Kombëtarja Shqiptare - [lajme dhe komente]

[AlbaneZ]

Konflikti me FSHF-në, UEFA përjashton Shqipërinë

Vjen faksi i pezullimit të dytë në 12 vitet e fundit

Shqipëria, jashtë aktiviteteve ndërkombëtare. Ky ka qenë vendimi i djeshëm i Komitetit Ekzekutiv të FIFA-s, që nuk ka toleruar më ndërhyrjet politike të shtetit shqiptar në autonominë e Federatës Shqiptare të Futbollit. Shqipëria cilësohet e pezulluar pa afat, që do të thotë se nuk mund të marrë pjesë në aktivitete ndërkombëtare në nivel përfaqësuesesh apo klubesh, pa u ndryshuar ky status. Përveç dëmit të pallogaritshëm të imazhit dhe atë ekonomik, drejtuesit e FSHF-së kanë filluar që tani të llogaritin dëmin sportiv, si humbjen në tavolinë të ndeshjes së përfaqësueses Shpresa ndaj Greqisë, apo mospjesëmarrjen e kombëtares U19 në fazën e dytë të Evropianit të kësaj moshe. MTKRS-ja, e cilësuar nga FIFA dhe UEFA si shkaktare e kësaj situate, nuk ka reaguar dje, por është vetëm në dorën e kësaj të fundit të shlyejë gabimin dhe të bëjë sa më parë prapakthehu para se dëmi ndaj futbollit shqiptar të bëhet i pariparueshëm.

FIFA ka vendosur që të mos e zgjatë debatin pa fund me përfaqësuesit e shtetit shqiptar. Duke parë kokëfortësinë e këtyre të fundit dhe dëshirën për të ndërhyrë në autonominë e FSHF-së, Komiteti Ekzekutiv i FIFA-s ka marrë dje vendimin drastik të pezullimit pa afat të Shqipërisë nga të gjitha aktivitetet ndërkombëtare. Vendimi është bërë zyrtar dje nëpërmjet faksit të mbërritur në orët e pasdites në FSHF, ku janë sqaruar të gjitha arsyet e këtij vendimi që dëmton futbollin shqiptar. "FIFA dëshiron të informojë FSHF-në dhe të gjithë komunitetin shqiptar të futbollit që Komiteti i saj Ekzekutiv, është mbledhur në Zyrih, më 14 mars, dhe ka rishikuar situatën në federatën tuaj. Duke dëgjuar raportin e kësaj situate, Komiteti Ekzekutiv mori informacion se gjatë dy viteve të fundit, FSHF ka qenë objekt i një ndërhyrjeje konstante qeveritare nëpërmjet auditimeve të paligjshme, fushatave denigruese kundër presidentit të FSHF-së me akuzat e paprovuara për fiksim ndeshjesh nga ministri i ngarkuar për Sportin, refuzimin e statusit të ri të FSHF-së në versionin e aprovuar nga anëtarët tuaj dhe paraprakisht të aprovuar nga FIFA dhe UEFA, etj. Komiteti Ekzekutiv vuri re se të gjitha përpjekjet, nëpërmjet vizitave në Shqipëri dhe letrave të përbashkëta FIFA-UEFA, për të krijuar kushtet që t‘i mundësonin FSHF-së të respektonte detyrimet e saj përkundrejt FIFA-s, në veçanti pavarësinë e saj për procesin e brendshëm vendimmarrës, kanë dështuar për shkak të rezistencës nga ministri i ngarkuar për Sportet për të njohur këtë pavarësi. Komiteti Ekzekutiv vendosi të pezullojë FSHF-në me efekt të menjëhershëm në bazë të Nenit 14 të Statusit të FIFA-s", shkruhej në faksin që mbërriti dje në FSHF, i nënshkruar nga Sekretari i Përgjithshëm i FIFA-s, Zherom Vlake. Mesazhi i ndërkombëtarëve është i qartë dhe topi ka kaluar në këmbët e shtetit shqiptar, i cili sapo ka pësuar autogolin e dytë në 12 vitet e fundit.

G.Shqip

[Flori]

• Trajneri do të mbërrijë sot në Tiranë për të vendosur rreth kuqezinjve.

Trajneri Ari Han do të jetë ai që do të vendosë nëse do të grumbullohet apo jo kombëtarja shqiptare dhe çfarë do të ndodhë me kuqezinjtë gjatë këtyre dy javëve. Pezullimi i Shqipërisë nga FIFA e ka bërë situatën kaotike dhe as vetë drejtuesit e FSHF-së nuk e dinë se si të veprojnë me lojtarët që ishin planifikuar të udhëtonin drejt Arabisë Saudite dhe atyre që do të merrnin pjesë në miqësoren me Moldavinë. Sipas rregullave të pezullimit ndërkombëtar, kuqezinjtë nuk lejohen të luajnë as miqësore, pasi anëtarët e FIFA-s mund të përballen me pasoja nëse pranojnë një ndeshje me kombëtaren shqiptare. Për këtë arsye, të gjithë janë në pritje të mbërritjes në vendin tonë të trajnerit Ari Han, i cili do të vendosë të gjitha variantet e mundshme që do të shqyrtojë në ditët e ardhshme.
Përgjegjësi i zyrës për shtyp në FSHF, Lysjen Nurishmi, bëri të ditur se vetëm pas mbërritjes së trajnerit Ari Han në vendin tonë, gjatë ditës së sotme, do të vendoset se çfarë do të bëhet në javët në vazhdim. "Pas pezullimit nga FIFA, ne nuk mund të luajmë ndeshje ndërkombëtare, qoftë edhe miqësore. Për këtë arsye, jemi në pritje të mbërritjes në Shqipëri të trajnerit Ari Han, me të cilin do të diskutojmë atë që do të bëjmë gjatë kësaj periudhe. Tani për tani, nuk u kemi komunikuar asgjë lojtarëve, pasi do të jetë vetë trajneri ai që do të ketë fjalën e fundit mbi këtë grumbullim", u shpreh Nurishmi.
Vetë FSHF do të kontaktojë edhe një herë gjatë ditës së sotme me dy kombëtaret, me të cilat kishin planifikuar miqësore gjatë ditëve të ardhshme, Arabinë Saudite dhe Moldavinë. Atyre do t‘u raportohet me saktësi se çfarë ka ndodhur gjatë ditëve të fundit dhe me shumë mundësi do t‘u komunikohet pamundësia për të zhvilluar takimet e planifikuara prej më shumë se një muaji. Por kjo nuk do të thotë se kombëtarja nuk do të grumbullohet, pasi trajneri Han mund të zgjedhë që të zhvillojë një zbor stërvitor me futbollistët kuqezi gjatë këtyre ditëve, si me ata që luajnë në kampionatin shqiptar, ashtu edhe me "legjionarët" që luajnë në Evropë, të cilët pritej të aktivizoheshin vetëm në ndeshjen me Moldavinë.
Ari Han dëshironte të njihte sa më mirë të gjithë futbollistët, ndaj kishte kërkuar zhvillimin e dy miqësoreve. Kjo mund ta shtyjë atë të shfrytëzojë pauzën e planifikuar në kampionat për të zhvilluar një grumbullim të përbashkët të dy kombëtareve, e pse jo, edhe një ndeshje miqësore mes tyre. Një tjetër hipotezë që u ka lindur drejtuesve të FSHF-së është edhe ajo e zhvillimit të një miqësoreje me përfaqësuesen Shpresa, e cila ashtu si kombëtarja, do të qëndrojë pushim më datë 26 mars, ndonëse kishte në kalendar një ndeshje me Greqinë.

(Shqip)

[alpost]

Han e ndan mendjen: Largohem nese s'ka marreveshje
Jeton Selimi
E Merkure, 19 Mars 2008


Eshte shprehur mjaft i shqetesuar per situaten qe po kalon Shqiperia e futbollit, por sidoqofte ruan nje fije shprese dhe beson se dicka do te behet. Por, nese nuk ndodh asgje, atehere dirigjenti Han do te kerkoje nje tjeter orkester per te drejtuar, pasi ketej nga vendi i shqiponjave, simfonite jane shume te zhurmshme. Nje si ai, i mesuar te qendroje mes presioneve nga me te ndryshmet (konfliktet kur drejtonte Persepolisin apo ferkimet e shpeshta me presidentin e federates se Kamerunit), mund ta mbajne edhe ca kohe ne krye te kuqezinjve, me pas gjithcka kuptohet lehte, rruget ndahen, secili drejt nje fati me te mire. Kjo eshte ajo qe mendon edhe trajneri i perfaqesueses kuqezi, Ari Han, i cili do te prese qe ujerat e turbullta te qetesohen, por eshte lehtesisht e kuptueshme qe ne dy raste ai do te ike nga syte kembet: kur ujerat te mos qetesohen me (d.m.th., kur FIFA te jape vendimin e prere te perjashtimit) dhe kur ujerat te kerkojne shume kohe te qetesohen (d.m.th., kur do te nevojitet shume kohe mes bisedimeve dhe tentativave te paqes). Fundja, ai nuk ka perse te qendroje ketu. Para Shqiperise e kerkonte Irlanda, pas kuqezinjve nuk i dihet. Por CV-ja e tij ha buke ne te gjithe boten (ka drejtuar ne Evrope, Azi, Afrike) ndaj Han shprehet fare qarte: "Ne do te qendroj apo jo ne krye te kuqezinjve? Vendimi im do te varet nga marreveshja qe do arrihet".

Deklarata

Trajneri kuqezi ka leshuar prononcimin e tij te pare per situaten me te cilen eshte ndeshur pak dite perpara se te mberrinte ne kryeqytetin shqiptar, per t'i dhene doren e fundit Kombetares kuqezi. Plani i tij ishte te bente gati nje ekip per takimin e pas dy diteve kunder Arabise Saudite, por gjithcka tashme eshte hedhur ne ere. Han nuk ka ngurruar te flase per mediat shqiptare. "Me vjen vertet keq per kete situate, sepse une doja t'i zhvilloja ndeshjet miqesore me Arabine dhe Moldavine, pasi nuk jam ne brendesi te skuadres. Fale ketyre dy ndeshjeve, do te kisha nje mundesi te mire per t'u njohur me grupin e lojtareve", deklaron trajneri i kuqezinjve, i cili me pas nuk heziton aspak te shigjetoje politikat e ndjekura nga qeveria kunder FSHF-se: "Dicka eshte e sigurt, politika nuk duhet te perzihet me sportin", thote holandezi i stolit kuqezi. Por, Ari Han kerkon te tregohet optimist. Sipas tij, kjo situate mund te zgjidhet shpejt, madje aq shpejt sa ndeshja me Polonine do te zhvillohej pa asnje pengese. "Shqiperia nuk eshte vendi i pare dhe nuk do te jete vendi i fundit qe do te kete kete situate te ngrire me FIFA-n. Shqiperia nuk e meriton perjashtimin", perfundon deklaraten e tij, trajneri holandez i kuqezinjve, Ari Han.

Holandezi koke me koke me Duken

Trajneri i Kombetares kuqe, Ari Han, eshte takuar dje, paradite, ne Durres me presidentin e FSHF-se, Armand Duka. Nuk dihen detajet e bisedes se tyre, por kuptohet lehte qe holandezi i ka kerkuar Dukes garanci te mjaftueshme per te qendruar ne krye te stolit kuqezi. Sidoqofte, deklarata e leshuar pas takimit ne fjale, ka qene me se e qarte. Nese nuk do te kete marreveshje mes FSHF-se e MTKRS-se, largimi i tij eshte i sigurt.

Aprovohet miqesorja ndaj Kosoves

Per te zhvilluar nje ndeshje miqesore duhej gjetur patjeter nje skuader jo-anetare te FIFA-s. Kosova eshte zgjidhja ideale dhe trajneri Ari Han ka rene dakord per kete takim miqesor. Ende nuk dihen detaje per kete perballje, por nese do te vinte miratimi i pales kosovare, te cilat duan te luajne ndeshjen e pare, do te ishte perballja e trete mes Kosoves dhe Shqiperise. Ne dy sfidat e meparshme ka fituar Shqiperia me rezultatet 3-1 dhe 1-0.

Lista anti-Kosove, me shume lojtare

Praktikisht do te jete e njejta liste e aprovuar per miqesoren kunder Moldavise, vetem se ne kete rast, do te perfshihen me shume lojtare. Han ka mundesi te marre edhe te rinjte e Bushatit, skuadra e te cilit nuk do te luaje kunder Greqise, per shkak te pezullimit dhene futbollit shqiptar nga FIFA. Lojtaret e pare qe do te grumbullohen jane ata, te cilet u shnderruan ne molle sherri mes trajnerit holandez dhe shkodranit te Shpresave kuqezi.
(KJ)

[Qyfyre]

Po qe se rrime te pezulluar pa rendsi ka nese iken a rri ky.

Miqsoret me Kosoven i luajm dhe me Demollarin ne krye

[CuLi-GoaL]

Pezullimi i përkohshëm i Federatës Shqiptare të Futbollit nga FIFA ka hapur mundësinë e ndeshjes miqësore humanitare Shqipëri-Kosovë, në datën e lirë të FIFA-s, më 26 mars në Tiranë.

Në fakt, në këtë datë Shqipëria e kishte aranzhuar miqësoren kundër Moldavisë, por për shkak të pezullimit nga FIFA kjo miqësore është vë në dyshim të madh. Për këtë arsye, sot në FFK ka arritur ftesa zyrtare nga FSHF-ja për mundësinë e zhvillimit të miqësores Shqipëri-Kosovë në këtë datë, ku të ardhurat nga ndeshja do të shkonin për qëllime humanitare për viktimat e tragjedisë së Gërdecit. Në lidhje me këtë ftesë drejtuesit e FFK-së së shpejti do të japin përgjigje. Deri më tash Kosova ka luajtur dy miqësore me Shqipërinë. Në Tiranë ka humbur 3:1, kurse në Prishtinë ka humbur 1:0.

[Coca-Cola]

LA FICHA DEL PARTIDO:

1 - España: Casillas; Sergio Ramos, Puyol, Marchena, Capdevila (Fernando Navarro m.52); Xabi Alonso (Senna m. 46); Cazorla, Xavi, Cesc (Arbeloa m.84), Silva (De La Red m. 58) y Torres (Guiza m. 46)

0 - Estados Unidos: Howard (Guzan m. 46); Onyewu, Cherundolo (Hejduk m. 46), Bocanegra, Pearce; Freddy Adu (Beasley m. 46), Bradley, Mo Edu, Lewis (Wolff m. 70); Dempsey (Mastroeni m.86) y Johnson.

Gol: 1-0: m. 79, Xavi.

Árbitro: Sokol Jareci (Albania). Enseñó tarjeta amarilla a Bradley.

[Coca-Cola]

Kur Shqipëria do të përballet me Portugalinë në eliminatoret e Kampionatit Botëror 2010, sulmuesi i kombëtares shqiptare Edmond Kapllani (golashënuesi më i mirë i Shqipërisë në kualifikueset Euro 2008) do ta ndjejë veten të barabartë me lojtarin më të mirë në botë, Kristiano Ronaldon.

Të dy lojtarët, ashtu si gjithë të tjerët do të luajnë me të njëjtën fanellë. Ose më mirë me fanellat e prodhuar nga gjiganti amerikan “Nike”, kompania më e madhe e produkteve sportive në botë.

Federata Shqiptare e Futbollit zyrtarizoi sot në ambientet e Hotel “Tirana International” marrëveshjen me kompaninë “Nike”, ku firmat në kontratën dyvjeçare u hodhën nga presidenti i Federatës Shqiptare të Futbollit, Armand Duka dhe përfaqësuesi ekskluziv i “Nike” për Ballkanin, Igor Milojeviç i kompanisë “Delta Sport”.

“Sot do të nënshkruajmë një marrëveshje më një nga kompanitë më të mëdha në botë për të veshur ekipet tona kombëtare me produktet e ‘Nike’, -tha presidenti Duka në fjalën e tij. “Është vazhdimi i strategjisë së Federatës Shqiptare të Futbollit për të pasur sa më shumë partnerë seriozë, për ta zhvilluar më tej lojën dhe futbollin tonë”.

“Kontrata që ne do të zyrtarizojmë sot do të jetë për të gjithë periudhën e ndeshjeve eliminatore të Kampionatit Botëror 2010 (Afrika e Jugut). Nike do të veshë përfaqësuesen shqiptare me të gjitha veshjet. Risia është e kësaj marrëveshje është topi. Të gjitha ndeshjet e Kombëtares shqiptare do të luhen me topin “Nike”.

“Falënderoj përfaqësuesin e saj zotin Milojeviç dhe kompaninë Nike që pranuan të sponsorizojnë ekipin e futbollit tonë dhe t’i garantoj ata se ne do të bëjmë më të mirën për të rritur cilësinë e futbollit tonë për të nderuar një emër si “Nike”.

Përfaqësuesi i kompanisë “Nike” për rajonin e Ballkanit, Igor Milojeviç tha: “Jemi të kënaqur që kemi arritur një marrëveshje me Federatën Shqiptare. Unë kam parë vitin e kaluar disa ndeshje të Kombëtares shqiptare dhe kam vlerësuar pasionin e shqiptarëve për futbollin. Nike është një nga kompanitë më të mëdha në botë”. “Marrëveshja e arritur me federatën e futbollit është me përfitim të dyfishtë për të dyja palët. Shqipëria ka arritur rezultate shumë të mira në fushatën eliminatore të fundit dhe kjo na bën të besojmë se me firmosjen e kontratës do të kemi rezultate akoma më të mira në Shqipëri.

“Nike do të sjellë prodhimet më të mira në Shqipëri. Le të shpresojmë se Nike të jetë edhe një ogur i mirë për Kombëtaren shqiptare. Nike furnizon me uniforma Brazilin, Portugalinë, Kroacinë e të tjera ekipe të mëdha si dhe një numër të madh sportistësh cilësorë. Lë të shpresojmë se do të arrijmë më shumë fitore me përfaqësuesen shqiptare”.

“Kontrata me Federatën Shqiptare të Futbollit fillimisht do të jetë për dy vjet, përkatësisht për periudhën kur edhe do të zhvillohen eliminatoret e Kampionatit Botëror të vitit 2010 në Afrikë e Jugut. “Gjithsesi ne do të shohim mundësinë që të bashkëpunojmë edhe në ligat e futbollit shqiptar”

”, - tha për Albania-sport.com, përfaqësuesi i “Nike”, Igor Milojeviç.

“Përse vendosët të bashkëpunoni me Shqipërinë? Ne kemi parë se futbolli në Shqipëri, ashtu si kudo në Europë është sporti numër 1. Ne të gjithë po shohim se sesa shumë të dhënë janë njerëzit për futbollin në Kampionatin Europian. Unë besoj se Federata Shqiptare do të punojë për rezultate të mira

Në ceremoninë e zhvilluar ishte i pranishëm edhe sekretari i FSHF-së, Arben Bici si dhe menaxheri i përgjitshëm e kompanisë shqiptare “Sportiva”, Arjan Sala, i cili përfaqëson ekskluzivisht kompaninë “Nike” në Shqipëri.

Kompania amerikane është themeluar në vitin 1972 dhe në vitin 2007 nga shitjet në të gjithë botën kishte një xhiro vjetore prej 16.2 miliardë dollarësh dhe me një fitim neto prej 1.5 miliardë dollarë.

[Apollyon]

Federata Shqiptare e Futbollit zyrtarizoi sot në ambientet e Hotel “Tirana International” marrëveshjen me kompaninë “Nike”, ku firmat në kontratën dyvjeçare u hodhën nga presidenti i Federatës Shqiptare të Futbollit, Armand Duka dhe përfaqësuesi ekskluziv i “Nike” për Ballkanin, Igor Milojeviç i kompanisë “Delta Sport”.

Fantastike, Nike eshte nje sponsor gjigand, edhe mund te sponsorizoje ne shum gjera. Eshte dicka shum e mire per futbollin tone te kemi sponsor Nike.

[RaPSouL]

Shqipëria ka fituar në ndeshjen miqësore me Lihtenshtajnin me rezultat 2:0.Pas humbjes së ndeshjes së parë nën drejtimin e kuqezinjve me Polonin, Ari Han ka fituar të dytën me Lihtenshtajn. Edhe pse me një disnivel mes dy skuadrave, kjo ka qenë një provë e sukseshme e skuadrës shqiptare. Që në fillim të takimit pas një akcioni të shpejtë Hyka ka kaluar skuadrën shqiptare në avantazh.

Ndërkohë, në minutën e 18 Kapllani i ndihmuar nga mbrojtësi i Lihtenshtejnit duke mbyllur pjesën e parë me rezultat 2:0. Edhe pjesa e dyte ka përfunduar me të njejtin rezultat.

[ReaLFan]

Shqipria 3-o Malta

Bogdani [1-0]
Durro [2-0]
Dallku [3-0]


ne dy ndeshje te marresh 4 pik nuk ehst keq.