Mos!!!!!....mos!.....mos!.....

[ooooo]

faleminderit qe na dhuron poezi te reja ne shqip per femijet tane.
Per mu (qe jetoj jashte shqiperie) eshte shume komode gjetja e poezive ne shqip per femije nga interneti,
Frymezim te mbare!

[bebushja]

Vertet jan vargje te mbrekullushme
UIRME JE VERTET I PAARITSHEM
Ju admiroj per krijimet tuaja
me respekt bebushja

[adibela]

Kush ka nip apo mbesë, këto vargje le t'i presë!
Tua tregoj veç për humor.
Dem Ahmeti asht drejtor.

Kori i Bretkosave

Kafshët e pyllit mblodhi
Mbreti një të djelë.
Me zë plotë u foli:
Një lajm u kam sjellë!

Do bëjmë Festival
me autorët tanë.
Ndaj nuk dua fjalë
Gati tekstet janë??

Dy fjalë tha Poeti!
Foli Lauresha:
- “Urdhrat që jep Mbreti
Dihet janë të shenjta.”

Një problem e kemi
Cila do jetë skena?
Pastaj ku do gjeni
Shqipen me dy krena?

Mbreti i nervozuar
E vështroi në sy:
- “Moj paske harruar?…
Nuk të pyesim ty!…”

Kafshët ulët kokën
Pastaj u shpërndanë
Dikush pyeti sqokën *
- “Morre vesht çfarë thanë?”…

Sqoka uli bishtin
Dhe iku e heshtur.
E pyetën urithin *
Që ish duke fjetur:

“O urith kumbara,
a morre gjë vesht?”
- Festival është gara
Shko këndo dhe hesht!

Nisën përgatitjet
Studiot gumëzhinin
Këngët si simitet
Nga “poetët” dilnin…

Njëri kish bërë këngë
Për forcën e mbretit
Tjetri për një Nënë
fishkur prej kurbetit!

Dy të tjerë solistë
Do k’ndonin duet.
Një muzikë të pistë
Kishte një kuartet…

Po më shumë çuditi
pyllin anë e mbanë
SHIK-u shpejt e ngriti
zërin si mënjanë:

“Kemi ca të dhëna!
Do ta kemi zor!
Se nja 10 bretkoca
Na kanë ngritur Kor(!)

Ky është Festival
Që nuk e ka hak!
Të këndojnë bretkocat
Me guak guak!…”

SHIK-u nisi punën
Gjëndjen e studjoj
Mbasi kruajti sumën
Mbretin informoj:

“do këndojnë hajdutat
cubat, djem e dhisë!
Pastaj prostitutat
Do të bëjnë striptisë.

Një këngë ka bilbili
Me një tekst të vjetër
Dy këngë ka trishtili *
Ujku ka një tjetër.

Një balladë ka miu
Një kantatë çakalli *
Do këndoj ariu
Si bass Festivali.

Dhelprat kanë korale
me temë nga mashtrimi.
Këngë piramidale
do këndoj hutini *

Pastaj ka një valle
sa për atmosferë.
Një duet për hallet
do këndoj një drerë…


Luani dëgjonte
Sytë përgjysëm mbylli
SHIK-u informonte
Se çfarë bënte pylli…

Kur papritmas Mbreti
ulërimën zuri:
“-këngë nga bregdeti
ku valon Flamuri


A do ketë koncerti?
Apo s’ësht’ menduar
Të këndojë dhe pleshti
Që s’na lë pa kruar?!…”

Kori i bretkosave
Bëri inçizimin
Ndërsa kori i pleshtave
Vuri lajmërimin:

“FESTIVAL i parë
që né marrim pjesë!
Sejcili këngtarë
pa kruar s’do mbesë!

Se kemi krijuar
një këngë kryevepër!!
Me muzikë huazuar
Dhe me tekst të vjetër!”

U bë kurioz mbreti
SHIK-i s’kish të dhëna
Se çfarë thonte teksti
Ç’muzikë kishte kënga.

Morra vesht nga macia
që s’kishte dyshim!
Kori me bretkoca
Kishte tekstin tim(!!!!!!!)

Unë s’ua kisha dhënë.
Nga e kishin marrë?
Ç’ishte ajo këngë
Në pyllin shqiptarë???!…

Erdhi natë e parë
Kënga s’u këndua
Bretku këngëtarë
Na kishte munguar(?)

Natë e dytë s’u bë
Nata e tretë dështoj
Festivalin e pyllit
Kush e sabotoj?!...



Shënim:
(fjalët me * janë pseudonimet e disa politikuajve të spektrit politik të majtë dhe aleatëve të tyre në PS. PSD. BSD. AD, LSI etj.)

Gjithnje i lexoj postimet tuaja po nuk bej asnjehere komnt se me duket te teperta!
Po kjo qenka e paarrtishme. Je nje Orwell o mik ,te pakten per mua.
Une kete po ja lexoj goces, po me lejen tuaj pak para se te mbushe moshen per te votuar , dhe ehuuuu ka kohe deri atehere, po te premtoj se do ta ruaj kete.
Me respekt per shkrimet (dhe qendrimet tuaja)

[Agim Doçi]

HYMNI I VAJZAVE LLASTICA

Kur mami del me shoqet – unë mbetem në pasqyrë
I lyej buzët e kuqe – thonjt me manikyrë
Dhe vesh kepucë me taka – të dukem më e gjatë
Thërras të gjithë shoqet – qeshim bëjmë gallatë.

Dua të shikoj filma – deri natën vonë
Dua vetëm të luaj – e Diel të jetë gjithmonë
Dua veç argëtime –në shkollë të shkoj më rrallë
Dua fustan si mami – dua celular !

Dua gjerdan të gushës – unazë me flori
Dua të lyej vetllat – me rimel të zi.
Dua dhe çantë me rripa – dhe një Orë në dorë
Të gjithë më thonë llasticë – je llastica jonë.

[Agim Doçi]

Hymni i Pulave

Në kotec të fshatit tonë
Lyer pastër me gëlqere
Diskutuam deri vonë
Kë të zgjedhim brigadiere.

Deri dje kishim në krye
Gjel kokoshin ngatrrestar
Veza e bardhë për pak u thye
Nga dembeli jonë kryetar…

Bëmë dhe mbledhje diskutime
Sherri keq mes nesh u ndez
Gjel – kokoshi pa dyshime
Duhet hequr se s’bën vez…

Të gjithë pulat menjëherë
Shpejt e shpejt e mbyllëm gojën
E lamë gjelin brigadier
Se ja kishim shumë nevojën

Sepse gjeli është sahat
Edhe kohën lajmëron
Po s’këndoj ai në fshat
Fshatin tonë askush s’e zgjon!

[eni3]

Z.Agim eshte kenaqesi te lexoj perseri shkrimet e tua.

me respekt Eni

[Agim Doçi]

KËNGA E ZOGUT

Një zog ia nisi një kënge malli
Ciu ciu fillonte motivi i tij
U zgjua fusha, u zgjua mali
Ky zë nga vinte si me magji!?

Ciu ciu këndonte ky zog i bukur
Nuk kish orkestër dhe as publik
Nën lis ndaloj vetëm një flutur
Dhe afër saj një korb nevrik

Dëgjuan këngën dhe u pëlqeu
Bile të dy e duartrokitën
Korbi nevrik në çast gënjeu
Ja kam bërë unë zogut muzikën!

E besoj flutra dhe hapi krahët
Ndaloj e lumtur mbi lule bor’
U tha dhe shoqeve që sytë i hapën
Se korbi ish kompozitor.

Kështu me rrena korbi çon jetën
Gënjen gjithë pyllin ngado që shkon
Bile një ditë e ktheu fletën
Tha: Jam poet që vjerrshëron!

Pa hë! - i thane banorët e pyllit
Na bëj një vjerrshë që kush s’e ka.
Ia nisi korbi ky mëndje fylli
Të bënte tekstin vetëm me krraa...

Nuk është e lehtë pra poezija
Të shkruash këngë me melodi
Përndryshe do fillonte dhija
Të bënte tekst me dhi…me dhi…

Ose do niste të shkruante lopa
Një këngë të fuqishme me mu…mu…mu
Dhe do çuditej e gjithë bota
Kjo budallaqe pse bën kështu!?…

Po sikur këngës t’ia marrë gomari
Me zë të tmerrshëm ia…ia?!…
Çfarë do këndonte zog këngëtari
Që zërin Zoti atij ja dha?!

Ndaj zog këngëtarin duajeni shumë
Dhe hiç mos pyesni ku ka mësuar!?
Se atë sekret ua mësoj unë
Tekstin e tij, unë s’e kam shkruar!

Kam shkruar tekste veç për bilbila
Për Vaçen, Irmën, Parashqevinë
Manjolën, Kaçin dhe dy të mira
Një në Kosovë, zog në Prishtinë

Kurse Tirana ka tjetër zog
Me zë të bukur bilbil gjyzar
Quhet Anjeze – bekoje Zot!
Që veç fiton çmimin e par’

[shtrigaa]

me pelqen

[Agim Doçi]

Bravo shtriga qe te pelqen

[shtrigaa]

)))))) ti e di qe shkrimet e tua me pelqejn jam fanse