Futbolli shqiptar në Maqedoni

[KUSi]

une nuk e di pse va boni muhabetin kur e dini se SHKENDIJA DHE BALLISTET jane me te fort

[strong_07]

mos e harro bashkimin ok se eshte me i fort se shkendija

[KUSi]

mos e harro bashkimin ok se eshte me i fort se shkendija

hahahah shihet ajo se kush oshte ma i fort Shkendija apo Bashkimi , kete e tregon edhe renditja ne tabel edhe lojat ne mes veti cka i kan pat

[strong_07]

Edmond Miha: “Shkëndija, gati për Sileksin”

Skuadra e Shkëndijës është duke u stërvitur me intensitet të plotë në Tetovë, pasi që këtë javë do të fillojë stinori në Ligën e Parë të Maqedonisë. Futbollistët “kuqezi”, do të ndeshen kundër skuadrës së Sileksit nga Kratova. Kryetrajneri i Shkëndija‘79, Edmond Miha iu është qasur punës me futbollistët për tu përgatitur maksimalisht për vazhdimin e edicionit pranveror. “Kam planifikuar nga një seancë stërvitore për të hënën dhe të martën. Jemi duke punuar në drejtimin taktik dhe psikologjik, për ndeshjen e parë”, tha Miha. Ai thotë tani më e ka të qartë formacionin bazë, me të cilët do të mbështetet në ndeshjet kampinale. “E kam të qartë se kush do të jetë njëmbëdhjetëshi i parë në ndeshjen me Sileksin e Kratovës. Mund të ketë ndryshime të vogla në mesfushë dhe në mbrojtje, por këto ndryshime nuk do ta prishin konceptin tim”, vijoi timonieri i Shkëndijës. Edmond Miha është optimist sa i përket takimit me kratovasit dhe optimizmin e tij do ta vërtetojnë futbollistët në fushën e lojës. Ndryshe, sipas buletinit shëndetësor tani për tani asnjë futbollist kuqezi nuk ankohet në lëndime, prandaj stafi teknik ka të drejtë të pres me optimizëm përballjen me Sileksin.

[strong_07]

“Shvercerat Shkup” dhuruan gjak për nënat

Grupi i tifozëve “Shvercerat Shkup” kanë treguar fytyrën e tyre të vërtetë. Kësaj radhe atë nuk u dëshmuan siç jemi mësuar t’i shohim në shkallët e stadiumit gjatë një ndeshjeje futbollistike të KF Slloga J., ose të kombëtares së Shqipërisë.
Ata kësaj radhe kanë marë një hap tepër human, duke dhuruar vullnetarisht gjak për nënat shqiptare të cilat çdo ditë lindin në spitalin e Gjinekologjisë dhe Akusherisë në Çair.
Në konsultim me drejtorin e spitalit Menduh Jegeni, kuptuam se spitali ka nevojë për gjak, ndërsa “Shvercerat Shkup” pa menduar shumë morën iniciativë dhe 10 anëtarë të këtij grupi dhuruan gjak.
“Kur është në pyetje ndihma, “Shvercerat Shkup” kanë qenë dhe do të jenë çdoherë në shërbim të të tjerëve. Deri tani kemi marrë pjesë nëpër shumë manifestime sportive, kulturore dhe në protesta, mirëpo është herë e parë që marrim pjesë në një aksion human. Jemi krenar që bëmë një gjë të tillë dhe premtojmë se edhe në të ardhmen nuk do të mungojnë iniciativa të këtilla”, thonë anëtarët e “Shvercerat Shkup”, të cilët dhuruan gjak. Ndërkohë Menduh Jegeni, drejtori i spitalit është mirënjohës për faktin që grupi i tifozëve “Shvercerat Shkup” vendosi që të dhurojë gjak. “E dimë të gjithë rëndësinë e gjakut. Është një vullnet i “Shvercerave”, të cilët përpos animit, mendojnë edhe për shëndetin e të tjerëve”, deklaroi Menduh Jegeni .
Akti i dhurimit të gjakut tregon se tifozët “Shvercerat Shkup”, duhet të jenë shembull për të gjithë.

[strong_07]

KF Renova në prag të sezonit të ri

Gjatë punës 40 ditore ekipi i Renovës ka zhvilluar përgatitje në Dojran, Ohër dhe në stadiumin e Tearcës duke zhvilluar ndeshje kontrolluese. Ekipi ka punuar edhe në seanca stërvitore në terren të mbyllur. Renova në sezonin pranveror pret realizimin e synimeve të veta
Skuadra e Renovës në krahasim me sezonin vjeshtor ka filluar me një organizim krejt tjetër, sepse ka bërë ndryshime në stafin teknik. Pas largimit të Halim Hodait vendin e teknikut e ka plotësuar Vllatko Kostov, ndërsa atij do ti ndihmojnë Faruk Jonuz dhe Enver Ramadani. Ndërsa ndër përforcimet që gjat afatit kalimtar kanë përforcuar radhët e “gjipspunuesve” janë: Boban Jançevski, Minas Osmani, Bllagoja Gjurqevski, Sasha Kërstev, Agron Beqiri dhe Lubo Kovaçeviq, nga ekipi janë larguar Goce Toleski, Goce Petrovski, Amir Aliju dhe portieri Labinot Qosa.
Marë në përgjithësi përforcimet e Renovës për kushtet e futbollit në Maqedoni janë emra të cilët shprehin një autoritet jo vetëm për klubin, por edhe më gjerë kur dihet se bëhet fjalë për ish-anëtarë të reprezentacionit të Maqedonisë dhe lojtar të cilët sadopak kanë edhe përvojë në ekipet jashtë Maqedonisë. Kjo vlen për Boban Jançevski, Sashe Kërstevin dhe Minas Osmanin, si dhe dy përforcimet Vullnet Emini dhe Agron Memedi që në sezonin vjeshtor kaluan nga Shkëndija’79 në Renovë
“Çdo gjë që kemi kërkuar kemi marrë dhe me përgatitjet që kemi bërë do tentojmë që të arrijmë rezultate të mira” është shprehur tekniku Vllatko Kostov.
Por, në ekipin e Renovës shprehin keqardhje për largimin e Goce Toleskit, i cili ishte idhull i këtij ekipi në sezonin vjeshtor dhe portierit Labinot Qosa.
“Atmosfera në ekip është në atë nivel sa që premton se në sezonin pranveror do të jemi befasia më e madhe. Këtu kam parasysh edhe përforcimet e klubit që janë bërë në këtë mini afat kalimtar pasi bëhet fjalë për emra të njohur të futbollit të Maqedonisë”, deklaroi Fisnik Nuhiu.

Renova njëra prej klubeve më stabile

Duke u bazuar në orarin e volitshëm që ka ekipi në cilësinë e vendësit, atëherë mund të thuhet se sezoni do të jetë i bereqetshëm. Por, pos kësaj të gjithë ata të cilët janë të kyçur në drejtimin dhe punën e këtij klubi duhet të kuptojmë se Renova aktualisht konsiderohet ndër dy-tre klube më stabile në aspektin material. Prandaj duhet çmuar vullnetin e mirë të vëllezërve Idrizi. Renova ka shpresa se me ekipin që aktualisht disponon do të bënë që në shkallët ë stadiumit të grumbullohen numër më i madh i tifozëve, sepse përkrahja e tyre është më se e nevojshme për të arritur qëllimet. Duhet theksuar se klubi nga Xhepçishti para kthimit nga përgatitjet nga Ohri, të shtunën do të zhvillon ndeshjen e fundit kontrolluese kundër skuadrës vendase. Nga dita e hënë ekipi do të punon në kompozimin e formacionit më të mirë që do të kundërvihet ekipit të Bregallnicës dhe do të jetë bartës në ndeshjet e sezonit pranveror.

[strong_07]

KF Vëllazërimi Kërçovë, në prag të sezonit pranveror të futbollit


Klubi futbollit Vëllazërimi nga Kërçova aktualisht është në krizë të madhe, që nuk i dihet fundi, megjithatë me punën e palodhshme të disa entuziastëve, klubi gjeti forcë që të fillon përgatitjet për sezonin pranveror. Se kërçovarët janë dorëzuar nga mbijetesa në Ligën e parë, më së mirë e ilustron trajneri Nazmi Ajdini, i cili ndau kohë që të shprehë revoltin për gjendjen aktuale që mbretëron në ekipin e tij. Pyetjes se si e cilëson situatën aktuale në klubin e tij, Nazmi Ajdini deklaroi: “Në këtë sezon ne kemi filluar me punë sa për të garuar në këtë Ligë, që të mos shkojmë direkt në Ligën e tretë. Dihet se në cilën pozitë aktualisht gjendet Vëllazërimi, pozita e parafundit nuk jep shpresa për të bërë diçka. Megjithatë ne vazhdojmë punën me futbollistë të rinj, që të mos mbesin rrugëve. Ka disa futbollistë nga të cilët mund të presim diçka në të ardhmen dhe pikërisht për këtë filluam me stërvitje në kohë, që të garojmë në sezonin pranveror”. Pyetjes se sa kanë përkrahje nga institucionet e qytetit të Kërçovës dhe nga adhuruesit e futbollit në këtë qytet, trajneri Nazmi Ajdimi, tha: ”Nuk kemi përkrahje nga askush, klubi është lënë anësh edhe pse bëjmë apel ta ndihmojnë. Momentalisht nuk ka askush që të ndihmon”. Sa i përket fondit të lojtarëve që aktualisht janë në ekipin e Vëllazërimit, trajneri Nazmi Ajdini tha: Shumica e tyre janë nga shkolla e futbollit të klubit tonë, të cilët vitin që kaloi i kam stërvitur unë dhe të njëjtit tani janë të kyçur në ekipin e parë. Janë dhe futbollistë më të vjetër të cilët kanë mbetur në klubin tonë dhe mundohemi që me punë të palodhshme të krijojmë formacionin që të garojmë në ligë”. Si do që të jetë, kjo situatë e rëndë që mbretëron në ekipin e Vëllazërimit, nuk do të zgjatë përgjithmonë, ndaj edhe duhet përgëzuar personat të cilët gjejnë forcë që të mos lejojnë klubi tyre i zemrës të shkatërrohet.

Falënderime skuadrës Makedonija Gj.P.

Në ekipin e Vëllazërimit falënderojnë skuadrën nga Gjorçe Petrovi për ndihmën e dhënë me disa futbollistë të rinj. “Makedonija Gj.P na ka dhënë në shfrytëzim katër futbollistë, fjalë është për sulmuesin Adis Jahoviq, mesfushorët Bllagoja Llamçevski dhe Vangjel Altiparmakovski si dhe mbrojtësin Darko Jovanov” tha trajneri Nazmi Ajdini.

[strong_07]

Miqësore / Liria - Shkëndija 1-1


Të shtunën në stadiumin e Zhelinës është zhvilluar ndeshje kontrolluese ndërmjet skuadrës së Ligës së tretë Liria dhe Shkëndija’79. Loja gjatë 90 minutave ishte mjaft dinamike, ku u krijuan disa raste nga dy anët, ndërsa u shënuan vetëm dy gola.
Të parët në epërsi kaluan vendasit me golin e sulmuesit Fatmir Bejtullahu në minutën e ‘48, ndërsa barazoi Faton Cecelija në minutën e ‘59 të ndeshjes.
“Jam i kënaqur me lojën që treguan futbollistët, edhe pse kjo ishte ndeshja e parë kontrolluese”, tha trajneri i ekipit Liria, Halim Hodai. Skuadra e Shkëndijës në këtë ndeshje ka luajtur me ekipin e dytë, por trajneri Ibraim Luma pas ndeshjes tha: “Loja ishte dinamike dhe ne jemi të kënaqur me angazhimin e lojtarëve. Ishte ky testi i fundit për ekipin tonë, para fillimit të sezonit pranveror”.
Duhet të theksojmë se kjo ndeshje kontrolluese u përcoll nga një numër i konsiderueshëm i tifozëve të dy ekipeve, të cilët janë të etshëm për futboll.

Ekipet luajtën me këto formacione:
KF Liria: F. Zilbeari, Latifi, Limani, Memeti, Ziberi, Bujamini, R. Limani, F. Atifi, Alili, Emruli, Çelebiu, ndërsa në pjesën e dytë lujatën: N. Tefiku (H. Xheladini), Xhemaili, Memeti, Memedi, A. Ziba, Amiti, Rramani, F. Bejtullai, Fetishi, N. Ismaili
K.F.Shkëndija’79: Adili, Musai, Sallai, Salihu, Alioski, Cecelia, Ramadani, Ferati, Sejrani, Mustafi, J.Shaqiri, në pjesën e dytë u inkuadruan edhe D. Sadiku, M. Jusufi, Agon Alili.

[strong_07]

KF Renova përfundoi përgatitjet në Ohër

Në ndeshjen e fundit kontrolluese Renova ka mundur Ohrin me rezultat 3:1, duke treguar se ekipi ka punuar mirë dhe se ka ekip të fortë

Me ndeshjen kontrolluese kundër ekipit të Ohrit, skuadra e Renovës ka përfunduar fazën e fundit të përgatitjeve një javore. Në ndeshjen e fundit kontrolluese ka shënuar fitore 3:1 kundër ekipit vendas, anëtare në Ligën e tretë, golashënues kanë qenë Genc Hyseni dy herë dhe Fisnik Nuhiu shënoi një gol.
Pas ndeshjes drejtori sportiv Lirim Saiti, deklaroi: “Me këtë ndeshje përfunduam fazën e përgatitjeve. Në bazë të punës së bërë dhe raporteve të shefit të stafit teknik, përgatitjet ishin të suksesshme”.
Në këtë ndeshje tekniku Vllatko Kostov në formacion ka inkuadruar të gjithë lojtarët që ka në disponim dhe ka mbetur i kënaqur me angazhimin e tyre, sidomos me efikasitetin e sulmuesit Genc Hyseni, i cili ka shënuar dy gola.
Ekipi në Tetovë është kthyer dje, ndërsa gjatë ditës së sotme (e hënë), kanë pushim që nesër të fillojnë me seanca të rregullta stërvitore deri në ndeshjen kundër ekipit të Bregallnicës.
Përndryshe gjatë qëndrimit një javor në Ohër, skuadra e Renovës pos seancave të rregullta stërvitore, ka zhvilluar tre ndeshje kontrolluese me Pelisterin (2:2), Sileksin (2:3) dhe Ohrin (3:1). Sipas raporteve nga këto ndeshje forma e lojtarëve është në rritje e sipër dhe kjo do të shihet më mirë në ndeshjen e parë të sesionit pranverorë me 4 mars kundër Bregallnicës në stadiumin e qytetit në Tetovë

[km92]

Forza Bashkimi..