Kombëtarja Shqiptare - [lajme dhe komente]

[RaPSouL]

Biletat? I paguajme 30 mln stadiumit

Në mbledhjen e fundit të Komitetit Ekzekutiv, u vendos që një biletë në tribunën qendrore të kushtonte 5 mijë lekë, në atë karshi 3 mijë dhe në pjesët anësore të karshisë 2 mijë lekë.

Rritja e çmimit të biletave për ndeshjen kundër Holandës, është konsideruar si një politikë e detyruar nga sekretari i përgjithshëm i Federatës Roland Mici. Në mbledhjen e fundit të Komitetit Ekzekutiv, u vendos që një biletë në tribunën qendrore të kushtonte 5 mijë lekë, në atë karshi 3 mijë dhe në pjesët anësore të karshisë 2 mijë lekë. Skuadrat e tjera të grupit të Shqipërisë edhe pse përballë kanë pasur Holandën, kanë përcaktuar çmime shumë herë më të ulta, gjë që shihet edhe në rastin e Bullgarisë, ku ato varionin nga 20 euro në 4.5 euro. "Po, është e vërtetë, por Bullgaria i paguan vetëm 3 mijë euro stadiumit për qiranë", tha Mici. "Ju e dini që ne paguajmë 30 milionë lekë për të luajtur në "Qemal Stafa" dhe diku këto para do të nxirren", tha ai. Çmimet e larta të biletave, kanë shkaktuar shpesh edhe përplasje me grupet e tifozëve, siç ishte ai në ndeshjen e fundit me Luksemburgun, ku kundër kësaj politike doli grupimi i njohur "Tifozat Kuq e Zi". Ata kërkuan çmime preferenciale për tifozeritë e organizuara

[no name]

Ndaj Holandës, lamtumira për Hasin dhe Muratin

Derguar me: 14/07/2007

• Supersfida ndaj Holandës do të shërbejë si një moment mjaft emocionant për dy prje lojtarëve më të njohur shqiptarë të viteve të fundit, Besnik Hasin dhe Edvin Muratin. Të dy tashmë duken larg ekipit kombëtar (edhe pse Lusha ende jo zyrtarisht) dhe FSHF ka vendosur që në takimin më të rëndësishëm të grupit, atë kundër yjeve holandezë, atyre t'u rezervohen disa minuta për një ceremoni lamtumire. Lajmi pohohet nga sekretari i përgjithshëm i Federatës Roland Mici, sipas të cilit, është menduar pikërisht kjo datë dhe si shembull është marrë pikërisht ceremonia e largimit të Foto Strakoshës në ndeshjen kundër Turqisë më 13 tetorin e vitit 2005. "Është menduar që për këta dy futbollistë të organizohet një ceremoni e tillë, ndonëse për Muratin nuk mund të thuhet me siguri pasi ai është ende aktiv", ka thënë Mici përpara gazetarëve. "Për Hasin gjithsesi do të organizohet se s'bën një ceremoni e tillë", u shpreh më tej sekretari i FSHF-së, duke lënë të kuptohet rolin prej një lideri dhe atë që ka dhënë kosovari gjatë këtyre viteve. E ndërsa për Muratin ende nuk është vendosur, një tjetër moment i rëndësishëm duket fakti se Adrian Aliaj nuk bën pjesë në këtë listë edhe pse ka qenë një ndër futbollistët më të spikatur të kombëtares në vitet e fundit. Në rolin e një mbrojtësi, ai ka shënuar 8 gola me fanelën kuqezi, ku më kryesori natyrisht ishte ai i 4 shtatorit 2004 kundër Greqisë në stadiumin kombëtar "Qemal Stafa". I pyetur për këtë, sekretari Mici nuk bëri komente të gjata, duke thënë vetëm që janë Hasi dhe Murati emrat e menduar për ceremoni para ndeshjes me Holandën. Ndërkaq, përsa i përket mundësisë që edhe Tare të mund të thirrej apo të nderohej në një ndeshje të tillë për kontributin e tij me kombëtaren, numri 2 i Federatës ka deklaruar se sulmuesi i Lacios nuk mund të quhet zyrtarisht jashtë kombëtares. "Edhe vetë Oto Bariç e ka thënë shpesh se nëse Igli Tare do të luajë rregullisht dhe do të ketë një formë të mirë, ai mund të rikthehet", tha Mici. Gjithsesi, Tare e ka bërë të qartë se nuk rikthehet përsa kohë në krye të FSHF-së të jetë Duka.

[DORJANBITI]

Kemi pak mundesi per te fituar me Hollanden per mos te thne fare por nese do te luajm si ne ndeshjen e pare edhe mund te marrim ndonje barazim i cili do te na sherbente.

[no name]

Klasifikimi i FIFA-s, Shqipëria fiton 2 vende

Derguar me: 19/07/2007
• Për çudi, Shqipëria ka lënë pas në këtë klasifikim edhe Belgjikën, ndërkohë që në muajin qershor pati parakaluar edhe Austrinë

Shqipëria ka fituar edhe dy vende të tjera në renditjen e përmuajshme të FIFA-s. Ekipi shqiptar renditet i 67-ti, teksa në qershor mbante vendin e 69-të në këtë klasifikim. Për çudi, Shqipëria ka lënë pas në këtë klasifikim edhe Belgjikën, ndërkohë që në muajin qershor pati parakaluar edhe Austrinë. Përsa u përket kundërshtarëve të grupit G, Bjellorusia, Sllovenia dhe Luksemburgu vazhdojnë të qëndrojnë mbrapa, ashtu si edhe në renditjen e Euro 2008. Në grupin G të këtij kompeticioni, Holanda vazhdon të jetë në krye, duke zënë vendin e gjashtë, më pas Rumania e 13-ta dhe Bullgaria e 30-ta. Në krye të renditjes është rikthyer Brazili që vetëm pak ditë më parë fitoi Kupa Amerika, ndërsa pas tij vijnë Argjentina, Italia, Franca dhe Gjermania.

[BlooD_VenoM]

Ne 12 shtator ne shqipri ne tirane ne QEMAL STAFA vjen hollanda a ka dikush idene se ben bbbbbbbillllleeeeeeta? me duhet patjeter se do iki ne stadim dhe dua te rri ne TRIBUN me thoni te gjitha cmimet Mbrapa Portes Ne Tribun Anash etj..

[no name]

Curri dëmtohet në muskujt e barkut, nuk rrezikon Holandën

Mbrojtësi, nën kujdesin intensiv të mjekëve të Vorsklas

Debatik Curri është dëmtuar në muskujt e barkut dhe për këtë arsye mbrojtësi i Kombëtares është vënë nën mbikëqyrjen intensive të mjekëve të Vorskla Poltavës. Lajmi është bërë i ditur nga stafi teknik i skuadrës së Premier Ligës ukrainase, që ka shpjeguar edhe zëvendësimin e papritur të shqiptarit në takimin e fundjavës përballë Tavrija Simferopol, të përfunduar në barazim 0-0. Në konferencën për shtyp trajneri Sergij Morozov ka shpjeguar arsyet e vendimit për ta zëvendësuar lojtarin 20 minuta përpara fërshëllimës finale të sfidës. "Mendova ta zëvendësoj Currin, për shkak të një traume që lojtari kishte", ka deklaruar drejtuesi i stolit të Vorsklës. "Prej disa ditësh ai kishte probleme me muskujt e barkut dhe nuk doja të rrezikoja shumë me të. Për këtë qëllim e zëvendësova". Morozov pohon se mjekët e skuadrës po kujdesen për 23-vjeçarin, duke u shprehur me nota optimiste rreth këtij dëmtimi: "Mund t‘ju them se tashmë lojtari është nën vëzhgimin intensiv të mjekëve të skuadrës dhe shpresoj që për të mirën e skuadrës ky problem të mos jetë diçka serioze. Kam qenë në kontakte të vazhdueshme me Currin dhe me mjekët e, me aq sa jam informuar, nuk bëhet fjalë për ndonjë dëmtim shumë të rëndë. Gjithsesi, qëllimi ynë kryesor është ta ruajmë sportistin, pasi kampionati është i gjatë dhe ai është titullar i padiskutueshëm".

Gjatë ditës së djeshme Debatik Curri ka filluar seancat rikuperuese me mjekët e skuadrës dhe, sipas lojtarit tjetër të Kombëtares, njëkohësisht edhe shokut të tij më të mirë, Armend Dallkut, situata nuk është aq alarmante sa duket. "Zëvendësimi i Debatikut është bërë vetëm me qëllim për ta mbrojtur nga përkeqësimi i dëmtimit", ka pohuar mbrojtësi i krahut të djathtë në përfaqësuesen kuqezi. "Mjekët e Vorsklas po i qëndrojnë afër dhe do bëjnë të pamundurën që ky problem i lehtë të zgjidhet sa më shpejt". Dallku ka konfirmuar gjithashtu se Curri nuk rrezikon që t‘i përgjigjet ftesës së trajnerit Oto Bariç, fillimisht për miqësoren e 22 gushtit me Maltën e më pas për takimin e 12 shtatorit me Holandën, i vlefshëm për Grupin G eliminator të Euro 2008. "Gjithçka duket në rregull dhe në këto tri javë pritet që gjendja e Currit të stabilizohet plotësisht. Nuk e di nëse ai do të luajë normalisht në takimet e ardhshme të kampionatit ukrainas, por mund të them se nuk do ketë probleme për dy ndeshjet me Kombëtaren: fillimisht miqësoren me Maltën e më pas sfidën shumë të rëndësishme kundër Holandës", përfundoi Dallku.

Edhe pse luan vetëm prej pak muajsh me Kombëtaren e vendit tonë, Debatik Curri është shndërruar në një lojtar kyç të skuadrës. Bariç e vlerëson jo vetëm për forcën fizike, por edhe për faktin se 23-vjeçari adaptohet pa problem në disa role. Prezenca e tij në takimin përballë "tulipanëve" të drejtuar nga Van Basten, është tejet e rëndësishme për kuqezinjtë. Në fakt, lojtari i lindur në Prishtinë ka qenë autori i golit të vetëm që Shqipëria shënoi në humbjen 2-1 në stadiumin mitik, "Amsterdam Arena". Përballja me Holandën, më 12 shtator në orën 20:30 në "Qemal Stafa", shërben edhe si vitrinë për Currin, që gjatë kësaj vere është kërkuar me ngulm nga rumunët e Steauas së Bukureshtit, që këtë vit luan në eliminatoret e Ligës së Kampioneve. Por, duke qenë se edhe Vorskla pretendon të krijojë një skuadër për kupat e Evropës, drejtuesit ukrainas e panë të udhës të mos e shisnin lojtarin.

[no name]

Shqipëria, e parafundit në vazot e Botërorit

Derguar me: 31/07/2007

• Deklarata e Oto Bariç se do të përpiqet ta ngjisë një vazo Shqipërinë në shortin e kampionatit botëror, nuk duket më realiste. Ndryshimi i sistemit të grupeve në zonën europiane për kampionatin botëror të vitit 2010, ka vënë para kombëtares shqiptare rrezikun që të jetë sërish e parafundit në grupet kualifikuese. Një fakt i tillë pohohet nga burime zyrtare në FSHF, sipas të cilave, Shqipëria duhet të arrijë një numër të lartë pikësh që të mund të përfitojë një ngjitje në vazo, që me sistemin e ri, do të thotë të paktën lënia prapa e dy skuadrave në grup. Një gjë e tillë u pa për eleminatoret e Euro 2008, ku Shqipëria në grupin G duhet të kishte dy ekipe më të dobta, të cilat qëlluan Bjellorusia dhe Luksemburgu. Në eleminatoret e shkuara, kombëtarja kuqezi nën drejtimin e Brigel arriti 13 pikë në 12 ndeshje, me nje koeficient 1.08, gjë që i dha mundësinë e ngjitjes një vazo. "Nëse arrihet sërish e njëjta kuotë pikësh, atëherë automatikisht ne do të jemi të parafundit në grup", ka sqaruar për këtë zëdhënësi për shtyp i FSHF-së, Lysjen Nurishmi. "Vetëm nëse arrijmë një numër të madh pikësh (ndoshta 15 apo 16 në 12 ndeshje) atëherë mund të pretendojmë për lënien pas të dy skuadrave të dobta", sqaron më tej Nurishmi. Një gjë e tillë pohohet edhe nga ish-shefi i ekipeve kombëtare në Federatë, Besnik Çela, njeriu i cili është marrë me këtë problem për vite të tëra. "Ne na duhet të marrim një kuotë shumë më të lartë pikësh që të kemi dy skuadra më të dobta në grup, ndryshe, me sistemin e ri të pikëve, do të kemi vetëm një. Koeficienti do të llogaritet në fund të këtyre eleminatoreve dhe Shqipërisë i duhet të kalojë disa skuadra", shprehet ish shefi i ekipeve kombëtare. Një gjë e tillë do të thotë që kuqezinjve të Oto Bariç u duhet minimumi të lënë mbrapa ekipe të rangut të Sllovenisë për të ruajtur pozitat e shortit për Euro 2008. Veç kësaj, duhen kaluar në renditjen e koeficientëve të paktën 17 skuadra të tjera të kontinentit, gjë që nuk duket shumë e lehtë duke parë se në 8 grupet aktuale të Europianit, vetëm pak skuadra e kanë më të ulët se Shqipëria koeficientin, ndonëse gjithçka do të llogaritet në fund të eleminatoreve, në muajin nëntor.

[RaPSouL]

Dëmtohet Curri, rrezikon të mos luajë me Hollandën

Shtohen dhimbjet e kokës për trajnerin e kombëtares kuqezi Oto Bariç, pas dëmtimit që ka pësuar pasditen e së shtunës mesfushori i Vorskla Poltavës, Debatik Curri. Pas dëmtimeve dhe mungesave të konfirmuara tashmë të Skelës dhe Ervin Bulkut, një tjetër lojtarë i rëndësishëm rrezikon të mos jetë pjesë e dy ndeshjeve të radhës, në miqësoren me Maltën dhe takimin me Holandën për eleminatoret e EURO 2008.

Curri ka qenë në formacionin kryesor të Vorsklës për takimin e javës së katërt në kampionatin ukrainas. Madje trajneri e ka vendosur në këtë ndeshje në pozicionin e vet të preferuar si mesfushor. Por nuk ishte e thënë që gjithçka të përfundonte mirë për Currin, pasi në fundin e pjesës së dytë ai ka pësuar një dëmtim në gju gjatë një përplasje me një lojtar kundërshtar. Si rezultat i kësaj përplasje Curri është dëmtuar dhe në minutën e 83, ka kërkuar të ndërrohet nga stafi drejtues i Vorsklës. Curri u shpreh pas ndeshjes se;”Shtatë minuta para përfundimit të takimit pata një kontakt me një lojtar kundërshtar, i cili më goditi pikërisht në gjurin e djathtë, ku kam qenë më parë i dëmtuar. Si rrjedhojë e kësaj goditjeje nuk arrita ta vazhdoj lojën, pasi kisha dhimbje të mëdha”.

Edhe pa këtë dëmtim Curri kishte probleme me formën fizike të tij, për shkak se nuk ishte rikuperuar plotësisht nga dëmtimi i muskujve të barkut. “Edhe në këtë ndeshje kam luajtur me injeksion, sepse trajneri e vlerësoi si shumë të rëndësishme paraqitjen time. Këtë herë luajta në rolin tim të preferuar – mesfushor, dhe kam mbetur shumë i kënaqur si me paraqitjen time ashtu edhe të gjithë skuadrës, sepse kemi luajtur njërën nga ndeshjet më të mira që nga koha kur jam bashkuar me këtë ekip”, tha lojtari I kombëtares shqiptare.

Në lidhje më faktin nëse do të luante në ndeshjen miqësore me Maltën, Curri tha:”Ka shanse reale që të mungojë ndaj Maltës, sepse për momentin jam në terapi dhe sigurisht që klubi nuk do të më lejoj t’i bashkohem kombëtares. Në tri ditët e ardhshme do të kem stërvitje individuale dhe më pas stafi mjekësor i skuadrës do të vendos për hapat e mëtejshëm. Ndërsa për ndeshjen tejet të rëndësishme me Holandën, besoj të vihem në dispozicion të trajnerit Bariç dhe të jap kontributin tim”, ka përfunduar Curri.

[km92]

Miqesore Shqiperi-Malte / Otto Baric shpall listen e lojtareve

Mungon kapiteni Altin Lala ne perberjen e skuadres


FSHF - Njoftim zyrtar

Trajneri Otto Baric ka shpallur sot listen e 21 lojtareve te cilet do te grumbullohen per ndeshjen miqesore te 22 gushtit ndaj kombetares se Maltes.
Grumbullimi do te filloje ne date 20 gusht ne Hotel “Adriatik” ne Durres.
Ndeshja do te zhvillohet ne date 22 gusht ora 20:45 ne stadiumin kombetar “Qemal Stafa” Tirane.
Ne listen e shpallur te bie ne sy mos grumbullimi I kapitenit Altin Lala dhe rithirja e Edvin Muratit.
Gjithashtu te gatshem ne kete grumbullim jane edhe dy futbollistet e sapo demtuar javen e kaluar, Ervin Bulku dhe Ervin Skela, te cilet me sa duket I kane kaluar qete problemet shendetsore qe paten ne ndeshjet respective me skuadrat e klubeve te tyre ne Ukraine dhe Gjermani


EKIPI KOMBETAR SHQIPTAR

1 -Arjan Beqaj - Enorthosis Famagusta -Qipro
2 -Isli Hidi - FK Tirana
3 -Debatik Curri - FC Vorskla Potlava - Ukraina
4 -Armend Dallku - FC Vorskla Potlava - Ukraina
5 -Nevil Dede - FK Tirana
6 -Erjon Xhafa - KF Tirana
7 -Kristi Vangjeli - Aris Selanik -Greqi
8 -Blerim Rustemaj - FC Horsens
9 -Ervin SKELA - Energie Cotbus- Gjermani
10- Edvin MURATI - Passeriakos - Gjermani
11 -Devis Muka - KF Tirana
12 -Ervin Bulku -FC Krybaras -Ukraina
13 -Altin Haxhi - Ergotelis -Greqi
14 -Lorik Cana - O.Marseja-France
15 -Klodian Duro - FK Tirana
16 -Jahmir Hyka - FK Tirana
17 -Besart Berisha - Burnley FC -Angli
18 -Hamdi Salihi - Ried FC -Austri
19 -Edmond Kapllani - Karlsrhuer-Gjermani
20 -Erjon BOGDANI - Chievo- Itali
21 -Alban Bushi - Apolon Kalamaria-Greqi

[RaPSouL]

Kaçani, dopieta shqiptare në Gjermani
Shkruar nga Leonard Karaj
Sunday, 12 August 2007
Atë gati nuk e njohin në Shqipëri. Por të dhënat e tij futbollistike kanë të ngjarë ta bëjnë një nga goleadorët e kombëtares kuqezi. Quhet Sokol Kaçani dhe është e vetmja notë pozitive e shqiptarëve në kampionatet e Evropës gjatë ditës së djeshme. 23-vjeçari shënoi një dopietë për skuadrën e tij Shtutgarter Kickers në Rexhionalen e Jugut në Gjermani.
Shtutgarter luante ndeshjen e dytë të sezonit në transfertën e vështirë ndaj SC Pfullendorfit. Pas një pjese të parë ku vendasit arritën të kalonin në avantazh me anë të sulmuesit italian Kalamita, erdhi edhe Kaçani show. Në minutat 77 dhe 82 fieraku bëri të heshtë stadiumin prej pesë mijë vetash, duke i dhënë një fitore të shkëlqyer skuadrës së tij. Kaçani është rritur në klubin e Blau-Veiss Linz në Austri dhe vetëm tre vjet më parë kaloi në fillim tek RV Erfurt në Gjermani dhe më pas tek Shtutgarter Kickers. Sulmuesi, përveç teknikës që gëzon, ka edhe një fizik mjaft të zhvilluar (188 cm për 80 kg). Nota tjetër pozitive e legjionarëve shqiptarë ishte edhe loja e bukur e Ervin Skelës me skuadrën e Energji Kotbus. Vlonjati luajti për 90 minuta duke dhënë një ndihmë të madhe në barazimin pa gola në transfertë ndaj Bjer Leverkuzenit. Ndërsa ka ngrohur stolin Altin Lala në humbjen e Hanoverit ndaj Hamburgut. Më keq akoma ka shkuar për Besart Berishën në Championshipin anglez. Kosovari i sulmit kuqezi nuk ishte as në stol në fitoren e Burnlit ndaj Uest Bromviç në javën e parë të kampionatit, duke e ndjekur nga tribuna e stadiumit “Turf Mur” takimin.

Sokol Kaçani

Datëlindja: 16.02.1984
Vendlindja: Fier, Shqipëri
Shtetësia: Shqiptare
Gjatësia: 188 cm
Pesha: 80 kg
Pozicioni: Sulmues
Skuadra: Shtutgarter Kickers
Karriera:
06/2007-06/2008
Shtutgarter Kickers, Gjermani
02/2006-06/2007
Shtutgarter Kickers II, Gjermani
07/2005-01/2006
Rot-Veis Erfurt, Gjermani
01/2004-06/2005
Blau-Veiss Linz, Austri