Futbolli shqiptar në Maqedoni

[strong_07]

Arbitrat i dhurojnë humbjen pëllumbave në minutat shtesë

Slloga Jugomagnat në Turnovë udhëtoi me shpresë se do të vazhdon traditën e suksesshme, mirëpo nuk ndodhi përshkak të referimit jo objektiv.
Referët e kësaj ndeshje në pjesën e dytë në tërësi ranë nën ndikimin e atmosferës së krijuar nga ekipi nikoqir dhe ia dolën të asistojnë në fitoren minimale e cila u sigurua në minutat shtesë të lojës.
Trajneri Mensur Nexhipi tha: “Nuk kam ndërmend të arsyetoj disfatën para opinionit, mirëpo me të vërtet sikur deri në përfundim të ndeshjes të ishte referimi në nivel, ashtu siç ishte deri në minutën e 65-të, atëherë në Shkup do të ktheheshim të pamposhtur. Futbollistët tanë gjatë tërë ndeshjes u angazhuan maksimalisht dhe në tërësi i zbatuan detyrat. Sikur sulmuesi ynë Xheladini të konkretizonte rastin më të volitshëm të ndeshjes në min e 75-të, atëherë tradita e suksesshme do të vazhdonte edhe pas këtij takimi.
Referët në mënyrë drastike e dëmtuan ekipin tonë, sidomos në minutën e 92-të, kur u shënua goli. Ata në këtë moment ndëshkuan me karton të kuq Muminoviqin dhe akorduan gjuajtje dënimi që fare nuk ekzistonte. Nga kjo gjuajtje nikoqirët shënuan golin e fitores”, përfundoi Nexhipi. Në ndeshjen e radhës Slloga Jug., në cilësi të ekipit nikoqir do të takohet me Bellasicën.

[strong_07]

lojtaret e vardarit nuk hijn ne stadion ne pjesen e dyt ndeshjen bashkimi vardari pjesa e pare ishte pa gola

[strong_07]

java e 21

Rabotnicki k -Napredok 4-0
Pelister - Sileks 0-0
Renova - Vlazrimi 3-0
Makedonija gjp - SHkendija 2-0
Pobeda - Bregallnica 3-1

ndeshja Bashkimi Vardar --

[strong_07]

Lojtarët e Vardarit sulmojnë Burak Hydën
Kumanovë - Ndeshja midis Bashkimit të Kumanovës dhe Vardarit është ndërprerë pas përfundimit të pjesës së parë, për shkak të një incidenti që ndodhi gjatë shkuarjes për në dhomat e zhveshjes. Siç mësojmë ishin lojtarët e Vardarit, ata të cilët iniciuan konfliktin duke e goditur, Burak Hydën, djalin e pronarit të Bashkimit, i cili në atë moment u gjend në korridor. Mësojmë se Burakun i pari e ka e ka sulmuar lojtari me numër 22, Ostoja Stepanoviç, të cilit i janë bashkangjitur pastaj edhe futbollistët tjerë të Vardarit.

“Pjesa e parë është luajtur në atmosferë korrekte. Kemi dominuar në terren dhe Vardari nuk ka pasur asnjë mundësi, për dallim nga ne që krijuam disa raste por pa realizim konkret”, tha ndihmëstrajneri i Bashkimit Erkan Jusufi.

Ndryshe, pjesa e parë i ka takuar lojtarëve nikoqir, të cilët e kanë mposhtur totalisht Vardarin. Ata gjatë tërë pjesës së parë kanë qenë në sulm dhe kanë dominuar në terren. Rastin më të mirë për të shënuar e kishte Samir Shabani, mirëpo goditjen e tij me shumë vështirësi e ndali portieri Kaprinovski. Në këtë ndeshje me kartona të verdhë janë ndëshkuar Dardan Miftari dhe Dalibor Antonijeviç lojtarë të Bashkimit, ndërsa në radhët e Vardarit, Ostoja Stepanoviç dhe Oliver Peev.

Ndryshe, sipas disa burimeve jozyrtare futbollistët e Vardarit e kanë nisur incidentin me qëllim që të ndërpritet takimi. Ky burim thotë se drejtuesit e KF Vardar të mbështetur nga Këshill Iniciativ për ndryshime dëshirojnë që para 17 marsit (Mbahet Kuvendi i FFM-së) t’i krijojnë probleme FFM-ës

[KUSi]

ballistet jan tifoz me te organizum se te gjitha tifezet tjer jeni te fort ket jav pranoj a per shkendijen lojtaret nuk e japin maksimumin ne fush

ashtu eshte te lumt se je njeri i pare qe ke fole te drejten se me duket ketyre te tjerve ju vjen inat dhe nuk flasen te drejten , pajtohem plotesiht me tye

[no name]

Prej ekipeve Shqiptare ne Maqedoni ket vit Renova do jet me lart ne renditjen tabelare se gjith ekipet tjera.

Ndersa sa per Tifoz Ballistet e shkendijes jan Zakon ne Maqedoni, ndash ne ndeshjet jasht qe ka luajt shkendija ndash mbrenda gjithmon e kan pas perkrahjen me te madhe nga Ballistet.

[strong_07]

Liga e dytë e Maqedonisë / Nuk ndalet Milano

Janë zhvilluar ndeshjet e Ligës së dytë të Maqedonisë, ndërkohë Milano nga Kumanova ka vazhduar serinë e fitoreve të njëpasnjëshme. Djelmoshat e Bylbyl Sokolit kanë fituar 1:2 në fushë mysafire kundër Maxharit. Në pjesëlojën e parë është treguar lojë me shumë gabime nga të dyja palët, por avancojnë kumanovarët pas asistimit të Saliut dhe realizimit të Miserdovskit në minutën 25. Në pjesën e dytë mysafirët arrijnë të shënojnë golin e dytë nëpërmjet Orhan Isufit në minutën 70 dhe fitojnë tre pikë mjaft të vlefshme.
“Nuk jam i kënaqur nga loja. Duhet të kenë më shumë guxim futbollistët e mi kur të luajnë sidomos në fushë mysafire. Gjithsesi kemi fituar tri pikë të vlefshme që na bëjnë krenar”, tha trajneri Bylbyl Sokoli pas përfundimit të ndeshjes.
Fitore mjaft të rëndësishme me rezultat 3:1 në Çair ka arritur Slloga J., ndaj ekipit të Bellasicës.Për nikoqirët golat i shënuan Ajeti dhe Laçi (nga penalltia) në pjesën e parë, kurse Guxhufi ngriti epërsinë në pjesën e dytë. “Jemi të kënaqur me fitoren shpresoj se edhe në të ardhmen do të luajmë sikur në këtë ndeshje”, tha trajneri Nexhat Shabani.

[KUSi]

Milano ka nje ekip shum te mire dhe shum te kompletuar dhe padushim se ne sezonen e ardheshme do te garoj ne ligen e pare , ju uroj qe sa me shum ekipa shqiptare te ken ne ligen e pare aq me mire eshte per ne

[miki_al2001]

cfare do behet me kumanovaret.?din gje njeri.

[strong_07]

Pronari i Bashkimit, Hyda shprehet për incidentin e së dielës


Pas ndërprerjes së ndeshjes Bashkimi - Vardar, opinioni sportdashës në Kumanovë akoma nuk e ka të qartë se çfarë në të vërtetë ka ndodhur të dielën në zhveshtoret e skuadrës kumanovare. Pronari i Bashkimit, Lutfi Hyda thotë se kanë qenë futbollistët e Vardarit, ata të cilët kanë iniciuar problemin, duke e sulmuar djalin e tij, Durimin.
“Pas përfundimit të pjesës së parë Vardari, e pati të qartë se është kundërshtari i dobët për tu ballafaquar në fushë me lojtarët e ri të Bashkimit. Ata të dëshpëruar nga loja, të cilën e treguan në fushë, sulmuan djalin tim Durimin, të cilit në ndihmë i doli vëllai më i madh Buraki”, thotë Hyda. Ai më tej shton se edhe pas kësaj ngjarje ka kërkuar disa herë nga kryetari i Vardarit që t’i kthejë lojtarët në lojë dhe në fushë të maten forcat.
“Edhe pse djemtë e mi ishin të sulmuar në stadiumin e Bashkimit, të cilin e konsiderojnë si shtëpinë e vet dhe kishin marrë plagë në fytyrë nga futbollistët e Vardarit, e luta kryetarin e këtij klubi, Braco Vujçiç që lojtarët të dalin në fushë dhe të vazhdojë loja, mirëpo ata nuk pranuan”, shprehet Hyda.
Ndërkaq drejtori i Bashkimit, Belgi Arifi thotë se Vardari në Kumanovë kishte ardhur me skenarë të përgatitur. “Edhe pse kanë qenë të sigurt se do të na fitojnë në Kumanovë, ata kanë pasur edhe planin tjetër”, thotë Arifi, duke shtuar se futbollistët e Vardarit, e kishin iniciuar problemin me qëllim. “Pas përfundimit të pjesës së parë ishte e qartë se pikët do të ngelin në Kumanovë. Në këtë rast ata praktikuan planin tjetër. Sulmuan djemtë e pronarit dhe shkaktuan incidentin”, shprehet Arifi. Ai më tej thotë se është i qartë qëllimi i këtij incidenti. “Vardari është me Këshillin Iniciativë për shkarkimin e kryesisë aktuale të LFM-së, prandaj shkaktoi incident, duke dashur që të japë pasqyrë negative në prag të zgjedhjeve të Kuvendit të ri, të shtunën”, shpjegon Arifi.
Edhe djali i pronarit të KF Bashkimi, Burak Hyda tha se vëllai i tij, Durimi në momentin kur ka përfunduar pjesa e parë, ai ka dashur që të përshëndetet me lojtarin e Vardarit, Anguinaldo Braga, mirëpo një gjë të tillë nuk ka pasur mundësi ta bëjë për shkak se ka qenë fizikisht i sulmuar nga lojtari i Vardarit me numër 22 (Ostoja Stjepanoviç). “Kur reagova unë incidentit iu bashkëngjitën të gjithë futbollistët e Vardarit, duke na sulmuar fizikisht. Kemi qenë edhe në Sektorin Punëve të Brendshme në Kumanovë për të dhënë deklarata për atë çka ndodhi”, thotë Burak Hyda.
Ndryshe, referat dhe delegatët janë paraqitur në fushë në pjesën e dytë dhe pasi kanë pritur 15 minuta që të dalin nga zhveshtoret futbollistët e Vardarit, e kanë përfunduar ndeshjen. Futbollistëve të Vardarit policia e Kumanovës u ka garantuar sigurinë në pjesën e dytë, mirëpo ata nuk u paraqitën në fushë.