Dosja antishqiptare e Greqisë, 1912-2007

[Hyllien]

Kryeprokurori vizitë zyrtare në Athinë. Hetime rreth transfertave të përfolura kohët e fundit
Sollaku në Greqi për lekët e VEFA
Dosja "Vavilis" në qendër të takimeve me hetuesit helenë

Kryeprokurori shqiptar, Theodhori Sollaku, u nis dje për një vizitë në Greqi, në vijim të bashkëpunimit të Prokurorisë shqiptare me homologët grekë, për hetimin e transfertave të fshehta të rreth 2 milionë dollarëve nga ish-skemat piramidale.

Burime zyrtare nga Prokuroria e Përgjithshme të pyetur nga gazeta, konfirmuan mbrëmë nisjen e Sollakut drejt Greqisë për një vizitë pune në kuadër të bashkëpunimit dypalësh. Qëllimit i kreut të Prokurorisë për të intensifikuar hetimin e transfertave të fajdeve në Greqi, është pohuar më pas nga burime jo zyrtare të organit hetimor. Sipas këtyre burimeve, Prokuroria shqiptare ka hapur dosje penale për transfertat e dyshimta të dy milionë dollarëve, nga ish- drejtuseit e skemave huamarrëse. Gjatë vizitës së tij, Sollaku do të takohet me përfaqësuesit e Prokurorisë greke, kreun e Gjykatës së lartë si dhe me grupin e hetimit të çështjes "Vavilis" në Greqi.

Hapja e dosjes
Në kuadër të hetimeve të filluara së fundi, hetuesit shqiptarë kanë filluar bashkëpunimin me Greqinë, për zbulimin e daljes ilegale të parave të kreditorëve shqiptarë, jashtë vendit. Prokuroria e Tiranës ka kërkuar të dhëna nga Këshilli Mbikëqyrës i Fajdeve. Farudin Arapi, kreu i komisionit ka konfirmuar transfertat e Alimuçës dhe Vavilist, duke thënë se fakte të tilla janë konfirmuar nga studiot legale, jo vetëm në Greqi, por edhe në Hungari dhe Itali. Hetuesit shqiptarë kanë kërkuar dosjen e agjentit Vavilis nga Greqia si dhe materiale të tjera hetimore për transfertat e dyshimta. Burimet nga organi hetimor, pohuan se pas verifikimeve të filluara nga Prokuroria, lidhur me nxjerrjen jashtë shtetit nga VEFA, të 90 milionë dollarëve të kreditorëve, spektri i hetimit është shtrirë edhe në faktet e përfolura së fundi për shumat e dala nga arka e ish-kompanisë "Cenaj& CO".

Hetimi i transfertave
Dhjetë ditë më parë, Drejtoria Kundër Krimit Ekonomik në Prokurorinë e Tiranës, bazuar në një kallëzim të Farudin Arapit, por edhe në faktet e publikuara kohët e fundit nga shtypi grek, filloi hetimet për shumat e nxjerra jashtë vendit në mënyrë ilegale, ng ish-bosi i VEFA-s, Vehbi Alimuça. Vizita e Sollakut në Greqi pritet t'i japë më shumë rëndësi interesimit të Prokurorisë shqiptare për bashkëpunimin me Greqinë, në zbardhjen e transfertave që janë bërë me paratë e kreditorëve shqiptarë. Kreu i Prokurorisë shqiptare është nisur drejt Greqisë, në një kohë kur dje, ambasadori ynë në Greqi, Bashkim Zeneli, vizitonte kreun e Gjykatës së Lartë greke, Dhimitros Lino. Sipas mediave vendase, takimi mes diplomatit tonë në Athinë dhe gjykatësit të lartë grek, ka patur si qëllim të mundësonte një tjetër takim mes kreut të Gjykatës së Lartë greke, Linos dhe homologut të tij shqiptar, Thimio Kondi. Mediat greke kanë pohuar dje se takimi Kondi-Linos do të zhvillohet në datën 1 prill në Athinë, ndërsa gjatë bisedës do të diskutohet për çështjen e fajdeve dhe lidhjen mes agjentit grek Vavilis dhe ish-bosit të VEFA-s, Alimuça.
--------------------------------------------------------------------------------------------------------------
Shtypi Grek

Apostolos Vavilis, me ndihmën e një deputeti dhe një ministri shqiptar ka transferuar në Greqi, 146 milionë dollarë të firmës Cenaj në përiudhën 1997-1999. Në total nga firmat piramidale, ish-agjenti grek ka nxjerrë jashtë kufijve shqiptarë një shumë prej 50 miliardë dhrahmi të firmave piramidale.

Misteri i agjentit
Apostolis Vavilis akuzohet nga hetuesit grekë se ka marrë nga kompania VEFA në Tiranë një shumë prej 800 mijë dollarësh për një kontratë për shitjen e pajisjeve të sigurimit. Në vitin 1995 deri në 1997, spiuni Vavilis u shfaq në Shqipëri si përfaqësues i një kompanie, e cila shiste pajisje sigurie për Ministrinë e Rendit Publik.
--------------------------------------------------------------------------------------------------------------
Rrëfehet Vavilis

Një gazetar grek ka mundur të kontaktojë me personazhin enigmatik, Apostolos Vavilis. Fillimisht agjenti ka luajtur rolin e arkipeshkopit grek, por më pas ka rrëfyer gjithçka që lidhet me skandalet brenda gjirit të kishës greke dhe në veçanti me arkipeshkopin e saj. Nuk dihet nëse Vavilis ka folur për marrëdhëniet e tij me Alimuçën.

[Hyllien]

INTERVISTE / Flet gazetari që publikoi skandalin në Greqi

"Vavilis dhe Alimuçaj, kam prova të tjera"

ATHINE - Emri i tij Ion Papadhaki. Është njeriu i cili me shkrimet e tij ekskluzive në gazetën e përditshme greke "Apogjevmatini" hapi një shteg të ri në hetimin e veprimtarisë së firmave piramidale në Shqipëri. Nuk e pata të vështirë ta gjeja dhe gjëja e parë që më bëri përshtypje ishte mirësjellja. Është 47 vjeç, i martuar, baba i dy fëmijëve. Ka punuar në 4 gazeta, në dy revista drejtor lajmesh dhe producent i një kanali radiofonik dhe 4 vitet e fundit në gazetën historike greke "Apogjevmatini" (e cila botohet pa ndërprerje për 52 vjet) dhe sipas tij e ka nderuar me besimin dhe mbështetjen e saj në çdo reportazh të tij. Papadhaki pranoi menjëherë, me kënaqësi madje, të më jepte një intervistë për Gazeta Shqiptare. "Jam duke punuar mbi disa të dhëna të reja. Kam, tani për tani, informacione të pavërtetuara për veprimtari të paligjshme, tepër serioze të Alimuçës dhe të Vavilisit në vendin tuaj", është pohimi tjetër shokues i gazetarit.

Z.Papadhaki, jeni marrë edhe më parë me çështje që kanë të bëjnë me Shqipërinë apo me persona që kanë ushtruar veprimtari të paligjshme në të dy shtetet fqinj?
Kam ndjekur nga shumë afër çështjen e piramidave shqiptare në kohën kur kishte shpërthyer ky skandal, por vetëm në aspektin e lajmeve të jashtme. U përhapën shumë lajme se në këtë çështje ishin të përzierë edhe grekë apo europianë të tjerë, të cilët kryenin pastrimin e shumave kolosale në këto firma, por nuk ekzistonin të dhëna të hollësishme si edhe kushte të favorshme për një reportazh të plotë. Përveç këtij rasti, nuk jam marrë herë tjetër me çështje të cilat i përkisnin lajmeve shqiptare apo veprimtarisë së personave të lidhur me botën e krimit.

Si e zbuluat veprimtarinë e Vavilisit në Shqipëri dhe lidhjet e tij me Vehbi Alimuçën?
Apostolos Vavilis është në këto momente në Greqi një problem kolosal. Veprimtaria e tij, qoftë në vendin tim apo jashtë shtetit, ka krijuar një reaksion të madh, për të cilin janë vënë në lëvizje qarqet e drejtësisë dhe të Kishës dhe në një moment, duke kryer reportazh për problemet e Patriarkanës së Jerusalemit dhe të Kishës Greke, u "rrëzova" mbi Vavilisin dhe shoqërinë "ELTHORNE", të cilën e kishte krijuar për të bashkëpunuar me Ministrinë greke të Rendit, policinë greke dhe instanca të tjera shtetërore… Më pas ishte çështje kohe që të mbërrija tek lidhjet e këtij personi të shumëkërkuar me Alimuçën dhe "Vefa Holding".

Jeni bërë tashmë tepër i njohur në Shqipëri, ju dhe gazeta juaj, për arsye se hapët një çështje të vjetër në të cilën hidhni dritë me të dhëna të reja për bosët e piramidave. Është një temë që i dhemb popullit shqiptar, prandaj edhe të gjithë presin zbulime të reja në këtë çështje. Do të ketë?
Humbja nga ana e qytetarëve të kursimeve të tyre është një diçka që e jetuam edhe në Greqi. Ne kishim të famshmen Bursë, kurse ju skandalin me piramidat. Është çnjerëzore që disa të pasurohen në kurriz të njerëzve të thjeshtë, të cilët e vetmja gjë që kërkojnë është pakëz jetë më e mirë. Ç'rëndësi ka nëse janë shqiptarë, grekë, bullgarë apo italianë. Ashtu si ju edhe unë përpiqemi, punojmë dhe luftojmë për t'u ofruar një jetë sa më të mirë fëmijëve tanë. Jo vetëm që kuptoj, jo vetëm e ndiej, por edhe dua që ta ndaj plotësisht dhimbjen dhe revoltën e popullit shqiptar. Do të ishte absurde që gazeta ime dhe unë të fshihnim të dhëna, të cilat do të ndihmonin në drejtësinë dhe zbardhjen e kësaj teme, sado që ato mund të fajësonin grekë apo shqiptarë, në emër të disave të cilët projektuan një makineri pa u interesuar se me çfarë leve nxorën paratë që vodhën. Të dhëna ekzistojnë dhe ne nuk pushojmë së kërkuari. Pa dyshim politika e gazetës "Apogjevmatini", por edhe e imja, është që të mos nxjerrim të dhëna, të cilat nuk janë plotësisht të vërtetuara. Prandaj, siç edhe ju e patë, asnjë prej të përfshirëve në këtë histori deri tani nuk ka përgënjeshtruar botimet.

Ekzistojnë, veçse, edhe disa skepticistë në Shqipëri, të cilët pyesin se përse dalin në dritë këto skandale pak përpara zgjedhjeve. Si do t'u përgjigjeshit?
Kjo është fyese për një gazetar. Unë bëj reportazh dhe nxjerr këto të dhëna, të cilat janë në dispozicion të çdo të interesuari. Nuk më intereson prizmi politik i temës, por ai shoqëror. Nëse kisha ndërmend ta përdorja këtë çështje politikisht, nuk do t'i nxirrja këto të dhëna sot, por 10 ditë para zgjedhjeve. Dhe të jini të sigurt se të gjitha këto do të harrohen, fatkeqësisht, për pak ditë. Le të shpresojmë që deri atëherë organet përkatëse të të dy vendeve të vihen në lëvizje, në mënyrë që të ketë rezultat gjithë kjo lëvizje.

Artikujt tuaj janë bërë tema të para edhe në edicionet televizive të lajmeve në Greqi. Ka pasur reagime nga politikanë, nga rrethi familjar i Vavilisit? Keni marrë ndonjë telefonatë nga persona të njohur apo anonimë?
Reagime ekzistonin. Më të shumtat, që të më vërtetonin të dhënat e mia apo që të më shtonin edhe të tjera. Është padyshim inkurajuese për mua që vetë nënkryetari i Parlamentit grek, Jorgos Surlas, më ndihmoi duke më dhënë procesverbalet e shkruara nga Komisioni i Transparencës në vitin 1997, kur u mor me çështjen e pastrimit të parave, ndërsa paralelisht kërkon që të hapet dosja Alimuçaj dhe të cilësohen përgjegjësitë e gjithësecilit. Familja e Vavilisit nuk ka komunikuar me mua… Thjesht vetë Vavilisi me raporte të tij të dërguara në mediat greke, ka vërtetuar të dhënat e mia. Për sa u përket telefonatave anonime… e, kam marrë disa kërcënime, jo ndonjë gjë e tmerrshme… Kam pasur në karrierën time edhe më të rrezikshme.

Ajo që duan më shumë se çdo gjë tjetër shqiptarët është fakti nëse ekzistojnë dokumente të caktuara, që vërtetojnë transportimin e lekëve, apo shitblerjet e Alimuçës në Greqi (blerja e vilës).
Jua sqarova që në fillim. Është politika e gazetës si dhe filozofia ime që të mos lëvizim në rrjetin e shtypit të verdhë (në Greqi shtyp i verdhë quhet shtypi që merret me çështje vetëm për të krijuar bujë, pa ndonjë argument). I gjithë reportazhi deri tani është më se i vërtetuar. Ose me dokumente, ose me dëshmi, ose me pohime apo afirmime të organeve të prokurorisë. P.sh., meqënëse juve i'u referuat vilës në rrugën "Thetidos" 26 në Ekali, kishim pohimin e një prokurori të lartë grek, si dhe të një ndërmjetësi për shitjen e saj, i cili ishte edhe bashkëpunëtor i ngushtë i Alimuçës.

Pas artikujve tuaj, megjithëse ju nuk përmendnit emra, të gjithë në Shqipëri kuptuan se për kë binin këmbanat. Në ditët e mëpasme pasuan deklaratat e ministrit shqiptar të Financave, si dhe të deputetit të minoritetit. I pari nuk pranoi asgjë, ndërsa i dyti deklaroi se ka transportuar në një bankë të Janinës vetëm 1,2 miliardë dhrahmi, ndërsa në artikuj thuhet se transportonte shuma kolosale me Apostolos Vavilis, si shofer me pasaportë kosovare. Do të pasojë ndonjë artikull juaj i ri që do të hedhë dritë më tepër në këtë çështje?
Do ta filloj me një fjalë të urtë. Nuk ka tym pa zjarr… Ndërsa unë nuk kisha përmendur emra, disa kuptuan se për kë bëhej fjalë. Dhe që të mos ekzistojnë keqkuptime, asnjëherë nuk kam thënë se ministri i Financave transferonte paratë e piramidave. Kam thënë se kishte lidhje në atë kohë me piramidat, gjë e cila është e vërtetuar. E dyta, thashë se deputeti i minoritetit trasferonte paratë, gjë të cilën ai e pohoi vetë dhe e treta, nuk kam thënë asnjëherë se Apostolos Vavilis transportonte bashkë me deputetin shuma të mëdha… Thashë se Vavilis transportonte paratë… Më besoni, jam shumë i kujdesshëm. Tashmë hetimi i të dhënave është vepër e organeve përkatëse. Dhe më pas ju nxirrini vetë rezultatet… Të jini të sigurt se nuk do ta ndaloj punën time dhe kërkimin e fakteve të reja. Kam, tani për tani, informacione të pavërtetuara për veprimtari të paligjshme, tepër serioze të Alimuçës dhe të Vavilisit në vendin tuaj. Të dhëna që me të vërtetë më kanë shokuar… Por, për arsye se do të krijohet një temë mjaft e madhe, jam shumë, shumë i kujdesshëm dhe dua që çdo gjë të jetë e saktë tani për tani. Një gjë mund të them vetëm. Uroj që ta kem gabim.
--------------------------------------------------------------------------------------------------------------
Mediat greke aludojnë se takimi është bërë në periferi të Korçës

Vavilis të dielën do flasë për transfertat

Intervista e gazetarit investigativ Triandafilopulos Personi më i kërkuar nga interpoli grek, superagjenti Apostolis Vavilis, ashtu siç edhe paralajmëroi se do të dalë publikisht me një deklaratë për shtyp, gjatë mbrëmjes së të enjtes u gjend përpara gazetarit investigativ Maqis Triandafilopulos, në kanalin televiziv grek "Alter". Gazetari grek Triandafilopulos, ka deklaruar paraprakisht se intervistën me Apostolis Vavilis e ka realizuar në një skaj të Italisë së Jugut. Por disa media greke tregohen skeptike, pasi siç veprohet në kësi rastesh, edhe në mirëkuptim me të intervistuarin e kërkuar, vendi i marrjes në intervistës është dhënë i rremë. Media greke, pas Gjirokastrës, ka aluduar se intervista me superagjentin grek është zhvilluar në periferi të qytetit të Korçës. Siç ishte bërë e ditur paraprakisht mbrëmjen e të enjtes u transmetua vetëm një pjesë e kësaj interviste, ajo që bënte fjalë për skandalet e lidhura me Kishën greke, ndërkohë që vazhdimi që do të jetë ditën e dielë pritet të zbardhë transfertat e parave të piramidave shqiptare për në Greqi. Poliagjenti grek Apostolis Vavilis ka filluar të përmendet nëpër mediat helene rreth dy javë më parë, kur e përditshmja "Apogjevmatini" publikoi lidhjet e tij me ish-bosin e VEFA-s Vehbi Alimuçaj gjatë viteve 1995-1997, dhe më pas, deri në vitin 1998, me Lefter Cenajn, kreun e piramidës "Cenaj Co". Fillimisht, në vitin 1995, poliagjenti grek i kishte ofruar Alimuçës pajisje sigurie dhe automjete të blinduara, por më vonë kishte përvetësuar nga ky disa shuma të mëdha që, sipas shtypit grek, arrijnë deri në 180 milionë USD, ose 50 miliardë dhrahmi.
--------------------------------------------------------------------------------------------------------------
Alimuçaj pranoi firmën në çekun 200 mijë USD
Vehbi Alimuçaj, ish-bosi i firmës piramidale VEFA-Holding, pranoi 10 ditë më parë se ishte e tij firma që ndodhej në fund të çekut me të cilin agjenti grek Apostolis Vavilis kishte tërhequr 200 mijë USD nga llogaritë e piramidës. Ky pohim i Alimuçajt erdhi nga burgu i Peqinit ku po vuan dënimin me 20 vjet burg. Më datë 15 ai u pyet nga një oficer i Policisë Gjyqësore së kryeqytetit për firmën në fund të çekut të lëshuar në vitin 1995. Mendohet se Alimuçaj, së bashku me Lefter Cenajn, kreun e piramidës "Cenaj Co", kanë transferuar në Greqi rreth 180 milionë USD gjatë viteve 1995-1998.
***Aleksandër Marku (Gazeta Shqiptare), 26 mars 2005
)))))))))))))))))))))))))))))))))))))))))))))))))) )))))))))))))))))))))))))))))))))))))))))))))))))) ))))))))))
Skandali i piramidave, Sollaku në Greqi
Vizita në kuadër të bashkëpunimit mes dy institucioneve
Çështja Vavilis, dhe skandali i publikuar së fundi nga mediat greke mbi transfertat e llogarive të ish-firmave piramidale, duket se ka vënë në lëvizje prokurorinë shqiptare. Më datën 1 prill kryeprokurori shqiptar, Theodhori Sollaku, do të niset për një vizitë pune në Greqi, ku pritet të ketë takime me homologun e tij të shtetit fqinj. Sipas burimeve zyrtare të oragnit qëndror të akuzës, deklarohet, se vizita e Sollakut në Greqi, kryhet në kuadër të bashkëpunimit mes prokurorive të dy vendeve dhe nxitjes së mëtejshme të shkëmbimit të informacionit për çështje të ndryshme, që shqetësojnë dy vendet fqinje. Ndërkaq burime që nuk duan të identifikohen janë shprehur për gazetën se një nga pikat kryesor, që do të diskutohet në takimet e kryprokurorit Sollaku me homologun e tij në Greqi, është edhe shkëmbimi i informacioneve rreth çështjes së transfertave të parave nga Shqipëria në Greqi, pas daljes së skandalit më mediat greke mbi kalimet e paligjshme dhe dorazi të llogarive bankare të ish-firmave piramidale në Shqipëri. Burimet janë shprehur se takimet e kreut të akuzës shqiptare mendohet t'i hapin rrugën hetimit të përbashkët të çështjes dhe lidhjeve që ka pasur ish-agjenti grek Vavilis me krerët e ish-firmave piramidale në Shqipëri. Po lidhur me këtë çështje përpara dy ditësh ambasadori shqiptar në Athinë, Bashkim Zeneli, ka patur një takim me kreun e Gjykatës së Lartë greke, i cili gjithashtu pritet të takohet me kryeprokurorin shqiptar.
--------------------------------------------------------------------------------------------------------------
Interpol-Tirana u lajmërua për sjelljen e tij në Shqipëri

Shkrimet e "Apogjevmatini" shtynë ekstradimin e Cenajt
Skandali i transfertave të jashtëligjshme të parave të piramidave shqiptare në drejtim të shtetit fqinj grek është bërë shkak për mosekstradimin e Lefter Cenajt, ish-bosit të firmës rentiere "Cenaj & Co". Interpol-Tirana ishte lajmëruar për ekstradimin e tij që duhet të kryhej rreth 10 ditë më parë nga Janina, ku Cenaj ndodhet i siguruar në burg. Por pasi një veprim i tillë nuk u krye, strukturave të ministrisë së Rendit u mbërriti një njoftim me siglën "urgjent", sipas të cilit prokuroria lokale e Janinës e kishte shtyrë në një afat të pacaktuar ekstradimin, pasi i burgosuri u duhej për disa hetime. Cenaj ndodhet prej më shumë se dy vitesh në burgjet greke i dënuar për transferta të paligjshme me Greqinë, një akuzë për të cilën në mes të muajit mars mbushte afatin e shpagimit. Por skandali mediatik në Greqi (prokuroria greke është shumë sensibël ndaj mediave) ka bërë që prokurorët lokalë të Janinës të vendosin për shtyrjen deri në një afat të pacaktuar të ekstradimit të tij. Gjithçka filloi pak më shumë se dy javë më parë kur Apostolis Vavilis, një grek i konsideruar si "poliagjent", u përmend nga mediat helene si i implikuar në transfertat për llogari të ish-firmës piramidale "VEFA" dhe "Cenaj & Co". Vetëm një javë më parë shtypi helen publikoi se Vavilis, nëpërmjet lidhjeve me një deputet minoritar dhe një ministër aktual, kishte transferuar shumat e mëdha për në Greqi. Gjatë kësaj kohe, sipas gazetës "Apogjevmatini", poliagjenti Vavilis, i cili mendohet se tashmë fshihet në jugun e Shqipërisë, ka bërë rolin e shoferit të deputetit dhe me makinën e këtij të fundit ka kaluar paratë e piramidave VEFA dhe "Cenaj" për në territorin grek.
***ga.ja. (Gazeta Shqiptare), 26 mars 2005
)))))))))))))))))))))))))))))))))))))))))))))))))) )))

[Hyllien]

Vavillis dhe ndeshja e Athinës

Ndërsa në Greqi vijon telenovela Apostolos Vavillis, në Shqipëri reagimi ndaj saj nuk duket i ngjashëm me atë ndaj telenovelave të suksesshme.Disa prej personazheve të saj shikohen në Greqi në mënyrë më kritike se këtu. Është kjo padyshim ngjarja më e rëndësishme që implikon marrëdhëniet dypalëshe kohët e fundit po të mos përfshijmë këtu ndeshjen e futbollit midis përfaqësueseve të të dy vendeve. Të dy ngjarjet kanë diçka të përbashkët, një lloj indiference a servilizmi i shtetit dhe politikës shqiptare. Diku si shprehje e seriozitetit tradicional me të cilin ai i merr punët e rëndësishme; diku- në rastin e ndeshjes,- ndoshta si një lloj heshtje servile ndaj një sjelljeje fyese. Në mos një marrëveshje për të nxjerrë jashtë loje tifozat shqiptarë të ndeshjes, si të padëshirueshëm. Por le ti marrim me rradhë dy ngjarjet dhe implikimet praktike të tyre dhe të gjejmë fillin lidhës. Që gjendet në Tiranë.

Telenovela Vavillis
Ajo që të bën përshtypje në një shikim të parë në pasqyrimin anglisht dhe në gjuhë të tjera të kësaj historie, është se fillimisht përfshirja e Vavilisit në piramidat shqiptare përmendet rrallë ose fare pak, me përjashtim të Apojevgmatini- gazetë e vogël proqeveritare greke. Ndërkohë ky është aspekti kryesor përse na intereson afera Vavillis. Një shikim i drejtë i kësaj afere imponon bashkimin e të tëra pamjeve të mozaikut. Dmth edhe të pjesës greke dhe asaj shqiptare. Por dhe më gjerë se kaq.
Portreti i Vavilisit, edhe pse me një mijë fytyra del shumë interesant. Trafikant droge, i dënuar në Itali në 1988 dhe 1994 në Greqi me 13 vjet burg, por i dënuar me kusht se ishte informator i policisë. Shitës armësh dhe blerës sistemesh sigurie për Ministrinë e Brendshme grek. I dërguar në Malin Athos për pastrim shpirti dhe krahu i djathtë i kryepeshkopit grek Kristodulos në zgjedhjen e patriarkut të Jeruzalemit në 2001, një tjetër skandal i kishës greke. Në këtë të fundit Vavillis-i përmendet për shitje pasurish të paluajtshme në qytetin e famshëm. Më së fundi, i përfshirë në piramidat shqiptare. Le t’i marrim me rradhë e me ngut disa prej përfundimeve që mund të nxirren prej kësaj historie ende të pambyllur dhe implikimet greko-shqiptare të saj .
Së pari, në konfiguracionet shtetërore ku kisha apo institucionet fetare janë pjesë e pjesë e shtetit, mund dhe ndodhin ngatërrime ose aliazhe të tilla. Kishë, shërbime sekrete, trafik droge, trafik influence, trafik parash, etj. Shto këtu dhe homoseksualizmin: në këtë kontekst Vavillisi, Kaliufasi i Top Channel, dalin si shumë homoseksualë që me disa pasaporta bredhin në kufijtë e shteteve tanë pa dhënë llogari! Nga probleme të tilla nuk mund të imunizohen kishat: kemi akuzuar shtetet islamike, nuk mund të përjashtohen edhe problemet në shtete të një lloji tjetër, pra të krishterë; megjithëse shtetet me orientim demokratik si Greqia, janë duke gjetur mekanizmat për të korrigjuar gjërat. Në këtë plan, pra atë të lidhjes së shtetit me fetë, në veçanti atë ortodokse, Shqipëria nuk pritet të ketë pasoja, vetëm nëse Vavilis nuk ka kaluar ndër ne që në kohën e ndërrimit të regjimit... Ndërkohë, mënyra sesi një pjesë e shëndoshë e shoqërisë dhe shtetit grek po reagon, në veçanti nevoja që po imponohet në Greqi për të kontrolluar financat e kishës duhet marrë për shembull dhe në vendin tonë. E përkthyer në shqip, kjo do të thotë se edhe një shtet laik si ai i Shqipërisë ka të drejtë të vendosë një lloj kontrolli mbi lëvizjet financiare apo pasurore të bashkësive fetare pa përjashtim. Duke kërkuar reciprocitet nëse për t’i bërë presion për këtë kontroll i ndërhyhet nga jashtë.
Së dyti, kjo që po ndodh në vendin fqinjë, si pjesë e një lloj evolucioni të butë drejt laicizimit të shtetit, nisur nga politikani largpamës Simitis dhe vijuar dhe sot nga kundërshtarët e tij, është frymëzuar njëherësh nga lufta e brendshme politike. E ngjashme pak me historira komisionesh hetimore tek ne ku kërkohet të hetohet veprimtaria e paraardhësve politikë. Pra Nea Demokratia në pushtet është duke u përpjekur të demaskojë veprimtarinë e ish ministrave të PASOK-ut, si ai i mbrojtjes Xoaxopullos, Romeos, etj, ku më i famshmi për ne është sigurisht Xoaxopullos-i. Politikan i vjetër i së majtës në Greqi, ai ka përfaqësuar gjithnjë politikën konservatore greke ndaj Shqipërisë; i përfolur nga shtypi grek, emri i tij u përmend më së fundi kur një i afërm i Xoaxopullosit u arrestua për trafik droge me një barkë turizmi. Natyrisht me miqësira të caktuara në Shqipëri në krahun e majtë. Pra duhen parë më thellë dhe implikimet politike të kësaj historie në të dy vendet. Por për këtë duhet kurajë, që sigurisht nuk e ofrojnë zëdhënësat, por institucionet, përfshi opozitën, që duket memece përballë këtyre implikimeve a lidhjeve.

Së treti, historia e fajdeve dhe roli i Vavillisit apo i bashkëpunëtorëve shqiptarë të tij. Duket se këtë linjë hetimi është duke e thelluar vetëm një gazetë, e cila sipas disa burimeve paska qenë pronë e grupit të famshëm grek Sarantopullos. Sarantopulosi është ai ndërtuesi i rrugëve të këqia në Shqipëri, i cili pasi u ngul ndër ne me idenë për të ndenjur përjetësisht, është thuajse përzënë nga vendi duke u zëvendësuar nga të tjerë. Një pjesë e interpretuesve të kësaj fushate shkrimesh, të prekur prej saj, shikojnë tek artikujt në fjalë interesa kriminale, gjë që mund të jetë e vërtetë-pra reagim pse Sarantopulosi u përzu nga Shqipëria. Në fakt në shkrimet e Apojegvmatini-së që po shkruan thuajse e vetme për transfertën e parave të fajdeve ka diçka që nuk shkon: nuk përmenden emrat e deputetit dhe ministrit që janë në pushtet, element ky i një stili shantazhues: pra ne mund të nxjerrim dhe emrat dhe mund të themi dhe më shumë! Ndërkohë ka një inkoherencë: Cenaj kishte 50 milionë dollarë borxhe dhe nuk mund të transferonte 150 milionë! Por ndërkohë ajo që të bën përshtypje është cilësia e reagimit të Shqipërisë ndaj ngjarjes, pavarësisht inkoherencës që ka në shifra: ca miliona duhet të jenë transferuar siç pohon dhe manaxheri i saj Kristo Goxhi, apo deputeti grek Sulas. Janë para për të cilat Arapi është angazhuar 8 vjet dhe që mund edhe të thoshte dicka sot! Protagonisti kryesor i transfertave të parave është Goxhi që kërkon të paraqesë dhe të konvertojë qytetarët me origjinë arumune a vllahe të zonës së Korçës si grekë. Në fushatat elektorale premtoi se do t’ u nxirrte viza emigrimi për në Greqi të gjithë votuesve të tij, shumë kurajoz. Ky njeri është nga më të mikluarit në politikën shqiptare: luan bishtin djathtas dhe ftohet nga PD bashkë me Karamelon; kërcënohet nga Nano për transfertat dhe mbetet në koalicion duke e braktisur Karamelon e gjorë. Nuk i ka hyrë asnjë gjemb në këmbë për transfertat, nuk ka dhënë asnjë informacion të vlefshëm ku kanë përfunduar paratë dhe me siguri ai do të mbetet përsëri në politikë.
E pra duket se për paratë e shqiptarëve ka më shumë interes në Greqi; shteti shqiptar nuk reagon duke i shkuar deri në fund problemit, pra derisa ato para të kthehen. As opozita nuk reagon, ose maksimumi thjesht për të goditur ministrin dhe jo për të kërkuar hetim serioz siç po bën homologia e saj greke. Si shpjegohet kjo heshtje? Servilizëm, frikë ndaj politikës greke prej të dy kampeve në prag të zgjedhjeve? Nuk kanë rëndësi paratë e shqiptarëve, para pushtetit.

Servilizëm edhe në prag të ndeshjes
Mund të kuptohet dhe të pranohet servilizmi dhe frika për të kërkuar fatin e parave të shqiptarëve nga të dy kampet-paratë janë të ngatërruara si historitë e Vavillisit. Por nuk mund të kuptohet ai për të kërkuar pjesëmarrjen e tifozave shqiptarë në ndeshjen e Athinës midis dy kombëtareve- dhe këtu hymë në një histori pak më të lehtë a më zbavitëse se kjo e Vavillisit. Që zoti Nano ka kontakte të mira me Greqinë, ajo dihet. Që ai po shndërrohet një lloj meceni moral- apo turisti tifoz futbolli edhe kjo shihet. E pra, si ka mundësi që gjithë ky autoritet i tij i madh në Greqi nuk është përdorur për të ndikuar në marrjen e biletave për tifozat shqiptarë? E gjithë kjo madje mban era marrëveshje: autoritetet e të dy vendeve ndoshta me pretekstin e shmangjes së incidenteve midis tifozerive kanë luajtur rolet përkatëse në komedinë e borxhit për biletat- na i jepni se do ankohemi ne FIFA, jo, na jepni paratë. Duke na dhënë një shfaqje tjetër servilizmi. Nëse Shqipëria e vogël garantoi rendin dhe asgjë nuk i ndodhi tifozëve grekë, ashtu si dhe interesat greke në truallin tonë që nuk janë cënuar kurrë, e pse Greqia e madhe, megjithë mirëkuptimin për rendin e saj, nuk duhet të lejojë tifozeri shqiptare?
Servilizmi është cilësi e të dobtëve, të kompleksuarve; nëse dobësive ekonomike të një shteti si yni u shtohen dhe dobësitë a llogaritë personale të politikanëve të tij, atëherë rezultati është ky-zbythje në të gjithë drejtimet. Shqipëria nuk ka nevojë për këtë lloj sjelljeje ndaj fqinjëve. Ajo ka nevojë një prurje dinjitoze politike, që garanton miqësinë dhe fqinjësinë e mirë, por mbron më së pari interesat e shqiptarëve.
***Mentor Nazarko (Shekulli), 28/03/2005

[Hyllien]

KUJDES ME PARATË E SHQIPTARËVE

Është shumë e rëndë ajo çka po flitet këto ditë me pastrimin e parave nëpërmjet operacioneve të blerjes së bonove të thesarit në Bankën e Shqipërisë. Gjithmonë, nëse është e vërtetë. E theksojmë nëse është e vërtetë. Dhe nëse dokumenti tek i cili mbështetet debati, është i Departamentit Amerikan të Shtetit, diçka është. Institucioni absolutisht serioz në fjalë, një nga shtyllat kryesore të qeverisjes së vendit më të fuqishëm dhe demokratik të botës, mendohet mirë përpara se të lëshojë deklarata të tilla bombë. Aq më shumë në raste të tilla kur kanë të bëjnë me bazat ekonomike dhe financiare të çdo vendi, siç janë bankat. Pa asnjë mëdyshje edhe nëse vërtetohet edhe një rast i vetëm, se nëpërmjet operacioneve bankare të shitjes së letrave me vlerë nga banka qendrore janë kryer pastrim parash, ligji duhet të veprojë me ashpërsinë më të madhe. Shumë herë më i fortë sesa në rastet kur një ngjarje e tillë do të kishte të bënte me bankat e nivelit të dytë dhe institucionet e tjera financiare. Shkaku është i thjeshtë. Cënimi i Bankës Qendrore të çdo vendi vë në dyshim drejtpërdrejt sigurinë dhe seriozitetin e gjithë sistemit bankar. Dhe bashkë me të edhe sigurinë sociale dhe politike të vendit. Jo në vende të tilla si Shqipëria ku besimi te sistemi bankar është ende i ulët, por edhe në vende të tjera shumë më të zhvilluara dhe me tradita sesa vendi ynë, goditja edhe më e vogël në prestigjin e garantit të sistemit bankar, do të çonte në mënyrë të patjetërsueshme në revolta dhe shqetësime me përmasa të jashtëzakonshme të qytetarëve. Askush nuk mund të pranojë të rrezikohen kursimet e jetës dhe bazës së të ardhmes të fëmijëve të tyre. Aq më shumë në Shqipëri ku qytetarët e saj ende i kanë plagët e hapura nga goditja me sistemin e pamëshirshëm dhe fatal të piramidave.
Pikërisht, këtu është edhe çështja kryesore, që të bën të shqetësohesh edhe më shumë sesa vetë fakti i përmendur në media. Papërgjegjshmëria në trajtimin e një fenomeni të tillë nga institucionet, politika dhe media, të paktën këto ditë është krejtësisht jo profesional në rastin më të mirë.
Institucionet përgjegjëse në shprehjen e tyre zyrtare ishin jo në lartësinë e detyrës së tyre. Të paktën mënyra me të cilën ata u përballën fillimisht me median pas publikimit të raportit të Departamentit të Shtetit ishte e pasaktë dhe e nxituar. Binte në sy një mbrojtje e dobët, që më tepër kishte të bënte për t’i mbushur mendjen njëri -tjetrit dhe një grushti profesionistësh sesa të sqaronin qytetarët. Të paktën ata duhet t’i bënin të qartë qytetarëve se edhe sikur të vërtetoheshin raste të pastrimit të parave nëpërmjet operacioneve bankare të Bankës së Shqipërisë, në vetveten e saj kjo nuk përbënte asnjë rrezik për vetë stabilitetin e sistemit bankar shqiptar. Dhe e vërteta, që u duhej sqaruar thjesht shqiptarëve ishte pikërisht sa më sipër. Me qëllim, që vetë njerëzit të kuptojnë se nuk u kanosej asnjë rrezik për depozitat e tyre. Fenomeni është krejtësisht i dënueshëm ligjërisht, duhet t’i nënshtrohet sa më shpejt veprimit të ligjit, nxjerrjes së përgjegjësve nëse ka të tillë dhe dënimit të ashpër të tyre, por deri këtu. Vihet seriozisht në diskutim serioziteti i Bankës Qendrore, i qeverisjes në fuqi në përgjithësi, por të paktën për momentin nuk paraqet asnjë problem për klientët e bankave. Qytetarët duhet ta kuptojnë të vërtetën me fjalë të thjeshta dhe të qarta dhe jo me slogane njerëzish me papijon dhe në gjuhë të huaj.
Nga ana tjetër është krejtësisht e palejueshme edhe qëndrimi i opozitës politike. Në shprehjet publike të disa përfaqësuesve të dalluar të saj, binte më shumë sy një farë gëzimi për ndodhinë, sesa përgjegjshmëri për ngjarjen e rëndë në fjalë. Edhe kjo mund të justifikohet duke parë betejën e afërme zgjedhore. Por, edhe në kushte të tilla ka një kufizim, që duhet bërë në përdorjen e mjeteve të luftës zgjedhore ndërmjet palëve politike. Dhe një nga zonat kryesore të ndaluara, ku askush në botën e qytetëruar nuk provon të ndërhyjë, është siguria e sistemit bankar. Askush nuk mund të gëzojë fitoren në kushtet e një rrënimi të plotë ekonomik, financiar dhe social, që do të sillte pa asnjë dyshim goditja e sistemit bankar. Të mos harrojmë se çfarë pësoi vendi në kohën e rrënimit të piramidave. E keqja do të ishte edhe më e madhe nëse do të cënohej sistemi bankar. Do të ishte sikur të heqësh njëkohësisht dyshemenë dhe çatinë e shtëpisë së përbashkët, që do na varroste të gjithë së bashku. Edhe nëse kundërshtarët politikë, për turpin e tyre e përdorën krizën financiare të piramidave, për të ardhur në pushtet, tashmë nuk mund t’u përgjigjesh me të njëjtën armë. Në fund të fundit kjo do të ishte edhe shprehje e epërsisë morale dhe instikteve demokratike, pa diskutim në të mirë të të gjithëve. Siguria e sistemit bankar është në çdo vend të botës psikologjike. Edhe një luhatje e vogël në besimin e njerëzve te bankat aq më shumë te banka qendrore, mund të sillte probleme të rënda dhe dëme shkatërruese për vendin. Media shqiptare duhet të jetë njëkohësisht shumë e kujdesshme në sa më sipër. Ne kemi shembuj, që i kemi hequr në shpinën tonë. Të mos harrojmë provokimin e rëndë, që erdhi si dhuratë si gjithmonë nga Greqia në pranverën e vitit 2002. Mjaftoi vetëm publikimi në disa gazeta greke të një rreziku fals dhe njerëzit e tmerruar nga piramidat vërshuan përsëri nëpër sportelet bankare për të tërhequr paratë e tyre. Një vërshim që u përballua me shumë vështirësi dhe u desh një kohë e gjatë, që të rivihej në vend besimi i lëkundur. Besim, që mund të kishte shkaktuar edhe në ndonjë rënie qoftë edhe të pjesshme të sistemit bankar me pasoja shkatërruese për gjithë vendin. Imagjino nëse do të vihet në diskutim në mënyrë të pakontrolluar dhe amatoreske serioziteti i Bankës Qendrore, siç po ndodh në rastin e fundit. Të mos harrojmë se njerëzit, që e kanë pësuar një herë në shpinën e tyre, nuk e kuptojnë në thellësi se çfarë përfaqëson në të vërtetë rasti në fjalë. Ata mjaftohen me faktin që banka qendrore ka probleme dhe kaq mund të mjaftojë për të filluar shqetësimet, që nesër mund të rriten në formë të një orteku të pakontrolluar.
Për sa më sipër institucionet, politika dhe media duhet të jenë të kujdesshëm në trajtimin e problemeve me bankën qendrore. Nga njëra anë të kërkohet të ndërhyhet ashpërsisht me forcën e ligjit për të sqaruar deri në fund për çka miqtë dhe aleatët tanë amerikanë, na e kanë vënë në dukje. Nga ana tjetër u themi të gjithë pushteteve në Shqipëri: të kenë kujdes me paratë e shqiptarëve.
***Gjergj Buxhuku (Shekulli), 28/03/2005



NDERKOHE POPULI VLAI GREKI REAGON EDHE PASI NA KA MARRE DJERSEN DHE MUNDIN E PUNES :

Anëtarë të organizatës “Krisi Avgjia” kanë shpërndarë fletushka në formë traktesh kundër shqiptarëve

Greqi, fletushka raciste para ndeshjes
ATHINË- Ndeshja e futbollit e ditës së mërkurë ndërmjet ekipeve kombëtare të Greqisë dhe Shqipërisë rrezikon që të kthehet në një sulm masiv racist kundër emigrantëve dhe tifozëve shqiptarë që jetojnë në Greqi. Ekstremistët e djathtë grekë janë përgatitur prej kohësh për këtë ndeshje dhe duket se do të shfryjnë urrejtjen e tyre ndaj të gjithë shqiptarëve. Ata e kanë parë shumë të arsyeshme mosdhënien e biletave për tifozët shqiptarë si dhe kanë shpërndarë nëpër shkolla fletushka raciste. Në këtë mënyrë atmosfera para ndeshjes së ditës së mërkurë është tensionuar në maksimum. Policia greke ka marrë masa që të mos përsëriten skenat e katër shtatorit të vitit të kaluar pas ndeshjes së luajtur në Tiranë por ekstremistët grekë nuk duket se mund të ndalen nga kjo gjë. Ndërkohë, 26 emra të njohur të artit dhe sportit grek e shqiptar kanë dhënë një mesazh antiracist përpara ndeshjes të së mërkurës.
Gazeta greke “To Vima” ka zbuluar dje një plan të përgatitur nga ekstremistët e djathtë grekë. Sipas saj, këta njerëz kanë zgjedhur ditën e mërkurë si shansin e tyre më të mirë për të shfryrë urrejtjen që kanë ndaj shqiptarëve që banojnë në Greqi. Madje ata e kanë konsideruar mosdhënien e biletave për tifozët shqiptarë si një veprim shumë të mirë të Federatës Greke të Futbollit. Plani i ekstremistëve të djathtë grekë nuk është zbuluar vetëm nga gazeta “To Vima” por edhe nga organizata e Rinisë Kundër Racizmit në Europë. Sipas saj, rreth 10- 15 anëtarë të organizatës ekstremiste “Krisi Avgjia” kanë shpërndarë fletushka në formë traktesh kundër shqiptarëve. Me këto fletushka ata kanë bërë thirrje që shqiptarët janë provokatorë dhe se nuk duhet të lihen që të festojnë. “Rreth 10 ose 15 anëtarë të “Krisi Avgjisë” kanë shpërndarë ditë më parë në shkollat e Grivas fletushka me rastin e festës kombëtare të Greqisë, më 25 mars. Brenda në këto fletushka flitet edhe për ndeshjen e së mërkurës ndërmjet Shqipërisë dhe Greqisë. Në fletushka thuhet se shqiptarët provokojnë duke mbajtur flamurin grek në festën tonë kombëtare dhe duan të festojnë brenda vendit tonë”,- tha dje Janopulos, përfaqësues i organizatës së Rinisë Kundër Racizmit në Europë. Sipas tij, këto veprime raciste duhen ndaluar dhe dënuar nga ana e shtetit grek.
Kundër atmosferës raciste të krijuar nga ekstremistët e djathtë grekë kanë dalë 26 emra të njohur të artit dhe sportit grek e atij shqiptar. Ata kanë përpiluar një deklaratë të përbashkët duke dhënë një mesazh antiracist. Në deklaratën e përbashkët, 26 emrat e njohur në publikun e të dy vendeve, kanë kërkuar që ndeshja e së mërkurës të mos bëhet shkak i krijimit të një atmosfere raciste, e cila nuk do t’i interesonte askujt. Ndërmjet atyre që kanë nënshkruar këtë deklaratë janë artistët e njohur grekë Andoni Kafexopulos, Ana Vajena, profesorë të Universitetit “Pandio” si dhe shkrimtari shqiptar Fatos Kongoli. Në deklaratën e përbashkët dënohet edhe një pjesë e shtypit si grek ashtu…………………………………, e cila nuk luajti rolin e duhur për të qetësuar situatën. Ndërkohë, thirrje për qetësi ka bërë edhe ambasadori shqiptar në Greqi, Bashkim Zeneli, në një intervistë të dhënë në gazetën “Elefterotipia”. Situata e tensionuiar si dhe mos dhënia e biletave për tifozët shqiptarë është dënuar edhe nga ana e Forumit Social Grek. Ky i fundit, në një deklaratë për shtyp ka dënuar aktin e mosdhënies së biletave tifozëve shqiptarë dhe fton të gjithë të shikojnë ndeshjen në një ekran të madh, i cili do të vendoset në sheshin Koxhias, përpara godinës së Bashkisë së Athinës. “Të mos i lejojmë që ndeshja Greqi – Shqipëri të shndërrohet në një shpërthim të urrejtjes raciste antishqiptare”,- thuhet ndërmjet të tjerash në deklaratën e Forumit i cili fton të gjithë që të ndjekin së bashku ndeshjen në shesh më 30 mars.
***Altin Metaj (Shekulli), 28/03/2005

POR PERGJIGJA E POLITIKANEVE TANE NUK VONON,DHE NE TE NJEJTEN DITE :

Presidenti i Shqipërisë, Moisiu, dhe Presidenti i Greqisë, Papulias, konfirmojnë marrëdhëniet e shkëlqyera mes të dy vendeve

Presidenti i Greqisë, Karolios Papulias, priti sot në mesditë (e Hënë) në hotel Epirus Palace të Janinës, Presidentin e Republikës së Shqipërisë, Alfred Moisiu.
Presidenti Papulias e vlerësoi këtë vizitë "si një ngjarje të veçantë mes të dy vendeve, që konfirmon miqësinë, si një kontribut pozitiv në zhvillimin e marrëdhënieve shqiptaro-greke, të cilat janë të shkëlqyera në të gjithë sektorët".
Ndërsa, Presidenti shqiptar, Alfred Moisiu, uroi z.Papulias për zgjedhjen e tij në postin e Presidentit të Republikës së Greqisë. "Marëdhëniet mes të dy vendeve janë shumë të mira, dhe shërbejnë si modeli më i mirë në Ballkan. Kjo frymë miqësie shërben edhe si një mesazh për ndeshjen e futbollit, mes ekipeve të Shqipërisë dhe Greqisë, për të gjithë tifozët, duke uruar që të fitojë ai që e meriton", theksoi z.Moisiu. Presidenti Moisiu e ftoi Presidentin e Greqisë, Papulias, për një vizitë në Shqipëri. Për nder të Presidentit shqiptar, Alfred Moisiu, z.Papulias shtroi një drekë në hotel Epirus Palace, të Janinës.***24-orë, 28/03/2005


Dhe perseri populi vlai greki konfirmon marredheniet e shkelqyera duke BLLOKUAR PERPARIMIN TONE EKONOMIK

[BARAT]

Foto te vullnetarev greke qe kane ndihmuar serbet duke luftuar krah per krah me ta, ne luften e Kosoves

[BARAT]

Foto te vullnetarev greke qe kane ndihmuar serbet duke luftuar krah per krah me ta, ne luften e Kosoves

[BARAT]

Foto te vullnetarve greke qe kane ndihmuar serbet duke luftuar krah per krah me ta, ne luften e Kosoves

[BARAT]

Foto te vullnetarve greke qe kane ndihmuar serbet duke luftuar krah per krah me ta, ne luften e Kosoves

[BARAT]

Foto te vullnetarve greke qe kane ndihmuar serbet duke luftuar krah per krah me ta, ne luften e Kosoves

[BARAT]

GREEK VOLUNTEERS IN YUGOSLAVIA
Macedonian Press Agency
26 March 1999

Greek volunteers are ready to leave for Belgrade in order to offer any kind of help to the Serb people.
In charge of this effort is 46yearold businessman Stavros Vitalis from Thessaloniki, who has already secured the participation of 250 people in the effort. He stated to MPA that they want to help the Serbs as they did in Bosnia and among the 250 people are lawyers, doctors and other professionals, adding that they are on the side of the Serbs because they regard them as friends and brothers.
Mr. Vitalis did not give more details on the mission that will be underway possibly next week.

Ne fakt serbet e kishin shume te nevojshme ndihmen per te bere masakren e Serbrenices....po per c ndihme e kishte llafin ky palikari selanikas qe nuk jepte detaje ne lidhje me misionin "humanitar"???!!