Policia shkon në shtëpinë e zbutësit të ujkut

[Renea88]

me vjen keq se jetoj jashte shteti t dhe e di se si mbrohen kafshet ketu, ndaj nuk e kuptoj pse ministri xhuveli i con policine ne shtepi nje njeriu i cili i do kafshet dhe i mbron ato.
Ky shtet qe nuk ndjek kriminelet e cdo lloji po harxhon mundin per tu marre me nje njeri te vetmuar....

[Albo]

KURBIN/ U shqyen uniformat, dështojnë negociatat me zbutësin Hoti


Shkojnë për të liruar ujkun, qeni sulmon policët

KURBIN/ Roland Nikolli

Dështojnë negociatat për të bindur Rrok Hotin të lirojë ujkun tashmë të zbutur që bashkëjeton me gomarin.

Këtë radhë, kafshës së egër dhe pronarit të tij u ka ardhur në ndihmë qeni, i cili ruan kompleksin që ka nisur të ngrejë i pasionuari pas kafshëve të rralla në Patok.
Paraditen e djeshme në pronën e Hotit kanë mbërritur disa punonjës të policisë së Kurbinit, për të detyruar të zotin që të nxjerrë ujkun nga kafazi. Por kur një nga drejtuesit e grupit që kishte ndërmarrë misionin e zbatimit të urdhrit të Ministrisë së Mjedisit ka hyrë brenda rrethimit të kompleksit, ai është sulmuar nga qeni roje. Atij jo vetëm i është shqyer uniforma e policisë, por mësohet se i janë shkaktuar dhe plagë. Vetëm ndërhyrja e pronarit të qenit ka zbutur kafshën, duke bërë që dhe oficeri të lihej i lirë nga sulmi, pa shumë pasoja të tjera. Mësohet se uniformat blu të policisë nuk kanë mundur dot të depërtojnë më vonë brenda murit rrethues për shkak të armiqësisë së krijuar me qenin. Pas tri orësh, rreth mesditës, në vendin e incidentit mbërriti dhe shefi i komisariatit të Kurbinit, i cili ka vazhduar në terren bisedën bindëse me pronarin e ujkut, që ta nxjerrë nga kafazi e ta dërgojë në pyll. Pasi kanë marrë sërish përgjigje negative, punonjësit e rendit kanë mundur që me forcë të marrin ujkun, por nuk kanë gjetur një kafaz për ta mbyllur atë gjatë transferimit. Hoti vazhdon të pohojë se urdhri i Ministrisë së Mjedisit është i kotë në rastin e tij, kur të gjitha shpenzimet për mbajtjen dhe rritjen e ujkut ai i ka kryer vetë, me qëllim që në të ardhmen të ndërtojë një kopsht zoologjik. “Ky veprim është i qëllimshëm ndaj meje, pasi nuk ia shita ujkun disa turistëve të huaj që kërkonin ta blinin. Ata erdhën tek unë të shoqëruar nga përfaqësues të Ministrisë së Mjedisit për të negociuar në shitjen e tij, por unë sërish i refuzova. Prandaj them se kjo është hakmarrje për faktin se unë nuk pranova ta hiqja ujkun nga prona ime”, deklaron Hoti.
Historia e ujkut të zbutur, që jeton në një kafaz me gomarin, bëri bujë rreth një muaj më parë, kur të gjithë shtangën teksa shihnin filmimet e bashkëjetesës të rrallë. Sipas banorit të Patokut, që ka marrë guximin dhe ka vendosur të dyja kafshët bashkë, ai e ka blerë ujkun në Malësi të Madhe, disa muaj më parë, rreth 30 mijë lekë të reja. Pasi e ka futur në kafaz, ka futur brenda edhe gomarin, si ushqim për ujkun, duke menduar se do ta hante. Por ka ndodhur e kundërta, ujku nuk e sulmonte aspak gomarin. Më pas është futur edhe vetë në kafaz dhe reagimet e ujkut kanë qenë miqësore. “Që nga dita kur e kam marrë ujkun, kam harxhuar 500 lekë të reja çdo ditë, duke i blerë mish si ushqim. Kjo kafshë është më e sigurt në kafazin tim, se në natyrë. Ministri Xhuveli nuk ka pse merret me ujkun tim, ndërkohë që mjedisi dhe ambienti kanë me qindra probleme, që kërkojnë zgjidhje”, është shprehur i revoltuar Rroku, pas shkresës që zv/ministri i Mjedisit i ka dërguar Drejtorisë së Pyjeve dhe policisë për t’i marrë ujkun Hotit.
Sipas pronarit të ujkut, fenomenin e rrallë kanë ardhur që ta shohin me dhjetëra të huaj, të cilët përveçse janë mahnitur edhe e kanë përgëzuar për atë që kishte ndërtuar. Unë tani jam në tratativa për të nxjerrë një leje për të ndërtuar një kopsht zoologjik dhe Ministria e Mjedisit nuk ka pse më pengon me ligje, gjoja për të liruar kafshët e egra”, është shprehur Hoti për gazetën.



kercenimi i hotit

Paralajmërimet e shpeshta dhe mbërritja e policisë në pronën e tij e kanë bërë Rrok Hotin të revoltohet e të reagojë me kërcënime. “I bëj thirrje ministrit të Brendshëm, se nuk do lejoj që të më marrin ujkun pa më vrarë mua dhe mendoj se jeta e njeriut vlen më shumë se e një kafshe”.


Blerja e kalit indian

Duket se nuk e ka vetëm si ëndërr realizimin e një kopshti zoologjik banori i Patokut, Rrok Hoti. Pas kapjes së ujkut dhe zbutjes së tij, ai e ka shtuar kompleksin me një kalë të racës indiane. Sipas tij, kalin e ka blerë së fundit, pa treguar çmimin, por shton se është i rrallë. Kali laraman vazhdon të rritet brenda kompleksit, ndërsa nuk dihet se cilët kafshë do të bashkohen së shpejti aty.

Panorama

[Dj-GabrieL]

Kisha ca kohe qe e kisha par ne nje teme ketu ne forum nje foto te ber me ujkun dhe gomarin.

Ne fakte nuk me shkonte mendja kurr se do ishte ne shqiperi,sot cuditrisht e pash ne titrat e lajmeve dhe me shume kureshtje i ndoqa.

Cudi apo jo !!