"ALBANER RAUS", parulla antishqiptare në një shkollë zvicerane

[DYDRINAS]

"ALBANER RAUS", parulla antishqiptare në një shkollë zvicerane

Gustin Marjakaj
17-05-2007
Dërguar në kontakt@shekulli.com.al

Gjatë fundjavës, në murin e Shkollës së Mesme Pedagogjike të qytetit Kreuzlingen, në kufi me Gjermaninë, persona ende të paidentifikuar, mbi flamurin shqiptar kishin shkruar parullën tashmë të njohur "Albaner Raus" ("Shqiptarët jashtë"). Policia është duke hulumtuar rastin. "Ne e kemi fotografuar atë. Do ta krahasojmë me grafitet e tjera të këtij lloji, duke kërkuar elemente të përbashkëta me vizatimet e personave që njihen nga policia",- tha zëdhënësi i policisë kantonale, Andy Notter.

Ndaj rastit më të ri kundër komunitetit shqiptar në Zvicër, reaguan edhe mediat lokale. "E turpshme!",- ishte titulli i të përditshmes më të madhe në rajon "St.Galler Tagblatt". Edhe më i turpshëm ky akt, është për rektorin e shkollës në fjalë. Rektori, Lorenz Zubler, nuk e fsheh mllefin ndaj autorëve të parullës. "Është e turpshme, se si njerëzit mund ta shëmtojnë një ndërtesë me këso gjërash". Zubler nuk beson që pas këtij akti të qëndrojnë nxënësit e tij. "Këtu s'kemi të bëjmë me vandalizmin e nxënësve",- është i bindur rektori Zubler. Përballë murit ku është shkruar parulla, një kalimtar ndalet disa sekonda dhe tund kokën. Është një emigrant shqiptar.

"E di se nuk kemi zë të mirë te zviceranët, ama kur sheh kësi gjërash, po të qesin me u brengos edhe më shumë",- thotë shqiptari E. Balaj (29-vjeç), që me vite banon në St.Gallen të Zvicrës. Një kalimtar tjetër i hedh vetëm një sy parullës dhe të lë përshtypjen sikur nuk e vërejti fare atë. "Nuk i përshëndes aktet e tilla, që ndodhin në Kreuzlinen, mirëpo shqiptarët duhet ta fajësojnë veten dhe askënd tjetër, për imazhin e keq që kanë në Zvicër",- thotë shkurt dhe prerë, zvicerani Markus I., (32-vjeç) dhe ktheu kokën për të lexuar parullën tjetër në mur: "Në TOKËN E KUQE , NJË KRYQ i BARDHË, TË DUAM NE TY, O ZVICËR E BUKUR!".

Qyteti Kreuzlingen dhe kantoni Thurgau, me shumicë ka votuar për SVP (Partinë Popullore Zvicerane), e cila nga kundërshtarët, konsiderohet si parti e ekstremit të djathtë dhe ksenofobe. Brenda disa ditëve, po në këtë qytet kanë ndodhur katër akte të ngjashme të këtij lloji.

Gazeta Shekuli

[Cimo]

Mire qe nuk e kane seriozisht po e kane shkruajtur neper mure

[Kreksi]

Mirepo pika pika mbushet pusi dhe behet Oqeanë, jo pacifikë, po oken i peshkaqenjve; me duket se keshtu e kan ndermend te na trajtojne neve shqiptarve=me peshkaqenje !

[DYDRINAS]

Mirepo pika pika mbushet pusi dhe behet Oqeanë, jo pacifikë, po oken i peshkaqenjve; me duket se keshtu e kan ndermend te na trajtojne neve shqiptarve=me peshkaqenje !

Kreksi,

Mos te luajme rolin e viktimes ne gjithe keto raste, por ti vejme gishti kokes!
Per cdo gje qe ndodh kur autoret jane shqiptare, ne se pari fajesojme te tjeret.
Me kete menyre vecse trimerohen kriminelet dhe kriminaliteti shqiptar kudo qe ai vepron.
Nuk ka asnje politike europianoperendimore (pervec politikave te disa shteteve ballkanike) qe kerkon me cdo cmim ti paraqese shqiptaret si kriminele.
Kushdo qe jeton ne shtete te ndryshme europiane, ndjek dhe shikon me dhimbje se si nje pjese e madhe e shqiptareve (pa dallim moshe) jane te zhytur ne kriminalitet.
Sa % e shqiptareve qe jetojne jashte Ballkanit ndjekin aresimin, ndjekin kurse profesionale, arrijne te diplomohen, arrijne te integrohen ne jeten e shteteve ku jetojne? Shume pak!
Qe sa dekada gjenden shqiptaret ne Zvicer, Gjermani, France etj? Cfare ka ndryshuar per te mire?
Per fat te keq ata qe kane arritur te kene sukses, numerohen me gishta dhe per fatin me te keq ata qe perjetojne krize jane me te shumtit.
Shumica e shqiptareve perjetojne nje krize identiteti, krize e cila i zhyt ata ne
mjerim shoqeror dhe ne vecim shoqeror nga qytetaret vendas dhe i shtyn ata me tej ne lidhje me grupime e klasa qe kane te njejten krize identiteti si: arabet, turqt apo komunitetet e tjera.

[Lioness]

Dydrinas, kjo ceshtje eshte bere pjese e diskutimit tek tema e autobusit ne Itali. Me duket ia vlen te diskutohen te tilla "dukuri" nen nje kontest.

[drity]

Sa % e shqiptareve qe jetojne jashte Ballkanit ndjekin aresimin, ndjekin kurse profesionale, arrijne te diplomohen, arrijne te integrohen ne jeten e shteteve ku jetojne? Shume pak!

Shume me teper sesa ata qe bejne pislliqe.

Problemi eshte se ata qe arrine diçka, preferojne te mos identifikohen si shqiptare. Kjo do nje rrugezgjidhje.