Vapa “vret” gruan ne are, nje burre goditet ne zemer

[no name]

Vapa shperthen baterine, plagosen dy kalimtare

E Merkure, 27 Qershor 2007

Bateria e nje makine shpertheu diten e djeshme si pasoje e temperaturave te larta brenda nje kazani plehrash, shume prane Fakultetit te Mjekesise ne Tirane. Dy persona mbeten te plagosur dhe u derguan ne spitalin afer vendit te ngjarjes, Qendra Spitalore Universitare "Nene Tereza", kurse dy automjete u demtuan rende. Ngjarja ndodhi rreth ores 09:30 te mengjesit te djeshem ne "Rrugen e Dibres". Te plagosurit jane Alban Myftiu, 26 vjec dhe Kujtim Elezi, 53 vjec, te dy kalimtare, qe pas mjekimit ne spital jane rikthyer ne banese. Sipas policise shkaku kryesor i ngjarjes mendohet te jene temperaturat e larta, ndersa po hetohet edhe per shkaqe te tjera. Sipas deshmitareve prane Shkolles se Bashkuar, nje shperthim i fuqishem eshte degjuar dhe menjehere nga kazanet ka dale tym. Dy te demtuarit jane pare te shtrire pertoke, ndersa xhamat e dy veturave ishin thyer dhe gjendeshin afer kazaneve. Ne vendin e ngjarjes kane shkuar menjehere agjentet e policise si dhe ekspertet anti-eksploziv, per te verifikuar lenden plasese. Ne perfundim te hetimit paraprak, rezultoi nje bateri makine e hedhur qe eshte nxehur nga rrezet e diellit, ndersa lendet perberese kane eksploduar ne formen e nje bombe.

Gjithcka ka ndodhur rreth ores 09:30 minuta te mengjesit, ne "Rrugen e Dibres", ne afersi te Qendres Spitalore Universitare "Nene Tereza" dhe ne afersi te Fakultetit te Mjekesise. Ne rruge ka pasur shume kalimtare, dy nga te cilet gjendeshin afer kazaneve te plehrave. Burime zyrtare te Policise se Tiranes thane dje per gazeten "Koha Jone" se informacioni paraprak ka qene per nje shperthim bombe. "Pas verifikimit nga ekspertet anti-mine eshte konkluduar se objekti i shperthyer ishte nje bateri e vjeter makinash", tha zedhenesi Tofik Sulejmani. Ne vendngjarje kane shkuar te paret uniformat blu te Komisariatit nr. 4, qe bene te paret dergimin ne spital te te demtuarve Alban Myftiu dhe Kujtim Elezi. Sipas eksperteve, nje sasi acidi qe gjendej brenda baterise eshte nxitur nga rrezet e diellit per te shkaktuar reaksion deri ne shperthim. Ne vendngjarje mesohet se jane gjetur gjurme dhe sende nga bateria, te cilat u sekuestruan ne cilesine e provave materiale, qe u derguan per ekzaminime te metejshme ne Laboratorin Kriminalistik. Burime zyrtare te policise thane se kane filluar hetimet per ngjarjen ne bashkepunim me Prokurorine e Tiranes.

Tre ore pas shperthimit, Policia e Tiranes paralajmeroi qytetaret qe te benin kujdes me sendet e hedhura ne kazane apo rruge, per shkak te temperaturave te larta te diteve te fundit. Deklarata erdhi menjehere pas ngjarjes qe ndodhi ne "Rrugen e Dibres", kur nje bateri e shperthyer plagosi dy kalimtare dhe demtoi po kaq makina. "Kerkojme nga qytetaret qe te kontrollojne me pare materialet qe hedhin ne plehra, pasi mund te jene te rrezikshme, pasi mund te krijojne shperthime apo zjarre qe do te sillnin deme dhe mund te vene ne rrezik jete njerezish te pafajshem", tha zedhenesi i policise Tofik Sulejmani.

[no name]

Temperaturat rrisin urgjencat mjekesore

E Enjte, 28 Qershor 2007

Temperaturat e larta te diteve te fundit vazhdojne te krijojne probleme ne shendetin e popullates ne rrethin e Gjirokastres. I konsiderueshem eshte numri i personave qe paraqiten prane spitalit rajonal "Omer Nishani", apo qendrave shendetesore te rrethit per te marre ndihmen e pare mjekesore. Sipas bluzave te bardha ne spitalin e Gjirokastres, numri i personave qe kerkojne ndihmen mjekesore, si shkak i te nxehtit dhe goditjes nga dielli, vazhdon te jete i larte. "Gjate diteve te fundit, prane repartit te urgjences, paraqiten 40 paciente ne dite per te marre ndihmen mjekesore, si shkak i rrezeve perveluese te diellit dhe temperaturave te larta", thone mjeket e urgjences ne spitalin e Gjirokastres. Pjesa me e madhe e tyre jane femije te moshave te vogla dhe te semure kardiak. Fale ndihmes te dhene ne kohe nga ana e stafit mjekesor, deri tani nuk ka pasur raste te renda apo komplikacione ne shendetin e banoreve. Nderkohe mjeket keshillojne marrjen e sa me shume lengjeve dhe shmangien e qendrimeve nen rrezet perveluese te diellit.

[no name]

Temperaturat ulen me 4-5 grade celsius

E Enjte, 28 Qershor 2007



Duke filluar nga dita e sotme, temperaturat do te shkojne ne 33 grade Celsius. Ndonese uljet e para jane ndier qe diten e djeshme me 5 grade, perseri edhe gjate dites se sotme do te shenohet nje ulje e ndjeshme e temperaturave maksimale. Keshtu, gjate dites se djeshme temperatura me e larte eshte shenuar 35 grade Celsius ne qytetin e Durresit, kurse ajo me e ulet ne 25 grade ne qytetin e Pukes. Sipas sinoptikaneve, kjo ulje do te ndihet edhe ne ditet ne vazhdim, kurse per sa u perket parashikimeve afatgjata nuk mendohet se shqiptaret do te perballen perseri me temperaturat prej 40 gradesh. "Nga dita e merkure do te ndihet nje ulje e ndjeshme e temperaturave. Keshtu, ne daten 27, temperaturat jane ulur me 5 grade celsius dhe ne qytetet ku eshte shenuar temperatura ne 40 grade celsius ne Cerrik dhe Elbasan, temperatura eshte shenuar ne 33,8 grade. Nje ulje temperaturash prej dy gradesh parashikohet edhe per gjate dites se sotme dhe te neserme", pohon specialisti i Institutit Hidrometeorologjik, Bojko Themelko. Gjate dites se sotme, temperaturat maksimale parashikohet qe te shkojne deri ne 32-33 grade Celsius. Kurse fillimi i muajit korrik parashikohet te jete me i fresket se i nxehti afrikan qe kaluam gjate ketyre diteve.

[no name]

Dervishi: Vapa, fatalitet drejt veteflijimit

E Enjte, 28 Qershor 2007

Temperaturat e larta te diteve te fundit jane nje shtyse serioze dhe konkrete e dukurise veteflijuese, qe se fundi ka rikthyer permasat alarmante ne vend. Sociologu i mirenjohur prof. dr. Zyhdi Dervishi, duke folur dje per "Koha Jone", sqaroi shkaqet qe cojne shume njerez te moshave dhe gjinive te ndryshme, te kryejne vetevrasje. Nje nder shkaqet kryesore qe rendit prof. dr. Dervishi, eshte temperatura e larte e stines qe po kalojme. "Padyshim qe temperaturat e larta te ketyre diteve kane sjelle ndikim te drejtperdrejte ne stimulimin e dukurise se vetevrasjeve ne vendin tone", pohon sociologu me pervoje te gjate ne kete fushe. "I nxehti, ndikon direkt ne agravimin e semundjeve depresive dhe atyre psikike, qe vuajne jo pak njerez ne Shqiperi, kryesisht nder shtresat e varfra te shoqerise, ndryshe nga pjesa tjeter e botes". Dervishi sqaron se "jane pikerisht temperaturat e larta qe rrisin gjendjen depresive te njerezit duke i prirur ata se tepermi, qe te realizojne aktin veteflijues pa u menduar shume gjate".

Ne kete pike, keshilla kryesore qe jep sociologu eshte qe njerezit, te cilet kane aktualisht ne kete sezon vape, gjendje depresive te shkalles se ndryshme, te qendrojne ne zona me klime kryesisht malore. "Ata duhet te qendrojne gjate kesaj kohe sa me larg zonave ku temperaturat jane te larta dhe t'i shmangen vapes duke shkuar ne zona malore te vendit", keshillon sociologu.

Prof. Dervishi ndalet ne argumentin e semundjeve depresive dhe atyre psikike, duke e konsideruar jo shume frytdhenes, qendrimin e familjes dhe shoqerise, prane atyre qe perjetojne situata depresive. Fillimisht ketu, Dervishi sqaron se, depresioni nuk ka asnje lidhje me semundjen psikike, sikunder shume njerez nga padituria, e konvertojne apriori. Ne te njejten kohe Dervishi kembengul se duhet nje sensibilizim i pergjithshem per te mos perjetuar si fobi apo tabu, gjendjen depresive shpirterore. "Ne hasim njerez te shumte, sidomos ne zonat rurale te vendit, ne fshatra, te cilet kane simptoma ne shkalle te ndryshme te gjendjes depresive. Por ata jane shume te rrezikuar nga veprimi fatal. Kjo pasi ngurrojne te kerkojne ndihme, qofte dhe nga familja apo shoqeria, sepse i druhen frikes faktike se mund te cilesohen si te cmendur", evidenton Dervishi. "Ne keto kushte, - vijon ai, - ata nuk marrin masa per t'u sheruar. Madje konstatohen raste serioze kur gjendja depresive agravon aq, sa cdo perpjekje kur konstatohet, sigurisht teper vone, eshte e pavlere". Ketu sociologu sqaron se jo vetem ne fshatra por dhe ne qytete, familjaret e marrin vesh vetem ne castin fatal, ate qe kane perjetuar te afermit e tyre.

Nje tjeter keshille kuptimplote qe jep sociologu i njohur eshte ajo e thellimit te studimit te organizmit te njeriut, duke mos u zgjatur shume ne mesimet e pafundme bio-zoologjike. "Eshte shume e rendesishme qe ne shkolla, nxenesit, ne vend qe te marrin mesime pafund per jeten e zvarranikeve apo kafsheve te tjera, te marrin mesimet e para e madje te studiojne ca me shume per jeten e njeriut, sidomos per disa semundje si ato depresive dhe psikike, te cilat jane bere ceshtje e dites, me pasoja alarmante ne te gjithe vendin".

[ildushja]

Sa gjynaf o zoooooooot!

[no name]

Vapa mbush spitalet me fëmijë: 200 te Pediatria, 60 tek Infektivi

Bien temperaturat. Sot edhe dy gradë më pak

Temperaturat e larta janë bërë shqetësimi i ditës për të gjithë qytetarët. Ndërsa termometri shënonte rreth 40 gradë Celsius në pediatrinë e spitalit "Nënë Tereza", çdo ditë vijnë dhe kërkojnë ndihmë 200 fëmijë me komplikacione si pasojë e vapës. Ndërsa 80 qytetarë të tjerë, gjatë 24 orëve paraqiten në pavijonin e sëmundjeve infektive. Numri i të prekurve nga vapa ka ardhur drejt rritjes, si pasojë e të nxehtit dhe temperaturave tepër të larta. Por shifrat e të prekurve nga temperaturat e këtyre ditëve janë edhe më të larta. Pasi ka edhe nga ata pacientë, të cilët e zbatojnë sistemin e referimit dhe paraqiten në raste shqetësimi në poliklinika apo qendra shëndetësore.

Dje, drejtoria e Qendrës Spitalore ka njoftuar se këto shifra janë parashikuar. Prandaj, janë marrë masa që të paktën serumet, apo ilaçet e tjera qetësuese, lidhur me virozat e stinës, të mos mungojnë në pavijonet ku ka fluks pacientësh. Në urgjencën e pediatrisë janë paraqitur më tepër vogëlushët nga 1 muajsh deri në 14 vjeç. Ditët e fundit, numri i tyre ka qenë nga 180-200 në ditë. Grupmosha më e prekur nga të nxehtit është nga 1 deri në 5 vjeç. Fëmijët paraqiten me temperaturë, probleme gastrointestinale, të vjella dhe humbje të lëngjeve të trupit. "Drejtoria e QSUT-së thekson se janë marrë masat për të siguruar serumet e nevojshme, si medikament bazë për kurimin e rasteve që paraqiten me probleme nga vapa dhe ka siguruar për çdo pavijon medikamentet e duhura për të stabilizuar gjendjen e pacientëve që vijnë me probleme nga moti i nxehtë", janë shprehur dje përfaqësues të QSUT-së. Në shërbimin e urgjencës së pavijonit të sëmundjeve infektive, paraqiten me probleme shëndetësore të shkaktuara nga moti i nxehtë mesatarisht 60 pacientë në ditë, kryesisht të moshave nga 14 deri në 80 vjeç. Pasi marrin mjekimin e nevojshëm, largohen për të marrë kurat e tjera në ambientet e shtëpisë. Sipas mjekëve të QSUT-së, ky fluks pacientësh është i zakontë për këtë sezon dhe në asnjë pavijon nuk mungojnë serumet dhe medikamentet bazë për trajtimin e personave të dehidratuar nga vapa. Për shmangien e situatave të tilla, mjekët rekomandojnë që fëmijët e vegjël, të sëmurët kardiakë, të moshuarit, personat që vuajnë nga hipertensioni apo diabeti, të evitojnë sa të mundin qëndrimin në diell nga ora 10:00 paradite, deri në orën 17:00 pasdite. Ata duhet të konsumojnë sa më shumë lëngje natyrale, fruta, perime, si dhe të qëndrojnë në ambiente të freskëta e të ajrosura mirë. Kujdes duhet treguar edhe ndaj ushqimeve për fëmijët e vegjël, si kos, lëngje frutash, që nuk tregtohen në kushte frigoriferike.

Por për ata që u duhet të dalin patjetër nga shtëpia, rekomandohet përdorimi i çadrave verore, kapeleve. Këshillohet të konsumohet ushqim i lehtë, fruta, perime, zarzavate dhe sa më shumë lëngje. Secili duhet të pijë minimalisht 2 litra ujë në ditë.

[no name]

Vapa, dynden spitalet nga shqetësimet e temperaturave

Shërbimi i Hidrometeorologjisë: Nuk parashikojmë ulje temperaturash

Termometri regjistron temperatura tepër të larta, 39-40 gradë Celsius. Ndërsa kartelat e spitalit dhe poliklinikave shënojnë rritje të pacientëve të paraqitur te mjeku si pasojë e temperaturave të larta. Plot 200 fëmijë, paraqiten çdo ditë në qendrën spitalore "Nënë Tereza", ndërsa 20 deri në 30 fëmijë paraqiten në poliklinika për të marrë ndihëm e nevojshme si pasojë e virozave të stinës. Ndërkaq, dje në Kukës është njoftuar se rreth 50 fëmijë paraqiten çdo ditë te mjeku si pasojë e shqetësimeve nga temperaturat e larta. Por nëse dikush po priste që gjatë këtyre ditëve mund të binte ndonjë reshje shiu, të paktën seri në datë 23 kjo nuk ka asnjë shans të ndodh. Instituti i Hidrometeorologjisë ka njoftuar se jo vetëm në fundjavë, por deri ditën e martë nuk parashikohet asnjë ulje temperature në vend. I nxehti afrikan që ka pushtuar vendin dhe rajonin nuk do të largohet edhe për shumë kohë.

Spitalet e tejmbushura

Në urgjencën e kardiologjisë çdo ditë paraqiten 60 persona në ditë, kryesisht të sëmurë kronikë kardiakë të moshave nga 14 deri në 80 vjeç. Edhe në urgjencën e pediatrisë, brenda 24 orëve paraqiten nga 150 deri në 200 fëmijë me komplikacione nga virozat e stinës. Për fat të mirë, deri tani nuk është regjistruar asnjë pacient i cili të ketë humbur jetën në QSUT, si pasojë e temperaturave. Ndërsa nga drejtoria spitalore është njoftuar që janë marrë masat që në pavijonet spitalore të mos mungojnë serumet dhe medikamentet bazë që ndihmojnë për të kuruar të "goditurit nga vapa". Për shmangien e problemeve shëndetësore në këto ditë të nxehta, mjekët rekomandojnë që fëmijët e vegjël, të sëmurët kardiakë, të moshuarit, personat që vuajnë nga hipertensioni apo diabeti, të evitojnë qëndrimin në diell nga ora 10:00 paradite deri në orën 17:00 pasdite, të konsumojnë sa më shumë lëngje natyrale, fruta, perime dhe të qëndrojnë në ambiente të freskëta dhe të ajrosura mirë. Kujdes duhet treguar edhe ndaj ushqimeve për fëmijët e vegjël, si kos, lëngje frutash, që nuk tregtohen në kushte frigoriferike. Secili duhet të pijë minimalisht 2 litra ujë në ditë.

Parashikimet

Temperaturat që kanë pushtuar për rreth dy muaj vendin nuk kanë ndërmend të zbresin. Përkundrazi, ato po rriten ndjeshëm nga dita në ditë. Edhe pse parashikimit e sinoptikanëve na lanë shpresa për një ulje të temperaturave dhe freskim të motit asgjë nuk shkoi kështu. Gjatë kësaj jave ashtu siç ishte parashikuar ka pasur vetëm rritje të gradëve e asnjë ulje temperature. Sipas parashikimeve të motit të paktën deri në datën 22 korrik temperaturat nuk do të zbresin vetëm do të ngrihen edhe më shumë. Përveç se jemi në mes të një vere të nxehtë, vendi ynë është nën efektin e rrymave afrikane, të cilat po përshkojnë rajonin.

Temperaturat që janë regjistruar këto ditë kanë qenë nga 35 deri në 39 gradë Celsius. Të njëjtat temperatura do të shoqërojë vendin tonë deri në fund të javës. Vetëm ditën e diel, më 22 korrik temperaturat mund të ulen nga dy deri në tri gradë Celsius. Sipas sinoptikanëve të Institutit të Hidrometeorologjisë temperatura të tilla, kaq të nxehta kanë ardhur edhe si pasojë e një presioni atmosferik dhe rrymave ajrore që kanë pushtuar rajonin.




Këshilla


Udhëzimet tregojnë se për fëmijët, të moshuarit, të sëmurët kronikë me probleme kardiovaskulare të hipertensionit dhe diabetikët, duhet një kujdes i veçantë i shoqëruar me vizita periodike te mjeku. Për qytetarët që janë të detyruar të dalin gjatë pjesës më të nxehtë të ditës, në fletëpalosje këshillohet ecja në hije, mbajtja e kapelave me strehë të gjerë, syze dielli cilësore me filtër mbrojtëse dhe kremra mbrojtës për parandalimin e dëmtimit të lëkurës.



Udhëzuesi


Mjekët këshillojnë konsumimin e sa më shumë lëngjeve pa përmbajtje kafeine, alkooli dhe sheqeri; qëndrimin në ambiente me ajër të kondicionuar; banja të shpeshta me ujë të vakët; veshje me rroba të lehta me ngjyra të hapura dhe daljen në orët e mëngjesit e të mbrëmjes. Shqetësimet e para të vapës shfaqen menjëherë pas ekspozimit në diell të kokës dhe qafës, kur janë të pambrojtura, duke shkaktuar sipas mjekëve, dhimbje koke shumë të forta, skuqje të fytyrës, dhimbje të syve, humbje ndjenjash, konvulsione, shqetësime nervore dhe jo rrallë vdekjen.



shqip

[Morning star]

Ka 3 dite qe temperatura ka arrit 43 grade, po rreshkemi ne diell, eshte dicka e papare..
Plus qe skemi edhe drita, normale qe do kete pasoja.

[no name]

Rikthehet i nxehti saharian, temperaturat mbi 41 gradë C

Vapa "pushton" Shqipërinë, pacientët tejmbushin spitalet

I nxehti saharian që pushtoi vendin qershorin dhe korrikun e këtij viti, nuk u largua përfundimisht, por vetëm për pak. Termometrat kanë shënuar sërish 41 gradë Celsius. Në të gjithë vendin temperaturat kanë qenë të larta dhe moti ka qenë i nxehtë.

Sipas sinoptikanëve, rritja e temperaturave me 5 deri në 6 gradë Celsius ka ardhur si pasojë e një rryme afrikane, që ka pushtuar vendin tonë. Sipas Institutit të Hidrometeorologjisë, vendi ynë do të ndodhet në të njëjtin presion atmosferik edhe për 5 ditët në vazhdim. Rryma afrikane që po mbizotëron rajonin është e nxehtë dhe me lagështirë. Deri ditën e diel moti do të jetë i nxehtë dhe temperaturat deri në 40 gradë Celsius. Vetëm pas ditës së hënë do të ketë ulje të temperaturave dhe freskim të motit. Moti i nxehtë dhe vapa mendohet të vazhdojnë deri në fund të muajit gusht, madje, sipas parashikimeve, edhe në muajin shtator.

Të tilla temperatura të larta në muajin gusht nuk konsiderohen si normale. Sipas sinoptikanëve, ato janë të tejzgjatura dhe vapa që ka karakterizuar këtë vit vendin tonë nuk është përsëritur gjatë viteve të kaluara. Ndërkaq, me rritjen dhe ndryshimin e herëpashershëm të temperaturave ka sjellë edhe rritjen fluksit të pacientëve në urgjencën e Pediatrisë, Kardiologjisë ose Infektivit. Çdo ditë, në urgjencën e Pediatrisë paraqiten 100 deri në 150 raste fëmijësh me probleme të stinës. Por, edhe në urgjencën e Kardiologjisë ose infektivit rastet e qytetarëve të vaposur nuk janë ulur aspak. Rreth 100 raste, çdo ditë, kërkojnë ndihmë në Kardiologji, ndërsa 50 raste paraqiten me probleme të helmimit në shërbimin e Infektivit. Mjekët këshillojnë të gjithë qytetarët të tregohen të kujdesshëm dhe të marrin masa për të mos pasur probleme me shëndetin. "Mos dilni pas orës 9:30, qëndroni në vende të freskëta dhe konsumoni sa më shumë lëngje gjatë ditës. Freskohuni dhe lani duart shpesh".






Gazeta Shqip

[Dorontina]

Une e duroj shum vapen por sivjet ishte shum keq se kishte lageshti , kur njeriu djersitet shum humb lagjet dhe imunitetin.
Shqiptari ska ide....nuk kishte dhom te fresket as osmallak rrushi me ik diku nen hije, klime kishte kur ka rrym,uj skishte e kur kishte me zorr lahej rruga gjithku, ju kam then ju nuk dini me fshi ....nuk dini me rujt ujin.
frigoriferat ne numrin maksimal, uji akull kur punon e kur spunon sh....jam ba nervoz se njerzit nuk din......edhe idet tona si pranonin.....
Per popullat Ministria e shendetit duhet me parajalmeru dhe dhen ide permes radios ....kam ndegju disa her por mjaft pak ....