Kombëtarja Shqiptare - [lajme dhe komente]

[Qendi]

Haan shpall listën e lojtarëve


Portierë

1. IlionLika Elbasani







2. Enea Koliqi Iraklis FC



3. Samir Ujkani Palermo











Mbrojtës






1. Nevil Dede Tirana








2. Andi Lila Besa










3. Erion Xhafa Tirana












4. Enri Vrapi Tirana












5. Tefik Osmani Partizani












6. Elvis Sina Tirana








7. Arjan Pisha Dinamo








8. Ansi Agolli Vaasan Palloseura




















Mesfushor







1. Klodian Duro Tirana




2. Blendi Shkembi Partizani



3. Elis Bakaj Partizani



4. Jahmir Hyka Tirana



5. Gilman Lika Vllaznia



6. Paulin Dhembi Partizani



7. Bekim Kuli Dinamo



















Sulmues







1. Vioresin Sinani Vllaznia




2. Daniel Xhafa Tirana



3. Migen Memelli GAIS



4. Xhevair Sukaj Vllaznia



5. Sabino Plaku Dinamo


6. Shaban Ismaili FC Stuttgart

Skuadra Kombëtare Shqiptare do të grumbullohet nga data 14-23 Janar në Turqi. Lojtarët e Partizanit dhe Tiranës dominojnë në listën e trajnerit Haan

[MaDaBeR]

Per mendimin tim ky grumbullim eshte teper fallco dhe nuk do ti sherbeje per asnje gje trajnerit te kombetares. Ne kete liste bejne pjese lojtare 30 vjeçar e siper, te cilet kur nuk kane patur mundesi ti japin diçka kombetares tone ne moshe te re, tani qe po i le fuqia nuk kane çfare ti japin me. Ne kemi boll lojtare te vjeter ne kombetare, dhe detyra imediate e trajnerit Han eshte qe te fuse elemente te rinj ne kete kombetare jo te mare te tjetere "pleq".

[goldian]

Alban Ramaj, sulmuesi kosovar që luan me skuadrën e dytë të Energi Kotbus dëshiron që t’i jepet një mundësi me përfaqësuesen kuqezi. 22-vjeçari një vit më parë u kërkua nga trajneri Bariç për t’u testuar në disa zbore që ai organizoi, por Ramaj nuk mundi të paraqitej për shkak se ish-klubi i tij, TSV Mynih nuk e lejoi që të udhëtonte drejt Tiranës. Ramaj ka thënë se ka shumë dëshirë që të luajë në të ardhmen me përfaqësuesen shqiptare dhe dëshiron që të testohet në Antalia, bashkë me lojtarët e tjerë që do të jenë në “lupën” e trajnerit Ari Han nga data 14 deri në 23 janar. “Kam shumë dëshirë që të luaj për Kombëtaren shqiptare dhe jam i gatshëm që të udhëtoj drejt Antalias, por nuk e di nëse do të më jepet mundësia – ka thënë Ramaj. – Vitin e kaluar Federata Shqiptare e Futbollit më bëri një ftesë për t’u paraqitur në një nga zboret që organizoi Bariç, por unë nuk munda që të vija për shkak se drejtuesit e ish-skuadrës time nuk më lejuan.

Atëherë kjo u keqkuptua dhe u interpretua sikur unë nuk kisha dëshirë të luaja për Shqipërinë, por kjo nuk është aspak e vërtetë”, ka thënë Ramaj.

PanoramaSport

per mua eshte pese me hic
ska ndonje vlere te vecante
ishalla gabohem

[goldian]

Per mendimin tim ky grumbullim eshte teper fallco dhe nuk do ti sherbeje per asnje gje trajnerit te kombetares. Ne kete liste bejne pjese lojtare 30 vjeçar e siper, te cilet kur nuk kane patur mundesi ti japin diçka kombetares tone ne moshe te re, tani qe po i le fuqia nuk kane çfare ti japin me. Ne kemi boll lojtare te vjeter ne kombetare, dhe detyra imediate e trajnerit Han eshte qe te fuse elemente te rinj ne kete kombetare jo te mare te tjetere "pleq".

edhe une jam dakord me ty
keto grumbullime jane sa per te thene
se asgje nuk sjellin
asnje nga lojtaret e grumbulluar sdo jete pjese e komtares ose maksimumi 2 a tre do jene per pankine nje here ne vit

[Flori]

Ismaili kenaq trajnerin Arie Haan ne miqesore

Kombëtarja B ka barazuar 2-2 në miqësoren e parë në Antalia, por trajneri Ari Han duket se e ka arritur një nga objektivat e këtij “zbori”, atë të gjetjes së ndonjë futbollisti të vlefshëm për në kombëtare. Shaban Ismaili, 19 vjeçari shqiptar i Shtutgartit, ka shkëlqyer në takimin e djeshëm, duke qenë nga më të mirët në fushë. Talenti kosovar ka bërë disa veprime të bukura teknike dhe ka qenë një rrezik konstant në sulm, ku u aktivizua në krah të tij. Trajneri Ari Han e pati vendosur skuadrën në fushë me një skemë 4-3-3, me Memellin si sulmues të vetëm, i ndihmuar nga Muzaka e Ismaili. Takimi përfundoi me rezultatin 2-2 edhe pse Shqipëria dominoi. Në fillim shënuan kazakët e më pas Migen Memelli i dha avantazhin ekipit kuqezi me dy gola në minutat 39’ e 41’.

Gjithsesi ndeshja u barazua në pjesën e dytë, gjë që nuk e kënaqi shumë trajnerin Ari Han, sipas të cilit, futbollistët bënë gabime elementarë në fushën e lojës. Paraqitja e djeshme por edhe impenjimi i treguar gjatë grumbullimit në Antalia, duket i kanë bindur drejtuesit e Federatës që të nisin shumë shpejt procedurat për pasaportë të Ismailit.

[tonny2]

Nje faks i mberritur ne dicka me vone se fillimi i orarit zyrtar te punes ne Ministrine e Turizmit, Kultures, Rinise dhe Sporteve ka shkundur te gjithe ambientin nga kati i pare ne te katertin. FIFA dhe UEFA i kane kerkuar ministrit Pango te ndale auditimin e brendshem ne FSHF per fondet e ketyre dy organizmave, perndryshe ajo qe do te sanksionohet rende dhe gjate do te jete federata dhe per rrjedhoje, tere futbolli shqiptar ne te gjitha shkallet e tij. Afati i fundit eshte data 21 shkurt.
Konferenca per shtyp e parashikuar te organizohej dje, paradite, eshte anuluar papandehur dhe nuk u dha asnje shpjegim nga ana e MTKRS per kete gje, por neper korridore u fol per mberritjen e nje faksi nga ana e FIFA-s dhe UEFA-s, nje faks me nje permbajtje aspak dashamirese, lidhur me planet e ministrise. Te paret qe kane perhapur informacion per ekzistencen e nje faksi te tille, kane qene anetare te federates, qe nuk kane ngurruar te tregojne dicka nga permbajtja, ndonese nuk kane mundur te lexojne dot asnje rresht, por mbledhja urgjente e kabinetit te ministrit Pango per kete ceshtje ka vertetuar disi ate cka ka ndodhur ne realitet, ndersa me vone gjithcka u be e qarte: kercenimi ishte real dhe FIFA e UEFA nuk kane aspak ndermend te lejojne qe autonomia e FSHF-se te vihet ne diskutim.

Sekretaret e Pergjithshem te FIFA-s dhe UEFA-s, Zherom Valke dhe Dejvid Tejlor, me firmat e tyre ne fund te fletes bardhezi, kane minuar deshirat e ministrise se linjes, qe ishte betuar t’ia fuste kembet ne nje kepuce presidentit Duka. Kater pikat themeltare te faksit nuk ishin aspak te kendshme per MTKRS-ne, e cila eshte vene plotesisht me shpatulla pas murit. Institucionet me te larta te futbollit boteror i kerkojne ministrise te ndale auditimin, te perpiloje akuza me fakte per kreun e FSHF-se dhe per trukimet e ndeshjeve te nentorit, si dhe te firmose statutin e FSHF-se, qe ka mbetur pezull prej kohesh, ndonese MKTRS ishte zotuar ta mbyllte kete kapitull qe ne qershorin e vitit te kaluar. Dhe, qershiza mbi torte, nese keto probleme vazhdojne te jene prezent deri me daten 21 shkurt, gati nje muaj me pas, FIFA dhe UEFA do ta denojne FSHF-ne, qe ndryshe per te gjithe tifozet shqiptare perkthehet: lamtumire Kombetare dhe Kupave te Evropes. Ne fund te faksit jane firmat e Zherom Valke dhe Dejvid Tajlor, respektivisht sekretare te Pergjithshem i FIFA-s dhe UEFA-s.

FIFA dhe UEFA-Pangos: Keni shkelur premtimin

Por dushi i ftohte i dy organizmave te medha te futbollit nuk ka ndermend ta lere me kaq. Ne faksin e famshem, ato i kujtojne ministrit Pango se me daten 9 qershor i pati premtuar zv/presidentit te FIFA-s, Senes Erzik, gjate nje vizite te delegacionit te perbashket te FIFA-s dhe UEFA-s, se qeveria shqiptare nuk ka interes ne auditimin ne fondet e FIFA-s dhe UEFA-s.

Tre pikat themeltare te faksit te derguar nga FIFA dhe UEFA

1- Ndalimi i menjehershem i auditit financiar kunder FSHF, qe perfshin edhe fondet e FIFA-s dhe UEFA-s.

2- Te dergoni ne UEFA, brenda dates 21.02.2008, faktet e premtuara nga ju, per akuzat ndaj presidentit te FSHF-se, Armand Duka, ne lidhje me fiksimin e ndeshjeve kualifikuese te EURO 2008.

3- Te anuloje veprimet ligjore qe pengojne regjistrimin ne Gjykaten perkatese te statutit te FSHF-se, adaptuar ne Asamblene e Pergjithshme te FSHF-se ne qershor te 2007, ne menyre qe statuti i FSHF-se te jete i regjistruar deri me date 21 shkurt 2008.

Spahia: FSHF ka keqinformuar FIFA-n e UEFA-n

Ndersa ministri Pango nuk ka pasur deshire te komentoje me shume kete ngjarje, ne emer te MTKRS-se, ka reaguar zv/ministri Ekrem Spahia, i cili eshte shprehur se gjithcka eshte e bazuar ne ligj dhe se federata ka keqinformuar organizmat ne fjale. “FSHF ka keqinformuar dy organizmat e futbollit nderkombetar ne lidhje me ndryshimin e ligjit mbi auditivin, pasi gjithcka eshte konform ligjit, tha numri 2 i Ministrise se Sporteve. Ligji na jep te drejten qe cdo 2 vjet te kontrollojme te gjitha organizatat publike, ku perfshihet FSHF, apo edhe federatat e tjera sportive ne vendin tone”. Me pas, ai theksoi se FSHF nuk e ka informuar FIFA-n dhe UEFA-n ne lidhje me ndryshimet ne ligjin e shtetit shqiptar, por ministria do ta beje me deshire dicka te tille. “Do te dergojme serish nje leter te FIFA dhe UEFA, ku do t’i mirinformojme ne lidhje me kete ceshtje. Do t’i njoftojme keto dy organizma me ndryshimet ne ligjin e shtetit shqiptar”, ka perfunduar deklaraten e tij zv/ministri i MTKRS-se, Ekrem Spahia.

Rast i ngjashem

Greqia pezullohet nga FIFA ne veren e vitit 2006

Greqia u perjashtua nga FIFA nga te gjitha aktivitetet futbollistike nderkombetare me 3 korrik te vitit 2006, pasi qeveria greke nuk respektoi autonomine e Federates Greke te Futbollit, duke i dhene keshtu fqinjeve tane nje pezullim pa afat. Por, gjithcka mori fund shpejt sepse Parlamenti grek ndryshoi menjehere disa nene ne Ligjin per Sportin, duke i dhene keshtu federates greke autonomine e kerkuar nga qeveria e futbollit boteror dhe nga ajo evropian

[Qyfyre]

Ishalla na perjashtojne qe te bien rehat te gjithe e mos zihen me

[Qyfyre]

Per mendimin tim ky grumbullim eshte teper fallco dhe nuk do ti sherbeje per asnje gje trajnerit te kombetares. Ne kete liste bejne pjese lojtare 30 vjeçar e siper, te cilet kur nuk kane patur mundesi ti japin diçka kombetares tone ne moshe te re, tani qe po i le fuqia nuk kane çfare ti japin me. Ne kemi boll lojtare te vjeter ne kombetare, dhe detyra imediate e trajnerit Han eshte qe te fuse elemente te rinj ne kete kombetare jo te mare te tjetere "pleq".

ka pas te rinj plot ne grumbullim. shumica kane qene te rinj. Lojtar si Dhembi, Sinani e ndonje tjeter, dakort qe sja vlen te testohen se dihen kush jane, po kane qene dhe te rinj plot.

[Cimo]

Projektligji i ashtuquajtur “Këmbët e pastra” do të dërgohet në Kuvend për miratim. Shqipëria nuk ka mundur t’i shpëtojë virusit “trukim”, që po dëmton rëndë sportin

Dash Frashëri

“Paracaktimi i rezultateve në garat sportive përbën kundërvajtje penale dhe dënohet me gjobë deri në 2 vjet burgim. Po kjo vepër, kur kryet me qëllim përfitimi pasuror, dënohet me burgim nga 2 deri në 7 vjet dhe gjobë nga 100 mijë deri në 3 milionë lekë”. Ky është thelbi i ndryshimeve që pritet të miratohen në “Kodin Penal të Republikës së Shqipërisë” ose në Ligjin Nr. 7895 datë 27.01.1995. Ndryshime këto të propozuara nga Ministria e Turizmit, Kulturës, Rinisë e Sporteve në bashkëpunim me Shoqatën Kombëtare të Prokurorëve dhe Zyrën e Mbrojtjes së Qytetarëve.
Kërkesa për një futboll me “këmbë të pastra” synon rishikimin e ligjit për të frenuar fenomenin shkatërrues të futbollit shqiptar si trukime, shitje e fiksime të rezultateve në botën e sportit.
VEPËR PENALE – “Fenomeni i paracaktimit të rezultateve të garave sportive si dhe rastet kur këto rezultateve paravendosen me qëllim përfitimi ose jo, kanë qenë të shpeshta. Kjo del në pah duke iu referuar dhe një seri faktesh të rënda, të njohura për të gjithë, në denoncime të vazhdueshme publike e jopublike, të bëra nga drejtues klubesh, gazetarë sportivë e deri institucione prestigjioze ndërkombëtare”, - shkruhet në relacionin e paraqitur në emër të grupit të punës nga prokurori Shkëlqim Hajdari. “Trukimet e sporteve tashmë do të gjykohen në bazë të Kodit Penal dhe çdo ndërhyrje në sport do të dënohet si vepër penale”, - tha kreu i Shoqatës së Prokurorëve, Shkëlqim Hajdari. “Kjo nismë ligjore është një përmirësim i një boshllëku në Kodin Penal dhe i shërben drejtpërdrejt përmirësimit të sportit dhe largimit të tij nga fenomenet e trukimeve, që janë një shkatërrim për sportin në tërësi”, - theksoi Hajdari. “Ishte e domosdoshme që të bëhej një ndërhyrje e tillë në Kodin Penal dhe se duhen luftuar të gjitha ato trukime apo fiksime rezultatesh që nuk pasqyrojnë realitetin. Kryerja e veprës penale, që do të klasifikohet tashmë, ajo e shitjes, trukimit apo fiksimit të rezultateve në sport, është një shkatërrim për sportin, ndaj duhet vlerësuar si një vepër që meriton ndëshkim sipas Kodit Penal”.
HETIMI I NDESHJEVE- “Kryerja e veprës penale që do të klasifikohet tashmë, ajo e shitjes, trukimit apo fiksimit të rezultateve në sport është një shkatërrim për sportin dhe ndaj duhet vlerësuar si një vepër që meriton ndëshkim sipas Kodit Penal”, - pohoi përfaqësuesi i Prokurorisë, Hajdari. "Futja e kësaj dispozite në Kodin Penal do të bëjë të mundur hetimin e çdo dyshimi për përcaktimin e rezultateve në garat sportive dhe do të sjellë parandalimin e këtyre fenomeneve, të cilat dëmtojnë rëndë sportin në vendin tonë".
“FAIR-PLAY” - “Hartimi dhe përafrimi i legjislacionit shqiptar me atë të Bashkimit Europian ka qenë dhe mbetet një nga detyrat parësore të MTKRS-së. Në fushën e legjislacionit sportiv ne jemi bazuar në përvojën më të mirë dhe të përparuar ndërkombëtare, duke e përshtatur atë sipas kushteve tona”, - deklaroi zëvendësministri i MTKRS-së, Ekrem Spahia. “Ne jemi të bindur se kjo nismë, që është edhe në kuadrin e bashkëpunimit me UEFA-n dhe FIFA-n për një futboll ‘Fair-Play’, do të ndihmojë për minimizimin e fenomeneve të dëmshme në sport dhe ndëshkimin e personave përgjegjës", - tha zëvendësministri i MTKRS-së, Ekrem Spahia.
AFERA KORRUPTIVE - “Zyra e Mbrojtjes së Qytetarëve sheh të konkretizohet një angazhim i saj i hershëm. Ne si organizëm kemi mjaft kohë që kemi ngritur zërin dhe kemi denoncuar një mori problemesh që kanë shqetësuar botën e sportit në Shqipëri”, - tha përfaqësuesi i ZMQ-së, Guri. “Projektligji do të plotësonte një mangësi të dukshme në kuadrin ligjor, duke ndihmuar përpjekjet e të gjitha palëve për të luftuar aferat korruptive në botën e sportit". Futja e kësaj dispozite në Kodin Penal të Republikës së Shqipërisë do të bëjë të mundur hetimin për çdo dyshim të trukimeve në sport, do të parandalojë zhvillimin e këtyre fenomeneve shkatërruese në sport dhe do të ndikojë në zhvillimin e një sporti të pastër dhe larg “këmbëve të pista”.

Hajdari

“Del e domosdoshme ndërhyrja e menjëhershme e organeve të iniciativës ligjore në përmirësimin e situatës, para se ajo të shkojë drejt kolapsit të plotë”

Vakuum ligjor

Në zbatim të detyrave të veta funksionale dhe duke u bashkuar me shqetësimet e arsyeshme të shprehura nga drejtues të klubeve, trajnerë, sportistë, media dhe sportdashës, pas trukimit të disa ndeshjeve MTKRS-ja ka arritur në përfundimin se është e domosdoshme që të plotësohet një vakuum ligjor që ekziston në Kodin Penal në lidhje me këtë çështje.

24 amendime

Gjatë vitit 2007, me nismën e MTKRS-së dhe në konsultim me grupet e interesit, Kuvendi i Shqipërisë, më 22 tetor të vitit 2007 miratoi me votat e maxhorancës dhe të opozitës plot 24 amendime në Ligjin “Për Sportin”, të cilat synonin përmirësimin e Ligjit Nr. 9376, të miratuar më 21 prill 2005.

Jo vetëm futbolli

Projektligji nuk ka lidhje vetëm me sportin e futbollit, por dhe me sporte të tjera, si boksi, peshëngritja, volejbolli, basketbolli, shahu etj. do të ndëshkohen në rast se provohet trukimi i rezultateve.

“Futbolli i pastër”, kontrolli më 26 janar

21 shkurti është afati i fundit i vendosur nga FIFA dhe UEFA për reflektimin e qeverisë shqiptare në lidhje me konfliktin MTKRS-FSHF, por kontrolli “trepalësh” i grupit të punës me përfaqësues nga Drejtoria e Auditit të Brendshëm të MTKRS-së, Auditit të Ministrisë së Financave dhe Drejtorisë së Përgjithshme të Tatimeve do të nisë më 26 janar, dhjetë ditë pas kërkesës së dërguar FSHF-së nga dy Ministritë (Sportet dhe Financat), më 16 janar. Edhe pse Shqipëria rrezikon shumë deri në përjashtim nga të gjitha aktivitetet futbollistike në botë nëse qeveria hyn në punët e FSHF-së, prapë se prapë auditi, që mund të kushtojë shumë, do të kryhet. “Deri tani nuk kemi asnjë shkresë zyrtare nga Federata Shqiptare e Futbollit që nuk pranon auditimin. Nuk duhet të paragjykojmë e pranon apo nuk e pranon Federata kontrollin, përderisa nuk kemi një shkresë zyrtare ku të shkruhet se nuk e pranojnë auditimin”, - tha Spahia.

Vite pa u kontrolluar

“FSHF-ja ka vite që nuk kontrollohet. FSHF-ja, ashtu siç ka detyrimin që të zbatojë statutin e saj, ka detyrimet që të zbatojë detyrimet e shtetit shqiptar, por dhe detyrimin të zbatojë statutet e UEFA-s e FIFA-s. Ne duam të mbrojmë futbollin dhe sportin në tërësi nga të gjitha fenomenet negative. Deklarata e Platinisë? Është detyrë e tij të mbrojë Federatën nga fenomeni i korrupsionit, ashtu siç kërkon të bëjë edhe shteti shqiptar”, - tha zëvendësministri i Turizmit, Kulturës, Rinisë e Sporteve, Ekrem Spahia, gjatë konferencës së djeshme për shtyp. “Ne nuk duam ta dëmtojmë Federatën e Futbollit, por për ta ndihmuar atë, për të shkuar në koherencë me dëshirën e sportdashësve të futbollit, që futbolli të ketë një cilësi më të lartë dhe mbi të gjitha të jetë një futboll i pastër. Auditi nuk cenon pavarësinë e FSHF-së, por shpëton futbollin nga fenomenet korruptive”, - theksoi Spahia. “Ato që nuk na takojnë nuk kemi pse t’i kontrollojmë”.

Pse nuk firmoset statuti i FSHF-së

Statuti i ri i Federatës Shqiptare të Futbollit ka kohë që ndodhet në tavolinën e punës së ministrit Pango, por ai ende nuk është firmosur nga titullari i Sporteve. “FSHF-ja duhet të implementojë në statutin e saj parimet bazë të statutit tip në bazë të ndryshimeve që ka pësuar ligji i sporti. Në momentin më të parë që FSHF-ja firmos ndryshimet duke respektuar ligjin, atëherë ministri firmos statutin dhe Federata e çon në gjykatë për t’u regjistruar”, - sqaroi zyrtari i lartë i Ministrisë. “Deri tani nuk ka ndodhur, ashtu siç e kanë bërë edhe 26 federata të tjera.

Asnjë qindarkë në Thesar

“Federata Shqiptare e Futbollit nuk ka derdhur asnjë qindarkë prej disa vitesh në Thesar”. Ky ishte alarmi i numrit dy të Sporteve. Kontrolli ndaj FSHF-së është një detyrim ligjor që i njihet nga ligjet e shtetit shqiptar Ministrisë së Sporteve”, - theksoi Spahia. “Ne do të ecim sipas procedurave të kontrollit dhe sipas të gjitha të drejtave për kontroll. Ne nuk kemi paragjykime për Federatën Shqiptare të Futbollit. Kjo nuk është një betejë politike, pasi betejën politike e fituam më 3 korrik 2005, edhe kryeministri Berisha, edhe ministri (Pango) kundër një prej figurave më të mëdha të korrupsionit (Angjeli)”, - përfundoi zëvendësministri i Sporteve, Spahia.

“Torta” televizive

Përveç fondit grant që jep MTKRS-ja, është edhe e drejta televizive që nuk e japin FIFA dhe UEFA, por që përfiton Federata me shitjen e saj. “Ju mendoni të mos kontrollohet? Shteti është aksionar në të drejtën televizive: 5 për qind i merr shteti, 5 për qind i merr Fondi Shqiptar për Zhvillimin e Sportit dhe 90 për qind i merr Federata Shqiptare e Futbollit”, - tha zëvendësministri Spahia.

Platini: “Futbolli përballet me pastrim parash”

“Futbolli përballet aktualisht me probleme si pastrim parash, baste të jashtëligjshme, fiksimin paraprak të rezultatit, racizëm, doping, madje edhe trafikim të atletëve të rinj nga Afrika dhe Amerika Latine". Ky është alarmi i presidentit të UEFA-s, Mishel Platini. Këshilli i Europës dhe UEFA u bëjnë thirrje Federatave të Futbollit të bashkëpunojnë me autoritetet e vendeve përkatëse për të luftuar korrupsionin në sport e sidomos në futboll. Dy zyrtarë të nivelit të lartë, Hoze Luiz Arno (Komiteti i Kulturës, Shkencës dhe Edukimit të Këshillit Europian) dhe Mishel Platini (UEFA) propozuan përpara Asamblesë Parlamentare në Strasburg Rezolutën “11.467” për krijimin e Modelit Europian të Sportit. “Ne jemi të shqetësuar për të ardhmen e kësaj fushe në gjirin e europianëve dhe po punojmë për zgjidhjen e problemeve. Skandalet e fundit në disa vende evropiane, që përfshijnë manipulimin e rezultateve të ndeshjeve, ka dëmtuar seriozisht imazhin e sportit në Europë. Disa mekanizma janë të nevojshëm për të reduktuar rrezikun e fiksimit paraprak të rezultatit dhe formave të tjera të korrupsionit. Këto probleme do të kërkojnë edhe një angazhim më të madh të autoriteteve shtetërore", - thuhet në rezolutën e KE-së. Rezoluta mbështet autonominë e federatave dhe jo pavarësinë e tyre nga autoritetet shtetërore.
albania-sport

[tonny2]

Per here te dyte qe kur ka dhene doreheqje, 75-vjecari ne menyre te vecante ze ne goje dy lojtare te dyshuar te Kombetares se Shqiperise, por ngurron t’ua beje publike emrat

Ish-seleksionuesi i Kombetares se Shqiperise, Oto Baric, i frustuar me ate qe i ndodhi ne dy ndeshjet e fundit eliminatore per “Euro 2008”, ka akuzuar lojtaret shqiptare se ishin te lidhur me bastet. Per me teper, 75-vjecarit Baric i mbetet merak se si per “hater” te skuadres kuqezi refuzoi oferten e bosit te Dinamos se Zagrebit, Zdravko Mamic, per t’u bere skauti kryesor i skuadres. Ne nje interviste per “Jutarnji list”, Baric ka hedhur dyshimin per manipulim te ndeshjes me Rumanine, sidomos ne dy lojtare qe ai nuk i nxjerr me emer.

“E lakmova Shqiperine, por shpejt e pashe se atje nuk mund te ecet para. Kjo u deshmua ne takimin e fundit, kur dy lojtare kishin manipuluar ndeshjen. Eshte qesharake qe nje perfaqesuese, ne tete takime humb me nje apo dy gola, ndersa nga Rumania peson gjashte gola”, ka thene Baric per gazeten kroate “Jutarnji list”. “Per keto ka reaguar edhe kryeministri i shtetit, Berisha, duke sulmuar kryetarin e Federates qe lejoi te largohem, e nderkohe sulmoi edhe lojtaret te cilet ishin te lidhur me ndonje kompani bastesh”.

Kjo nuk eshte hera e pare qe kroati akuzon skuadren te cilen e drejtoi gati dy vite. Pak pas doreheqjes se tij, ai pati rrefyer se si nga njerez te afert me Kombetaren eshte keshilluar te largoje disa lojtare te “specializuar” per manipulime te ndeshjes. “Une pata arritur te largoj disa nga ta, por per dy nuk me premtoi koha”, ishte shprehur muaj me pare kroati.

Shqiperia ne drejtimin e Baricit, pati zene vendin e peste ne grupin eliminator me vetem dy fitore nga 12 ndeshje. Baric ne kater prej tyre nuk ishte fare ne stol. Ne njeren mungoi per shkaqe shendetesore, kurse ne tri te tjerat per shkak te pezullimit nga UEFA.