Si luftohet korrupsioni?

[NEOLK]

BORIX ! Keni bere nje trajtim te shkelqyer per korrupsioìnin .Per kete te falenderoj . Nje studim me te thelle te ketij materjali do ta bej ne vazhdimesi . Mbasi faktorin kohe e kam te kufizuar .
Mu me shqeteson diçka , qe duhet te gjejme metoda praktike per ta luftuar çdo individ ,çdo taksapagues shqiptar . Dhe mendoj se do te vijne dhe rezultatet.
PO RENDIT DISA MENDIME .
-- Ne ne rradhe te pare na duhet te njohim çka na lejon legjislacioni ne fuqi dhe çmund te bejme .
-- Ne na duhet ti japim force Ankimimit nepermjet letrave,aq me mire e-maileve ku mundesia eshte me e kollajte . .Por per kete duhet qe keto e-maile dikush duhet ti protokolloje dhe shume te tjere te administrates qendrore ne menyre zinxhir duhet ti lexojne ne keshillat drejtuese te dikastereve .Ku edhe dalin me konkluzione dhe detyra per permiresimin e gjendjes .
-- Per kete teme duhet nje studim i mirefillt , me detyra per çdo shtetas , te thithi kontributin mbarepopullor.Dhe ky studim te jete konkret i thjeshte dhe i lehtezbatushem .
-- Une mendoj se pak rendesi ka identiteti i personit qe njofton per abuzimin Pra te ruhet fshehtesia .

DO TE DESHA TE RENDISJA DHE MENDIME TE TJERA . TE ME KUPTOSH KAQ KOHE KAM NE DISPOZICION PER MOMENTIN , TEMA ESHTE E HAPUR ....

NE VAZHDIMESI JU MENDOJE TE BENI NJE PERMBLEDHJE DHE ATEHERE TE FILLOJME NGA PUNA TE GJITHE ,PO JO VETEM BRENDA KUADRIT TE FORUMIT POR EDHE JASHTE TIJ ME SHUME FIRMETAR .

[xani1]

Edhe pse fare nuk ujitet
Ditë për ditë po rritet
Më së miri e kultivojnë
Ata që duhet ta luftojnë

[Davius]

Korrupsioni, si mund të luftohet?

Fjala korrupsion ka hyrë fjalorin përditshëm të shqiptarëve si të shprehte një veprim të domosdoshëm në jetën e tyre të përditshme. Gjatë këtyre viteve, jo vetëm politikanët flasim për korrupsion, por edhe edhe një fëmijë e përdor këtë fjalë si pa gjë të keq. Në fakt, korrupsioni është një dukuri që ka njohur një përhapje të madhe në vendin tonë. Anketimet e kryera tregojnë se pjesa më e madhe e qytetarëve pohojnë se korrupsioni është i lart, se atyre i duhet të paguajnë për një shërbim i cili duhet t’i ofrohet, ose në shumë raste paguajnë për të marrë një shërbim ose përfitim në mënyrë të padrejtë. Në një studim të Qendrës për Nisma Ligjore dhe Qytetare bie në sy se ka një rritje të numrit të denoncimeve për disa vepra penale në fushën e korrupsionit si shpërdorimi i detyrës, dhe mungesa ose numri i ulët i procedimeve penale për dhënie dhe marrje mite (korrupsioni aktiv dhe pasiv).

Mund të arrihet që të hiqet fjala korrupsion nga mendja dhe veprimet e njerëzve në Shqipëri, por kjo gjë nuk mund të bëhet vetëm nga organet e drejtësisë. Këto të fundit ndërhyjnë në momentin kur veprimet kurruptive kanë ndodhur dhe shoqëria ose organet përkatëse janë treguar të paafta për ta parandalur këtë. Pa mohuar rolin e organeve të drejtësisë, nevojën e rritjes së efektivitetit të punës së tyre, parandalimin e korrupsionit edhe në rradhët e tyre, një rol të rëndësishëm luan publiku dhe pjesëmarrja e tij në parandandalimin e korrupsionit.

Duke patur parasysh faktin që shpesh dëgjojmë njerëz që e quajnë normale të paguash një mjek ose një mësues për të marrë mjë notë të mirë, e para gjë që shkon në mendje është nevoja për futjen e disa sistemeve të shërbimeve që t’u bëjnë të qartë qytetarëve se mundësia për të përfituar në mënyrë të padrejtë nuk ekziston ose është tej mase e vështirë. Por nga ana tjetër, duhet edhe t’u presim mundësinë shumë sekserëve që bëhen garant të një përfitimi ose pretendojnë se janë ata që kanë ndikuar edhe në rastet kur një person e ka merituar notën ose shërbimin cilësor ndaj tij. Këta janë dy sektorë jetikë, sepse shumica prej nesh përfiton ose jep shërbime në këtë fusha. Një gjë e tillë është e pranishme edhe në sektorë të tjerë. Për shembull, ajo që bie në sy është se megjithëse formalisht të gjithë jemi të barabarta para ligjit, një pjesë e njerëzve nuk paguajnë energjinë elekrike të konsumuar dhe se askush nuk merr masa për ta.

Ka prej tyre që kanë paguar punonjës të pandershëm për të bërë lidhje të parregullta. Ironia është se shumë prej tyre thonë se në Shqipëri ka korrupsion. Dhe kanë të drejtë, pasi janë të parët që kanë kontribuar në rritjen e tij. Në raste të tilla, ligji duhet të veprojë më forcë dhe se për familjet që janë në pamundësi ekonomike për të paguar, shteti duhet të ndërtojë sisteme sociale që mundësojnë zbutjen e problemeve ekonomike. Korrupsioni mund të parandalohet edhe në rradhët e organeve të policisë, doganës, taksave etj. Kjo mund të arrihet jo duke ndryshuar stafet e tyre, sa herë që shkojnë dhe vijnë ministra, drejtorë a shefa, por duke rritur profesionalizmin e stafit dhe duke punësuar njerëz që janë në gjendje të kuptojnë dhe të zbatojnë ligjet dhe praktikat në mënyrë të drejtë dhe të njëjtë për të gjithë. Publiku mes tyre dhe tregëtarët e vegjël ose të mesëm nuk mund të bashkëpunojnë më institucionet e specializuara për luftën kundër korrupsionit, nëse shikojnë që një punonjës i tatimeve sillet ndryshe me biznese të ndryshme, aq më tepër kur “gjuetia” është e orientuar nga interesa ekonomike ose motive politike. Ndaj për të parandaluar evazionin fiskal dhe korrupsionit, është e nevojshme që të përdoren sistemet kompjuterike dhe rregjistruesit në çdo dyqan ose qendër tregëtare, të “detyrojmë” qytetarët që të mos dalin nga dyqani pa marrë faturën e shërbimit ose mallrave të blera, por edhe të detyrojmë tregëtarët dhe personat që ofrojnë shërbime që të ardhuart e tyre të evidentura dhe lehtësisht të kontrollueshme.

Këto ishin disa raste të veprimeve korruptive ku do qytetar mund të kontribuojë në zbutjen e tyre. Por ajo që është e rëndësishme është të shohim rolin e qytetarit si pjesë e administratës publike që ofron shërbim ndaj qytetarëve të tjerë. Megjithëse gjatë këtyre viteve janë ndërmarra shumë reforma ligjore në fushën e legjislacionit kundër veprave penale të korrupsionit, kanë ndryshuar shumë ligje dhe janë hartuar ligje të reja, sukseset e luftës kundër korrpsionit nuk janë ato që duhet të jenë. Madje sot shumë njerëz të ndershëm futën në një “thes” me njerëz korruptiv dhe të pandershëm. Çfarë nuk ecën në këtë drejtim mund të pyes cilido? Bie në sy se Shqipëria është vendi më me shumë ligje të miratuara, me ndryshime të shpeshta dhe të pjesshme të legjislacionit të cilat jo në pak raste kanë shkatuar vështirësi në kuptimin dhe zbatimin e tyre. Por a kanë patur kohën dhe mundësinë e duhura që zbatuesit e tyre dhe publiku të njohë dhe t’i kuptojë këto ligje?

Duket qartë nga realiteti se në shumë raste kjo gjë nuk është arritur. Kjo tregohet edhe nga studimet e bëra. Shumica e denoncimeve kanë qënë të dobëta dhe nuk plotësojnë kushtet për fillimin e një procedimi penal, shpesh bëhet një përzierje e qëllishme ose jo të veprimeve që përmbajnë elementë të shkeljes administrative me ato penale. Ka raste, që për të treguar para shefave sesa të zellshëm jemi për të denoncuar korrupionin ose për të marrë një pozicion që na pelqën, dërgohen në prokurori denonicime, ose në disa raste duhet të arrihet norma e denocimeve ose të hakmarremi ndaj dikujt që nuk na pëlqen, paçka se nga shumë denoncime mund të cuditet edhe një student i vitit të dytë të juridikut.

Në raste të tilla, nëse duam të parandalojmë dhe të luftojmë korruspionin, duhet që administrata publike dhe organet e auditit të brendshëm të kënë punonjës të përgatitur profesionalisht, objektiv dhe të përgjegjshëm,që duhet t’i binden vetëm ligjit. Në organet e drejtësisë duhet të shkojë çdo person e korruptuar dhe nuk duhet të njolloset e gjitha administrata dhe njerëzit e ndershëm. Ligjet e reja kanë nevojë të shkruhen qartë dhe të mos krijojnë mundësi për kuptim dhe zbatim të ndryshëm nga njerëz dhe institucione të ndryshme dhe se kjo adminisratë duhet të rrisë trasparancën dhe akesin e publikut ndaj shërbimeve që ofron dhe cilësisë së tyre. Në shumë institucione, mungojnë informacionet për publikun, për llojet e shërbimeve dhe sektorët që i ofrojnë ato, ose edhe kur ekzistojnë ato janë të dobëta dhe jo profesionale; njerëzit sorrollaten për të mësuar se kush dhe si mund të përfitojnë shërbimin ndaj atyre, mendja tek ata shkon se duhet të paguash që të mbarosh punë. Administrata me njerëz të paaftë dhe që pa kulturë komunikimi, nxit veprimet korruptive ose krijon imazhin se kudo dhe për çdo gjë duhet të paguash. Së fundi, nuk mund të lë pa përmenduar sesa qytetarët kontribuojnë në hartimin dhe zbatimin e ligjeve që parandalojnë korrupsionin. Megjithëse ka disa organizata që veprojnë në Shqipëri që kontribuojnë në sensibilizimin e publikut për luftën kundër korrupsionit, pak punohet me ata që janë të gatshëm të japin para për të marrë një shërbim. Nëse të gjithë ndërgjegjësohemi se nuk do të paguajmë padrejtësisht për shërbimet që na ofrohen, ky fenomen do të zvogëlohet. Nga ana tjetër, publiku ka nevojë të informohet edhe për ato forma të korrupsionit të cilat janë bërë si të zakonshme në jetën tonë të përditshme.

Shqipëria ka nevojë për ligje të mira, por që duhet të zbatohen nga të gjithë. Bashkëpunimi më i mirë i publikut dhe organeve të parandalimit dhe goditjes së korrupsionit do të ndikojnë pozitivisht në parandalimin e korrupsionit. Ndaj më shumë duhet të punojmë me publikun, duke filluar nga moshat shkollore e deri tek të rriturit.

Vasilika HYSI -Pedagoge në Fakultetin e Drejtësisë Tiranë

[Borix]

Nga ana tjetër, publiku ka nevojë të informohet edhe për ato forma të korrupsionit të cilat janë bërë si të zakonshme në jetën tonë të përditshme.

E lexova shkrimin e pedagoges ne fjale me vemendje dhe hasa ate vecori qe mund te hasesh ne pjesen me te madhe te shqiptareve sot. E kam fjalen per ngushtesine e mendjes perballe ceshtjes komplekse te korrupsionit. Ketu qendron edhe pikethyerja e luftes kunder korrupsionit. Pra, ato forma te korrupsionit qe jane bere si te zakonshme ne jeten e perditshme (pagese per policin, mjekun, pedagogun, etj.) jane, ne fakt, pasoja te te gjithe sistemit kompleks korruptiv qe ka mbytur Shqiperine. Une mendoj (dhe kam treguar me lart) se nuk duhen prere deget e pemes, por duhet luftuar trungu. Te merresh me nje infermiere nuk e zgjidh problemin e korrupsionit. Te merresh me themelimin e nje agjencie antikorrupsion, nga ana tjeter, e ul kompleksitetin e sistemit korruptiv, sipas Teorise Moderne te Korrupsionit.

Kam kuptuar gjate gjithe kesaj kohe se ne Shqiperi mungon vullneti dhe optimizmi per te luftuar korrupsionin. Shumica e pedagogeve as qe duan tia dine nese jane bere studime te aplikueshme, per te mos folur per politikanet, qe rrishtaz dikush mund t'i quaje intelektuale.

[The Fighter]

Korupcioni luftohet vetem me nje sistem juridik shume mire i ndertuar.
Kontrolli ne institucionet e shtetit duhet te jet me i larte dhe me preciz.
Kjo eshte dukuri qe patjeter duhet ti gjendet rrugedalja.
Nuk mjaftojne vetem fjalet boshe te politikaneve shqiptar. Duhet veprim edhe ate i menjehershem.

[Borix]

Korupcioni luftohet vetem me nje sistem juridik shume mire i ndertuar.

Duhet sqaruar dicka e rendesishme ne kete pike. Teksa nje sistem ligjor eshte vertet kyc, me kryesor eshte zbatimi i ligjeve te hartuara. Megjithate, ketu ndikon nje dukuri tjeter psikologjike - pushtetaret do te tundoheshin nese pushteti legjislativ dhe ai ekzekutiv do te perqendroheshin ne te njejtat duar (sic eshte qe nga momenti qe Topi u zgjodh president, le te themi nje). Meqenese keto dy pushtete nuk jane ekuivalente, atehere duhen dalluar perfundimisht. Perndryshe, korrupsioni lulezon me bukur se kurre.

Jo, nuk mendoj se sistemi juridik eshte zgjidhja e drejtperdrejt. Por, mendoj se ky sistem eshte tejet viabel ne armatimin kunder korrupsionit.

[Albo]

Drejtësia dhe lufta kundër korrupsionit

Prof. Dr. Aurela Anastasi

Forcimi i luftës kundër korrupsionit, me qëllim parandalimin dhe eliminimin e tij, po bëhet gjithmonë e më tepër një çështje e ndjeshme, e shtruar për zgjidhje. Kjo duket qartë jo vetëm në nivelin e brendshëm, por edhe në atë ndërkombëtar, gjë që reflektohet në konventat ndërkombëtare të ratifikuara kohët e fundit. Madje, aktualisht, po diskutohet mjaft për faktin se, si Kushtetuta dhe institucionet kushtetuese të një vendi mund të ndihmojnë më mirë në luftën kundër korrupsionit. Nuk ishte e rastit që në Kongresin Botëror të Konstitucionalistëve (zhvilluar në Athinë, në muajin qershor të këtij viti), tema mbi Kushtetutën dhe antikorrupsionin u trajtua gjerësisht. Eshtë e vërtetë se ndarja e pushteteve dhe ndërtimi i një gjyqësori të pavarur kanë qenë një nga shërbimet më të mëdha që kushtetutat demokratike i kanë bërë luftës kundër korrupsionit. Megjithatë, kjo luftë është mjaft komplekse dhe e lidhur me shkaqe e faktorë të ndryshëm, prandaj meriton më shumë vëmendje, si në nivelin ligjor të zakonshëm, ashtu edhe në nivelin kushtetues. Sidoqoftë, një nga mjetet më të rëndësishme antikorrupsion mbetet parandalimi dhe goditja që organet e drejtësisë i bëjnë veprave korruptive përmes zbatimit me efektivitet të ligjit. Në këtë këndvështrim është e domosdoshme të kemi një gjyqësor të fortë, të pakorruptuar, të përgatitur profesionalisht, që të punojë me përgjegjësi e transparencë, me gjyqtarë etikisht të pastër e të papërfshirë në konflikte interesi.
Vetëm në këtë mënyrë do të rritet besimi qytetar, i cili shpesh i stigmatizon dhe i paragjykon organet e drejtësisë, duke i konsideruar edhe ato vetë, të prekura nga korrupsioni. Ky fakt është evidentuar nga disa sondazhe të kryera me qytetarët, të cilët i kanë klasifikuar gjyqtarët si një nga grupet më të korruptuara në vend, pas mjekëve e nëpunësve të doganave dhe të tatimeve. Prandaj, krahas reformave për të luftuar shfaqjet e korrupsionit në organet e drejtësisë dhe për të forcuar sistemin e drejtësisë në tërësi është e nevojshme të punohet edhe për rritjen e besimit te qytetarët dhe ndërgjegjësimin e tyre për të denoncuar korrupsionin. Njohja e procedurave që ndjekin këto organe dhe transparenca e tyre ndaj publikut, si dhe evidentimi i modeleve pozitive të goditjes që ato i bëjnë korrupsionit janë mjetet kryesore për të arritur sa më sipër.

Midis problemeve të evidentuara nga një raport i përgatitur nga “Qendra për Nisma Ligjore Qytetare” (botuar në internet: www.qag-al.org), si rezultat i monitorimit të veprimtarisë së prokurorive dhe gjykatave të rretheve gjyqësore Tiranë, Vlorë e Shkodër në lidhje me veprat penale të korrupsionit për vitet 2004-2006, po rendisim disa prej tyre.
Nga raporti rezulton se, edhe pse nga perceptimi i publikut veprat penale korruptive rezultojnë të kryera jo rrallë nga zyrtarë të administratës publike, pak prej tyre arrijnë të gjykohen nga organet e drejtësisë. Në këto vite, nga këto organe janë proceduar e gjykuar veçanërisht vepra penale të shpërdorimit të detyrës. Numri i procedimeve penale për veprën penale “korrupsioni pasiv i personave që ushtrojnë funksione publike” dhe “korrupsioni pasiv i funksionarëve të lartë shtetërorë ose i të zgjedhurve vendorë” është i pakët. Gjithashtu, vëmë re se subjektet e gjykuara kanë qenë sidomos, punonjës të policisë e të KESH-it dhe pak vend kanë zënë organe të tjera. Pra, edhe pse nga perceptimi i publikut punonjësit e doganave, të tatimeve dhe mjekët, zënë vendin e parë në grupet më të korruptuara në vend, nuk ka pasur procedime penale ndaj punonjësve të këtyre sektorëve sipas këtij studimi, (konstatohet vetëm një rast i gjykuar në gjykatën e Vlorës, gjatë vitit 2007).
Midis shkaqeve që shpjegojnë sa më sipër, konkludojmë se në radhë të parë, kjo vjen nga numri i pakët i denoncimeve pranë organeve kompetente. Qytetarët janë pak të ndërgjegjësuar për rëndësinë që ka lufta kundër këtij fenomeni, si një fenomen i rrezikshëm që gërryen shoqërinë tonë. Më e keqja ndodh në rastet kur qytetarët pajtohen dhe ambientohen me veprat korruptive, i konsiderojnë ato një fenomen normal dhe madje, bëhen bashkëpunëtorë në kryerjen e tyre.
Për të riparuar këtë ndërgjegje qytetare, një nga aspektet e punës mbetet njohja dhe informimi i publikut në lidhje me procedurat që ndjekin organet e drejtësisë për të denoncuar e gjykuar veprat korruptive të funksionarëve publikë. Kjo transparencë ndaj publikut ndihmon në zbatimin me efektivitet të ligjit dhe në rritjen e përgjegjshmërisë së punonjësve të drejtësisë. Ajo mbetet një detyrim për gjykatat edhe në kuadrin e Marrëveshjes së Stabilizim-Asociimit me Bashkimin Evropian.
Aktualisht, publikimi i vendimeve të gjykatave dhe i procedurave të ndjekura gjatë procesit gjyqësor përmes internetit ka rezultuar një mjet mjaft efektiv, por që njëkohësisht kërkon zgjerimin e mundësive të qytetarëve për të shfrytëzuar internetin. Nga ana tjetër, çështja e vazhdimësisë së publikimit të vendimeve gjyqësore përbën një shqetësim për gjykatat e shkallës së parë. Mjafton të përmendim faktin që aktualisht, më e plotë paraqitet faqja e internetit të Gjykatës së Tiranës, ndërkohë që të gjitha gjykatat, shprehin shqetësimin për sigurimin e mjeteve financiare me qëllim vijimin e publikimit. Deri tani, ato janë mbështetur nga donatorë të huaj, të cilët kanë dhënë një ndihmesë të konsiderueshme, jo vetëm materiale, por edhe për rritjen e cilësisë së njoftimeve të procesit dhe të vendimeve gjyqësore, përmes internetit.
Një çështje tjetër e rëndësishme lidhet me cilësinë e denoncimeve. Një përqindje e konsiderueshme e procedimeve penale të kryera nga Prokuroria nuk arrijnë të shkojnë për gjykim, por pushohen. Pushime të çështjes vendosen edhe nga gjykatat. Madje, ka edhe denoncime që përfundojnë me mosfillim të çështjes penale. Eshtë e qartë që në këtë këndvështrim, një sërë detyrash burojnë për Prokurorinë e gjykatën, të cilat në plan të parë duhet të ruajnë një proces të rregullt ligjor. Porse ato, duhet të bashkëpunojnë më mirë me organet dhe institucionet për të proceduar në lidhje me veprat korruptive. P.sh., më mirë mund të koordinohet puna me Kontrollin e Lartë të Shtetit dhe Inspektoratin e Lartë të Deklarimit dhe Kontrollit të Pasurive të personave zyrtarë. Organet e drejtësisë nuk mund të qëndrojnë në pritje të denoncimeve dhe të justifikohen me cilësinë e dobët të kallëzimeve penale, në të cilat shpesh mungojnë elementet e figurës së veprës penale dhe mundësitë reale për procesin e të provuarit. Kur kallëzimi vjen nga qytetari, kjo është më se e kuptueshme dhe për mendimin tonë nuk ka vend për asnjë qortim. Por, në rastin kur kallëzimet mbërrijnë në Prokurori nga institucionet e ndryshme, mendojmë se cilësia e tyre duhet të rritet, me qëllim që të mos dështojë procesi që në fillim. Këtu nuk është fjala vetëm për mungesën e përvojës nga juristët e administratës (të cilët në mjaft raste janë pa përvojë dhe porsa kanë përfunduar studimet), por ekziston edhe mundësia e urdhërimeve të eprorëve, të cilët shmangin rrugën e përgjegjësive administrative dhe civile për shpërdoruesit e detyrës, duke u përpjekur të përcjellin çështjen në një organ tjetër. Në këtë mënyrë, jo vetëm nuk vërtetohet përgjegjësia penale, por edhe shmanget përgjegjësia disiplinore ose civile, duke mos paguar askush për dëmin që i vjen shoqërisë e shtetit.

Panorama

[TikTak]

shkruni sa t'doni. t'gjith e din si luftohet korupsjoni po nuk i leverdis tano karidit

[Hyj-Njeriu]

shkruni sa t'doni. t'gjith e din si luftohet korupsjoni po nuk i leverdis tano karidit

Dakort plako...

Vec nje menyra ka,'priji' duart atij qe jep e atij qe merr dhe per 2-3 vjet do na kene zili edhe nordiket....

[fisniku-student]

Unë mendoj se korrupcioni do luftohej me efektshem nese do krijohej nje aleancë ndermjet : Mediave,Policis dhe gjykatës...

kushtimisht qe tek kjo treshe te mos existoj korrupcioni...

me shumë do e kisha dalluar kontributin qe mund ta japin mediat apo nje rrjet mediatik (intelegjenc adekuate anti korrupcion)

dhe ia kisha dhene te drejten ketij rrjeti ne pergjimin e telefonatave te zyrtareve dhe te drejten e nderhyrjes ne leximin e letrave sekrete(mesazheve dhe dokumenteve)

dhe instalimin e kamerave ne per zyre te udheheqesve te asaj ndermarrje...

Mediat pastaj keto prova apo fakte duhet te ja sjellin gjykates dhe gjykata pas shqyrtimit te ketyre provave do ia kisha shpall akt akuzen ndaj personave te till dhe do ia kishte dhene lejen policis dhe keta persona ,sa per fillim ne paraburgim dhe pastaj ne burg afatgjatë...


dhe keshtu do luftohej korrupsioni...e cila konsiderohet gangrea e shoqeris bashkohore