A duhet largohet Janullatos prej kryesise Kishes orthodokse shqiptare?

[ilia spiro]

Një sqarim i detyrueshëm nga Berati drejtuar Gazetës Shqiptare
Kohët e fundit kemi lexuar me vëmendje artikujt në "Gazetën Shqiptare" të historianit Kristo Frashëri, për të cilin kemi pasur konsideratë lidhur me kontributin që ka dhënë në fushën e historiografisë. Me keqardhje vërejmë se në shkrimet e lartpërmendura z. Frashëri keqinterpreton problemet e Kishës sonë, duke i trajtuar ato politikisht. Kisha Ortodokse Autoqefale e Shqipërisë ka qenë, është dhe do të jetë e ortodoksëve të Shqipërisë. Atë nuk mund ta keqpërdorin as persona të besimeve të tjera, as ndonjë me origjinë ortodokse, por që ateizmi i rrënjosur në shpirt gjatë monizmit e ka larguar me kohë nga komuniteti ynë.

Kryepiskopi Anastas, për mungesën e jashtëzakonshme të kuadrove fetarë, erdhi në Shqipëri me kërkesën e besimtarëve ortodoksë dhe për këtë mori edhe miratimin zyrtar të kryetarit të shtetit, Presidentit të Republikës. Ardhja e Tij u përshëndet nga Patriarkana e Kostandinopojës, nga Kishat motra, nga Kishat e tjera të Krishtera që e njihnin mirë veprën e tij Ekumenike, si edhe nga autoritetet e larta të Parlamentit Evropian.

Në numrin e gazetës së mësipërme më 20 shtator 2010, z. Frashëri kishte botuar një përgjigje ndaj një shkrimi të Kryepiskopit Anastas, në të cilën ky i fundit hidhte dritë mbi një sërë akuzash të pabazuara të bëra ndaj tij. Në ditët që vijuan, gazeta ribotoi tekste të viteve të kaluara për të mbështetur, qoftë edhe fare pak, mendimin e z. Frashëri se Fronëzimi i Kryepiskopit Anastas nuk u krye rregullisht në kishën katedrale të Tiranës. Kështu, z. Frashëri shkruan: "Të gjithë e mbajnë mend se ceremonia solemne për fronëzimin e tij në kishën katedrale të Hyjlindëses në Tiranë, dështoi për shkak të kundërshtimit të besnikëve të krishterë, të pranishëm në ceremoni".

Por, e vërteta qëndron krejt ndryshe dhe besimtarët e pranishëm në kishë kujtojnë të tjera fakte nga këto që duan të na servirin! Në këtë ceremoni morën pjesë shumë të krishterë ortodoksë, të ardhur nga të gjitha trevat e Shqipërisë, si dhe Trupi Diplomatik i akredituar në Tiranë. Si qytetarë të përgjegjshëm të këtij vendi dhe anëtarë të Kishës Orthodhokse, duam të theksojmë vetëm dy të vërteta të thjeshta: Së pari se disa nga ne që nënshkruajmë këtë artikull, jemi dëshmitarë okularë, prezentë në Fronëzimin e Kryepeshkopit Anastas, më 2 gusht 1992 dhe, kemi thirrur nga zemra “i denjë”.

Në fund të ceremonisë, një grup i vogël, nën drejtimin e deputetit të asaj kohe, z. Butka, pinjoll i një familjeje të njohur anti-orthodhokse, të mbështetur jashtë kishës edhe nga deputetët joorthodhoksë, të njohur për qëndrime ekstremiste Baleta e Reso, u përpoqën pa sukses të turbullojnë ceremoninë që ishte kryer dhe kishte përfunduar. Ata kryen kështu vetëm një përdhosje të papranueshme ndaj besimit tonë të një vendi të shenjtë. Nisur edhe nga artikulli i z. Xoxe, që e ribotoi “Gazeta Shqiptare” (22.9.2010), por edhe nga intervista e z. Bardhyl Fico, zbulohet se ky veprim nuk ishte aspak spontan por ishte planifikuar një ditë më parë në ambiente jo orthodhokse. Së dyti, ne dëshmojmë se ceremonia e Fronëzimit filloi dhe mbaroi në kishën "Ungjillëzimi i Hyjlindëses" në Tiranë, sipas kanoneve të Kishës Orthodhokse.

Në nderim të Fronëzimit të Kryepeshkopit Anastas u shtrua vetëm një drekë në Hotel Tirana Internacional, që është ndërtuar pikërisht në atë vend ku dikur ka qenë kisha katedrale e Tiranës. Theksojmë këtu se z. Frashëri, duke mos qenë pjesëmarrës vetë në këtë ceremoni, shtrembëron të vërtetën, duke përdorur copa artikujsh antiortodoksë, duke u përpjekur të ngatërrojë drekën në hotel me çastin e fronëzimit në kishë. Është për të ardhur keq që një historian, i cili në vend të merret me faktet, e mbështet artikullin e tij mbi shkrime ekstremiste me akuza ordinere, siç është rasti i pamfletit qesharak për Himarën, dhe bën të vetat pozicione të kapërcyera nga historia, diskriminuese për kategori të caktuara të shoqërisë e minorancat, të cilat janë në kundërshtim të plotë me parametrat e një shoqërie demokratike dhe me ëndrrën e shqiptarëve për t’u rikthyer përsëri pas më shumë se 500 vjetësh në gjirin e familjes evropiane.

Duke u nisur nga emri dhe origjina, çuditemi se si z. Frashëri, ky përmetar me prejardhje ortodokse, kërkon që një vend i shenjtë për ne orthodhoksët, kisha e vjetër shekullore ortodokse "Shën Maria e Pazarit", në Përmet, të kthehet në pallat kulture. Është e ditur se, pas vitit 1967, kjo kishë u kthye në pallat kulture, por këtë fakt z. Kristo Frashëri, për arsye të botëkuptimit të tij ateist, nuk i vjen mirë ta përmendë. Ne ortodoksët e Beratit, ashtu si dhe qytetarët ortodoksë të Përmetit dhe të gjithë Shqipërisë jemi të sigurt se kjo godinë do t'i kthehet pronarit të ligjshëm, Kishës Ortodokse Autoqefale të Shqipërisë dhe besimtarëve të saj, ashtu siç i janë kthyer kisha e Shën Prokopit në Tiranë, e Shën Nikollës në Kavajë, Manastiri i Ardenicës në Lushnjë, si edhe shumë kisha të tjera në të gjithë Shqipërinë. Nga z. Frashëri, në gjurmë të të parëve të tij, ne do prisnim prej tij të kundërtën, pra që ai të interesohej dhe të mbronte të drejtën e Komunitetit Orthodhoks për të rimarrë vendet e shenjta që u shkatërruan nga regjimi monist. Të bën përshtypje frazeologjia plot urrejtje patologjike kur në shkrimin e tij ai shprehet: “A. Janullatusi është Kryepiskopi i pleqve dhe i plakave”. Këtu, z. Frashëri tregon se nuk ka respekt për të moshuarit duke harruar se edhe ai vetë është një 88të vjeçar i moshuar. I bëjmë të ditur z. Frashëri se Kryepiskopi Anastas është jo vetëm i të moshuarve por, i besimtarëve ortodoksë shqiptarë të gjitha moshave, që nga fëmijët, të rinjtë dhe të rriturit.

Z. Frashëri duhet të qartësohet edhe kur ai thotë se “u mblodhën 400 vetë”, (shifër që nuk është e vërtetë), në të ashtuquajturin “Komitet të Autoqefalisë”, të organizuar dhe të drejtuar nga Butka e Baleta, -gjithë këta janë një pikë ujë në oqeanin e dhjetëra mijërave ortodoksë beratas, korçarë dhe të gjithë Shqipërisë, të cilët nënshkruan në mbështetje të Kryepeshkopit Anastas. Këtu gjejmë rastin të përmendim se më 17,09,1992, një “komision fantazmë i autoqefalisë”, i përfaqësuar nga z. Petrit Bidoshi dhe z. Arjan Koja, në hajatin e kishës së Shën Spiridhonit në lagjen Goricë të Beratit, morën përgjigjen e merituar nga qindra besimtarë Ortodoksë beratas, të cilët mbështetën pa asnjë rezervë fronëzimin e Kryepiskopit Anastas. Përfaqësuesit e komisionit fantazmë, u larguan të turpëruar nga qëndrimi i vendosur i besimtarëve të qytetit tonë mijëra vjeçar, i këtij djepi të ortodoksisë dhe patriotizmit shqiptar. Dy vjet më vonë, para referendumit të 4 nëntori të vitit 1994, ortodoksët beratas kërkuan zyrtarisht Presidentit të Republikës, që të hiqte pikën 4 të nenit 7 të projektkushtetutës shqiptare, e cila e largonte Kryepiskopin nga Shqipëria, duke deklaruar botërisht se do të votonin kundër. Dhe me të vërtetë kështu ndodhi: në mbështetje të Kryepeshkopit Anastas u mblodhën mbi 80 mijë firma dhe këto ndikuan që ndërmjet shkaqeve të tjera projekt-kushtetuta të rrëzohej.

Atëherë në emër të kujt flisni ju z. Frashëri?!
Na vjen keq që z. Frashëri, në vend që të nxjerrë në dukje përparimet e gjithanshme që ka arritur Kisha Ortodokse Autoqefale e Shqipërisë gjatë këtyre 20 viteve, nën drejtimin e Prof. Dr. Anastasit, bën të kundërtën, duke u përpjekur të denigrojë dhe të mohojë të gjitha vlerat dhe veprat madhështore të Kryepiskopit. Vetëm në Berat në sajë të kontributit të tij është ndërtuar katedralja e madhe e Shën Dhimitrit në qendër të qytetit, ngritur nga themelet kisha e Shën Thomait, janë restauruar: katedralja e Shën Spiridhonit, kisha e Shëndëlliut, kisha e Shën Triadhës, etj. në Berat, manastiri i Shën Marisë së Vodicës, kisha e Shën Marisë në Vokopolë, kisha e Ngjalljes së Krishtit në qendër të Kuçovës, kopshti i fëmijëve dhe mensa e të varfërve, ndihma në medikamente, ushqime e veshmbathje etj.

A do të kishit mundësi ju z. Frashëri me pasuesit tuaj t’i realizonit këto në qytetin tonë?Por, po të flasim për gjithë Shqipërinë të gjithë jemi dëshmitarë se Kryepiskopi Anastas, me përkrahjen e shumë institucioneve ndërkombëtare dhe të personaliteteve të fuqishëm botërorë, ka kryer dhe vazhdon të kryejë punë të rëndësishme siç janë: ndërtimi dhe restaurimi i shumë kishave e manastireve, i objekteve sociale, kulturore, arsimore, shëndetësore në mbarë vendin tonë, të cilat janë vënë në shërbim të të gjithë shqiptarëve, pa bërë dallim në besimin e tyre. Ato që përmend Fortlumturia e Tij në fund të artikullit të tij, në lidhje me kontributin e tij për Kishën tonë Ortodokse, në fillim të viteve 90 e rrënuar, -është vetëm një panoramë modeste, e krahasuar me kontributin e tij gjigant në Kishë dhe më gjerë në shoqërinë shqiptare, gjatë epokës kritike të 19 viteve të fundit. Të gjithë ne, bashkë me ortodoksët e tjerë, jemi dëshmitarë të kontributit të tij unikal shumëdimensional. Z. Frashëri duke mohuar gjithë këto arritje tregon se i mungon mirënjohja, ky tipar themelor i moralit njerëzor.

Në këtë mënyrë, Kryepeshkopi Anastas po kryen me sukses misionin apostolik, domethënë edukimin fetar dhe ngritjen e nivelit shpirtëror të besimtarëve. Ai vazhdimisht ka pasur dhe ka në qendër të vëmendjes së tij forcimin e harmonisë midis komuniteteve fetare në Shqipëri, konsolidimin e miqësisë vëllazërore midis popullit shqiptar dhe fqinjëve të tij, si dhe përfaqësimin dinjitoz të Kishës Ortodokse Autoqefale të Shqipërisë në forumet ndërkombëtare fetare dhe laike. Zgjedhja e Kryepiskopit Anastas si President i Këshillit Botëror të Kishave, si Zëvendëspresident i Konferencës Evropiane të Kishave, si dhe zgjedhja, në vitin 2006, si President nderi në Konferencën e Feve për Paqen, organizata më e madhe fetare në botë, tregon më së miri personalitetin e tij të padiskutueshëm, me të cilin ne besimtarët orthodhoksë krenohemi që e kemi në krye të Kishës sonë.

Sot Kisha Orthodhokse, Kryepeshkopi, Sinodi i Shenjtë, Statuti dhe organizmat e saj njihen nga Kushtetuta dhe shteti si të vetmit përfaqësues të besimtarëve orthodhoksë të Shqipërisë. Po kështu, Kisha jonë dhe Kryepeshkopi i saj njihen si asnjëherë tjetër në histori nga të gjitha Kishat motra Ortodokse, nga të gjitha Kishat e Krishtera të Botës, por edhe më gjerë.

Qytetarët Ortodoksë të Beratit:
Ilia Zaka, Kiço Kolani, Miltiadh Veveçka, Xhovan Kajana, Arqile Shyti, Anxhelo Simsia, Ilia Koçi, Albano Subashi, Niko Fani, Gabriel Shani, Spiro Vogli, Petraq Laçka, Stela Qako, Joan Qako, Kozma Shyti, Thanas Cimbidhi, Sotiraq Tapia, Pali Vishnja, Lina Simsia, Fanie Mingo, Sifi Angjeliu, Aneta Bushamaku, Valentina Baba, Qiriako Stefani, Dhori Sinjari, Mihallaq Kote, Ferdinant Janinoti, Miron Liko, Nasi Fero, Vsilika Garuli, Marjana Garuli, Elpiniqi Filipi, Edmond Filipi, Ariola Gallani, Sotiraq Mishaxhiu, Mihal Pjetri, Anstas Xhymerteka, Xhulieta Koçi, Vladimir Prendi, Elenita Andoni, Kozma Nikolla, Anastasi Dodi, Stavri Garuli, Llambi Proko, Vasili Sinjari, Ilia Gjogu, Vangjeli Kolani, Sotir Gjoka, Xhoxhi Stefa, Llambi Teneqexhi, Elion Kosica, Sotiraq Frashëri, Liri Shulla, Margarita Mihali, Llambrini Sinjari, Vasil Zaka, Kosta Leka, Gjinovefa Sako, Elena Teneqexhiu, Dhimitër Tapia, Aneta Tapia, Luena Golemi, Lefteri Kosova, Irena Dervishi, Lisobie Kosova, Thomaidha Gjoka, Theodhor Teneqexhiu, Aurela Kullau, Samson Lako, Llazar Kajana, Romeo Çilingire, Marie Çilingiri, Sokrat Tanku, Irakli Meroli, Pandi Shulla, Xhoxhi Saveta, Xhovan Doga.

[monikal]

Prap nuk e kuptoj,se ku qendron problemi!.

Per ta hequr e heq kollaj,problemi eshte te gjesh e te vesh nje te sakte....

Pikërisht se nuk hiqet kollaj po diskutohet kaq gjatë. Kur mbillet një farë e keqe e cila mbahet nën përkujdesja nga qarqe të fuqishme antishqiptare duhet një ndërgjegjësim mbarëkombëtar që të ushtrojë presion mbi pushtetarët e korruptuar shqiptarë për të marë vendime të drejta e që i shërbejnë kombit e jo xhepit të tyre. Po e theksoj përsëri, nuk kam asgjë personale me qytetarin grek Janullatus, madje si qytetar e intelektual grek meriton respek. Unë analizoj pasojat e veprimtarisë së tij mbi kishën tonë ortodokse autoqefale shqiptare, ndërtimin nën imponimin e tij të një piramide që i shërben një pakice ortodoksish që banojnë në Shqipëri e qarqeve jo dashamirese ndaj shqiptareve.
Nuk është asnjë problem të gjenden disa personalitete ortodokse shqiptare kudo në botë e në rast nevoje, në kushte emergjence, të ngrihet KISHA ORTODOKSE KOMBËTARE AUTOQEFALE SHQIPTARE me programin e strategjinë fanoliste te martirëve ortodoksë shqiptarë. Herët a vonë, duan apo nuk duan disa, kjo do të realizohet. Tashmë janë pjekur kushtet që ortodoksët shqiptarë në tërë botën të kërkojnë ndihmë e tu ofrohet ndihmë nga qarqe ortodokse dashamirëse që nuk janë të lidhura me shovinizmin ortodoks antishqiptar.
Por përpara se të ndodhë kjo ne duam ta bëjmë të qartë që duam mirëkuptim e bashkëpunim me tërë ortodoksët e botës, edhe me ata grekë, por duke pasur kishën ortodokse shqiptare, jo me emër, por në realitet, e cila të na mbrojë martirët e idealet tona si ortodoksë shqiptarë. Le të kontribuojmë te gjithe për ndërtimin e urave të bashkëpunimit, larg garagjykimeve e strategjive antishqiptare.

[G.S.Vangjeli]

o Monikal....

Anastasio-n nuk ka b*ythë t'a heqë njeri në Shqipëri për një arsye të vetme :

Ka të drejtë të qëndrojë në fronin Arqipeshkopal edhe e dinë edhe armiqtë e tij këtë.

Dhe më e keqja është se nuk ka për të pasur me ç'duket njeri t'a zvendësojë për një periudhë të gjatë. Do të duhen vite të tëra.

Kam frikë se do bëhemi gazi i botës po erdhi ndonjë tjetër ne krye të KOASH-it.

Nuk di se ç'do të thotë Arqipeshkop.... dhe me sa duket nuk di ç'do të thotë Kallogër(murg) apo Prift.

mos ja fusni koooooot kolopuça po lexoni

[chino]

o Monikal....

Anastasio-n nuk ka b*ythë t'a heqë njeri në Shqipëri për një arsye të vetme :

Ka të drejtë të qëndrojë në fronin Arqipeshkopal edhe e dinë edhe armiqtë e tij këtë.

Dhe më e keqja është se nuk ka për të pasur me ç'duket njeri t'a zvendësojë për një periudhë të gjatë. Do të duhen vite të tëra.

Kam frikë se do bëhemi gazi i botës po erdhi ndonjë tjetër ne krye të KOASH-it.

Nuk di se ç'do të thotë Arqipeshkop.... dhe me sa duket nuk di ç'do të thotë Kallogër(murg) apo Prift.

mos ja fusni koooooot kolopuça po lexoni

Jo qe s'ka askush b*the per ta hequr. Arsyet jane keto:

1. Janullatosi eshte nje nder personat me te kritikuar ne shoqerine shqiptare - kjo gjithenje me fake gjegjesisht arsye. Eshte objekti i kritikave e thumbimeve prej profesoreve, neper kuvendore e deri tek kabaretistet e thjeshte si dhe neve ketu ne forum.

2. Disa shqiptare ortodokse Janullatosin e pranojne si prijesin e tyre shpirteror.

3. Shqiperia ka kryer krime ndaj Ortodoksise Shqiptare.

4. Kushtetuta lejon liri fetare dhe autonomi per instancat fetare.

5. Shqipetaret jane njerez intelegjente.

Nga numri 4 del motivi ligjor-shteteror, perse nuk hiqet. Nga numrat 1 dhe 5 shihet se nuk ka nevoje per ta hequr. Sepse ne njeren ane trajtohet si palaco, ne anen tjeter ka te beje me nje popull intelegjent, te cilin nuk e mashtron dot. Nga numrat 2 dhe 3 shihen motivet morale perse shqiptaret jo ortodokse nuk e heqin.

Nese nuk beson, beje nje test: Le te deklarojne shqiptaret ortodokse se nuk eshte i mirepritur per ta dhe do e shohesh neser duke dalur shqelma jashte kufirit.

[monikal]

Nga tè dy postimet e fundit konkludohet se ortodoksèt shqiptarè mezi paskan pritur njè tè dèrguar nga Greqia qè sido qè tè ishte nga mendja e shpirti t'i vinte nè metrin e Perèndisè dhe ky e tè emèruarit e tij nè jetè tè jetève e paskan tè taksur tu thurret kult e lavdi. Pra atè kult pèr tè cilèn ju akuzoni diktatorin, Janullatosi e paska tè pèrligjur dhe madje mbi vetè Zotin. Hajde shpirt skllavi, hajde!

[peshkaqeni33]

Peshkaqen,

Zjarrit, edhe pika uji po ti hedhësh do filloj të reagoj fuqishëm, jo më ti hedhësh benzinë. Lëvizja(trendi) e përgjithshme globale në vëndet e civilizuara është duke e zbehur dhe zbutur avash avash këtë dinosuar të lashtë. Këto procese gjithsesi duan kohën e tyre dhe diku janë më përpara se në vënde të tjera. Po u bënë shumë shpejt njerëzit revoltohen, po u bënë shumë avash, njerëzit rrëshkasin por në krahun e kundërt, psh. mesjetë, ose sic po ndodh tani, në Islamizëm ose tek ne Neo-Ottomanizëm. Unë personalisht përshëndes lëvizjen e qeverisë për heqjen e simboleve fetare nga cdo shkollë si fillim. Duhet theksuar që kjo është dicka që bashkësia Islame dhe KOASH-i janë në unison kategorikisht kundër. Dicka e pritshme do shtoja për ata që din pak histori dhe marrëdhëniet e këtyre dy feve me njëra tjetrën, në terma fëminor do thoja si Tomi me Xherrin, ku Tomi nuk është detyrimisht ai më i madhi në numër, por ai më i sofistikuari në ideologjinë e tij.

Besoj se u kuptuam ku qëndroj dhe pse qëndroj në at mënyrë në këtë cështje. Sigurisht nëse Janullatosi e tejkalon pozicionin e tij fetar dhe fut hundët në cështje shtetërore atëher ka vënd për të argumentuar dhe marrur masa, por ai nuk është budalla ti bëj vetë këto gjëra . Deri tani nëse ai e ka bërë këtë gjë, ka qënë shumë i aftë ta mshehi, pasi nuk ka dalur ndonjë provë me shkrim për bëmat e tij anti-shqiptare por vec konjuktura dhe supozime të bazuara në karakterin historik të fqinjëve tanë dhe do shtoja përkundrazi kanë dalur lavdërime nga komuniteti shqiptar në Greqi dhe ai në Shqipëri për rrolin që ka patur në uljen e gjakrave si moderues. Kjo e fundit shikohet dhe me shumë interes dhe aprovim nga qarqet diplomatike në Bruksel. Nëse do fillojmë të sillemi si kafshë, ti themi tjetrit bëj kështu se kështu them unë, shumë shpejt ky komb do rrëshkasi në anarki. Nuk jam unë që nuk po i jap kredit shqiptarëve ose kredo dhe mirbesim, por është sjellja shqiptare që nuk po e tejkalon diskursin e kohës së baba qemos, dhe rrezikon që përherë të bie në pre të lojrave të fqinjëve tanë.

Nuk jam gabuar ne vlersimin qe kam bere per ty.
Sigurisht qe ti ke kendveshtrimin tend e une kam timin.

Duam nuk duam ne parcelizimi eshte nje fenomen real ne shoqerin tone. Ne jemi krijese shoqerore. Qe nga lashtesit njeriu ka kuptuar nga pervoja e tij se te qenurit pjestar i nje grupi rrit mundesin e individit per te mbijetuar ai vete dhe pasardhesit e tij. Dua te them qe vet qenia jone istiktivisht ndihet me mire kur eshte pjese e nje grupi. Pra ndihemi me te mbrojtur dhe me te fuqishem. Prandaj shoqeria njerzore ka tendencen (trendin) te ndahet ne grupime(skuadra) qofshin politike qofshin fetare, qofshin etnike.

Dhe eshte ketu qe cdo njeri ben zgjedhjen e tij. Arsyeton se kujt grupimi ai i perket. Ketu sa me shume bashkesi apo grupime te kete aq me i vogel eshte probabiliteti qe prerjet e ketyre bashkesive te kene numer te madh individesh. Domethen e then fshatarce. Sa me shume grupime te kete nje shoqeri aq me e vogel eshte mundesia te gjesh njerez qe te mendojne njesoj.
Shoqeri shqiptare ka shume grupime(eshte jashtmase e parcelizuar). Disa prej ktyre grupimeve na serviren prej shekujve si relike te pa vlera(parazitare) dhe ngarkesa te kota per shoqerine tone. Ne duhet te thjeshtojme sa me shume grupime te mundemi dhe te mundohemi t'a bejme shoqerin ton sa me kompakte. Ne shoqerin ton kemi grupime me baze etnike, me baze fetare, me baze politike, me baze kulturore, me baze sportive etj, etj, etj... Dhe eshte pikerisht ky mbiparcelizim qe na mundon dhe na stermundon per te gjetur nje shok, se si rrjedhoj e ketij parcelizimi 10 gjera do te na ndajne dhe 2 do na bashkojne me cdo individ tjeter.
U zgjata shume, por ishte e nevojshme qe te me kuptosh ne ato qe do them tani.
Dhe le ta peqendrojme biseden tani atje ku eshte tema jone.Ne kemi nje parcelizim plus me teper se cdo vend tjeter Evropian. Kemi parcelizimin apo ndarjen fetare. Ne kemi fatin e keq historik, qe sipas meje duhet korrigjuar, te kemi kater grupime te medhe fetare. Kemi dy grupime Myslimane, grupimin Ortodoks dhe ate Katolik. Megjithese mund te duket jashte mundesive tona reale, eshte detyra jone e shenjte qe te punojme per korrigjimin e historise dhe te mundohemi te bashkojme popullin ne nje grupim te vetem fetar. Pra ky eshte kahu ne te cilin duhet meshuar.
Ne rastin konkret kemi nje Janullatos qe ne vend te mbaj te bashkuar grupimin ortodoks po e ndan me dysh. Nuk eshte cudi qe grupimi qe eshte kunder Janullatos te themeloj ndonje kishe te re. Pra nje ndarje e re dhe nje parcelizim i metejshem i kishes ortodokse nuk eshte ne dobin e shoqerise tone. Ne duhet te shikojme para jo te kthehemi pas. Janullatosi, mund te jete dhe s'ka pse mos te jete ashtu si e pershkrove ti. Mirpo ai duhet sakrifikuar per te miren e kishes tone. Dhe e mira e kishes sone eshte te jete bashke. Nje e vetme. Janullatosi ne kete drejtim eshte nje faktor negativ. Pastaj deklaratat e tij. Deklaratat e mitropoliteve te tij.... Te gjitha keto te bejne ti vesh gishtin kokes.



Une gjithmon thell ne shpirt kam dashur qe ai njeri te kishte rrenje shqiptare. Ndoshta ajo pamja prej burri te urte qe emeton.
Mirpo ato deklaratat gjate veres se nxehte ..... Zbuluan para syve tane ate dickan qe mundoheshim tia mohonim gjithmon vetes. Pyetjes sime te brendeshme "Ky njeri eshte engjell apo eshte grek", ato dite iu pergjigj "Une jam Grek"


Une qe po te shkruaj dikur e kam admiruar kete figure. Mirpo misioni i tij ne Shqiperi mbaroi! Eshte mire te largohet me nder. Ne gjithmon do ta kujtome dhe do t'a nderojme punen e tij!

[thirsty]

Ne rradhe te pare koha dhe qellimi i hapjes se ketij sondazhi nuk jane te justifikuara, pasi normalisht per te arritur ne kete pike duhej qe te kish bere ndonje gje te madhe e te keqe kohet e fundit Janullatosi qe te ngrihej perseri ceshtja e largimit te tij.

ne rradhe te dyte Floriri qe hapi kete teme eshte prononcuar hapur si besimtar i devotshem mysliman gje qe i jep kesaj teme ngjyrime te padeshiruara fetare.
Shko mer cun Flori e shif problemet e myslimonve se s'jeni me mo pak probleme qe ti jepni drejtim ju bes. njashtu cuno, mos u bo celik se humbet rendesin e vleren.

si perfundim them se per 'rrespekt' qe sondazhi duhej hapur ne nenforumin e ortodoksve dhe tu lihej atyre te thonin mendimin e vet.

Me thoni ju, cfare perfitimi ka feja e tij nga kjo?

[>_Ilirian_>]

Selim Muça, s'ben apel per konvertim te identitetit kombtar.

Anastasi po,.

20'000 shqiptar konvertohen ne grek per çdo vit !

Keshtu rritet komuniteti grek me shqiptar, dhe me pas, bollano do te merrte te drejten duke na argumentuar qe ky eshte vullneti i minoritetit grek ne shqiperi, qe jan diku 15% te popullates !

[ilia spiro]

të ngrihet KISHA ORTODOKSE KOMBËTARE AUTOQEFALE SHQIPTARE me programin e strategjinë fanoliste te martirëve ortodoksë shqiptarë.

Te flas me gjuhe fetare, ky eshte edhe qellimi i satanait, te percaje orthodhokset, te cilet jane Kisha e vertete qe ka mbetur pa u perlyer. Nje orthodhoks i vertete nuk e percan Kishen e tij dhe as krijon skizma, por lufton brenda Kishes duke dhene cdo here mendimin e tij, edhe ne respekt te te tjereve dhe me tolerance perpiqet te pozicionohet me nuancen e tij.
Fan Noli dhe Anastasi jane te dyja figura te nderuara te Kishes sone.

Ne te kundert nese krijohen fraksione te tilla kishash,keto s`jane gje tjeter vecse parti politike dhe s`kane asgje te perbashket me besimin orthodhoks.KOASH-i duhet te funksionoje sipas kanoneve dhe statutit te tij.

[chino]

Te flas me gjuhe fetare, ky eshte edhe qellimi i satanait, te percaje orthodhokset, te cilet jane Kisha e vertete qe ka mbetur pa u perlyer. Nje orthodhoks i vertete nuk e percan Kishen e tij dhe as krijon skizma, por lufton brenda Kishes duke dhene cdo here mendimin e tij, edhe ne respekt te te tjereve dhe me tolerance perpiqet te pozicionohet me nuancen e tij.
Fan Noli dhe Anastasi jane te dyja figura te nderuara te Kishes sone.

Atehere Satani qenka perpiluesi i Ortodoksise ne teresi. Sepse kjo ekzistencen e saj ia falenderon percarjes (skizmes).