Futbolli shqiptar në Maqedoni

[strong_07]

Kërçovarët me seriozitet në stërvitje



Skuadra e Vëllazërimit nga Kërçova ka arritur t’i caktojë tri ndeshje miqësore që do t’i zhvillojë gjatë afatit kalimtar. Më 6 shkurt do të luhet me Pelisterin në Ohër, më pas më 10 shkurt me skuadrën e Gostivarit dhe më 14 shkurt me ekipin e Renovës në Kërçovë. “Po kërkojmë edhe disa kundërshtarë dhe besoj se më pas do ta caktoj edhe trungun e ekipit”, tha trajneri Nazmi Ajdini

[strong_07]

Mbledhim tarator”, plot qortime e lavdërime.


Shkup - Mbledhja e përfaqësuesve shqiptar, një pjesë e të cilëve janë pjesë e Federatës së Futbollit të Maqedonisë (FFM), në Xhepçishte të Tetovës është zhvilluar me shumë kontradikta, paqartësi dhe pa ndonjë temë paraprake të diskutimit. Është dashur më shumë se një orë, që të ftuarit të kuptojnë se janë mbledhur për të marrë informata rreth gjendjes aktuale në FFM dhe në një farë mënyre të sqarojnë rrugën që duhet të ndjekin delegatët shqiptar të Kuvendit të Federatës gjatë votimit “pro” apo “contra” të votëbesimit të kryetarit aktual, Harallampie Haxhiristevski. Nënkryetari i FFM-së, Rexhep Bexheti e ka konsideruar të suksesshëm punën e deritanishme të Federatës si dhe përfaqësimin e shqiptarëve. “Kjo garniturë që jemi në FFM-së kur e kemi marrë në dorë punën, kemi gjetur një buxhet me minus një milion euro, ndërsa tani edhe përkundër mjeteve që iu janë ndarë klubeve, mundë të themi se jemi në plus për një ose dy milion euro. Gjithashtu edhe përfaqësimi i shqiptarëve tani është gati 35 për qind”, tha fillimisht Bexheti.
Ai foli edhe për ngjarjet e fundit që e kanë tronditur FFM-n. “Duke mos pasur argumente për ate që thuhet, kanë dalur shumë dezinformata, ndërsa për diplomën e sekretarit Mitrevski, ai tha se është pinë e oragneve kompetente. Gjatë mbledhjes delegatët folën edhe për problemet e ndryshme, duke cekur se në Ligën e parë mungojnë referët shqiptarë. Megjithatë e gjithë mbledhja ka marrë drejtim tjetër kur kryetari i KFF Shqiponjat Dardane dhe KF Fortuna, Hamza Iseni ka kërkuar që një vendim i tillë të merret nga Këshilli Kordinativ i Shqiptarëve (KKSH) dhe jo nga pjesëmarrësit e këtushëm, pasi për çështje që kanë të bëjnë me shqiptarët, duhet të jenë të pranishëm të gjithë ata që e kanë formuar KKSH-në.
“Ne jemi në kundërshtim me të gjitha parimet e rregullores, të KKSH-së. Nuk di se si mund të marrim qëndrime, kur KKSH nuk është mbledhë. Pikërisht edhe takimi i mëprarshëm që u mbajt në Tetovë, kishte një qëllim famëkeq që e përdori nënkryetari Rexhep Bexheti, i cili u largua prej marrëveshjes që e kemi pasur në fillim”, tha Iseni. Ai gjithashtu e konsideroi si jo legjitim kryetarin e KKSH-së, Rexheëp Bexheti, pasi sipas tij ai është zgjedhur në mënyrë të parregullt në kreun e këtij Këshilli, pasi nuk ka mbajtur mbledhje dhe nuk e ka respektu marrëveshjen që për kryetar çdo mandat të zgjidhet një anëtar i qyteteve të ndryshme ku jetojnë shqiptarët nga Kumanova e deri në Strugë. Megjithatë pas sqarimeve të organizatorit se janë mbledhur për të marrë në një farë mënyre vendim nëse e mbështesin ose jo, kryetarin e FFM-së, Haxhiristevski, të pranishmit kanë filluar të diskutojnë rreth FFM-së.
Pas një debati të shkurtër që kryesisht kishte të bëjë rreth funksionimit të klubeve shqiptare, prej 21 të pranishmëve, 19 u dhanë leje kuvendarëve shqiptar të FFM-së që të votojnë në mbështetje të kryesisë së re, një abstenoi dhe vetëm Hamza Iseni ishte kundër.
Gjatë mbledhjes delegatët folën edhe për problemet e ndryshme, duke cekur se në Ligën e parë mungojnë referët shqiptarë.
Abdulla Ramadani, anëtar i KDSH, kishte kritikuar delegatë shqiptarë që kishin pranuar dorëheqjen e sekretarit Llazar Mitrevski. Ai mes trejar tha: ”Është bërë gabim i madh që është pranuar dorëheqja e tij dhe ftoj delegatët shqipatr që të jenë unik, kështu do të jemi më të fort”. Unitet kërkuan edhe diskutuesit e tjerë.
I pranishëm në këtë mbledhje konsultaive që kishte të bëjë me ngjarjet e fundit në FFM ishte edhe delagati nga Çairi i Shkupit, Rasim Muminoviq i cili u solidarizua me delagtët shqiptarë.
Takimi edhe pse ishte i hapur për media, nuk u lejua të bëhet pyetje rreth çështjeve të cilat janë në interes të opinionit. Në këtë mbledhje nuk u debatua as për KKSH-në, as për mungesën e futbollistëve shqiptar në reprezentacionin e Maqedonisë, as për mungesën e gjyqtarëve shqiptar etj., por në fund nënkryetari i FFM-së, Rexhep Bexheti u premtoi ndihmë financiare të gjithë të “pakënaqurve” nga ky takim.
Pas takimit miqësor në Shqipëri, pritet të mblidhet Kuvendi i FFM-së, ku do të kërkohet votëbesimi i kryetarit Harallampie Haxhiristevski, që nga takimi i së premtes ai u sigurua se shqiptarët do të jenë në mbështetje të tij.

Bexheti nuk ndihmoi KF Besën e shkatërruar nga lufta

Kryetari i KF Besa nga Sllupçani i Kumanovës, Salim Abdyli ka qenë tepër i revoltuar dhe ka dhënë kritika të ashpra në adresë të shqiptarëve që janë pjesë e FFM-së. “A nuk e patë të arsyeshme të ndihmonit me një shumë modeste të hollash, stadiumin e Besës në Sllupçan, i cili për gjashtë muaj rresht u granatua nga forcat e policisë dhe ushtrisë së Maqedonisë. Kjo është e pakuptimtë dhe e patolerueshme, për këtë arsye kam ardhur me një amanet që të votoj kundër kësaj kryesie”, tha Abdyli. Ai gjithashtu theksoi se edhe më tutje ky ekip vazhdon të ballafaqohet me probleme të shumta, ku rrezikohet edhe shuarja e klubit. “Besa ka pasur fushën e saj dhe ju shumë mirë e dini këtë. Me shumë pak të holla mundë të vihej në përdorim ky stadium, por ne tani bredhim nëpër fusha të ndryshme, duke kërkuar të luajmë ndeshjet”, përfundoi Abdyli.
Duartrokitje për pavarësinë e Kosovës

Pas mbledhjes së mbajtur, me të mësuar lajmi se presidenti Martti Ahtisaari, ka propozuar një dokument që është shumë pranë pavarësisë së Kosovës, të gjithë të pranishmit me duartrokitje e kanë përshëndetur një vendim të tillë. Ata të gjithë kanë uruar që Kosova së shpejti të njihet edhe ndërkombtarisht si shtet më vete.

Në Shkodër edhe delegatët shqiptarë
Delegatët shqiptarë në kuvendin e FFM-së, kanë konfirmuar se do të udhëtojnë në Shkodër për të përcjellur ndeshjen miqësore ndërmjet kombëtares shqipatre dhe reprezentacionit të Maqedonisë, që do të zhvillohet në Shkodër të mërkurën me fillim në orën 16.00.

[strong_07]

Xhepçistasit kanë fituar në Dojran

i

Xhepçishtasit kanë arritur të fitojnë 3:1 miqësoren e zhvilluar në Dojran kundër ekipit të Miravcit. Nga ky takim ka ngelur i kënaqur stafi teknik, i Renovës, pasi lojtarët e tyre kanë treguar lojë shumë të mirë. “Jemi të kënaqur. Mendoj se kemi formuar një skuadër të mirë, por duhet edhe më shumë punë”, tha Lirim Saiti, drejtori sportiv i “bardhekaltërve”. Në këtë takim golat për Renovën i kanë shënuar, Minas Osmani, Argjent Beqiri dhe Sashe Kërstevski.

[strong_07]

Slloga J. fiton ndeshjen miqësore



Ekipi i Slloga J., të shtunën në kuadër të përgatitjeve për sezonin pranveror në stadiumin në Çair zhvilloi ndeshje kontrolluese me ekipin e Fortunës nga lagjja Hasanbeg, anëtare e Ligës së tretë. Fitore aritën “pëllumbat e rinjë” me rezutatin 3:0. Golashënues i dyfishtë ka qenë Ismet Hasani, ndërsa golin e tij të parë në fanellën e Slloga J., e shënoi përforcimi më i ri Astrit Ajeti, i cili si i huazuar nga Rabotniçki K., në sezonin pranveror do të luan për ekipin e Slloga J. Në këtë takim stafi teknik i Slloga J., Shabani-Nexhipi-Musliu në fushtë u paraqitën me dy ekipe. Pjesa e parë përfundoi me rezultatin 2:0, ndërsa në pjesën e dytë i shënua vetëm një gol. Ndërkohë ekipit të Slloga J., iu kanë bashkangjitur edhe dy emra të rinjë. Fjala është për Mentor Idrizi dhe Agron Falzliu, futbollist të cilët kanë qenë pjesë e ekipit, mirëop deri më tani nuk kanë qenë rë regjistruar.
Mbrojtësi i talentuar Idai Bajrami është rikthyer në ekipin e tij Slloga J., pasi që gjashtë muaj ka qenë anëtar i klubit shqiptar Milano. Në deklaratën dhënë gazetës sonë, Bajrami pranon se “në zemër e ka ekipin e Slloga J., dhe në periudhën sa ka qenë në Kumanovë i ka munguar gjithçka, por më tepër tifozët “Shvercerat Shkup”. “Jamë i kënaqur që sërish u ktheva të luaj për ekipin tim të zemrës Slloga J. Nga Milano u largova pasi që nuk fitova besimin për të dëshmuar talentin tim. Shpresoj se do të kem paraqitje të mira dhe ekipit të Sllogës do ti ndihmoj për të aritur rezultate pozitive”, deklaroi Idai Bajrami.

[strong_07]

Futbollisti shqiptar pritet të nënshkruajë në Finlandë



Duke sqaruar largimin e lojtarëve nga Shkëndija ‘79, trajneri Edmond Miha ka pranuar se edhe Nuri Mustafi është afër
largimit. “Pa dyshim largimi i lojtarëve, siç janë Emurllahu, Emini, Memeti dhe së fundi Nuri
Mustafit, që pritet ta vazhdojë karrierën në Finlandë, ka shembur boshtin kryesor të ekipit dhe të konceptit taktik të ekipit”, përfundoi
Miha.

[strong_07]

Emërohet zëvendësuesi i Vullnet Eminit



Shkëndija 79, më në fund e ka zgjidhur problemin e mbajtësit të shirit në krah. Trajneri Edmond Miha lidhur me emërimin e kapitenit të ri, pas largimit të kapitenit të deritanishëm, ishte i mendimit se këtë detyrë me përgjegjësi në ekip duhet ta mbajë Festim Ademi. "Mendoj se Festim Ademi do të jetë kapiten i skuadrës", tha Miha.

[strong_07]

Milano vazhdon përgatitjet për pjesën tjetër



Ekipi i KF Milano nën drejtimin e stafit të trajnerëve në krye me profesorin Bilbil Sokoli, paralajmëron rezultate të reje edhe këtë vit. Kampioni vjeshtor i Ligës së dytë zhvilloi ndeshjen kontrolluese kundër ekipit të Cementarnicës dhe shënoi fitore minimale. Golin e vetëm në këtë ndeshje e ka shënuar Gligorovski,duke i dhënë kampionëve fitoren e parë për këtë vit. “Jemi të kënaqur nga angazhimi i të gjithë futbollistëve në ndeshjen e parë kontrolluese. Luajtën të gjithë futbollistët që konkurrojnë për ekipin e parë, ndërsa testi i parë ishte i suksesshëm”, ka thënë ndihmës trajneri i KF Milano, Riza Jonuzi.
Pas lojës me Cementarnicën të gjithë futbollistët janë lënë të lirë për të mbaruar kontrollimin e tyre sistematik mjekësor. Sot ekipi vazhdon punën në bazë të planit paraprak.

[strong_07]

Zigjelbërit përfunduan fazën e parë të përgatitjeve

Pjesa e dytë do të vazhdojë në Dojran
Të enjten në kuadër të përgatitjeve për sezonin pranveror ekipi kumanovar në Banjat e Negorcit do të zhvillon ndeshje miqësore me Turnovën

Futbollisët e Bashkimit të martën në ora 10.00 do të udhëtojnë në Banjat e Negorcit ku do të zhvillojnë fazën e dytë të përgatitjeve për sezonin pranveror. Në ekspeditën janë përfshirë 21 futbollist, prej tyre tre portjer dhe tre futbollist që vijnë nga kategoria e kadetëve. “Pasi të arijmë në Banjat e Negorcit pasdite do të zhvillojmë stërvitjen e parë, ndërsa prej të mërkurës stërvitjet do të jenë nga dy herë në ditë”, tha para nisjes për në Banjat e Negorcit ndihmës trajneri i Bashkimi Erkan Jusuf. “Të enjten në ora 13.30 në kuadër të përgatitjeve do të zhvillojmë ndeshje kontrolluese kundër ekipit të Turnovës, ndërsa egzsiton mundësia që të zhvillojmë ndeshje kontrolluese edhe me Miravcin dhe Vardarskin”, përfundoi Erkan Jusuf.
I vetmi që do ti bashkangjitet ekipit në Banjat e Negorcit do të jetë Toni Banduliev, i cili për shkak të gripit ka munguar në fazën e parë të përgatitjeve

[strong_07]

Jetmir Kadriu pritet të kthehet te Vëllazërimi

Kërçovari ka shumë mundësi ti bashkangjitet skuadrës
Futbollisti i Vëllazërimit të Kërçovës, Jetmir Kadriu ende nuk iu është bashkëngjitur stërvitjeve që bashkëlojtarët e tjerë i bëjnë me trajnerin Nazmi Ajdini. Megjithatë edhe përkundër kësaj mungese, ai beson në një kthim sa më të shpejti pasi ka qenë i sëmurë këtyre ditëve. “Shumë shpejt do të kthehem. Nuk kam qenë mirë gjatë ditëve të kaluar, por tani gjithçka është mirë dhe besoj të kthehem. Sa i përket angazhimit tim unë mbetem te Vëllazërimi deri në fund të këtij stinori”, tha Kadriu. Nga ana tjetër te Vëllazërimi nuk është kthyer pa ndonjë sqarim paraprak mbrojtësi Vllatko Novakov.

[strong_07]

Vëllezërit Mustafi do të luajnë në Finlandë

Nebiu dhe Nuriu kanë bërë gati valixhet
Gjatë kësaj jave do të dihen klubet ku do të luajnë vëllezërit Mustafi, këtë bëri të ditur menaxheri i këtyre futbollistëve Salaudin Shabani.
”Këtyre ditëve duhëtojmë për në Finlandë ku do të zbardhim punët rrethë angazhimit të Nebi Mustafit. FC Haka është ekipi i sigurtë, por ka gjasa që ai të angazhohet në ndonjë skuadër tjetër të Finlandës”. Sa i përket Nuri Mustafit i cili gjendet në përgatitje me ekipin e Shkëndija’79, menaxheri Salaudin Shabani tha: “Nuri Mustafin është e sigurtë se do të vazhdojë karrierën në Finlandë, por emrin e ekipit nuk mund ta konfirmoj”.
Nebi Mustafi tha se pavarësishtë se në cilin ekip do të angazhohet ai është i përgatitur për të dhënë maksimumin. “Për mua është e rëndsishme që të jem i përgatitur dhe në cilindo ekip të kyçem, nuk do të kem problem për adaptim pasi që jam i përgatitur shumë mirë, kur dihet se kam punuar rregullisht me ekipin e Shkëndija’79”.
Vëllezërit Mustafi gjatë javës do të udhëtojnë në Finlandë, kur edhe do të mësojmë për ekipet në të cilat do të angazhohen