Futbolli shqiptar në Maqedoni

[Davius]

KF Renova

KF Renova është themeluar në vitin 2003, por burimin e ka nga shkolla e futbollit e cila është formuar në vitin 2000 dhe mbante emër tjetër. Si rezultat I punës së suksesshme në vitin 2003 prej kur njerëzit e parë të kompanisë Renova nga fshati Xhepçisht filluan të investojnë në këtë shkollë futbolli, kjo shkollë që nga ai moment u riemërua në Renova, e më vonë lindi ideja që të formohet KF Renova pra ekip e seniorëve dhe nga analizat e shumta u vendos që të merret ekipi i Shkumbini të Tetovës e cila garonte në ligën e tretë.

Ekipi i Shkumbinit u riemërua në Renova dhe ky ekip në sezonin 2003/04 filloi të garonte me emrin e ri he shndërrohet në një ekip shumë të organizuar dhe si rezultat i kësaj RENOVA e fitoi vendin e parë në ligë. Për tu kualifikuar në ligën e dytë Renova duheshe të luaj loj barazh me Vardarin e Negotinës, të cilin e fitoi pas gjuajtjeve të 11 metërshit.

Në sezonin 2004/05 Renova vazhdon lojën e saj në ligën e dytë ku ambiciet e klubit ishin që të bëhej ekip elite e futbollit në R. Maqedoni.

Me një organizim dhe një punë të lodhshme e profesionale të të gjitha strukturave në krye me drejtorin e klubit z. Qenan Idrizin, RENOVA në fund të sezonit ariti që të jetë e dyta e ranguar në listë me çka u plasoheshte drejtpërdrejtë në ligën e parë të Maqedonisë. Në sezonin 2005/06 do me thënë në këtë sezon garon në ligën e parë me ambicie ta ruaj këtë vend edhe në të ardhmen dhe të lufton që të garon edhe në Evropë.

[Davius]

KF Shkëndija'79

Themelimi i Klubit Futbollistik tetovar si klub profesional u bë ne vitin 1979. Klubi që prej asaj kohe ishte i konsideruar si një simbol shqiptar në sport dhe ishte krenari e popullit shqiptar ne Tetovë, Maqedoni dhe më gjerë. Ne vitin 1981, në ish-Jugosllavi kishte shumë trazira politike. Ishte një periudhë shumë e vështirë dhe me shumë vuajtje për shqiptarët anembanë në at shtet, ku çdo organizatë që konsiderohej si shqiptare nga ana e komunistëve në pushtet, menjëher mbylleshte me forcë. Mjerisht, ky fat i keq e kaploi edhe klubin tonë të dashur; Shkëndija Tetovë.

Në vitin 1981, K.F. Shkëndija Tetovë u mbyll nga pushteti komunist në baza se ishte tepër shqiptar në orientim. Edhe pse Shkëndija nuk vdiq asnjëher nga shpirti dhe zemrat e popullit shqiptar, nuk ishte deri në vitin 1992 kur Shkëndija përsëri mundi të themelohet si klub profesionist në Maqedoni, pas rrënimit te Jugosllavisë.

Në sezonën e parë pas riformimit në 1992-93, Shkëndija filloj prap prej zero por nisi me shumë zell, me nje organizim të ngurtë dhe me gëzim të tejskajshëm për popullin shqiptar. Klubi jonë i filloi garat ne ligën më të ulët, pra atë komunale, dhe me bindje u koronua kampion. Si kampion, Shkëndija u avancua në ligën e tret.

Në sezonëm e dytë, Shkëndija filloi të garonte në ligën e tretë të zonës veriperëndimore. Shkëndija përsëri luante futboll te mrekullueshëm, dhe luftonte për titull edhe këtë herë. Titulli i kampionit ishte në dilemë deri në ndeshjen e fundit të kampionatit. Dhe fati ishte ashtu që ndeshja e fundit të luhej midis dy skuadrave qe luftonin per titull. Në një atmosferë madhështore dhe shumë të tensionuar, stadiumi i qytetit në Tetovë vlonte dhe tejkalonte kapacitetin per spektatorë. Në këtë ndeshje ballafaqoheshin ne fushën e gjelbërt Shkëndija që aktualisht ndodheshte ne vendin e dytë dhe Fortuna qe ndodheshte ne vendin e parë. Në këtë ndeshje vendimprurëse, skuadra që del fituese, gjithashtu shpalleshte kampione. Shkëndija ngadhënjon sërish në një mënyrë mbresëlënëse, shpallet kampion dhe avancohet përsëri. Pas kësaj Shkëndija nuk shikoj mbrapa asnjëherë më dhe arriti te garoje deri ne ligën më të lartë.

Në sezonen e vitit 2003/2004, klubi riorganizohet dhe kalon nga K.F. Shkëndija HB në K.F. Shkëndija '79 dhe serish kthehet ne ligën e parë pas ketij sezoni, ku sot e kësaj dite garon.

Ne Nentor te vitit 2004 Shkëndija e festoi 25 vjetorin e ekzistimit te saj, ku në stadiumin e qytetit u zhvillua një ndeshje mes veteranëve të Shkëndijës për nder te 25 vjetorit. Manifestimi filloj me një koncert me grupe dhe këngëtarë të njohur. Ndër vite Shkëndija është njohur me emra si Shkëndija Tetovë, Shkëndija HB, dhe tash Shkëndija '79, por gjithmonë ka qenë Shkëndija dhe gjithmonë do të jetë.

[km92]

KF Bashkimi - Kumanovë

[Davius]

Derbi shqiptar fitohet nga skuadra vendase


Derbi i ndeshjes në Tetovë ka përfunduar me fitoren e nikoqirëve, të gjithë nga stadiumi janë larguar të kënaqur me atë që kanë parë në 90 minutat e ndeshjes

Hajrush Mani

Ditëve të fundit është folur dhe shkruar se situata në ekipin “kuqezi” është mjaft e vështirë dhe se zhvillimi i kësaj ndeshje është vënë në pikëpyetje, por djelmoshat e trajnerit Edmond Miha të vetëdijshëm se fati i ekipit varet direkt nga ta, me një lojë cilësore kënaqën adhuruesit e futbollit që ishin të pranishëm në tribunat e stadiumit të qytetit. Fitorja kundër skuadrës kumanovare Bashkimi, ka vlerë shumë të madhe. Hero të kësaj ndeshje padyshim se janë të gjithë futbollistët të cilët u gjenden në formacionin e parë, por golashënuesi i dyfishtë Burhan Emurllahu dhe kapiteni Vullnet Emini ishin trima të kësaj ndeshje dhe shembull se si duhet tu prijnë futbollistëve që pritet të jenë ardhmëria e këtij klubi. Për çdo lëvdatë është edhe loja e debutuesit Mumin Sallai.

Ndeshja filloi me iniciativën e plotë të ekipit vendas, të cilët edhe krijuan disa raste nëpërmjet Agim Ibraimit në minutën e 5-të dhe 37-të, Mensur Idrizit 25-të, Vullnet Eminit në minutat e 25-të, 49-të, 52-të, Burhan Emurllahit në minutën e ‘30 dhe ‘46, ndërsa nga ana tjetër edhe futbollistët e Bashkimit gjatë gjithë ndeshjes krijuan disa raste për të shënuar, por fati ua kishte kthyer shpinën. Raste të mira kishte Allomeroviq në minutën e ‘33 dhe atë të ’58, ndërsa në minutën e ‘70 godet shtyllën e portierit Elezi. Elmazovski në minutën e ‘32 dhe Tripunovski në minutën e 54-të.

Golat për ekipin e Shkëndijës janë shënuar në minutën e 41-të, kur Burhan Emurllahi me një gjuajtje precize nga 18 metra në këndin e poshtëm të portës së Afrim Ajdinit shënon golin e parë (1:0) dhe në minutën e ‘68 pas një aksioni nga ana e majtë, i njëjti futbollist futet në zonën e rreptësisë dhe në stilin e mjeshtrit të madh plasoi topin në rrjetë (2:0). Pas shënimit të golit të dytë, futbollistët mysafirë reaguan te gjyqtari anësor për gjoja situatë jashtë loje, por nga ky reagim fituan dy kartonë të verdhë portieri Ajdini dhe Ilir Elmazovski.

Ndeshja ndërmjet dy ekipeve shqiptare në përgjithësi ishte mjaft korrekte, por megjithatë gjyqtari Marjan Markovski ndëshkoi me kartona të verdhë Festim Ademin dhe Stojkoviqin e Shkëndija’79 si dhe Azirin, Kapinkovskin, Ajdinin dhe Elmazovskin të Bashkimit.

Edmond Miha shef i stafit teknik në ekipin e Shkëndija’79, pas ndeshjes i emocionuar nga fitorja e madhe deklaroi: “Është kënaqësi e madhe sepse djemtë e mi luajtën futboll të bukur. Jam shumë i gëzuar pasi me një moshë kaq të re, ne do mendojmë të luajmë futboll dhe të kënaqim ata që vijnë të na shikojnë”

Hysni Maxhuni, shef i stafit teknik të ekipit Bashkimi: “Ndeshja ishte e nivelit të lartë dhe vëllazërore. I uroj Shkëndijës fitoren, pasi në pjesën e parë patën dëshirë më të madhe për të fituar kur edhe shënuan gol. Në pjesën e dytë patëm dy raste të pastra, por nuk shfrytëzuam raste dhe kështu pësuam disfatë. Shkëndijës i uroj sukses pasi e merituan fitoren”.

[Davius]

Shkëndija 79, mbetet pa drejtues i cili nuk mundi të përmbushi detyrimet financiare të nevojshme

Nga Bekri Ajdini

Pas një situate të nxehtë të krijuar te Shkëndija ’79 ditëve të fundit ka dhënë dorëheqje kryetari i deritanishëm, Muhamet Idrizi. Një gjë të tillë e ka konfirmuar sekretari i klubit Vloran Bexheti. “Muhamet Idrizi ka dhënë dorëheqje nga detyre e deritanishme. Arsyeja për një hap të tillë është mosarritja që t’i mbulojë të gjitha detyrimet financiare”, tha Bexheti.
Në klub tani siç duket është qetësuar situata dhe presin gjatë fundjavës që të gjendet sponsori i ri. Më i interesuar deri tani ka qenë afaristi tetovar që vepron në Itali, Basri Deari, i cili që para një muaji deshi ta blejë klubin. Nga drejtuesit aktual të Shkëndijës nuk e përjashtojnë mundësinë që të lajmërohet edhe ndonjë tjetër sponsor i interesuar.

Përveç largimit të kryetarit Idrizi, janë larguar edhe tre futbollistët nga Shqipëria, Çajko, Lako dhe Ballsho. Këta të fundit janë larguar pasi nëse një ndeshje e luajnë në Maqedoni, në vendlindjen e tyre nuk do të kenë të drejtë të aktivizohen për gjashtë muaj me radhë.

[Davius]

Pas Nebiut, në Finlandë udhëton edhe vëllai i tij

FC Haka ka ftuar në testim Nuri Mustafit

Bujar Kurtaj

Futbollisti standard i mbrojtjes së ekipit Skëndija’79, Nuri Mustafi (i lindur me 16 mars 1983), nesër do të udhëtojë për Finladë, ku do të testohet në FC Haka, klub në të cilën aktualisht është duke luajtur vëllai u tij, Nebi Mustafi.

Lajmin për udhëtimin e Nuri Mastafit në , e ka bërë të ditur sekretari i përgjithshëm i ekipit “kuqezi” Vloran Bexheti, i cili tha: “Nuri Mustafi nesër udhëton në Finlandë me ftesën e FC Haka, për tu testuar dhe eventualisht të angazhohet në këtë klub”.

Angazhimi eventual i Nuri Mustafit në ekipin nga Finlanda në këto momente kur ka krizë të natyrës financiare do të ishte edhe një hendikep plus për “kuqezinjët ” tetovar, por rasti i dhënë për futbollistin në fjalë gjithsesi se nuk duhet lëshuar.

albaniasoccer.com

[Davius]

Shkëndija 79 / Pritet ardhja e Dearit për të konkretizuar punët

Futbollistët Tetovarë i dhanë dritën jeshile ofertës së sponzorit

Bujar Kurtaj

Pas deklaratave se futbollistët janë ata të cilët nuk kanë pranuar ofertën e sponsorit eventual në KF Shkëndija’79, z.Basri Deari, para stërvitjes së fundit është mbajtur një mbledhje ku të parnishëm pos kryetarit aktual Muhamet Idrizit dhe sekretarit të përgjithshëm Vloran Bexheti, të pranishëm kanë qenë edhe stafi teknik dhe futbollistët, ndërsa për epilogun e kësaj mbledhje në emër të të gjithë futbollistëve u pronocua kapiteni Vullnet Emini, i cili pos tjerash tha: ”Ofertës së Basri Dearit për të drejtuar dhe menaxhaur me KF Shkëndija’79 i është dhënë dritë jeshile. Tani mbetet që ai këto ditë të kthehet nga Italia për konkretizimnin e punëve dhe të bëjë pranim dorëzimin e klubit”.

Pyetjes çka do të ndodh nëse megjithate nuk arrihet marrëveshje me Basri Dearin, kapiteni Vullnet Emini, tha:”Nëse vjen deri te mosmarrëveshja, atëherë do të ndodhë ajo që më nuk dotë ishte e mirë për klubin, pasi disa nga lojtarët kyç me siguri do të largohen nga ky klub, ndërsa ne jemi profesionist dhe jetojmë nga këto të ardhura”. Megjithate Vullnet Emini, shprehet optimist se megjithate do të ketë një zgjidhje fatlume, pasi është koha e fundit që këtij problemi ti jepet fund dhe se donatori i ardhshëm, me siguri do ta ketë parasysh se ekipi ka nevojë për së paku pesë futbollist cilësor, për të luftuar për pjesën e epërme në tabelën e klasifikimit.
Mund të shpresohet se klubi nuk do të bëhet peng i mosmarrëveshjeve, por do të fillojë të funksionon në mënyrë profesionale, ashtu siq dëshirojnë futbollistët dhe tifozët e flaktë që nuk janë të paktë.

Albaniasoccer.com

[miki_al2001]

vellazerimi i kercoves"shkaterron" shkendijen'79 nga tetovame rezultatin epaster 3 me 0.

Liga e Maqedonisë
te dielen 10-shtator ne stadiumin e kercoves vellazerimi perrul shkendijen me rezultatin e paster 3 me 0.

pak veta e prisnin kete rezultat sidomos duke ditur se cfare problemesh kane pasur kercovaret kohet e fundit,pa sponzor,pa perforcime.qysh ne pjesen e pare vellazerimi i realizoi te tre golat pastaj futbollistat e shkendijes u munduan te zvoglonin diferencen por pa ia arritur qellimit.

[Juventus]

vellazerimi i kercoves"shkaterron" shkendijen'79 nga tetovame rezultatin epaster 3 me 0.

Liga e Maqedonisë
te dielen 10-shtator ne stadiumin e kercoves vellazerimi perrul shkendijen me rezultatin e paster 3 me 0.

pak veta e prisnin kete rezultat sidomos duke ditur se cfare problemesh kane pasur kercovaret kohet e fundit,pa sponzor,pa perforcime.qysh ne pjesen e pare vellazerimi i realizoi te tre golat pastaj futbollistat e shkendijes u munduan te zvoglonin diferencen por pa ia arritur qellimit.

Ben te dij o plako nga je ti?Rezultatin ke bere mire por kur te shkruash per nje ndeshje te tregijsh gjithcka cka ka ndodhur, si eshte fituar,.....jo vetem nbas rezultatit tja futish kot,...

[Juventus]

vellazerimi i kercoves"shkaterron" shkendijen'79 nga tetovame rezultatin epaster 3 me 0.

Liga e Maqedonisë
te dielen 10-shtator ne stadiumin e kercoves vellazerimi perrul shkendijen me rezultatin e paster 3 me 0.

pak veta e prisnin kete rezultat sidomos duke ditur se cfare problemesh kane pasur kercovaret kohet e fundit,pa sponzor,pa perforcime.qysh ne pjesen e pare vellazerimi i realizoi te tre golat pastaj futbollistat e shkendijes u munduan te zvoglonin diferencen por pa ia arritur qellimit.

Ben te dij o plako nga je ti?Rezultatin ke bere mire por kur te shkruash per nje ndeshje te tregijsh gjithcka cka ka ndodhur, si eshte fituar,.....jo vetem nbas rezultatit tja futish kot,...