Celet Festivali Mbarekombetar i Kenges per Femije

Mbremja e sotme shenon celjen e Festivalit Mbarekombetar te Kenges per Femije, qe per 45 vjet me radhe zhvillohet ne qytetin e Shkodres. Aktiviteti qe konsiderohet nje eveniment muzikor per femijet, ne kete pervjetor te 45-te, zhvillohet nen kujdesin e vecante te Kryetares se Kuvendit, Jozefina Topalli. Nata e pare nisi sot, nderkohe qe eshte nata e trete e festivalit, galaja e madhe e ndarjes se cmimeve per me te miret, do te jene te ftuar emra te njohur te muzikes, artit dhe jetes publike ne vend, te cilet nder vite kane qene pjesemarres ne kete aktivitet. Per muaj me radhe femijet pjesemarres nga gjithe Shqiperia, Kosova, Mali i Zi dhe Maqedonia, jane pergatitur ne mjediset e Qendres Kulturore te Femijeve ne Shkoder. Mjediset e Pallatit te Sportit jane shnderruar ne skene nga skenografi Adnan Kastrati, ndersa udheheqes artistik i festivalit, ashtu si dhe vitet e tjera do te jete Roland Guli dhe regjisor, Esat Teliti. Skenari eshte realizuar nga Manjola Lloja, e cila per te dytin vit do te jete dhe prezantuese e ketij aktiviteti se bashku me kolegun e saj, kengetarin shkodran Ervin Bushati. Drejtori i ketij festivali, kompozitori dhe dirigjenti i njohur, Kujtim Alija, eshte shprehur se “ndryshe nga heret e tjera kete vit cmimet do te jepen nga nje juri e ngritur me femijet pjesemarres. Do te jene keta femije, qe do te zgjedhin kenget me te mira dhe interpretuesit me te mire te tij”. Festivali Mbarekombetar i Kenges per Femije eshte e vetmja veprimtari e llojit te saj, qe organizohet ne vendin tone. Qe prej vitit 1963, te gjitha edicionet jane mbajtur ne qytetin e Shkodres dhe jane transmetuar drejtperdrejt nga Televizioni Publik Shqiptar.