Ekipi i unitetit...

[Sabriu]

Ekipi i Unitetit mendon edhe për forma alternative të zgjidhjes së statusit

e martë . 19 qershor 2007

Kosova do të mendojë edhe për forma alternative të zgjidhjes së statusit, nëse ai shtyhet në pafundësi. Ky është qëndrimi i Ekipit të Unitetit, i transmetuar pas mbledhjes së sotme nga ana e zëdhënësit Skënder Hyseni. Ai ka thënë se Ekipi nuk ka marrë ende asnjë kërkesë zyrtare për mundësinë e shtyrjes së statusit dhe nuk dëshiron të komentojë ato që mbesin në kuadër deklaratash të ndryshme. Ekipi i Unitetit kundërshton mundësinë e ndryshimit të pakos së Ahtisaarit, dhe aq më tepër negocimin e saj me Beogradin. Ndërkohë, sa i përket kohës kur një rezolutë e re e Këshillit të Sigurimit do të miratohet, Hyseni nuk ka dhënë afat, duke thënë se pengesa kryesore mbetet kundërshtimi i Rusisë. Në mbledhjen e sotme të Ekipit, kryetari i Komisionit kushtetues, Hajredin Kuçi, ua ka dorëzuar anëtarëve një pyetësor me disa prej çështjeve për të cilat duhet të arrihet konsensusi, e të cilat do të bëhen pjesë e Kushtetutës së shtetit të Kosovës.


"dr.dituria"

[Sabriu]

Qeveria këmbëngulë që bashkësia ndërkombëtare ta afatizojë zgjidhjen e statusit të e Kosovës

Prishtinë, 20 qershor Qeveria e Kosovës ka kërkuar sot nga bashkësia ndërkombëtare që të afatizojë zgjidhjen e statusit, njëkohësisht ka kundërshtuar nëpërmjet një deklarate, kërkesën e kryeprokurores së Hages, Karla Del Ponte për shtyrjen e statusit të Kosovës. "Qeveria e Kosovës decidivisht kërkon qartësim të përfundimit të procesit të zgjidhjes së statusit të Kosovës dhe afatizim të këtij procesi, sepse vetëm kështu do t'i kontribuojë stabilitet të përgjithshëm jo vetëm të Kosovës, por edhe të rajonit e më gjerë", tha Bedri Gashi drejtor i zyrës për informim në kryeministri, duke iu referuar mbledhjes së sotme të qeverisë. Qeveria sot ka krijuar Komitetin Drejtues ndërministror për Projektin e Autostradës Merdarë Morinë, është marrë vendim që këtë Komitet ta udhëheqë sipas praktikës së deritashme ministria e Transportit dhe Telekomunikacionit, ndërsa do të përbëhet edhe nga ministi i Ekonomisë dhe Financabe, i Energjetikës dhe Minierave dhe i Punëve të Brendshme. Komiteti do të ndihmojë qeverinë për marrjen e vendimeve kapitale, që kanë të bëjnë me ndërtimin e Autosradës dhe do të bëjë mobilizimin e përgjithshëm në nivel qeveritar. Po ashtu janë emërtuar edhe nën komitetet, ai për tokën nga do të kalojë autostrada, për skenarët dhe për ndërlidhje. Qeveria e Kosovës, më në fund e ka miratuar kërkesën e ASHAK ut, për ndërtimin e objektit të saj, përgjegjësi e cila i është ngarkuar MASHT it. Qeveria ka miratuar edhe propozimin për themelimin e grupit punues për Reformën e Administratës Publike dhe miratimin e rregullave procedurale për funksionimin e grupit. Qeveria ka miratuar edhe Projektligjin për ndryshimin dhe plotësimin e Ligjit për rrugë të vitit 2003, me arsyetimin për rritje të efikasitetit. Qeveria në takimin e sotëm ka miratuar edhe dy projektudhëzime administrative, për zgjedhjen e lëndës arkivore dhe asgjësimin e materialit të pavlefshëm regjistraturik (ZKM) dhe atë për dorëzimin e lëndës arkivore. Qeveria ka vendosur të krijojë grupin për hartimin e strategjisë për luftimin e etheve hemorragjike. Aktiviteteve të ndërmarra në muajin prill, do t'u shtohen aktivitetet masive, "në luftë kundër rriqërave në komunën e Malishevës, Therandës, Prizrenit, Rahovecit, Klinës dhe Skenderajit", bëri të ditur Gashi.

[Sabriu]

SHBA,Evropa qarkullojnë...
20.06.2007 - 22:28 nga Sabri Selmani

SHBA, Evropa qarkullojnë projektrezolutë të re për Kosovën në OKB

20-06-2007

Shtetet e Bashkuara dhe vendet evropiane propozuan një rezolutë të re e cila parashikon një shtyrje prej katër muajsh në zbatimin e planit Ahtisari për pavarësinë e mbikqyrur të Kosovës.

Por ambasadori i Rusisë në Kombet e Bashkuara, Vitaly Churkin, tha se projekt-rezoluta që po qarkullon sot mes anëtarëve të Këshillit të Sigurimit është e papranueshme dhe la të kuptohet se vendi i tij do t’i vërë asaj veton.

Propozimi i ri sugjeron që përfaqësuesit e Serbisë dhe të Kosovës të përpiqen të arrijnë marrëveshje mes tyre për statusin. Por gjithnjë sipas projektrezolutës, nëse bisedimet dështojnë, atëhere zbatohet automatikisht plani Ahtisari i cili i jep Kosovës pavarësi të mbikqyrur nga bashkësia ndërkombëtare.

Serbia e kundërshton vendosmërisht planin Ahtisari si shkelje të kushtetutës së saj dhe te Kartës së Kombeve të Bashkuara. Agjencia ruse e lajmeve Itar-Tass citon ministrin e Jashtëm, Sergei Lavrov, i cili ka përsëritur kundërshtimin e Rusisë për çdo rezolutë që nuk gjen mbështetjen si të udhëheqësve serbë ashtu edhe të shqiptarëve të Kosovës.