Prejardhja e Fese Islame ne Trojet Shqipëtare

[elmaz fida]

shume te respektuar dumb dhe toro apo shef i krimeve
nga menyra se si flisni me duket se jeni si ato ujqerit qe veshin lekure nacionalisti dhe qe se harrojne zakonin e tyre .
nese jam musliman duhet ta dish shume mire se jam dhe aq atdhetar dhe jam gati kur te ma lype vendi te jap dhe jeten per te . nese vjen ajo kohe ndoshta mund te na takoje qellimi se bashku nese jeni vertet aq atdhedashes sa hiqeni.
nese permenda ca fakte te pakontenstueshem per inkuizicionin ndaj muslimaneve ne spanje dhe juve nuk u caheshka koka dhe sikur ti shfarosnin te tere dije se qenkeni te atij lloji ujqerish.
nga parimet qe duhet ta udheheqin njeriun eshte dhe drejtesia e cila ju mungon juve. mua personalisht me cahet shume koka kur shikoj apo degjoj mbi vuajtjet e cfaredo njeriu, apo gjallese qe ka fryme dhe kete e kam nga besimi qe kam perqafuar. dhe ndjej nje urrejtje te thelle per njerezit e dhunshem dhe hipokritet .
perse valle nuk shkruani per qellimet dashakeqe te shtetit grek ndaj kombit tone ? perse nuk shkruani mbi dominimin grek ne cdo fushe te ekonomise shqiptare ? perse nuk shkruani per forcat ushtarake greke qe ekzistojne sot ne shqiperi ? mos valle kane ardhur te na mbrojne nga turqit , apo per te zbatuar ligjin e luftes ne kushtetuten greke ? mos valle kercenohemi nga turqit akoma , apo kerkoni mjergull qe ujku ta beje punen e vet me kollaj me delet shqiptare ? perse nuk shkruani per ceshtjen came te cilen greqia e quan te mbyllur ? vetem ajo turqia e keqe dhe disa kongresmene amerikan e kane ngritur ne rangje nderkombtare ceshtjen e pazgjidhur came .
ka shume gjera qe na interesojne dhe qe duhet te bashkepunojme te gjithe ata qe ia duan te miren ketij kombi.
le ti leme njerezit te zgjedhin cfaredo lloj feje qe duan. nuk jam antikristian dhe kam simpati per te gjithe njerezit e ndershem dhe do jem i gatshem qe te bashkepunoj me kedo per ceshtjen shqiptare. ju lutem mos i fyeni njerezit per besimin e tyre sepse do fitoni urrejtjn e tyre . jam kunder cdo padrejtesie, kunder cdo njeriu kristian, apo musliman i cili ve fene ne interesa te armiqve dhe kunder popullit tij. dhe te jeni te sigurte qe kete ndjenj e kam nga KURANI famelarte nga i cili kam perfituar shume.
me shume nderime per te gjithe njerezit e ndershem .

[Orku]

Percaktimi i shqiptareve ne Islam sigurisht qe eshte bere ne pjesen kryesore te tij per shkak te prezences se pushtimit turk. Kuptohet qe brenda kesaj prezence ka pasur prej atyre qe fene e kane nderruar per aresye ekonomike dhe politike, ka pasur prej atyre qe e kane nderruar me deshire.

Por dy gjera nuk mund te mohohen:

1 - Format e perdorura nga Kisha per konvertim kane qene shume here me represive se taksat e turqve, nese ne rastin e turqve ishte pasuria ne loje, ne situatat analoge te kishes ne loje ishte jeta.

Per kete mjafton t'iu kujtoj qe Inkuziocioni eshte i vetmi institucion torture i kontrolluar nja nje fe (nuk po them se Bibla kerkon apo mbeshtet ngritjen e tij) .

Pra eshte e qarte qe edhe format e kalimit nga paganizmi ose hebraizmi ne katolicizem kane qene shume me te turbullta se ato te perdorura nga turqit.

2 - Thuhet se turqia na la ne prapambetje ?????

Ne se duam te bejme nje analize reale ne duhet ta krahasojme veten me vendet e tjera te Ballkanit ne momentin e renies se perandorise otomane. Une jam i bindur se i vetmi ndryshim eshte mungesa e nje shteti te centralizuar shqiptar.

Por per kete nuk duhet t'ia hidhni fajin turqve sepse qe nga koha e Gentit, i pari shqiptar qe ia doli mbane te krijonte nje shtet unitar ishte Ahmet Zogu. Arberia ra ne fillimet e shekullit te 16 pra per rreth 15 shekuj shqiptaret nuk krijuan shtetin e tyre unitar dhe te centralizuar me nje mbret.

Turqit na pushtuan pas romakeve, bizantit, bullgareve dhe serbeve. Faktet flasin se ne asnje pushtim te meparshem shqiptaret nuk jane trajtuar me mire se ne pushtimin turk(ky eshte krahasim dhe jo zgjedhje apo shije). Ne 250 vjet perandoria njohu 25 kryeministra shqiptare.

Me kete nuk dua te them se shqiptaret bene mire qe nuk u ngriten ne lufte, sepse pushtimi eshte gjithmone i urryer por dua te them se nuk ishte nderrimi i fese aresyeja e mungeses se nje shteti unitar sepse per me shume se nje mijevjecar shqiptaret paten te njejten fe dhe kurre nuk arriten nje shtet te centralizuar.

Une jam krenar per vitalitetin dhe historine e kombit tim por e ardhmja ndertohet mbi te verteten.

[Shpresmiri]

Lidhur me Islamin ne trojet shqiptare, ja se çka shkruan nje nder historianet me te medhenj shqiptar Prof. Dr. Zef Mirdita:

"Pushtimi osmanoturk dhe përhapja e islamizimit bënë që një pjesë e konsiderueshme e popullit shqiptar ta mohojë traditën kulturore dhe fetare, të ndërpresë kontinuitetin historik të karakterit evropian. Ky fenomen pati pasoja tragjike për popullin shqiptar jo vetëm për nga aspekti fetar e kulturor, por edhe për nga aspekti politik e shtetëror. Me islamizimin e tij, populli shqiptar vetvetiu u identifikua si popull turk në sy të Evropës. Këtë mendim e shpreh edhe shkenca shqiptare. «Islamizimi i Shqipërisë, - shkruan Zija Shkodra , - më shumë se kudo tjetër lëshoi rrënjë në qendrat qytetare, ndonëse në shekullin XIX ai ishte i përhapur gjerësisht edhe në trevat fshatare. Për të përçarë më lehtë unitetin shpirtëror të popullit tonë, osmanët gjatë procesit të islamizimit, krahas dhunës dhe diskriminimit fetar, përdorën gjerësisht edhe bindjen me anë të institucioneve të shumta fetare, duke rrënjosur fenë edhe me anën e institucioneve arsimore (mejtepeve, medresave), ata u përpoqën të përhapin më tej në popull ndjenjen dhe kulturën fetare islame.
Për t'i sunduar më lehtë krahinat e pushtuara dhe për të larguar popullsinë nga lufta kundërosmane, ata përhapën kudo misonarët e doktrinave mistike, dervishët, që vinin në fillim nga Anadolli, Persia, Arabia etj... Dervishët fanatikë së bashku me hoxhallarët dhe klerikët e tjerë të këtij besimi, përpiqeshin të rrënjosnin te besimtarët opinion fetar të orientit, të identifikimit të fesë me kombësinë, e cila i konsideronte shqiptarët myslimanë një me pushtuesit osmanë » (Zija Shkodra, Qyteti shqiptar gjatë Rilindjes kombëtare. Akademia e Shkencave e RPS të Shqipërisë. Instituti i historisë. Tiranë, 1984, fq. 34-35).
Ky njësim i shqiptarëve myslimanë në pushtetësin osmanoturk jo vetëm që do t'i kushtojë popullit shqiptar shkëputjen kulturore nga Evropa, por edhe dezintegrimin shtetëror-territorial. Me këtë veprim antihistorik populli shqiptar dënoi vetvetën. Çdo popull që ka mohuar historinë e vet, rrënjët e veta, siç është rasti me popullin shqiptar, i cili procesin historik e ndali për 622 vjet, është i dënuar nga historia. Këtë e konstaton më së miri z. Tajar Zavalani, autori i shkëlqyeshëm i veprës «Historia e Shqipnisë», I, London, 1957, kur, ndër të tjera shkruan: «Po të kishin qenë shqiptarët integralisht të krishterë, fati i Shqipërisë do të kishte qenë ndryshej». Një konstatim i tillë i një intelektuali suptil shqiptar, siç ishte Tajar Zavalani, i cili pak vjet përpara se të vdiste u kthye në katolicizëm dhe në pagëzim, në Londër, dhe mori emrin Pal, besojmë se nuk do koment. Të këtij mendimi janë shumë veprimtarë të soçëm politikë shqiptarë, kudo që jetojnë e veprojnë, ndonëse për arsye subjektive, por edhe objektive, nuk janë në gjendje ta pranojnë haptazi, si bëri z. Tajar Zavalani."



(Nese e shoh te arsyeshme mund ta vazhdoj)

[iliria e para]

Nuk kuptoj se njerzit nuk kan guxim ti qujne gjerat me emer e mbiemer!!!
Nuk shofin ndoshta se cila ishte pyetja?
Ketu ishte fjala per fene islame, dhe si erdhi ajo tek ne.
Ndoshta se shpejti fillojme ti quajme edhe serbet bemires!
Serbia kishte zgjedhur Fadil Hoxhen per kryetar te kryesise se YU,
Rrahman Morinen te Kosoves dhe ne prezidium, Azem Vllasin.......................................
O Zot, na fal pak mend edhe pak shpirte e te kuptojme realitetein.

[dumb]

me vjen keq nuh qe te kam ofenduar, por se kam pasur si qellim. (nick tim dumb eshte si populli yne qe preokupohet me shume per fene, atdhetarizmin dhe politiken dhe lene pas dore veten e tyre).
Sinqerisht s'kam dashur te te ofendoj, besoni c'fare te doni(une besoj te jezusi), mendoni c'fare te doni por ruani respektin dhe distancen me bashkombesit dhe te gjithe njerezit ne pergjithesi.

[dumb]

Tani jam duke pare videon e always te bon jovit dhe mendoj, pse e fusim veten ne keto labirinthe, pse leme gjerat e vogla te na rrisin agresivitetin dhe te na shkaterrojne gjerat e medha si dashuria etj. Dhe dua ta theksoj se ne shqipetaret e kemi ne gjak qe nqs dikush na futet 1 here ne pjese, ne i futemi 2 here ne pjese qe ti marrim hakun, se s'dime te falim, ne dime vec te hakmerremi.
ndoshta kjo s'ka te beje me fene fare po mua me erdhi ne mendje dhe thjesht e shkruajta.

[dumb]

megjithate, ai qe e quan veten myslyman,eshte armik i skenderbeut, ka paraardhje arabe ose turke(diku ne azi), dhe jo te pastes shqipetare(europiane).

[Norça.li]

[QUOTE]Postuar më parë nga RoniSotiri
[B]Nje burim i vyer jane dhe arkivat e Vatikanit. Aty gjen plot deshmi per menyrat "paqesore" te perdorura nga turqit per konvertimin e shqiptareve. Eshte e vertete qe me vone shqiptari si pagan qe ishte nuk u besonte shume feve monoteiste dhe nqs e linin shume lete besimin kristjan per te perqafuar ate islam kete e benin me shume per interes. Sot po ndodh fenomeni i kundert, islami nuk paraqet me interes per shqiptarin, perkundrazi eshte nje pengese per perparimin e vendit.

RonSotiri
Më vie keq shume që të paska "shpëtuar" një gabim. Është fakt i gjallë se me ne shqiptarët po ndodh e kundërta, por jo ashtu siç mendon ti.
Ja një fakt:
Më Gjermani për çdo vit e braktisin kishën afro 250.000 - 300.000 mijë njerëz. Kjo, me masën tonë shqiptare, i bie: për çdo vit e braktisin kishën 2-5 qytete mesatare të banuara me shqiptarë.

Pra, te shqiptarët ndodh kështu e kundërta: Vetëm në Greqi mund ta marrësh me mend sa shqiptarë janë bërë greko-orthodhoks. Të mos flas fare për shtetet tjera madje edhe vet Shqipërinë.

Këtu pra qëndron drejtimi i kundërt që bëjmë ne shqiptarët e kurrsesi ndryshe.

[Orku]

Ajo gje per te cilen me vjen vertet keq eshte se ne keto kohe te flasesh kunder Islamit eshte kthyer ne dicka normale aq me teper qe kjo forme servilizmi duket se ngjit jo keq.

Ketu na thuhet se shqiptaret dolen kunder historise duke nderruar fene. Feja eshte nje komponent shpirteror te cilin cdokush e zgjedh sipas gjykimit te tij dhe perqafimi i nje feje eshte e drejte e cdo kombi dhe ne se ky komb penalizohet per kete aresye atehere te dashur vellezer nuk kemi te bejme me drejtesi por me racizem mbi kritere fetare.

Perqafimi i Islamit nga shqiptaret nuk prek aspak rrenjet e tyre europiane, nuk ndryshon prejardhjen apo tiparet e tyre sepse ato tipare dhe rrenje jane shume me te vjetra se vete kisha.

Katolicizmi nuk eshte fe europiane por e ardhur jo me larg se 500 km prej vendit nga erdhi Islami. Pali, Pjetri apo te tjeret ishin fqinjet e perseve dhe arabeve qe sollen islamin me vone.

Nese sot ka plot europiane qe konvertohen ne myslimane kjo nuk i ben ata me pak gjermane apo franceze sepse kombi dhe feja jane koncepte te ndryshme te cilat mundohen ti bashkojne ithtaret e feve.

Sic e thashe edhe me lart askush nuk ka te drejte te gjykoje zgjedhjen e shqiptareve per te nderruar fene sepse nuk jane as me te vjeter dhe as me europiane se ne. Nese e bejne dicka te tille atehere ky eshte nje racizem i urryer i cili duhet luftuar dhe nda te cilit nuk duhet heshtur. Juve si shqiptar ju ftoj ta konsideroni dinjitetin e myslimaneve njelloj me tuajin sepse na keni me afer se c'keni ata qe na sulmojne.

[Shpresmiri]

Dr. Lush Gjergji

/.../

"Populli shqiptar ka luftuar, pësuar, qëndruar, aq sa ka pasur mundësi, dhe si pasojë e sundimit pesëshekullor turk një pjesë e madhe edhe është islamizuar, por kurrë s`është këputur tërësisht nga trungu i përbashkët ilirio-shqiptar, nga tradita e lashtë dhe e përbashkët kristiane, nga kultura dhe qytetërimi evropian. Kjo na mundëson një shqyrtim sa më të saktë të së kaluarës sonë të përgjakshme, të lavdishme, por në disa elemente, segmente dhe kohë edhe me lëshime dhe dobësi tashmë të njohura.
S`kemi nevojë ta ngrisim dikë në piedestalin e lavdisë, aq më pak ta sulmojmë njëri tjetrin për të kaluarën tonë, sepse kjo gjë do ta vështirësonte të tashmen dhe do ta kompromitonte ardhmërinë. S`duhet doemos t`i arsyetojmë lëshimet apo dobësitë tona historike, sepse ajo duhet të bazohet në faktologji për të qenë “mësuesja e jetës”.

Shqyrtimi psikologjiko-sociologjik

Në bazë të kësaj panorame historike /ketu nuk e solla, verr. ime/ dhe të analizës psikologjiko-sociologjike mund të themi:
1. Gjatë sundimit otoman erdhi deri te takimi-ndeshja historike në mes të dy feve: asaj të krishterë, që ishin shqiptarët, dhe myslimane, që ishin turqit.
2. Ndikimi reciprok s`ishte vetëm në lëmin fetar, por edhe në atë kombëtar, kulturor, gjithënjerëzor; nga kjo lindi deri diku ajo që ne pak a shumë jemi sot, tradita dhe kultura jonë shpeshherë e shortuar apo e shtresuar edhe nga ndikimet e huaja. Ky proces në psikologjinë shoqërore quhet procesi i akulturimit apo inkulturimit dhe sipas Rendfieldit, Lintonit, Herskovitsit “përmban ato fenomene që vërtetohen kur dy grupe personash me kultura të ndryshme hyjnë në një kontakt apo marrëdhënie të drejtpërdrejt dhe të vazhdueshme, dhe në këtë mënyrë shkaktojnë ndërrime në modelet kulturore burimore të njërit apo të dy palëve.”
Kjo ngjau edhe në marrëdhëniet e dy kulturave: shqiptaro-krishtere dhe turko-myslimane, me një dominim të madh të së dytës dhe me pasoja të mëdha “në ndërrimin e tërësishëm të strukturës së brendshme të kulturës, e kjo mund të ngjajë në raste të dominimit apo të shtypjes, të presionit të njërës kulturë.”
3. Këtë konflikt shpirtëror në mes të dy kulturave dhe feve populli shqiptar e ka zgjedhur me një mekanizëm mbrojtës që në psikologji quhet procesi i identifikimit me sundimtarin apo agresorin, kuptohet jo me vetëdije, por për t`iu ikur ndjenjave të frustrimit (hurxhit), poshtërimit, pësimit, konflikteve të brendshme të pazgjedhura. Kështu, edhe pas largimit të sundimtarit turk, botëkuptimi i tyre disi vazhdon ndër ne si psh. në familje, në botëkuptimin ndaj femrës, në traditë, veshëmbathje, gjuhë, muzikë, etj., jo vetëm te elementi shqiptaro-mysliman, por edhe te ai shqiptaro-krishterë, pra në mbarë popullin shqiptar, me pak dallime te pjesa e krishterë.
Është fakt historik dhe aktual: populli shqiptar fetarisht është i ndarë, por fatbardhësisht jo dhe i përçarë, si dëshmon e kaluara jonë e përbashkët, por edhe më tepër e tashmja: lëvizja gjithëpopullore e pajtimit, lufta kundër analfabetizmit dhe veprimtaria bamirëse.
4. Shi për këtë shqiptarët ishin të kushtëzuar nga rrethanat historike në shumë mënyra, edhe nga aspekti fetar, duke shkaktur kështu disa veçori: marrë në përgjithësi shqiptari ka pothuaj një fe natyrore, intuitive, deri diku edhe filozofike, tradicionale, të papërpunuar dhe të pazbatuar me përpikëri, sepse te pjesa e islamizuar ishte imponuar dhe përhapur me anë të ushtrisë, fuqisë, sundimit, kushtëzimeve, përjashtimeve, intereseve, kështu që disi “s`ka fjetur”; kurse ata që s`janë islamizuar s`kanë pasur një jetë të qetë, normale edhe nga aspketi fetar, kanë jetuar në ethe, janë mbrojtur gjithnjë. Shqiptari gati kurrë s`është kundër fesë, Zotit, vlerave fetare, morale, beson dhe jeton sipas fesë në mënyrë të vetë.
Përpos kushteve të lartëpërmendura historike në këtë drejtim pa dyshim ka ndikuar edhe komunizmi ateist, i cili fenë e ka përjashtuar nga jeta publike, e ka luftuar në çdo mënyrë duke e privatizuar apo dëmtuar.
Interpretimi se shqiptarët e kanë pranuar myslimanizmin vullnetarisht dhe lirisht, bile edhe para ardhjes së turqve, mendoj se është i pabazë, mjaft i rrezikshëm për dy arsye:
a) zhvlerëson vetë popullin shqiptar, luftrat e përbashkëta kundër turqve prej Gjergj Kastriotit e deri në rrënimin e Perandorisë Otomane.
b) Po t`ishte ashtu atëherë ne do t`ishim aleatët e natyrshëm me turqit sundimtarë kundër popujve të krishterë të Ballkanit dhe të Evropës, gjë kjo që kryesisht shkon në dobi të interpretimeve qëllimkeqija dhe të pabazuara të ngjarjeve të Kosovës vetëm nga aspekti fetar, si shprehje e fundamentalizmit islamik kundër krishtërizmit.
Ne si shqiptarë duhet të jemi kush jemi dhe çka jemi, në çdo aspekt, pra edhe në aspektin fetar, pa ngarkesa, sepse feja është një përcaktim jetësor personal, familjar, shoqëror në bazë të bindjes dhe vlerave, e jo si dëshirojnë tjerët, si t`ishim ne një lloj lodre apo foshnje në duart e fatit të historisë, apo edhe të rrethanave aktuale. Sot për sot feja e shqiptarit është edhe krishtërizmi edhe islamizmi, si fakt historik, si e tashme, dhe me këtë duhet të pajtohemi së pari ne shqitparët, e pastaj edhe tjerët, pa krijuar një lloj dyfytyrësie apo laramanizmi modern, pa përjashtuar apo mallkuar, lartësuar apo poshtëruar njëri-tjetrin, askend."

/.../