Besimi në pavarësinë e Kosovës

[François]

Une nuk kam dyshim nese Kosova do te behet e pavarur apo jo. Pavaresia eshte rruga e vetme. Por jam i shqetesuar per menyren se si do te arrihet kjo pavaresi, pasi nuk besoj se Rusia do te dorezohet lehte. Si dhe vonimi i shpalljes se statusit e demton Kosoven dhe le shkas per pazarllëqe midish shteteve kryesore te OKB.
Gjithashtu jam edhe kunder planit te Ahtisarit per arsye se e le Kosoven pa nje ushtri kombetare por vetem me forca sigurie qe nuk i kane atributet e ushtrise.
Gjithashtu shume manastire orthodokse ia le ne pronesi kishes serbe dhe e ben te mundur qe serbet te kene gjithmone nje kembe ne Kosove. (E dijme te gjithe se serbet kohet e fundit para fillimit te luftes ndertuan manastire ne vendet me kyçe ne Kosove dhe tani i paraqesin si manastire te vjeter.)
Akoma nuk jam i bindur por tani për tani mendoj se shpallja e njëanshme e pavaresise do te ishte zgjidhja me e mire.

[Hyj-Njeriu]

Mjaft besim kam edhe une qe kosova do marre pavaresine..Sic e tha edhe Agim Ceku
nese nuk ka pavaresi formale nga OKB 28 NENTORI i dukej dita me e pershtatshme
per te marre pavaresine reale....
Ajo qe me brengos mua si shqiptar eshte politika e Rep. se shqiperise,as mish as peshk...Po pse mo vlla te dali ai lulzim basha qe kruan topet gjithe ditet e te thote troc e po e qeruan nga qeveria pune e madhe,asnje nuk mund ta pergenjeshtroje dot me...Shqiperia nuk ka per te njohur asnje ndryshim territorial te kosoves e cdo nderhyrje e jashtme ne territorin kosovar do vleresohet si shpallje lufte ndaj shqiperise .... te shikoni si do hidhen perpjete serbet,ruset e francezet e qenit....

[^AngeL^]

kam pas dhe kam shume besim qe kosova ka per ta mare pavarsine

[Bejbi]

ishalla sa me shpejt shpallet kosova e pavarur

[niktironci]

Kosovaret duhet te bejne , vetevendosje , pra shpalljen e pamvaresise.
E para, eshte derdhur aq shume gjak per trojet e Kosoves, aq sa jam i sigurte do te mbyste c`do serb.
E dyta Europa e ka shprehur , me shekuj" respektin" per Shqiperine dhe Shqipetaret.Keshtu qe askush nuk duhet te presi shume nga Europa per kete problem,gjithemone jemi pare shtrember nga ajo dhe une personalisht nuk kam besim.
E vetmja menyre eshte te perfitoje Kosova dhe kosovaret, nga situata e krijuar.
Urime Kosoves per pamvaresine e pashmangeshme. Eshte e gjalle edhe sot shprehja , Ja vdekje ja liri.
Ps . Te jete per mua une e quaj qe sot, Kosoven tone REPUBLIKE.

[Puhiza]

Fjala "konfident" nuk ka asnje lloj kuptimi ne gjuhen shqipe dhe kesisoj e perkthyer nga anglishtja do te kishte kuptim ne shqip...

[Asriana]

Rusia mbeshtet kundershtimin e Serbise ndaj presionit te perendimit per t’I dhene pavaresi Kosoves. Sipas Moskes kjo do te krijonte nje precedent qe mund te hape nje konflikt te ri


Pavaresia e Kosoves kercenon paqen ne Europe. Kjo deklarate u be nga presidenti I rusise Vladimir Putin gjate nje ceremonie te zhvilluar ne Kremlin. Sipas tij, paqja ne Europe mund te ndertohet vetem duke respektuar integritetin territorial te serbise. Presidenti Rus tha se populli serb po mbron sovranitetin dhe integritetin e tij territorial. Paqja nuk mund te ndertohet ne Evrope, pa marre ne konsiderate parimet themelore te ligjit nderkombetar", tha Putin ne Kremlin. Rusia mbeshtet kundershtimin e Serbise ndaj presionit te perendimit per t’I dhene pavaresi Kosoves.

Sipas Moskes kjo do te krijonte nje precedent qe mund te hape ndonje konflikt te ri. Javen e kaluar, kercenimi rus per veto detyroi shtetet e bashkuara te amerikes dhe bashkimin europian qe t’ia kalonin ceshtjen e Kosoves grupit te kontaktit pasi sipas tyre kjo ceshjte ishte teper delicate. Grupi I kontaktit perbehet nga Shtetet e bashkuara te amerikes, Franca, Italia, Britania e madhe, Gjermania dhe Rusia.

Nderkohe, Ministri I jashtem I serbise Vuk Jeremic deklaroi gjate nje interviste per agjencine e lajmeve AFP se vendi I tij do ta shfrytezoje periudhen e re te negociatave per te gjetur nje zgjidhje qe nuk eshte pavaresi per kosoven. Deklaraten Jeremic e beri perpara takimit qe do te zhvilloje me sekretaren e amerikane te shtetit Kondolesa Rajs. Kjo e fundit ashtu si dhe zyrtaret e tjere amerikane kane deklaruar disa here mbeshtetjen e tyre per pavaresine e Kosoves.

News24

[XH.GASHI]

Per rrethanat politike qe po krijohen JO Kosova por gjith shqiptaret duhet te bashkohen ne vepra e jo me fjale vetem bashkimi bene fuqin pjesa qe ju ka aneksuar SHQIPERIS duhet ti bashkohet deshten apo nuk deshten shtetet per rreth nese nuk pranohet pamvarsia dhe e drejta shtetformuse .

TE BASHKUAR JEMI TE PA THYER TE NDAR JEMI NJE HIQ .

[vagabondo_nyc]

Liria nuk dhurohet por ajo fitohet!


Ja dhe editoriali i Washington Post-it.

Rikthimi i Kosovës
Nga Washington Post
Një vit më parë, si këtë javë, ne botuam një editorial, ku theksonim se shumica e njerëzve brenda ose jashtë Serbisë mendonin se Kosova – ku tetë vjet më parë SHBA udhëhoqi një ndërhyrje ushtarake – do të bëhej shtet i pavarur, mundësisht deri në fund të vitit 2006. Përkundrazi, këtë javë Shtetet e Bashkuara, katër aleatë të saj të NATO-s dhe Rusia u takuan në Vjenë për të nisur një cikël të ri negociatash për të përcaktuar të ardhmen e Kosovës – e njëjta pyetje, përgjigjja e së cilës ishte dhënë përgjithësisht vitin e kaluar. Përse kjo paralizë e rrezikshme në lidhje me pjesën më delikate të Evropës? Pjesërisht shkaku është intransigjenca e njohur e politikanëve serbë, të cilët refuzojnë të pranojnë publikisht një ndarje që ata – dhe shumica e votuesve të tyre – e dinë që është e paevitueshme.

Megjithatë, arsyeja kryesore e vonesës është presidenti rus, Vladimir Putin, i cili e ka bërë Kosovën pjesë të fushatës së tij agresive për të rifituar influencën e vet në Evropë dhe ta paraqesë regjimin e tij si kundërbalancë të Shteteve të Bashkuara. Javën e kaluar, ambasadori i zotit Putin në Kombet e Bashkuara e bëri të qartë se ai do përdorte veton për një rezolutë që mund të implementonte planin e mediatorit të OKB që e vendoste Kosovën në rrugën e pavarësisë, e vëzhguar nga Bashkimi Evropian dhe me garanci të detajuara për 10% e popullsisë që është serbe.

Qëndrimi i shpallur i Rusisë është se ajo do të kundërshtojë çdo zgjidhje të Kosovës që do të kundërshtohet nga Serbia. Ky qëndrim cinik ka për qëllim kurthosjen e liderëve serbë në intransigjencën e tyre, duke e izoluar vendin ballkanik nga Bashkimi Evropian – që i ka ofruar perspektivën e anëtarësimit – e duke e bërë kështu zemrën e ish-Jugosllavisë komuniste të varur nga Moska. Gjithashtu, zoti Putin shpreson të përçajë Bashkimin Evropian, i cili është i ndarë rreth faktit se çfarë të bëjë me Kosovën në mungesë të një rezolute të OKB dhe të mposhtë Shtetet e Bashkuara, të cilët kanë qenë mbrojtësit kryesorë të mazhorancës shqiptare dhe myslimane.

Për meritë të saj, administrata e Bushit nuk është trembur nga taktikat ruse. Zyrtarët e kanë bërë të qartë se bisedimet e reja do të kufizohen në 120 ditë dhe pavarësisht rezultatit të tyre, Shtetet e Bashkuara do të kërkojnë njohjen e pavarësisë së Kosovës. Kjo nuk kërkon të bindet zoti Putin, por ka nevojë për diplomaci të kujdesshme me qeveritë evropiane, të cilat duhet të binden të njohin pavarësinë e Kosovës pa rezolutë të OKB. Britania, Franca dhe Gjermania janë të besueshme; puna më e madhe duhet me vende të tilla si Qipro, Greqia, Spanja, Rumania dhe Sllovakia, disa prej të cilave shqetësohen për pretendimet e mundshme separatiste brenda vendeve të tyre.

Pasojat e një dështimi të perëndimorëve për të njohur Kosovën e pavarur këtë vit do të jena të egra. Në provincën delikate mund të shpërthejë dhuna fare lehtë, siç ka ndodhur disa herë qysh prej 1999. Nga ana tjetër, zoti Putin do të arrijë në përfundimin, se obstruksionizmi i egër është një strategji fituese për Rusinë, në Evropë apo diku tjetër. Megjithëse e ngarkuar me probleme të tjera në politikën e jashtme, administrata e Bushit ka nevojë të investojë në diplomaci të fortë për të garantuar shmangien e atyre rezultateve.

[DYDRINAS]

Ekspertët të shqetësuar për rrugën drejt pavarësisë së Kosovës

Keida Kostreci

Zëri i Amerikës
29-07-2007


Pas tërheqjes së projekt-rezolutës për Kosovën nga Këshilli i Sigurimit për shkak të kërcënimin me veto nga Rusia, ekspertët e Ballkanit kanë filluar të shqyrtojnë skenaret e ndryshme për të ardhmen e Kosovës. Mendimet janë të ndryshme që nga kthimi përsëri tek Këshilli i Sigurimit, e deri tek shpallja e njëanëshme e pavarësisë dhe njohja si shtet nga komuniteti ndërkombëtar. Pas një diskutimi në Institutin Amerikan të Paqes, analistët komentuan për Zërin e Amerikës lidhur me zhvillimet e fundit.

Ashtu si ndërhyrja e NATO-s në vitin 1999, edhe zgjidhja e statusit mund të ndjekë rrugë të parrahura nga diplomacia të paktën që pas krijimit të mekanizmit të Kombeve të Bashkuara.

Pas dështimit për paraqitjen e rezolutës në OKB, është krijuar një mjegull paqartësie në lidhje me hapat e ardhshme të diplomacisë. Ekspertët nuk vënë në dyshim vullnetin amerikan, por shohin vështirësi për zbatimin në praktikë. Profesori i Fakultetit të Marrëdhënieve Ndërkombëtare në Universitetin Amerikan, Paul Williams, thotë se statusi përfundimtar po hyn në një fazë “konflikti të ngrirë” , që mund të zgjasë shumë.

“Shqetësimi im është se nuk është e qartë nëse amerikanët kanë një plan, apo edhe mundësinë për të siguruar pavarësinë e Kosovës”.

“Mendoj se Shtetet e Bashkuara e kanë të qartë se ç’duan të arrijnë. Pyetja që shtrohet është: a kanë një strategji të qartë? Ky është problemi, tani që diskutimet kanë kaluar nga Këshilli i Sigurimit tek Grupi i Kontaktit”, thotë Janusz Bugajski i Qendrës për Studime Strategjike dhe Ndërkombëtare.

Ai shton se Kosova është vetëm një armë e vlefshme strategjike për Rusinë e cila nga njëra anë e shkel kartën e OKB-së e nga ana tjetër flet për legjitimitet, por Stanley Kober i Institutit Cato në Washington mendon se rreziku i veprimit jashtë OKB-së është real.

“Mendoj se nuk duhet hequr dorë nga procedura e të punuarit brenda Këshillit të Sigurimit, sepse në të kundërt pasojat do të ishin shumë negative. Vendet e tjera mund të ngrihen dhe të kundërshtojnë nëse nuk ndiqen procedurat ekzistuese ligjore”.

Duke pasur parasysh zemërimin e shkaktuar nga ndërhyrja në Irak pa mbështetjen e OKB-së, Shtetet e Bashkuara nuk duket se janë shumë të prirura për të vepruar në mënyrë të njëanshme, por nga ana tjetër Sekretarja e Shtetit Kondoliza Rajs është shprehur se Kosova do të jetë e e pavarur në një mënyrë a në një tjetër. Profesor Williams nuk sheh ndonjë pengesë ligjore për këtë synim.

“Argumenti se nuk ka bazë ligjore për pavarësinë e Kosovës është i rremë. Juristët e Departamentit të Shtetit, ata të kryeqyteteve evropiane mund të ofrojnë një bazë shumë të qartë ligjore për pavarësinë. Nuk është çështje ligjore, por vullneti politik”.

Dhe Bugajski ofron një rrugë për realizimin e saj. Ai thotë se Kosova duhet të vazhdojë punën për zbatimin e planit Ahtisaari, në bashkëpunim të ngushtë me perëndimin.

“Të fillojë përgatitjet për një referendum për shpalljen e pavarësisë, për njohje ndërkombëtare. Sigurisht që kjo duhet bërë në koordinim me Shtetet e Bashkuara dhe fuqitë ndërkombëtare”.

Profesor Williams thotë se megjithëse amerikanët dhe evropianët duhet të jenë shumë agresivë me rusët, udhëheqja e Kosovës duhet të jetë shumë më këmbëngulëse.

“Nuk e kam fjalën për një shpallje të njëanshme të pavarësisë, por nga ana tjetër udhëheqja kosovare nuk mundet thjesht të presë duarkryq që Amerika t’i japë pavarësinë”.

Për momentin mbetet e paqartë se çfarë hapash do të ndërmerren, por Bugajski thotë se gjendja aktuale nuk mund të zgjasë shumë:

“Herët a vonë ne duhet të vendosim se ç’do të bëjmë: A do të veprojmë jashtë Këshillit të Sigurimit, apo do të lejojmë Kremlinin që të vërë veton ndaj politikës së Këshillit të Sigurimit”.