Kombëtarja Shqiptare - [lajme dhe komente]

[Flori]

Ylli Lokaj lojtar aktual i ekipit te Bundesliges se Gjermanise për U 17 te SC Freiburg ( B- Jugend ) ka vendosur që te dielen te udhetoj për ne Tirane dhe te marre pjese ne grumbullimin e shpresave. I ati i tij Isa pohon: „ Unë kam prere bileten dhe kam folur me tranjerin Duro . Ai me tha, se nuk ishte ne liste. Mirpo, te gjithe talentet shqiptar edhe qe nuk janë ne liste jane te mirë se ardhur. Te shpresoj se Ylli do këtë nje dite te mire. Do tregoj cilesite e veta dhe do të binde tranjerin e U 17 te Shqiperise. “
Perderisa, daja i tij i famëshem Luan Krasniqi. Tifoz i flakët i Kombetares dhe i pasionuar pas futbollit. Nipit te tij i deshiron fat dhe të ketë sukses ne Tiranë.
Kurse, tranjeri i B- Jugend te SC Freiburg, Patrick Baier thotë: „ Ne e respektojme deshiren e Yllit dhe familjes se tij. Po te vendoste te merrte pasaporten gjermane.

Kjo do i ndihmonte me shumë SC Freiburg dhe Yllit.Sepse, edhe Ylli ka marre ftese per grumbullimin e DFB- se, qe do zhvillohet me 26 janar ne Karlsrue. Por, i deshiroj fat dhe sukses !

[Cimo]

Shqipëria e fillon me Suedinë në Tiranë

Kombëtarja shqiptare ka pasur fat të paktën në shortin e hedhur në Danimarkë për orarin e Grupit 1 eliminator për botërorin “Afrika 2010” pasi dy ndeshjet e para do t’i zhvillojë në shtëpi. Fushata kualifikuese do të fillojë më 6 shtator përballë Suedisë, ndërsa katër ditë më vonë kuqezinjtë do të kenë përballë modestët e Maltës. Pas kësaj vijnë katër ndeshje jashtë vendit me Hungarinë, Portugalinë e Maltën, për tu rikthyer në atdhe më 28 mars 2009 përballë Hungarisë. Pas udhëtimit në Danimarkë më 1 prill kombëtarja e drejtuar na Arie Haan do të zhvillojë edhe dy ndeshje radhazi në shtëpi. Kundër Portugalisë së Scolarit më 6 qershor të vitit të ardhshëm, ndërsa më 9 shtator përballë Danimarkës. Fushata kualifikuese mbyllet me ndeshjen që do të zhvillohet në Suedi më 14 tetor.





Kalendari i Grupit 1 eliminator për Kampiionatin Botëror 2010



Shqipëri - Suedi - 6 shtator 2008

Shqipëri- Maltë - 10 shtator 2008

Hungari - Shqipëri - 11 tetor 2008

Portugali - Shqipëri - 15 tetor 2008:

Maltë - Shqipëri - 11 shkurt 2009

Shqipëri- Hungari - 28 mars 2009

Danimarkë - Shqipëri - 1 prill 2009

Shqipëri- Portugali - 6 qershor 2009

Shqipëri- Danimarke - 9 shtator 2009:

Suedi – Shqipëri - 14 tetor 2009:

[RaPSouL]

ehhh more vetem kur i lexoj kta emra pervec Maltes sbesoj se do marim pik kundrejt ndonje prej kundershtareve tjere....

[Flori]

Ari Han kërkon që të ndeshet që në fillim me skuadrat e forta që ka Shqipëria në grupin 1 të Botërorit 2010. Tekniku holandez, në takimin që ka pasur dy ditë më parë me drejtuesit e FSHF-së, në ambientet e këtij institucioni, ka paraqitur disa nga pikat e para të punës që dëshiron të realizojë në krye të përfaqësueses shqiptare. Duke nisur që nga përgatitja e një kalendari sa më të favorshëm për ekipin kuqezi. Datat e ndeshjeve eleminatore do të përcaktohen sot në Kopenhagen, ku nga pala shqiptare do të jenë trajneri dhe presidenti i Federatës. Por, Ari Han nuk ka dashur të shkojë pa një projekt në kryqytetin danez. “Unë dëshiroj që të ndeshemi në fillim me skuadrat e forta”, ka thënë ai përpara drejtuesve të futbollit shqiptar. Një kërkesë e tillë vjen padyshim nga fakti se në takimet e para, skuadrat e mëdha të grupit nuk janë në maksimumin e formës së tyre dhe Ari Han e di mjaft mirë këtë.

Ndërkohë që një tjetër kërkesë për kalendarin që do të hartohet sot, ka qenë ajo që nga pesë ndeshjet e para, 3 të luhen në shtëpi, në mënyrë që edhe mundësia për të marrë pikë të jetë më e madhe. “Kjo do të ishte një gjë e mirë, pasi do të arrinim që në fillim një pozicion të mirë në renditje”, ka thënë holandezi. Megjithatë, është e sigurtë se Ari Han shpreson në një nisje që bënë edhe paraardhësit e tij, si Dosena, Brigel e Bariç, që në ndeshjet e para arritën të gjithë rezultate pozitive me përfaqësuesen kuqezi.
Sulmi
Duke qenë se vjen nga shkolla holandeze, Ari Han e vë shumë theksin tek shënimi i golave dhe loja sulmuese. Është kjo arsyeja që tekniku kuqezi ka menduar që përgatitjen e skuadrës ta nisë pikërisht nga sulmi. Dje, pasi ka parë kompleksin e ekipeve kombëtare në Kamëz, ai është nisur për në Kopenhagen të Danimarkës, ndërsa sot do të marrë pjesë në hedhjen e kalendarit. Detyra e Ari Han do të nisë nga një zbor në Antalia, pak a shumë i njëjta mënyrë siç e nisi edhe Brigeli. Holandezi ka deklaruar gjithashtu se i duhet të gjejë sulmues, pasi vetëm duke shënuar mund të arrish rezultate pozitive. “Nga eksperiencat që kam, për të arritur një rezultat të mirë duhet një përgatitje e mirë fizike dhe shënimi i golave. Në këtë aspekt, unë duhet të punoj shumë, pasi, me sa kam parë Shqipërinë, i mungojnë shënuesit e mirëfilltë”, është shprehur trajneri i ri i kombëtares.

[Flori]

Pasi ka studiuar me kujdes ndeshjet e Shqipërisë, e sidomos ato të fundit me Bjellorusinë e Rumaninë, Ari Han ka krijuar një ide të qartë në lidhje me skuadrën që do të krijojë në dy vitet e ardhshme. Në bisedat që ka pasur me njerëzit e FSHF-së këto ditë, tekniku holandez është shprehur hapur në lidhje me tipin e futbollit që ka ndërmend të aplikojë në Shqipëri. Natyrisht, nuk i ka pëlqyer takimi me Bjellorusinë, ku shumë lojtarë dukshëm nuk janë impenjuar. "Unë nuk mund të paragjykoj askënd për moshën edhe pse i kam më shumë qejf të rinjtë", ka thënë holandezi në konfidencë. "Por, në këto dy ndeshje pashë që shumë lojtarë dukeshin sikur ecnin në fushën e lojës dhe jo sikur vraponin. Me mua kjo nuk ka për të ndodhur. Ai që do të ecë në fushë, më mirë të mos vijë fare në kombëtare, ndryshe do ta largoj unë", ka qenë analiza e bërë nga tekniku i ri i kombëtares. Gjë që dëshmon edhe "dorën e hekurt" që ai ka ndërmend të aplikojë në drejtimin e përfaqësueses shqiptare.

Natyrisht, që mungesën e disiplinës tek lojtarët në dy takimet e fundit, ia kanë treguar edhe Duka e njerëzit e Federatës, kështu që Ari Han e di mirë se duhet shumë punë me ata që do të ketë nën urdhëra. "Unë kam hequr Ronald Kumanin nga Fejnordi", pati thënë holandezi në takimin e parë në Vjenë, që ka pasur me presidentin e FSHF-së Duka dhe zëvendësin e tij Kasmi në muajin dhjetor.
Miqësoret
Debutimi i Ari Han në stolin kuqezi duket se do të jetë miqësorja e 26 marsit kundër Azerbajxhanit në Baku. FSHF nuk ka parashikuar asnjë takim për në muajin shkurt, ndërkohë që duket thuajse e konfirmuar përballja me azerët. "U jemi borxhlinj, pasi ata kanë ardhur dy herë këtu dhe duhet të shkojmë edhe ne", tha zëdhënësi i Federatës Lysjen Nurishmi. Ndërkohë edhe tekniku Ari Han ka marrë përsipër të gjejë ndeshje miqësore, sidomos në muajin maj, kur skuadrat do të përgatiten për kampionatin europian. Han ka bërë të ditur se mund të sigurojë një ndeshje edhe me Greqinë e Oto Rehagel, një teknik me të cilin njihet që nga koha kur ka drejtuar në Gjermani. Ndërkohë që skuadra të tjera që holandezi mund të organizojë ndeshje miqësore janë Zvicra apo Austria. Gjithsesi, impenjimi i parë për të do të jetë zbori i Antalias që do të nisë pas një jave. Në të do të jenë grumbulluar të gjithë lojtarët kandidatë për në ekipin kombëtar.

BalkanWeb

[Qyfyre]

Mbase ja kalojm dhe Hungaris

[Flori]

Alban Ramaj, sulmuesi kosovar që luan me skuadrën e dytë të Energi Kotbus dëshiron që t’i jepet një mundësi me përfaqësuesen kuqezi. 22-vjeçari një vit më parë u kërkua nga trajneri Bariç për t’u testuar në disa zbore që ai organizoi, por Ramaj nuk mundi të paraqitej për shkak se ish-klubi i tij, TSV Mynih nuk e lejoi që të udhëtonte drejt Tiranës. Ramaj ka thënë se ka shumë dëshirë që të luajë në të ardhmen me përfaqësuesen shqiptare dhe dëshiron që të testohet në Antalia, bashkë me lojtarët e tjerë që do të jenë në “lupën” e trajnerit Ari Han nga data 14 deri në 23 janar. “Kam shumë dëshirë që të luaj për Kombëtaren shqiptare dhe jam i gatshëm që të udhëtoj drejt Antalias, por nuk e di nëse do të më jepet mundësia – ka thënë Ramaj. – Vitin e kaluar Federata Shqiptare e Futbollit më bëri një ftesë për t’u paraqitur në një nga zboret që organizoi Bariç, por unë nuk munda që të vija për shkak se drejtuesit e ish-skuadrës time nuk më lejuan.

Atëherë kjo u keqkuptua dhe u interpretua sikur unë nuk kisha dëshirë të luaja për Shqipërinë, por kjo nuk është aspak e vërtetë”, ka thënë Ramaj.

PanoramaSport

[Qyfyre]

tani u kujtua ta shpjegoje ky ate keqkutpim?

se thoshte dot qe atere qe dua te vij po sme le klubi?

[Pajtim123]

Mundë të shpresojmë që me këtë trajner të ri të zëmë vendin e dytë edhe pse do të jetë vështirë sidomos ndaj favoriteve Portugalis dhe Suedis

[Cimo]

Miqësisht nga “Panorama Sport”, 16 këshilla për Ari Han


Gazeta angleze “The Sun” i uroi punë të mbarë trajnerit të ri të Anglisë, Fabio Kapelo, madje edhe duke e “ndihmuar”, me dhjetë këshilla, të cilat ai duhet t’i ketë mirë parasysh, nëse dëshiron suksesin. Me të njëjtën dashamirësi, edhe “Panorama Sport” i uron punë të mbarë trajnerit Ari Han, duke dashur gjithashtu, ta ndihmojë me disa këshilla të vyera, në mënyrë që ta njohë më mirë terrenin ku do të punojë.

1. Gjithnjë do të kesh rreth e rrotull njerëz që buzëqeshin, por një pjesë e tyre (përfshi edhe lojtarë) me vete thonë: Ja ke fut kot plako!

2. Në stërvitjet që do kryesh në fushën e Shijakut, mos i aktivizo kurrë fantazistët. Ata nuk mund të luajnë në baltë.

3. Tifozët shqiptarë duan maksimumin, pavarësisht kundërshtarit, por ti mund t’ua fitosh zemrat edhe duke qëndruar në këmbë gjatë ndeshjes, duke bërë si i fortë e duke u bërtitur me të madhe lojtarëve.

4. Ajo çka e karakterizon Shqipërinë në arenën ndërkombëtare është: Elvin Beqiri është gjithmonë i dëmtuar, golat vijnë përherë nga mesfusha dhe, nëse kërkon Lorik Canën, mund ta gjesh te lista e lojtarëve me kartonë të verdhë.

5. Shiriti i kapitenit është një çështje më vete. Nëse arrin ta zgjidhësh këtë problem si perëndimor i vërtetë, atëherë përgatitu të marrësh surpriza “të këndshme”.

6. Nëse vendos të kritikosh publikisht një lojtar, atëherë bën mirë të mos zgjedhësh Canën, Lalën apo Skelën.

7. Nëse sheh se lojtarët nuk hanë mirë gjatë darkës, mos kujto se u ka ikur oreksi. Thjesht kanë programuar një tjetër darkë, kur ti të jesh në dhomën tënde.

8. Sado harmoni mund të kesh me grupin, mos harro kurrë, kurrën e kurrës, se si u largua Oto Bariç.

9. Shqiptarët luajnë vetëm 89 minuta në një ndeshje, tek e 90-ta e pësojnë gjithmonë. Të gjithë trajnerët që i kanë drejtuar kuqezinjtë e dinë mirë këtë

10. Bariç pëlqente shahun. Ti bën mirë të mësosh lojërat me letra, po deshe ta kesh mirë me lojtarët.

11. Mos u përpiq të jesh me çdo kusht në dy ndeshjet e fundit. Je apo s’je në pankinë, në fund do ta pësosh.

12. Nëse Armand Duka deklaron se rinovimi i kontratës është vetëm një formalitet, atëherë bëj valixhet dhe gjej skuadër tjetër.

13. Kur të të ftojnë për të parë talentet e kampionatit shqiptar, përgatitu të mos shohësh asnjë të tillë.

14. Kur të shkosh në Antalia, merr me vete edhe krem kundër diellit. Ai është vendi i zgjedhur nga FSHF-ja për turizëm aktiv.

15. Mos thuaj kurrë në konferenca shtypi se Shqipëria nuk mund të shkojë në finalet botërore apo evropiane. Shqiptarëve u pëlqejnë gënjeshtrat e bukura.

16. Në fund një gjë e vogël, e vockël fare: Duam edhe ne Kupën e Botës!