Kombëtarja Shqiptare - [lajme dhe komente]

[Cimo]

KOMBETARJA, SHIRITI KAPITENIT DORE ME DORE


Ne prag te ndeshjes me te rendesishme qe kombetarja jone do te luaj me Hollanden, pervec problemeve te tjera eshte dhe nje problem tjeter, ai i shiritit te kapitenit.Mbas largimit nga kombetarja te ish kapitenit Igli Tare nga ana e trajnerit Oto baric, u vendos qe perfundimisht shiriti ti kaloje Altin Lales, lojtar ky me shume eksperience ne kombetaren tone gjithashtu edhe ne Bundesligen gjermane, deri para pak kohesh ishte edhe kapiteni i ekipit te tij Hanover 96.Si zevendeskapiten u caktua Lorik Cana.Ne ndeshjet me Luksemburgun qe ka zhvilluar kombetarja jone, Lala ka munguar per arsye demtimi dhe per cudi shiritin e kapitenit nuk e merr zevendesuesi i tij Cana por Haxhi, megjithese i pyetur ne “Top Show Sport” tek Top Channel, asistenti i Baric, Shpetim Duro deklaroi qe ne kete rast shiriti i takon zevendesuesit te Lales i cili eshte Lorik Cana.Sipas burimeve te brendeshme te lojtareve mesuam se shiriti kapitenit paska kaluar dore me dore derisa Lala i ndodhur ne pozite te veshtire, duke u treguar me shume xhentellmen se sa duhet,ja ka dhene Haxhit, dhe keshtu me sa duket Haxhi mund te jete kapiten ne ndeshjen me Hollanden.Nuk e dime se c’fare disipline ndiqet nga stafi drejtues i kombetares tone pasi edhe me sa kemi pare gjate ndeshjeve qe ka zhvilluar kombetarja jone, lojtaret tane zihen kush te gjuaj goditjet e denimit.Ne te gjitha ekipet e tjera kudo neper bote kapiteni dhe zevendeskapiteni eshte i zgjedhur dhe nuk mund te ndryshohet sipas qejfit te lojtareve, gjithashtu edhe goditjet e denimit dhe penalltite jane percaktuar perpara cdo ndeshje, jane perfeksionuar edhe ne seancat stervitore, keshtuqe nuk ngelet qe lojtaret te zihen gjate ndeshjes, vetem ne ekipin tone ndodhin keto gjera.Besojme qe keto gjera jane te rendesishme per te pasur nje ekip kompakt dhe sa me profesinal.

[RaPSouL]

Biznesmeni shqiptar i fal një celular Bariçit

Gjesti e ka prekur shumë teknikun kroat, që i ka shprehur falënderimet e tij biznesmenit shqiptar. “Lexova se të humbi telefoni, prandaj po të bëj një dhuratë”, tha shqiptari.

Oto Bariç ka patur një surprizë të këndshme përpara sfidës së djeshme ndaj ekipit U19 në stadiumin “Selman Stërmasi”. Pasi kishte dëgjuar për vjedhjen e celularit në hotel “Adriatik” në Durrës, një biznesmen shqiptar i është afruar teknikut kuqezi duke i dhuruar një aparat të ri, tip “Nokia”, ndryshe nga “Samsungu” që kroatit ia vodhën. Gjesti e ka prekur shumë teknikun kroat, që i ka shprehur falënderimet e tij biznesmenit shqiptar. “Lexova se të humbi telefoni, prandaj po të bëj një dhuratë”, tha shqiptari. “Të falënderoj për gjestin fisnik”, ishin fjalët e Oto Bariç.

[RaPSouL]

Pas ndeshjes, Bariç i kënaqur me Duron

Oto Bariç ka mbetur i kënaqur nga paraqitja e kombëtares në miqësoren e zhvilluar dje në “Selman Stërmasi” kundër ekipit U 19 të drejtuar nga Ramadan Shehu.

Kuqezinjtë fituan me rezultatin 8-0, falë golave të shënuar nga Kapllani (2), Bogdani (2), Bushi, Salihi, Duro e Lala. Me një vendosje të çuditshme në fushë, me Alban Bushin mesfushor dhe Hamdi Salihin në sulm, trajneri Oto Bariç i ka habitur të gjithë, teksa gjithçka duket i ka shërbyer eksperimenteve në vigjilje të sfidës me Holandën. “Jam i kënaqur me formën që tregoi Klodian Duro”, u shpreh Bariç në fund të takimit miqësor. Fjalë që të bëjnë të mendosh se mesfushori i Tiranës do të jetë në fushë në takimin me Holandën, duke parë edhe mungesën për shkak dëmtimi të Besart Berishës.

“Më pëlqeu shumë edhe Vangjeli, që gjithashtu luajti mirë, megjithatë Duro ishte mjaft në formë dhe kjo më gëzon”, tha tekniku 75 vjeçar. I pyetur nëse do të luajë apo jo me një sulmues kundër Holandës, ashtu siç është përfolur, Bariç e la gjithçka të hapur. “Natyrisht që edhe mund të luajmë ashtu, ende nuk kam vendosur asgjë në lidhje me formacionin”, u shpreh ai. Ndërkohë që një tjetër pyetje ishte në lidhje me mundësinë e një fitoreje kundër holandezëve. “Këtë nuk mund ta them, duhet ta dini që Holanda është një kundërshtar shumë i fortë dhe me emra të mëdhenj. Dëshira jonë është të mundim edhe Brazilin, por varet sa janë mundësitë”, deklaroi tekniku kuqezi. Në miqësoren e djeshme lojtarët u panë mjaft mirë fizikisht, ndërkohë që paradite skuadra pati bërë një analizë.

[RaPSouL]

Lala: Holanda, nën presion po nuk mundi Bullgarinë

Kapiteni beson. Altin Lala e njeh mjaft mirë Holandën, por nuk mendon se tulipanët do ta kenë një shëtitje Shqipërinë. I mësuar me sfida të mëdha, në sytë e mesfushorit të përfaqësueses shqiptare nuk sheh aspak frikë. Gjithçka e mbulon dëshira për triumf dhe për të mposhtur kundërshtarin, kjo pjesë edhe e karakterit të tij të veçantë.

Altin, ta nisim nga ndeshja me Hanovërin. Shumë zhurmë për atë ndërhyrjen tënde...
Ishte një situatë e nderë në fakt, më shumë se për ndërhyrjen time, zhurma u bë për presionin e drejtuesve të Bajernit. Bëhej fjalë për një situatë të akumuluar, pasi edhe në të shkuarën ata qëndrojnë aty dhe i bëjnë presion arbitrit, për më tepër që janë një klub shumë prestigjioz dhe askush nga klubet e tjera nuk i duron këto. Pra unë isha thjeshtë një sebep për atë zhurmë.
Megjithatë, situata agravoi shumë apo jo?

Natyrisht, e thashë që Bajerni është një klub i madh dhe në Gjermani, o je me Bajernin, o je kundër Bajernit. Ata kanë 1/3 e tifozëve, më shumë se 20 milionë dhe natyrisht që kanë potencë. Madje edhe në Federatën Gjermane.

Si duket situata te Hanovëri, ndonjë problem me trajnerin Heking? Në fillim të la në stol tani u riktheve në formacion...
Ndonjë problem nuk kam, të kuptohemi. Ai në fillim më la në stol, por unë nuk e vrisja mendjen, pasi e dija që tek unë do të kthehej.

Ok, por të hoqën edhe shiritin e kapitenit...
Jo, nuk ishte për faj të tij. Portieri jonë nuk bëhej dot kapiten pa votën time, e votova unë që u bë. Doja thjeshtë t’i tregoja trajnerit që unë di të jem edhe kështu, vetëm kaq. Heking është pak trajner me komplekse, pasi gjithnjë ka qenë një servil dhe dëshiron t’i ketë të gjithë ashtu.
Meqë jemi këtu, është folur se mund të qëndrosh në klub edhe pasi të kesh mbaruar karrierën e lojtarit. Ka diçka të vërtetë këtu?

Është e vërtetë që mund të qëndroj te Hanovëri. Për momentin ende nuk kemi biseduar konkretisht, por presidenti dëshiron të më ketë edhe më vonë. Unë kështu e kam llogaritur edhe jetën.

Altin, të kalojmë pak te Holanda. Në Amsterdam pate një konflikt me De Jong, do të vijojë në këtë ndeshje?
Jo, jo. Unë i kam zgjidhur problemet me të, s’besoj se do të ketë episod tjetër. Ndoshta ai s’luan fare...

Në fakt mund të luajë se u dëmtua Landzat...E kujton ende episodin në “Amsterdam Arena”?
Patjetër. Unë u habita në fakt, se ishte një ndërhyrje e kotë e De Jongut. Rezultati ishte 2-0 për ata dhe e pashë me bisht të syrit që po vinte, por nuk ma mori mendja se do të ndërhynte aq ashpër. Normalisht kur je 2-0, qetësohen gjërat. Vetëm kur e pashë veten që më la të shtrirë, ishte ndërhyrje e keqe shumë.

Ke luajtur shumë ndeshje me kombëtaren si protagonist. Kush mund të quhet më e madhja dhe që mund të krahasohet me Holandën?
Këto ndeshje janë edhe një reklamë e mirë për vetë futbollistët. Ndeshje të mëdha nuk mund të harrohet Anglia, Gjermania, Greqia dhe Holanda. Megjithatë, ndeshja numër 1 ka qenë Greqia. Në të gjitha aspektet, ajo ndeshje nuk harrohet.

Një koment për Holandën, sa shanse për barazim, për rezultat pozitiv, ka Shqipëria në sytë e Lalës?
Edhe fitorja rezultat pozitiv është ...(qesh)...Shiko, nuk mund të thuash me siguri. Mund të them vetëm që ndeshje të tilla varen nga episodet. Ata kanë lojtarë që mund të godasin nga 30 metra dhe të shënojnë, në të tilla raste s’ke ç’i bën. Por, shpresoj që ata të mos fitojnë me Bullgarinë se me ne do kenë shumë presion dhe do hapen. Mund të përfitojmë jo pak.

[RaPSouL]

“Tulipanët”, 10 herë më të shtrenjtë se kombëtarja shqiptare

Duke iu referuar sajtit të transfermakt, i cili merret ekskluzivisht me vlerësimet e futbollistëve në gjithë botën, sot gazeta “Tirana Observer” publikon shifrat reale të kombëtares holandeze dhe asaj shqiptare të cilat do të ndeshen ditën e mërkurë, 12 shtator në stadiumin “Qemal Stafa”.
Cana vs Van Nistelroi
Lorik Cana dhe Rud van Nistelroi janë dy futbollistët më të shtrenjtë të skuadrave. Kosovari kuqezi vlen 10 milionë euro, ndërsa holandezi i Real Madrid, 40 milionë euro. Ky i fundit u rikthye tek “tulipanët” pas një zënke me trajnerin Marko van Basten që zgjati gati një vit. Van Nistelroi do të jetë futbollisti më problematik i “portokallinjve” për repartin tonë difensiv, çka mund të çojë Lorik Canën të mendojë më shumë për të mbrojtur sesa për të ndihmuar sulmin.
Bogdani
Pas Lorik Canës, Bogdani është futbollisti i dytë më i kushtueshëm i kombëtares shqiptare dhe pse jo, edhe ndër më të rëndësishmit. Pesha e sulmit për këtë takim do të bjerë kryesisht mbi të, duke parë se as Bushi dhe as Kapllani nuk mund të japin siguri. Duke parë se Bariç do të mendojë më shumë për t’u mbrojtur sesa për të sulmuar, parashikohet se Bogdani mund të jetë sulmuesi i vetëm i kuqezinjve në këtë takim.
Arjen Roben
Mjafton të shikosh vlerën e tij (30.000.000 euro), gati sa gjithë kombëtarja shqiptare, por për të relaksuar sadopak, mësohet se nuk do të jetë në ndeshjen ndaj Shqipërisë. Roben është një nga pikat më të forta të repartit sulmues tek Holanda, por një dëmtim e ka detyruar të mos grumbullohet si për ndeshjen ndaj Bullgarisë por edhe ndaj kombëtares sonë.

Shqiperia

1. Arjan Beqaj
(Anarthosis, Qipro), 1.000.000 euro
2. Isli Hidi
(Krivbas, Ukrainë), 0 euro
3. Ilion Lika
(Elbasani), 500.000 euro
4. Armend Dallku
(V. Poltava, Ukrainë), 1.000.000 euro
5. Nevil Dede
(SK Tirana), 0 euro
6. Erion Xhafa
(SK Tirana), 0 euro
7. Elvin Beqiri
(Metalurg Donetsk), 1.500.000 euro
8. Debatik Curri
(V. Poltava, Ukrainë), 850.000 euro
9. Kristi Vangjeli
(Aris Selanik, Greqi), 550.000 euro
10. Blerim Rrustemaj
(AC Horsens, Danimarkë), 400.000 euro
11. Endri Vrapi
(SK Tirana), 400.000 euro
12. Lorik Cana
(Marsejë, Francë), 10.000.000 euro
13. Ervin Skela
(Kotbus, Gjermani), 800.000 euro
14. Altin Lala
(Hanover, Gjermani), 1.500.000 euro
15. Devis Muka
(SK Tirana), 0 euro
16. Jahmir Hyka
(SK Tirana), 600.000 euro
17. Klodian Duro
(SK Tirana), 750.000 euro
18. Ervin Bulku
(Krivbas, Ukrainë), 150.000 euro
19. Altin Haxhi
(Ergotelis, Greqi), 750.000 euro
20. Hamdi Salihi
(SV Ried, Austri), 600.000 euro
21. Edmond Kapllani
(Karlsruher, Gjermani), 1.900.000 euro
22. Erjon Bogdani
(Livorno, Itali), 6.500.000 euro
23. Besart Berisha
(Burnli, Angli), 800.000 euro
24. Alban Bushi
(Apollon, Greqi), 700.000 euro
25. Migen Memelli
(GAIS, Suedi), 850.000 euro
26. Vioresin Sinani
(Vllaznia), 700.000 euro
27. Bekim Kastrati
(F. Dyseldorf, Gjermani), 400.000 euro
28. Daniel Xhafaj
(SK Tirana), 350.000 euro
Total: 33.550.000 Euro

Holande

1. Edvin van der Sar
(Mançester), 5.500.000 euro
2. Marten Stekelenburg
(Ajaks) 4.000.000 euro
3. Henk Timer
(Fejenord), 2.500.000 euro
Mbrojtës:
4. Khalid Boulahrouz
(Sevilja), 10.000.000 euro
5. Vilfred Bouma
(Aston Vila), 4.500.000
6. Tim de Kler
(Fejenord), 5.000.000 euro
7. Urbi Emanuelson
(Ajaks), 4.500.000 euro
8. Xhon Heitinga
(Ajaks), 7.000.000 euro
9. Kju Jaliens
(AZ Alkmar), 4.000.000 euro
10. Joris Matijsen
(Hamburg), 8.500.000
11. Mario Melkiot
(Uigan), 3.500.000 euro
12. Andre Oijer
(Bllekbërn), 3.000.000 euro
Mesfushorë:
13. Ibrahim Afelaj
(PSV Eindhoven), 5.000.000 euro
14. Xho van Bronkhorst
(Fejenord), 5.200.000 euro
15. Najxhell de Jong
(Hamburg), 3.000.000 euro
16. Deni Landzat
(Uigan), 4.500.000 euro
17. Heduixh Maduro
(Ajaks), 3.000.000 euro
18. Klarenc Sedorf
(AC Milan), 11.000.000 euro
19. Uesli Shneijder
(Real Madrid), 27.000.000 euro
20. Rafael van der Vart
(Hamburg), 20.000.000 euro
21. Demi de Zeu
(AZ Alkmar), 4.500.000 euro
Sulmues:
22. Rajan Babel
(Liverpul), 17.250.000 euro
23. Klas-Jan Huntelar
(Ajaks), 13.000.000 euro
24. Dirk Kujt
(Liverpul), 17.000.000 euro
25. Rud van Nistelroi
(Real Madrid), 40.000.000 euro
26. Robin van Persie
(Arsenal), 15.000.000 euro
27. Jan Venegor of Heselink
(Sëlltik), 8.500.000 euro
28. Arjen Roben
(Real Madrid), 30.000.000 euro
Total: 285.950.000 Euro

[RaPSouL]

Haxhi, kapiten ndaj Holandës

Gati sa nuk është kthyer në një “mollë” sherri shiriti i kapitenit të kombëtares shqiptare. Por në fund xhentilesa ka mbizotëruar mbi gjithçka. Mesfushori i Hanoverit dhe kapiteni i kombëtares shqiptare, Altin Lala, i ndodhur në pozitë të vështirë i ka dhënë shiritin e kapitenit Altin Haxhit. Pas mos-grumbullimit të Igli Tares nga trajneri Oto Bariç u vendos që përfundimisht shiriti t’i kalonte Altin Lalës, lojtar ky me shumë eksperiencë në kombëtaren tonë dhe në Bundësligën gjermane.
Si zëvendës-kapiten u caktua Lorik Cana. Në ndeshjet me Luksemburgun Lala pati munguar për arsye dëmtimi dhe për çudi shiritin e kapitenit nuk e merr zëvendësuesi i tij, Cana, por Haxhi. I pyetur në një emision televiziv edhe asistenti i Bariç, Shpëtim Duro pati konfirmuar këtë gjë. Ndërkohë, sipas burimeve të brendshme pranë ekipit kombëtar, shiriti i kapitenit ka kaluar dorë më dorë derisa Lala vendosi që t’ia lërë stafetën Altin Haxhit. Nuk dihet se çfarë disipline ndiqet nga stafi drejtues i Kombëtares, pasi edhe me sa kemi parë gjatë ndeshjeve që ka zhvilluar ekipi përfaqësues, lojtarët zihen edhe se kush do të gjuaj goditjet e dënimit. Një rast i tillë u vu re edhe në miqësoren me Maltën teksa Alban Bushi merrte në dorë topin për të goditur një goditje nga jashtë zone. Vetëm zëri i trajnerit Bariç që thërriste nga pankina emrin e Duros stopoi “Lokun” nga topi. Në të gjitha ekipet e tjera kudo nëpër botë kapiteni dhe zëvendës-kapiteni zgjidhet dhe nuk mund të ndryshohet sipas qejfit të lojtarëve. Gjithashtu edhe goditjet e dënimit dhe penalltitë janë të përcaktuara që përpara se të fillojë ndeshja. Madje trajnerët bëjnë edhe stërvitje të veçanta për futbollistët që janë të pirur për të gjuajtur nga pika e bardhë e 11 metrave.

Programi stërvitor ndaj Holandës

07.09.2007
Ora 10:30, seancë stërvitore
Ora 12:30, konferencë për shtyp,
trajneri dhe disa lojtarë
Ora 17:00, seancë stërvitore
08.09.2007
Ora 10:30, seancë stërvitore
Ora 17:00, seancë stërvitore
09.09.2007
Ora 10:30, seancë stërvitore
10.09.2007
Ora 10:30, seancë stërvitore
Ora 17:00, seancë stërvitore
11.09.2007
Ora 10:30, seancë stërvitore
Ora 12:30, konferencë për shtyp
Ora 17:00, seancë stërvitore
12.09.2007
Ora 11:00, Analizë para ndeshjes
Ora 18:00, nisja për në stadium
Ora 20:45, ndeshja
Shqipëri-Holandë

[RaPSouL]

Surpriza e kolegëve, një “fushë futbolli” për ditëlindjen e Vangjelit

Mbushi 22 vjeç pardje në grumbullimin ndaj Holandës dhe nuk kishin sesi të mungonin edhe surprizat. “Ishte diçka e thjeshtë dhe e bukur e organizuar nga të gjithë. Më erdhi keq vetëm se duhej t’i “ngulja” pirunin dhe ta haja fushën e futbollit që më kishin përgatitur si tortë, por të them të drejtën më shijoi shumë”, ka pohuar mbrojtësi i kombëtares shqiptare, Kristi Vangjeli, në një intervistë për albaniasoccer. Futbollisti është thirrur në kombëtare këtë vit nga Oto Bariç dhe nuk ka zhgënjyer aspak në ndeshjet e aktivizuara. “Luaj ku të më thotë trajneri. Nuk e kam aspak problem. Me skuadrën e te rinjve kam luajtur si mesfushor. Ashtu e kam filluar karrierën dhe nëse Bariç mendon se mund ta ndihmoj skuadrën në mesfushë, unë jam i gatshëm”, ka vazhduar mbrojtësi i Aris të Selanikut. Për sa i përket ndeshjes me Holandën, Vangjeli është optimist se skuadra do japë maksimumin dhe do të hyjë në fushë për një rezultat pozitiv. “Ne jemi optimistë. Besojmë se mund të marrim një rezultat pozitiv dhe do hyjmë në fushë për ta arritur atë. Natyrisht luajmë përballë Holandës dhe nuk është aspak e lehtë por në fushë hyhet gjithnjë për fitore, kjo është filozofia jonë”, përfundon Vangjeli.

[RaPSouL]

Beqaj i vendos “drynin” portës kundër Holandës

Ka më shumë se 450 minuta pa pësuar gol duke shkuar drejt një rekordi të vërtetë për portierët e përfaqësuese shqiptare. Pjesa e dytë me Holandën dhe më pas ndeshjet kundër Sllovenisë, Bullgarisë, dy herë Luksemburgut dhe së fundit Maltës konfirmojnë formën e jashtëzakonshme të gardianit kuqezi. Për Arjan Beqajn ka trokitur “provimi” më i vështirë i jetës. Përballë do të ketë yjet e tulipanëve që luajnë me Realin e Madritit, Liverpulin, Çelsin dhe Barcelonën. “Nuk do të pësoj gol kundër Holandës. Bëj shaka. Mjafton që skuadra të fitojë, por për mua nuk ka asnjë problem rekordi edhe sikur të pësoj tre gola rresht. Do të isha shumë i kënaqur nëse do të pësoja tre gola dhe do të shënonim katër”, thotë me të qeshur Beqaj. Tashmë 33-vjeçari është shndërruar në një garanci për pjesën tjetër të skuadrës. Gjatë seancës stërvitore në “Niko Dovana” portieri kosovar ka kryer disa pritje spektakolare duke i dhënë një kënaqësi të veçantë trajnerit kroat. Për Arjan Beqaj, Holanda nuk është e pamposhtur. “Mjafton përqëndrim dhe pas 90 minutave do të marrim urimet e një kombi të tërë që na ndjek”, përfundon Beqaj.

[RaPSouL]

Cana: Gati për betejë. Duam pikë kundër Holandës

“Ndeshja kundër Holandës do të jetë një betejë e vërtetë në fushë. Mbi të gjitha nuk duhet të humbim”, ka pohuar Lorik Cana dje për gazetën “Tirana Observer”. Sipas tij, mungesat e disa futbollistëve nuk do të ndikojnë në lojën e ekipit tonë përfaqësues. “Mungesat e Beqirit dhe të Berishës janë një minus i madh për ne, por ju garantoj se edhe për holandezët do të jetë tepër e vështirë. Barazimi më duket një rezultat i arritshëm, ndërkohë që fitorja nuk më duket e pamundur. Humbja? Nuk është turp të humbësh kundër Holandës, por këtë rezultat nuk po e mendoj pasi e di se shokët do të japin maksimumin”, ka vazhduar mesfushori kuqezi. Për Lorik Canën, impenjimi i dyfishtë i holandezëve kundër Bullgarisë dhe Shqipërisë nuk është se favorizon këtë të fundit. “Holanda ka një përgatitje të jashtëzakonshme fizike. Ajo skuadër është e aftë të përballojë rregullisht tre ndeshje në javë, ndaj nëse llogarisim lodhjen e tyre kundër bullgarëve gabojmë rëndë. Me një stadium të ngjyrosur në kuq e zi, i garantoj tifozët se do të bëjmë maksimumin që Shqipëria të luajë një futboll dinjitoz përballë kësaj skuadre me mjaft emër në botë”, ka përfunduar Cana.

[RaPSouL]

Duro: Holanda do ta pësojë si Greqia para tre vjetësh

Ai beson totalisht në një rezultat pozitiv ndaj Holandës. Madje mesfushori bardheblu dhe i kombëtares shqiptare shkon edhe më tej, kur pohon se Holanda do ta pësojë sikundër Greqia tre vjet më parë. “Në futboll ndeshja nis me një rezultat të barabartë dhe është normale që të besojmë se ekzistojnë të paktën teorikisht shanset dhe për ta fituar një takim. Unë mendoj se ekipi i ka të gjitha mundësitë për të bërë lojë të mirë dhe pse jo të marrë një rezultat të mirë. E kaluara jonë ka prodhuar ndeshje dhe rezultate të mëdha në vitet e fundit, ku edhe unë kam qenë pjesë e kësaj kombëtareje. Mjafton të përmendim fitoren ndaj Greqisë, e cila sapo ishte kurorëzuar “Kampione e Evropës”, ka thënë Klodian Duro. Duke parë mungesat e Skelës dhe Berishës, mendohet se Bariç do të luajë me një mesfushë të ngjeshur ku do të ketë vend edhe për Duron. Ky i fundit pronoton edhe një gol ndaj “tulipanëve”. “Unë si Klodian, i kam të gjitha mundësitë për të dhënë maksimumin, pse jo edhe për të hyrë në historinë e ndeshjes duke shënuar edhe gol, ashtu siç bëra kundër Maltës dy javë më parë, që nuk do të ishte vetëm një dëshirë. Besoj se kësaj radhe më jepet edhe mundësia të luaj në rolin tim natyral”, përfundon Duro.