Bush takoi kryebashkiakun e Fushë-Krujës, refuzoi "kryebashkiakun e Botës”
Nga Kastriot Myftaraj
Kryetari i Bashkisë së Tiranës, Edi Rama, i zgjedhur edhe “kryetari i bashkisë më i mirë i botës”, në një votim në Internet ku Rama mori diçka më tepër se 5000 vota, ku nuk mungonin dhe vota nga adresat e-mail që përdor Rama kur shan dhe fyen inkonjito të tjerët, si idrizgjembi@hotmail.com, tonicubano@aol.com, pak kohë më parë bëri zhurmë të madhe se kur ishte për vizitë në SHBA u ftua në një drekë nga Presidenti Bush, fotografinë e së cilës e botoi në mediat pro tij. Atëherë pati zëra se Edi Rama nuk kishte qenë në këtë drekë dhe se fotografinë me Presidentin Bush e kishte bërë te ata fotografët që mbajnë modele prej kartoni të figurave të shquara të artit dhe të politikës në SHBA. Tashmë që Bushi do të vinte vetë në Shqipëri, ishte rasti që të dukej nëse Bush e çmonte vërtet Ramën, me ç’ rast duhej që Bush të bënte së paku një takim me Ramën, për të mos thënë që të drekonte me të. Kjo mund të bëhej me rastin që Edi Rama t’ i jepte titullin “qytetar nderi” iTiranës, Presidentit Bush. Por kjo nuk ndodhi dhe me siguri që vizita e Presidentit Bush në Tiranë përbën rastin e parë në botë, kur një shtetar i këtij niveli nderohet duke iu vënë emri i tij një rruge të qytetit para ardhjes së tij dhe ai nuk bëhet qytetar nderi i këtij qyteti. Edi Rama, njeriu që si kryetar i Bashkisë së Tiranës, kishte atributin për ta bërë këtë gjë, ende nuk e ka sqaruar këtë çështje, edhe pse ka detyrimin që ta sqarojë, sidomos pasi ai i ka dorëzuar çelësat e Tiranës, në mënyrë simbolike, këngëtarit çetnik serb, Goran Bregoviç, si dhe se ka bërë qytetar nderi të Tiranës, Janullatosin, Dora Bakojanisin dhe George Sorosin. Presidenti Bush takoi kryetarin e Bashkisë së Fushë-Krujës dhe u bë qytetar nderi i Fushë-Krujës. Presidenti i parë i SHBA që vizitoi Shqipërinë e injoroi totalisht “kryebashkiakun e botës”, edhe pse Edi Rama është njëkohësisht edhe kryetar i opozitës, madje mund të pritet që në votimin e ardhshëm në Internet ai të dalë si kryetari i opozitës më i mirë i botës, kuptohet kryesisht me votat e Idriz Gjembit, Toni Kubanos dhe të redaksisë së Koço Kokëdhimës. Gazeta “Zëri i Popullit”, e cila doli me një numër special ditën e hënë të nesërmen e vizitës së Bush, nuk arriti që të botonte tjetër fotografi veç asaj ku Edi Rama paraqitej në ceremoninë e dekorimit të Bush në Pallatin e Brigadave, në rreshtin e dytë të të ftuarve, pas shpinës së Thimio Kondit, të cilit po i jepte dorën Bush. Duke e kuptuar se kjo fotografi nuk vlente, “Zëri i Popullit” e kishte vënë në faqen e dytë. Të gjithë ata që e kanë parë këtë fotografi dhe nuk e njohin Edi Ramën, do ta kenë marrë këtë të fundit, për shkak të gjatësisë dhe pamjes, jo si një prej të ftuarve në takim, por si një prej bodyguardëve që rrinin në sfond. Presidenti Bush, ndërsa i jep dorën Thimio Kondit dhe bëhet gati t’ i hedhë sytë tek Prokurori i Përgjithshëm, Sollaku që vinte pas tij, nuk duket se ka përshtypjen se Edi Rama është më tepër se bodyguard, dhe as që duket se i shkon ndërmend se këtë njeri e ka ftuar për drekë në SHBA. Por megjithatë Presidenti Bush u ul në tryezë me kryebashkiakun e Fushë-Krujës. Kur Edi Rama pretendoi se u shpall kryebashkiaku i botës, asnjë nga mediat e mëdha ndërkombëtare nuk i bëri jehonë kësja ngjarjeje, ndërsa krybashkiaku i Fushë-Krujës u përmend në të gjitha këto media me rastin e vizitës së Bush.
Përgjigju Duke Cituar
Postuar më parë nga Alienated
Krijoni Kontakt