Kombëtarja Shqiptare - [lajme dhe komente]

[Flori]

Mediat portugeze kanë "kryqëzuar" kombëtaren e tyre, duke e quajtur turp barazimin.


Përjashtimi i Admir Telit në minutën e 42-të

“Afrika e Jugut gjithnjë e më larg për Portugalinë”, “Kombëtarja i largohet botërorit”, këto kanë qenë komentet e gazetave portugeze të nesërmen e ndeshjes se Portugalisë përballë një Shqipërie që kishte mbetur me 10 lojtarë. “Poshtërim”, “Gjëmë”, “Turp”, ishin disa nga citimet e tjera të shtypit të përditshëm portugez dhe jo vetëm atij sportiv.

Ekipi kombëtar ishte në qendër të të gjitha gazetave, që sipas “Correio da Manha”, ¬kishte zhvilluar një nga ndeshjet më të këqija këto 30 vitet e fundit. Ndërsa “A Bola” komenton se nuk ishte një ndeshje 0-0, por një ndeshje nën zero. “Edhe duke luajtur në shtëpi, me lojtarët më të mirë të botës, duke luajtur përballë një ekipi me 10 lojtarë, nuk fitojmë,” - shkruhet në një të përditshme tjetër sportive.

Për gazetën “¬Jornal de Noticias”, me këtë ndeshje “dërrmuese”, ekipi “ka komplikuar detyrën për t’u kualifikuar në botëror”. “Tani gjithçka duhet të llogaritet,” - shkruan “Record”, duke shtuar dobësitë taktike të trajnerit Karlos Kueiroz. “Ekipi i Kueirozit gjithnjë e më larg botërorit,” - shkruan “Diario de Noticias”, ndërsa “Correio da Manha” publikon një foto, duke treguar kurrizin e trajnerit me titull: “Kueiroz nën zero”. Përtej këtij barazimi të ¬merituar, sipas “A Bola”, shtypi portugez shton edhe mungesën e dashurisë mes portugezëve dhe lojtarëve të ekipit kombëtar.

“Një president federate, Gilberto Madail, i cili largohet nga stadiumi 10 minuta para përfundimit, lojtarë që shajnë publikun e pakënaqur, një trajner që bojkoton deklaratat tradicionale pas ndeshjes, ¬na ka ardhur në majë të hundës me këtë lloj filmi,” - shkruan e përditshmja sportive “Record”. “Queiroz ka prerë kordonin lidhës mes kombëtares dhe portugezëve, duke i lënë lojtarët jetimë nga empatia fantastike popullore që i bënte ata të hynin në stadium me detyrën për të shëruar plagët e atdheut, të mbrojtjes së krenarisë dhe që të na prezantonin të gjithëve ne,” - pohon editorialisti i gazetës në fjalë.

Por nëse gazetat portugeze e kanë kryqëzuar kombëtaren e tyre, shtypi tjetër i huaj ka thënë fjalë të mira për ekipin shqiptar. “Shqipëria e fitoi botërorin e saj”, - shkruan prestigjiozja franceze “L’Equipe”, e cila përmend edhe faktin se si futbollistët më të mirë të botës nuk arrijnë të fitojnë përballë një ekipi modest në synimet e veta. Natyrisht, edhe në sitet e tyre, FIFA dhe UEFA, kishin pasqyruar barazimin e Shqipërisë në Portugali. “Shqipëria më 10 lojtarë ndal Portugalinë,” - ishte titulli i komentit të ndeshjes në sitin zyrtar të FIFA-s. Por jehona e kësaj ndeshjeje është pasqyruar edhe në mediat spanjolle. “Yjet e Portugalisë turpërohen,” - ishte titulli i “Marca”, e cila kishte në shënjestër Kristiano Ronaldon me shokë, të cilët nuk arritën të shënonin dot një gol.

Por ky barazim historik i Shqipërisë ka pasur jehonë edhe në Kosovë e Maqedoni, ku natyrisht shtypi vendës i ka quajtur heronj kuqezinjtë.

Sporti Shqiptar

[BlooD_VenoM]

Mire ja bene.Meritonim me shume ne...

[Wind_of_Change]

Lajm i bukur ky.

[dibrani2006]

http://it.youtube.com/watch?v=lCVEJaDwRDI

[Snickers]

Shqipëria miqësore me Paraguain?

Paraguai është një nga kandidatët e mundshëm, për të qenë kundërshtari i Shqipërisë për një ndeshje miqësore në datën e lirë të UEFA-s. Sinjali nuk vjen nga zyrat e Federatës Shqiptare Futbollit, por nga Amerika e Jugut.


Faqja prestigjioze sportive “Goal.com”, ishte ajo që publikoi dje këtë lajm. Presidenti i Federatës Paraguaiane të Futbollit, Juan Angel Napout, në një prononcim të tij, ka theksuar se kandidatët e mundshëm të tyre për një ndeshje miqësore në datën e lirë të muajit nëntor janë tre: Peruja, Izraeli dhe Shqipëria.

Paraguai është lideri i grupit eliminator të Amerikës së Jugut për Botërorin 2010. “Peruja ishte një nga finalistet e Botërorit të kaluar, është një rival që e respektojmë, nëse do ta konkretizonim takimin do ta luanim në Lima, por nuk hedhim poshtë rivalët e tjerë, si përfaqësueset e Izraelit e Shqipërisë”, pohoi bosi i futbollit paraguaian.

Nëse zhvillohet, kjo do të jetë ndeshja e parë që Shqipëria luan me një kombëtare nga Amerika Latine. Më 11 shkurt 2009, Paraguai ka programuar një miqësore me Turqinë.

Dështimet

Tentativat e deritanishme të Federatës Shqiptare të Futbollit për të gjetur një kundërshtar për 19 nëntorin kanë rezultuar të dështuara.

Në listën e emrave, të cilëve u është kërkuar të luajnë një ndeshje miqësore muajin e ardhshëm, kanë qenë Sllovakia, Zvicra, Turqia, Kroacia, Sllovenia apo edhe ndonjë skuadër tjetër.

Por asnjë prej tyre nuk ka kthyer përgjigje pozitive. FSHF pohon se, e angazhuar për të punuar në këtë drejtim, është RTL-ja (grupi mediatik që ka blerë të drejtat televizive të Kombëtares).

Pohohet se ka disa alternativa, nga të cilat drejtuesit e FSHF –së nënvizojnë se do të mundohen të zgjedhin më të mirën. Trajneri Han ka shprehur më parë se dëshiron një kundërshtar të nivelit mesatar për miqësoren e tretë nën drejtimin e tij.

[Qyfyre]

Kombetarja, Mergim Mavraj zgjedh fanelen kuqezi

Kombetarja, Mergim Mavraj zgjedh fanelen kuqezi
Kombetarja shqiptare eshte fare prane sigurimit te sherbimeve te mbrojtesit Mergim Mavraj. 22-vjecari, i cili militon te Bokum, ne Bundesligen gjermane, besohet se do te vishet kuqezi qe prej miqesores se 19 nentorit.

Kombetarja shqiptare eshte fare prane sigurimit te sherbimeve te mbrojtesit Mergim Mavraj. 22-vjecari, i cili militon te Bokum, ne Bundesligen gjermane, besohet se do te vishet kuqezi qe prej miqesores se 19 nentorit.

Kosovari, me pasaporte gjermane, shihet si nje perforcim mjaft i vlefshem per skuadren e drejtuar nga Ari Han, ne aventuren eliminatore te Boterorit 2010. Lajmi eshte bere i ditur nga burime prane Federates Shqiptare te Futbollit, te cilat saktesuan se Mavraj ka rene parimisht dakord qe te luaje me perfaqesuesen tone. "Gjate nje bisede, qe stafi i afert i trajnerit Han ka pasur me mbrojtesin kosovar, ata i kane ofruar serish qe ai te perfaqesoje Shqiperine", pohoi burimi konfidencial.

"Mavraj konfirmoi se do te luaje me Kombetaren dhe kjo pritet te ndodhe qe prej miqesores se muajit nentor. Ai shihet si nje alternative mjaft e mire ne mbrojtje, mbi te gjitha ne qender, e ne kete menyre do te hapte rrugen per aktivizimin e Debatik Currit ne nje tjeter pozicion (ne krah te majte te mbrojtjes ose te mesfushes)". Emri i Mergim Mavrajt nuk eshte i panjohur ne ambientet e Kombetares.

Interesimi per mbrojtesin ka filluar qe prej periudhes kur Shqiperia drejtohej nga Oto Baric, por lojtari i ka shperfillur sistematikisht ofertat e FSHF-se. Ai ishte me shume i perqendruar te perfaqesuesja gjermane. Por, duke qene se aktivizimi me kete skuader cilesohet si i pamundur, 22-vjecari u bind se perfaqesimi me kuqezinjte mund ta ndihmonte edhe ne karrieren ne klub. Mavraj ka luajtur nje ndeshje me kombetaren U-21 te Gjermanise, miqesoren jozyrtare me Italine, megjithate kjo nuk pritet te komprometoje afrimin e tij me skuadren e Ari Han. Nderkohe, per sa i perket emrit te kundershtarit per miqesoren e muajit nentor, ende asgje nuk eshte zyrtare.

Bisedimet vazhdojne me disa federata, duke perfshire ketu Turqine e Sllovakine, por ne "pole position" per te ardhur ne stadiumin "Qemal Stafa" duket Sllovenia.

Vetem "zgjedh" nuk mund te thuhet per keta. Duhej shkruajtur "Mavraj e kupton qe me Gjermanine nuk ka shans te luaj"

[m.g.q.n.t.v.]

Vetem "zgjedh" nuk mund te thuhet per keta. Duhej shkruajtur "Mavraj e kupton qe me Gjermanine nuk ka shans te luaj"

Ia kemi nevojen prandaj e mirepresim. Ta shlyeje gabimin me loje te bukur.

[derjansi]

Vetem "zgjedh" nuk mund te thuhet per keta. Duhej shkruajtur "Mavraj e kupton qe me Gjermanine nuk ka shans te luaj"

ma mri mos ta ksihin mor hic

i ra ***** ngusht kti tash e panoj me lujt per shqipnin, nuk e merito fanellen e kombtares pik

[BlooD_VenoM]

Kombtarja Shqiptare fiton botrorin...

[altruisti_ek84]

“President Platini: “çlirojeni” Kosovën!”
Nga Besnik Dizdari

I nderuar President Michel Platini,

Mirëseerdhët në Shqipëri, të cilën ju dhe UEFA e mbështetni fort në rrugën e saj drejt modernizimit të futbollit. Jam një gazetar i vjetër shqiptar prej 40 e ma vjetësh, me të cilin jeni takuar njëherë në Paris, në mbrëmbjen e 30 marsit 1991, atë të ndeshjes Franca – Shqipëria 5-0 për Kampionatin Evropian në sallën e shtypit të të pashlyeshmit “Parc des Princes”. Ju ishit në rolin e trajnerit të Francës, unë në atë të të vetmit gazetar shqiptar që shoqëronte skuadrën kombëtare të Shqipërisë. Nuk mund ta harroj atë takim aty në këmbë, ku ju u ndalët posaçërisht për intervistimin tim dhe ku me xhentilesën që ju karakterizon, gjetët fjalë më të mira për Shqipërinë, e cila edhe pse kishte humbur rëndë, prap kishte treguar futboll. Sot, ju jeni në krye të UEFA-s, dhe si gazetar ju ndjek në gjithë strategjinë e re që përpiqeni të ndiqni, çka e kuptoj më së miri edhe nëpërmjet editorialeve tuaja në “UEFA Direct”, ku natyrisht “the merits of dialogue”, siç thoni, është një tjetër devizë e platformës suaj të re.

E pra, zotni President, përse nuk çlirohet, përse nuk ç’izolohet futbolli i Kosovës?

Ua drejtoj këte pyetje edhe si zëvendëspresident i FIFA-s që jeni.

Kam qenë ditët e fundit në Prishtinë të Kosovës, në organizimin e një Çmimi tonin kombëtar të gazetarisë sportive. Dhe kam qenë mu në ditën e 24 tetorit 2008, ditë e përfundimit të mbledhjes së Komitetit Ekzekutiv të FIFA-s në Zurich, kur u dha njoftimi i dalë nga FIFA, se: “Kërkesa e Federatës së Futbollit të Kosovës për t’u anëtarësuar, nuk pranohet për shkak të Nenit 10 të statutit të FIFA-s, i cili thotë se “mund të pranohet vetëm një Shtet i pavarun i njohur prej bashkësisë ndërkombëtare” dhe se “konform me statutin, Kosova nuk mund të luajë asnjë ndeshje miqësore”.

Nuk mund ta merrni me mend revoltën, sidomos prej bashkësisë së futbollit të Kosovës për këte ndalim të pashembullt, që pata rastin ta përjetoj drejtpërsëdrejti në mjedisin e Prishtinës. Çka përveç të tjerave, komprometonte edhe vetë autoritetin e madh të FIFA-s te ky komb.

E ndërsa si gazetar, si shqiptar – ndonëse jo i Kosovës, por i Shqipërisë – mund të bindem deri diku për vonesën e pranimit të Kosovës si anëtare e FIFA-s, kur vjen puna te ndalimi i saj për të luajtur ndeshje miqësore, atëherë, më falni, po kjo më duket gati raciste! Si është e mundur?! Ndonëse edhe për mospranimin si anëtare e FIFA-s simbas të famshmit Neni 10 (“mund të pranohet vetëm një Shtet i pavarun i njohur prej bashkësisë ndërkombëtare”), ai me evazivitetin e tij të lë shumë hapësirë për të mundësuar pranimin e Kosovës, përderisa ajo është njohur nga e pakta 50 shtete të botës, midis të cilëve janë më të rëndësishmit e gjeopolitkës së botës së sotme të lirë si SHBA, Angli, Gjermani apo dhe Franca e juaj. Kur dihet ndërkaq, se organizata e juaj dhe e jona që quhet FIFA, ka anëtare edhe vende, ishuj a krahina të tillë si Guam, Hong Kong, Macau, Anguilla, Bermuda, Cayman Islands, Montserrat, Us Virgin Islands, Turks & Caicos Islands, Aruba, Cook Islands, Tahiti, që nuk besoj se janë mirëfilli shtete. Tjetër argument ky megjithate…

Le të qëndrojmë vetëm te vendimi për të penguar Kosovën për ndeshje miqësore, vendim absurd, që vetvetiu prek jo vetëm të drejtat e njeriut në shoqërinë e sotme demokratike, por gjithçka tjetër në marrëdhëniet paqësore të rruzullit, ku futbolli është një oazë miqësie, afrimi midis popujve dhe njerëzve, është zhvillim, kënaqësi, kulturë e përbotshme universale, gëzim, spektakël, bashkësi.




XXX




Vështroni tash këto dy fotografi që shoqërojnë këte shkrim. Vështroni sidomos ate më të vjetrën, që, në 66 vjet largësi kur është realizuar, mban mbi supet e saj të lodhura gjithë vjetërsinë, si të thuash, gjithë antikitetin e rëndësisë së saj. Ajo i përket ditës së 29 nëntorit 1942. Kanë qenë vitet e Luftës së Dytë Botërore. Shqipëria dhe Kosova ishin nën sundimin e Italisë fashiste, por çuditërisht të bashkuara në një “shtet” të vetëm. Në foto është Përfaqësuesja e Kosovës në Tiranë, mu në ditën e krijimit të saj përmes një ndeshjeje themeluese pra: Përfaqësuesja e Tiranës - Përfaqësuesja e Kosovës 2-0. Interesante është se kjo ndeshje është organizuar për nder të 30-vjetorit të Pavarësisë së Shqipërisë (28 nëntor 1912-28 nëntor 1942), sepse edhe pushtuesi fashist, qoftë dhe me demagogji, kërkonte të nderonte historinë kombëtare të Shqipërisë dhe të Kosovës.

Kjo foto ka fiksuar ditën e themelimit të Kombëtares së Kosovës prej atdhetarëve shqiptarë të asokohe, por për fat të keq apo të mirë, edhe me mbështetjen e Italisë fashiste.

Ajo është Përfaqësuesja e Kosovës në themelim më 1942, të cilën FIFA e botës së sotme moderne të Shekullit XXI, FIFA e shoqërisë së lirë demokratike, e miqësisë midis popujve e shteteve, të globalizimit të këtij shekulli, e ndalon të dalë në fushën e lojës për të zhvilluar një ndeshje të vetme miqësore! Çka do të thotë se FIFA, promotorja e përhapjes dhe zhvillimit të futbollit në botë, ndalon të luajë futboll një shtet të pavarun, të ri, i njohur prej 50 shteteve të tjerë të botës! Ajo ndalon kështu shtetin e ri të një populli, i cili në portat Shekullit XXI vuajti genocidin, shtypjen deri në spastrim etnik!

Gjashtë vjet më parë, më 2002, e çmueshmja “France Football”, bashkëpunëtor i së cilës jam prej 22 vjetësh, parashikoi përmes një Dossieri të posaçëm, ardhjen e shpejtë të Kombëtares së Kosovës në futbollin evropian. Ka qenë një botim ekskluziv me hartën e ish Jugosllavisë, të të gjashtë ndarjeve të atij viti 2002: Jugosllavi (Serbi & Mali i Zi), Bosnje Hercegovinë, Slloveni, Kroaci, Maqedoni, Kosovë - të gjashta si i barabarti me të barabartin, me ndarjen gjeografike në hartë, me kryeqytetin e secilit, me futbollistët, me federatën përkatëse të futbollit, me kampionatin kombëtar e skuadrën kampione të secilës, kështu edhe të Kosovës.

”France Football” e parashikonte qysh 6 vjet më parë Kosovën futbollistike, ate që edhe mbas 6 vjetëve FIFA e ndalon të dalë në fushën e lojës! Ndonëse Kosova zhvillon Kampionat Kombëtar qysh nga viti 1942. Madje, kur në vitet ’90 Serbia pushtoi edhe stadiumet e futbollit, klubet kosovare, zhvilluan pa ndërprerje deri më 1998, kampionatin kombëtar “ilegal” në fushat e fshatrave të tyre - padyshim ky një rast unik në historinë e futbollit botëror! E si mund të ndodhë sot që një pasioni të tillë të një heroizmi sportiv, siç mund ta quajmë, nuk prek sado pak qoftë dhe ndjenjat e FIFA-s, kur dihet se çfarë humanizmi personifikon vetë sporti, vetë futbolli?

Dhe merreni me mend: ndonëse prej 10 vjetësh Kosova administrativisht është krejt e shkëputur nga ish Jugosllavia apo Serbia, FIFA jonë e dashtun, nuk e lë të luajë futboll miqësor ndërkombëtar! Tash më thoni, i dashur president, a ka një rast tjetër në historinë e FIFA-s, që ajo të ketë penguar plot 10 vjet për të dalë në fushën e lojës për ndeshje miqësore, përfaqësuesen e një kombi e shteti të themeluar e të pranuar prej shteteve më të mëdha të botës?

Vështroni tash foton tjetër të këtij shkrimi. Këtu është skuadra e bukur e Kombëtares së Kosovës më 6 shtator 2002 në stadiumin e Prishtinës në përurimin e saj si simbol flamuri dhe i sportit të Kosovës së lirë, në ndeshjen me Shqipërinë, para 30.000 shikuesve. Nuk mund të arrij unë ta përshkruaj se çka ka qenë ajo ditë, ajo ndeshje, ai takim magjik publik që vetëm loja e futbollit e krijon! Një gëzim i pamatë popullor, që mund ta kishte zili edhe një finale e Kupës së Botës! Aty, midis këtij 11-shi, i ulur në mes është kapiteni i saj, futbollisti kosovar i dalë prej klubit të Prishtinës, Adrian Kozniku, pjestar i Kroacisë - e treta në Kampionatin Botëror 1998 me trajner të famshmin Ciro Blazevic, i cili më parë, në vitet ’80, kishte bërë karrierë mu në Kosovë, duke drejtuar skuadrën e Prishtinës së madhe që tronditi një Partizan të Beogradit, një Hajduk të Splitit, një Crvena Zvezdë të Beogradit apo një Dinamo të Zagrebit.

Kosova e cila i ka themeluar klubet e saj të parë, qysh më 1914, është vatër talentesh të spikatun të futbollit. Futbollisti kosovar Riza Lushta – fitues i Kupës së Italisë me Juventusin më 1942, sot e kësaj dite është në panteonin e lojtarëve të huaj më të mirë të Juventusit së bashku me emrin tuaj. Kosovari tjetër Naim Kryeziu – kampion i Italisë me Romën më 1942, është në panteonin e kampionëve më të mëdhenj të historisë së skuadrës romane. Vetëm në vitet e fundit në skuadrën Kombëtare të Shqipërisë kanë luajtur dhe luajnë 10 futbollistë të Kosovës: Beqaj, Hasi, Curri, Dragusha, Dallku, Berisha, Kastrati, Rustemi e deri te Lorik Cana i Ol. Marseille.

Kosova është kështu një tokë e vërtetë futbollistike. Për fat të keq është humbur kohë me te. E pafalshme sidomos periudha dhjetëvjeçare 1999-2008, kur ajo ka arritur pavarësinë dhe themelimin e shtetit të saj nën mbështetjen e fuqishme të bashkësisë ndërkombëtare në të gjitha fushat e jetës; e doemos edhe në sport e futboll. Paradoksi është se asaj ende i mungon mbështetja e duhur e FIFA-s, por dhe e UEFA-s, përderisa sot në Evropë, prej 10 vjetësh asnjë klub i këtij shteti të ri prej dy milion banorësh nuk merr pjesë në asnjë garë evropiane të futbollit! Ky është përtej një izolimi!

Dhe mbi gjithçka i mungon futbolli përfaqësues. Thjesht për shkak të pengimit që i bën mu ajo së cilës i takon ta mbrojë, ta mbështesë dhe ta thërrasë për të dalë në fushën e lojës: FIFA, e cila zbaton mekanikisht Nenin 10 të Statutit të saj, edhe pse në të cilin askund nuk thuhet se ndalohen ndeshjet miqësore ndërkombëtare midis çdo lloj statusi të një ekipi përfaqësueses të një vendi! Kështu, vetvetiu është FIFA ajo që bën një shkelje të papranueshme dhe aspak juridike. Të vjen vërtet keq, por në fund të fundit, na duhet të pranojmë se edhe ky vendim i Komitetit Ekzekutiv të FIFA-s, i 24 tetorit 2008, i ndalimit absurd të daljes në fushën e lojës të Kombëtares së shtetit të Kosovës, provon se konservatorizmi “klasik” i FIFA-s, tashmâ nuk i përshtatet realitetit gjeopolitik dhe sportiv të zhvillimit të shoqërisë së sotme moderne të njerëzimit.

I dashur President Michel Platini: ju lutem, “çlirojeni” Kosovën!


http://www.gazetatema.net/index.php?...gory=9&id=3763