Bexhet Pacoli rrëfen për mashtrimin e VEVE-s me TV ALSAT

[Cimo]

Gjatë një interviste dhënë për një nga kanalet televizive shqiptare, “NEWS 24”, një prej njerëzve më të pasur shqiptar, miliarderi kosovar Bexhet Pacolli, rrëfen mbi mashtrimin që është bërë me aksionet e kompanisë “ALSAT”. Intervista në gazetën “Albania” po botohet e plotë dhe në mënyrë integrale, me qëllim që të konfirmojë materialet origjinale, të cilat po botohen duke e treguar më real këtë skandal. Në intervistë, miliarderi Pacolli tregon se si ai ka konstatuar të gjitha abuzimet e bëra në kompaninë dhe Televizionin ALSAT.

Zoti Pacolli, ju jeni pronari i 70 për qind të aksioneve të Televizionit ALSAT. Ndërkohë, emri juaj nuk rezulton si pronar pranë KKRT-së. Ju keni bërë ankimim pranë KKRT-së në nëntor të vitit 2006, duke kërkuar regjistrimin e emrit tuaj pranë KKRT-së si pronar i ALSAT-it. Deri tani nuk është regjistruar ende emri juaj në listën e KKRT-së. Përse?

Është e vërtetë dhe këto gjëra nuk mund të ndodhin në një vend demokratik dhe aq më tepër në një vend që kërkon të bëjë pjesë në këto vende. Që nga gushti i vitit 2005 jam unë pronar i Televizionit ALSAT. Kam paguar mjetet, kam lenë që televizioni në mirëbesim të menaxhohet nga menaxheri i atjeshëm. Kam bërë çdo gjë që ata ta drejtojnë me mjete të civilizuara.

E dini që KKRT-ja ka detyrim ligjor që pas 15 ditëve që emri juaj shënohet në Regjistrin Tregtar duhet të bëjë regjistrimin e emrit tuaj në listën e saj. Cila ka qenë përgjigjja e KKRT-së për mosregjistrimin e emrit tuaj në listë?

Unë e kam ditur vetëm vonë që emri nuk ishte shënuar. Kemi shkuar dhe deri tani kjo gjë nuk është bërë. Kush është mbrapa, nuk e di. Emri në Regjistrin Tregtar është shënuar se 70 për qind të aksioneve janë të miat. Nuk e di, kjo është një sindromë që duhet të sqarohet dhe të bëhet regjistrimi i emrit në KKRT.

Mendoni se është një vendim i qëllimshëm i KKRT-së ndaj kërkesës që ju keni bërë?

Nëse shihen si kanë shkuar gjërat, duhet thënë se KKRT-ja po bën një gjë të qëllimshme. Për arsyen se, siç e dini, unë kam humbur tri gjyqe që janë bërë nga menaxherët e ALSAT-it. Kjo gjë është absurde dhe ky vendim ka mbetur në fuqi. Është bërë me ndihmën e organeve qeveritare. Janë deformuar disa gjëra me qëllim nga menaxherët e ALSAT-it në mënyrë të paligjshme.

Si ka evoluar historia, që ka çuar deri në blerjen e ALSAT-it?

Sigurisht, unë ALSAT-in e kam blerë me një qëllim: që të bëj ndërlidhjen e kombit tonë me këdo qoftë dhe kudo qoftë, sidomos asaj të diasporës me vendin. Duke u menduar se kisha të bëja me një shtet ligjor, kam vepruar në mënyrë të drejtë dhe ligjore. Kam bërë pagesë korrekte dhe kam paguar të gjitha shpenzimet. Por, pas një viti pune, pashë se diçka nuk ecte dhe janë deformuar disa gjëra, kam kërkuar ndryshim në menaxhimin e ALSAT-it, por kjo gjë nuk është bërë e mundur sepse ka qenë pas qeveria.

Konkretisht, në cilat organe keni hasur pengesa veç KKRT-së?

Pengesa kanë qenë gjithkund, në çdo institucion dhe jo vetëm në KKRT, por ajo që është hasur më shumë ka qenë pengesa në Ministrinë e Drejtësisë. Zëvendësministri i Drejtësisë e ka bërë në favor të së padrejtës.

Mendoni se ka standarde të dyfishta të qëndrimit që KKRT-ja mban ndaj një medieje?

Absolutisht. E konfirmoj dhe e rikonfirmoj plotësisht pa asnjë dyshim. Ashtu është.
Keni bërë një investim kaq të madh në Shqipëri. Jeni penduar për këtë gjë pas pengesave të shumta që keni hasur si nga KKRT-ja dhe nga Ministria e Drejtësisë?

Absolutisht, sepse është një pengesë e cila duhet të tejkalohet. Dhe populli shqiptar nuk duhet të merret me gjëra të vogla. Duhet t’u shkojmë gjërave deri në fund dhe t’i lëmë këto gjërat e vogla, por të shikojmë përpara.

Si do të veproni me KKRT-në, e cila refuzon kërkesën tuaj për të bërë regjistrimin e emrit tuaj si pronar i ALSAT-it?

Do të marrim rrugën ligjore deri në fund dhe gjërat do të dalin në shesh. Nuk kam dëgjuar ndonjëherë që një gjë që nuk është e juaja nuk mund të bëhet e juaja. Pra dhe kjo e vërtetë do të bëhet publike.

Pra ju do të ndërmerrni një gjyq ndaj KKRT-së?

Pasi të përfundojmë këtë proces në të cilin jemi, do të bëjmë një gjyq ndaj KKRT-së.
Marrë nga NEWS 24

[Arcas]

Nuku do Sali Berisha, mik i cubrilloviqeve dhe janullave qe te behete gje ne shqiperi. Do nje shqiperi me kombinim multietnik ku pak nga pake mos kete me shqiptare.

Berisha eshte nje person qe vepron me menyra masone per te ndenjure ne pushtet dhe vjedhi populline shqiptare ne kurrizin e kulturese dhe historise tone. Jashte more jashtshqitje pjelle komunisto-staliniste.

[artur]

Alsat per te pergenjeshtruar c'fare eshte thene deri tani nga Bexhet Pacolli. dhe akuzat e 24-news, gazeta shqiptare etj,...... Mori ne interviste deputeten Diana Culi , partia e Gjinushit PSD(SEPSE ESHTE ANETARE E KOMISIONIT PARLAMENTAR PER MEDIAT))..................Diana Culi para telekamerave u shpreh qarte: -Ne Shqiperi (per ligj) asnje pronar privat nuk mund te kete me shume se 30% te aksioneve te nje televisioni KOMBETAR, ALSAT eshte television kombetar e rrjedhimisht nuk e di pse zoti Paçolli thote qe eshte pronar i 70% te televisionit..............?????????????


CIAO

[Cimo]

KKRT-ja e Biankut favorizon ALSAT-in e grabitur


Vazhdon skandali me licensat televizive dhe politikat me dy standarde të aplikuara nga qeveria “Berisha”. Me vetëm pak më shumë se një vit diferencë, KKRT-ja e Lalajt ndëshkon, ajo e Biankut fal. Kështu ka ndodhur me të njëjtën shkelje të identifikuar nga operatori TV ALSAT në dy periudha të ndryshme kohore, me diferencë vetëm 15 muaj. Më 18 shkurt 2006, KKRT-ja ka ndëshkuar ALSAT-in me 100 mijë lekë gjobë për transmetime të palicensuara në pikën e Taraboshit, Shkodër dhe Blerimi, Lushnjë. Më 9 maj 2007 KKRT-ja njoftoi se TV ALSAT “transmetonte në mënyrë të paautorizuar nga pika e Taraboshit”, por ndaj saj nuk u mor veprim për heqjen e sinjalit. Vetë KKRT-ja e shpjegon një veprim të tillë në një mënyrë të çuditshme: “TV ALSAT është licensuar për të transmetuar në qytetin e Shkodrës; KKRT-ja, për të mos privuar qytetarët nga e drejta e informimit prej operatorëve të licensuar në këtë zonë, nuk ia ndërpreu sinjalin, pavarësisht se ai transmetonte në kundërshtim me koordinatat e dhëna prej saj. Por, TV ALSAT-it i është kërkuar të fillojë të transmetojë nga pika e duhur”. Në të njëjtën pikë transmetimi, për të njëjtën lloj shkeljeje, KKRT-ja kishte fikur sinjalin e disa televizioneve vendore, Top Channel, Vizion Plus, TV Koha e Telesport në aksionin që ajo vetë e ka cilësuar si “rikthim të ligjshmërisë në fushën e transmetimeve televizive”.
Shkelja
A është falur shkelja e TV ALSAT-it sepse një nga aksionerët e tij, biznesmeni Vebi Velija, është një nga sponsorët kryesorë të Partisë Demokratike? Kësaj pyetjeje duhet t’i japë përgjigje vetë Bianku, por kjo mbrojtje politike e këtij televizioni nga partia që ka garantuar dhe karrierën e vetë zotit Bianku, ka sjellë që qëndrimi i KKRT-së ndaj ALSAT-it të jetë i diferencuar. Konkretisht, TV ALSAT transmetonte nga pika e transmetimit në Tarabosh, ndërsa leja e saj ishte që një gjë të tillë ta bënte nga zona e Ujësjellësit Shkodër. Diferenca midis dy pikave të transmetimit është që në rastin e parë (nga Taraboshi) sinjali i TV ALSAT-it i tejkalonte caqet e qytetit të Shkodrës. “I është kërkuar të transmetojë nga pika e duhur”, njofton KKRT-ja, por pavarësisht se kanë kaluar shumë ditë, TV ALSAT vazhdon të jetë në shkelje dhe të transmetojë nga Taraboshi. Standardi i dyfishtë dhe zbatimi në mënyrë selektive i ligjit nga KKRT-ja, Bianku-Doda-Hysi, i jep të drejtë këtij televizioni që të vazhdojë të jetë i paligjshëm në këtë pikë transmetimi. Edhe në Tiranë, TV ALSAT vazhdon të bëjë të njëjtën gjë kur transmeton pa licensë të KKRT-së nga kanali 66 UHF, një shkelje që pavarësisht se është denoncuar në mënyrë publike, nuk ka gjetur asnjë reagim nga KKRT-ja, e cila dhe njëherë zbaton standard të dyfishtë ndaj operatorëve të ndryshëm televizivë, varësisht afërsisë që ata i japin maxhorancës së sotme. Aq më i dukshëm bëhet një fakt i tillë, kur bëhet fjalë për rastin e ALSAT-it, një nga pronarët e të cilit është një nga sponsorët kryesorë të PD-së.
Vendimi
“Grupi i Inspektimit të Këshillit Kombëtar të Radio dhe Televizionit, në datat 13 shkurt dhe 17 shkurt të vitit 2006, pasi ushtroi kontrollin mbi okupimin e spektrit të frekuencave për transmetimet radiotelevizive në qytetet Lushnjë dhe Shkodër, identifikoi që në kanalin 31 UHF Blerimi dhe në kanalin 66 UHF Tarabosh (Shkodër) transmetohet program i televizionit ALSAT me përsëritës, pa autorizim licensimin e KKRT-së, jashtë zonës së tij të licensimit. Subjekti i mësipërm nuk ka respektuar në transmetim kufijtë territorialë të përcaktuar në kushtet e licencës, akt ky mbështetur në nenin 137/4, pika 2a të Ligjit nr. 8410, datë 30.09.1998 “Për radion dhe televizionin publik dhe privat në Republikën e Shqipërisë”, të ndryshuar, përbën shkelje administrative dhe ndëshkohet me gjobë. Në mbështetje të ligjit, grupi i inspektimit vendosi të ndëshkojë me gjobë, në masën prej 100 mijë lekësh, subjektin “TV ALSAT”. Gjoba paguhet nga kundërvajtësi brenda pesë ditëve që vendimi merr formë të prerë në adresën: Raiffeisen Bank nr.2, Dega e Thesarit, KKRT, Tiranë. Nr. llogarie 317/ 4302. Për çdo vonesë jashtë këtij afati paguhet një kamatë prej 2 për qind për çdo muaj. Subjekti “ALSAT” duhet të shkyçë pajisjet e transmetimit brenda datës 20.02.2006, në të kundërt pajisjet do të sekuestrohen”, - shkruhet në vendimin e KKRT-së, i cili është marrë më 2 shkurt të vitit 2006. Pas shkeljes së konstatuar nga ana e KKRT-së për Televizionin ALSAT, KKRT-ja vë në dijeni këtë televizion për masat e marra dhe detyrimet që duhet të shlyejë televizioni. Dokumenti në fjalë mban firmën e ish-kreut të KKRT-së, Halil Lalaj, i cili sqaron se në vazhdimin e masave për respektimin e ligjit për “Radion dhe televizionin publik dhe privat”, KKRT-ja konstatoi shkelje nga ky televizion në pikat transmetuese të Lushnjës dhe të Shkodrës. “KKRT-ja i ka kërkuar Policisë Tatimore zbatimin e Urdhrit nr. 13, datë 18.02.2006 ‘Për mbylljen dhe vulosjen e pajisjeve transmetuese të paautorizuara të TV ALSAT-it në Blerimi (Lushnjë) dhe Tarabosh (Shkodër)’. Për sa më sipër ju dërgojmë aktet e inspektimin dhe masën e gjobës për subjektin tuaj. Ankimi për gjobën në bazë të Ligjit 137/4, pika 2a të Ligjit 8410 datë 30.09.1998 ‘Për radion dhe televizionin publik dhe privat në Shqipëri’ të ndryshuar, mund të bëhet pranë KKRT-së, brenda 10 ditëve nga data e vendosjes së saj”, shkruhet në letrën që Lalaj i ka dërguar televizionit në fjalë.
Denoncimi

Tri ditë më parë, gazeta “Albania” ka në dispozicion dokumente me anë të të cilave konfirmohet saktë abuzimi që është bërë nga ish-pronarët e ALSAT-it, Mira Meksi dhe Vebi Velija. Sipas dokumenteve origjinale, konstatoheshin abuzime midis aksionerëve të TV ALSAT, abuzime të cilat pasqyrohen në të dhënat e regjistrit tregtar. Në bazë të dokumentit të marrë nga Gjykata e Rrethit Gjyqësor Tiranë për Zyrën e Regjistrimit Tregtar, del saktë në skenë se TV ALSAT është bërë një objekt shitjesh dhe blerjesh disa herë nga ish-pronarët e tij, të cilët kanë mbuluar në këtë mënyrë vlerat në para dhe taksat për këtë organ mediatik. Në bazë të një Vendimi, me nr. 24512/2 të datës 01.02.2002 të Gjykatës së Rrethit Gjyqësor Tiranë, është vendosur depozitimi i vendimit të Asamblesë së Aksionerëve për shitblerjen e 30 për qind të aksioneve të shoqërisë “Inetrnational Energy Engineering & Petroleum Consulting LLC” të Vembi Velisë. Pas kësaj shitjeje raportet e kësaj kompanie ndryshojnë si vijon: Kompania “VEVE Group” zotëron rreth 40 për qind të aksioneve, shoqëria “Inetrnational Energy Engineering & Petroleum Consulting LLC” zotëron vetëm 10 për qind të aksioneve dhe Mira Meksi, aksionerja tjetër, zotëron rreth 10 për qind të tjera të aksioneve. Ndërkohë po nga këto dokumente, si dhe nga disa të tjera të shtëna në dorë nëpërmjet Këshillit Kombëtar të Radio-Telelevizionit, nxjerrim ndërkohë abuzimet, ku sipas dokumenteve, aksionerët e këtij televizioni nuk kanë aq përqindje aksionesh sa kanë deklaruar dhe paraqitur në dokumentet për në gjykatë. Një tjetër Vendim me nr. 24512/7 i datës 05.05.2005, paraqitur dhe arkivuar në Gjykatën e Rrethit Gjyqësor Tiranë, është vendosur depozitimi i vendimit të Asamblesë së Aksionerëve për shitjen e 70 për qind të aksioneve te kompania “Interfin LTD”. Në këtë vendim të dytë Vebi Velisë thuhet se ai zotëron vetëm 20 për qind të aksioneve, kurse Mira Meksi, që është dhe shitëse e këtyre aksioneve tek Velija, zotëron vetëm 10 për qind të aksioneve të saj. Gjithashtu, në këtë dokument sqarohet dhe ndryshimi i Këshillit Mbikëqyrës, duke emëruar në këtë detyrë Vebi Velinë dhe Elabibe Bunjakun. Ndërkohë, nga të tjera dokumente konstatohet se Ledi Bianku gënjen në dokumentet zyrtare që i ka paraqitur në Komisionin e Medias dhe nuk njeh pronësinë dhe pronarët e vërtetë të ALSAT-it, televizioni që KKRT-ja vazhdon ta favorizojë, duke e lejuar të transmetojë jashtë zonës legale të transmetimit. Arsyeja ndoshta duhet gjendur në faktin se një nga pronarët e këtij televizioni, Vebi Velija, është një nga financuesit më të mëdhenj të Partisë Demokratike.

[Cimo]

Pacolli: Zv.ministri i Drejtësisë “vodhi” Alsat

Së pari, ju falenderoj për impenjimin tuaj, e sidomos në luftën që bëni pa kompromise për vendosjen e shtetit ligjor dhe Drejtësinë në Shqipëri. Jam i bindur se askush më mirë se ju nuk e ndihmon funksionimin e mirë të institucioneve në një shtet që aspiron të ndërtojë demokracinë. Unë e kuptoj qartë se shoqëria shqiptare vazhdon të vuajë shumë atë kulturë totalitare që ka prodhuar mungesë objektiviteti në të kaluarën. Kjo reflektohet qartë në mënyrën se si funksionojnë institucionet. Mjafton të kujtoj faktin se KKRT-ja, një ndër institucionet e rëndësishme që rregullon marrëdhëniet e mediave në Shqipëri, mban standarde të dyfishta për mediat që ndihmojnë qeverinë apo që kanë impakte të fshehura me të. Jam shumë i çuditur që kryetari i KKRT-së në vend të më kthejë përgjigje zyrtarisht për mosnjohjen e qëllimshme të aksioneve të mia dhe mbi të gjitha, për dezinformim të shtypit dhe shtetit, zgjedh të më përgjigjet me anën e mediave. Mësova se sipas tij, unë e paskam fajin që nuk kam njoftuar blerjen e aksioneve dhe nuk kam bërë regjistrimin në KKRT. Dua t'i kujtoj zotit Bianku, se mosregjistrimi i aksioneve të mia është një akt i qëllimshëm i zonjës Mira Meksi, e cila gjatë gjithë kohës është përpjekur, në bashkëpunim me Vebi Velinë, të më grabisin pronën. Kjo është tejet e vërtetë. Mjafton t'ju tregoj se ajo, në bashkëpunim të ngushtë me Vebi Veline dhe Eduart Halimin, avokat i VEVE-së dhe Alsatit, kishin hartuar një startegji të plotë grabitjeje. Kur bleva aksionet e Alsatit, këtë të fundit e gjeta me barra në Hipotekë dhe kërkova që me pagesën e këstit të fundit, godina e Alsatit të lirohej nga detyrimi kundrejt Bankës Amerikane. Gjë që nuk është bërë kurrë. Madje, nga verifikimet e mëvonshme, mësova që pasuria e patundshme e shoqërisë Alsat sha a, nuk është në emër të shoqërisë Alsat sh.a, por në emrin e Vebi Velisë. Edhe kur e kam kërkuar këtë gjë në mbledhjen e Këshillit Mbikëqyrës, më është premtuar vazhdimisht se këto veprime do të bëheshin. Më rezulton se nuk u bënë asnjëherë. Madje, zonja Meksi falsifikoi edhe dokumentin e Hipotekës. Skenari i kësaj grabitjeje vazhdon më pas me drejtuesin e KKRT-së, që legjitimon këtë vjedhje duke më mohuar mua pronësinë mbi Alsat sha, edhe pasi e kisha vënë në dijeni me kërkesën ankimore të depozituar pranë këtij institucioni në datën 15.11.2006, me numër prot. 1130. Duke dashur të jem përherë me ligjin dhe në zbatim të plotë të tij, e kërkova këtë gjë nga Bianku që të vendosë të respektojë detyrimin ligjor që i ngarkon pozicioni i tij. E falenderoj zotin Bianku që më vë në dijeni përmes një njoftimi për median, se sipas nenit 20 të ligjit nr 8410, nuk më lejohet të kem më shumë se 40% të kapitalit të përgjithshëm të shoqërisë. E drejtë, por dua t'ju sqaroj se kur i bleva aksionet, avokat Eduart Halimi, edhe pse shumë i famshëm në profesion, sepse kot nuk e vunë si zv/ministër të Drejtësisë shqiptare po mos t'i kishte këto aftësi, nuk më njoftoi për këtë gjë. Thua nuk e dinte? Gjithsesi, edhe në këtë rast, kur u informova për ligjin shqiptar, kërkova në Këshillin Mbikëqyrës, mbajtur në Lugano, në 29.10 2005, ristrukturimin e aksioneve sipas ligjeve shqiptare, duke ia kaluar 35% të aksioneve z.Afrim Pacolli. Për këtë gjë, Këshilli Mbikëqyrës pasi ra dakord, vendosi të ngarkojë avokat Eduart Halimin për të kryer veprimet në regjistrin tregtar. Edhe ky veprim nuk u bë atëherë dhe akoma nuk është bërë, si pasojë e qëllimeve keqdashëse të zotit Velia, që duket se tashmë ka mbështetjen e ca institucioneve shtetërore. Nuk dua ta besoj, por jam i shqëtësuar se i gjithë ky skenar për të më grabitur pronën ka përfshirë edhe gjykatat shqiptare, që me vendimetë tyre kanë bllokuar të drejtën time për të drejtuar shoqërine, duke bllokuar regjistrimin e të gjitha vendimeve të Këshillit Mbikëqyrës dt 8 .4. 2006, për pezullimin e menaxheres Mira Meksi dhe vendosjen e një drejtuesi të ri. Nuk arrij ta kuptoj sesi i gjithë ky skenar që mban vulën e këtyre personave, arrin deri në nivele të tilla. Arsyet e këtyre veprimeve arbitrare dhe mbështetja që ju jepet atyre, më duket e qëllimshme. Nga sa kam informata, kam konstatuar edhe veprime të tjera abuzive të Vebi Velisë, i cili duke u sjellë si pronar i Alsatit, siç e njeh edhe KKRT-ja, ka ndërmarrë kontakte me kompani austriake dhe gjermane për shitjen e aksioneve të Alsatit, duke vijuar me afera mashtrimesh. Nuk di se përse ky individ vijon të mbrohet nga ca institucione.
Papërgjegjshmëria dhe korrupsioni që ka përfshirë institucionet jo pak herë janë bërë objekt i medias shqiptare. Madje, një prej kërkesave e imediate që ndërkombëtarët na kanë vënë si detyre dhe kusht për përfshirjen e Shqipërisë në proceset integruese me synim pjesëmarrjen e saj në BE, është edhe lufta kundër korrupsionit, një fenomen ky që po mban peng zhvillimin e vendit, po frenon investimet e huaja dhe mbi të gjitha, po penalizon rëndë të gjithë shoqërinë shqiptare.

Balkanweb