Patenta, tani mund te merret edhe me 5 provime

[Brari]

Patenta, tani mund te merret edhe me 5 provime


07/06/2007 - 08:00
• Me ndryshimet e reja në Kodin Rrugor provimi i marrjes së patentës nga tre zgjatet deri në pesë herë, ndersa parashikohet edhe zgjatja e marrjes së patentës


Kursantët e rinj nuk do ta humbin mundësinë për t’u pajisur me patentë për drejtim automjeti edhe nëse dështojnë në 3 provime. Me ndryshimet e reja në Kodin Rrugor, që pritet të hyjnë në fuqi, provimi i marrjes së patentës nga tre zgjatet deri në pesë herë. Referuar të njëjtave përmirësime që propozohen nga qeveria nëpërmjet një projektligji, parashikohet gjithashtu edhe zgjatja e marrjes së patentës, duke bërë që kursanti më parë të marrë provimin e njohurive teorike dhe më pas të ushtrojë praktikën. Pra, pa marrë më parë provimin e teorisë, kursanti nuk do të ketë të drejtën t’i japë makinës. Duke cituar shprehimisht nenin 5 të draftit në fjalë, sqarojmë se “lejedrejtimi i mjetit merret pas provës së kontrollit të njohurive teorike dhe pas provës së verifikimit të aftësive drejtuese e të sjelljes. Prova e kontrollit të njohurive teorike jepet pas përfundimit të programit teorik, sipas kategorisë së lejedrejtimit. Pas kalimit të provës teorike me rezultat pozitiv, kandidati pajiset nga Drejtoria e Rrugëve me autorizimin për ushtrimin e drejtimit të mjetit”. Kjo, pikë sipas relacionit shoqërues të ligjit, do të synojë një përgatitje më të mirë të kandidatëve për drejtues mjeti.
Mosha 65 vjeç
Deri më sot, shqiptarët mund të pajisen me patentë deri në moshën 60-vjeçare. Ndërsa me ligjin e ri të propozuar nga ekzekutivi, kjo do të shtyhet deri në moshën 65 vjeç. Referuar argumenteve që sqarojnë këtë ndryshim, shtyrja e moshës tavan për pajisjen me lejedrejtimi të shtetasve synon të mos privojë nga kjo e drejtë një kategori të caktuar, që paraqitet e aftë për t’i dhënë makinës.
Fenerët joverbues
Një tjetër pikë e rëndësishme e ligjit është ajo që detyron të gjithë drejtuesit e mjeteve me motor, të përdorin fenerët joverbues (drita të shkurta) gjatë gjithë kohës së lëvizjes në të gjitha llojet e rrugëve. Kjo është shtuar, pasi shpeshherë përdorimi i panevojshëm i fenerëve verbues (drita të gjata) është bërë shkaktar aksidentesh rrugore. “Drejtuesit e automjeteve me motor, gjatë gjithë kohës së lëvizjes në autostrada dhe në rrugë interurbane janë të detyruar të përdorin fenerët joverbues dhe, kur është parashikuar, dritat e pengesës”, thuhet në nenin 8 të këtij projektligji që ndryshon nenin 150 të Kodit Rrugor.
Gjobat
Me ligjin e ri edhe policisë ushtarake të forcave të armatosura i njihet e drejta për të gjobitur kundravajtësit, të cilët me veprimet e tyre mund të pengojnë lëvizjen në rrugë të mjeteve ushtarake. Gjithashtu është shfuqizuar edhe mospërdorimi I rripit të sigurimit nga drejtuesit e mjeteve taksi dhe drejtuesit e mjeteve të marra me qira. Ndryshim tjetër realizohet në nenin 187 të ligjit aktual të Kodit Rrugor, ku kërkohet që personi që bën aksident nuk duhet të ikë, por duhet të lajmërojë menjëherë urgjencën dhe policinë. Ndërkohë, të gjitha bashkitë me popullsi mbi 20 mijë banorë janë të detyruara të hartojnë planet urbane të trafikut, kësaj pike do t’i shtohen edhe ato bashki apo komuna që kanë më pak popullsi por që regjistrojnë gjatë sezonit turistik një rritje të madhe të trafikut.


Tedi Blushi


balkan web

--



Pergezime Qeverrise per kto permirsime ne sherbim te njerzve..

Shum mire..

[trejsi]

Mendoj Se Qeveria Deshiron Te Arrij Standartin Evropian Por Jo Ne Te Gjitha Anet, Vetm Ne Ato Qe Pershtatet Ajo

[vagabondo_nyc]

Duke pa numrin e viktimave qe vdesin rrugeve te Shqiperise dite per dite mendoj qe me kete ligj qeveria po jep kontribut ne rritjen e numrit te viktimave me kete lehtesim patentash.

[Brari]

edhe se lajmi eshte marre nga nje gazete e faqe interneti si balkan veb e gsh-ja qe jane 24 ore bashk me news 24 kunder qeverrise.. prap bie ne sy se ne cdo germe te ketyre ligjeve e rregulla te vendosura nga qeveria per trafikun eshte interesi i njeriut.. i atij njeriut te thjeshte qe e do jeten.. e qe nuk njeh shefa ti korruptoje e te marre patent pa hypur kurre ne kerr sikurse gangot nerjako arapoiste ..

prandaj ja fute kot o vagu i edvinit..

[vagabondo_nyc]

E o Brar ate thuaj kur vi atje shyqyr qe nuk perdore makine por leviz helikoptera :P

[Brari]

• Ndryshojnë kriteret e marrjes së patentës

25 June 2007

Deputetët pas shumë debatesh kanë miratuar disa ndryshime në projektligjin për “Kodin Rrugor” si rrjedhojë edhe disa nene që prekin kriteret e marrjes së patentës për automjetet. Pikë e fortë debati mes mazhorancës dhe opozitës ishte dhe vendosja apo jo si kriter në marrjen e patentës “kursi dy-ditor në kryqin e kuq”. Po ashtu ndryshojnë afatet kohore për ripërtëritjen e provimit të njohurive teorike në rastin e një rezultati negativ për provimin e mëparshëm. Sipas projektligji të miratuar në komisionin e veprimtarisë Prodhuese, patenta do t’i jepet një individi në rast se ai merr rezultate negative në provimin teorik deri në 5 herë.Pra më konkretisht prova e njohurive teorike nuk do të jetë deri në 3 herë, por dhënia e saj do të jetë 5 herë. Kurse në rastin kur personi ka kaluar provën e njohurive teorike me rezultat pozitiv, ai pas kësaj do të pajiset me patentë. Por përveç kësaj në projektligjin e paraqitur nga qeveria për marrjen e patentës nga një person ka ndryshuar edhe mosha. Të drejtën për marrjen e patentës, pasi të kenë kaluar provën me rezultat pozitiv e kanë personat me moshë jo më të madhe se 65 vjeç. Më parë kufiri i fundit i moshës për marrjen e patentës ishte deri në kufirin e 60 vjeç. Sipas projektligjit patenta do të merret pas provës së kontrollit të njohurive teknike dhe pas provës së verifikimit të aftësive drejtuese e të sjelljes. Por prova e kontrollit të njohurive teorike jepet pas përfundimit të programit teorik, sipas kategorisë së lejes së drejtimit. Pas kalimit të provës së njohurive teorike me rezultat pozitiv, kandidati pajiset nga DRRTRR-ja me autorizim për ushtrimin e drejtimit të mjetit. Lidhur me vendosjen apo jo të kriterit për kursin dy-ditor në kryqin e kuq (i domosdoshëm për marrjen e masave individuale gjatë aksidenteve), komisioni ia la në dorë të seancës plenare duke raportuar dy qëndrime. Kundër kryqit të kuq u shprehën dhe specialistë të Ministrisë së Transporteve, ku sipas tyre rreth 120 vetë kanë vdekur vetëm nga shkaqe të lidhen me paaftësinë e personave në shpëtimin e jetës. Diskutimi i projektligjit mbi “Kodin Rrugor”, solli debate në komision Parlamentar të veprimtarisë prodhuese mbi kompetencat për administrimin e parkingut të automjeteve me pagesë. Deputetet e opozitës e cilësuan përcaktimin që i bëhet në projektligjin e paraqitur nga qeveria për mbikëqyrjen e parkingut me pagesë nga ana e policisë rrugore mbivendosje kompetencash. Sipas opozitës në rastet kur nga bashkia apo komuna përcaktohen zona parkimi me pagesë administrimi i këtij shërbimi duhet të kryhet drejtpërdrejtë nga strukturat e bashkisë dhe komunës dhe në këtë rast nga policia bashkiake. Gjithashtu opozita kërkon që në rastet kur kryhen shkelje nga ana e automjeteve në parkimet me pagesë kontrollet duhet të kryhen nga policia bashkiake dhe jo nga policia rrugore. Por edhe këto ndryshime të propozuar nga opozita janë hasur me kundërshtimet e përfaqësuesve të policisë rrugore.

gazeta sot


--



ju qe jeni ne shqiperi pa na tregoni se si qysh tek i keni marre patentat e shoferllekut apo vozitjes qe thone kosovva..
apo drajv licensen sic i thone nga florida e Mi Korasonit..

Po ju jashte shteti qysh tek si ku sa..etj.. e kini marrre patenten..

si ju duken kto muhabetet mbi patenten qe benen ne shqiperi per kto pune..



cdo dite rrokullisen neper greminave
aty ne shqiperi.. njerez e makina..
e kan si loje disa qafleshe..
po kerri te vret ..ai nuk qesh..

thote poeti..

[FLORIRI]

Ketej nga une o Brar patenta merret pak a shume ne te njejten forme sic thote artikulli qe ke sjelle. Blen librin e teorise. Studjon dhe meson shenjat e qarkullimit dhe rregullat e rendesishme pastaj jep nje provim. Nese nuk e merr e perserit. Sa here ke te drejte ta perserisesh nuk e di. Kur kalon proven teorike ben praktiken e cila kushton 15-20 euro per ore dhe nqs merr dhe praktiken merr patenten nqs jo duhet te perserisesh praktiken nga fillimi. Aksidente ndodhin ktej me shumice. Vrasin me shume makinat se sa vrasin njerezit. Thone disa gazeta qe keto aksidentet pergjithesisht nuk vine prej injorances se drejtuesve te automjeteve por ngaqe drejtuesit nuk zbatojne disa rregulla elementare. Si pershembull drejtimi i mjetit ne gjendje te dehur. Per shkak te thyerjes se rregullave te shpejtesise. Shpesh here bien viktima dhe te kujdesshmit qe u bjen per fat qe ne ate moment duhet te manovrojne prej katrahures qe mund te kete krijuar ndonje i cmendur i papergjegjshem..

[Brari]

Brenda pak ditësh, pritet të nënshkruhet marrëveshja që njeh për Italinë lejet për drejtimin e automjetit të lëshuara nga Ministria shqiptare e Transportit. Tashmë bashkatdhetarët tanë do të shpëtojnë nga angaria e kurseve të reja, që ndiqnin në vendin ku kishin marrë lejen e qendrimit.
Paralelisht me negociatat për zgjedhjen e presidentit, një tjetër rezultat i rëndësishëm, që u intereson drejtpërdrejt qindra mijë shqiptarëve ka përfunduar dje në Romë. Një delegacion i Ministrisë shqiptare të Transporteve, i përbërë nga ekspertë të transportit rrugor, por edhe nga drejtoria e motorizacionit, ka firmosur protokollin teknik të marrëveshjes për njohjen reciproke të patentave, duke i çelur rrugën marrëveshjes, e cila mund të hyjë në fuqi sa më shpejt. Sipas këtij dokumenti, të gjithë shtetasit shqiptarë që zotërojnë një patentë të drejtimit të automjetit, të vjetër apo të re, do të kenë mundësi ta homologojnë atë tek autoritetet përkatëse italiane, pa pasur nevojë që t’i nënshtrohen një testimi të ri për drejtimin e automjetit, apo të ndjekin një kurs të posaçëm për këtë çështje. Një tjetër rezultat ishte fakti se këto shërbime nuk ka nevojë të kryhen me ndërmjetësinë e autoriteteve konsullore, por do të kryhen në rrugë elektronike, në qendrat e banimit ku bashkatdhetarët tanë paraqiten për të homologuar dokumentet. Deri më tash, shqiptarëve u është dashur të hyjnë në një angari të re për pajisjen me një dokument për drejtimin e automjetit, por tash duket se do të rritet rëndësia e dokumentit të lëshuar nga Drejtoria shqiptare e targave dhe e patentave.

g55

[irexha]

Do kisha deshire te dija nese kryeministri ka deshmi aftesie per perdorim automjeti.
Mbase e ka shtyre ne pese here te drejten e dhenies se provimit sepse e din se nuk e merr as me te gjashten here. edhe zgjatjen e moshes se drejtimit te automjetit per vete ka menduar. hahahahhah
ju persh.

[Brari]

ai kryeministri or ti rexh kaqoli ka deshmi se me trimerin e tij i tha stop vazhdimesise enveriste qe ty mor rexh m.utsihani do te te linte te ngordhje ne babrru e me ate trimeri ai te dha mundesi ty qe te na shkruash nga italia .. e te na besh ironi..
ik more legen..

------



Taksë dhe për automjetet e përdorura. Paketa fiskale 2007 përcakton kriteret e taksave


Vendosen kriteret e taksave për automjetet e përdorura


Në projektligjin "Për sistemin e taksave në Republikën e Shqipërisë" të paketës fiskale, 2007, është parashikuar vendosja e taksës për automjetet e përdorura që importohen në Republikën e Shqipërisë. Aplikimi i taksës për automjetet ka për qëllim kufizimin e hyrjes në territorin e Shqipërisë të automjeteve të përdorura për një kohë të gjatë, mbrojtjen e mjedisit dhe jetesës së qytetarëve. Gjithashtu, synohet të lehtësohet hyrja në territorin e Republikës së Shqipërisë të automjeteve dhe individëve nga vende të tjera. Ndërkohë, taksa e importit të mjeteve të përdorura përmban disa kritere në përcaktimin e tyre. Kështu për mjetet me 10 ose më shumë vite përdorimi, siç janë autoveturat, do të jetë taksa prej 60.000 lekë. Mjetet e tjera për transportin e jo më shumë se 10 personave, mikrobusë, furgona dhe mjete të tjera të transportit të mallrave, me peshëmbajtje deri në 5 ton, do të paguajnë një taksë prej 128.000 lekë. Ndërsa autobusët dhe mjetet e tjera për transportin e mallrave, me peshëmbajtje mbi 5 ton, 160.000 lekë, traktorët rrugorë (koka tërheqëse), 64.000 lekë. Për mjetet me më pak se 10 vite përdorimi parashikohet, p.sh., për autoveturat, 40.000 lekë. Ndërkohë, të gjithë autobusët dhe mjetet e tjera të transportit e të mallrave, me peshëmbajtje mbi 5 ton, do të paguajnë një taksë prej 80.000 lekë.


RD


--