Futbolli shqiptar në Maqedoni

[Besniku]

Ejj xhi bojni be ju ktau?

Posht Renova hahaha.

[Davius]

Trajneri i Maqedonisë shpjegon mosgrumbullimin e disa lojtarëve në kombëtare për miqësoren me Shqipërinë

Katanec: S'ka konflikt shqiptar ; "Do të merrja edhe 20 shqiptarë nëse do të ishin në formë"

Sreçko Katanec, trajneri i Kombëtares maqedonase ka shpjeguar arsyet se përse ka grumbulluar në skuadër vetëm një shqiptar.

Për këtë fakt ai ka marrë kritika të ashpra nga sportdashësit shqiptarë që jetojnë në Maqedoni. "Kam marrë vetëm Artim Pollozhanin sepse ai është në formë të mirë dhe i denjë për të luajtur në Kombëtare, ka thënë Katanec për albania-sport.com. Zgjedhjet e mia nuk bazohen mbi prejardhjen e lojtarëve, por mbi formën e tyre dhe rendimentin e tyre, kështu që dua them se nuk kam asgjë kundër shqiptarëve. Për mua kanë rëndësi vetëm rezultatet dhe nuk dua t'ia di nëse lojtarët janë shqiptarë apo maqedonas". Ai është akuzuar se ka lënë jashtë skuadrës emra se Vullnet Emini apo Artim Shaqiri, por Katanec ka deklaruar se ata lojtarë nuk e kanë bindur. "Unë mendoj se kam zgjedhur më të mirët. Kur mora drejtimin e skuadrës askush nuk më tha se duhet të merrja X numër shqiptarësh apo Y numër maqedonasish. Mendoj se kritikat ndaj meje janë pavend, sepse qëllimi im është që të ndërtoj një skuadër fituese dhe jo një skuadër, vetëm kaq", është shprehur trajneri. Katanec u është përgjigjur edhe akuzave se ka shpërfillur sistematikisht sugjerimit e ndihmësit të tij Uran Ymeri.

"Unë kam marrëdhënie shumë të mira me Ymerin, por duhet të kujtoj në këtë rast se trajneri jam unë dhe vendimet i marr unë, ka thënë slloveni. Është e vërtetë se Ymeri më ka sugjerruar pesë futbollistë shqiptarë, por unë pranova vetëm njërin prej tyre, Pollozhanin, sepse isha i bindur se vetëm ai ishte në formë. Ymerit ndoshta nuk i ka ardhur mirë për këtë, por zgedhjet i bëj unë. Kur të jetë ai trajner atëherë le t'i bëjë ai zgjedhjet. Ai thjesht mund të bëjë propozimet, sepse vendimet i marr unë". Katanec nuk i ka munguar diplomacia kur i është bërë pyetja se cili ishte mendimi i tij për futbollistët shqiptarë. "Kam një konsideratë të lartë për ta, por ju kërkoj gjithashtu që të punojnë më shumë". Trajneri ka thënë se nëse do të ishin 20 futbollistë shqiptarë në formë të mirë, ai do t'i merrte të gjithë. "Nëse unë do të kisha 20 futbollistë shqiptarë në gjendje të mirë, të cilët do të më jepnin garanci në përfaqësuese, atëherë do t'i merrja që të gjithë, por ja që nuk është kështu dhe mua më duhet të mendoj vetëm për të mirën e skuadrës sepse në fund të fundit kjo është detyra ime", ka thënë ai.

Gazeta PANORAMA

[strong_07]

Nënkryetari i FFM-së, Bexheti: Ymeri, përgjegjës për mospërfshirjen e shqiptarëve ne Kombëtaren e Maqedonisë
Nga Shkupi, Reshat IBRAHIMI


Shkup– Nënkryetari i Federatës së Futbollit të Maqedonisë, Rexhep Bexheti dhe dy anëtaret e Këshillit Drejtues të FFM-së, Zylkadri Iseini dhe Shehat Rexhepi thonë se nuk janë përgjegjës për mospërfshirjen e futbollistëve shqiptarë në përfaqësuesen e Maqedonisë. Sipas tyre përgjegjësia bie mbi ndihmëstrajnerin e Sreçko Katanecit, Uran Ymeri, i cili është emëruar në këtë detyrë nga ana e tyre.

“Unë nuk jam seleksionues dhe s’mundem t’i vlerësojë futbollistët se cili mund të luajë. Lojtarët i zgjedh seleksionuesi e jo ne. Nuk mund t’i bëjmë presion Katanecit, madje as Hari Haxhi Risteski nuk ka të drejtë t’i thotë atij të marrë këtë ose atë lojtarë. Ne e kemi emëruar Uran Ymerin dhe ai duhet të përcjellë futbollistët shqiptarë dhe t’i bëjë presion Katanecit për të marrë lojtarët shqiptar në reprezentacion. Ndërsa nëse ai nuk përfillet nga Kataneci le të tregojë. Nga seleksionuesi kërkohen rezultate dhe ai vendos se kë do ta ftojë në përfaqësuese”, është shprehur nënkryetari i FFM-së, Rexhep Bexheti. Ai apelon te lojtarët shqiptar që të angazhohen më shumë për të luajtur në skuadra jashtë vendit dhe pastaj të vijnë në reprezentacionin e Maqedonisë. “Po e shihni se Kataneci numrin më të madh të futbollistëve e ka futbollistët që luajnë në ligat e ndryshme të futbollit evropian. Prandaj lojtarët tanë le të mundohen të shkojnë në ekipe jashtë vendit dhe pastaj do të grumbullohen në reprezentacion. Po kush nuk ka dëshirë që të luajnë edhe futbollistët shqiptar për Maqedoninë?”, përfundoi Bexheti.

Anëtari KD të FFM-së, Zylkadri Iseini thotë se kundër Shqipërisë ka pasur vend edhe për më shumë futbollistë shqiptar dhe jo vetëm për Pollozhanin.

“Pa i mohuar kualitetet e lojtarëve tjerë shqiptarë, them se për momentin Pollozhani e meriton të jetë në përfaqësuese. Për ndeshjen kundër Shqipërisë është dashur të ftohen edhe disa lojtarë të tjerë shqiptarë, sepse edhe ata e meritojnë. Por për këtë nuk mund ta akuzojmë Katanecin, sepse ne kemi emëruar trajnerin tonë aty. Dhe nëse ai nuk përfillet nga seleksionuesi duhet të na tregojë. Ymeri duhet të jetë më konstruktiv me ne shqiptarët në KD dhe të na njoftojë për të gjitha risit. Duhet të na tregojë nëse nuk ka peshë te Kataneci”, ka pohuar Iseini, duke shtuar se gjatë kësaj jave do të ulen për të diskutuar rreth kësaj çështje.

“Do ta diskutojmë me Rexhep Bexhetin këtë çështje. Unë mendoj se edhe Kataneci ka faj pse nuk i ka ftuar shqiptarët në këtë miqësore. Por përgjegjësia i bie Uran Ymerit. Shpresoj se do të rregullohet kjo punë. Edhe një po ua them Kataneci ka suksese dhe ai nuk mund të ndërrojë ekipin derisa ka rezultate, ndërsa në momentin kur i mungojnë sukseset atëherë mund të ndërhyjmë”, thotë anëtari i KD të FFM-së, Iseini.

Ndërsa sipas anëtarit tjetër të KD të FFM-së, Shehat Rexhepi futbollistët nuk kanë të drejtë të akuzojnë përfaqësuesit shqiptarë që janë në FFM, ngase është seleksionuesi ai që vendos.

“S’kemi të drejtë t’i përzihemi Katanecit se kë e merr dhe kë nuk e merr. Po të ishte seleksionuesi maqedonas do të dyshoja për mospërfshirjen e shqiptarëve, ndërsa tani kur është Kataneci nuk dyshoj. Atij i interesojnë rezultatet, sepse për atë ka ardhur. Ne e kemi vënë Uran Ymerin, i cili duhet të përcjell futbollistët shqiptarë, ndërsa nëse nuk përfillet nga seleksionuesi, atëherë le të jep dorëheqje. Ai është përgjegjës që nuk ka shqiptarë në reprezentacionin e Maqedonisë”, është shprehur Shehat Rexhepi.

Ai thotë se çdo seleksionues vendos për taktikën e lojës dhe ndoshta nuk i kanë pëlqyer 5 propozimet e Ymerit, seleksionuesit Katanec.

“Ndoshta Kataneci nuk ka besim te Ymeri dhe nuk ia merr propozimet në konsideratë. Ndërsa ne s’kemi të drejtë t’i themi Katanecit se merri këta lojtarë shqiptarë, sepse asnjë trajner nuk vjen me kushte për të drejtuar një skuadër. Është përgjegjësia e Ymerit që nuk dëgjohet nga seleksionuesi”, thotë në fund ai.

[strong_07]

Kundërpërgjegje nga Uran Ymeri: Nuk zgjidhet problemi me dorëheqjen time
Shkup, 29 janar – Ndihmëstrajneri i përfaqësueses së Maqedonisë në futboll, Uran Ymeri thotë se nuk do të zgjidhet problemi i përfshirjes së futbollistëve shqiptarë me dorëheqjen e tij, dhe kush do tjetër që do të emërohet në postin e ndihmëstrajnerit nuk do të mund ta zgjidhë këtë

çështje.

“Është lehtë të më sulmojnë mua. Nuk ka problem nëse mendojnë se me dorëheqjen time zgjidhet ky problem, unë menjëherë do të largohem. Por mendoj se këtu nuk qëndron shkaku i mospërfshirjes së lojtarëve shqiptarë. Dhe po ju them se kush do të që do të vijë në këtë detyrë nuk mund ta zgjidhë problemin”, është shprehur ndihmëstrajneri Uran Ymeri.

Ai thotë se ka idenë se si të zgjidhet problemi i përfshirjes së futbollistëve shqiptarë në përfaqësuesen e Maqedonisë.

“Ekzistojnë tri variante. Varianti i parë është ky: Nëse nuk e përziejmë politikën, atëherë presim që pas dy-tre vitesh seleksionuesi të jetë shqiptar dhe atëherë do të ftohen shqiptarët. E dyta: Nëse e përziejmë politikën (Marrëveshja e Ohrit), atëherë nga 18 lojtarë të ftuar, 5 duhet të jenë shqiptarë dhe e treta: Maqedonia të ketë dy seleksionues, shqiptarë dhe maqedonas. Një kohë edhe Suedia ka pasur dy selektor të reprezentacionit të saj”, ka vazhduar Ymeri.

Ai gjithashtu thotë se nuk mund t’i bëjë presion Katanecit, kur ai tani për tani ka rezultate, ndërsa në momentin kur atij i mungojnë sukseset, atëherë, do të reagojë.

“Unë i propozoj lojtarë dhe atë më të mirët që janë te shqiptarët, por ndoshta Katanecit nuk po i pëlqejnë. Ai po thotë se ka rezultate dhe deri sa të jetë kështu do të presim. Po që se në të ardhmen nuk ka suksese, menjëherë do të reagoj për të marrë shqiptarë në reprezentacion”, tha në fund ndihmëstrajneri i Maqedonisë, Uran Ymeri, i cili disponon me pro-licencë të UEFA-s dhe mund të punoj si trajner në 52 vende të Evropës.

[strong_07]

Bunjamin Shabanit 16-vjeçari Shkon në Norvegji



Me ftesë të kryesisë së skuadrës norvegjeze Lyn, të dielën drejt Norvegjisë, janë nisur talenti i futbollit të Bashkimit, Bunjamin Shabani, pastaj pronari i klubit Lutfi Hyda dhe menaxheri me licencë angleze, Alfred Bode nga Shqipëria.

“Në Norvegji ata do të qëndrojnë deri më 11 shkurt, kur edhe pritet të që skuadra norvegjeze ta përvetësoj talentin kumanovarë. Bunjamini duhet të

mbetët të Lyni, sepse ai është i ftuar special nga kryesia e kësaj skuadre norvegjeze”, është shprehur, sekretari i KF Bashkimi, Shenxhan Jusufi, duke shtuar se talenti i Bunjamin Shabanit, drejtuesve të Lynit, u kishte ra në sy gjatë një turneu, i cili është zhvilluar në Norvegji, vitin e kaluar.

“Vitin e kaluar Bunjamin Shabani, me skuadrën ‘Skupi’ nga Shkupi mori pjesë në një turne, i cili u mbajt në Norvegji. Kjo skuadër arriti në finale të mposhtë një ekip brazilian, dhe në këtë ndeshje Bunjamini ishte shënues i dyfishtë. Në këtë turne ai shënoi 19 gola dhe u shpall golashënuesi i turneut”, thotë më tutje Jusufi.

Ndryshe, Bunjamin Shabani (16 vjeç) është nga Orizarja e Komunës së Likovës, ndërsa vite me radhë po luan me sukses për ekipin e të rinjve të Bashkimit, të cilët ishin shumë të suksesshëm edhe në “Junior Cup”. Burimet e "Albania-sport"pohuan se disa menaxher e kanë përcjell lojën e Bunjamin Shabanit dhe ata kanë qenë të interesuar për ta transferuar në Liverpul.

Ndryshe, vëmendja e menaxherit shqiptar, Alfred Bode, është e përqendruar edhe te dy lojtarët e ri të Bashkimit, Samir Shabani dhe Armend Alimi.

[strong_07]

Këshilli Iniciativ kërkon dorëheqjen e Mitrovskit pas falsifikimeve



Këshilli Iniciativ për ndryshime në Federatën e Futbollit të Maqedonisë të mërkurën në ambientet e Holidej In-it ka mbajtur konferencë për mjetet e informacionit, ku kanë shpalosur pakënaqësitë e tyre për skandalet e fundit që dridhen Federatën e Futbollit të Maqedonisë. Në këtë takim përveç Emil Bozhinovskit, Koço Dimitrovski, Jovçe Xhipunov dhe Masar Omeragiq, të pranishëm ishin edhe gjashtë Lidhjet Futbollistike Komunale (LFK- Gazibaba, LFK- Kumanovë, LFK- Shtip, LFK- Ohër, LFK- Manastir) dhe LFK –Tetovë ishte e përfaqësuar nga Nexhbedin Sinani.
“Jemi tubuar këtu për të shprehur pakënaqësitë tona lidhur me skandalet e fundit në FFM. Kujtoj se është koha e fundit që Lazar Mitrovski dhe Haxhi Risteski të japin dorëheqje dhe të shkojnë. Do të jetë shumë sportive nëse ata largohen, pas gjithë kësaj që ndodhi në FFM. Ata nuk kanë kredibilitet ta drejtojnë organizatën e futbollit të Maqedonisë, pas këtyre falsifikimeve të bëra. Patjetër duhet të shkojnë Mitrovski dhe Risteski”, është shprehur njëri nga anëtarët e Këshillit Iniciativ, Emil Bozhinovski. Ndërkohë, anëtari tjetër i Këshillit Iniciativ, Masar Omeragiq thotë se nuk janë aspak të vërteta pohimet se është e përzier politika në futboll.
“Janë bërë shumë parregullsi dhe kjo na ka shtyrë të ngremë iniciativën për të organizuar Kuvendin e jashtëzakonshëm dhe për të qenë këtu ku jemi. Gjithçka që do të bëjmë, do të jetë në kuadër të rregullave të FFM-së, pra sipas nenit 26. Koha është të vijnë njerëz të sinqertë në krye të Futbollit të Maqedonisë, e jo të vendosin dy-tre veta”, tha Omeragiqi.
Ndryshe, për tu mbajtur Kuvendi i Jashtëzakonshëm, Këshillit Iniciativ i duhet mbështetja e 8 lidhjeve futbollistike komunale dhe një periudhë kohore prej 45 ditësh.

[strong_07]

Mitrovski tërhiqet nga funksioni


Sekretari i Federatës së Futbollit të Maqedonisë (FFM), Llazar Mitrovski ka dhënë dorëheqje, ndërsa kërkesa e tij për tërheqje është pranuar nga anëtarët e Këshillit Drejtues (KD) të cilët kanë debatuar më shumë se tri orë të enjten pasdite.

“KD i FFM-së pasi ka analizuar gjendjen aktuale në Federatë dhe duke u munduar ta respektojë statusin si akt më të lartë, e ka rishikuar kërkesën e sekretarit Llazar Mitrovski për dorëheqje nga funksioni dhe e ka pranuar atë”, thuhet në njoftimin e FFM-së.

Nga debati i zhvilluar, dorëheqja e Mitrovskit është konstatuar se ai me parregullsi kishte marrë postin e sekretarit të përgjithshëm në FFM.

“KD ka konstatuar se dokumentacioni i ofruar për pranimin e Mitrovskit, i cili ishte pranuar nga Komisioni Kadrovik i asaj kohe, nuk ka qenë i nivelit përkatës të arsimimit, dhe nuk janë respektuar kushtet e vëna në konkurs”, thuhet njoftim e FFM-së.

Pas largimit të menjëhershëm të Mitrovskit, KD i FFM-së ka emëruar si u.d. sekretar i përgjithshëm, Ilija Atanasovskin. Gjithashtu në atë mbledhje të caktuar nga kryetari i FFM-së, Haxhiristeski kanë marrë pjesë të gjithë anëtarët e KD-së, përveç Sasho Naumovskit. Anëtarët shqiptar për hapat e mëtutjeshëm rreth angazhimit në FFM do të diskutojnë të premten pasdite në Xhepçishtë të Tetovës.

Ndryshe, kundër Mitrovskit, Ministria e Punëve të Brendshme (MPB) ka ngritur padi dhe së shpejti do të dihet se cilët do të jenë hapat e ardhshëm të tyre pas largimit të Mitrovskit

[strong_07]

Bashkimi edhe tri ditë në Kumanovë


Bashkimi i Kumanovës, stërvitjet po i zhvillon pa probleme. Pas largimit të disa lojtarëve nga ky klub, stafi teknik ka arritur që me kohë të sjell përforcimet e nevojshme në Kumanovë. Me këtë ekip janë duke u stërvitur 22 lojtarë. Toni Banduliev, ka lëshuar fazën e parë të përgatitjeve, por në “Banjat e Negorit” ai do t’i bashkangjitet Bashkimit. “Nuk kemi probleme me lojtarët, askush nuk ankohet në ndonjë lëndim”, thotë Erkan Jusufi, ndihmëstrajner i Bashkimit. Ai më tej thotë se kanë mbetur edhe 3 ditë deri në përfundimin e fazës së parë përgatitore, e cila po zhvillohet në Kumanovë.

Është paraparë që ekspedita e Bashkimit të udhëtojë në Gjevgjeli, ndërsa do të numërojë 30 veta.

“Fazën e dytë të përgatitjeve siç kemi paralajmëruar do ta zhvillojmë në ‘Banjat e Negorit’. Drejt kësaj qendre do të udhëtojmë më 6 shkurt. Kemi paraparë të udhëtojnë 22 lojtarë, 3 portier dhe stafi teknik. Planifikojmë të zhvillojmë disa ndeshje kontrolluese. Me Teteksin e kemi caktuar një gjë të tillë. Presim që ekipit tonë shumë shpejtë t’i bashkangjitet edhe Toni Bandulievi, i cili fazën e parë të përgatitjeve e lëshoi për shkak të probleme shëndetësore”, thotë Jusufi.

Ndryshe, burimet brenda klubit thonë se talenti i Bashkimit, Bunjamin Shabani, i cili gjendet në Lyn të Norvegjisë, ka zhvilluar dy ndeshje kontrolluese, ku pasur paraqitje shumë të mira

[strong_07]

Kumanovarët përfundojnë me sukses seancat stervitore



Drejtuesit e Bashkimit nga Kumanova kanë zhvilluar stërvitjen e fundit në Kumanovë dhe kanë bërë gati valixhet për të udhëtuar në qendrën stërvitore “Banjat e Negorit” në Gjevgjeli. “I kemi lënë të lirë lojtarët që të përgatiten për udhëtimin drejt Gjevgjeisë. Besoj se atje do të mbizotërojë atmosferë e mirë dhe do të bëjmë stërvitje të rregullta.”, tha trajneri Erkan Jusufi. Takimi i parë në këtë qendër stërvitore do të jetë kundër Turnovës me 8 shkurt, ndërsa priten edhe ndeshje tjera

[strong_07]

Tetovarët shfaqen suksesshëm në miqësore



Skuadra e “kuqezinjve” nga Tetova, ka arritur të fitojë edhe miqësoren e dytë të luajtur në këtë fazë përgatitore. Në Strugë ajo ka fituar 2:1 ekipin e Karaormanit, pas golave të shënuar nga Mensur Idrizi dhe Ace Toleski. Në këtë periudhë të takimit, futbollistët kuq e zi, kanë pasur raste të volitshme që kanë mundur të shënojnë edhe disa gola, por “butësia” dhe karakteri miqësor i takimit, mbase ishte një ndër fajtorët, që rastet e krijuara nuk u shndërruan në gola, që shkaktuan edhe nervozizëm në stafin teknik të tetovarëve. Të enjten zhvillohet takimi ndërmjet Shkëndija 79 dhe Pobeda e Prilepit, që mund të shërbejë stafit teknik të kuq e zinjve tetovar, në kërkim të një formacioni standard.