Paraqitet projektrezoluta e re për kosovën...

[Sabriu]

Paraqitet projektrezoluta e re për Kosovën e SHBA-ve dhe BE-së

Në projektrezolutën e re të Shteteve të Bashkuara dhe Bashkimit Evropian në Këshillin e Sigurimit parashikohen bisedime të drejtpërdrejta mes Beogradit dhe Prishtinës. Aty kërkohet mosmarrja e asnjë hapi të njëanshëm

SHBA dhe Bashkimi Evropian kanë hartuar një projektrezolutë të re, për zgjidhjen e statusit të Kosovës, njofton agjensia e lajmeve AP (Associated Press). Në këtë dokument parashikohen edhe bisedime të reja midis Beogradit dhe Prishtinës.

Në qoftë se bisedimet brenda katër muajve nuk japin ndonjë rezultat konkret atëherë: Sekretarit të përgjithshëm i OKB-së, Ban Ki Moon sipas projektrezolutës i kërkohet të shpallë pavarësinë e Kosovës nën mbikqyrjen ndërkombëtare pas përfundimit të afatit 120 ditësh apo katërmujor dhe në rast se Këshilli i Sigurimit nuk merr një vendim tjetër.

Gjithashtu sipas rezolutës Sekretarit të përgjithshëm i OKB-së, Ban Ki Moon i kërkohet menjëherë pas miratimit të rezolutës në KS të fillohet me negociatat e reja. Në këtë projektrezolutë kërkohet shprehimisht mosmarrja e hapave të njëanshëm. Kjo me sa duket si reagim ndaj spekullimeve se Kosova do ta shpallë në mënyrë të njëanshme pavaresinë.

Kryeministri Koshtunica deklaroi në Beograd se Rusia është në anën e Serbisë dhe KS do të miratojë vetëm atë rezolutë që konfirmon sovranitetin serb mbi Kosovën, tha Koshtunica.

Deri tani Rusia ka kundërshtuar zbatimin e planit Ahtisari, me shpjegimin se rezoluta e re e Këshillit të Sigurimit mund të miratohet vetëm pas marrveshjes dhe kompromisit mes Beogradit dhe Prishtinës. Serbia ka refuzuar bisedimet për pavarësinë, ndërsa autoritetet e Prishtinës janë shprehur kundër hapjes së re të pakos së Ahtisarit.

Marti Ahtisari vetë ka shprehur bindjen ditën e mërkurë në mediat e Finlandës se Rusia është e gatshme të përdorë veton kundër planit të tij për Kosovën.

Gjermania e ka mbështetur planin e Marti Ahtisarit si bazë për zgjidhjen e statusit të Kosovës. Mirëpo ministri i shtetit në ministrinë e jashtme gjermane, Günter Gloser, për Dojçe Velen thotë se duhet bërë të gjitha përpjekjet që statusi i Kosovës të zgjidhjet përmes një vendimi të KS të OKB. "Natyrisht që çështja e Kosovës nuk duhet të zgjatet deri në pafund. Mirëpo duhet pritur zhvillimi i procesit, duhet gjetur momenti më të përshtatshëm dhe duhet të jesh sensibël për zhvillimet. Më mirë është që ndonjë ditë të priten qëndrimet ruse, amerikane dhe evropiane, se sa të merret ndonjë vendim i përshpejtuar, i cili nuk do të kalonte përmes Kombeve të Bashkuara", thotë Gloser.

Ditën e enjte parlamenti gjerman vendos për vazhdimin e misionit të ushtarëvë gjermanë në kuadër të Kfor-it në Kosovë

[Sabriu]

Paraqitet projektrezoluta e re për Kosovën në KS, Rusia sërish e kundërshton

Nju Jork, 21 qershor:

Shtetet e Bashkuara dhe vendet evropiane kanë paraqitur projektrezolutën e re për Kosovën në Këshillin e Sigurimit, e cila parasheh një periudhë prej katër muajsh ku palët do të mund të negociojnë sërish. Projektrezoluta e re për Kosovën kërkon nga të gjitha palët që të përmbahen nga marrja e vendimeve apo veprimeve të njëanshme gjatë kësaj përiudhe. Në fund do të ketë një evaluim të situatës dhe nëse bisedimet nuk sjellin asgjë të re atëherë do zbatohet plani i Ahtisaarit. Në tekst nuk përmendet fjala pavarësi. Britania dhe Shtetet e Bashkuara kanë përsëritur mbështetjen për pavarësinë. Përfaqësuesi amerikan në Këshillin e Sigurimit, Alehandro Vulf, pas paraqitjes së projekt rezolutës tha: "Kishim mundësinë të sqaronim elementet e reja të projektrezolutës, duke theksuar rëndësinë e zbatimit të planit të Ahtisaarit dhe atë që pritshmëria në fund të procesit është pavarësia e Kosovës". Megjithatë teksti i ri i projektrezolutës nga ambasadori rus në Kombet e Bashkuara është cilësuar si "i papranueshëm". Vitali Çurkin shtoi se është e papranueshme të caktohet një afat i kufizuar për bisedime si dhe fakti se përfundimi i statusit të Kosovës dihet që tani. Çurkin ka theksuar se nuk do ketë përfshirje as në nivel ekspertësh për diskutimin e tekstit më të ri të projekt rezolutës për Kosovën. "Duke pasur parasysh dallimet parimore mes palëve nuk besoj se do ketë përfshirje në diskutime në nivel ekspertësh, pasi duhen tejkaluar së pari dallimet në parime", tha ambasadori rus Çurkin. Ndërkaq përfaqësuesi amerikan theksoi se megjithëse Shtetet e Bashkuara ishin kundër vonesave kjo periudhë 4 mujore duhet të përmbushë kërkesat e disa prej vendeve anëtare të Këshillit. "Shtyrja është formuluar të lejojë vazhdimin e bisedimeve, për të cilat disa anëtarë të Këshillit mendojnë se janë të dobishme. Rezultati i këtij procesi mbetet i njëjtë kështu që besoj se kosovarët do ta kuptojnë përse po ndodh kështu. Në mesin e shumicës besohet se zgjidhja ideale është ajo që vjen përmes marrëveshjes", tha përfaqësuesi amerikan. Ndërkaq përfaqësuesja britanike Karen Pirs ka ndarë të njëjtin mendim me përfaqësuesin amerikan, se nuk ka rezultat tjetër veç pavarësisë. "Është korrekte të thuhet se në një mënyrë apo tjetër pavarësia e Kosovës është e paevitueshme. Është më mirë që kjo të realizohet me garancitë e duhura për pakicën serbe dhe pakicat e tjera në Kosovë. Ne besojmë se plani i Ahtisarit e garanton një gjë të tillë", tha diplomatja britanike në Këshillin e Sigurimit. Ajo përsëriti dhe mbështetjen evropiane për planin e Ahtisaarit. Duke folur për kohën e mundshme të votimit të kësaj projekt rezolute përfaqësuesi amerikan nuk dha afate kohore, por shprehu besimin se nuk do të marrë shumë kohë. Zonja Pirs theksoi se nëse nuk funksionon partneriteti me Rusinë nuk mund të themi se nuk do shihen rrugët e tjera.

[luka Boroti]

Shovinistet Serbe e me pas te mbeshtetur nga Rusia e kane mese te qarte qe pavaresia e Kosoves eshte e paevitueshme. Ata jane duke mbajtur peng ardhmerine e nje vendi vetem per te ushtruar presion mbi KS si dhe vendet EUROPIANE ne pergjithsi per te patur fitime ne politika te ndryshe. Rusia per leshime ne "DEMOKRACINE" KGB-iste qe po vendoset perseri ne nje vend qe sapo doli nga nje diktature e tille dhe Serbia per lehtesimin e rruges se integrimit ne BE duke menjanuar shume detyrime qe vendeve te tjera u eshte dashur kohe e shume pune per ti permbushur. Megjithate Kosova do te jete e PAVARUR eshte vetem ceshtje kohe. Duke treguar mbeshtetjen tone le te therrasim RROFTE KOSOVA E LIRE.

[antares]

A thua se Rusine e 2007 nuk po e ze gjumi per c'ka thone Zedhenesit e Propagandes se Pertej-Atlantikut (apo te satelteve te tyre ne Europe)!
Me prrallisjet e me nder-demokracise ...ata fshijne ate pjesen e fundit te kurrizit!
================
ne pergjithsi per te patur fitime ne politika te ndryshe. Rusia per leshime ne "DEMOKRACINE" KGB-iste qe po vendoset perseri ne nje vend qe sapo doli nga nje diktature e tille
==========================
-----------------
dhe Serbia per lehtesimin e rruges se integrimit ne BE duke menjanuar shume detyrime qe vendeve te tjera u eshte dashur kohe e shume pune per ti permbushur. Megjithate Kosova do te jete e PAVARUR eshte vetem ceshtje kohe. Duke treguar mbeshtetjen tone le te therrasim RROFTE KOSOVA E LIRE.
============
Dengla, cdo serb (e ca me teper president) nuk do lejonte te shitej 15% e territorrit per "privilegjin" e madh qe te kolonizohej pastaj nga BE!
Oferta eshte as me pak e as me shume se kaq!

+++++++++++
Lesho me vullnetin tend te "lire" melcine qe neser te te bejme nderin e madh te ta kapim koken me dere!
Idjote!