Gjykata kushtetuese, 2 emrat e PD për kryetar

[LAINA]

Fejzi Braushi
23-05-2007


Gjykata Kushtetuese



Emri i propozuar duhet të marrë shumicën e votave, në një proces zgjedhor të fshehtë në Kuvend

TIRANË- Zgjedhja e kryetarit të ri të Gjykatës Kushtetuese pritet të shndërrohet, nga një debat politik dhe juridik, në një konflikt të ashpër institucional midis mazhorancës nga njëri krah dhe Presidentit nga ana tjetër. Kjo, për arsyen se shumica nuk pranon të votojë asnjë emër të propozuar nga kreu i shtetit për këtë post, pa marrë më parë pëlqimin e saj. Megjithëse, Kushtetuta i jep të drejtën atij që të hapë procedurat për zgjedhjen e kryetarit të ri të kësaj gjykate, duke emëruar njërin prej 9 anëtarëve të saj si kryetar, Moisiu duhet t’i drejtohet Kuvendit, për të marrë pëlqimin për propozimin konkret. Emri i propozuar duhet të marrë shumicën e votave në një proces zgjedhor të fshehtë në Kuvend. Nisur nga konfigurimi i Kuvendit, përzgjedhja dhe emërimi i kryetarit të ri të kësaj gjykate nga ana e Presidentit, pa marrë më parë konsensusin e shumicës qeverisëse, do ta bënte shumë të vështirë votimin e tij në Kuvend. Precedenti i 3 viteve më parë, ku Sauli u zgjodh kryetar vetëm falë konsensusit të dy partive të mëdha, bënë të udhës që edhe këtë herë të bëhet e njëjta gjë. Por konsensusi mbetet i vështirë për t’u arritur, për aq kohë sa marrëdhëniet midis ekzekutivit dhe Presidentit do të vazhdojnë të mbesin të acaruara. Duke u bazuar edhe tek deklarata e djeshme e deputetit demokrat, Astrit Patozi, mazhoranca do të jepte votën vetëm për emra që do t’i jepnin siguri asaj, se do të ishin të paanshëm.

Të skualifikuarit
Klima aktuale politike dhe deklaratat e fundit të mazhorancës, i lënë mundësi shumë të pakta kreut të shtetit për të përzgjedhur midis anëtarëve aktual të Gjykatës Kushtetuese, emrin që do të pasonte Gjergj Saulin në postin e kreut të kësaj gjykate. Mungesa e një konsensusi paraprak dhe raporti i votave në Kuvend, e detyron kreun e shtetit që të bëjë një zgjidhje të arsyeshme, duke tentuar që të merrte votat e shumicës në Kuvend. Në këtë mënyrë nga kjo garë përjashtohen ata emra, të cilët mazhoranca nuk ka munguar t’i cilësojë si përfaqësues të majtë, siç është dhe emri i ish-kryetarit, Fehmi Abdiu, apo dhe ndonjë emër tjetër jo kaq publik. Gjithashtu, nga e drejta për t’u emëruar përjashtohet dhe kreu aktual, Gjergj Sauli, pasi kohëzgjatja e mandatit të mbetur si anëtar i Gjykatës Kushtetuese është më e vogël se kohëzgjatja e mandatit të kryetarit, që duhet të jetë 3-vjeçar. Një emër tjetër, i cili nuk ka të drejtë emërimi, është dhe Kristofor Peçi, të cilit i ka mbaruar mandati si anëtar. Nga një përllogaritje e thjeshtë, rezulton se aktualisht kandidatë me të drejta të plota për kryetar në këtë gjykatë e kanë vetëm 7 anëtarë, duke mos përjashtuar dhe emrin që mund të zëvendësojë Kristofor Peçin.

Kandidatët
Duke mos paragjykuar bindjet politike të asnjërit prej anëtarëve të Gjykatës Kushtetuese, por duke u bazuar tek veprimtaria e tyre përpara se të bëheshin anëtarë të kësaj gjykate, dy janë kandidaturat më të mundshme, që mund të marrin mbështetjen e mazhorancës për të zëvendësuar Gjergj Saulin. Bëhet fjalë për anëtarin e sapozgjedhur, Vladimir Kristo dhe anëtarin tjetër, Xhezai Zaganjori, të dy funksionarë të lartë në administratën shtetërore, gjatë kohëve kur vendin e kanë qeverisur të djathtët. Kristo, përpara se të zgjidhej anëtar i kësaj gjykate, ka qenë zëvendësministër i Drejtësisë, në kohën kur kjo drejtohej nga Aldo Bumçi dhe Zaganjori ka qenë ish-ambasador i Shqipërisë në Gjermani gjatë qeverisjes së parë të të djathtëve. Ajo që mbetet e paqartë në këtë rast, është se çfarë do të ndodhte nëse Kuvendi do të rrëzonte propozimin e Moisiut për kryetar të Gjykatës Kushtetuese. Kushtetuta, nuk e përcakton se sa herë duhet të përsëritet votimi në Kuvend në një rast mos zgjedhjeje, duke i lënë mundësi kreut të shtetit që, në mënyrë të njëpasnjëshme, të propozojë me radhë të gjithë anëtarët që plotësojnë kushtet për t’u emëruar.

Gjykata Kushtetuese: Kryetari Sauli është ende në detyrë

TIRANË- Kreu aktual i Gjykatës Kushtetuese vazhdon të kryejë kompetencat e tij sipas ligjit të funksionimit të kësaj gjykate. Zyra e shtypit pranë kësaj gjykate, mohon zërat për vakuum institucional në drejtimin e saj. Sipas zyrës së shtypit, vakuumi për të cilin flet sot mazhoranca nuk është real, pasi kryetari i saj, Gjergj Sauli, pavarësisht se më 13 maj i ka mbaruar mandati i kryetarit, ai vazhdon të jetë në funksionet e tij drejtuese deri në momentin e zëvendësimit nga ana e Presidentit. Kushtetuta dhe ligji për funksionimin e kësaj gjykate është evaziv dhe nuk përcakton nëse kryetari, të cilit i ka mbaruar mandati, duhet të ushtrojë kompetencat e tij edhe pas kësaj date. Por, gjithmonë sipas kësaj zyre, ekziston precedenti në këtë institucion, ku anëtarë të tij kanë vazhduar të kryejnë funksionet e tyre edhe pse mandati i tyre ka mbaruar kohë më parë. Kështu, rasti i Kristofor Peçit përbën dhe precedentin më të freskët. Megjithëse atij, prej dhjetorit të vitit të shkuar i ka mbaruar mandati i anëtarit të kësaj gjykate, ai ka marrë pjesë në mënyrë sistematike në të gjitha seancat dëgjimore dhe vendimmarrëse të këtij institucioni, duke ushtruar të drejtën e votës njësoj si të gjithë anëtarët e tjerë të kësaj gjykate.


Patozi: Nuk votojmë asnjë kandidaturë, pa pëlqimin tonë paraprak

TIRANË- Shumica qeverisëse paralajmëron Presidentin e Republikës, Alfred Moisiu, se nuk do të votojë asnjë propozim të tij, për kreun e Gjykatës Kushtetuese, në rast se ai nuk merr pëlqimin paraprak të saj. Deputeti i PD-së, Astrit Patozi, në emër të PD-së, tha dje se Presidenti i Republikës, para se të sjellë në Parlament kandidaturën për kryetar të ri të Gjykatës Kushtetuese, duhet të ketë parasysh që ajo duhet të gëzojë mbështetjen e maxhorancës. “Sigurisht, që nuk jemi gati për çdo emër që do të propozojë Presidenti për kryetar të ri të Gjykatës Kushtetuese. Gjykoj që, para se Kreu i Shtetit të sjellë emrin për drejtuesin e Kushtetueses, duhet të ketë mendimin dhe pëlqimin e maxhorancës, sepse është ajo që vendos për emrin në sallën e Parlamentit”,- tha Patozi. Për këtë arsye, duket se presidenti Moisiu do të fillojë negociatat me mazhorancën, për të përcaktuar se cili prej shtatë anëtarëve aktualë të Gjykatës Kushtetuese duhet të zërë vendin e kreut aktual, Gjergj Sauli. “Presidenti, nuk duhet të bëjë bruto figurë, duke sjellë emra jashtë vullnetit të maxhorancës. Ai duhet të ketë parasysh që, në të gjitha Parlamentet e botës, maxhoranca është ajo që vendos e fundit kur e ka këtë emërtesë, ndaj dhe duhet të mbahet parasysh vullneti i saj, për emrat dhe kriteret që kandidatura duhet të ketë”,- tha deputeti Patozi. Ai ka shprehur besimin, se Kreu i Shtetit do të dijë të bëjë zgjidhjen e duhur.

[Brari]

luft midis mafies dhe drejtesise..

te shohim kush do fitoje..

mafia ka ushtar te forte.. vec ushtrise se "juristeve" punisto-kanibalo pushkatuso-litaro-vares ka dhe kte kapterrin e mjere te birin e spiro dh.it-sit moisi batakciun..
i forte altin arapi.. dhe plakun moisi generallin e ka vu ne rresht si cakall te zgjebosur e te bindur sikurse sallakun me shoke..



..

[TOKE GEGA]

KRYETAR I GJYKATES KUSHTETUESE ESHTE:

Xhezai Zaganjori.Zaganjori ka qenë ish-ambasador i Shqipërisë në Gjermani !

NGA 1992 DERRI KURE ME RREVOLUCON KALASHNIKOVIN SOCJALKOMUNISTAT SHQIPEFOLSA ERDHE NE PUSHTET!