Shtohen 110 trupa në Afganistan

[no name]

Qeveria miraton vendimin për shtimin e trupave. Kostoja, 126 milionë lekë

Berisha: Do t’i përgjigjemi me të gjitha mundësitë NATO-s

Adi Shkëmbi
Komandës së trupave shqiptare në Afganistan do t’i shtohen edhe 110 efektivë të tjerë.

Një ditë pas vizitës së kryeministrit në selinë e NATO-s, ku u takua me sekretarin e Përgjithshëm të Aleancës, Shefer, qeveria mori dje vendimin për të rritur praninë e trupave shqiptare në Afganistan. Në mbledhjen e djeshme të qeverisë u miratuan disa ndryshime në ligjin nr.8932, datë 26.7.2002, “për dërgimin e një force ushtarake shqiptare në Afganistan, në kuadër të koalicionit ndërkombëtar kundër terrorizmit”, të ndryshuar ku në nenin 1 të këtij projektvendimi fjalët “një nënrepart i brigadës së reagimit të shpejtë, së bashku me elementet mbështetëse” zëvendësohen me “një kompani e Forcave të Armatosura, së bashku me elementet mbështetëse”. “Kjo forcë ushtarake do të konsistojë me një kompani me 3 toga, si dhe dy oficerë koordinatorë në Komandën Operacionale Interforcë në Romë dhe Shtabin e Regjimentit në Afganistan. Sasia e personelit të kompanisë është parashikuar të jetë 110 efektiva me rotacion çdo 6 muaj. Kompania është parashikuar të ketë armatim dhe pajisje kryesore 12 copë pistoleta mod-54, 110 copë automatikë mod.56 9 copë ML mod- 56, 3 copë GHLKT mod- 54, 5 komplete municioni luftarak për çdo armë, pajimet individuale, pajisje shëndetësore dhe ndërlidhje”, thuhet në relacionin e vendimit të miratuar dje në mbledhjen e radhës së qeverisë. Forca ushtarake shqiptare në Afganistan do të atashohet brenda kontingjentit italian në bazë të një marrëveshje që do të nënshkruhet në ditët e ardhshme mes dy vendeve. Sipas relacionit “kostoja e përafërt financiare e pjesëmarrjes me një kompani llogaritet (për 6 muaj) rreth 126.763.000 lekë duke llogaritur shpërblimin ditor dhe sigurimin e jetës, për një nivel pjesëmarrje 110 personel ushtarak dhe do të përballohet nga buxheti i Ministrisë së Mbrojtjes”. Ndërsa kryeministri Berisha, duke folur dje në mbledhjen e qeverisë për këtë projektvendim, bëri të ditur se kjo njësi do të vendoset, nën komandën e njësive italiane, në Berat dhe ka detyra shumë të rëndësishme. “Eshtë prioriteti i parë absolut i NATO-s dhe ne do t’i përgjigjemi me të gjitha mundësitë tona kërkesave të Aleancës për të shtuar trupat. Në mbledhjen e fundit të ministrave të Jashtëm të vendeve të NATO-s është konstatuar se është e domosdoshme të shtohen trupat në Afganistan dhe ne i përgjigjemi me një kompani shtesë të trupave tona”, tha Berisha. Ndërkohë, sipas ministrit Mediu, dërgimi i kompanisë shqiptare në Afganistan lidhet me objektivat e vendit tonë për të qenë pjesë e Aleancës. “Me angazhimin dhe obligimin tonë që 8% e Forcave tokësore (rreth një batalion) të jenë të gatshme për të marrë pjesë njëherësh në operacionet NATO/PfP, pjesëmarrja jonë në këtë mision lidhet me angazhimin dhe vullnetin politik kombëtar për të rritur kontributet e Shqipërisë ndaj NATO-s, sikundër po veprojnë dhe vendet e tjera të Partneritetit për Paqe. Ky është një tregues i rëndësishëm për vendin tonë, si vend aspirant për anëtarësimin në NATO”, thekson Mediu lidhur me vendimin për dërgimin në Afganistan të 110 trupave të tjerë.





Vendimi
Bode s’kthen përgjigje për trupat

Në dhënien e mendimit nga ana e ministrive të linjës, bie në sy moskthimi i përgjigjes nga ana e Ministrisë së Financave lidhur me këtë projektvendim. Në relacionin e ministrit Mediu thuhet se “Ministria e Drejtësisë dhe Ministria e Punëve të Jashtme janë shprehur dakord në tërësi dhe sugjerimet e tyre janë reflektuar, ndërsa Ministria e Financave nuk ka dërguar mendim për projektligjin”.



Dixhitali, debatet PS-PD shtyjnë votimin

Pas dy orë debatesh, komisioni parlamentar i Medias nuk arriti të miratonte projektligjin “Për transmetimet numerike”. Në këtë nismë, që, sipas deputetit të PD-së, Patozi, është e integruar tashmë pas konsultave të grupit të punës, parashikohet që “Top Channel” të ketë vetëm një frekuencë për transmetimet numerike. Opozita kërkoi më tepër kohë për miratimin e këtij projektligji, pasi nuk janë njohur me propozimet e paraqitura nga ana e KKRT-së për këtë projekt. Kërkesa u bë publike nga ana e socialistëve Leskaj, Ulqini dhe Dalipi. Leskaj, si kryekomisioneri, propozoi që komisioni të mblidhej të shtunën për të diskutuar mbi draftet e paraqitura nga ana e grupeve të interesit. Patozi si përfaqësues politik i PD-së në këtë komision pranoi që vendimi i këtij drafti të shtyhet edhe 24 orë. Por edhe pse u vendos një gjë e tillë debati politik zgjati pafund, aq sa diskutimet morën drejtim tjetër. Kjo bëri që të ketë debate ndërmjet dy deputetëve Bello dhe Bisha, aq sa anëtarët e majtë në këtë komision u larguan nga mbledhja për debatet e shkaktuara. Ndërsa maxhoranca e cilësoi qëndrimin e opozitës si të papërgatitur për të miratuar këtë projektligj. Deputetët e maxhorancës deklaruan se sot në orën 11:00 paradite do të presin opozitën për të miratuar këtë projekt. Kuvendi ka parashikuar miratimin e këtij projektligji në seancën e së hënës, e cila do të mbahet paradite.



Komisioni i Medias, 2 projektrezoluta për KKRT

Komisioni i Medias do të dërgojë dy projektrezoluta të ndryshme në seancën e ardhshme të Parlamentit lidhur me punën e Këshillit Kombëtar të Radiotelevizionit (KKRT) gjatë vitit të kaluar. Në mbledhjen e djeshme të këtij komisioni ka pasur debate të shumta lidhur punën e këtij institucioni, kohët e fundit u pasqyruan edhe në p/rezolutat e paraqitura nga deputetët e të dyja palëve, lidhur me raportin vjetor të KKRT-së për vitin 2006, të paraqitur dje në Parlament nga kryetari i saj, Ledio Bianku. P/rezoluta e të majtëve kërkonte shkarkimin e anëtarëve të KKRT-së, pasi, sipas tyre, ky “institucion ka qenë i njëanshëm dhe diskriminues në raportet me operatorët që veprojnë në tregun mediatik”. Deputetët e opozitës pretendojnë se “KKRT ka zbatuar urdhrat e politikës, duke pësuar dështime në punën e saj. Kërkesa për shkarkim synon balancimin politik të këtij institucioni”. Por këto konkluzione të opozitës u kundërshtuan nga deputetët e maxhorancës. Deputeti i PD-së, Astrit Patozi, kundërshtoi projektrezolutën e paraqitur nga të majtët. Ai u shpreh se në punën e saj KKRT ka nevojë për përmirësime, por ka ndryshime të mëdha mes funksionimit të këtij institucioni sot dhe atij të qeverisjes socialiste të mëparshme”. Ndërsa deputeti Lesi kërkoi që në p/rezolutë të përfshihet dhe pika që lidhet me shpalljen nga KKRT të frekuencave kombëtare. “Brenda muajit korrik të kërkojmë që KKRT të shpallë konkurrimin për frekuencat kombëtare dhe të mbyllet shtegu i heqjes së antenave”, tha deputeti i PDK-së.


© 2003 Gazeta Panorama

[abnk]

I lumte. A mundet kush me hedhe drite n'modelet a maposhtme?

Kompania është parashikuar të ketë armatim dhe pajisje kryesore 12 copë pistoleta mod-54, 110 copë automatikë mod.56 9 copë ML mod- 56, 3 copë GHLKT mod- 54...

Jam ma teper i interesuem n'pjesen n'bold. C'ka jane mod.56? AK-47, AK-74, AKS, AKM, AK-101?

[D@mian]

I lumte. A mundet kush me hedhe drite n'modelet a maposhtme?



Jam ma teper i interesuem n'pjesen n'bold. C'ka jane mod.56? AK-47, AK-74, AKS, AKM, AK-101?

Mod. 56 (AK-56) eshte kopja kineze e AK-47.

[Dorontina]

110 trupa në Afganistan
edhe 110 venda pune te krijuara...ishalla kthehen shnosh e mirê ....

[abnk]

Mod. 56 (AK-56) eshte kopja kineze e AK-47.

Faleminders. Athere jane ne 7.62X39mm? Mod.56 m'la me mendue se mos jane ne 5.56mm NATO.

[antares]

Jam kurioz se nese ndonje Taleban do ja testonte ne gurmaz apo ne ndonje "kavitet" tjeter sejcilit nga 110 mercenareve te Brishes ato .......7.62X39mm? Mod.56 m'la me mendue se mos jane ne 5.56mm........................
Sa do ishte vrima dalese?
ABNK do na ndihmonte shume me keto se haelbete ka te dhena statistikore te....NATOS......

[Imperator]

Aman trupat tane ne misione nderkombetare, kam pyetur ata qe kane qene dhe me kane thene qe nuk kishim asnje lloj shqetesimi, nuk kishim detyre fare te gjuanim. Vetem benim ndonje xhiro dhe shikonim, madje me ndonje nga ata qe dinte anglisht dhe bisedonim.

Per mendimin tim trupat tane jane andej sa per te mesuar pak se si luftohet, dhe u sherbejne gjermanve e amerikanve e forcave tjera, u zijne makaronat e u bejne ushqimin gati.

Imperator

[D@mian]

Faleminders. Athere jane ne 7.62X39mm?

Po, njelloj me modelin rus.

Mod.56 m'la me mendue se mos jane ne 5.56mm NATO.

Bah....


Antares, si e ke hallin?

[Dorontina]

Aman trupat tane ne misione nderkombetare,
Per mendimin tim trupat tane jane andej sa per te mesuar pak se si luftohet, dhe u sherbejne gjermanve e amerikanve e forcave tjera, u zijne makaronat e u bejne ushqimin gati.

Imperator

edhe une e kam mendu ket ..por pak ndryshe ...Turqija i mori me zor i bani ushtar te fort e tash i dergojme vet .....ah histori po edhe ti kishe qen e pa kjart ne pantollat tua ...her uqkur e her llastik !

[antares]

Jo xhanem, por po te thoshim hapur se jemi ne Babilon apo ne Varrezen e Perandorive (Afganistan) si ciraker per tu llustruar kepucet Gjermaneve apo per tu mbajtur oturakun amerikaneve...... nuk edhe do kishim ndonje surprize nga ana e Talebaneve apo Rezistences Irakene.....
Fakti qe deri tani asnje Arnaut nuk e ka derdhur kemben (gjate ketyre viteve) tregon se Nano Mavria (apo Sale-Gamori) u kane bere leksione te akseleruara mercenareve qe kane nisur ne te kater anet e botes qe sapo te shohin ndonje vendas (Mysliman te Devotshem sigurisht me 20 kg-tritol ne kurriz) te pellasin ne kupe te qiellit ........."Allahu Akbaaaaa....ar" ............."Jam Arrnaut Vallahi Bilahi....."
Kjo me sa duket ka qene e mjaftueshme per te bllokuar entuziazmin xhihadik te vendasve.......
Vecse molla e ka bishtin mbrapa...... Nese padronet me breke me viza dhe yje (Jankite) degjojnne piskama te tilla, si trima qe jane therrasin aviacionin duke perfshire dhe Bombarduesit Strategjike B-12.........