Dosja antishqiptare e Greqisë, 1912-2007

[BARAT]

Shitësi i kombit


Prof. Dr. Apollon Baçe



Kur nuk ndihesh fare mirë
(sepse shpirtin e ke plot)
Zë këndon në vetësirë
Pa të derdhen pika lot.

Pika lot si pika dylli
Që të derdhen aqë shpesh.
Kush qepallat nuk i mbylli
Nuku mund t’i marrë vesh.

(Lasgush Poradeci, nga Kënga Mendimtare)

Kush të tall me verb të kotë,
Nuku mund ti ndjejë gjiri.
Ç’dritë e bardhë djeg në botë
Me çdo pikë prej qiriri.

(Lasgush Poradeci, nga Kënga Mendimtare)


E nesërmja pa të djeshme
Komenti i ministres greke të Arsimit Janaku në stacionin televiziv grek Net se “Grupi grek do të shkojë në Shqipëri për të diskutuar heqjen nga librat e historisë, kryesisht të palës shqiptare, pasaktësi dhe ngjarje të cilat helmojnë marrëdhëniet dypalëshe” tradhtoi praninë e një protokolli sekret midis Qeverisë Greke dhe Qeverisë Nano të nënshkruar më 3 prill të vitit të shkuar. Këtë protokoll që implementon dhe thellon skajshëm protokollin po sekret të vitit ‘98, ashtu si edhe gjërat e tjera të prapa në kurriz të kombit, Nano e mbajti të fshehur. Deri edhe nga autorët e librave të historisë që do të saktësohen, a më saktë që do sakatohen. Dhe, sikur të mos kishte qenë ekzibicionizmi, dëshira për t’u mburrur, e ministres Janaku, prania e tij protokolli as kishte për t’u marrë vesh ndonjë herë.
Dihet se Nano mund të tregtojë gjithçka: plehra, dinjitet, jetë njerëzish. Dihet se ai mund të shesë edhe të sotmen, edhe të nesërmen e Kombit; edhe vlerat e tija materiale, edhe vlerat e tija shpirtërore. Por askujt nuk mund t’i shkonte ndërmend se ai do t’ia shiste atij edhe të shkuarën. Që nga Pirroja i Epirit, tek Dëshmorët e Peshkëpisë së Sipërme.
Dhe kjo të krijon një makabritet makabër ku ulërimat e foshnjeve çame të djegura në djep, përzihen me hijet e ushtarëve të therur në mes të natës. Krijon atë atmosferën fantastiko- moralizuese të “Historisë së Pafund” të Michael Ende-s ku Mbretëresha e së Ligës e shtyn heroin e historisë të pafund që të shesë copë pas cope kujtimet duke u bërë copë pas cope më i egër dhe më i padinjitet. Deri në vrasjen e shokut të tij.
“Nëse një Kombi i merr gjuhën dhe kujtimet, ai Komb nuk ekziston më. Ai shndërrohet në një turmë skllevërish” tha Hitleri pasi e rrafshoi Varshavën me tokën, kur Varshava ngriti krye kundër tij.
Dhe kishte plotësisht të drejtë, pasi Kombi nuk jeton vetëm me të sotmen. Kombi nuk jeton as vetëm me të nesërmen. Kombi jeton me të djeshmen, të sotmen dhe të nesërmen. Në një unitet shpirtëror dhe material të tyrin. Dhe pikërisht ata elementë që përbëjnë esencën, domethënien shpirtërore të një kombi, gjuhën dhe historinë e tij, Nano ja paskesh shitur grekërve. Si ajo mbretëresha e së Ligës. Për të shlyer faturat e jahteve, hoteleve dhe moteleve.

Trupi pa shpirt
Sipas protokollit të Nanos “Palët do të krijojnë kushte të nevojshme për mësimin e gjuhës amtare për minoritetin grek”. Po sipas protokollit të Nanos pala greke do të shqyrtojë mundësinë e mësimit të gjuhës amtare nga fëmijët shqiptarë që ndodhen në Greqi për arsye ekonomike”.
Ndërkohë “do të shqyrtojë” nuk të detyron për kurrfarëgjëje. Përgjigjen “u shqyrtua, por nuk mund të zbatohet” nuk mund ta kundërshtosh, pasi protokolli të detyron ta shqyrtosh, por jo ta zbatosh. Në të kundërt “do të krijojnë” është forma taksative, detyrimore, që nuk lë asnjë shteg për diskutim. Kjo dhe është njëra anë e “reciprocitetit”.
Protokolli i ‘98 parashikonte mësimdhënien shqip në universitetet e Athinës dhe Janinës dhe mësimdhënien greqisht në Tiranë dhe Gjirokastër. Në universitetet e Tiranës dhe Gjirokastrës jepet mësim greqisht, në universitetet e Athinës dhe Janinës nuk jepet mësim shqip. Kjo dhe është ana tjetër e reciprocitetit.
Ndërkohë që minoriteti i grekërve në Shqipëri është sa 1/80 e shqiptarëve në Greqi, me arvanitas, çamër ortodoksë dhe emigrantë ekonomikë bashkë dhe, megjithë rekomandimet e KE-së, askush nuk i përmend të 2-3 milionë arvanitasit që vazhdojnë të flasin shqipen e Buzukut, as çamët ortodoksë që flasin shqip vetëm kur sigurohen se përreth nuk ka ndonjë grek që mund t’u bëjë hatanë.
Së fundi protokolli shënjon “përfshirjen e gjuhës greke ndër gjuhët fakultative në shkollat mesme” duke shënjuar rastin e parë në botë ku greqishtja quhet gjuhë ndërkombëtare. Step by step, hap pas hapi, dhe në hapin e fundit do ta shohim veten jashtë: Në fillim greqishtja fakultative dhe shqipja e detyruar, pastaj greqishtja dhe shqipja e detyruar, pastaj andej nga Vorio Epiri greqishtja e detyruar dhe shqipja fakultative, pastaj kthimi i Vorioepirotasve vlonjatë, a përmetarë, a gjirokastritë në një turmë argatësh greqishtfolës. Ashtu siç donte të bënte me polakët Hitleri. Po i more mendtë, gjuhën dhe shpirtin trupit, trupi bën atë që i thonë. Dhe kjo është ana e fundit e reciprocitetit.

Faji i palës së helmuar

Po i njëjti fakt dhe po e njëjta ngjarje, mund të kundrohen nga këndvështrime të ndryshme. Sipas optikave të ndryshme. Por vetë fakti dhe vetë ngjarja janë të patjetërsueshëm. Fakti dhe ngjarja as mund të “saktësohen” as mund të “zhbëhen“.
Vrasja e ushtarakëve shqiptarë në Peshkëpi të Sipërme nga paraushtarakët e Mavi-t mund të kundrohet edhe si krim ndërkombëtar, edhe si trimëri kombëtare. Por fakti se paraushtarakët e Mavi-t masakruan me 10 prill 1994 ushtarakët e repartit në Peshkëpi të Sipërme nuk zhbëhet dot. Ai mbetet fakt. Sipas parimit të Kanunit të Lekës “Gjaku nuk ndryshket”.
Nuk mund të zhbëhet as fraza e Ta Nea-s së 22 marsit 1995 “Kreu i organizatës Mavi duhet të jetë greko-amerikani Nikollas Gage, i cili ka vizituar rregullisht Shqipërinë dhe ka pranuar se i njeh dhe ka folur në telefon me shtatë të akuzuarit për vrasje”.
Dhe, nëse fakte të tillë “helmojnë marrëdhëniet dypalëshe”, faji nuk është i palës së helmuar, por i palës helmuese.
Por nëse palës greke i është shkrepur medoemos ta rishkruajë të shkuarën dhe të thotë ndër të tjera se Çamëria nuk është dhe nuk ka qenë Shqipëri, ajo duhet t’ia nisë me ato librat e vjetra të sajat.
Me regjistrat e Aravantinoit, i cili pasi numëron si llogaritar dioqezat, shtëpitë dhe banorët e Epirit, thotë se raporti shqiptaro- grek në Epir është 9 shqiptarë me 1 grek (Chronografia Tis Epirou, Athine, 1856, II, 320- 338). Pastaj t’ia hyjë faqeve të Geographia Albanais kai Epeirou të bashkëkombasit Psalidhas, sipas të cilit “deri në Artë flitet vetëm shqip”. Pastaj të grisë edhe faqet e librave të udhëtarëve dhe etnografëve me famë, francezit Ami Boue, kolonelit anglez Martin Leake dhe etnografit gjerman Mendelson Bartholdi se “treva shqiptare shtrihet deri në Prevezë”.
Pastaj të nisë e të shkulë ato poezitë e Hygoit që i këndon heroit të revolucionit grek të 1821 Marko Boçarit dhe të shprishë origjinën e kapedanëve të mëdhenj të këtij revolucioni: Karaiskaqit, Miaulit, Kollokotronit, Bubulinës e shumë të tjerëve.
Palës greke i duhet të fshijë edhe ato “kujtimet e hidhura” të oficerit të saj Fessopullos për bëmat e shkurtit 1913 të kapiten Muxakas. Për ato gjerdanët me veshë burrash çamë dhe themtha gjinjsh grash çame që mbanin në qafë Trypogeorgi, Manosi, Montaka dhe Granica.

Kolaboracionistët

“Zervas i dëboi Çamët me 1944… Dëbimi i tyre u bë me një gjakderdhje të madhe… u vranë 2300 çamë dhe 450 vdiqën gjatë torturave... Kjo u pasua ne mars të ‘1945 nga masakra e madhe e Çamëve të Filatit që është e pafalshme” raporton Koloneli Woodhouse, Shefi i Misionit Ushtarak Britanik ne Greqi.
"Në mars 1945 njësi të Zervasit kryen një masakër ndaj çamëve në zonën e Filatit dhe praktikisht e spastruan atë nga shqiptarët. Autoritetet e Greqisë VP kryen goditje të egra, duke dëbuar rreth 25.000 banorë të Çamërisë nga shtëpitë e tyre. Ata u ndoqën deri në kufi, mbasi iu grabit toka dhe prona” e plotëson atë Shefi i Misionit Amerikan në Shqipëri.
5800 shtëpi të djegura, një çerek milioni kuintal grurë dhe 150 mijë bagëti të grabitura, 200.000 ha tokë e zaptuar, 3 miliardë dollarë që sot, bashkë me përqindjet, janë mbi 10 miliardë dollarë. Ky dhe është bilanci. Por të tëra këto duhen hequr sipas shprehjes delikate greke “kopsi qefali”, prijani kokën, zhdukini edhe këto, pasi edhe këto helmojnë marrëdhëniet miqësore afendiko- argat.
Nuk ka problem çam. Çamët ishin kolaboracionistë dhe u dëbuan thotë kryetari derviçianas i shtetit grek. Ashtu si edhe ZP-ja, e cila i mëson pinjollët e çamëve që të “luftojnë që të mos trajtohen sipas parimeve komuniste biri kolaboracionistit është kolaboracionist”.
“Konsiderimi i një komuniteti të tërë si kriminel, mjaft pjesëtarë të të cilit vdiqën në luftë për çlirimin e Greqisë në Luftën e Dytë Botërore, ështe një krim politik dhe historik kundër Çamëve” u kundërpërgjigjet grekëve dhe ZP-së Ministria e Jashtme. Pa dyshim Turke dhe jo Shqiptare.
Dhe në të vërtetë emërtimi toptan i çamëve si kolaboracionistë kërkon fshirjen nga dokumentet të atyre batalioneve çame që luftuan përkrah EAM-it kundër Çollakogllusë. Kundër kryeministrit kolaboracionist grek Çollakogllu, i cili veç çamëve, dhe këtë herë për hesap të gjemanëve, pati grirë edhe nja 10.000 grekër.
Ky emërtim kërkon edhe fshirjen e dokumenteve të bashkëpunimit me nazistët të të përndershmit Kryepeshkop të Greqisë dhe thuaj tërë peshkopërve të tjerë. Si dhe të tërë policëve dhe xhandarëve grekë, me policë qyteti dhe xhandarë katundi, të cilët Ministri i Brendshëm Taularis i kishte vënë në “dispozicion të Komandës Gjermane”.
Pa dyshim kjo është punë e palës greke, por ama kjo biçim pale nuk ka të drejtë morale t’ua tundë dhe përshkundë flamurin e kolaboracionizmit çamëve, ndërkohë që kolaboracionistët i kishte në bash të vendit dhe shumë çamër u vranë në luftë kundër nazistëve.
Por më e bukura është se këto gjëra pala shqiptare nuk i heq dot nga tekstet, pasi nuk i ka shkruar kurrë. Se çfarë “pasaktësi dhe ngjarje të cilat helmojnë marrëdhëniet dypalëshe” do të “heqë nga librat e historisë pala shqiptare”, këtë e di Nano, shitësi i palës shqiptare.

Heshtja
“Nanos po t’i shkrepet luan në ruletë edhe Sahatin e Tiranës dhe askush nuk e ndalon dot” thotë me trishtim Fatos Lubonja. Dhe pikërisht kjo, fakti se nuk e ndalon dot kush Nanon që të shesë Sahatin e Tiranës, Historinë e Kombit, Gjuhën e Kombit, Kombin është ana më e dhimbshme e së tërës.
Për viviseksionimin, prerjen në mish të gjallë të Historisë së Kombit, përveç lajmeve të Shekullit, reagimeve ende pa shumë puls të historianëve dhe zërave vetmitarë të lexuesve kryesisht emigrantë, nuk ndihet kush.
Nuk ndihet zëri i intelektualit nga që media shumë e zënë me ato problemet e rëndësishme e vrau, u vra, e vranë; e helmoi, u helmua, e helmuan; e vari, u var, e varën nuk ka kohë për t’u marrë me problemin e dorës së tretë, a të pestë, a të asnjë dore fare, se Nano po shet Kombin. Problem po, është Kafazi i Artë, pavarësisht se kafazi u përket kafshëve dhe jo njerëzve.
“Po media? Nuk ka asnjë përgjegjësi media?” m’u kundërvu kolegu gjerman kur po mundohesha që barrën e prapësive shqiptare ta shkarkoja në kurrizin e politikanëve shqiptarë.
Hesht vox populi - vox Dei
, i cili dufet e subkoshiencës së frustruar i nxjerr vetëm stadiumeve, të cilat e shndërrojnë nga individ apatik, në turmë sportivo- nacionaliste.
Hesht opozita e kompleksuar nga katrahura që pësoi nga Greku dhe pozita e sotme kur i doli zot çështjes kombëtare.
Heshtin edhe analistët e pavarur të medias, të cilët egërsohen dhe kreshpërohen për çështjen nacionale vetëm kur urdhërohen se duhet të egërsohen dhe kreshpërohen për çështjen nacionale ose për ndonjë çështje tjetër.
Dhe kjo të shtyn të mendosh se si do të reagonte media greke, intelektuali grek dhe njeriu i rëndomtë grek, nëse do merrte vesh se shqiptarët do t’ua rishkruanin grekërve historinë e Greqisë duke prerë prej saj “pasaktësitë dhe ngjarjet helmuese” dhe në shkollat e tyre në vend të anglishtes a frengjishtes do të mësohej shqip?
Objektivisht-subjektivisht, më herët subjektivisht sesa objektivisht, ky dhe është mizerabiliteti shpirtëror në të cilin zhgërryhemi sot. Nuk është kurrsesi nacionalizmi kundër të cilit ngrihen penat e analistëve të “pavarur”, por denacionalizmi.
Nuk të trishton fakti se Nano shiti sërishmi diçka nga bota dhe ndërgjegjja shpirtërore shqiptare. Pasi “zogut të lirë” Nano historia do t’i vijë dikur pas bishtit, dhëntë zoti e bashkëshoqëruar me të tjera gjëra. Por ajo që të shqetëson dhe trishton është mizerabilteti ynë shpirtëror. Qetësia me të cilën sodisim sesi Nano u vë fshehurazi në dorë grekëve gërshërët për të prerë vetëflijimin e Papa Kristo Negovanit, britmat e foshnjeve çame të djegura së gjalli, ushtarakët e therur në gjumë nga Mavi i mikut të tij Gaxojanis dhe tërë “ngjarjet“ e tjera që helmokëshin marrëdhëniet miqësore argat- afendiko.
“Jo mor zotni” thoshte Faik Konica. “Armiku më i madh i Shqiptarëve janë Shqiptarët”.
Çudi e madhe. Nga e pati njohur Faik Konica Fatos Nanon?

*Marrë nga gazeta “Tema”
05/11/2004

-------------------------

Hajde naten e mire dhe gjum plot me endera te bukura ...enderra me pasaporta te cdo lloj shteti grek, italian, britanik,amerikan,australian, belg,freng etj etj
Flini shqipe flini ....flini gjume se gjumi i rrit femijet dhe i vdes kombet...Ne me duket se jemi te pakalluar akoma.

[BARAT]

Sipërfaqja e prefekturave të sotme të sunduara nga grekërit janë në një sipërfaqe që vijon më poshtë:

Thesporatio
1515 km2
Janina
4890 km2
Preveza
1047 km2
Kosturi
1685 km2
Arta
1612 km2

Gjithsej:
10749 km2"


Ishte toke greke?
JO
A eshte tashme?
PO
Ku jane autoktonasit?
Degjojne perrallat e politikaneve "shqiptare", ndersa greket vazhdojne te pretendojne gjithnje e me shume ate qe s'u takon.

[BARAT]

Se si e mendonin greket per Kosoven kjo dihet tashme, pasi ne kohen e luftese se Kosoves mblidhnin ndihma per serbet dhe cuan edhe paramilitare te luftonin kunder shqiptareve te Kosoves, por te krahasosh 30-40 mije minoritare qe sistemi monist i mbajti ne pellembe te dores dhe tashme po ashtu jane ne vende pellumbash, dhe nuk kane pasur kurre nje trajtim me te keq se shqiptaret por perkundrazi e kane pasur me te mire here-here, eshte nje pafytyresi. Qeveria jone hesht ndersa Kokoshi i rrjepur ia fut pordhes si ne hale te tij....Te krahasosh varret masive te shqiptareve me nja dy spurdhjaker si Dule e Bollano eshte tragjikomedia me e madhe qe ka njohur ndonjehere Ballakni e Evropa

SA TURP
SA PISA GREKET MOSMIRNJOHES
-------------------------

Deklaratat e diplomatit në Ersekë: Por nuk më takon mua të them nëse janë të sakta

Kokosis: Bollano ka të drejtë

Vorio-Epiri, ambasadori grek mbron Kryebashkiakun e Himarës

Ambasadori i Greqisë në Tiranë, Konstandinos Kokosis, ka mbështetur dje deklaratat e kryebashkiakut të Himarës, Vasil Bollano, sipas të cilave "ajo që kërkohet nga Omonia për Vorio-Epirin nuk është aspak më shumë se ajo që duan shqiptarët për Kosovën". Diplomati grek jo vetëm që nuk e ka kontestuar idenë e Bollanos, por nga qyteti i Ersekës ka lëshuar edhe një deklaratë surprizë lidhur me këtë çështje. Ai nuk është shprehur kundër mendimit të Bollanos, duke e konsideruar këtë një mendim të drejtë.

Megjithëse është shprehur se nuk donte të jepte shumë sqarime dhe komente, ambasadori grek ka thënë: "Nuk besoj se jam në gjendje të flas për zotin Bollano. Imagjinoj dhe besoj se ato që ai thotë janë të drejta, por në rast se janë edhe të sakta, kjo nuk është një çështje që më takon mua, apo më përket si diplomat për ta gjykuar dhe komentuar". (ne fillim thote qe beson se jane te drejta pastaj si kurve e mohon ate qe sapo tha dhe thote jam diplomat-BARAT)
Ndërsa nuk ka preferuar të zgjatet në këtë pikë. Edhe pse e ka quajtur të drejtë mendimin e hedhur nga kryebashkiaku i Himarës, Kokosis ka thënë se ky është një mendim personal, ndërsa deri më tani nga ana e qeverisë greke nuk ka asnjë reagim zyrtar lidhur me këtë çështje.

Vetëm një javë më parë kryetari i rizgjedhur i Bashkisë së Himarës ka gjetur mundësinë të ribëhet protagonist i përplasjeve të ashpra nacionaliste. Gjatë emisionit të përjavshëm "Exclusive" në "Top Channel", Vasil Bollano është shprehur për pavarësinë e Vorio-Epirit, siç njihet në Greqi pjesa jugore e Shqipërisë. Ai edhe më parë kishte lëshuar deklarata për statusin e minoritetit që i duhet dhënë Himarës, por kësaj radhe qëndrimet e tij u përshkallëzuan në një mënyrë drastike, duke arritur deri aty sa të vendosë paralele me kërkesat e shqiptarëve të Kosovës. Sipas Bollanos, "kjo gjë do të ishte në të mirë të Ballkanit dhe të pakicave greke në Shqipëri".

Por kësaj radhe deklaratat e kryebashkiakut problematik shkaktuan një reaksion mjaft të ashpër jo vetëm në opinionin publik shqiptar, por edhe në politikën vendase, e cila shpesh herë i ka kaluar në heshtje shkeljet e ligjit, kur ato bëhen nga persona që kanë lidhje me Greqinë, apo që mbështeten nga politika e Athinës. Kësaj radhe, me përjashtim të qeverisë, e cila vazhdon të heshtë në mënyrë të pakuptimtë, spektri politik shqiptar i dënoi me forcë qëndrimet e Bollanos, duke kërkuar madje edhe vënien e tij përpara përgjegjësisë ligjore.

E ndërsa kishte nisur të fashitej zhurma e krijuar nga këto zhvillime dhe dukej se deklaratat e Bollanos do të arkivoheshin sërish në sirtarët ku shkeljet e tij ligjore të padënuara janë bërë tashmë një stivë e lartë, vjen në mbështetje të tij një zë grek. Ambasadori Kokosis, i cili edhe pse ka shprehur dyshim për saktësinë e deklaratave të kryebashkiakut të Himarës, i ka cilësuar ato si të drejta, çka duket se do të shërbejë si një lloj benzine në prushin që kish nisur të fikej.

Deklarata e Kokosis është bërë publike pas një takimi që ai ka mbajtur në qytetin e Ersekës me kryetarin e bashkisë, Adriatik Braçe. Në këtë bashki qeveria greke ka akorduar një investim prej 22 milionë eurosh për përmirësimin e sistemit të trotuareve dhe të ndriçimit të rrugëve të qytetit. Ndërsa ka firmosur edhe marrëveshjen për projektin në fjalë, Kokosis ka deklaruar se ky investim i qeverisë greke nuk është i pari për zonën e Kolonjës, ndërsa sipas tij këtë vit do të jepen 10 mijë viza pune për shtetasit shqiptarë.



PBDNJ u distancua nga përfaqësuesi i saj

Qëndrimet antiligjore të kryebashkiakut të Himarës, kësaj radhe kanë vendosur kundër tij edhe vetë forcën politike të cilën ai përfaqëson. PBDNJ mori një pozicion të ndryshëm nga herët e tjera, duke u distancuar menjëherë nga deklaratat e tij. Nëpërmjet Leonard Solis, sekretarit të Përgjithshëm të saj, PBDNJ bëri të ditur se "deklaratave të Bollanos nuk u duhej kushtuar rëndësi", duke i cilësuar ato shashka pa rrezik. Ky qëndrim krijon kështu një precedent në marrëdhëniet midis PBDNJ-së dhe përfaqësuesit të saj në krye të Bashkisë së Himarës.

Reagimet ndaj Bollanos

LSI

Sekretari ndërkombëtar i LSI-së, Edmond Haxhinasto, i ka konsideruar deklaratat e Bollanos si shprehje të një nacionalizmi arkaik, që shkon kundër frymës integruese evropiane të Shqipërisë

Sabri Godo

Kërkoi nga Kryeministri largimin nga detyra të kryebashkiakut të Himarës. Sipas tij, banorët e Himarës s‘e meritojnë një kryebashkiak që ka rënë pre e qarqeve të errëta greke

PDI

Partia që përfaqëson interesat e popullsisë çame, ka deklaruar dje se "çamët nuk kërkojnë autonomi në Greqi, por vetëm standarde evropiane të të drejtave themelore të njeriut"

[BARAT]

Ambasadori grek mbështet Bollanon

Ambasadori Kokossis thotë se Bollano "mund të ketë të drejtë" për krahasimin e Vorio Epirit me Kosovën dhe pavarësinë e minoritetit grek. "Athina nuk është distancuar". Provokim tjetër për Berishën

Alban Gjoni-ABC E Shtune, 28 Prill 2007

“Nuk besoj se jam në gjendje të flas për z. Bollano, por e mimagjinoj se ato që ai thotë mund të jenë të drejta”. Kjo ishte përgjigjja që ambasadori grek Constantinos Kokossis i dha gazetarëve në qytezën e Ersekës, pranë kufirit grek, ku gjendej për të inaguruar një ndihmë në Athinës për qytetin e vogël malor. Kokossis u pyet nga gazetarët se çfarë mendonte mbi deklaratën e Vasil Bollanos për pavarësinë dhe nëse qeveria greke qe distancuar nga kjo deklaratë. Ai tha se Bollano mund të ketë të drejtë dhe se qeveria greke nuk është prononcuar mbi këtë problem.
Në fillim të javës, kryebashkiaku i Himarës Vasil Bollano deklaroi se “minoriteti grek në Shqipëri ka të drejtë të kërkojë pavarësi për Vorio Epirin”, duke shkaktuar reagime të gjera nga të gjitha anët. Deputeti i PBDNJ Leonard Solis u distancua nga deklarata e Bollanos, ndërsa kreu i kësaj partie Vangjel Dule, heshti.
"Nuk besoj se jam në gjendje të flas për Zotin Bollano,por imagnoj se ato që thotë ai mund të jenë të drejta. Por në rast se janë edhe të sakta, nuk besoj se më takon mua të flas”, tha ambasadori grek dje. I pyetur nëse është distancuar nga kjo deklaratë qeveria greke, ai tha se nuk kishte dijeni nëse kishte dalë ndonjë deklaratë apo jo.

Provokimi
Deklarata e Bollanos dhe ajo e ambasadorit grek në Tiranë, duket se kanë për synim të testojnë deri ku mund të shtyhen në gjuhën nacionaliste me qeverinë shqiptare si dhe me partinë më të madhe të opozitës. Deklarata e ambasadorit vërteton se qeveria e djathtë e Greqisë duket se ka një axhendë nacionaliste në Shqipëri, ndryshe nga qeveria paraardhëse e majtë, që kishte një axhendë para së gjithash, ekonomike.
Të dyja partitë nuk kanë pranuar të prononcohen zyrtarisht për “deklaratën e pavarësisë”, të Bollanos, ndërsa partitë e vogla e kanë denoncuar atë kryesisht përmes politikanëve të rangut të dytë.
Deklarata e Bollanos ka sjellë përçarje edhe brenda komunitetit grek në Shqipëri. Kreu i OMONIA-s Jani Jani, lëshoi një deklaratë ku thuhej se “Bollano është keqinterpretuar”, ndërsa ish deputeti i OMONIA-s Panajot Barka tha në një shkrim të publikuar në ABC se “pavarësia e Vorio Epirit nuk është pjesë e programit të kësaj organizate dhe as e PBDNJ-së, partisë që përfaqëson këtë minoritet”.
Presioni nga Athina është i lartë për qeverinë Berisha këto ditë, ku deputetët e PBDNJ-së po kërcënojnë çdo ditë me vota abstenuese në parlament për shkaqe parimore.
Që nga viti 2002, ka një tendencë të dukshme ashpërsuese në lidershipin e përfaqësimit politik të minoritetit grek në Shqipëri.
Kur vdiq themeluesi i PBDNJ-së Vasil Melo, pati akuza se mandati i tij prej deputeti po vidhej nga krahu i ekstremistëve brenda kësaj partie, si dhe pati aludime mbi shkaqet e vdekjes së z. Melo.
Vasil Melo njihet veçanërisht për gjuhën pajtuese që përdori pas zgjedhjeve vendore të vitit 2000, kur pati të dhëna për manipulime zgjedhjesh në Himarë si dhe tension ndëretnik në këtë qytet.
Drejtuesit aktualë të minoritetit, ndryshe nga ato paraardhësit, kanë kaluar periudha të gjata shkollimi në Greqi.
Deklarata e Bollanos dhe miratimi diplomatik nga Kokossis duket se synojnë nga ana tjetër edhe krijimin e një klime, ku “pavarësia e Vorio Epirit” të hyjë si togfjalësh në debatin e përditshëm politik.
Deklaratat duket se janë gjithashtu pjesë e aludimeve ruso-serbe për trazira ndërkombëtare në rast se perëndimi njeh pavarësinë e Kosovës, përfshirë rigjallërimin e rivaliteteve nacionaliste në të gjithë Ballkanin.

E Shtune, 28 Prill 2007

[BARAT]

Shekulli, 01/09/2004 KATEGORIA: Ekonomi

Biznesmenët e Himarës: Bollano po na falimenton

Leter e hapur drejtuar:

Presidentit te Republikes, z. Alfred Moisiu;
Kryeministrit, Fatos Nano;
Ministrit te Pushtetit Vendor dhe Decentralizimit, Ben Blushi;
Ministrit te Puneve Publike dhe Turizmit, Bashkim Fino;
Drejtorit te Policise se Ndertimit, Mark Nikolli;
Prefektit te Vlores, Bashkim Habili;
Drejtorit te Policise se Ndertimit Vlore, Xhezair Myftari

Biznesmenet e Himares jane te shqetesuar per shumicen e shoqerive te ndertimit dhe te tregetimit te materialeve te ndertimit sepse ndodhen ne prag te falimentimit si pasoje e politikes revanshiste te krybashkiakut Vasil Bollano. Omonisti Bollano sapo erdhi ne fuqi pezulloi arbitrarisht pa baza ligjore te gjitha lejet e ndertimit te dhena nga kryetari i bashkise se mepareshme socialisti Viktor MATO.

Revanshizmi i tij i bazuar mbi motive nacionale politike eshte akoma me i eger mbi ato shoqeri qe nuk i ka bllokuar dot ende. Inati i tij po ben qe kapitalet e tyre te vogla ose te medha, te cilat jane ne dispozicion te ndertimit te Himares, nga dita ne diten te kalben dhe te vjeterohen. Duke shfrytezuar mundesit qe i jep kolltuku, dhe nje dore servilash te diskretituar publikisht dhe te emeruar rishtazi prej tij, ky person ka keq-informuar qeverine dhe autoritetet nderkombetare per mbeshtetjen e tyre ne realizimin e ambicieve te tij primitive. Menyra me te cilen qeveris Bollano ne Himare jo vetem qe po asfikson jeten ne pergjithesi por ka shtruar akoma terren per spekullantet bashkiake per te rrjepur popullin per gjoja plotesim dokumentacioni per leje ndertimi apo sherbime te tjera.

Na vjen keq kur shikojme Kontrollin e Larte te Shtetit duke matur me litar rruget e ndertuara ne kohen e krybashkiakut te meparshem ne vitet 2000- 2003. Nuk e kuptojne se kur do te vine per te kontrolluar objektet e ndertuara ne kohen e Bollanos nuk do te bejne asgje tjeter perveçse plazh. Kjo pasi gjate kesaj kohe nuk eshte ndertuar as edhe nje objekt nga Bashkia Himare.

Ne si qytetare dhe biznesmene te ketij vendi nuk na intereson fare zhvendosja e rolit te bashkise se tanishme ne prokurore ose gjykates te bashkise se meparshme. Keto qendrime jane vetem shprehje e paaftesisë se bashkisë se re per te menaxhuar e çuar përpara perspektiven e vendit. Eshte e pafalshme qe ne biznesmene te kthyer nga kurbeti te ngreme rraqet ne krah dhe te marrim serish rrugen e emigrimit pasi te kemi falimentuar ne qytetin tone.

Himara si nje nga krahinat me te emancipuara te Shqiperis nuk i pertyp dot qendrimet autoritare dhe perçarese te këtij kryebashkiaku të paarsimuar. Per ta zgjidhur kete situate ne nuk mund te presim votime te reja pas dy vjetesh por kerkojme angazhimin e shtetit dhe te qeverise per te disiplinuar kete pushtetar te papergjegjshem per vijueshmerine e pushtetit dhe qeverisjen sipas standarteve demokratike.


KY DOKUMENT U PERPILUA NGA BIZNESMENET E HIMARES TE PERFAQESUAR NGA SHOQATA E “BIZNESIT HIMARE” DHE NGA SHOQERITE E MEPOSHTME:

FLORIDA sh.p.k Himare
SKLERO sh.p.k Himare
ALFA sh.p.k Himare
PLANET X filiali Himare
EKLIPS sh.p.k Himare
PRIARMI sh.p.k Himare
P&S sh.p.k Himare

[BARAT]

Himara nuk ka nxënës për shkollë greke

Përfaqësuesi i Ministrisë së Arsimit deklaron se në këtë zonë nuk ekziston minoriteti helen

TIRANË - A duhet të ketë shkollë greke në Himarë? Prej kohësh, Shoqata e Minoritetit Grek në Shqipëri, “OMONIA” kërkon çeljen e një shkolle në gjuhën greke në Himarë. Ky pretendim i mbështetur edhe nga Partia për të Drejtat e Njeriut është rishtruar të mërkurën në një takim mes përfaqësuesve të MASH-it dhe Komitetit Shtetëror të Minoriteteve.
Ku e bazojnë kërkesën e tyre përfaqësuesit e minoritetit dhe cili është qëndrimi i shtetit shqiptar për këtë problem? Për gazetën “Ballkan” foli dje në një intervistë të posaçme specialisti për ciklin fillor të arsimit special dhe të minoritetit, Fatmir Bezati.

-Prej sa kohësh përfaqësuesit e minorietit grek kërkojnë shkollë greke në Himarë dhe cili është qëndrimi i Ministrisë rreth këtij pretendimi?
Kërkesa nga shoqata “Omonia” dhe PBDNJ ka dy vjet radhazi që shtrohet dhe qëndrimi i ministrisë është po i njëjti. Në Himarë nuk mund të hapet asnjë lloj shkolle greke, pasi ajo nuk është zonë minoritare. Atje nuk ka nxënës minoritarë.
-Atëherë, ku e bazojnë kërkesën e tyre këto dy organizata?
Ata na sjellin lista emërore prindërish minoritarë, të cilët kërkojnë që të hapet shkollë në gjuhën e tyre, ndërkohë që duhet të na sjellin lista me emrat e nxënësve. Pasi prindërit mund të jenë minoritarë, por fëmijët e tyre nuk dihet se në ç’moshë i kanë dhe ku i kanë. Mundet t’i kenë jashtë shtetit.
-Si e keni faktuar se në Himarë nuk ka nxënës minoritarë? Nga i keni marrë këto të dhëna?
Ne kemi bërë verifikime nëpërmjet drejtorisë arsimore rajonale dhe inspektorëve tanë vitin e shkuar dhe na ka rezultuar se në Himarë nuk ka as edhe një nxënës grek. Por edhe sikur të kishte, pa u plotësuar kriteri i numrit të tyre, shkollë nuk mund të hapej. Maksimumi mund të hapej një klasë e veçantë. Mirëpo, këta nxënës s’kanë fare dhe nuk kërkojnë as klasë por shkollë!
-Sa nxënës duhet të ketë për të hapur një klasë të veçantë për pakicat dhe cilat janë kushtet për të hapur një shkollë të huaj për pakicat?
Që të hapet një klasë, duhet të ketë minimalisht 32 nxënës, sipas ligjeve tona. Ndërsa vendimi për hapjen e shkollës bëhet me miratimin e prefektit të Vlorës. Atëherë, ne jemi të detyruar ta hapim shkollën, por pasi vendimi të ketë kaluar edhe në Këshillin e Ministrave i cili ka në kompetencë hapjen e shkollave minoritare dhe fetare.
-Numri i shkollave të minoritetit, ka ardhur duke u shtuar apo duke u pakësuar në Shqipëri?
Ka ardhur duke u zvogëluar si rezultat i lëvizjes së popullsisë dhe sepse shumë shkolla janë përqëndruar, që do të thotë se 3 nxënës minoritarë të një zone shkojnë në një shkollë ku ka më shumë nxënës minoritarë. Kështu janë reduktuar klasat me 2-3 nxënës dhe, kjo, më tepër se për arsye ekonomike është bërë për të reduktuar mësuesit pa arsim përkatës, pasi në një shkollë fshati me dy –tre vetë jepte mësim një bujk që paguhej për mësues. Përqëndrimi i nxënësve minoritarë në më pak shkolla është bërë për të ngritur nivelin e mësimdhënies.
-Ka aktualisht klasa të minoritetit nën normën për ngritjen e tyre dhe nëse po, si do të veprohet?
Po, ka edhe sot raste të tilla siç është rasti i shkollës 8-vjeçare të Derviçanit, ku katër klasa të ciklit fillor kanë dy nga 9 dhe dy nga 10 nxënës. Normalisht, këto klasa duhet të bashkohen në dy të vetme e prapë, edhe atëherë do të quhej tolerancë, pasi nuk e përmbushin dot kriterin për 32 nxënës në klasë. Ky rast është në shqyrtim e sipër.
-A ka nxënës minoritarë që ndjekin shkollat shumicës?
Po, patjetër që ka sepse minoritarë ka gjithandej, ka edhe në Tiranë, por që nuk kanë ndonjë pretendim për shkollë në gjuhën mëmë. Zgjedhja e mësimit në gjuhën shqipe është një zgjedhje e lirë e tyre.
-Shkollat e minoritetit, a kanë probleme apo ankesa për tekstet shkollore?
Ky problem është zgjidhur. Komisionet e ngritura pranë DA (drejtorive arsimore) në Korçë e Gjirokastër kanë arritur të sigurojnë programet dhe tekstet në gjuhët amtare greke e maqedone, pavarësisht nga vështirësitë që ndeshen për botimin e tyre, pasi tekstet dalin me tirazh shumë të vogël dhe kosto shumë të lartë.

BALLKAN

[BARAT]

PSE HESHT TIRANA ZYRTARE?

------------------------------------

Godo: Tirana të ndërhyjë tek Athina për Kokosis


Republikani Sabri Godo i kërkon qeverisë t‘i përcjellë Greqisë shqetësimin që po sjellin deklaratat e Kokosis


Ka qenë sërish i pari republikani Sabri Godo, i cili ka reaguar ndaj deklaratës së ambasadorit grek në Tiranë, Kostandinos Kokosis, të bëra nga Erseka. Pasi ka kërkuar nga Kryeministri Berisha të largojë nga detyra kryebashkiakun e Himarës, një nga politikanët më të vjetër të vendit, Sabri Godo, ka kërkuar këtë herë nga qeveria shqiptare t‘i bëjë të ditur nëpërmjet rrugëve diplomatike shtetit fqinj, se ambasadori grek, Konstandinos Kokosis, po sjell shqetësime në Shqipëri, duke mbështetur deklaratat e kryebashkiakut të Himarës për pavarësinë e Vorio-Epirit. Sipas Godos, nuk duhet të shtohen deklarata të tilla, por në lidhje me ato që janë lançuar deri tani nuk mund të rrihet as në heshtje. Pyetjes se a është i padëshirueshëm ambasadori grek në Tiranë, politikani Sabri Godo i është përgjigjur se "nuk duhet të kalojmë në masa të tilla ekstreme, por them që nëpër rrugët e diplomacisë, të cilat janë më të pranueshme, t‘i bëhet e ditur qeverisë greke se ky ambasador po krijon shqetësime në vend që të kontribuojë për përmirësimin e marrëdhënieve". Godo ka theksuar se "meqenëse Shqipëria e ka gjithë vullnetin e duhur për të përmirësuar marrëdhëniet me Greqinë, për të hequr nga sheshi pengesat që kemi hasur deri tani, nuk them se qeveria shqiptare duhet të kërkojë dëbimin e tij, por t‘i komunikojë Greqisë, nëpërmjet rrugëve diplomatike, se ky ambasador po sjell pakënaqësi në Shqipëri". Republikani Sabri Godo e ka konsideruar këtë çështje tashmë si një fakt publik, i cili nuk mund të mohohet dhe nuk mund të kalohet në heshtje. Kryetari i grupit parlamentar të PDR-së, Tritan Shehu, nuk ka dashur të prononcohet në lidhje me deklaratat e Bollanos dhe Kokosis, duke u mjaftuar vetëm për të thënë se "gjërat janë të qarta dhe s‘ka pse të merremi me një çështje që nuk ia vlen dhe që s‘ka asgjë". Shehu u shpreh se deklaratat e Bollanos nuk duhen marrë seriozisht. Nga ana tjetër, vlen të theksohet distancimi i PBDNJ-së nga përfaqësuesi i saj, Vasil Bollano. Qëndrimet antiligjore të kryebashkiakut të Himarës vendosën kundër tij edhe vetë forcën politike, të cilën ai përfaqëson. PBDNJ-ja mori një pozicion të ndryshëm nga herët e tjera, duke u distancuar menjëherë nga deklaratat e tij. Nëpërmjet Leonard Solis, sekretarit të Përgjithshëm të saj, PBDNJ-ja bëri të ditur se "deklaratave të Bollanos nuk u duhej kushtuar rëndësi", duke i cilësuar ato shashka pa rrezik. Ky qëndrim krijon kështu një precedent në marrëdhëniet midis PBDNJ-së dhe përfaqësuesit të saj në krye të Bashkisë së Himarës. Deklaratat e kryebashkiakut problematik shkaktuan një reaksion mjaft të ashpër, jo vetëm në opinionin publik shqiptar, por edhe në politikën vendase, e cila shpeshherë i ka kaluar në heshtje shkeljet e ligjit, kur ato bëhen nga persona që kanë lidhje me Greqinë, apo që mbështeten nga politika e Athinës. Kësaj radhe, me përjashtim të qeverisë, e cila vazhdon të heshtë në mënyrë të pakuptimtë, spektri politik shqiptar i dënoi me forcë qëndrimet e Bollanos, duke kërkuar madje edhe vënien e tij përpara përgjegjësisë ligjore. Ambasadori Kokosis, i cili edhe pse ka shprehur dyshim për saktësinë e deklaratave të kryebashkiakut të Himarës, i ka cilësuar ato si të drejta, çka duket se do të shërbejë si një lloj benzine në prushin që kishte nisur të fikej. Deklarata e Kokosis është bërë publike pas një takimi që ai ka mbajtur në qytetin e Ersekës. Në këtë bashki, qeveria greke ka akorduar një investim prej 22 milionë eurosh për përmirësimin e sistemit të trotuareve dhe të ndriçimit të rrugëve të qytetit. Ndërsa ka firmosur edhe marrëveshjen për projektin në fjalë, Kokosis ka deklaruar se ky investim i qeverisë greke nuk është i pari për zonën e Kolonjës, ndërsa, sipas tij, këtë vit do të jepen 10 mijë viza pune për shtetasit shqiptarë.

gazeta shqip 29/04/2007

[Hyllien]

Me sa morra vesh une pritet qe te vije Putini mbas Bushit ne Tirane. Flitet per nje projekt edhe te Gazpromit edhe te Ambos, per pavarsine e Kosoves si dhe shfrytezimin e pasurive minerare per nevojat energjitike qe do jene problemi kryesor i evropes 200 vitet e ardshme. Nese kjo gje behet, ateher ka gjasa qe Shqiperia te futet perpara Kroacise ne NATO, dhe nen nje protektorat te forte Amerikan, ku do shikohen dhe interesat ushtarake(jo vec energjitike) ne shqiperi, Greqia nuk mund te ngrej me zerin per ceshtje te tilla se do ja shtypin koken te tjere njerez. Me ngritjen tone ekonomike si pasoje e projekteve te medhaja qe do kalojne ne ate rrajon(dhe nuk eshte per tu cuditur pasi Shqiperia ka qene gjithmone nyje kyce per te lidhur perendimin me lindjen ne tregti, ateher behet dhe me e besueshme se keto cirrje te grekeve u ngrihet zeri per te arritur cte munden keto 5-6 vjet tranzicioni qe do mbeten.
Mendoj se jane perpjekje te deshperuara, dhe se Himares dhe Vorio Eiperios ti lene shendene se nuk do kete burre nene ne kete bote qe ta shkepusi nga Shqiperia. Te merren me ceshtje me aktuale, si psh, vjedhjen e historise se lashte, qe heret a vone do i vije dita qe te japin llogari.

[BARAT]

Folen ca kokrra jo Bollano maskara jo Bollano provokator, po si perfundim? A u hoq Bollano? Po Kokoshi mori ndonje ankese?
Asnje! Pikerisht si puna e shkolles se minoritet inegzistent himariot. Ne fillim u ngrit zeri nga njerez te thjeshte dhe specialiste, qe daleni o politikane se Himara s ka nevoje per shkolle se sipas ligjit se meriton nje gje te tille, por PUSHT etaret "shqiptare" s e vrane shume trurin puthen doren e Janullatosit dhe by...n e ndonje greku politikan tip Karamanli apo Geixh dhe shiten perseri vendin e tyre dhe te vertetat shqiptare. Dhe plani vazhdon. Duket sikur ka reagime dhe indinjime, por ne te vertete TE GJITHE POLITIKANET JANE DAKORT ME TRADHETINE QE U BEHET PERDITE INTERESAVE SHQIPTARE DHE KOMBIT TONE.
---------------------------
TRADHETI KOMBETARE---Shkolle greke ne Himare

Zv.ministri i jashtëm grek sot në ceremoni, i pranishëm edhe ministri Ruli


Himarë, hapet sot shkolla greke

Do studiohet në dy gjuhë, me 120 nxënës

specialisti për ciklin fillor të arsimit special dhe të minoritetit, Fatmir Bezati
Ne kemi bërë verifikime nëpërmjet drejtorisë arsimore rajonale dhe inspektorëve tanë vitin e shkuar dhe na ka rezultuar se në Himarë nuk ka as edhe një nxënës grek. Por edhe sikur të kishte, pa u plotësuar kriteri i numrit të tyre, shkollë nuk mund të hapej. Maksimumi mund të hapej një klasë e veçantë. Mirëpo, këta nxënës s’kanë fare dhe nuk kërkojnë as klasë por shkollë!

(nga na dolen kaq me shumice nxenes minoritare?!-BARAT)



E para shkollë në gjuhën greke në Himarë pas Luftës së Dytë Botërore, do të hapet sot në Himarë. Zvëvendësministri i jashtëm grek Stilianidis do të vijë sot nga Korfuzi për të prerë shiritin e rikonstruksionit të shkollës së vjetër dhe të një shtese të re që do të mundësojë hapjen e të parit institucion arsimor në gjuhën helene pas shumë dekadash në këtë zonë. Kryetari i Bashkisë Himarë Vasil Bollano thotë për “Gazets Shqipëtare”, se nuk është e sigurtë se kur do të zbresë në Himarë diplomati i lartë grek dhe për pasojë, se kur do të zhvillohet ceremonia e inaugurimit të shkollës dhe të fazës së dytë të ujësjellësit të Dhërmiut, të ndërtuar me një fond prej 100 mijë eurosh nga pala greke. Zoti Bollano shton se sot pritet që zyrtari nga Athina të shoqërohet nga ministri i Ekonomisë dhe Energjitikës Genc Ruli, porse ky detaj ende mbetet për t’u konfirmuar.
Kryetari i Bashkisë së Himarës thotë gjithashtu se pas vizitës në Himarë, zoti Stilianidis do të vijojë me Tiranën, ku do të nënshkruajë një marrëveshje me qeverinë shqiptare, lidhur me asistencën greke në kuadrin e fondeve për zhvillimin e Europës Juglindore. Burime të tjera bëjnë të ditur se vendimi për hapjen e kësaj shkolle është dhënë disa ditë më parë nga ministri i arsimit dhe shkencës Genc Pollo. Kreut shqiptar të arsimit kjo kërkesë iu bë prej organizatës ’Homeri’, e cila mësohet se ka hapur nje shkollë greke dhe në Korcë. Pas shqyrtimit të kërkesës, Pollo aprovoi celjen e kesaj shkolle ku do të studiojnë rreth 120 nxënës dhe ku mësimet do të zhvillohen në dy gjuhë në atë shqiptare dhe greke.
Më pas, gjatë ditës së sotme, zv/ministri i jashtëm grek do të marrë pjesë në takime me drejtues te PBDNJ-së dhe Omonias, me të cilët, sipas burimeve “pritet të diskutojë në lidhje me investimet që mund të bëhen në zonat minoritare. Vizita e zv.ministrit të jashtëm grek në Himarë dhe prerja e shiritit të shkollës së parë në gjuhën greke, i jep fund një debati dhjetravjecar mes dy vendeve, për ndërtimin e një institucioni arsimor helen në këtë pjesë të bregdetit të Jonit. Sheshbeteje e përplasjeve të natyrës nacionaliste mes shqiptarëve dhe popullsisë greqishtfolëse, ku është përzierë rregullisht edhe politika e Tiranës dhe Athinës, Himara do të ketë që sot e tutje një shkollë private ku do të mësohet greqisht. një tabu e vërtetë për një pjesë të opinionit publik shqiptar që e ka konsideruar këtë si një akt “tradhëtie” të interesave kombëtare. Hapja e shkollë së Himarës vjen pas deklaratave të muajit tetor 2005 të ministrit të jashtëm Mustafaj, i cili pati deklaruar se nuk kishte asnjë problem për hapjen e institucioneve arsimore, qoftë edhe në Himarë. Ky qëndrim u përshëndet atëhere nga kreu i PBDNJ Vangjel Dule, i cili tha se “është në nderin e ministrit Mustafaj që e bëri këtë deklaratë dhe që nuk i nderon aspak ata që nuk e kanë bërë deri më sot një gjë të tillë”.
Nga ana tjetër, pas shkollës greke ‘Homeri” në Korçë dhe institucionit të sapohapur në Himarë, mbetet të shihet nëse do të ketë iniciativa në pjesë të tjera të vendit. Sipas ligjit për arsimin privat kjo është e lejueshme në bazë të disa kritereve të cilat gazeta po i boton më poshtë.
Ndërkaq, ceshtja e arsimit grek në Shqipëri e bën edhe më të ndjeshme problemin simetrik të arsimimit të shqiptarëve në Greqi. Ministri Pollo ka premtuar tashmë se janë nisur negociata mes dy vendeve, për mundësimin e hapjes së një numri shkollash në gjuhën shqipe për fëmijët e shumtë të emigrantëve të cilët rrezikojnë të humbin gjuhën amëtare. (Jane hapur gje mo Pollo? Shko e prit edhe ti ndonje shirit ne Greqi po pate b|the...por s keni ju as b|the e as t()pe se ua ka prere padroni ku jeni shitur-BARAT)

Mustafaj
Ministri i Jashtëm Besnik Mustafaj gjatë një interviste deklaroi se nuk kishte asgjë të keqe që shkollat greke të hapeshin në të gjithë vendin në bazë të ligjit për arsimin ku përcaktohet hapja e shkollave private.

Pollo
Ministri i Arsimit Genc Pollo ka miratuar kërkesën e bërë disa muaj më parë nga shoqëri private për hapjen e një shkolle në Himarë ku do të jepet mësim edhe në greqisht.

Kerkesat
Hapja e një shkolle në gjuhën greke në fshatrat e Himarës është një kërkesë e vjetër, kryesisht e PBDNJ dhe elektoratit të kësaj partie në këtë zonë. Asnjë nga qeveritë e mëparshme nuk e ka pranuar hapjen e një shkolle të tillë

[BARAT]

Meqe eshte shkolle e jashteligjshme a u mbyll? Aspak. Pse te mbyllet. Ne Shqiperi po te jesh i jashteligjshem nuk ka problem, sidomos po te jesh nga ana e PBDNJ-se pastaj qe me pishtar ne dore po hap udhen e asocimit drejt nje shoqerie me mentalitet te hapur ku te flasesh shqip nuk eshte edhe aq e keshillueshme. Dhe mullari qe ben politika jone rritet e rritet.....

------------------------------------------------

Zv/ministri nuk ka marrë pjesë në ceremoninë e inaugurimit duke e konsideruar shkollën si një objekt të jashtëligjshëm

Shkolla greke, përplasje në qeveri

Bojaxhiu: Shkolla greke është e jashtëligjshme

Ened Janina

TIRANË- Shkolla greke në Himarë është e jashtëligjshme dhe për pasojë zyrtarë të shtetit shqiptar nuk mund të marrin pjesë në inaugurimin e saj. Kjo është deklarata e bërë dje nga zv/ministri i Energjetikës, Gjergj Bojaxhiu, në një televizion privat pasi ka braktisur inaugurimin e shkollës. Bojaxhiu është nisur nga Tirana për të marrë pjesë në këtë inaugurim por gjatë rrugës ka mësuar se Këshilli Bashkiak i Himarës nuk e kishte miratuar këtë shkollë. Gjithashtu edhe Këshilli i Rregullimit të Territorit të Bashkisë Himarë nuk e ka miratuar rikonstruksionin e kësaj shkolle. “Unë nuk mund të merrja pjesë në një inaugurim të paligjshëm dhe për këtë arsye u largova”,- ka thënë dje Gjergj Bojaxhiu.
Paraditen e djeshme, zv/ministri i Energjetikës, Gjergj Bojaxhiu, është nisur nga Tirana për të marrë pjesë në inaugurimin e dy objekteve të reja në territorin e Bashkisë Himarë. Këto dy objekte janë një shkollë në Himarë ku mësimi do të bëhet në gjuhën greke si dhe një pompë e re uji në fshatin Dhërmi. Vajtja e zv/ministrit Bojaxhiu në Himarë ishte iniciuar nga një shkresë e dërguar disa kohë më parë në Ministrinë e Ekonomisë se në Shqipëri do të vinte zv/ministri grek i Punëve të Jashtme, Stilianidhis, për të inauguruar dy objektet e lartpërmendura. Teksa po shkonte në Himarë, Bojaxhiu ka kontaktuar me kreun e Këshillit Bashkiak të Himarës, Savo Prifti, në lidhje me inaugurimet që do të bëheshin atje. Gjatë bisedës së kryer me Priftin ai ka mësuar se Këshilli Bashkiak i Himarës nuk ishte informuar aspak për këto dy inaugurime. Madje Këshilli Bashkiak nuk e kishte miratuar projektin për hapjen e shkollës greke në Himarë. Shoqata të huaja greke dhe kryetari i Bashkisë së Himarës, Vasil Bollano, kishin filluar procesin për hapjen e shkollës greke por ata nuk kishin gjetur mbështetjen e Këshillit Bashkiak. Gjatë votimit në lidhje me këtë çështje, Këshilli Bashkiak e kishte rrëzuar projektin për hapjen e shkollës greke. Ndërkohë në lidhje me këtë shkollë ishte shfaqur edhe një problem tjetër. Ajo do të hapej në një godinë ku më parë kishte qenë një shkollë shqiptare dhe kjo godinë i ishte nënshtruar një rikonstruksioni. Edhe rikonstruksioni i shkollës ishte bërë në mënyrë të jashtëligjshme pasi Këshilli i Rregullimit të Territorit të Bashkisë Himarë nuk e kishte miratuar këtë gjë.
Pasi është njohur me këto probleme zv/ministri i Energjetikës, Gjergj Bojaxhiu ka kërkuar një takim me homologun e tij grek. Ky takim do të zhvillohej në ambientet e Bashkisë së Himarës por është refuzuar nga kreu i këtij institucioni, Vasil Bollano. (kush eshte Bollano qe ben ligjin, kush ia jep kete pushtet dhe pse e lene te beje si ia ka qejfin? Pergjigjia eshte e thjeshte fare: Shefat e politikes shqiptare, te cilet jane ne Athine ua kane bere te qarte lepurushava tane, se po na shate nga Bollano do e shihni veten pa karrike-BARAT)Ky i fundit nuk ka lejuar Bojaxhiun që të takohet me homologun grek në lidhje me këtë çështje. I gjendur përballë kësaj situate zv/ministri i Energjetikës, Gjergj Bojaxhiu, nuk ka marrë pjesë në inaugurim por është larguar. Edhe pse ishte nisur nga Tirana enkas për të marrë pjesë në këtë inaugurim Bojaxhiu është larguar pasi ai është i jashtëligjshëm. Pas këtij veprimi, zv/ministri ka shpjeguar se duke qenë se bëhej fjalë për një objekt të jashtëligjshëm ai nuk mund të inaugurohet nga një përfaqësues i shtetit shqiptar.
“Meqenëse ndërtimi dhe funksioni i kësaj shkolle nuk është miratuar nga Këshilli Bashkiak si dhe nga KRRT-ja e Himarës, ajo është e paligjshme. Unë nuk mund të merrja pjesë në një inaugurim të paligjshëm”,- ka thënë dje Bojaxhiu.