Kombëtarja Shqiptare - [lajme dhe komente]

[flory80]

Cili është kalendari i ndeshjeve të përfaqsueses për për pjesën e mbetur të këtij viti?

[strange]

Klubet shqiptare, pjesëmarrëse në Kupat e Evropës, do të marrin gjithsej këtë sezon nga UEFA një shumë prej 600 mijë eurosh. Tirana, (Champions), Flamurtari, Vllaznia dhe Dinamo (Liga e Evropës) do të kenë premio të konsiderueshme nga UEFA për pjesëmarrjen në kompeticionet që organizon shtëpia evropiane e futbollit. Padyshim që kampionia e Shqipërisë, Tirana, është klubi që përfiton më shumë të ardhura.

Diferencat

Tirana do të marrë gjithsej 330 mijë euro shpërblim nga UEFA. Sipas rregullave të këtij institucioni, klubi bardheblu merr 200 mijë euro për faktin që është shpallur kampion i vendit, ndërsa 130 mijë euro i merr për pjesëmarrjen në turin e parë të Ligës së Kampioneve. Flamurtari, Vllaznia dhe Dinamo, pjesëmarrëse në Ligën e Evropës (deri vitin e kaluar Kupa UEFA), përfitojnë secila nga 90 mijë euro për faktin që do të marrin pjesë në këtë kompeticion. Skuadra vlonjate merr pjesë direkt në turin e dytë të Ligës së Evropës, pasi është fituesja e Kupës së Shqipërisë, por kjo nuk ndryshon asgjë në lidhje me të ardhurat financiare. Plusi i vetëm i kuqezinjve është që arrijnë të shmangin ndeshjen e turit të parë.

Mundësitë për më shumë

Tirana për çdo tur që do të kalojë, do të ketë mundësi që të përfitojë një shumë prej 130 mijë eurosh. E njëjta gjë vlen edhe për klubet pjesëmarrëse në Ligën e Evropës. Flamurtari, Vllaznia apo Dinamo, për çdo tur kualifikues, nëse arrijnë të kalojnë, marrin shpërblim plot 90 mijë euro. Diferenca mes dy kompeticioneve është se nëse Tirana arrin deri në ndeshjet “play-off”, ku garohet për të marrë pjesë në fazën në grupe, shpërblehet me një shumë prej 2.1 milionë eurosh dhe nëse arrin t’ia dalë mbanë, pra të sigurojë hyrjen në fazën në grupe, përfiton një shumë marramendëse prej 7.1 milionë eurosh. Në Ligën e Evropës këto shuma janë ndjeshëm më të ulëta. Nëse një nga skuadrat shqiptare arrin në “play-off” përfiton vetëm 90 mijë euro, ndërsa nëse siguron pjesëmarrjen në fazën në grupe, shuma që përfiton është 1 milion euro. Më pas, për çdo sukses të arritur, shumat e parave, duke marrë parasysh edhe gjendjen financiare të klubeve shqiptare, janë marramendëse.

Shpërndarja

Sipas rregullores së UEFA-s, klubet nuk i përfitojnë këto para menjëherë, pasi fondi për dhënien e premiove jepet gjithnjë në fund të edicionit. Kjo do të thotë se klubet shqiptare do t’i marrin paratë në fund të sezonit të ardhshëm. Deri vitin e kaluar, shpërblimet llogariteshin në franga zvicerane, ndërsa këtë herë këto premio janë konvertuar në euro.

E kaluara
UEFA ka rritur shpërblimet për skuadrat pjesëmarrëse në kompeticionet evropiane. Sezonin e kaluar çdo ekip kampion përfitonte 150 mijë euro dhe gjithashtu merrte edhe 80 mijë euro shpërblim, ndërsa këtë sezon skuadra kampione përfiton 200 mijë euro për faktin se ka fituar titullin dhe 130 mijë euro për pjesëmarrjen në Champions. Pjesëmarrëset në Kupën UEFA merrnin 70 mijë euro, ndërsa tani përfitojnë 90 mijë euro.

Shorti
Turi i Parë
Hedhja e shortit: 22 qershor 2009
Ndeshjet e para: 2 korrik 2009
Ndeshjet e kthimit: 9 korrik 2009

Turi i dytë
Hedhja e shortit: 22 qershor 2009
Ndeshjet e para: 16 korrik 2009
Ndeshjet e kthimit: 23 korrik 2009

Liga e Evropës, rreziku nga skandinavet

Nuk do të jetë aspak i lehtë shorti për skuadrat shqiptare, si për Vllazninë e Dinamon, që do ta nisin aventurën e tyre nga turi i parë, edhe për Flamurtarin, që do ta nisë nga turi i dytë. Rreziku kryesor vjen nga skuadrat skandinave. Rozenborgu, Helsingborgu, Randers, por edhe qipriotët e Anorthosis Famagusta të Arian Beqajt janë skuadrat, për të cilat do urohej që të evitoheshin. Ndërkaq, vlonjatët mund t’i gëzohen faktit se e nisin nga turi i dytë aventurën, por realisht ata janë edhe më të rrezikuarit në shortin që do të hidhet më 22 qershor. Përballë tyre do të jenë në një vazo skuadra si: Steaua e Bukureshtit, Bazeli i Zvicrës, turqit e Gallatasarajit, Aalborg, serbët e Cërvena Zvezda-s, Brondbi, Metalurg Donjetck, Rapidi i Vjenës, NAC Breda, Larisa e deri te austriakët e Shturm Graci.

0
Asnjë nga klubet shqiptare nuk ka mundur që të sigurojë kualifikimin në fazën në grupe gjatë 20 viteve të fundit. Drejtuesit e Tiranës kanë premtuar se do të bëjnë të pamundurën për të formuar një ekip që ta realizojë këtë objektiv.

Shpërblimet për Ligën e
Kampioneve 2009/2010

Ekipi kampion: 200.000 €
Turi i parë kualifikues: 130.000 €
Turi i dytë kualifikues: 130.000 €
Turi i tretë kualifikues: 130.000 €
“Play-off”: 2.100.000 €
Pjesëmarrja në grupe: 7.100.000 €
Fitorja në grup: 800.000 €
Barazimi në grup: 400.000 €
Eliminimi direkt: 3.000.000 €
Arritja në çerekfinale: 3.300.000 €
Arritja në gjysmë-finale: 4.200.000 €
Arritja në finale: 5.500.000 €
Fituesja e finales: 3.500.000 €

Shpërblimet për Ligën
e Evropës 2009/2010:

Turi i parë kualifikues: 90.000 €
Turi i dytë kualifikues: 90.000 €
Turi i tretë kualifikues: 90.000 €
“Play-off”: 90.000 €
Pjesëmarrja në grupe: 1.000.000 €
Fitorja në grup: 140.000 €
Barazimi në grup: 70.000 €
Faza e parë me eliminim direkt: 200.000 €
Faza e dytë me eliminim direkt: 300.000 €
Arritja në çerekfinale: 400.000 €
Arritja në gjysmëfinale: 700.000 €
Arritja në finale: 2.000.000 €
Fituesja e finales: 1.000.000 €

Jetmir Halilaj

/Shqipmedia/

[strange]

Polemika që ka nisur në versionin e fut bollit kosovar si të huaj apo jo, është shoqëruar edhe me reagimin e sekretarit të Klubit të Futbollit "Teuta", Artan Shyti. Ai është kundër gjykimit për t'u konsideruar si të huaj lojtarët kosovarë. "Shembulli më i mirë, - kujton me këtë rast Shyti, - është trajtimi, që po i bëhet Kombëtares shqiptare, që përfshin mjaft përfaqësues të futbollit kosovar.
Cana, Curri, Dallku, Berisha, Beqaj etj. janë kosovarë, të cilët luajnë në klube të huaja dhe që FSHF-ja i përshin pa asnjë problem, edhe në ekipin përfaqësues. Atëherë pse të mos ndodhë kjo edhe me klubet shqiptare? Përderisa Republika e Kosovës nuk është përfshirë ende me të drejta të plota në forumet më të larta të futbollit botëror (FIFA) dhe atij evropian (UEFA), atëherë që këtu pengesat janë ezauruar. Më bën përshtypje, - pohon Shyti, - përse FSHF-ja e prek këtë problem, pa qenë e nevojshme dhe pa u diktuar nga të tjerët. Gjykimet e kundërta me këtë, më duken absurde dhe të pabaza", tha Shyti. Besa Fakti që lojtarët kosovarë konsideroheshin si lojtarë të huaj nga FSHF-ja i ka habitur jo pak drejtuesit kavajas, të cilët deri më tani nuk ishin në dijeni për një rregull të tillë. Në sezonet e kaluara me ekipin kavajas kanë luajtur shumë lojtarë kosovarë dhe deri përpara publikimit të këtij rregulli ekipi verdhezi nuk ka pasur asnjëherë probleme me aktivizimin e këtyre lojtarëve.
Futbollistët kosovarë asnjëherë nuk kanë hasur në pengesa për aktivizimin e tyre, pasi ky rregull i FSHF-së nuk dihej. Këta lojtarë kanë qenë titullarë me ekipin kavajas, por asnjëherë nuk janë aktivizuar më shumë se 5 të tillë. Tashmë që pritet të fillojnë përgatitjet për sezonin e ri, në ekipin kavajas lojtarët ehuaj janë pakësuar. Për momentin të vetmit që janë konfirmuar se do të jenë pjesë e Besës, por që nuk kanë firmosur janë Driton Krasniqi, Liridon Leci, Herbi Fortunat, Alban Dragusha dhe Endende Elokan. Pra, janë 5 futbollistë të huaj, që me 99% sezonin e ardhshëm do të jenë pjesë e Besës. Ndërsa disa lojtarë të tjerë si Fitim Haliti dhe Bikola Nana janë ende në dyshim, nëse do të rikthehen sërish në Kavajë, ose jo. Pra, aktualisht në kampin kavajas nuk ekziston një shqetësim përsa u përket futbollistëve të huaj dhe "rregullit të ri" që doli vetëm ditën e djeshme.
Presidenti Nexhat Bizhdili thotë se përsa i përket kësaj çështjeje, ai do të ketë një konsultim me federatën, por gjithashtu edhe me stafin e tij për të vendosur mbi këtë problem. "Në ditët në vazhdim do të kem një konsultim me drejtuesit e federatës dhe gjithashtu, me stafin tim përsa i përket kësaj çështjeje. Besoj se do të gjejmë një gjuhë të përbashkët për ta zgjidhur këtë problem. Besa ka pasur gjithmonë lojtarë kosovarë në gjirin e vet dhe do të vazhdojë
që të ketë edhe këtë sezon", tha shkurt në komentin e tij presidenti kavajas, Nexhat Bizhdili Apolonia Në pamundësi për të komunikuar me drejtuesit më të lartë të futbollit fierak, pasi ndodhen me pushime, kemi kontaktuar me zëvendëstrajnerin e ekipit të Apolonisë, Dhimitër Papuçiu, i cili është shprehur: "Lojtarët kosovarë nuk mund të quhen si të huaj në kampionatin shqiptar, pasi jemi një komb. Nëse në rregulloren e FSHF-së një gjë e tillë pohon të kundërtën, atëherë FSHF-ja do t'i duhet të pastrojë dhe ekipet tona kombëtare nga lojtarët kosovarë, në mënyrë që ata të aktivizohen me ekipin e vendit të tyre. Unë mendoj se aktivizimi i sa më shumë futbollistëve cilësor kosovarë në kampionatin shqiptar, ndihmon në nivelin dhe rritjen e futbollit tonë.
Prandaj s'ka pse ata të quhen si lojtarë të huaj. Ndaj edhe në qoftë se ka një nen të tillë në rregullore, ai duhet të ndryshojë sa më shpejt. Një tjetër arsye është që futbollistët kosovarë të mos njihen si të huaj në kampionatin shqiptar, në mënyrë që ata të aktivizohen me shumicë dhe kur UEFA ta pranojë Kosovën në gjirin e saj", ka thënë Papuçiu.


Saliaj: Duhen cilësuar si lojtarët tanë
Dinamovitët duket se e kanë mbështetur vendimin e presidentit të Vllaznisë, Valter Fushaj, që kosovarët nuk duhen konsideruar lojtarë të huaj. Sipas administratorit të bluve, Ismet Saliaj, kosovarët janë njësoi si lojtarët tanë në kampionat. "Kosovarët do të mund të ishin konsideruar lojtarë të huaj, nëse do të ishin anëtarë të UEFA-s dhe FIFA-s dhe do të kishin kombëtaren e tyre. Por përderisa ata janë në kombëtaren tonë, kanë gjakun tonë dhe flasin gjuhën tonë, asnjëherë nuk konsiderohen të huaj. Edhe atëherë kur ata të mund të bëjnë kombëtaren e tyre, përsëri janë shqiptarë. Kështu duhen konsideruar dhe nuk kemi asnjë dyshim për këtë", ka shpjeguar administratori i bluve, Ismet Saliaj, aq më tepër që dinamovitët kanë një miqësi të hershme me kosovarët, kur dhe më 17 shkurt luajtën në miqësoren me Prishtinën. Për ironi të fatit, dinamovitët nuk kanë pasur kosovarë në skuadrën e tyre, megjithatë i konsiderojnë shqiptarë.

Presidenti Fushaj këmbëngul që kosovarët të mos cilësohen të huaj

Federata Shqiptare e Futbollit i cilëson si të huaj futbollistët kosovarë, që aktivizohen në klubet shqiptare. Këtë e ka zbuluar klubi shkodran. Drejtuesit e Vllaznisë kanë dalë dje në një konferencë për shtyp në orët e mbrëmjes, duke bërë të ditur faktin, që me siguri do të shoqërohet me polemika. Qoftë te Vllaznia, e gjithashtu në klubet të tjera të Superiores aktivizohen disa lojtarë kosovarë, por që deri më tani janë cilësuar si të huaj, çka i ka kushtëzuar ekipet për blerjen e tyre. Nisur nga kjo, klubi shkodran nëpërmjet një shkrese do t'i kërkojë FSHF-së, zyrtarisht sot që të mos i konsiderojë futbollistët kosovarë, që luajnë në kampionatin shqiptar, si të huaj. Lajmin e ka bërë të ditur vetë presidenti i Vllaznisë, Valter Fushaj, i cili ka dhënë një sërë argumentesh në lidhje me këtë çështje, e cila nuk është hasur në vitet e kaluara, edhe pse disa lojtarë kosovarë kanë qenë pjesë e klubeve shqiptare. "Mund t'ju konfirmoj se klubi ynë do t'i bëjë një kërkesë zyrtare nesër (sot) institucionit të futbollit shqiptar, në mënyrë që të heqë rregullin e deritanishëm, ku futbollistët kosovarë, të cilët aktivizohen me ekipet e kampionatit tonë, janë cilësuar si të huaj. Ky rregull duhet ndryshuar dhe për këtë ne do të bëjmë kërkesë zyrtare", ka thënë presidenti Fushaj.

/Panorama Sport/

[strange]

FSHF: Lojtarët kosovarë janë të huaj

Federata Shqiptare e Futbollit i cilëson si të huaj futbollistët kosovarë që aktivizohen në klubet shqiptare. Këtë gafë të institucionit të futbollit e ka zbuluar pikërisht klubi shkodran. Drejtuesit e Vllaznisë kanë dalë dje në një konferencë për shtyp, në orët e mbrëmjes, duke bërë të ditur faktin, që me siguri do të shoqërohet me polemika. Qoftë te Vllaznia, e gjithashtu në klubet të tjera të Superiores aktivizohen disa lojtarë kosovarë, por që deri më tani janë cilësuar si të huaj, çka i ka kushtëzuar ekipet për blerjen e tyre. Nisur nga kjo, klubi shkodran, nëpërmjet një shkrese, do t’i kërkojë FSHF-së, zyrtarisht sot, që të mos i konsiderojë futbollistët kosovarë, që luajnë në kampionatin shqiptar, si të huaj. Lajmin e ka bërë të ditur vetë presidenti i Vllaznisë, Valter Fushaj, i cili ka dhënë një sërë argumentesh në lidhje me këtë çështje, e cila nuk është hasur në vitet e kaluara, edhe pse disa lojtarë kosovarë kanë qenë pjesë e klubeve shqiptare.

Kërkesa
“Mund t’ju konfirmoj se klubi ynë do t’i bëjë një kërkesë zyrtare nesër (sot) institucionit të futbollit shqiptar, në mënyrë që të heqë rregullin e deritanishëm, ku futbollistët kosovarë, të cilët aktivizohen me ekipet e kampionatin tonë, janë cilësuar si të huaj”, - ka thënë fillimisht presidenti Fushaj. Më tej, numri një i klubit shkodran ka theksuar se ardhja e sa më shumë lojtarëve nga Kosova në ekipet shqiptare, do të rriste nivelin e kampionatit. Ja dhe argumentet e Fushajt: “Derisa kampionati kosovar ende nuk njihet nga UEFA dhe disa lojtarë kosovarë luajnë me kombëtaren tonë, atëherë përse ata duhet të quhen të huaj, kur aktivizohen në klubet shqiptare. Gjithashtu, derisa ekziston edhe mundësia që numri i skuadrave të kampionatit tonë të shtohet, mendoj se ardhja e këtyre lojtarëve do të ndihmonte në rritjen e nivelit të kampionatit shqiptar. Për të gjitha këto arsye, ne si klub do të kërkojmë që lojtarët nga Kosova të mos konsiderohen të huaj”.

Reagimi
Sipas burimeve pranë klubit shkodran, kërkesa zyrtare që do dërgohet sot në FSHF, pritet që të përkrahet edhe nga disa klube të tjera. Janë disa skuadra që preken, e sidomos Vllaznia dhe Besa. Kjo e fundit ka disa kosovarë në përbërje, ndërsa shkodranët kanë dy lojtarë: Ilir Nallbanin dhe Fitim Kasapin. Institucioni i futbollit ka caktuar një limit të futbollistëve të huaj që duhet të luajnë në skuadrat tona, që është pesë lojtarë. Nëse Nallbani dhe Kasapi i Vllaznisë do të konsideroheshin të huaj, sigurisht që do kishte më pak vende për lojtarët e tjerë, të cilët Vllaznia kërkon t’i blejë nga jashtë vendit. Tashmë, pas kësaj kërkese ngelet për t’u parë reagimi i federatës.

Na “mbushin” Kombëtaren, por i konsiderojmë të huaj
Lojtarët kosovarë kanë arritur të fitojnë një vend në Kombëtaren Shqiptare të futbollit, madje tashmë janë bërë të pazëvendësueshëm. Por, situata e tyre nuk është e njëjtë përsa i përket karrierës me klubet, në kampionatin tonë. Federata Shqiptare e Futbollit ka përpiluar një rregullore, konform të gjitha kritereve të FIFA-s, por duket se logjikisht, edhe pse jo në aspektin administrativ, ka vend edhe për tolerime. Lojtarët kosovarë cilësohen si të huaj në kampionatin tonë. Një problem, përsa i përket faktit që ne i përfshijmë në planet e Kombëtares sonë dhe madje, mundohemi t’u japin rrugë të lirë për të përmirësuar nivelin e tyre. Një rregull që sjell mjaft vështirësi në zbatimin e objektivave që kemi po ne. Rregulli 5+1 i lojtarëve të huaj është detyrimisht i zbatueshëm, por mbase do ishte më i arsyeshëm për ne, nëse do të përjashtoheshin lojtarët kosovarë, me të cilët kemi shumë më shumë lidhje se çdo komb tjetër. Janë ata njerëz që kanë pranuar të luajnë për ngjyrat kuqezi, por ne nuk i cilësojmë si të tillë në dokumentacionet e federimit. Nëse nuk arrin të jesh një lojtar që nuk hyn në planet e Kombëtares, atëherë cilësohesh si një i huaj. Një koncept i gabuar dhe që bie në kundërshtim me shumë premtime për përmirësimin dhe zhvillimin e nivelit të Kombëtares sonë, pasi për këtë të fundit, ne kemi nevojë për “vëllezërit” kosovarë, të cilët në letra nuk i quajmë as shqiptarë.

/Panorama Sport/

[Gzim_Cool]

e ne flasim ketu mu bashku kosova me shqiperine, kukuu me neve a nuk shihni se shqiptaret po na that neve te huaj kosovareve.

[goldian]

e ne flasim ketu mu bashku kosova me shqiperine, kukuu me neve a nuk shihni se shqiptaret po na that neve te huaj kosovareve.

pse ku u tha se do bashkohen????

[Gzim_Cool]

pse ku u tha se do bashkohen????

Nuk dot bashkohen ama po folin ketu ne forum mu bashku shqiperia me kosoven.

[strange]

Organizmi me i larte i futbollit, FIFA ka publikuar renditjen e ekipeve kombetare per muajin qershor ku kombetarja jone ka humbur tre vende duke u renditur e 95-ta.

Renditja e FIFA-s:

1.Brazili 1672 pikë

2.Spanja 1590

3.Holanda 1379

4.Italia 1229

5.Gjermania 1207

6.Rusia 1161

7.Anglia 1135

8.Argjentina 1091

9.Franca 1082

10.Kroacia 1031

………………

95.Shqipëria 347

[heneu]

çka mendoni! a na duhet nje kombtare e re ,me lojtar te rinj,un them se dyhet te largohen 6 lojtar Armend Dallku shume i dobet Bulku Agolli Duro dhe Bogdani ndoshta edhe disa te tjere

[Explorer]

Une mendoj se nuk eshte problemi te lojtaret.
Problemi eshte te politika.
Politika ka prekur edhe sportin shqiptar.
Shteti Shqiptar ende nuk e kupton se Sporti ( e sidomos futbolli), eshte ambasadori me i mire i nje vendi (kombi).
Paramendo se cfare jehone beri ne bote fitorja e kombetares ndaj Greqise.
Sa shtete u bene me dije se ne bote paska nje shtet qe quhet Shqiperi dhe se ka nje komb qe quhet Shqiptar.
Ka ardhur koha qe shteti shqiptar te mendoje SERIZOSHT per sportin shqiptar ( sidoemos per futbollin).
Kemi lojtre shume te mire qe jane te gatçem te luajne me gjith zemer per vendin e tyre.
Por ketyre lojtareve duhet t'ju kthehet dinjiteti i tyre ne vend, si me mjete financiare ashtu edhe me kushte te tjera me bashkekohore.
Kombetarja ka edhe tifozet me te flakte ne bote.
Shteti shqiptar duhet te mbaje llogari per keto pune, e jo te tregoje neglizhence totale.
Paramendo cfare kenaqesie perjetojme kur kombetarja fiton, sa krenar qe jemi.