Kombëtarja Shqiptare - [lajme dhe komente]

[RaPSouL]

Bariç si Domenek, akuza për arbitrat e UEFA-s

Nëse një zyrtar i UEFA-s do ta ketë dëgjuar, dënimi do të jetë vërtetë i rëndë. Oto Bariç ka akuzuar dje arbitrat ndërkombëtarë se janë ata që po vendosin ndeshjet me veprimet e çuditshme dhe favorizuese në adresë të skuadrave të mëdha apo kombeve të mëdha. Në konferencën e djeshme për shtyp, tekniku i kombëtares shqiptare ka qenë i hapur, duke deklaruar se Shqipëria mund të marrë një rezultat të mirë kundër Holandës, por vetëm nëse arbitri do të jetë korrekt. Por, Bariç nuk ka lënë asgjë këtu, teksa akuzat e tij kanë shkuar edhe për kompeticionet e tjera, siç janë Kupat e Evropës. "Po ndodh shpesh që arbitrat po vendosin ndeshjet, sidomos kohët e fundit", tha Bariç. "Këtu flas për disa ndeshje të Kupave të Evropës dhe ato janë vendosur nga gjyqtarët. Pashë përshembull takimin e Champions League mes Dinamos së Zagrebit dhe Verder Bremenit, ku gjyqtari dha një penallti të paqenë dhe i dha kualifikimin Verderit. Po kështu ndodhi edhe në ndeshjen Shakhtjor i Donjeckut me Salcburgun. Kur duheshin dhe 12 minuta nga përfundimi, gjyqtari fishkëlleu një penallti që nuk ishte fare. Përse i them këto gjëra? Sepse në shumicën e rasteve, kombet e mëdha apo skuadrat e mëdha, po përfitojnë nga këto dhurata të arbitrave, të paqena", deklaroi ashpër Oto Bariç. Por, asgjë nuk mbaroi këtu. Kundër Holandës më 11 tetor të vitit të shkuar, arbitri i mohoi Shqipërisë tre penallti dhe tekniku kroat duket nuk e ka harruar atë sfidë. "Është e çuditshme, pasi gazetarët shkruajnë për trajnerin, shkruajnë për taktikën, shkruajnë për skemën dhe në fund, ndeshjen e vendos arbitri. Ju e dini mjaft mirë sesi shkoi ndeshja në Holandë. Me një gjyqtar korrekt, unë them se kundër Holandës ne mund të marrim një rezultat pozitiv", u shpreh më tej trajneri i përfaqësueses shqiptare. Në fakt, 75 vjeçari u shpreh se priste nga UEFA një gjyqtar korrekt që në ardhjen e tij në Tiranë dy javë më parë, por deklaratat e djeshme e përforcuan akoma më shumë këtë qëndrim. Përsa i përket sfidës së 12 shtatorit, Oto Bariç deklaroi hapur se favoritët për të fituar janë tulipanët, por Shqipëria është një skuadër do të tentojë të marrë një rezultat pozitiv ndaj tyre. "Holanda natyrisht që është favorite për të fituar, ajo është një skuadër që mban vendin e pestë në renditjen e FIFA-s, është një skuadër që nuk ka humbur asnjë ndeshje në grup, por ne do të vendosim në fushë skuadrën më të mirë dhe që të arrijë t'i marrë një rezultat pozitiv", u shpreh tekniku kuqezi. Sipas Bariç, atmosfera në këtë pragndeshje është e njëjtë me atë të 11 tetorit të vitit të shkuar në "Amsterdam Arena", me Shqipërinë që e bën pushim dhe me Holandën që ndeshet me Bullgarinë. "Shpresoj që kësaj radhe të mos humbim në të njëjtën mënyrë, që e dini edhe ju", tha Bariç, duke aluduar për vendimet e çuditshme të arbitrit në sfidën e parë.

[RaPSouL]

Bariç: “Të vendosim zëmrën në fushë kundër Holandës”

(KONFERENCA E PLOTE PER SHTYP)- “Së pari mirëdita, jam i gëzuar që në këtë sallë ka më shumë gazetarë, se sa kam unë lojtarë në dispozicion”. Kjo ishte deklarata ironike e trajnerit Oto Bariç, për interesimin e shumtë të medias shqiptare, si shenjë “mirëseardhje” në konferencës të parë të kroatit për shtyp, dhene sot ne Durres, në kuadër të përgatitjeve të ekipit Kombëtar shqiptar për ndeshjen kundër Holandës. Dy ndihmësit e tij (Kovaçiç e Duro) patën të hënën vetëm dhjetë futbollistë në seancën stërvitore, ndërkohë që Bariç, i cili erdhi direkt në konferencë, pas stërvitjes kishte pasur 13 nga 18 lojtarët e thirrur.

SITUATA SHQETËSUESE

“Dëshiroj t’u shpjegoj fillimisht situatën në të cilën ndodhemi. Për fatin e keq, jo të gjithë lojtarët janë këtu (në grumbullim). Por, ka dy arsye kryesore. Së pari, një pjesë e tyre luajtën të dielën mbasdite apo të hënën, dhe fatkeqësisht disa prej tyreve iu anulua edhe fluturimi. Këtu kam parasysh faktin se kompania austriake (Austria Airlines) anuloi fluturimin e ditës së hënë, nga Viena në Rinas, me të cilin do të vinin nga Ukraina, Dallku dhe Curri, të cilët do të vinë sot mbasdite. Është e natyrshme që kjo përbën një shqetësim. Së dyti, kemi një apo dy lojtarë të dëmtuar. Altin Haxhi nuk është ende në gjendje të bëjë stërvitje me skuadrën. Gjithashtu edhe dëmtimi i rëndë i Berishës, më ka shqetësuar jo pak. Dëshiroja që ai të ishte këtu, por ne morëm një faks nga mjekët anglezë të klubit të Bërnlit, ku na informonin se gjatë ditëve të ardhshme Berisha do të operohet. Kjo është një humbje e madhe për ne, pasi Berisha gjatë ndeshjeve të fundit ka luajtur shumë mirë. Por ne kemi, edhe nëntë ditë përpara takimit (me Holandën) dhe do të bëjmë gjithçka për të hedhur ekipin më të mirë në fushë”.

HAPA TE MEDHENJ

“Ne kemi bërë hapa të rëndësishëm përpara gjatë muajve të fundit. Në herën e fundit nuk e kemi përmendur faktin, që Shqipëria ka bërë hapa të mëdha përpara në tabelën e klasifikimit të renditjes europiane botërore. E nisëm në janar nga vendi i 86-të dhe tani jemi në vendin e 66 (në botë). Natyrisht ne kemi pasur dy-tre ndeshje të lehta, por këto kanë ngritur vetëbesimin tonë”

KUNDËRSHTARI FAVORIT

“Tani na erdhi radha të zhvillojmë një ndeshje shumë të vështirë, ku në mënyrë absolute kundërshtari është favorit për ta fituar atë. Besoj se ju e dini se Holanda zë vendin e pestë në botë dhe deri tani nuk ka humbur asnjë ndeshje në takimet e grupit tonë. Tani është e njëjta situatë e ngjashme si një vit më parë, kur ne përgatiteshim të luanim kundër Holandës, që nga ana saj përgatitej të zhvillonte fillimisht ndeshjen kundër Bullgarisë (në Sofje). Atë ndeshje unë e ndoqa në stadium, nxora konkluzionet e duhura, luajtëm shumë mirë në Holandë, por fatkeqësisht humbëm ndeshjen (2-1). Sesi humbëm takimin ju e dini, por unë do t’i rikthehem më pas, kësaj çështje. Është e njëjta situatë”.

BESOJ TE REZULTATI I MIRË

“Ne kemi dhjetë ditë për t’u përgatitur. Shpresoj që të gjithë lojtarët t’i kemi shëndoshë e mirë, duke përjashtuar Berishën, gjendja e të cilit tani dihet. “Ne kemi një skuadër më të re dhe unë besoj se ajo është e së ardhmes. Unë do të shkoj ditën e shtunë në Amsterdam për të ndjekur takimin Holandë-Bullgari dhe unë jam i bindur se do të nxjerr konkluzionet e duhura, për të mos humbur ndeshjen tonë kundër Holandës. Do të japim gjithçka. Nuk jam vetëm unë i bindur, por e ndjej edhe te lojtarët këtë frymë. Ka një atmosferë të ngrohtë dhe me një stadium plotësisht të shitur, me një gjyqtar korrekt (jo si në Holandë), unë besoj se ne do të arrijmë një rezultat të mirë”.

VENDOSIN GJYQTARËT

“Dua t’u them diçka, që në fakt nuk ka të bëjë me ndeshjen kundër Holandës, por me atë që po ndodh çdo herë e më shumë në Europë, në lidhje me vendimet e gjyqtarëve. Në Kupën UEFA kemi parë se disa ndeshje janë vendosur nga arbitrat. Unë ndoqa në Zagreb takimin Dinamo e Zagrebit-Verder Bremen, dhe në minutën e 10-të, pa asnjë arsye gjyqtari norvegjez dha një penallti për Verder Bremen. E njëjta situatë ndodhi edhe në ndeshjen Shahjtor Dontesk-Red Bull Salzburg, në momentin më të rëndësishëm të takimit, dymbëdhjetë minuta përpara përfundimit të ndeshjes, gjyqtari dha një penallti për Shahjtorin, pas së cilës Red Bull u eliminua. Përse e them këtë? Në shumicën e rasteve, klubet apo kombe të mëdha, marrin dhurata të tilla nga gjyqtarët. Gazetarët shkruajnë për taktikën, për trajnerin, kur praktikisht për rezultatin në ndeshje të rëndësishme vendosin gjyqtarët. Më falni që u dhashë këta shembuj”.

TAKTIKË ANTI-HOLANDË

“Sot, (dje) ne nuk mundëm të zhvillojmë stërvitje taktike, për shkak të numrit të kufizuar të lojtarëve, por nesër (sot), ne do ta aplikojmë të gjitha skemat që do të përdorim në ndeshjen kundër Holandës. Dua të riktheksoj se Holanda ka një ekip shumë të mirë. Ndeshja kunder perfaqesueses U-19 eshtë një ndeshje kontrolli. Natyrisht nuk është një kundërshtar të forte, por në Shqipëri nuk mund të gjenim një kundërshtar tjetër brenda këtyre ditëve. Përveç kësaj do të ketë edhe dy ndeshje kontrolli brenda lojtarëve që kemi në ekip. Çdo dy ditë ne do të aplikojmë skemat që do të përdorim kundër Holandës, dhe kështu ne do të rrisim motivimin e lojtarëve.

PYETJET E GAZETAREVE

Gjyqtari i përzgjedhur nga UEFA (Majk Rilej) për ndeshjen Shqipëri-Holandë shquhet për gabime gjatë gjykimit, nga ato që iu referua edhe trajneri gjatë konferencës. Duke pasur parasysh faktin se pas ndeshjes së parë me Holandën, trajneri Bariç fajësoi foli për një gjykim që na penalizoi (nga gjyqtari izraelit Ajon Jefet), si e gjykoni këtë rast?

“Së pari unë nuk e di kush është gjyqtari. Kush është ai? Unë nuk kam asnjë të drejtë të flas keq për një gjyqtar. Por meqë unë shikoj se kam parë shumë gjykime të dobëta kohët e fundit, ashtu si me ne në Holandë, konstatoj se janë prekur kombet dhe klubet e vogla. Dhe ne jemi të vegjël. Unë dëshiroj dhe uroj që ai (gjyqtari Rilej) të jetë korrekt. Herën e fundit ju (gazetarët) keni shkruar, dhe më të drejtë, se gjykimi i (Jefet) nuk ishte korrekt. Dhe shumë gazeta holandeze shkruan: “A kemi nevojë ne për ndihmë kundër Shqipërisë?”. Dhe unë do të isha një idiot, nsë nuk do ta thoja këtë, dhe pas kësaj do ta zija veten me shpulla”.

Çfarë mund të ëndërrojnë shqiptarët në ndeshjen me Holandën?

“Ne mund të ëndërrojmë gjithçka. Ëndërat nuk janë të ndaluara. Edhe dëshirat nuk janë të ndaluara. Por, ne duhet të jemi realistë dhe të bëjmë ëndrrat e dëshirat t’i afrohen sa më shumë realitetit. Ne do të bëjmë më të mirën, ne kemi një ekip të urritur, do të luajmë në shtëpi, përballë 95 për qind të tifozëve tanë. Historia e ka treguar se kur Shqipëria luan kundër skuadrave të mëdha ka bërë ndeshje të mira. Ky mund të jetë edhe shansi ynë. Para 14 ditësh ishte vërtet një ndeshje miqësore, por Zvicra fitoi kundër Holandës (2-1), por kur shikoj ata emra të mëdhenj të Holandës, dhe ku luajnë ata, te Arsenali, Liverpuli, Reali i Madridit, Ajaksit apo Milanit, atëherë them se do të jetë e vështirë. Për lojtarët tanë ky fakt do të përbëjë një motiv të madh dhe unë dua ta shfrytëzoj në maksimum atë. Është në natyrën time të punës ta transmetoj atë te skuadra”.

Dihen vështirësitë në përballjen me një ekip si Holanda dhe se sa vlen një gjykim i mirë. A jo që më shqetëson është fakti se si do ta organizojë mesfushën, dhe a do të ishte Bylykbashi një alternativë në mesfushë?

“Ne luajmë kundër Holandës dhe jo kundër gjyqtarit. Unë fola për gjykimin në Holandë, pasi ju e dini se çfarë ka ndodhur atje. Unë do të flas me lojtarët e mi, që të mos përqendrohen në atë që mund të vendosë lojtari, por në lojën që duhet të zhvillojmë. Duhet të jemi në lojë të përqendruar dhe kështu do të jemi në rregull me gjithçka. Bylykbashi? Unë kam dëgjuar shumë fjalë të mira për të. Në skuadrën tonë kemi një shok të ekipit të tij, i cili na ka informuar për të. Është një lojtar interesant. Detyra ime është të dërgoj shumë shpejt ndihmësit e mi për ta parë atë në Ukrainë gjatë një ndeshje. Do të vazhdojmë të shikojmë lojtarë të tjerë”

[RaPSouL]

Kombëtare copë-copë para Holandës

Jam i gëzuar që në këtë sallë ka më shumë gazetarë, se sa kam unë lojtarë në dispozicion”. Kjo ka qenë batuta e parë e trajnerit të kombëtares shqiptare, Oto Bariç, në konferencën e parë për shtyp për anti-Holandën. Deklarata ironike në fakt i referohej mungesës së disa prej futbollistëve gjatë dy seancave stërvitore për arsye të ndryshme. Ditën e hënë ndihmësit e Oto Bariçit, Kovaçiç dhe Duro, kishin vetëm dhjetë lojtarë nën urdhrat e tyre (Lala, Cana, Bushi, Duro, Muka, Xhafa, Dede, Rrustemaj, Hidi, Bulku).
JNdërsa paraditen e djeshme, në “Tofik Jashari”, tekniku kroat kishte 13 lojtarë, teksa mungonin për shkak të ardhjes me vonesë (të justifikuara), pesë lojtarë: Arjan Beqaj, Armend Dallku, Debatik Curri, Edmond Kapllani dhe Erjon Bogdani. Këta të fundit kanë mbërritur dje në grumbullim pas vonesave të shumta në aeroporte ose në klubet e tyre. Por, ajo që shqetëson më shumë Oto Bariç, është mungesa e Besart Berishës dhe dëmtimi i Altin Haxhit. “Dëshiroj t’u shpjegoj fillimisht situatën në të cilën ndodhemi. Për fatin e keq, jo të gjithë lojtarët janë këtu (në grumbullim). Por, ka dy arsye kryesore. Së pari, një pjesë e tyre luajtën të dielën pasdite apo të hënën, dhe fatkeqësisht disa prej tyreve iu anulua edhe fluturimi. Këtu kam parasysh faktin se kompania austriake “Austria Airlines” anuloi fluturimin e ditës së hënë, nga Vjena në Rinas, me të cilin do të vinin nga Ukraina, Dallku dhe Curri. Është e natyrshme që kjo përbën një shqetësim. Së dyti, kemi një apo dy lojtarë të dëmtuar. Altin Haxhi nuk është ende në gjendje të bëjë stërvitje me skuadrën. Gjithashtu edhe dëmtimi i rëndë i Berishës, më ka shqetësuar jo pak. Dëshiroja që ai të ishte këtu, por ne morëm një faks nga mjekët anglezë të klubit të Bërnlit, ku na informonin se gjatë ditëve të ardhshme Berisha do të operohet. Kjo është një humbje e madhe për ne, pasi Berisha gjatë ndeshjeve të fundit ka luajtur shumë mirë. Por, ne kemi edhe nëntë ditë përpara takimit (me Holandën) dhe do të bëjmë gjithçka për të hedhur ekipin më të mirë në fushë”, ka thënë Bariç. Ndërkohë vetëm ditën e sotme dhe në vazhdim kroati do të ketë në dispozicion të gjithë futbollistët dhe do të shikojë më mirë gjendjen e tyre para takimit të 12 shtatorit me Holandën.

Programi stërvitor ndaj Holandës

05.09.2007
Ora 11:00, analizë video të kundërshtarit
Ora 17:00, ndeshje kontrolli me ekipin kombëtar U-19
06.09.2007
Ora 10:30, seancë stërvitore
Ora 17:00, seancë stërvitore
07.09.2007
Ora 10:30, seancë stërvitore
Ora 12:30, konferencë për shtyp, trajneri dhe disa lojtarë
Ora 17:00, seancë stërvitore
08.09.2007
Ora 10:30, seancë stërvitore
Ora 17:00, seancë stërvitore
09.09.2007
Ora 10:30, seancë stërvitore
Pasdite pushim
10.09.2007
Ora 10:30, seancë stërvitore
Ora 17:00, seancë stërvitore
11.09.2007
Ora 10:30, seancë stërvitore
Ora 12:30, konferencë për shtyp e trajnerit
Ora 17:00, seancë stërvitore
12.09.2007
Ora 11:00, Analizë para ndeshjes
Ora 18:00, nisja për në stadium
Ora 20:45, ndeshja Shqipëri-Holandë

Ndeshjet dhe renditja

Bjellorusi-Shqipëri 2-2
Luksemburg-Holandë 0-1
Rumania-Bullgari 2-2
Shqipëri-Rumani 0-2
Bullgari-Slloveni 3-0
Holandë-Bjellorusi 3-0
Rumani-Bjellorusi 3-1
Slloveni-Luksemburg 2-0
Bullgari-Holandë 1-1
Bjellorusi-Slloveni 4-2
Luksemburg-Bullgari 0-1
Holandë-Shqipëri 2-1
Luksemburg-Bjellorusi 1-2
Shqipëri-Slloveni 0-0
Holandë-Rumani 0-0
Bullgari-Shqipëri 0-0
Rumani-Luksemburg 3-0
Slloveni-Holandë 0-1
02/06/2007
Shqipëri-Luksemburg 2-0
Bjellorusi-Bullgari 0-2
Slloveni-Rumani 1-2
06.06.2007
Luksemburg-Shqipëri 0-3
Bullgari-Bjellorusi 2-1
Rumania-Slloveni 2-0
08.09.2007
Bjellorusi-Rumani
Holandë-Bullgari
Luksemburg-Slloveni
12.09.2007
Slloveni-Bjellorusi
Bullgari-Luksemburg
Shqipëri-Holandë
13.10.2007
Rumani-Holandë
Bjellorusi-Luksemburg
Slloveni-Shqipëri
17.10.2007
Luksemburg-Rumani
Holandë-Slloveni
Shqipëri-Bullgari
17.11.2007
Bullgari-Rumani
Shqipëri-Bjellorusi
Holandë-Luksemburg
21.11.2007
Bjellorusi-Holandë
Rumani-Shqipëri
Slloveni-Bullgari


P F B H GSH GP ND
Rumania 17 5 2 0 14 4 7
Bullgaria 15 4 3 0 11 4 7
Holanda 14 4 2 0 8 2 6
Shqipëria 9 2 3 2 8 6 7
Bjellorusi 7 2 1 4 10 15 7
Sllovenia 4 1 1 5 5 12 7
Luksemburg 0 0 0 7 1 14 7


Kombëtarja shqiptare

Portierë:
Arjan Beqaj (Anorthosis Famagusta, Qipro), Isli Hidi (FC Krivas, Ukrainë)
Mbrojtës:
Debatik Curri (FC Vorskla Potlava, Ukrainë), Armend Dallku (FC Vorskla Potlava, Ukrainë), Nevil Dede (SK Tirana), Erjon Xhafa (SF Tirana), Kristi Vangjeli (Aris Selanik, Greqi), Blerim Rrustemaj (AC Horsens, Danimarkë)
Mesfushorë:
Lorik Cana (Olimpik Marsejë, Francë), Altin Lala (Hanover 96, Gjermani), Devis Muka (SK Tirana), Ervin Bulku (FC Kryvbas, Ukrainë), Altin Haxhi (Ergotelis, Greqi), Klodian Duro (SK Tirana), Jahmir Hyka (SK Tirana)
Sulmues:
Hamdi Salihi (SV Ried, Austri), Edmond Kapllani (Karlsrhuer SC, Gjermani), Erjon Bogdani (AC Kievo, Itali), Alban Bushi (Apollon
Kallamaria, Greqi)

Kombëtarja holandeze

Portierë:
Edvin Van der Sar (Mançester Und),Henk Timer (Fejenord)
Mbrojtës:
Khalid Boulahrouz (Sevilja), Vilfred Bouma (Aston Vila), Tim de Kler (Fejenord), Urbi Emanuelson (Ajaks), Xhon Heitinga (Ajaks), Kju Jaliens (AZ Alkmar), Joris Matijsen (Hamburg), Mario Melkiot (Uigan) Andre Oijer (Bllekbërn)
Mesfushorë:
Ibrahim Afelaj (PSV Eindhoven), Xho van Bronkhorst (Fejenord), Najxhell de Jong (Hamburg), Deni Landzat (Uigan), Heduixh Maduro (Ajaks), Klarenc Sedorf (AC Milan), Uesli Shneijder (Real Madrid), Rafael van der Vart (Hamburg) Demi de Zeu (AZ Alkmar)
Sulmues:
Rajan Babel (Liverpul), Klas-Jan Huntelar (Ajaks), Dirk Kujt (Liverpul), Rud van Nistelroi (Real Madrid), Robin van Persie (Arsenal), Jan Venegor of
Heselink (Sëlltik

[RaPSouL]

Tërmet në Durrës, minuta paniku në kombëtare

Tërmeti me intensitet 5-6 ballë që ra dje në afërsi të Durrësit, ka shkaktuar një panik të vërtetë edhe në radhët e ekipit kombëtar. Ishte ora 7 e mëngjesit kur lëkundjet janë ndjerë fuqishëm edhe në hotel "Adriatik" ku është grumbulluar përfaqësuesja kuqezi për takimin e radhës ndaj Holandës. Vetë njerëzit e kampit kuqezi sqaruan më pas se gjithçka kishte qenë një tmerr, ndonëse jo të gjithë e kanë pritur me frikë. Kështu, një pjesë e mirë e futbollistëve as që ka ndjerë fare duke qëndruar në gjumë, ndërsa një pjesë tjetër janë ngritur të gjithë duke dalë nga dhomat e tyre. Më i tremburi çuditërisht ka qenë ndihmësi i Oto Bariç Slavko Kovaçiç, i cili ka vrapuar jashtë menjëherë në një gjendje të vërtetë paniku. Thirrjet e tij kanë alarmuar edhe pjestarë të tjerë të stafit, teksa lëkundjet kanë qenë vërtetë shumë të forta. "Ishte tërmet shumë i fortë, njëherë u trembëm", thanë futbollistët e kombëtares. Alban Bushi e Ervin Bulku kanë qenë ata që janë trembur më shumë nga lojtarët, teksa të tjerë kanë pyetur me të madhe se ç'po bëhej. Ndërsa një fakt interesant, ka qenë trajneri Oto Bariç. Edhe ai e ka pritur me shqetësim lëkundjen e tërmetit, megjithatë është zgjuar më i qetë dhe ka dalë nga dhoma e tij për të kuptuar se ç'po ndodhte.
Tërmeti
Dje, rreth orës 7.08 minuta të mëngjesit, në kryeqytet dhe në Durrës ka patur lëkundje tërmeti me amplitudë 5-6 ballë të shkallës Rihter. Shërbimi sizmiologjik njoftoi se epiqendra e tij ishte në Maminas, 15 kilometra në Veri-Perëndim të Durrësit. Lëkundjet e tij kanë shkaktuar panik edhe në ekipin kombëtar, që është i grumbulluar në hotel "Adriatik" në Durrës. Disa futbollistë janë parë jo pak të trembur, duke dalë madje edhe nga dhomat e tyre, teksa ai që nuk e ka prishur shumë terezinë, ndonëse është parë gjithashtu i frikësuar, ka qenë Oto Bariç. Situata më komike ka qenë me ndihmës trajnerin Slavko Kovaçiç, që ka qenë ndër të parët që ka dalë nga dhoma e tij. Lëkundjet zgjatën dy minuta dhe ndihmësi i Bariç në ekipin përfaqësues është parë në një gjendje paniku në korridorin e hotelit.

[RaPSouL]

Van Basten: 6 pikë në këto 2 ndeshje

Për trajnerin e Holandës Marko Van Basten, kualifikimi për në finalet e Euro 2008 do të varet totalisht nga sfidat me Bullgarinë dhe Shqipërinë. Tekniku i tulipanëve ka deklaruar në një intervistë për sitin zyrtar të federatës se nga këto dy sfida duhen pikët maksimale, për të patur rrugën të hapur drejt Europianit të vitit të ardhshëm. "Detyra jonë është e qartë: duhet të kualifikohemi për në Euro 2008 dhe nuk ka asnjë dyshim për këtë. Jemi kuriozë për këto dy ndeshje, pasi kemi shumë lojtarë të rinj interesantë, që duhen parë në aksion. Bullgaria është ndeshje kyçe, ndërsa më pas është Shqipëria. synimi ynë janë 6 pikët", ka deklaruar Van Basten. Në rast moskualifikimi, tekniku i tulipanëve do të shkarkohet nga detyra e tij. Holanda ka 14 pikë në grupin G, 1 më pas se Bullgaria, por ka edhe një ndeshje për të luajtur. Sfida e të shtunës do të jetë decizive për holandezët, pasi Bullgaria është një kundërshtar direkt dhe një skuadër mjaft e fortë në transfertë.

[RaPSouL]

Kombëtarja, dje shikim videoje dhe stërvitje

Oto Bariç e ka nisur me një analizë ditën e tretë të grumbullimit për kombëtaren shqiptare. Futbollistët kanë parë kasetën e ndeshjes me Maltën, ku kroati u ka bërë vërejtjet dhe përgëzimet për atë që dhanë në fushë. Më pas, paraditja ka qenë e lirë, me lojtarët që kanë qëndruar së bashku në hollin e hotelit dhe në mjediset rreth tij. Pasdite është zhvilluar seanca stërvitore në "Niko Dovana", ku trajneri i kombëtares ka vijuar me programin e rregullt dhe ku është përqendruar më shumë te taktika. Dje është parë më mirë edhe Altin Haxhi, ndonëse gjirokastriti ka vazhduar të bëjë një punë të diferencuar për shkak të problemit në kavilje. Ndërkohë, sot do të zhvillohet një ndeshje miqësore me kombëtaren U19.

[RaPSouL]

6 fitoret e kombëtares në muajin shtator

Fitoret e kombëtares shqiptare në muajin shtator janë të pakta, vetëm gjashtë, por kanë lënë jo pak shenjë si në memorien e tifozerisë kuqezi, por edhe në atë të kundërshtarëve. Mjaft të përmendim se Greqia, Kampione e Evropës në “Portugali 2004” nuk arriti të kualifikohej për në botërorin “Gjermani 2006” pas humbjes më 4 shtator të 2004 në Tiranë.
“Humbja me Shqipërinë na kushtoi shumë, pasi nëse do të merrnim pikë atje, do të shkonim në botërorin gjerman”, pati deklaruar tekniku gjerman i grekëve, Oto Rehagel. Por ndaj Greqisë kombëtarja pati fituar edhe në një takim tjetër po në muajin shtator. Më 4 shtator 1991, në një ndeshje miqësore kuqezinjtë e drejtuar asokohe nga Bejkush Birçe bëheshin zotër të “Karaiskaqit” në Athinë, duke fituar me rezultatin 2-0. Këtyre dy rezultateve pozitive iu shtohet edhe fitorja e 3 shtatorit 1980 për eliminatoret e botërorit “Spanjë 82” ndaj Finlandës 2-0. Ndonëse sporadike, por edhe fitorja 10 shtatorit 1997 ndaj Irlandës së Veriut (1-0) ishte shumë e rëndësishme, duke parë se ndeshja u zhvillua në fushë asnjanëse për shkak të gjendjes në vendin tonë pas rrëzimit të firmave piramidale. Ndërsa nuk mund të harrohet barazimi 1-1 ndaj Bullgarisë së legjendës Hirsto Stoiçkov më 6 shtator 1995 dhe ndaj Letonisë 3-3 më 4 shtator 1999. Ndërsa Bariç në timon të kombëtares kuqezi ka njohur një barazim dhe një humbje gjatë muajit shtator. Kombëtarja shqiptare e niste me një barazim 2-2 në Minsk përballë Bjellorusisë kualifikuese për në EURO 2008 më 2 shtator 2006. Ndërsa katër ditë më vonë, armata kuqezi e kroatit binte në “Qemal Stafa” përballë rumunëve të Viktor Piturkës. Gjithsesi muaji shtator ka qenë një muaj me fat për kombëtaren, që edhe pse nuk ka marrë rezultatet e dëshiruara, ka dhuruar një lojë shumë herë më të mirë. Natyrisht, në prag të sfidës me Holandën më 12 shtator, oguri ynë është për një fitore historike përballë një skuadre yjesh, si ajo që ka në dispozicion tri herë “Topi i Artë” si futbollist, trajnerin Marko van Basten.

Ndeshjet e kombëtares gjatë muajit shtator

1) 14 shtator 1947 (M)
Shqipëri-Jugosllavi 2-4
2) 17 shtator 1950 (M)
Çekosllovaki-Shqipëri 3-0
3) 24 shtator 1950 (M)
Hungari-Shqipëri 12-0
4) 15 shtator 1957 (M)
Kinë-Shqipëri 3-2
5) 03 shtator 1980 (KB)
Shqipëri-Finlandë 2-0
6) 02 shtator 1981 (KB)
Finlandë-Shqipëri 2-1
7) 22 shtator 1982 (KE)
Austri-Shqipëri 5-0
8) 20 shtator 1988 (M)
Rumani-Shqipëri 3-0
9) 05 shtator 1990 (M)
Greqi-Shqipëri 1-0
10) 04 shtator 1991 (M)
Greqi-Shqipëri 0-2
11) 09 shtator 1992 (KB)
I.Veriut-Shqipëri 3-0
12) 08 shtator 1993 (KB)
Shqipëri-Danimarkë 0-1
13) 22 shtator 1993 (KB)
Shqipëri-Spanjë 1-5
14) 07 shtator 1994 (KE)
Uells-Shqipëri 2-0
15) 06 shtator 1995 (KE)
Shqipëri-Bullgari 1-1
16) 06 shtator 1997 (KB)
Armeni-Shqipëri 3-0
17) 10 shtator 1997 (KB)
Shqipëri-I. Veriut 1-0
18) 05 shtator 1998 (KE)
Gjeorgji-Shqipëri 1-0
19) 04 shtator 1999 (KE)
Shqipëri-Letoni 3-3
20) 02 shtator 2000 (KB)
Finlandë-Shqipëri 2-1
21) 01 shtator 2001 (KB)
Shqipëri-Finlandë 0-2
22) 05 shtator 2001 (KB)
Angli-Shqipëri 2-0
23) 06 shtator 2003 (KE)
Gjeorgji-Shqipëri 3-0
24) 10 shtator 2003 (KE)
Shqipëri-Gjeorgji 3-1
25) 04 shtator 2004 (KB)
Shqipëri-Greqi 2-1
26) 08 shtator 2004 (KB)
Gjeorgji-Shqipëri 2-0
27) 03 shtator 2005 (KB)
Shqipëri-Kazakistan 2-1
28) 02 shtator 2006 (KE)
Bjellorusi-Shqipëri 2-2
29) 06 shtator 2006 (KE)
Shqipëri-Rumani 0-2
Total: 6 fitore, 3 barazime, 20 humbje; golavarzhi: 25 të shënuar, 68 të pësuar

[RaPSouL]

Programi stërvitor ndaj Holandës

06.09.2007
Ora 10:30, seancë stërvitore
Ora 17:00, seancë stërvitore
07.09.2007
Ora 10:30, seancë stërvitore
Ora 12:30, konferencë për shtyp, trajneri dhe disa lojtarë
Ora 17:00, seancë stërvitore
08.09.2007
Ora 10:30, seancë stërvitore
Ora 17:00, seancë stërvitore
09.09.2007
Ora 10:30, seancë stërvitore
Pasdite pushim
10.09.2007
Ora 10:30, seancë stërvitore
Ora 17:00, seancë stërvitore
11.09.2007
Ora 10:30, seancë stërvitore
Ora 12:30, konferencë për shtyp e trajnerit
Ora 17:00, seancë stërvitore
12.09.2007
Ora 11:00, Analizë para ndeshjes
Ora 18:00, nisja për në stadium
Ora 20:45, ndeshja Shqipëri-Holandë

[RaPSouL]

Van Basten: Parashikoj 6 pikë ndaj Bullgarisë dhe Shqipërisë

Marko van Basten beson në dy fitore të pastra në dy ndeshjet e radhës përballë Bullgarisë dhe Shqipërisë. Në një intervistë publikuar në faqen e internetit të Federatës Holandeze të Futbollit, tekniku ka thënë se ndeshja më e vështirë do të jetë ndaj bullgarëve, teksa ka neglizhuar kuqezinjtë. “Në fillim do të luajmë përballë Bullgarisë një ndeshje shumë e rëndësishme për fatet e kualifikimit të skuadrës sonë. Duhet të fitojmë me qëllim që të krijojmë një avantazh ndaj skuadrës ndjekëse. Besoj se nuk do të bëjmë gabimin dhe të humbim pikë në këto dy ndeshje”, ka thënë Van Basten. Tekniku ka hedhur poshtë probleme në grupin e tij të futbollistëve për shkak të dëmtimeve. “Kemi një skuadër të re dhe me lojtarë relativisht pa shumë eksperiencë. Por unë besoj se është një ekip i mirë që mund të japë siguri jo vetëm për momentin, por edhe në të ardhmen. Po ta krahasoj me atë skuadër që u eliminua në botërorin “Gjermani 2006” do të shikoja një ekip shumë herë më të konsoliduar”, ka pohuar Marko van Basten. Ndeshja me kombëtaren shqiptare do të luhet në stadiumin “Qemal Stafa” më 12 shtator në orën 20:45.

[RaPSouL]

“Van Nistelroi e Sedorf na japin fitoren në Tiranë”

Për mbrojtësin e kombëtares holandeze me origjinë marokene, Kalid Boularouz fitorja në Tiranë do të vijë nga këmbët e të rikthyerve Van Nistelroi dhe Sedorf. Në një intervistë për albania-sport, mbrojtësi i Seviljes nuk ka nguruar të vlerësojë edhe kombëtaren shqiptare. “Të them të vërtetën nuk e njoh fare Shqipërinë si vend, sepse është hera e parë që shkoj, por mendoj se do të jetë një atmosfere shumë e nxehtë përsa i përket klimës në stadium. Në ndeshjen e parë ne e patëm të vështirë të merrnin tri pikët, por me kthimin e Van Nistelroit dhe të Sedorf mendoj se jemi më të sigurt për një fitore edhe në Tiranë”, ka thënë Boulahrouz. Përsa iu përket futbollistëve shqiptarë mbrojtësi i Seviljes në kampionatin spanjoll deklaron se njeh disa prej tyre. “Kalimi im në stadiumet e Gjermanisë më bëri të njoh edhe lojtarë nga Shqipëria. Njoh Skelën, Lalën dhe Berishën”, pohon Boularouz.