimet e palës greke në Bruksel nuk kanë pasur edhe aq jehonë, kush mund të garantojë që nesër në një Komision të ri, nuk mund të emërtohet një komisioner tjetër për vendet e Evropës Juglindore, i cili për arsye të gjithfarëllojshme nuk do të jetë i ndjeshëm ndaj këngës së sirenave greke në Parlamentin Evropian.

Dhe kush mund të garantojë se kur të vijë koha e kërkesës për anëtarësim të Shqipërisë në BE, asaj nuk do t'i vihet si kusht pikërisht njohja e autonomisë së Vorio Epirit! Protokolli i Korfuzit vazhdon të mbetet ende një dokument, të cilin asnjë qeveri greke deri më sot nuk e ka hedhur poshtë, ashtu siç vazhdon të ruhet edhe gjendja e (mos)luftës me Shqipërinë që nga koha e Luftës së Dytë Botërore.

Kështu ndodhi edhe pak muaj më parë, kur Parlamenti Evropian aprovoi nënshkrimin e Marrëveshjes së Asociim-Stabilitetit ndërmjet Shqipërisë dhe BE-së. Eurodeputeti grek, Jorgo Karaxhaferr kishte paraqitur me këtë rast një amendament në rezolutën e propozuar, ku kërkohej kushtëzimi i çdo ndihme financiare nga ana e Bashkimit Evropian, me njohjen nga Shqipëria të Protokollit të Korfuzit, d.m.th.,të autonomisë për të ashtuquajturin Vorio Epir, amendament që për fat të mirë u hodh poshtë me shumicë dërrmuese votash nga parlamentarët evropianë.

Para kësaj mësymjeje të disa qarqeve ekstremiste dhe nacionaliste greke, qeveria shqiptare nuk ndihet. Duket se ajo është kaq aq shumë "e kapur" pas pushtetit saqë nuk ka as kohe, as dëshirë dhe as ide për t'iu kundërvënë sa pa qenë vonë kësaj ofensive me pasoja për stabilitetin në Ballkan.

Kokosis

"Nuk besoj se jam në gjendje të flas për zotin Bollano. Imagjinoj dhe besoj se ato që thotë ai janë të drejta, por në rast se janë edhe të sakta, kjo nuk është një çështje që më takon mua apo më përket mua si diplomat për ta gjykuar apo komentuar". Kështu është shprehur pak ditë më parë ambasadori grek në Tiranë, Kostandinos Kokosis, i cili nuk e ka hedhur poshtë deklaratën e kryebashkiakut të Himarës, Vasil Bollano, por e ka mbështetur atë. Me këtë deklaratë, ambasadori grek Kokosis ka hedhur poshtë deklaratën zyrtare të zëdhënësit të Ministrisë së Jashtme greke, sipas të cili, "deklarata e Bollanos është një lapsus dhe s'mund të jetë një deklaratë e vërtetë".

Godo

Sabri Godo ka kundërshtuar ashpër mbështetjen që ambasadori Grek ka dhënë në mënyrë të tërthortë për kryebashkiakun e Himarës, duke kërkuar nga shtetit shqiptar që të shpallë si një person të padëshiruar për vendin tonë Kostandinos Kokosis. Në gjykimin e republikanit Godo, fakti që ambasadori grek bën këtë deklarata do të thotë se Vasil Bollano mbështetet në burime zyrtare. "Ambasadori nuk ka lënë dhe aq shteg për komente sepse ka folur si një sofist i vërtetë. Nga njëra anë thotë që, nuk duhet të prononcohem për Bollanon, nga ana tjetër thotë se Bollano ka të drejtë. Tani duket qartë që ky Bollano ka një nxitje, një frymëzim nga një instancë shumë serioze, nga një burim zyrtare, përderisa ambasadori grek, në mënyrë të tërthortë, por që duket fare qartë, del në mbrojtje të ideve të tij. Kjo tani përbën një shqetësim shumë serioz", tha Godo.

Gazeta Shekulli

[Hyllien]

Nese duan lufte, lufte do marrin. Nese bota mund te rroj me gjenocidin e popullit me te lashte, ateher, nuk ja vlen te rrojme ne ket bote, por vec te ngrejme kryet, te ndjekim shqiponjen sic kemi bere gjithmone, dhe te pergatetimi per betejen tone te fundit, pasi sic po vijne punet, o do jemi shteti me i madh ballkanik per 30-40 vitet e ardhshme, ose do zhdukemi fare, por ta kete nje gje te qarte ajo Evros, qe nuk do ikim pa u ndjere bubullimat e vetetimat edhe nje here.

Ka ardhur koha te veprojme, sepse tashme e kemi te qarte fal informacionit, se me cin kemi te bejme dhe se ata kurre nuk do rreshtin pa e zhdukur shqiperine nga harta.

[PRI-LTN]

...se ata kurre nuk do rreshtin pa e zhdukur Shqiperine nga harta.

Ose pa u zhdukur ata vete nga harta.

[ajzberg]

Bollano te kam permjere
Ty dhe te tjere
Bastard i paguar
Byth shitur e i cpuar

Bollano fis i qenit
Bjeri bjeri ti legenit
Pergjigjen e ke te shkruar
Vjen shpejt e pa vonuar

Ti dhe te tjere
Qe vec *** mbani ere
Zgidhur keni rripin
Qe mir t ja u hipin........

Te me falin forumistat por kisha kuhe qe nuk isha shprehur keshtu..
Jo se e kam zakon por ky njeri, kur e shikoj se cme ngjall neveri dhe krupe...

[BARAT]

NJe postim qe ti tregoje Claussit te kumbisur, qe ben u u u , se greket jane pikerisht si i njeh ai dhe si i tregojme ne

-----------------------------------------------

RACIZMI GREK QE TASHME ESHTE INSTITUCION

Emigrantit shqiptar i pëlcet stomaku nga rrahja

Pas dhunës u dërgua në spitalin e Selanikut, ku qëndroi dy javë dhe iu bë ndërhyrja kirurgjikale

Dhuna fizike ndaj emigrantëve shqiptarë në tokën greke, sjell në tokën tonë episodin e radhës të keqtrajtimit të tyre. Policia greke ka kthyer në pikën e kalimit kufitar të Kapshticës, emigrantin 30-vjeçar nga Vlora, Çlirim Hallia, ndaj të cilit kishte ushtruar më parë dhunë të ashpër fizike. Burimet e policisë të Kapshticës, konfirmuan se 30-vjeçari Hallia nga fshati Panaja i Vlorës, sapo hyri në ambientet e Policisë Kufitare shqiptare në Kapshticë, bëri denoncimin për keqtrajtimin e bërë prej policëve grekë.
Ikja në Greqi
Dy javë më parë, pas përpjekjeve të gjata e të dështuara për t’u pajisur me një vizë greke, 30-vjeçari nga Panajaja e Vlorës, vendosi të kalojë ilegalisht kufirin shqiptar e atë grek, për të shkuar në një vend pune në tokën fqinje, ku e prisnin bashkëfshatarët, të cilët i kishin premtuar për sigurimin e vendit të punës. Për aventurën e tij, ai ka zgjedhur si vendkalim kufirin në pjesën e Çarçovës në Përmet. Megjithëse ka bërë shumë orë rrugë me këmbë, vlonjati Hallia nuk ka mundur të përfundojë në destinacionin e ëndërruar, sepse është ndalur nga policët grekë, të cilët kanë provuar shqelmat dhe grushtat mbi trupin e tij. Këtu ka nisur dhe kalvari i emigrantit, i cili u nis për të punuar për të sigurar bukën e familjes dhe u kthye i rrahur, në mesditën e djeshme, policia greke bëri deportimin e tij, pas një qëndrimi dyjavor në spital nga gjendja e rënduar shëndetësore shkaktuar nga dhuna.
Dhuna
Sipas rrëfimit, që 30-vjeçari i rrahur ka bërë përpara uniformave të policisë së Devollit, një patrullë e policisë greke e kapi atë në rajonin grek të Kalabakit. I shoqëruar edhe nga disa persona të tjerë, Hallia iu bind urdhërit të policisë greke, duke qëndruar në vend. Por edhe pse nuk kundërshtoi, Hallia tregon se patrulla e policisë e ka goditur barbarisht në pjesë të ndryshme të trupit me shqelma e shkopinj gome, duke e rrëzuar përtokë. Më pas, kanë qenë të njëjtët policisë që e godisnin duke e shkelur fort në bark, derisa ai ra pa ndjenja. Kjo ka qënë e papërballueshme nga emigranti shqiptar, aq sa edhe policët masakrues grekë e kanë “mëshiruar”, duke e nisur për në spitalin e zonës.
Ndërhyrja kirurgjikale
Pas dhunës, policët e kanë marrë zvarrë dhe e kanë dërguar në spitalin rajonal. Prej andej, Hallia, u dërgua në spitalin e Selanikut “Inter Ballkan”, ku edhe iu bë ndërhyrja kirurgjikale për shkak se nga rrahja i kishte plasur stomaku. Megjithëse emigranti në gjendjen që ndodhej nuk e dinte se nga se po operohej. Siç ka deponuar në policinë shqiptare, Hallia nuk di se çfarë ka pësuar e për çfarë është operuar. Pasi ka qëndruar për dy javë në spital, ka shkuar përsëri policia greke për t’a marrë, por tashmë për t’a kthyer në Shqipëri. Hallia bëri denoncimin në policinë e Devollit dhe më pas udhëtoi drejt vendlindjes. Deponimet e 30-vjeçarit iu dërguan Prokurorisë së rrethit të Korçës për hetim të mëtejshëm, ndërsa ditën e hënë do t’i kërkohet takim palës greke për rastin në fjalë.


BALLKAN

[BARAT]

gazeta Shqip 1 / 5 / 2007

Kokosis: Përfaqësoj vetëm qeverinë greke

"Ambasada ka bindjen absolute se edhe qeveria shqiptare është dakord me pikëpamjen tonë"

.................................................. ...............
(Pra sipas deklarates se amabasades greke, ata kane bindjen se qeveria shqiptare eshte plotesisht dakort me kee thenie :
Ndërkaq, gjatë një takimi të mbajtur në Ersekë, ambasadori grek në Tiranë, Kostandinos Kokosis, theksoi: "Nuk besoj se jam në gjendje të flas për zotin Bollano. Imagjinoj dhe besoj se ato që ai thotë, janë të drejta, por në rast se janë edhe të sakta, kjo nuk është një çështje që më takon mua, apo më përket si diplomat për ta gjykuar dhe komentuar".)
Me qarte se kaq nuk ka si te shprehet njeriu,Ndersa ky kokoshi thote se eshte keqinterpretuar etj etj -BARAT)

.................................................. ..
Ambasadori i Greqisë në Tiranë, Kostandinos Kokosis, ka reaguar ndaj komenteve që kanë pasuar deklaratën e mbajtur disa ditë më parë në qytetin e Ersekës, në lidhje me komentet ndaj një interviste të kreut të Bashkisë së Tiranës, Vasil Bollano. Në një deklaratë të dhënë për gazetën "Shqip", kryediplomati i Athinës në Tiranë, thekson se ai përfaqëson në Shqipëri vetëm dhe ekskluzivisht qeverinë greke dhe nuk ka kompetenca të flasë në emër të të tjerëve.

Deklarata

Në njoftimin për shtyp të ambasadës greke, theksohet: "Duke marrë shkas nga disa shkrime, nga referime të kanaleve televizive dhe prononcime që vijnë nga anë të ndryshme në lidhje me përgjigjen që dha ambasadori i Greqisë në Shqipëri në pyetjen mbi deklaratat e fundit të kryetarit të Bashkisë së Himarës, z. V. Bollano, e cila iu bë në Ersekë më 27/4, gjatë nënshkrimit atje të një projekt-zhvillimi të financuar nga Greqia, ambasada e Greqisë nënvizon sa më poshtë: ambasadori grek iu përgjigj asaj që është e vetëkuptueshme, domethënë se ai përfaqëson në Shqipëri vetëm dhe ekskluzivisht qeverinë greke, se nuk ka kompetenca që të flasë në emër të të tjerëve dhe se as që është i predispozuar ta bëjë një gjë të tillë. Ambasadori i Greqisë iu referua deklaratës së fundit të Bollanos më 25 prill, e cila, ndër të tjera, u pasqyrua edhe nga media. Ndërkohë, duke marrë shkas nga sa cituam më sipër, por dhe nga raste analoge të së kaluarës, ambasada e Greqisë shtron pyetjen se kush janë arsyet e vërteta për të cilat një pjesë e mediave shqiptare, gjithmonë të njëjtat media, keqinterpreton sistematikisht deklarata dhe prononcime, ose zgjedh që t‘u referohet çështjeve me interes greko-shqiptar në mënyrë negative, e cila sigurisht është shumë larg së vërtetës, ndërsa anët negative në marrëdhëniet e Shqipërisë me vende të tjera kalojnë pothuaj pa u vënë re nga të njëjtat media. Në këtë mënyrë krijohen përshtypje dhe një klimë që në asnjë rast nuk i përgjigjen nivelit të sotëm të marrëdhënieve dypalëshe (politike, ekonomike e të tjera), për të cilin qeveritë e të dyja vendeve bëjnë përpjekje të sinqerta dhe të rëndësishme. Por nuk u përgjigjet në radhë të parë ndjenjave që dy popujt ushqejnë për njëri-tjetrin dhe këtë gjë janë në gjendje ta njohin të gjithë. Ambasada e para, e cila ka kontakte të përditshme me qindra qytetarë shqiptarë. Në rast se ky predispozicion negativ është thjesht rezultat i një imazhi të mangët, apo të gabuar që kanë këto media, ekziston gjithmonë kohë dhe dëshirë e mirë të rivendosen gjërat në vendin e tyre real. Por në rast se ka lidhje me arsye të tjera, që i dinë me sa duket vetë këto media, le të ndërgjegjësohen të gjithë këta se thjesht ofrojnë shërbime të këqija. Ambasada ka bindjen absolute se edhe qeveria shqiptare është dakord me këtë pikëpamje. Ambasada mbetet gjithmonë e hapur dhe e gatshme të bashkëpunojë me këdo qoftë dhe këtë e njohin pa përjashtim të gjithë që iu drejtuan asaj. Si objektiv mbetet pasqyrimi i saktë i nivelit të marrëdhënieve dypalëshe, ashtu siç i takon çdo shoqërie moderne evropiane. Dhe në fund, në këtë kuadër, ambasada në bashkëpunim të plotë me qeverinë shqiptare materializon vullnetin e qartë të qeverisë greke për zhvillim të mëtejshëm dhe thellim të marrëdhënieve me Shqipërinë mike dhe fqinje dhe me popullin e saj".

Reagimet

Prej disa ditësh në vend janë debatuar publikisht deklaratat e kreut të Bashkisë së Himarës, Vasil Bollano, i cili njëkohësisht është dhe drejtues i organizatës OMONIA. Bollano ka deklaruar se minoriteti grek në Shqipëri ka të drejtën e tij që të kërkojë të njëjtat të drejta që mbrojnë dhe mbështesin shqiptarët e Kosovës dhe Maqedonisë. Deklarata e Bollanos është kundërshtuar fuqishëm nga politika shqiptare, duke e konsideruar atë si një provokacion të rëndë. Ndërkaq, gjatë një takimi të mbajtur në Ersekë, ambasadori grek në Tiranë, Kostandinos Kokosis, theksoi: "Nuk besoj se jam në gjendje të flas për zotin Bollano. Imagjinoj dhe besoj se ato që ai thotë, janë të drejta, por në rast se janë edhe të sakta, kjo nuk është një çështje që më takon mua, apo më përket si diplomat për ta gjykuar dhe komentuar". Gjithçka Kokosis e ka perifrazuar me një fjali të vetme. Ai nuk ka dashur të zgjatet më shumë në këtë pikë. Edhe pse e ka quajtur të drejtë mendimin e hedhur nga kryebashkiaku i Himarës, Kokosis ka pohuar se ky është një mendim personal i kryetarit të Bashkisë së Himarës. Sipas tij, deri më tani nga ana e qeverisë greke nuk ka asnjë reagim zyrtar lidhur me këtë çështje.