Këshilla Islame

[titi-a]

Peshkatari dhe margaritari


Na ishte një herë një peshkatar dhe çdo ditë peshkonte nga një peshk, pastaj qëndronte një kohë në shtëpi derisa peshku mbaronte. Pastaj sërish shkonte në bregdet që të zinte peshk. Një ditë prej ditësh, bashkëshortja e peshkatarit duke pastruar peshkun pa diçka të çuditshme. Ajo kishte parë në barkun e peshkut një margaritar!
U çudit. Margaritar në barkun e peshkut?! Subhanallah! E ftoi bashkëshortin dhe i tregoi se çfarë kishte parë. Edhe ai u çudit dhe njëkohësisht u gëzua dhe i tha bashkëshortes se do ta shisnin dhe do të hanin diçka tjetër, jo peshk.

Peshkatari e mori margaritarin dhe shkoi te shitësi i margaritarëve afër shtëpisë së tij. E përshëndeti dhe i tregoi ngjarjen. “Më jep ta shoh! Ooo, ky margaritar është shumë i vlefshëm”, i tha tregtari. “Sikur të shes dyqanin dhe shtëpinë time, nuk do të mund ta paguaj. Mirëpo shko te filan tregtar në qytet, se ndoshta ai do të mund ta blejë atë.” E mori margaritarin peshkatari dhe shkoi te tregtari i madh dhe i tregoi ndodhinë, mirëpo edhe ky i tha se margaritari vlente shumë më shumë. “Por, unë do të gjej zgjidhje. Shko tek guvernatori i kësaj province. Ai ka mundësi ta blejë këtë margaritar.” Peshkatari e falënderoi për ndihmën që i ofroi dhe u nis në drejtim të guvernatorit. Ndaloi te dera e pallatit të guvernatorit duke pritur leje që të hynte brenda. E takoi guvernatorin dhe i rrëfeu ngjarjen e tij. “Subhanallah”, i tha, “pikërisht këtë kërkoj. Nuk di se si të të shpërblej, mirëpo do të të lejoj të hysh në depon time personale, ku do të qëndrosh për gjashtë orë. Merr çka të duash. Ky është shpërblimi për këtë margaritar! Zotëri, gjashtë orë janë shumë për një peshkatar si unë. Le të jenë dy orë”, i tha peshkatari. “Gjashtë orë dhe merr çfarë të duash nga depoja”, i tha guvernatori.

Peshkatari hyri në depon e guvernatorit dhe mbeti i habitur. Pa një dhomë tepër të madhe, të ndarë në tre kate. Kati i parë ishte i mbushur me xhevahire, perla dhe ar. Kati tjetër me mbulojë të butë e të lëmuar. Vetëm t’i hidhte një shikim, do ta merrte gjumi nga qetësia. Ndërsa në katin e tretë kishte ushqime dhe pije të ndryshme.

Peshkatari filloi të mendojë dhe tha: “Gjashtë orë! Vërtet janë shumë për mua. Ç’do të bëj për gjashtë orë? Mirë. Do të filloj me ushqimin, që është në katin e tretë. Do të ha derisa të mbush stomakun tim.” Më pas zbriti për në katin e parë, kur ja, në katin e dytë, pa një shtrojë të butë dhe tha. “Hëngra derisa u ngopa, pse të mos fle e të pushoj, në mënyrë që të forcohem për të mbledhur sa më shumë që është e mundshme? Vërtet, kjo është një mundësi e artë, e cila nuk do të përsëritet më!” Peshkatari shkoi në shtrat, u shtri dhe e mori gjumi i thellë. Pas disa çastesh dëgjoi një zë.
-Ngrihu! Ngrihu o peshkatar i marrë! Koha ka mbaruar!
-Çfarë?! Nuk është e mundur,- tha peshkatari. -Po, ngrihu dhe dil jashtë.
-Ju lutem, nuk më është dhënë mundësia dhe koha e mjaftueshme!
-Gjashtë orë në këtë depo dhe tani je zgjuar nga kjo pakujdesi. Dëshiron më shumë xhevahire? A nuk ke pasur kohë të mjaftueshme që të mbledhësh tërë këto xhevahire e të dalësh jashtë dhe me ato xhevahire të blesh ushqimet më të mira e më të këndshme, të blesh shtrojat më të mira të mundshme? Mirëpo vërtet ti je një i çmendur e shumë i pakujdesshëm. Nuk mendon për mjedisin në të cilin gjendesh. Merreni dhe nxirreni jashtë!
-Jo, jo, jo, ju lutem! Ju lutem mosni!, nisi të bërtasë peshkatari.

Tregimi përfundoi, mirëpo mësimi nuk mbaroi!
A e keni parë margaritarin? Ai është shpirti yt, o ti rob i dobët! Vërtet është një thesar që nuk mund të vlerësohet. Mirëpo ti nuk e di vlerën e atij thesari.
A e ke parë depon? Depoja është kjo botë (dynjaja). Shiko madhështinë e saj dhe shiko shfrytëzimin e saj nga ana jonë!
Xhevahiret janë veprat e mira. Shtroja e butë dhe e lëmuar është pakujdesia.
Ushqimi dhe pijet janë kënaqësitë. Tani, vëlla peshkatar, a nuk ka ardhur koha që të zgjohesh nga gjumi, ta lësh shtrojën e butë? T’i mbledhësh xhevahiret, të cilat janë pranë teje para se të kalojnë ato gjashtë orë e pastaj të pendohesh, kur ushtarët të të nxjerrin jashtë nga kjo begati!


Përktheu: Almedin Ejupi


Klubikulturor.com

[titi-a]

Të shpeshtuarit e veprave të mira dhe kalimi i kohës në to



Ky është ilaçi me ndikimin më të madh për zemrën e sëmurë dhe ndikimi i tij në forcimin e imanit është i madh dhe i dukshëm. Shembullin më të mirë na e jep Ebu Bekër Es-Sidiku, Allahu qoftë i kënaqur me të, kur Pejgamberi alejhi selam i pyeti sahabët e tij: "Kush nga ju ka agjëruar sot?” Ebu Bekri tha: "Unë". Pastaj Pejgamberi salallahu alejhi ue selem pyeti: "Kush nga ju ka përcjellë sot ndonjë xhenaze?” Përsëri u përgjigj Es-Sidiku. Pastaj Pejgamberi alejhi selam pyeti: "Kush nga ju sot ka ushqyer ndonjë të varfër?”Sërish u përgjigj Ebu Bekri. Pejgamberi salallahu alejhi ue selem pyeti: "Kush nga ju sot ka vizituar ndonjë të sëmurë?” Edhe kësaj radhe u përgjigj Ebu Bekri dhe tha "Unë." Për këtë Pejgamberi alejhi selam tha: "Këto asnjë njeri nuk do t'i mbledhë e që mos ta fusin në xhenet."1

Ky hadith na tregon për atë se Ebu Bekri, Allahu qoftë i kënaqur me të i ka kushtuar rëndësi të posaçme shfrytëzimit të kohës në vepra të mira dhe në përfshirjen e llojeve të ndryshme të ibadeteve. Pejgamberi alejhi selam, kur i pyeti sahabët, rastësisht e shtyu Ebu Bekrin të tregojë që ditët e tij ishin të mbushura me ibadete. Selefët kanë arritur mjaft duke bërë vepra të mira dhe kanë shpenzuar mjaft kohë për t'i kryer ato. Një fjalë e urtë që e kanë përmendur paraardhësit tanë të mirë është një shembull i mirë, siç është Hamad ibn Seleme, për të cilin Abdurrarhman ibn Mehdiu ka thënë: "Sikur t'i kishin thënë Hamad ibn Selemes se nesër do të vdiste, nuk do të kishte mundësi të shtonte asnjë vepër tjetër të mirë.”

Muslimani për të kryer vepra të mira duhet t'i kushtojë rëndësi këtyre gjërave:
-Të nxitojë në bërjen e veprave të mira, sepse Allahu i Lartësuar thotë: "Dhe ngutuni (me punë që meritoni) në falje mëkatesh nga Zoti juaj dhe për një xhenet, gjerësia e të cilit është si gjerësia e qiejve dhe e tokës."2

Dhe thotë: "Shpejtoni në atë që fitoni falje prej Zotit tuaj dhe xhenetin, që gjerësia e tij është si gjerësia e qiellit e tokës."3

Domethënia e këtyre ajeteve i ka shtyrë sahabët që të shpejtojnë për të bërë vepra të mira. Muslimi në Sahihun e tij, nga Enes ibn Maliku, transmeton rastin nga lufta e Bedrit, kur mushrikët janë afruar dhe Pejgamberi ka thënë: "Ngutuni drejt xhenetit, hapësirat e të cilit janë sa hapësirat e qiejve dhe tokës.” Për këtë, Umejr ibn el-Hamam el-Ensariu ka pyetur: "O i Dërguari i Allahut, Xheneti hapësirat e të cilit janë sa hapësirat e qiejve dhe të tokës?” I Dërguari tha: "Po.” Umejri tha: "Buh, buh.4” Pejgamberi alejhi selam e ka pyetur: "Çka të shtyn t’i thyesh këto fjalë?” Ai tha: "Pasha Allahun, o i Dërguar i Allahut, nuk më shtyu asgjë tjetër përveç shpresës që të jem unë një ndër banorët e tij.” I Dërguari tha: "Ti je një ndër ata." Pastaj Umejri i nxori disa hurma dhe filloi t'i hajë e tha: "Por, a do të jetoj aq sa t'i ha këto hurma? Kjo është jetë e gjatë për mua.” I hodhi hurmat, u ngrit, filloi të luftojë derisa ra shehid.”5
Dikur Musai alejhi selam është ngutur që ta takojë Zotin e tij: "...unë u nguta te Ti, o Zoti im, që të jesh i kënaqur ndaj meje!”6 Duke lavdëruar Zekerijan alejhi selam dhe familjen e tij i Lartësuari ka thënë: "Ata përpiqeshin për punë të mira, Na luteshin duke shpresuar dhe duke u frikësuar, ishin respektues ndaj Nesh. "7
Pejgamberi alejhi selam ka thënë: "Nuk ka të ngutur, përveç në punë për ahiret.” E në versionin tjetër thuhet: "S’ka ngutje përveç në të bërit mirë.”8
- Vazhdueshmëria në të bërit e veprave të mira:
Allahu i Lartësuar në hadith kudsij ka thënë: "Robi im nuk do të ndalet duke m’u afruar me nafile, derisa nuk do ta dua…"9
Ky hadith na nxit në vazhdimësinë e kryerjes së nafileve. Në hadithin tjetër qëndron: "Bashkoni në mes të haxhit dhe umres”, d.m.th. i bashkoni me vepra të mira, që gjithashtu na udhëzon në vazhdueshmërinë e veprave të mira. Ky princip është mjaft i rëndësishëm për forcimin e imanit dhe ruajtjen e shpirtit që të mos asgjësohet, që të mos prishet dhe që mos ta mundë pesimizmi. Vepra e vogël në të cilën përqendrohesh është më e mirë sesa vepra e madhe e cila kryhet shumë rrallë.
Pejgamberi alejhi selam është pyetur për veprën më të dashur tek Allahu për të cilën ka thënë: "Ajo e cila bëhet vazhdimisht, qoftë edhe e vogël."10
Përqendrueshmëria në të bërit e veprave të mira e forcon imanin. Kështu ka vepruar Pejgamberi alejhi selam, pra kur ka bërë ndonjë vepër është përqendruar në të.11

- Të dhënit mund për vepra të mira
Shërimi i ngurtësisë në zemër nuk duhet të jetë i karakterit të përkohshëm, sikur imani të përmirësohej vetëm përkohësisht, pas së cilës do të rikthehej dobësia e vjetër. Por është e nevojshme që ai shërim të jetë i përhershëm, gjë që nuk arrihet pa një angazhim të madh në ibadete. Allahu i Lartësuar në Kuran na jep shembuj për robërit e Tij të afërm, të cilët kanë qenë të përqendruar në ibadete. Nga ato ajete përmendim: "Argumentet tona i besojnë, në të vërtetë, ata që kur këshillohen me to, bien në fytyra (bëjnë sexhde), që madhërojnë Zotin e tyre në shenjë falënderimi dhe ata nuk bëjnë kryelartësi. Anët e shtatit të tyre braktisin për të lutur Zotin e tyre në frikë e shpresë: ata shpenzojnë (në mirësi e për çështjen e Allahut) nga ato (begati) të cilat ua kemi dhuruar Ne."12
Pastaj Allahu i Madhëruar thotë: "Ata qenë të cilët pak flinin natën. Dhe në syfyr (kah mbarimi i natës) ata kërkonin falje për mëkatet. Dhe në pasurinë e tyre kishin përcaktuar të drejtë për lypësin dhe për të ngratin (që ka nevojë por nuk lyp)."13
Duke lexuar mbi angazhimin e selefëve për të arritur përqendrim në të nënshtruarit, na shpie në hutim, si p.sh: ata një të shtatën e Kuranit e kanë lexuar çdo ditë, namazin e natës e kanë falur rregullisht edhe në luftëra, kanë adhuruar Allahun dhe janë falur deri në thellësi të natës, edhe po të ishin në burgje. Kanë qëndruar në safa të bashkuar këmbët e tyre, lotët u rridhnin nëpër fytyrat (faqet) e tyre. Kanë menduar mbi krijimin e qiejve dhe tokës, i mashtronin gratë e tyre ashtu siç e mashtron nëna fëmijën e saj: pasi ato (gratë) i zinte gjumi, ngriheshin nga shtrati dhe falnin namaz nate. Natën e kanë ndarë për vete dhe familjen e tyre, kurse ditën e kalonin me agjërim, mësim, mësimdhënie, përcjellje të xhenazes, vizitën e të sëmurëve dhe duke i ndihmuar të tjerët. Disa nga ata, me vite të tëra nuk e kanë lëshuar tekbirin fillestar me imam në xhemat. Zemrat i kanë pasur të lidhura me xhaminë, kanë pritur namazet njërin pas tjetrit, i kanë mbajtur familjet e njëri-tjetrit vite me radhë pas vdekjes së shokëve të tyre. Me këto lloj veprimesh imani pa dyshim se rritet.
- Mosshqetësimi i vetes

Përqendrimi në vepra të mira, duke u munduar në kryerjen e tyre nuk do të thotë të nënshtruarit e trupit në mundime për të cilën ai nuk është i aftë dhe sjellja e shpirtit në kufi të mërzisë, nga të cilat ajo do të bëhej e pakujdesshme në kryerjen e ibadeteve. Qëllimi është që ibadeti i zakonshëm të mos ndërpritet. Principi i të mbajturit të njeriut në një drejtpeshim në mes dy ekstremeve është që ibadeti i tij të jetë në kufi të aftësive të tij, njëkohësisht duke e inkurajuar veten për të kryer më tepër ibadete.

Kur ndihet shpirtërisht i fuqishëm, do t'u dorëzohet ibadeteve, e kur ndien plogështi (dobësi) do të jetë mesatar duke mos iu afruar minimumit. Në të kuptuarit e këtillë na udhëzojnë hadithe të shumta të Pejgamberit të Allahut, si për shembull: "Feja është e lehtë dhe askush në të nuk e ka tepruar, e që ajo nuk e ka mundur, prandaj mbahuni rrugës mesatare."14

Në versionin tjetër qëndron: "...bëhuni mesatarë dhe do të arrini atë që dëshironi."15

Imam Buhariu në kapitullin mbi atë që është e papëlqyer prej teprimit në adhurim transmeton hadithin nga Enesi, Allahu qoftë i kënaqur me të, se ka thënë:"Ka ardhur Pejgamberi alejhi selam dhe ka parë një litar të lidhur mes dy shtyllave dhe ka pyetur: “Ç’është ky litar?” I thanë: “I takon Zejnebes. Kur ajo lodhet gjatë të falurit, kapet tek aji.” Për këtë ai tha: "Mos veproni ashtu. Zgjidheni litarin dhe faluni (duke qëndruar në këmbë) kur jeni të çlodhur, e kur të lodheni, uluni.”16
Kur Pejgamberi alejhi selam ka marrë vesh se Abdullah ibn Amr ibn Asi tërë natën e kalonte në namaz dhe agjëronte çdo ditë pa ndërprerë, ia ndaloi një gjë të tillë duke ia sqaruar: "Nëse vazhdon kështu, do t'i dobësosh sytë e tu dhe do ta lodhësh trupin.”
I Dërguari alejhi selam në një hadith tjetër thotë: "Obligojeni veten aq sa keni mundësi të punoni, sepse me të vërtetë i Lartësuari Allah nuk lodhet, derisa ju të lodheni e në të vërtetë tek Allahu i Lartësuar më të pranuara janë veprat në të cilat përqendrohesh (i bën vazhdimisht), qofshin ato edhe të vogla.”17
- Plotësimi i ibadeteve të lëshuara
Nga Omer ibn Hatabi, Allahu qoftë i kënaqur me të, transmetohet se Pejgamberi alejhi selam ka thënë:
“Atë që e zë gjumi natën kur ai zakonisht lexon Kuran, ose në një pjesë të saj, dhe e lexon(atë çka ka pas ndërmend ta lexojë natën) në kohën mes sabahut dhe drekës, do t'i shkruhet sikur ta kishte lexuar gjatë natës.”18
Aishja, Allahu qoftë i kënaqur me të, duke folur për ibadetin e Pejgamberit alejhi selam thotë: "Kur falte ndonjë namaz (nafile), e falte atë vazhdimisht, e kur i kalonte namazi i natës, për arsye se e kaplonte gjumi ose ndonjë dhimbje, e plotësonte atë duke i falur dymbëdhjetë rekate ditën."19 Në një transmetim tjetër: "Kur e zinte gjumi natën ose ishte i sëmurë do t'i falte ditën dymbëdhjetë rekate."20Kur pa Umu Seleme, Allahu qoftë i kënaqur me të, se falte dy rekate pas ikindisë, e ka pyetur: “Pse e bën këtë?” e ai iu përgjigj me fjalët: "O bija e Ebu Umejes, më pyet për dy rekate pas ikindisë. Më ka ardhur një grup njerëzish nga fisi i Abdul Kajsit, kam qenë i zënë dhe kam lëshuar dy rekate të cilat falen pas dreke, pra këto janë ato dy rekate."21
"E kur i kalonin katër rekate të sunetit që falen para farzit të drekës, i falte më vonë.”22
Këto hadithe na udhëzojnë në atë se sunetet e forta falen kaza. Ibn Kajimi Allahu e mëshiroftë, duke folur mbi agjërimin e Pejgamberit alejhi selam në muajin Shaban, në të cilin ka agjëruar më shumë se në muajt e tjerë, përmend tri mundësi për shkakun se pse ka vepruar kështu. Prej tyre është se Pejgamberi alejhi selam ka agjëruar tri ditë të çdo muaji dhe ndoshta në ndonjë muaj i ka lëshuar pa agjëruar tri ditë, kështu që ka agjëruar në muajin Shaban më tepër për t‘i plotësuar për nga tri ditë për çdo muaj, para Ramazanit."23
Çdo Ramazan, Pejgamberi alejhi selam dhjetë ditët e fundit i kalonte në itikaf dhe kur një herë nuk ka pasur mundësi të hyjë në itikaf për shkak të udhëtimit, këtë e ka kompensuar vitin e ardhshëm duke ndenjur në itikaf njëzet ditë të Ramazanit.24
- Shpresa se veprat e mira do të pranohen dhe frika se ka mundësi që të mos pranohen
Pas dhënies së mundit gjatë bërjes së veprave të mira, duhet shpresuar se ato do të jenë të pranuara e njëkohësisht duke pasur frikë që të mos pranohen. Nga Aishja, Allahu qoftë i kënaqur me të, transmetohet se ka thënë: "E kam pyetur Pejgamberin alejhi selam për ajetin: "Edha ata të cilët nga ajo që u jepet e shpërndajnë dhe zemrat e të cilëve janë plot me frikë...”
“A janë nga ata që pinë verë dhe vjedhin?” Tha: “Jo, o bija e Sidikut, janë ata që agjërojnë, falen, japin sadaka dhe frikësohen se ndoshta nuk do t'u pranohen janë ata të cilët garojnë për të bërë vepra të mira.”25 Ebu Derda, Allahu qoftë i kënaqur me të, ka thënë: “Sikur të isha i sigurt se Allahu i Lartësuar do të ma pranonte një namaz, do të isha më i kënaqur sesa për tërë dynjallëkun dhe gjithçka në të, sepse Allahu i Lartësuar ka thënë:

“Me të vërtetë, Allahu pranon vetëm prej të sinqertëve.”26
Nga vetitë e besimtarëve është që të jenë të nënshtruar para Allahut të Lartësuar dhe urdhëresave të Tij. Pejgamberi alejhi selam thotë: "Sikur njeriu të qëndrojë në sexhde që nga dita e lindjes së tij e deri në momentin e vdekjes në një pleqëri të thellë, për ta arritur kënaqësinë e Allahut, kjo do t’i ishte dukur pak në Ditën e Gjykimit."27
Kush e njeh Allahun dhe veten e tij, do t'i bëhet e qartë se e gjithë ajo çka ka punuar është e pamjaftueshme, edhe sikur të kishte bërë sa të gjithë njerëzit dhe xhinët së bashku, por Allahu i pranon veprat vetëm nga përsosmëria e Tij, dhurueshmëria, mirësia e Tij, për të cilat gjithashtu edhe shpërblen.


Muhamed Salih El Munexhid
Përktheu: Eroll Nesimi
19.10.2008
1 Muslimi, 1028.2 Ali Imran, 133.3 El-Hadid, 21.4 Fjalë e cila përdoret tek arabët për çështje madhështore.5 Muslimi, 1901.6] Ta-Ha, 84.7El-Enbija, 90.8Ebu Davud, 5/157.9Buhariu, 6137.
10 Buhariu, Fet'h el-Bari, 11/194.
11 Muslimi, 746-14.
12 Sexhde, 15-16.
13 Edh- Dharijat, 17-19.
14 Buhariu, 39.15 Buhariu, 6099.16 Buhariu, 1099.17 Fet'h el -Bari, 3/38.18 Sahih el-Xhami, 1228.19 Ahmedi, 6/95.20 Muslimi,1/515.21 Fet'h el-Bari, 3/105.22 Et-Tirmidhiu, 426.23 Tehdhib es-Sunen, 3/318.24 Fet'h el- Bari, 4/285.25 Et-Tirmidhiu, 3175.26 El Maide; 27 Tefsir Ibn Kethir, 3/67.27 Ahmedi, 4/185.

[titi-a]

Kjo është dita jote



Www.Nur-Islam.Tk
Kjo është Dita Jote
2008-10-06 19:47
Era që fryn gjërat i merr përpara, e nuk i len pas! Gjithashtu, edhe uji që rrjedh shkon përpara e nuk ecën pas; çdo gjë lëviz në këtë rruzull tokësor- qoftë insekt, kafshë, njeri, apo makinë-të gjithë ecin para e nuk shkojnë pas. Ndaj, as ti mos shko kundër rregullit të jetës.

Kur të zgjohesh në mëngjes, mos e prit mbrëmjen, se ndoshta kjo ditë e jotja është e fundit dhe s'të pret koha të mendosh për të djeshmen që kaloi, e as për të nesërmen që akoma s'ka ardhur. Jeta jote është një ditë e vetme në mëngjes ngjallesh e në mbrëmjë vdes, dhe nuk kthehesh më. Pra, mos e humb këtë ditë që peshon sa jeta, bëhu i kujdesshëm brenda këtyre orëve të kufizuara, dhe vepro me seriozitet, adhuroje Krijuesin dhe fale namazin me kujdes, lexo Kur'anin e shenjtë dhe me vëmendje të plotë shih ç'kërkohet prej teje. Krijo moral të lartë për vetën tënde dhe pajtohu me atë që Allahu caktoi për ty, përpiqu të bësh mirë për të tjerët, vetëm sot je i gjallë, pra shfrytëzoje rastin e fundit…!

Nga orët e kësaj dite vepro mirë dhe nxjerr dobi për veten tënde, sikur të ishin vite, dhe nga minutat e orëve të saj kërkoji falje Allahut për mëkatet e tua sikur të ishin muaj; përgatitu për herën e fundit sikur do të udhëtosh në mbrëmje.

Jeto dhe sot qëndro i buzëqeshur, i qetë e i butë, kënaqu me atë që erdhi nga Allahu i Madhëruar, kënaqu me familjen tënde, bashkëshorten tënde, me fëmijët e tu, me shtëpinë tënde se edhe sot i keni para syve, mos e hidhëro askënd në momentin e fundit, se nuk kthehesh e as nuk i sheh më në këtë botë.

Kij besim në vetvete e le të jetë e qartë kjo ditë për ty. Kur t'i drejtohesh ndërgjegjes sate e t'i flasësh dhembshëm thuaj:

"Vetëm për sot do t'i korigjoj fjalët që mi nxjerr goja, e nuk do shqiptoj fjalë të ndyta, sharje, fyerje, përgojime. vetëm sot do të jem i matur në të ecur, në lëvizje dhe fjalë, se nesër s'do të jem. Për këtë ditë jetoj, sot do t'i bëj vend në zemër dobisë, do të mbjell në të dashurinë, sinqeritetin, drejtësinë ndaj vetes dhe të tjerëve, ndërsa drurit të së keqes, arrogancës, xhelozisë e kokëfortësisë do ia këpus degët dhe gjembat, e do ta çrrënjos.

Vetëm për sot do të jetoj dhe do u ofroj të mirën të tjerëve, do ta vizitoj të sëmurin, ushqej të uriturin, ndihmoj të dobëtin, qëndroj pranë të ngratit që i është bërë padrejtësi, mëshiroj të voglin, respektoj plakun".

Autori:Aid el Karni

[titi-a]

Fjalë të urta nga Ibnu'l Kajjimi

Ka thënë Ibnu'l Kajjimi:

Katër gjëra shkatërrojnë trupin: brenga, pikëllimi, uria dhe pagjumësia.

Katër gjëra te kënaqin: Shikimi ne gjelbërim, shikimi i ujëvarës, shikimi i te dashurit dhe shikimi i frutave.

Katër gjëra dobësojnë te parit: Ecja zbathur, zbardhja (zgjimi ne mëngjes) dhe ngrysja me fytyre te mrrolur, te rende dhe fytyre armiku, te qarit e shumte dhe shikimi i tepërt ne ndonjë vije te holle.

Katër gjëra e forcojnë trupin: Veshja e rrobave te buta, pastrimi ne banjë ne këmbë, ngrënia e ushqimit te ëmbël dhe yndyrshëm si dhe nuhatja e aromave te këndshme.

Katër gjëra zbehin fytyrën: Gënjeshtra, turpi i paket, pyetja pa patur dituri fare dhe marrëzitë e shumta.

Katër gjëra shndrisin fytyrën: burrëria, përmbushja e premtimit, bujaria dhe devotshmëria.

Katër gjëra sjellin urrejtjen dhe mërinë: Mendjemadhësia, zilia, gënjeshtra dhe bartja e fjalëve.

Katër gjëra sjellin rrizkun: Falja natën, istigfari i shumte gjate mesnatës, bërja shprehi e dhënies se lëmoshës dhe përmendja e Allahut ne fillim dhe mbarim te ditës.

Katër gjëra pengojnë rrizkun: Gjumi ne mëngjes, namazi i pakte, përtacia dhe tradhtia.

Katër gjëra te pengojnë te kuptuarit dhe zgjuarsinë: Ngrënia e thartësirave dhe pemëve vazhdimisht, gjumi ne shpine, brenga dhe pikëllimi.

Katër gjëra sëmurin trupin: Te folurit e shumte, gjumi i shumte, ushqimi i shumte dhe marrëdhëniet seksuale te shumta.



Pese ngritin pese

Modestia ngrit dijetaret, pasuria ngrit (largon) poshtërimin, heshtja ngrit (largon) gabimet, turpi ngrit moralin dhe shakaja ngrit (largon) vështirësitë.

Pese njihen me pese

Pema me frutat e saja, gruaja kur burri t'i varfërohet, shoku ne dite te vështira, besimtari ne sprovim dhe bujari ne kohëra krizash.

Pese mbysin pese

Shpifja te vërtetën, pasuria te metat, devotshmëria epshin, përmendja lëmoshën dhe nevoja (varfëria) parimet.

Pese shpijnë ne pese

Shikimi ne prostitucion, lakmia ne pendim (keqardhja), pajtimi (me atë qe ta jep Allahu) ne kënaqësi, udhëtimi i shumte ne njohuri dhe polemika ne armiqësi

Pese i rrisin pese

Zjarri nga kashta-byku, dyshimi nga mendimi i keq, vrazhdësia nga mos bamirësia, armiqësia nga mosfalja dhe shkëputja e marrëdhënieve nga mos pyetja (se perse kjo është kështu e kështu).

Pese sjellin lumturi

Fëmija i ndershëm, gruaja e ndershme, shoku i mire, besimtari bamirës dhe dijetari i zgjuar!

Pese zbukurohen me pese

Shëndeti me jete te mire, udhëtimi me shoqëri te mire, bukuria me moral te mire, gjumi pa probleme paraprake dhe nata me përmendjen e Allahut!

Pese gjëra e kane jetën e shkurtër

Nxënia përmendesh ne pleqëri, te folurit me teori te pavërtetuara-supozime, begatitë me mendjemadhësi (dhe mohim te se vërtetës), shoqëria e udhëtimit dhe këshilla nga rastet tragjike.

Pese sjellin pese

Istigfari sjell rrizkun, ulja e shikimit sjell virtytin, turpi sjell te mirat, te folurit e bute sjell kërkesën dhe hidhërimi sjell keqardhjen.

Pese largojnë pese

Te folurit e bute hidhërimin, istiadheja (eudhu bil-lahi mine'sh shejtani'r rraxhim) largon djallin, maturia largon pishmanllëkun (keqardhjen), përmbajtja nga te folurit largon gabimet dhe duaja largon caktimin e keq.

islami.com

[titi-a]

300 keshilla mjekesore per te gjitha semundjet

“Të kemi shëndetin” themi shpeshherë kur përballemi me probleme të vogla a të mëdha në jetën e përditshme. Se shëndeti fizik e mendor janë ato çka e bëjnë të plotë trupin e njeriut e vetë jetën. Sigurisht, sëmundjet mund të kurohen në spitale e klinika mjekësore, por, nëse do ishte e mundur, parandalimi është rruga më e sigurt për një jetë të gjatë e të shëndetshme. Por dhe në ato raste kur dikush është prekur nga një sëmundje e caktuar, ekzistojnë procedura të thjeshta që mund të ndiqen në kushtet e shtëpisë, të cilat ndihmojnë në mos përkeqësimin e gjendjes.

Çelësi është gjithnjë tek informacioni.Specialistët e shëndetësisë kanë deklaruar se 35 për qind e sëmundjeve në trupin e njeriut shfaqen nga mungesa e njohurive. Jo pak herë është vërtetuar se janë vetë njerëzit ata që e dëmtojnë kolesterolin, që krijojnë probleme me mushkëritë, që acarojnë funksionimin e mëlçisë apo që nuk kujdesen aq sa duhet për mirëqenien organike. Pikërisht për këtë arsye, gazeta “Tirana Observer” boton në suplementin e sotëm plot 300 këshilla mjekësore për të gjitha sëmundjet në organizmin e njeriut. Në shumë raste këshillat vlejnë për të evituar shfaqjen e një sëmundjeje të caktuar dhe në raste të tjera për ta kuruar atë.


Kështu ju mund të lexoni brenda nëntë faqeve rekomandime të mjekëve për sëmundjet kardiake, ato të veshkave, mëlçisë, stomakut, barkut, pankreasit, infeksionet e syve, të veshëve, të lëkurës, obezitetin, variçet, këshilla për kancerin dhe evitimin e tij. Nuk mungojnë as këshillat për nënat që lindin fëmijë prematurë, si t’i ushqejnë të vegjlit ë tyre me qumësht gjiri, për menopauzën, një ndër problemet më të shqetësuese të grave, e shumë të tjera si këto. Këshillat e përmbledhura në numrin e sotëm lidhen kryesisht me mënyrën tonë të të ushqyerit, si duhet të jetë ajo, si dhe me zakonet e përditshmërisë që një njeri nuk duhet t’i harrojë asnjëherë.


ZEMRA

Si të luftoni sëmundjet kardiake
1-Pakësoni ushqimet me yndyrë, shtoni perimet dhe frutat e freskëta në dietën tuaj.
2-Bëni çdo ditë të paktën 30 minuta ecje.
3-Bëni çdo ditë të paktën 15 minuta ushtrime.
4-Konsumoni një gotë verë të kuqe në ditë.
5-Evitoni, alkoolin, duhanin.


Kolesteroli
Këshilla për të ulur kolesterolin

6-Për të ulur përqindjen e lartë të kolesterolit nuk duhet të pini cigare dhe nëse pini, mundoheni ta ulni numrin e tyre deri sa ta ndaloni krejtësisht.
7-Merruni me ushtrime fizike në mënyrë të rregullt. Mbani një peshë ideale (pesha ideale është ajo që keni pasur kur keni qenë 25 vjeç).
8- Favorizoni më tepër konsumin e peshkut se sa të mishit.
9-Përdorni më shumë vajin e ullirit se sa gjalpin në përgatitjen e vakteve.
10-Kujdes me ëmbëlsirat e ndryshme, sepse bëhen gjithnjë me shumë vezë, po ashtu duhet të largoni nga ushqimet tuaja gjalpin, djathin, sallamet e ndryshme.


OBEZITETI
Si të mposhtini mbipeshën

11- Duhet të lëvizni duke caktuar kohë për aktivitete çdo ditë.
12- Zgjidhni ushqimin cilësor, duke i dhënë organizmit gjithçka për të cilën ai ka nevojë.
13- Yndyrat dhe sheqernat kanë shije të mirë dhe ju nevojitet një
masë e caktuar e tyre çdo ditë.
14- Balanconi dietën tuaj, të gjitha ushqimet mund t’i vendosim në dietë të shëndetshme.
15- Planifikoni një meny të shumëllojshme gjatë ditës.
16- Planifikoni të kaloni 5-10 minuta relaks çdo mëngjes.
17- Mundohuni të jeni korrektë me ushqimin, hani nga të gjitha
llojet, por me kufi.

ANEMIA
Çfarë duhet të konsumojnë anemikët

18-Anemikët duhet të konsumojnë fruta me vitaminë C.
19-Anemikët duhet të konsumojnë spinaq dhe barëra jeshile.
20-Fiku, shalqiu dhe luleshtrydhja, efikase për t’u trajtuar.
21-Anemikët duhet të pinë 150 gram lëng karotash në ditë.
22-Çajin, kakaon dhe kafen duhet t’i marrin tri orë përpara se të hanë, pasi ndryshe vështirëson tretjen.
23-Pacientët duhet të pinë çdo ditë 150 ml lëng të rrepës së kuqe, para buke.
24-Këshillohet të konsumohet sa më shpesh domatja.
25-Të sëmurët duhet të marrin gjithashtu, çdo ditë 10-15 fruta të mandarinës për një kohë prej 20-25 ditë.


REUMATIZMA
Si ta kurojmë reumatizmëm

26-Bëni dy herë në javë ushtime gjimnastikore të lehta.
27-Merrni here pas herë (një herë në dy ose tre muaj) tableta multivitaminë.
28-Jetoni në ambiente që nuk janë të ftohta.
29-Bëni plazh çdo vit dhe e rëndësishme është që të shtriheni në rërën e mëngjesit dhe pasdites.
30-Pini sa më shumë çarja me bimë jeshile.
31-Përdorni ujë mineral.
32-Hani sa më shumë fruta me vitaminë C dhe A.
33-Sa herë që ndjeheni të lodhur përdorni paracetamol ose medikamente të tjera me përmbajtje paracetamoli.


SPONDILIATROZA
Si të evitojmë dhimbjet

34-Çdo mëngjes duhet të bëni të paktën 15 minuta ushtrime për muskujt e qafës.
35-Duhet të bëni në darkë dush me temperaturë mesatare.
36-Duhet të evitoni stresin dhe dëgjimin e televizorit me zë të lartë.
37-Pirja e çajrave të ndryshëm, veçanërisht me mente, bën mirë për sëmundjen.
38- Ecja, shëtitjet pasditeve ndihmojnë për një gjumë më të mirë.
39-Zgjedhja e dyshekut, e jastëkut duhet të jetë e kujdesshme, në mënyrë që ato të përshtaten me masën e qafës.
40-Kurimi i sëmundjes ka për bazë kortizonin.
41-Për të hequr dhimbjen nuk duhet të pini asnjëherë paracetamol dhe aspirina.


SINOZITI
Këshilla për sëmundjen

42-Evitoni diellin në pikun e vapës.
43-Mbani gjithmonë syze edhe në dimër, edhe në verë
44-Përdorni sa më shumë ushqime me fibra.
45-Në rast se ju fillojnë dhimbje është mirë që të konsumoni menjëherë kafe.
46-Evitoni zhurmat e larta, të magnetofonit, televizorit.
47-Për t’u qetësuar, qëndroni në qetësi të plotë dhe në një ambient të mbyllur, dhe në errësirë për të paktën 30 minuta.

MIGRENA
Këshilla për të evituar dhimbjen:

48-Kontrolloni tensionin çdo ditë, pasi luhatjet e tij janë shkak për shfaqjen e krizave të migrenës.
49-Kuroni dhimbjet e dhëmbëve, dhimbjet e syve, sinozitet apo bllokimin e hundëve, pasi ato bëhen shkak për migrenë kronike edhe pas këtyre sëmundjeve.
50-Evitoni zemërimin, emocionet e forta, shokimet, çlironi tensionet, çlirohuni nga streset.
51-Evitoni mbilodhjen, ndryshimin e rutinës, çrregullimet e gjumit, çrregullimet seksuale.
52-Mos qëndroni në vende me zhurmë të lartë, në ambiente me drita të zbehta si dhe ambiente me lagështirë.

DIABETI
Ushqimet që duhet të konsumojnë pacientët:

53-Pacientët me diabet duhet të kontrollojnë peshën.
54- Duhet të kufizojnë sheqernat e rafinuara.
55- Duhet të rrisin sasinë e fibrës në dietë.
56- Yndyrat duhet të jenë vajra me një lidhje dyfishe.
57- Duhet t’i shtojnë dietës së tyre arra.
58- Efikase edhe bajamet.


PANKREASI
Këshilla për të mos u dëmtuar pankreasi:

59-Mospërdorimi i alkoolit është këshilla numër një e specialistëve të shëndetësisë për të evituar pankreasin.
60-Femrat dëmtohen më shpesh sesa meshkujt nga sëmundja, pasi stomaku i tyre e ka më të vështirë tretjen e ushqimeve, për këtë arsye atyre u këshillohet të përdorin sa më pak kripë, yndyrna.
61-Për të luftuar sëmundjen e pankreasit këshillohet një jetë sa më e qetë, pa strese dhe çrregullime nervore.


VESHKAT
Si të evitoni sëmundjet e veshkave:

62-Evitoni kripën e tepërt.
62-Pini sa më shumë lëngje.
64-Konsumoni çaj nga trëndafili i egër.
65-Konsumoni lëng kumbulle.
66-Pini më shumë se 1 litër e gjysmë ujë mineral në ditë.

MUSHKËRITË
Si të ndihmoni mushkëritë:

67-Përdorni sa më shumë produkte me mish.
68-Shëtisni të paktën 1 orë në ditë në një pyll të mbushur me pemë dhe në ajër të pastër.
69-Mos përdorni duhan.
70-Mos jetoni apo flini në një dhomë me duhanpirës.
71-Përdorni sa më shumë lëngje dhe supëra.
72-Çdo ditë duhet të konsumoni një gotë verë, preferohet e kuqe.
73-Peshku dhe nënproduktet e tij janë shumë efikase për “mirëqenien” e mëlçive.


GURËT NË TËMTH
Si të luftoni shfaqjen e gurëve në tëmth:

74- Duhet të konsumoni çaj rigoni.
75- Për kurimin e sëmundjes, përveç bimës shërbejnë edhe gjethet e thara në hije.
76- Përdoreni erëza në ushqime. Përveç shijes së mirë, parandalojnë sëmundjet.
77- Përdorni sa më pak ushqime të skuqura dhe kripë.
78- Pini sa më shumë lëngje dhe ujë natyral.

KRIZAT E BARKUT
Evitoni dhimbjet e barkut me:

79-Përdorni ushqime të pasura me hekur.
80-Mish, peshk, shpretkë.
81-Vezë, perime, fruta.
82-Fruta që përmbajnë vitaminë C etj.
83-Kafe, çaj, kakao apo edhe lëngje të tjera, që përmbajnë kafeinë, duhet t’i marrin dy orë para ose pas ushqimit.
84-Hurmat janë tepër efikase për të trajtuar dhimbjet e barkut.

MËLÇIA
Ushqimet që kurojnë dhe dëmtojnë mëlçinë:

85-Përdorimi i 20-40 gramëve alkool në ditë dëmton mëlçinë.
86-Mosha është një ndër faktorët kryesorë të dëmtimit të mëlçisë, pasi sa më e vogël që të jetë mosha e konsumatorëve të alkoolit aq më të rënda janë dëmtimet.
87-Predispozicioni gjenetik është një ndër faktorët kryesorë të shfaqjes së sëmundjes.
88-Këshillohet konsumimi i produkteve të mishit.
89-Këshillohet përdorimi i rrepave të kuq, lakrës së kuqe dhe broklës.
90-Këshillohet të mos pihen shumë kafe gjatë ditës, të mos konsumohet birra dhe lëngjet me gaz.

DIETA DHE SHËNDETI

Si të mbash oreksin nën kontroll:

91- Edhe pse frutat e thata nuk përmbajnë yndyrë dhe kalori, është mirë t’i konsumosh.
92- Buka bën pjesë tek karbohidratet të cilat janë një burim shumë i rëndësishëm energjie për organizmin.
93- Gjatë ditës duhet të konsumohen tre vaktet kryesore: Mëngjesi, dreka dhe darka, dhe dy deri në tre vakte të ndërmjetme: Paradite, pasdite.
94- Dietat e shpejta nuk janë zgjidhja e duhur për t’u dobësuar.
95- Është e shëndetshme të përzihen karbohidratet me proteinat.


HIPERTENSIONI
Rregulla për të mos nxitur sëmundjen:

96-Stresi krijon një dominante në sistemin nervor, e cila shton prodhimin e adesteronit në veshka, e për pasojë çon në ngushtimin e enëve të gjakut dhe shfaqjen e hipertensionit.
97-Personat me hipertension duhet të kenë kujdes gjatë dimrit, për shkak të së ftohtit, por dhe luhatjeve të theksuara të temperaturave.
98-I ftohti ngushton enët e gjakut dhe rrit tensionin.
99-Prandaj këtyre pacientëve u rekomandohet të jenë korrekt në marrjen e ilaçeve dhe të kenë kujdes me menynë dhe stilin e jetës.
100-Të sëmurët duhet të eliminojnë daljet në ditët shumë të ftohta, të dalin vetëm gjatë orëve të ngrohta dhe të vishen mirë.

BRONKITI KRONIK
Si të mbani larg vetes sëmundjen:

101-Evitoni jetesën në ambiente të lagështa.
102-Evitoni jetesën në ambiente me duhanpirës.
103-Evitoni jetesën në qytete të ndotura.
104-Mos qëndroni për shumë kohë në dush, as në dimër e as në verë.
105-Bëni masazhe me vaj ulliri dhe raki në të gjithë trupin.
106-Frekuentoni sa më shumë plazhin dhe ambientet me diell.


TIROIDJA
Ushqimet që i bëjnë keq tiroides:

107-Personat me tiroide nuk duhet të konsumojnë lakrën e bardhë. 108-Nuk duhet të konsumojnë fasulet.
109-Nuk duhet të konsumojnë gështenjat.
110-Në rast se personat kanë mungesë jodi, në këtë rast kripa duhet të ruhet nga lagështira dhe kontakti me dritën.
111-Në rast se personat e kanë me tepri jodin, atëherë duhen zbatuar konsultat e mjekëve në mënyrë që sëmundja të mos kthehet kronike.

ALERGJIA
Si të evitojmë alergjitë

112-Alergjikët duhet të mos konsumojnë kikirikët, qumështin, vezët, grurin, sojën.
113-Nuk duhet të konsumojnë ato ushqime me përbërje vajore si arrat dhe bajamet.
114- Edhe në rastet kur bëhet fjalë për puthje, këshillohet që partnerët të lajnë dhëmbët dhe fytyrën nëse ata kanë ngrënë një ushqim që shkakton alergji tek partnerët.
115-Mos përdorni në rroba detergjentë aromatikë.
116-Qëndroni larg vendeve të lulëzuara gjatë stinës së pranverës dhe vjeshtës.
117- Mos përdorni facoletë, letra higjienike apo letra duarsh me përmbajte aromatike.

TURBEKULOZI
Këshilla për parandalimin e tuberkulozit

118-Është e këshillueshme një ajrosje e vazhdueshme si dhe filtrim i ajrit.
119- Është mirë që të dilet vazhdimisht për të marrë ajër të pastër në zonat që nuk kanë ndotje të ajrit.
120-Po ashtu edhe në shtëpinë tuaj nuk duhet të hyjë ajër i papastër, ndaj duhet të merrni masa për ta filtruar atë.
121-Nëse një person mendohet se ka qenë në kontakt me një person tjetër që është me tuberkuloz, duhet t’i jepet menjëherë antibiotiku parandalues.
122-Po ashtu personat e infektuar duhet të qëndrojnë në vende të izoluara dhe të marrin kurë të menjëhershme.
123-Secili duhet t’i kushtojë rëndësi mbrojtjes personale. Nëse e dini që do të jeni në kontakt me një person që është i infektuar me tuberkuloz, duhet të vishni një respirator personal, si dhe duhet të jeni sa më shumë higjienikë.


MAJASELLI
Këshilla për personat që kanë probleme në zorrë

124-Në të gjitha rastet me majasëll këshillohet që të përdoren krundet e grurit në supë apo në gjellë, tri herë në ditë.
125-Krundet nuk duhet të përvëlohen, por të hidhen atëherë kur serviret ushqimi në tryezën e ngrënies.
126-Krundet e grurit duhet të zëvendësojnë mëlmesat e tjera që janë shumë të dëmshme për hemorroidet. Mëlmesa me përbërje të barishteve natyrore që përgatitet e bluar, ka hekur dhe e përmirëson shëndetin e të sëmurëve.
127-Përdorimi i kësaj mëlmese krijon lirimin e kapsllëkut.
128-Mëlmesa e tillë nuk duhet të përvëlohet, por të qitet në supë apo në gjellë ashtu e “gjallë” të përzihet dhe të hahet.
129-Ngrënia e një molle të ëmbël para ushqimit liron zbrazjen e zorrëve.
130-Ata që kanë probleme në zorrë duhet të pinë rregullisht tri herë në ditë nga një gotë lëng molle para ushqimit.
131-Kundër mbylljes kronike të zorrës së trashë (për rregullimin e jashtëqitjes), ndihmojnë gjethet e pelinit.
132-Ndihmues janë edhe lëvoret e dardhës si dhe kamomili, i cili mund të pihet në vend të ujit.

KANCERI I GJIRIT
Këshilla për të shmangur kancerin në gji

134- Bëni vizita mjekësore sa herë ndjeni shqetësime, por edhe kur e ndjeni veten mirë.
135- Bëni një jetë të shëndetshme, bini në peshë, nëse jeni
mbipeshë.
136-Përpiquni të minimizoni stresin.
137-Mundohuni të keni një aktivitet seksual të rregullt.
138-Ushqehuni duke ndjekur një dietë të caktuar.
139- Hani ushqime që janë të pasura me vitaminë A, E dhe C, p.sh., karota, spinaq, kajsi dhe agrume.
140-Mos harroni se lindja e fëmijës dhe ushqimi me gji
janë shumë të rëndësishme për shëndetin e gjirit tuaj.


KANCERI I PROSTATES
Këshilla për dietën që parandalon kancerin e prostatës

141- Hudhrat janë parandaluese të mira për organizmin mashkullor nga ky lloj tumori.
142- Qepët, merita e është e përbërësve që shkaktojnë dhe erën e rëndë.
143- Djathi vegjetarian mund të eliminojë rrezikun e përhapjes së tumorit.
144- Peshku, vitaminat e tij kanë një rol të rëndësishëm në mbrojtjen e organizmit.
145- Arrat, sipas specialistëve, kanë vitaminë D.
146- Domatet janë tepër të rëndësishme për konsum të përditshëm, parandalojnë kancerin e prostatës.
147- Drithërat e ndryshme, të cilat kanë në përbërjen e tyre selen.
148- Mishi, edhe në të gjendet seleni, por është e rekomandueshme të mos ekzagjerohet me përdorimin e tij.

KANCERI NË STOMAK
Si të evitoni kancerin në stomak

149- Përdorni sa më shumë fruta dhe perime
150-Evitoni nitratin dhe potasiumin. Këta përbërës nitrogjen njihen se janë shumë të dëmshëm dhe japin më shumë mundësi zhvillimit të kancerit të stomakut. Gjenden më së shumti në mish, sallam, salçiçe.
151- Limitoni duhanin, ushqimet që përmbajnë djegës si dhe që janë shumë të kripësuara.
152-Në vendet që tymoset shumë dhe që preferojnë ushqimet më shumë kripë është vërtetuar se kanë një nivel më të lartë të prekurve nga kjo sëmundje.
153- Limitoni konsumimin e alkoolit. Alkooli mund të shkaktojë ndryshime në qelizat dhe mund të çojë drejt kancerit.
154- Limitoni mishin e kuq. Konsumimi i sasive të mëdha të mishit të kuq, sidomos nëse është i skuqur, rrit mundësinë për zhvillimin e kancerit të stomakut.
155- Vizitohuni tek mjeku nëse keni simptoma të ulcerës, si dhimbja e stomakut, djegia apo të vjellat.


KANCERI I LEKURËS
Këshilla për të shmangur rrezikun

156- Eliminoni sa më shumë ekspozimin e rrezeve ultra vjollcë, sidomos në orët më të nxehta të ditës.
157- Evitoni djegiet nga dielli.
158- Përdorini kapele për të mbrojtur fytyrën e cila është e ekspozuar si në verë edhe në dimër nga dielli.
159- Përdorni veshje dhe rroba mbrojtëse (mëngë të gjata, pantallona të gjata) kur e dini që do të qëndroni shumë në diell.
160- Përdorini aparatura që u ndihmojnë të nxiheni (rrezet artificiale) që bllokojnë si rrezet UVA dhe ato UVB.

ASTMA
Si të luftoni astmën

161-Këshillohet të pihen sa më shumë çajra me përzierje bimore, të nxehtë, pasi ato ndihmojnë në largimin e kollës.
162-Duhet të shmanget pirja e cigares për sa kohë që të sëmurët kanë kollë, pirja e përkeqëson më tepër shëndetin.
163-Këshillohet uji me mjaltë dhe limon, ndihmon në zbutjen e fytit.
164-Këshillohet mbajtja pranë e 1 gote uji, lehtëson kollën, nëse kollitesh gjatë natës.
165-Këshillohet të mos përdoren ushqime, si vezë, qumësht që
shkaktojnë astmë.

Këmbët
Këshilla për infeksionet në këmbë

167-Mos i mbani këmbët në këpucë më shumë se tri orë.
168-Trajtoji çdo ditë me ujë të ngrohtë, brenda së cilës duhet të keni hedhur vaj bajame ose rozmarinë.
169- Gjatë verës është mirë që përdorni vetëm shapka ose sandale, në mënyrë që këmbët të ajrosen sa më shumë.
170-Burrat janë më problematikë në sëmundjet e gishtave të këmbëve.
171-Morthi, është sëmundje që u krijohet zakonisht atyre njerëzve që i veshin çorapet e lagura ose nuk u djersinë këmbët.

PAGJUMËSIA
Këshilla për të stimuluar gjumin:

172. Ushtrimet ju ndihmojnë që të flini, por evitoni ushtrimet e shkurta para se të shkoni në shtrat.
173. Një dush i ngrohtë para se të shkoni në shtrat do t’u vinte shumë në ndihmë.
174. Evitoni konsumimin e pijeve që përmbajnë kafeinë (kafe, kakao dhe koka kola), sidomos natën vonë.
175. Seksi para se të jetë koha për gjumë mund të jetë një mënyrë për të përafruar gjumin tuaj. Meshkujt mund të flenë pas seksit, ndërkohë që femrat mund të mbeten shumë energjike.
176. Lexoni një libër derisa të ndiheni të përgjumur. Nëse nuk jeni në gjendje të flini, çohuni përsëri.
177-Uluni dëgjoni pak muzikë ose vazhdoni të lexoni derisa të kalojë gjysmë ore. Atëherë gjumi me siguri që nuk do “t’u bëjë naze”.


ZBOKTHI
Këshilla për të luftuar zbokthin:

178- Mos e hidh shampon drejtpërdrejtë
tek flokët, por hidheni në pëllëmbën e dorës përpara se të lani flokët. Kështu nuk acarohet tabani i flokëve.
179-Përpiqu të mos përdorësh solucione që përmbajnë alkool për flokët pasi ai than lëkurën.
180-Përpiqu t’i shmangesh stresit dhe të flesh gjumë të rregullt, pasi pagjumësia dhe stresi shtojnë zbokthin.
181-Në rastin kur zbokthi është në sasi të vogla, mund të përdorni rregullisht një shampo të zakonshme kundër zbokthit, sa herë që lani flokët.
182-Kur zbokthi është në sasi mesatare, duhet përdorur çdo dy ditë një shampo e veçantë që përmban lëndë që mbysin këpurdhat.
184-Kur zbokthi është në sasi shqetësuese, është nevoja e përdorimit të një mjeti efektiv siç janë shampoja “Fungoral” apo trajtuesi i zbokthit “Gentinor”.

AKNET
Për të luftuar puçrrat në fytyrë:

185-Mos ndërhyni me duar në puçrra ose pika të zeza, sepse janë shenja inflamacioni. Shtypja është e rrezikshme nëse ndërhyrja bëhet në mënyrë të gabuar. Kjo lloj traume nuk bën tjetër veçse përkeqëson gjendjen e lëkurës.
186-Trajtoni fytyrën me produkte cilësore, me përbërës organikë si: Kamomil, kamfor, kalendula, etj.
187-Përdorni fruta e ushqime të freskëta.
188-Merrni vitamina A, C, E.
189-Mos përdorni sapunë kundër yndyrës. Në këto raste gjëndrat reagojnë duke prodhuar yndyrë në sasi.
190-Përdorni drithëra, vaj ulliri, kos, fruta, perime, prodhime deti.
191-Pini shumë ujë (pa gaz). Është mënyra më e mirë për të hidratuar lëkurën.
192-Kujdes nga flokët e gjatë. Në kushtet e një higjiene të keqe ato mund të jenë bartës bakteriesh dhe në kontakt me lëkurën keqësojnë gjendjen e saj duke stimuluar infeksionet.

VESHET
Si të luftoni infeksionin e veshëve:

193-Trajtimi fillimisht i infeksionit konsiston në pastrimin apo bërjen lavazh të kanalit të veshit dhe kjo ndihmon në heqjen dhe shpërndarjen e grumbullit të infeksionit të mbledhur në zona të caktuara.
194-Më pas nëpërmjet një fitili, deri në mesin e veshit, arrihet që të shpërndahet i gjithë pezmatimi i mbledhur.
195-Njëkohësisht duhet bërë edhe trajtimi mjekësor në të cilin hidhen antibiotikët në vesh për të trajtuar dhe kuruar zonën në të cilën më parë ishte mbledhur pezmatimi dhe që kishin çuar në ënjtjen e veshit.
196-Është e rëndësishme që të shmanget marrja e ilaçeve qetësuese vetë në farmaci, pa rekomandim, sepse ato nuk ndikojnë në përmirësimin e situatës, vetëm sa mund ta rëndojnë dhe më shumë.

AROMA E KEQE
Këshilla për të ulur aromën e pakëndshme të frymëmarrjes:

197-Përdorni gjatë ditës majdanoz të freskët.
198-Përdorni shpëlarës antibakterial.
199-Duhet të konsumoni të paktën dy herë në ditë kos të freskët.
200-Duhet të shpëlani gojën me sodë.
201- Duhet të përdorni vaj mesteje.
201- Të konsumoni farat e koprës.
202-Të konsumoni gjatë ditës çimçakiz me manjolia.


SYTË
Si të mos i dëmtojmë sytë kur jemi para kompjuterit:

203-Sfondi përtej ekranit të mos jetë asnjëherë krejt i errët.
204-Të mos ketë reflekse në ekran.
205- Kontrasti dhe drita e ekranit të rregullohen në vlera mesatare.
206- Ekrani duhet të jetë rreth 50-60 cm larg syve.
207- Mundësisht të përdoret filtër për ekranin kundër reflekseve.
208- Të shpluhuroset shpesh ekrani.
209- Gjatë punës para kompjuterit është mirë që disa herë në orë të shkëputet shikimi nga ekrani përreth një minutë.
210- Të rrotullohen sytë në ambientin përreth ose të paktën çdo një orë të bëhet një pushim prej 15 minutash.


STRESI
Disa teknika për të shmangur stresin e panevojshëm:

211- Menaxho kohën. Programimi dhe organizimi i kohës suaj mund t’ju bëjë më shumë produktivë.
212- Strategjitë për të përballuar. Përpiqu të dallosh mënyrat e sjelljes që ndikojnë në stres dhe gjej mënyrat për t’i reduktuar.
213- Krijo një stil jete. Balanco detyrimet duke i dhuruar vetes kohën e mjaftueshme për t’u qetësuar. Ushqehu mirë, mos pi duhan dhe limito sa të mundesh konsumin e alkoolit.
214- Mbaj afër miq të mirë: Njerëzit që kanë një rrjet të fortë shoqëror që i mbështet dhe që janë shumë të aftë të përballojnë ndryshimet e jetës.
215- Ndrysho mënyrën e të menduarit. Thuaju “stop” mendimeve që të shkaktojnë stres.
216-Zgjidhi problemet duke punuar dhe krijo intimitet me orenditë e zyrës apo shtëpisë, që të jenë sa më të këndshme për syrin.

LINDJET PARA KOHE
Disa këshilla për kujdesin ndaj fëmijëve prematurë:

217- Mbajtja e temperaturës së trupit në shifrat normale.
218- Ushqyerja e kujdesshme sipas mundësive dhe nevojave të fëmijës.
219- Ruajtja nga sëmundjet dhe infeksionet.
220- Temperatura e fëmijës duhet ruajtur në limitin 36-37 gradë.
221- Temperatura e ambientit ku qëndron fëmija duhet 23-25 gradë.
222- Në stinët e nxehta temperatura nuk duhet t’i kalojë 27 gradë.
223- Dhoma e fëmijës duhet të ketë lagështirë të mjaftueshme.
224- Ajri i dhomës ku rri fëmija duhet të ndërrohet vazhdimisht.
225- Veshjet dhe mbulesat nuk duhet ta shtrëngojnë fëmijën.


USHQIMI ME QUMESHT
Këshilla për nënat që kanë fëmijën në gji:

226- Jepini fëmijës sasinë e nevojshme të qumështit.
227- Jepini fëmijës qumësht nga të dy gjiret.
228- Të vegjlit duhet të pinë shpesh por pa e tepruar.
229- Gjatë pirjes krijojini foshnjës mundësi të pushojë nga pak.
230- Nëna që ka fëmijën në gji duhet të marrë sa më shumë lëngje.
231- Ushqimi i nënës duhet të sigurojë elementet e nevojshme.
232- Sa më shumë të pijë fëmija, aq më tepër qumësht prodhon gjiri.
233- Fëmijës deri në gjashtë muaj nuk i jepen ushqime jo të lëngshme.
234- Nëna që ka fëmijën në gji duhet të shmangë stresin, shqetësimet.


GASTRITI
Këshilla për të evituar:

235-Mos përdorni alkool.
236-Mos përdorni duhan.
237-Mos përdorni në mënyrë sistematike aspirina, ibrufen , naporxen etj.
238-Mos përdorni në mënyrë të sistematike kortizonë.

RËNIA E FLOKËVE
Kujdesi që duhet të tregoni për të parandaluar fenomenin:

239-Kontrolloni stresin.
240-Mbani një dietë të shëndetshme.
241-Pini të paktën 2 kilogramë ujë në ditë.
242-Konsumoni fruta, perime, me anë të së cilave merrni vitaminat, proteinat dhe mineralet e nevojshme.
243-Evitoni sa më shumë konsumimin e yndyrnave shtazore duke i zëvendësuar me ato vajore.
244-Evitoni ushqimet e skuqura.

ULÇERA
Ushqimet që kurojnë sëmundjen:

245-Banania jo e pjekur. Ajo favorizon shërimin e ulcerës gastroduodenale të lehtë.
246-Duhet të ndiqet një ushqim i ekuilibruar, i pasur në zarzavate dhe fruta që të kenë vitamina C, e njohur kjo për mbrojtjen e mukozës së stomakut.
247-Në të kundërtën duhen kufizuar proteinat shtazore dhe dhjamërat.
248- Mishi, peshku ose veza duhen marre vetëm një herë në ditë.
249-Duhet përdorur çaji nga bima e njohur e Bar-Bletës.


Cerma /Përdhesi
Këshilla për të lehtësuar dhimbjet e sëmundjes:

250- Këshillohet pirja sa më shumë e ujit dhe lëngjeve të ndryshme për të lehtësuar nxjerrjen e acidit urik nga trupi.
251-Duhet pasur parasysh se, nëse vuajmë nga sëmundjet e zemrës, duhet të këshillohemi me mjekun për sasinë e lëngjeve që konsumojmë.
252-Rënia në peshë është e rëndësishme për të pakësuar rrezikun e shfaqjes së sëmundjes.
253-Sasia e proteinave në ushqim ndikon në një farë mënyre në sasinë e acidit urik në gjak.
254-Por edhe një dietë koncize nuk mund të sjellë uljen e acidit urik në gjak në të njëjtën mënyrë si mjekimi.


OSTEOPOROZA
Këshilla për të luftuar sëmundjen që në fëmijëri:

255-Për të luftuar shfaqjen e osteoporozës është e nevojshme ajo që hamë. Për këtë duhet të ndiqet një dietë ushqyese e balancuar me një përbërje kalorike, të përshtatshme me nevojat fiziologjike të individit.
256-Dieta duhet të përmbajë një gram proteinash për çdo kile të organizmit tonë.
257-Duhet të përmbajë një përbërje të duhur yndyrash dhe karbohidratesh që nuk duhen të jenë më tepër se 55-60% të kalorive totale. Po që duhen marrë çdo ditë.
258-Po ashtu rekomandohen sasi të larta kalciumi, potasi, magnezi dhe sasi të pakta sode.
259-Vitamina D është nga ana tjetër një përbërës i rëndësishëm për asimilimin e kalciumit dhe për këtë duhet marrë me dietë apo me tableta.
260- Përveç kësaj vitaminat: A, C, E, K dhe minerale të tjera si fosfori, fluori, hekuri, zinku dhe bori janë të nevojshëm për një metabolizëm normal të kockave dhe mund të merren falë një ushqyerjeje të larmishme dhe korrekte.
261-Së fundmi rekomandohet eliminimi i alkoolit, kafeinës dhe pijeve të gazuara. Këto të fundit duket se e rrisin më shumë riskun për fraktura te gratë që i konsumojnë.


LEMZA
Këshilla për të ndaluar lemzën e shpeshtë:

262-Duhet të pish ujë ose të hash një lugë sheqer sapo të zëre lemza.
263-Faktori psikologjik arrin të ndalojë lemzën si p.sh me anë të tërheqjes së vëmendjes, bën që të ndalojë shtëllunga e ajrit.
264- Ndalesa e frymëmarrjes, pirja e ujit të ftohtë me gllënka të vogla, vendosja në qafë e një cope akulli, vendosja e një borse akulli në bark, gudulisja e hundës për të provokuar një teshtimë, marrja e frymës thellë, duke ndjekur një ritëm të rregullt janë disa nga mënyrat e ndalimit të lemzës.
265- Lemza mund të zërë edhe një fëmijë të porsalindur dhe mund të ndalohet duke e marrë në krah, i mbështet kokën në shpatull dhe i bie lehtë në kurriz, në mënyrë që t’ia nxjerrsh ajrin që ndoshta i ka dilatuar stomakun ose ezofagun.
266-Një mënyrë tjetër është edhe frymëmarrja dhe nxjerrja në një qese letreje. Në këtë mënyrë rritet sasia e CO2 në organizëm.
267-Mjekët kryesisht rekomandojnë ngrënien e një luge sheqer pa ujë.

VARIÇET
Këshilla për personat që vuajnë nga sëmundja:

268- Përdorni xhel freskues për këmbët.
269- Mos mbani këpucë me taka më shumë se 4 pond.
270- Mos përdorni këpucë të sheshta plotësisht.
271- Përdorni produkte bimësh jeshile me kërcell.
272- Mos hiqni nga menyja orizin.
273- Përdorni vazhdimisht grurin.
274- Mos qëndroni ulur për më shumë se një orë në të njëjtën pozicion.
275- Mos i mbani këmbët e kryqëzuara.
276- Mos mbani pasha të rënda.
277- Përdorni korse najloni në mbrëmje.

DHËMBËT
Si të shmangim kariesin dhe infeksionet
278-Duhet të zgjidhni një pastë dhëmbësh cilësore. Pasi ajo lehtëson lëvizjen e pllakëzave bakteriale dhe ka substanca freskuese dhe kurative.
279- Duhet të përdoret çdo ditë fija pastruese e dhëmbëve, duhet të kalohet rreth çdo dhëmbi në mënyrë që të përshkojë sipërfaqen e tij.
280- Ushqimi duhet të jetë i zgjedhur me kujdes.
281-Duhet të konsumoni ushqime që kanë karbohidrate.
282- Molla është një ndër frutat më të këshillueshme nga dentisti për dhëmbët, sipas rekomandimeve duhet të hahen jo më pak se dy të tilla në ditë.
283-Karotat duhet të përdoren çdo ditë, sipas specialistëve ato bëjnë mirë për zmaltin e dhëmbëve.


KUJTESA/ALZAIMER
Dhjetë këshilla për të mbajtur në fortë kujtesës:

284-Lexoni libra. Në këtë mënyrë jo vetën që do të vini trurin në lëvizje duke imagjinuar periudha të ndryshme kohore dhe kultura, por do të keni histori interesante për të treguar.
285-Luani lojëra. Lojërat janë mënyra më e mirë për të sfiduar trurin. Kështu fjalëkryqet. Lojërat elektronike përmirësojnë shpejtësinë dhe kujtesën e trurit, pasi të gjitha mbështeten tek matematika.
286-Përdorini dorën e kundërt. Kalojeni ditën duke bërë gjëra me dorën që nuk e përdorni, si dhe mbajeni orën në dorën e kundërt të që kujtoheni për të.
287-Mësoni numrat e telefonit.
288-Hani edhe për trurin tuaj. Kjo do të thotë se duhet të përqendroheni tek vajrat e peshkut, salmoni, arrat, bajamet dhe vaji i ullirit.
289-Ndahuni nga rutina. Ndryshoni dyqanin ku jeni klient, hani gjëra që si keni ngrënë më parë, frekuentoni lokale që s’keni qenë më parë, pasi kjo do ta bëjë trurin tuaj të zgjohet nga zakoni dhe të jetë përsëri vigjilent.
290-Kaloni nga një rrugë e ndryshme. Kaloni apo udhëtoni në rrugë të ndryshme, kjo e ndihmon trurin të stërvisë kujtesën.
291-Mësoni një aftësi të re. Në këtë mënyrë kujtesa hyn më shumë në punë kur mësoni gjëra të reja, që më parë si bënit dot.
292-Bëni lista. Bërja e listave ju ndihmon që t’i lidhni artikujt njëri me tjetrin. Në këtë mënyrë ju luani me kujtesën tuaj, sa herë që listoni ushqimet, fjalët, veprimtaritë e ditës.
293-Zgjidh një mjeshtëri të re. Gjeni diçka që ju pëlqen dhe që nuk kushton shumë. Fotografitë me aparat dixhital, mësimi i pikturës, mësimi i një instrumenti muzikor, mësimi i stileve të ndryshme të gatimit, të kërcimit, e bëjnë trurin që të jetë në aktivitet gjatë gjithë kohës.


MENOPAUZA
Ushqimet dhe dieta që duhet të ndiqet gjatë kësaj periudhe:

294- Përdorimi larmi ushqimesh, por që gjithnjë të jenë sa më të freskëta .
295- Përdorni sa më shumë fruta e zarzavate.
296- Filloni vaktin me sallatë ose me supë me zarzavate.
297- Pakësoni vaktet me mish (jo më shumë se 3 herë në javë) dhe zëvendësojini ato me ushqime me zarzavate.
298- Ulni përdorimin e yndyrnave gjatë përgatitjes së ushqimeve.
299- Pakësoni sa më shumë që të jetë e mundur përdorimin e ëmbëlsirave.
300- Hani fruta, por jo menjëherë pas ngrënies së vaktit

[Shoku Miti]

Selamu alejkum !Kam filluar te besoj te ALLAHU por ndonjehere me duket se, sikur nuk e ndjej me shpirt besimin ,E lexoj "Kuranin" dhe nuk arrij ta kuptoj sic duhet ,me duket ndonjehere abstrakt.
Allahu ju ndihmofte !JU lutem me jepni keshilla

[Arber gerguri]

Selamu alejkum !Kam filluar te besoj te ALLAHU por ndonjehere me duket se, sikur nuk e ndjej me shpirt besimin ,E lexoj "Kuranin" dhe nuk arrij ta kuptoj sic duhet ,me duket ndonjehere abstrakt.
Allahu ju ndihmofte !JU lutem me jepni keshilla

Te kshilloj qe te kerkosh librin mburoja islame, ne kete liber gjinden disa dua qe te mbrojne nga dyshimet dhe vesveset e ndryshme, gjithashtu ka dua qe i thua para se te fillosh leximin e kur'anit, para se me hy ne namaz etj Allahu te ndihmoft e te forcoft ne islam.....

[Drini_i_Zi]

Selamu alejkum !Kam filluar te besoj te ALLAHU por ndonjehere me duket se, sikur nuk e ndjej me shpirt besimin ,E lexoj "Kuranin" dhe nuk arrij ta kuptoj sic duhet ,me duket ndonjehere abstrakt.
Allahu ju ndihmofte !JU lutem me jepni keshilla

alejkum selam , i nderuari Shoku Miti , ajo qe ndodh me ty , me mu , e me cdo musliman , jan sulme nga shejtani qe don te na nxjerre nga besimi , shejtani sulmon ata qe kan besim , me qellim ti devijoje , ti largoje nga namazi , ti largoje nga punet e mira , te shtyn te mendojsh gjera qe te largojn nga besimi , te sillen ne kok lloj lloj dyshime ...
Lutju Allahut qe te mbroje nga mendimet jo te mira , mundohu qe ti largojsh ato , mendo per fuqin e Allahut , per ate se si ai krijoi boten , planetet , gjallnesat dhe shum gjera te tjera qe si shef syri i njeriut , por mos u lesho shum ne kto mendime , sepse mund te ken edhe pasoja negative.
Allahu na ndihmoft , ndoshta vllezerit tjer do te shkrujn dicka me shum ne lidhje me ket ceshtje.

[titi-a]

Selamu alejkum !Kam filluar te besoj te ALLAHU por ndonjehere me duket se, sikur nuk e ndjej me shpirt besimin ,E lexoj "Kuranin" dhe nuk arrij ta kuptoj sic duhet ,me duket ndonjehere abstrakt.
Allahu ju ndihmofte !JU lutem me jepni keshilla

ELHAMDULILA,ELHAMDULILA......................ELHAM DULILA!
I dashur vella sinqerisht po te them se me gezove pa mase Allahu te ruajt dhe ta shtofte bindjen tende.......
Se pari te lameroj se me kete qe ti ke bere(besimin ne Allahun) ke hapur nje fronte ne lufte me djallin e mallkuar,dhe djalli eshte armik i njerzve ashtu siq thot Allahu ne kuran(nuk me kujtohet tekstualish ajeti)"me te vertet shejtani eshte armiku juaj",dhe nuk eshte njejt sikur ai qe i shkon pershtat armikut te tje e sikur ai qe e kundershton armikun e tije pore ne e lusim Allahun qe ty te jap fitore ndaj armikut tende...amin
Kan ardhur disa sahabe(shoke) te pejgamberi alejhiselam dhe i kan then o i derguari i Allahute ne mendjet ton po na vijen disa mendime te cilat nese ne i flasim ato do te kishim dale nga feja thote pejgamberi alejhiselam "kjo eshte rezultat i besimit tuaj per arsye se shejtani ju kujton gjera te keqija dhe ju nga besimi qe keni nuk i thuani ato"e inshalla te pergezoj se me te vertet je ne nje hajr te madhe....
O vella i dashu kurani eshte ilaqe pere zemra te sqaroj pak sikur pacienti i cili shkon tek mjeku dhe mere ca barna apo injeksione qe ne fillim per te munde te jen te hidhura por efekti i tyre eshte shume i mire mjekimi ashtu dhe kurani zemrat tona te cilat jan mbushur me mekate eshte e veshtire paksa te pranojm diqka te mire per arsye se zemra eshte diqka e cila nuk munde ose e ka te veshtire te beje mekate dhe njekosisht edhe vepra te mira....
Edhe pse nuk jam teolog do mundohem qe me disa keshilla te keshilloj ty dhe veten time:
1.te kesilloj te qendrosh sa me shum vllezer musliman dhe ata te sqaroj gjerate te cilat te duken te veshtira.
2.perkujto Zotin tende sa me shume duke e falenderuar qe te beri nje ftese ne Islam per arsye se sa njerez jan duke u merrur me punet e keqija ne bote dhe Allahu te kujtoj ty duke te ofruar udhzimin e tije
3.mundohu qe jeta jote te ndryshoj 100%nga petku i injorances ne petkun e Islamit(duke i forcuar sjelljet e tuaja te mira dhe duke u larguar nga ato te keqijat,duke u sjellur mire me familjen dhe te afermit e tu,duke i kryer obligimet e Zotit....)
4.pendohu per te kaluare tende dhe bere veten qe te vije keq nga ajo qe ke bere....p.sh
Islami eshte shum i thjeshte per ata qe dojn te shpetojn!
thot imom Ahmedi se jeta eshte dite iku nje dite iku nje pjese e jotja.....ajo qe ka kalu nuk mund ta kthesh qe ta permirsosh,mos u preokupo me te ardhmen sepse nuk di se a e arrin meru me te sotmen pendohu sinqerisht per te kaluaren dhe Allahu inshalla do ti fale mekatet,dhe nese vdes inshalla do te jesh nga banoret e xhenetit......
5.lexo nga jeta e atyre te cilet pranuan Islamin dhe si vepruan....

Allahu te ruajt dhe te shtofte punet e mira.......
gjith te mirat..... selma alejkum