Kombëtarja Shqiptare - [lajme dhe komente]

[Barlet23]

turpi me i madh eshte se kur duan ti prishin pune nje skuadre per kualifikim luajne me zemer dhe kur eshte puna per pozicionin tone ne renditje jaa keshtu ta shperblejne .
Nje nenvleftesim total kunder Bjellorusve. Kujtojne keta tanet se duke lujt mire me Hollande e Bullgari Bjellorusine e kemi buke me djathe. Kane leshin dhe gjithmone kane per ta pas me keto mendime. Te gjithe shqiptaret vijne me qejf para tv te shohin nje kometare akoma me te forte kurse ata hyjne ne fushe sikur te shkonin ne dasem. Nje zhgenjim total nga deshjet e fundit.

[Cimo]

Video Shqiperi 2-4 Belarusi: www.video-shqiperia.blogspot.com

[J@mes]

Ishte nje nder ndeshjet me te dobeta qe ka zhvilluar kombetarja jone. Si duket jane vene ne loje shume pare se pse nje rezultat i tille ishte i paparashikueshem

[Cimo]

Cili jeni ju, zoti Lorik Cana?

Zor se një sportdashës dhe as që bëhet fjalë për një tifoz kuqezi, do ta kishte besuar humbjen e kombëtares ndaj Bjellorusisë. Skuadër e cila në fushën e saj mundej nga një prej ekipeve më të dobëta në botë, Luksemburgu, ndërkohë që ne haheshim dhëmb për dhëmb me elitën e futbollit botëror, Holandën dhe Bullgarinë. Por ajo çka të bën më shumë pesimist nuk është humbja e një ndeshje. Nuk është humbja e tri pikëve, që do të thoshte rekord të ri historik për kombëtaren tonë. Nuk është rrezikimi i objektivit të vetëm të mbetur, vendi i katërt në grup. Ajo çka të pret këmbët, shpresat dhe të mbush plot sëkëlldi, është loja e disa prej yjeve të ekipit përfaqësues ku mbi të gjithë shënjestroheni Ju zoti Cana. Deklarata juaj pas ndeshjes se “nuk na fërshëllyen tifozët kosovarë, por ata shqiptarë”, ju largon jo vetëm nga realiteti, por të bën të dyshosh edhe në impenjimin tuaj në përballjen ndaj Bjellorusisë. I pyetur kohë më parë nga “Tirana Observer”, se me cilën kombëtare do të luante Cana kur Kosova të shpallte pavarësinë, ju keni deklaruar haptazi (dhe më shumë se një herë) se ishit për “një komb, një kombëtare”. Duke iu referuar kësaj të fundit, nuk kuptohet se për cilët luajtët mbrëmjen e së mërkurës në “Qemal Stafa”, për Kosovën dhe kosovarët apo për mbarë kombin shqiptar? Fakt është gjithashtu se prej 11 qershorit 2003, kur ju debutonit me fanellën kuqezi në përballjen Zvicër-Shqipëri për kualifikimet e “Euro 2004”, nuk ka ndodhur që Ju të luanit aq dobët sa kundër bjellorusëve. Ndoshta ndikuan polemikat tuaja me trajnerin Oto Bariç. Ndoshta ndikoi terreni i rënduar i “Qemal Stafës”. Ndoshta si skuadër, kombëtarja e mori si shumë lehtë përballjen e së shtunës. Por një lojtari profesionist si ju, i shumë përkëdhelur si nga mediat, tifozët shqiptarë dhe kosovarë, meqenëse ju dëshironi të bëni dallim mes këtyre, në formën tuaj më të mirë sportive, nuk i lejohet të zhvillojë një ndeshje kaq pa nivel. Askush nuk mohon cilësitë tuaja dhe këtu futemi edhe ne. Jeni padyshim një prej futbollistëve lider në mesfushën shqiptare. Keni ndikuar jo pak në afrimin edhe të disa talenteve të tjerë kosovarë në ekipin tonë përfaqësues. Keni pranuar të luani për kombëtaren shqiptare edhe pse kishit nënshtetësi franceze, duke pasur mundësi reale për t’u aktivizuar me kombëtaren e “gjelave”. Por gjithë këto më sipër nuk shfajësojnë aspak Lorikun gjaknxehtë, i cili, me incidentet në fushë, ka ndikuar jo pak herë në humbjen e pikëve të vlefshme. Nuk shfajësojnë futbollistin që për çdo takim merr karton të verdhë, duke ndikuar në aktivizimin rregullisht me kombëtaren. Nuk ju shfajësojnë edhe pse në të drejtën për të menduar ndryshe, krijoni polemika krejt artificiale si me trajnerin e kombëtares dhe kolegët tuaj në skuadër, duke mbajtur krahun e ndonjë “të përjashtuari” se i kishte ardhur koha që të largohej nga kombëtarja. Pranoje Lorik: kombëtarja humbi një pikë të artë pas një loje të shkëlqyer ndaj Holandës për fajin tuaj! Edhe një futbollist i Domosdovës në kategorinë e dytë do të ishte sjellë më me profesionalizëm përkundrejt Van Nisteroit dhe Shjanderit në një takim aq të rëndësishëm për ekipin përfaqësues. Tifozët, mediat, kolegët, drejtuesit e kombëtares dhe federatës ju kanë falur jo pak herë, kur duke nxjerrë në pah të metat tuaja, keni ndikuar në ecurinë e kombëtares. Ju kanë falur se kanë besuar tek ju. Ju kanë falur për shpirtin e garës dhe personalitetin tuaj në fushën e lojës. Por nuk mund të jetë gjithnjë kështu. Duke iu referuar cilësive dhe të metave tuaja, atëherë cili është Lorik Cana, ai i viteve 2003-2006, apo ai i ndeshjeve nën “kësulën” e Bariç?


Cilësitë

1. Është padyshim një prej futbollistëve lider në mesfushën shqiptare, kjo në ditët e tija më të mira duke çuar para skuadrën edhe në momente të vështira.

2. Ka ndikuar me personalitetin e tij në afrimin edhe të disa talenteve të tjerë kosovarë (D.Curri, A.Dallku, B.Berisha) në ekipin tonë përfaqësues.

3. Ka pranuar të luajë për kombëtaren shqiptare edhe pse kishte nënshtetësi franceze dhe kishte mundësi reale për t’u aktivizuar me kombëtaren e “gjelave”.

4. Ka qenë dhe mbetet një prej futbollistëve më të përkëdhelur të mediave, kjo edhe për faktin se nuk nguron të japë prononcime dhe intervista.

5. Është futbollisti më i shtrenjtë i ekipit tonë përfaqësues (10 milionë euro), gjë që ngre edhe vlerat e skuadrës që drejton momentalisht, Oto Bariç.

Të metat

1. Kartonët e shumtë (të verdhë dhe të kuq) që merr gati për çdo ndeshje, të cilët ndikojnë në aktivizimin e tij rregullisht me kombëtaren.

2. Gjaknxehtësia dhe shpesh herë jo-profesionalizmi në fushën e lojës. Jo pak herë ka qenë iniciatori i sherreve në fushën e lojës (mjaft të përmendësh incidentin ndaj Holandës).

3. Përplasjet me trajnerin e kombëtares për mënyrën e ideimit të skuadrës dhe me disa futbollistë. (Së fundmi, jo zyrtarisht është akuzuar për krijim të klanit kosovar në skuadër).

4. Deklaratat e papërgjegjshme në më shumë se një herë që ka dhënë në shtyp si përkundrejt tifozëve shqiptarë dhe ndaj trajnerit Oto Bariç.

5. Luan për kombëtaren shqiptare, beson (të paktën nga fjalët e tij) në një komb një kombëtare, por disa herë ka bërë diferencim mes kosovarëve dhe shqiptarëve.

Cana nuk shkon në Rumani, ikën privatisht nga “Adriatiku”

Nuk ka dashur të udhëtojë drejt Rumanisë as si një tifoz i thjeshtë Lorik Cana, duke preferuar të largohet në mënyrë private nga hotel “Adriatik”. Pa dhënë asnjë koment për mediat, Cana ka pritur që të largohej gjithë ekipi kombëtar drejt aeroportit të Rinasit për në Rumani për të bërë gati valixhet, duke u larguar me një veturë private. Ndërkohë mbrëmjen e së dielës ai është shfaqur në ekranin e televizionit të Olimpik Marsejës në një intervistë në “Luftën kundër racizmit”, duke qenë përfaqësuesi i klubit në këtë nismë mbarë evropiane. Cana ka treguar racizmin e vuajtur në kurrizin e vetë gjatë kohës kur kishte emigruar për në Zvicër dhe më pas në Francë, çka e kishte bërë më të ndjeshëm ndaj kësaj kauze mbarë botërore.

Shkruar nga Leonard Karaj
Tuesday, 20 November 2007
TO

[ReaLFan]

Romania [6 - 1] Albania

22' [1 - 0] N. Dica

53' [2 - 0] G. Tamas

61' D. Curri (Karton te Kuq)

64' [3 - 0] D.G. Niculae

65' [3 - 1] E. Kapllani

66' [4 - 1] D.G. Niculae

71' N. Dede (Karton te Kuq)

71' [5 - 1] C. Marica (pen.)

73' [6 - 1] N. Dica (pen.)

[Duke_Of_Arberia]

Mbaroi ndeshja me nje rezultat te shemtuar 6-1. Shyqyr qe nuk do te kemi ndeshje tjeter eleminatore se mungeses se Beqirit ne mbrojtje do i shtoheshin Dede dhe Curri qe u ndeshkuan te dy me karton te kuq sot.

Per te ruajtur vendin e kater duhet qe Bullgaria te mundi thelle Sllovenine (3-0 ose me 3 gola diference) dhe ne te njejten koha Hollanda duhe te mundi Bjellorusine. Shanset jane te vogla sepse te dyja keto ndeshje jane 0-0 dhe pjesa e pare ka perfunduar.

Me çfare pame ne dy ndeshjet e fundit besoj se e meritojme vendin e parafundit. Perveç dy fitoresh me nje ekip te dobet si Luksemburgu, nuk arritem asnje 3-pikesh tjeter.

Futbollistet tane duhet te evitojne kartonat sepse po penalizohemi gjithmone e me shume. Ne keto eliminatore kemi thyer rekord kartonesh, si te verdhe ashtu edhe te kuq. Gjithashtu kemi pesuar 4 gola ne Qemal Stafa, edhe ky rekord negativ. Gjithashtu morem nje humbje te thelle duke pesuar 6 gola jashte Qemal Stafes, pra prape nje rekord negativ.

Ne kete ndeshje me pak efikasitet mund te kishim arritur nje barazim dhe jo nje humbje te turpshme si kjo e sotshmja. Besoj se mungesat e Dallkut, Beqirit, Canes, Berishes dhe Mukes kane kondicionuar jo pak ne rezultat ne 4-5 ndeshjet e fundit.

[Flori]

Drejtuesit e FSHF-së do të vihen që sot në kërkim të një miqësoreje për kuqezinjtë që në fillimin e muajit shkurt. Ndonëse kjo nuk është një datë e lirë nga UEFA, shumë përfaqësuese evropiane do të zhvillojnë ndeshje testuese më 6 shkurt dhe një shembull të tillë do ta ndjekë edhe përfaqësuesja jonë. FSHF ka një akord parimor me Azerbajxhanin për zhvillimin e një ndeshjeje të tillë, por ajo ishte caktuar më 26 mars, ndaj do të kërkojë një tjetër kundërshtar për këtë takim të parë të trajnerit holandez në stolin kuqezi. Përveç miqësoreve të muajve të parë të vitit, FSHF po përgatit edhe grumbullimin stërvitor të futbollistëve të kampionatit shqiptar, që do të zhvillohet në Antalia të Turqisë. Drejtuesit e FSHF-së do t‘i servirin trajnerit Han një listë me emrat më të spikatur të Kategorisë Superiore, futbollistë të cilët mund t‘i shërbejnë përfaqësueses në ndeshjet e edicionit të ardhshëm.

Njëkohësisht, tekniku do të përcaktojë edhe datat në të cilat ai do të vijë në vendin tonë për të ndjekur nga afër disa nga takimet mes ekipeve kryesore të Superiores, për të vëzhguar lojtarët.

© Gazeta Shqip

[Flori]

Bushati nis zborin me shqiptare qe aktivizohen jashte

Trajneri i Shpresave, Artan Bushati, ka nisur dje zborin me disa talente shqiptare që luajnë jashtë. Stërvitjet do të zhvillohen në Kamzë dhe do të zgjasin deri në datë 6 janar. Ja lista e lojtarëve që do të marrin pjesë:

Valon Kërolli (Eintraht Bad),
Mikel Stambolliu (Lloksa Rizu),
Silvester Kopliku (Bearzi),
Klodian Malocaj (Bastardo),
Enkeljd Halilaj (Atletikos),
Xhani Lekaj (Stegona),
Andi Demja (Real Mizano),
Arbiz Alushi (Lodivekjo),
Sajmir Xhelaj (Real Ravena),
Holger Rexhepi (U.S. Ferminjaneze),
Edgar Cani (Peskara)

Fatjon Suma (Visport)
Petrit Elbi (Dagenham),
Prokop Dedja (Athinon)
Leonidha Kovaci (Paraiki),
Kristo Teta (Jeroteos)
Venbasten Bala (Nikea)
Albi Llënga (Etnikos),
Erald Musabelliu (O.Volos)
Harallamb Dupi (Ilisiakos)
Ervin Sadiku (Platania Arvino),
Edison Qafa (Dafni Athinon)
Luan Salihu (SC Juventus Zyrih),
Fisnik Shala (Treleborgs)
Elis Doda (Frozinone u-19)
Jetullah Bahtiri (Treleborgs)
Ervis Mustafaj (Modena u-19)
Mikeli Shkjezi (Taranto)
Emir Bajrami (Elfsborg)
Erton Fejzullahu (Kopenhamn)
Hekurim Zeqiri

[Flori]

Aksel Ros, ish-ndihmësi i Brigelit, mund të rikthehet sërish në stolin e përfaqësueses shqiptare, por këtë radhë si asistent i holandezit Ari Han. Burime zyrtare pranë Federatës Shqiptare të Futbollit bënë të ditur se krerët e këtij institucioni i kanë sugjeruar gjermanin teknikut holandez. Emri i Aksel Rosit ka dalë në skenë pasi ish-ndihmësi i Ari Hanit, Jakob Teodorus De Jong, ka refuzuar që të punojë në Shqipëri. Mendohet se një ndër arsyet që ai nuk ka pranuar të ndjekë Hanin kanë qenë edhe financiare. Trajneri i ri i përfaqësueses u ka kërkuar drejtuesve të FSHFsë që t’i sugjerojnë ndonjë emër që u kishte lënë mbresa, dhe Aksel Ros ka qenë i pari në listën e alternativave që i është paraqitur Hanit. Ky i fundit, pasi ka parë CV-në e gjermanit 43-vjeçar, ka thënë se do të bisedojë drejtpërdrejt me Rosin dhe nëse arrijnë të gjejnë gjuhën e përbashkët, atëherë sipas të gjitha gjasave do të jetë ai zv/trajneri i ardhshëm i përfaqësueses shqiptare.

Pak ditë më parë FSHF ka njoftuar Aksel Rosin për projektin e saj dhe përgjigja e trajnerit gjerman ka lënë hapësira për të shpresuar se ai mund ta pranojë ofertën nga Shqipëria. Ashtu si Han, edhe ai ka thënë se do të bisedojë fillimisht me teknikun dhe pasi të jetë njohur me projektet e holandezit, atëherë do të mund të kthejë një përgjigje. Ai u ka lënë mbresa të mira drejtuesve të Federatës shqiptare gjatë tre viteve e gjysmë që punoi me Brigelin dhe këta të fundit shpresojnë që Ros të pranojë të rikthehet në pankinën shqiptare. Aktualisht ai nuk eshte i impenjuar dhe ndodhet në Kaizerslautern, ku merret me zbulime talentesh. Gjatë kohës që punoi në Shqipëri, Ros cilësohej si truri i skemave të Brigelit. Trajneri gjerman është vlerësuar gjithnjë maksimalisht për aftësitë e tij për zbulimin e talenteve të reja, si dhe për komunikimin që kishte me lojtarët. Ai arrinte të ishte tepër bindës, madje shpeshherë shërbente edhe si një ndërmjetës i mirë mes trajnerit të parë dhe senatorëve të skuadrës, kur ndërmjet tyre kishte përplasje.

Refuzimi i De Jong
Ish-ndihmësi i Ari Hanit, Jakob Teodorus De Jong, ka refuzuar që të punojë në Shqipëri. Mendohet se një ndër arsyet që ai nuk ka pranuar të ndjekë Hanin kanë qenë edhe financiare. Kjo e ka detyruar Hanin t’i kërkojë ndihmë FSHF-së për asistentin.

Panorama Sport

[Flori]

Gjatë prezantimit të trajnerit të ri të kombëtares shqiptare, kreu i FSHF-së, Armand Duka, ka kërkuar mbështetjen maksimale për skuadrën, në mënyrë që ajo t‘i kthehet traditës së paraqitjeve të mira. "Në këtë fillim të vitit 2008 dëshirojmë të urojmë një sezon të mbarë për të gjitha ekipet kombëtare, sidomos për kombëtaren A", tha ai. "Kërkoj mbështetje sa më të madhe, ndoshta për të përmirësuar atë që nuk kemi arritur në ndeshjet e fundit, dhe për t‘u kthyer në traditën tonë me lojëra të mira dhe me një klasifikim sa më të mirë". Menjëherë më pas, Duka ka folur rreth kontratës me Ari Han, duke anashkaluar shifrat konkrete, të paktën kur bëhet fjalë për premiot që i janë vënë në dispozicion trajnerit për çdo arritje të ekipit përfaqësues. "Kontrata është për dy vjet. Aty janë përcaktuar edhe shpërblimet sipas renditjes së skuadrës apo pikëve të marra.

Kuptohet që për çdo objektiv, qoftë kualifikim, vend të dytë apo të tretë, do të ketë shpërblime në masë të ndryshme". Drejtuesi më i lartë i futbollit në vend ka folur edhe rreth objektivave që do të ketë skuadra në eliminatoret e Kupës së Botës 2010. Sipas tij, Shqipëria meriton vendin e katërt, duke qenë se Portugalia, Suedia e Danimarka qëndrojnë shumë lart. Gjithsesi, shpresat janë që edhe kundër këtyre kundërshtarëve të arrihet diçka pozitive. "Vendi që i takon Shqipërisë në këtë grup, pra ajo që meritojmë, duhet të jetë vendi i katërt, pavarësisht se nga futbolli mund të marrësh më shumë se sa meriton apo ndoshta më pak, pohoi ai. Por, konkurrenti ynë në grup mendoj se do të jetë Hungaria, duke parë gjendjen reale të skuadrave e duke e cilësuar Maltën një nivel poshtë nesh. Kuptohet që tri skuadrat e tjera janë kombëtare shumë të mira, por siç tha edhe trajneri, në një ditë të mirë mund të fitosh kundër çdolloj kundërshtari, siç ka ndodhur edhe në të kaluarën". Në fund rrëfimi për një pjesë të bisedës konfidenciale me Han dhe dy fjalë për Bariç: "Oto Bariç ka qenë një trajner shumë i mirë, kishte eksperiencë të madhe dhe ka punuar shumë mirë në Shqipëri. Në takimin e parë që kam pasur me trajnerin e ri (Ari Han), i kam thënë që detyra e tij në Shqipëri do të jetë shumë e vështirë, pasi vjen pas dy trajnerëve shumë të mirë".

Shqip