Londer- 4 Vrasesit shqiptare ne gjykate

[Shijaksi-London]

Londër, shqiptarët e "taksës së parkimit" dalin para gjyqit

Tre emigrantë shqiptarë akuzohen për vrasjen e një bashkatdhetari dhe
plagosjen e 4 të tjerëve

Nga Londra
Muhamed Veliu

Tre shqiptarë, të cilët tentuan eliminimin fizik të rivalëve për
kontrollin e zonave të influencës në grabitjen e automatëve, ku
paguhet taksa e parkingut, kanë dalë para një gjykate londineze me
akuzat për vrasje dhe tentativë vrasje. Të akuzuarit: Kujtim Spahiu,
Muhamed Mehmeti dhe Lulzim Bici, mbrëmjen e 14 tetorit 2006, sipas
prokurorisë britanike, tentuan vrasjen e Petrit Brahajt dhe Agron
Gjonit, duke lëshuar një seri plumbash ndaj tyre. Ngjarja ndodhi në
mjediset e një lokali shqiptar në perëndim të Londrës. I vdekur mbeti
22-vjeçari nga Shkodra Prel Marku, i cili sipas variantit të
familjarëve të tij ndodhej atje rastësisht. Por policia britanike
dyshon se ai i përkiste grupit rival i vënë në shënjestër për t`u
eliminuar.

Prokuroria

Shqiptarët e armatosur tentuan të vrisnin po ashtu edhe pronarin e
lokalit Musa Prahmani për ta eliminuar si një dëshmitar që pa
vrasjen. Petrit Brahaj, së bashku me Agron Gjonin u shpëtuan
plumbave, duke u hedhur nga kati i tretë i ndërtesës në zonën "Park
Royal". Kur policia mbërriti në vendngjarje pa muret e shpuara nga
arsenali i plumbave lëshuar drejt kundërshtarëve, duke u habitur për
faktin si mbijetuan dy shqiptarët e tjerë të hedhur nga dritaret.
Prokurori i çështjes, Cristopher Kinch, i tregoi jurisë se të katër
shqiptarët hynë me shpejtësi në lokal duke nxjerrë armët dhe goditur
rivalët.

Biznesi fitimprurës

"Vjedhja e automatëve, ku paguhet taksa e parkimit të automjeteve
është një biznes shumë fitimprurës, nga i cili përfitohen miliona
paund. Në një vit, Bashkia Westminster ka raportuar 1,2 milion paund
humbje si pasojë e këtyre grabitjeve", tha prokurori Kinch, në
seancën e parë të këtij procesi. Të akuzuarit Spahiu, Mehmeti dhe
Bici i kanë mohuar akuzat, por duket se prokuroria në këtë proces ka
prova të mjaftueshme, përfshirë dëshmitarë okularë kundëa tyre.
Mbetet ende mister nëse tre shqiptarët e tjerë, që i mbijetuan sulmit
do të paraqiten në gjykatë për të dëshmuar. Përfshirja e tyre në
aktivitet kriminal mbase do të jetë një pengesë, pasi avokatët
mbrojtës të akuzuarve mund t`i cilësojnë ata si "jo të besueshëm".

"Truri" i hakmarrjes

Sipas "Scotland Yard" ishte Herland Bilali ai që drejtonte grupin e
katër shqiptarëve të armatosur dhe që u zhduk pa lënë gjurmë pas
ngjarjes që tronditi komunitetin shqiptar në Londër. Bilali nuk është
aspak i panjohur për drejtësinë britanike. Tre vjet më parë, ai është
arrestuar si bashkëpunëtor në pengmarrjen e këngëtares nga Burreli,
Manushaqe Vata, në lindje të Londrës teksa ajo po ecte në rrugë. Ajo
u mbajt peng nga ish i dashuri i saj, Bahri Dani, në shtëpinë e
Bilalit. Ky i fundit, së bashku me Danin dhe dy shqiptarë të tjerë,
fituan lirinë në sallën e gjyqit, pasi Vata tërhoqi denoncimin si
pasojë e presionit dhe frikës nga bashkëpunëtorët e tjerë të
pengmarrësve.


ARRESTIMI


Emigrantët, me uniformën

e punonjësve të bashkisë

Më 4 dhjetor të vitit të kaluar, kur pas një operacioni
survejimi, "Scotland Yard" arrestoi katër shqiptarët e përfshirë në
grabitjen e automatëve, agjentët u befasuan. Të arrestuarit, për të
mos rënë në sy, visheshin me uniformën e punonjësve të Bashkisë
Ëestmister. Në momentin e prangosjes, atyre iu gjetën me vete një
sasi parash dhe 7 çelësa të ndryshëm, me të cilët kryenin hapjen e
kasafortave të automatëve. Katër emigrantët shqiptarë ishin të moshës
24, 26, 28 dhe 36 vjeç. Për këtë krim, në Gjykatën e Sowthwark Crown,
në nëntor të vitit 2006 janë dënuar me nga tetë muaj burg dhe më pas
me dëbim nga Anglia Bekim Berisha dhe Bekim Haxhiu. Po
ashtu, "Scotland Yard" ka njoftuar se nën hetim për grabitjen e
automatëve janë edhe tre shtetas të tjerë shqiptarë. Ata janë: Edmond
Perroj, Sokol Bushati dhe Elzner Brahimi, të cilët sipas hetimeve, në
bashkëpunim me policinë shqiptare rezulton se janë nga shkodra dhe
Malësia e Madhe.

BASHKIA:


Dëmi nga vjedhja e automatëve, më shumë se 10 milionë paund

Alastar Gilchrist, drejtor i parkingjeve në Bashkinë Westminster tha
se mbikëqyrësit e parkingjeve kanë vënë re një rritje drastike të
vjedhjes të automatëve në dy vitet e fundit. Më tej, ai thotë se kjo
bashki ka shpenzuar 150 mijë stërlina për ndërrimin e çelësave të
automatëve, por përsëri vjedhjet nuk janë eliminuar. "Besojmë se dëmi
i shkaktuar çdo javë varion nga 20 deri në 50 mijë stërlina. Këto
para shkojnë në xhepat e gangsterëve", deklaroi Gilchrist, i cili
mendon se në të gjithë Londrën nga këto grabitje janë zhdukur 10
milionë paund. Sipas tij, kjo bashki ka vënë si shpërblim një shumë
prej 10 mijë stërlinash për ata që do të identifikojnë personat e
fotografuar duke grabitur. Drejtori Alastar Gilchrist ka pohuar
gjithashtu se janë arrestuar 14 grabitës parkingjesh, prej të cilëve,
9 shqiptarë, 4 rumunë dhe një polak. Burime nga komuniteti shqiptarë
në Londër kanë treguar se arkitekti i këtyre grabitjeve është një
shqiptarë nga Kosova. Duket se grabitje të tilla nuk janë përqendruar
vetëm në bashkinë mbretërore Westminster, por edhe më

[Homza]

PErsh Muhamet.


Sa her lexoj naj lajm te keq per Shqipet, se cme shkon mendja tek shkrimet e tua mer burr i dheut?

[lojaxhiu]

Un nuk e di nese ky e meriton te lejohet te hapi tema te reja sa here qe i teket per gjera qe ky i klasifikon si "lajm". Le te kete nje teme te veten me titullin "Lajme nga muhamed veliu" dhe te shkruaj atje sa te doje.

Keshtu si e ben ky, shkrimet e tij me duken me shume si "spam" se sa dicka relevante per komunitetin e emigracionit.