Kush lind si mysliman duhet të vdesë i tillë?

[DYDRINAS]

Kush lind si mysliman duhet të vdesë i tillë?

Dialog kulturash?



Nëse dikush ndërron nga feja e krishterë në atë islame nuk bëhet shumë zhurmë. Por krejt ndryshe ndodh në rastin e kundërt

Kush lind si mysliman mbetet i tillë, të paktën sipas të drejtës islame. Një mysliman që guxon të ndërrojë besimin jeton në rrezik, veçanërisht nën një rregjim mysliman si ai i Iranit, por edhe në Gjermani. Megjithatë ka njerëz të cilët kanë kurajo të ndryshojnë nga islamizmi në krishtërim.

Meshë në një famulli në Köln. Një grua lutet. Rreth 20 besimtarë të tjerë janë mbledhur në rradhët e stolave prapa saj dhe përsërisin me mend lutjen e gruas. Kjo nuk është një bashkësi e zakonshme të krishterësh. Këtu takohen të krishterë persë, ish myslimanë të cilët kanë ndërruar fe duke u bërë të krishterë.

Shumica e tyre kanë prapa kohë të vështira - luftë të brendshme, frikë nga shtypja dhe humbja e kontaktit me familjen. Për shumë kjo është tashmë pjesë e historisë dhe jetës së tyre sot. T'i kthesh krahët islamizmit është një proces i vështirë. Pjesa më e madhe e anëtarëve të këtij komuniteti e kanë mbajtur për vite me rradhë mbi supe këtë vendim. Edhe pse nga frika ata duan të mbeten anonimë, të konvertuarit nuk e mbajnë të fshehtë motivacionin e tyre.

"Kur lexon biblën shpirti qetësohet. Nëse lexon Kuranin atëherë të hyn frika. Nëse nuk bëj këtë apo atë gjë, çfarë do të ndodhë? Nëse nuk mbaj shami koke atëherë shkoj në ferr. Në fenë islame gratë nuk gëzojnë thuajse asnjë të drejtë." - thotë një e konvertuar.

Sipas vlerësimeve të organizatave për të drejtat e njeriut dhe kishave, në Gjermani ka rreth 6.000 të konvertuar, të cilët kanë ndërruar nga feja myslimane në atë të krishterë. Mendohet se më shumë se gjysma e tyre janë iranianë. Famulltari Kutzner kujdeset për shpirtin e të krishterëve persë në Gjermani: "Në Europë është vendim personal zgjedhja e kësaj apo asaj feje apo e asnjë besimi. Kjo është natyrisht ndryshe në një sfond islamik ku feja dhe politika janë të ndërthurura shumë më tepër nga sa jemi mësuar në Europë. "

Në Republikën Islamike të Iranit besimi dhe feja ashtu si në vendet e tjera myslimane janë pjesë e çështjeve publike. Kush del nga feja shtetërore, islamizimi, bën tradhëti të lartë dhe ndaj shtetit. Për të mbështetur këtë qëndrim të tyre, qeveria dhe udhëheqësit fetarë në rregjimin iranian i referohen Kuranit. Atje shkruhet:"Nëse ndryshoni atëherë ajo ju sulmon dhe ju vret kudo që të jeni." Sharia, ligji i Zotit, kërkon dënimin me vdekje për të konvertuarit. Sipas të drejtës islame çdo mysliman ka të drejtë të vrasë një të konvertuar. I konvertuari nuk gëzon asnjë të drejtë ligjore.

Nga frika të konvertuarit mund ta jetojnë besimin e tyre vetëm në heshtje. As miqve dhe familjes nuk mund t'u tregojnë. I kovertuari Babak ka ndërruar nga feja islame në atë të krishterë përpara 14 vjetësh në Iran. Që atëherë ai ka patur vazhdimisht frikë për jetën: "Isha vazhdimisht i vëzhguar, në punë dhe jashtë saj. Kur ndryshimi i besimit u bë i njohur u arrestova nga qeveria dhe u rraha me kamzhik. Në punë më bojkotonin thuajse plotësisht. Askush nuk fliste më me mua. Të gjithë kishin frikë se mund të ndesheshin me të njëjtat probleme. Dikur vështirësitë në Iran u shtuan aq shumë sa vërtet e kisha të pamundur të qëndroja atje më gjatë. Besoj se po të kisha qëndruar më gjatë, sot nuk do të jetoja."

Të konvertuarit në Iran mund të praktikojnë fenë në mënyrë shumë të kufizuar. Ata mund të takohen vetëm në kisha që egzistojnë në ilegalitet, të ashtuquajturat komunitete shtëpish, kryesisht në banesa private të të konvertuarve. Sipas të dhënave të organizatave për të drejtat e njeriut, në Iran ekzistojnë ndërkohë rreth 100 komunitete të krishtera shtëpish. Në famullinë perse në Köln pjesa më e madhe janë pagëzuar vetëm pasi kanë ardhur në Gjermani. Por edhe këtu ata ndeshen me paragjykime dhe kërcënime nga fanatikë fetarë.

Sot në Iran dënimi me vdekje për të konvertuarit thuasje nuk urdhërohet më me vendim gjykate. Shpesh ai kryhet nga një familjar i cili kërkon të lajë kështu turpin e familjes. Edhe në Gjermani ka patur raste të tilla megjithë lirinë e besimit thotë një punonjës i Shoqatës Ndërkombëtare për të Drejtat e Njeriut në Frankfurt: "Për fat të keq ka edhe në Gjermani vrasje të të konvertuarve në komunitetin iranian. Askush nuk e si sa është numri i këtyre vrasjeve pasi ashtu si në rastin e të ashtuquajturave vrasje për arsye nderi ato kamuflohen si aksidente në shtëpi apo aksidente me makinë. Ka që thonë se numri i vrasjeve të të konvertuarve në Gjermani arrin pesë në vit."

Megjithë frikën të konvertuarit nuk heqin dorë nga besimi i tyre. Nga myslimanët ata kërkojnë të njohin përkatësinë fetare si çështje private. Myslimanët në Europë që përfaqësojnë qëndrime të moderuara nuk i vënë aspak rëndësi detyrimit për t'iu përmbajtur fesë islame.

Mounir Azzaoui nga Këshilli Qëndror i Myslimanëve në Gjermani e konsideron jashtë kohe detyrimin për fenë islame: "Në të vërtetë në traditën islame ka sinjale që flasin se liria fetare nuk është e lejuar. Por kjo duhet parë në kontekstin kohor dhe në kohën e Profetëve mundësia e ndryshimin të fesë nuk egzistonte. Sot jetojmë në një situatë krejt tjetër dhe për këtë arsye duhet të jetë plotësisht e mundur që feja islame të praktikohet por edhe të hiqet dorë prej saj."

Ky këndvështrim nuk ndahet megjithatë nga disa prej myslimanëve në Gjermani dhe para së gjithash nga shunë qeveri myslimane. Në Iran situata për të konvertuarit është ashpërsuar edhe më shumë që prej ardhjes në post të konservatorit të linjës së ashpër, Presidentit Mahmud Ahmadinexhad.


Monika Vosough Mohebbi

Deutsche Welle

[hop_stop]

Nqs e keni te qarte domethenien e fjales Musliman do shpreheshe ndryshe!
E dyta, nuk e di se si mund te ndodhe qe nje musliman (qe ka sadopak dije per fene e vet) te ndryshoje fene ne katolik, jew, etj. Psh nje person, nga besimi ne nje Zot me cilesite e veta, te kaloje ne besimin ne tre zota, ku i bie qe treshi = 1 apo ne rastin tjeter te besoje se Zoti ka femije (Zot na fal per kete shpifje qe kane thene), kjo nuk eshte e pranueshme nga llogjika normale.

Citim:
Mounir Azzaoui nga Këshilli Qëndror i Myslimanëve në Gjermani e konsideron jashtë kohe detyrimin për fenë islame: "Në të vërtetë në traditën islame ka sinjale që flasin se liria fetare nuk është e lejuar. Por kjo duhet parë në kontekstin kohor dhe në kohën e Profetëve mundësia e ndryshimin të fesë nuk egzistonte. Sot jetojmë në një situatë krejt tjetër dhe për këtë arsye duhet të jetë plotësisht e mundur që feja islame të praktikohet por edhe të hiqet dorë prej saj."

Profetet kane qene te vlefshem per ate qe kane shpallur dhe jo per faktin e te qenit prezent apo jo (fizikisht) Ky personi i siperpermendur nqs do jetonte ne ate kohe (ne kohe kur ndonje nga profetet te ishte gjalle) shume mire mund te thoshte se ne nje vend ku Profeti nuk eshte i pranishem nuk jane te vlefshme fjalet qe ai predikon!!!
Tani per sa i perket shpalljes/ve dhe Profeteve (aljhimus selam)
Ata te gjithe kane predikuar besimin ne nje Zot pasi eshte normale qe ato, si te derguar nga i njejti Zot te pohojne dhe shpallin rregulla te se njejtes natyre.
Vete Isa a.s./ Jezusi ka deklaruar: Pas meje do vije nje i derguar tjeter te cilit do jete vertetues i ketyre qe predikoj une/shpalljes dhe plotesues i shpalljesi (pra do i jepet shpallja e plotesuar) dhe ka parathene disa nga shenjat e kohes ne te cilen i Derguari i fundit, Muhammed a.s. do vinte.
Nga kjo del qe te Derguarit kane ardhur per te njejtin qellim apo me te njejtin mision, te predikojne besimin ne Nje dhe te Vetmin Zot, te pashoq.
Arsyen perse kemi shkrime te ndryshme te ashtequajtura (te gjitha) te shenjta, kerkojeni ne krahasimin ndermjet tyre dhe do arrihet ne perfundimin qe vetem se dora dhe mendja e njeriut ka bere ndryshime ne ato libra.
Krahasoni menyren se si u mblodhen dhe u shkruajten keto libra te shenjte, kohen kur ato filluan te shkruhen dhe me kryesorja perputhshmerine e tyre me faktet reale.

[lone_star]

Kush tha qe kur nderron njeri fe nga feja myslimane ne fe tjeter nuk behet zhurme fare. Une per vete kam pare te trumbetuar neper revista apo faqe interneti kristiane gjera te tilla. Konvertimet ne fene islame jane me te shumta ne numer prandaj ndoshta duken me te reklamuara.

[elen]

Per myslimanet eshte problem sepse jane fanatike dhe nuk pranojne ndryshimin aq lehte .Po te pranonin ndryshimet aq lehte dhe sidomos ne punen e fese ,nuk do ishin kaq mbrapa sa jane.
Njeriu kur lind nuk zgjedh dot se cfare feje do besoje keshtu qe feja ose besimi qe ka , i eshte imponuar nga prinderit.Ka cdo te drejte pra kushdo qe do te nderroje besimin fetar qe i eshte imponuar ,ta beje.
Per mendimin tim po qe se dikush jeton ne Iran nuk ka pse te behet nga mysliman ne dicka tjeter per arsyen e thjeshte se do ti nxijne jeten e perditshme ose fundja te besoje brenda vetes se nuk i ka faj familja te vuaje kot sepse ju shkrep dikujt te nderroje besimin.

[RaPSouL]

Ai QE Lind Musliman Duhet Edhe Te Vdes Musliman Nuk Ka Tolerim Aty Kaq Sepse Me Keq Nuk Ka Qe Te Lindesh Si Musliman E Te Vdesesh Si Ateist Apo Katolik Me Mire Te Jesh Ateist Prej Fillimi Se Sa Te Lindesh Musliman E Te Vdesish Ateist Ose....

[ELDORADO]

askush ste detyron te mbash kete apo ate fe ,qe nuk eshte gje e mire dihet,ti lal mund te perqafosh ate fe qe te duket e mire,feja myslimane nuk detyron kend
respekte nga niku

[XX22]

Patjeter,madje edhe ato qe nuk jane te behen,te hapin syte se ku jetojme ,se cfare po ndodh ne kete bote etj dhe nuk ka dyshim per ate qe kupton dhe llogjikon se Islami eshte feja e vertete,mbetem me shprese qe ta vertetoni vete kur te vije ajo dite,sidomos per ato qe thone se Isai a.s(Jezisu)eshte Zot(ALLAHU eshte i larte nga ato qe i pershkruajne,AI eshte nje e i pashoq,nuk ka lindur kend e as nuk eshte i lindur ,i larte eshte AI nga te gjita ato qe i perngjiten.)
Ketu qendorn dhe zgjuarsia te lindesh ne nje familje te pa fe dhe te behesh ti mesues i tyre duke i drejtuar ne rrugen e vertete te ZOTIT NJE.

[iliria e para]

Njeriu nuk lind as musliman e as i krishtere. Njeriu behet psh. musliman ose tjeter, varesisht se ne cfare familje edukohet (rritet) ose sic ndodhi me shqiptaret gjat V shekujve nen turqit.
Tashti e drejta e konvertimit ose mohimit te fese eshte pyetje shume interesante. Personalisht njoh njerz qe kan konvertuar, por e mbajne sekrete(sidomos per te afermit e tyre), tjeret heshtin dhe jetojne nje jete qe asesi nuk i ngjan asaj si e jetonte familja, por nuk thone se kan konvertuar , pra kan frike per represalie. Per asnje njeri nuk eshte e thjeshte te konvertoje, ka komplikime, por per muslimanet konvertimi ose braktisja jane direkt te rrezikeshme per jeten. Sidomos per ata nga vendet arabe.
Pse?

[fisniku-student]

ata qe jane konvertuar ne jo islam nuk kan qen besimtare te vertet por kane qen munafika(duftyresha)dhe nuk eshte asgje tronditese d.m.th ai nuk ka qen musliman me besim por ne statistike vetem eshte shkruar ne dokumente se ka qen musliman dhe tash e njejta gje ai eshte dyftyresh dhe tek feja tjeter qe ka perqafu .

nje musliman qe ka mesu te verteten permes leximit per islamin ,nese nuk ju jep garanci dikush ,u jap une se ai do vdes si muslimane, e jo si keto "fete e dyshimta"

[fisniku-student]

Njeriu nuk lind as musliman e as i krishtere. Njeriu behet psh. musliman ose tjeter, varesisht se ne cfare familje edukohet (rritet) ose sic ndodhi me shqiptaret gjat V shekujve nen turqit.
Tashti e drejta e konvertimit ose mohimit te fese eshte pyetje shume interesante. Personalisht njoh njerz qe kan konvertuar, por e mbajne sekrete(sidomos per te afermit e tyre), tjeret heshtin dhe jetojne nje jete qe asesi nuk i ngjan asaj si e jetonte familja, por nuk thone se kan konvertuar , pra kan frike per represalie. Per asnje njeri nuk eshte e thjeshte te konvertoje, ka komplikime, por per muslimanet konvertimi ose braktisja jane direkt te rrezikeshme per jeten. Sidomos per ata nga vendet arabe.
Pse?

fjala musliman dote thote -besimtar dhe qdo foshnje qe linde lind me besim ndersa me rritjen etij ai bie ne ndikimin e prinderve dhe behet siq jane prinderit :ateist .krishter ,jahudi etj.

e kesaj PSE?

sepse nje musliman te konvertohet ne fe tjeter duhet te kete arsyse dhe te kete argumente si justifikim ,arsye dhe argumente nuk ka ,perpos qe mundet te shpalllet vetvetiu tradhetar religjioz e tradhetari ne shoqeri ka pozite te "priveligjuar" kuptohet..