Dhuna bashkëshortore.

[IL__SANTO]

DI_ANA he mi goce se ska gje.

Si ka thene Populli: Ai qe te rreh te do.

Neve i referohemi kesaj shprehje edhe e zbatojme fjale per fjale.

1 menyre per te shrehur dashurine eshte.Nuk ka qellime te keqija.

[DI_ANA]

50 femrat që kanë vrarë bashkëshortët e tyre..........

Aulona KADILLARI
Etleva DELIA

Janë të brishta, të bukura, por kur shkelet nderi apo dinjiteti i tyre ato transformohen, duke treguar "fortësinë" e fshehur. Të gjitha kanë një akuzë, atë të vrasjes së bashkëshortit të tyre. Tradhtia, keqtrajtimi apo edhe mbrojtja e familjeve, si dhe gjendja ekonomike, janë arsyet të cilat detyrojnë femrat të shkojnë deri në ekstrem, të vrasin njeriun e jetës që zgjodhën. Gazeta "Tirana Observer" boton sot gratë të cilat kanë vrarë bashkëshortët e tyre, dënimin që ato kanë marrë, si dhe fabulën që i ka çuar në këtë dramë. Nga viti 1997 e deri në 2007 janë 50 gra, të cilat kanë qëlluar për vdekje burrat.
Arsyet
Janë nga më të ndryshmet, por të gjitha kanë një përfundim, vrasja e burrit që kanë në krah. Duke filluar nga keqtrajtimi, i cili zë një përqindje të madhe në arsyet që kanë detyruar femrat t'u kundërvihen burrave, e duke përfunduar te tradhtia apo prishja e parave. Duke mos lënë pas mospranimin e atësisë, që është motivi kryesor që detyron një nënë të ardhshme të qëllojë mbi njeriun më të dashur. Madje dashuria e femrës për bashkëshortin shkon deri në vetëflijim.
Rastet
Kanë vrarë burrin, disa prej tyre janë vetëdorëzuar, por disa e kanë fshehur për muaj apo edhe për vite me radhë. Kanë duruar mbi supet e tyre lloj-lloj poshtërimesh, sa i kanë bërë që të arrijnë të mbajnë sekret edhe krimin, i cili është zbuluar më pas duke çuar në burg 50 gra. Disa prej tyre pasi kanë përfunduar dënimin e dhënë nga gjykata, i cili nuk është më poshtë se 10 vite burg, janë rikthyer te fëmijët e tyre. Por disa nëna të reja kanë pasur si maternitet në lindjen e fëmijës, i cili i ka "detyruar" të qëllojë mbi bashkëshortin, qelinë e burgut.

Pukë, 23 maj 1996
Dyshimi se i shoqi e tradhtonte me shoqen e saj të ngushtë, ka shkaktuar një tragjedi në Pukë. Lina Aliaj, 30-vjeç, ka pritur momentin që bashkëshorti i saj Marku, punonjës policie, të shkonte në shtëpi për pushimin e drekës dhe me pistoletën e tij e ka goditur duke e lënë të vdekur në vend. E tronditur nga veprimi që ka kryer, ajo nuk e ka menduar dy herë dhe me një plumb në kokë, është vetëvrarë. Ngjarja ka ndodhur brenda në apartamentin e tyre, në katin e tretë të një pallati, më 23 maj të vitit 1996, në qytetin e Pukës. Çifti Marku ishin martuar prej 3 vjetësh dhe nuk kishin fëmijë.

Has, 15 janar 1997
E ka gjetur në krevat me të dashurën në shtëpinë e tyre dhe nuk ka hezituar që të marrë një thikë, me të cilën e ka goditur disa herë. Hasime Kalimashi, 32 vjeç, ka goditur për vdekje me thikën e bukës bashkëshortin e saj 40 vjeç, si dhe ka plagosur të dashurën e tij. Pasi ka kryer krimin, 32-vjeçarja me banim në Golaj të Hasit është dorëzuar vetë në polici, duke rrëfyer para uniformave blu gjithë të vërtetën. Ngjarja ka ndodhur më 15 janar të vitit 1997, në fshatin Golaj, brenda në banesën e çiftit Kalimashi, të cilët kishin dy fëmijë.

Shkodër, 12 shkurt 1997
Për të mbrojtur vajzën e saj 17-vjeçare, vret bashkëshortin. Anila Losha, 48 vjeçe, ka vrarë të shoqin, babanë e 5 vajzave, duke i rënë me kazmë pas koke. Ngjarja ka ndodhur në Vaun e Dejës të Shkodrës, më 12 shkurt të vitit 1997. Luan Losha, 52 vjeç, ka rrahur vajzën e tij adoleshente, e cila ishte kthyer vonë në shtëpi, ndërkohë duke dashur ta ndërpresë situatën e krijuar në shtëpinë e tyre, Anila, bashkëshortja e tij ka marrë kazmën dhe e ka goditur pas koke, duke e lënë të vdekur në vend. Ajo është dorëzuar vetë në polici, ku ka deklaruar se nuk ishte hera e parë që 52-vjeçari rrihte dhe keqtrajtonte vajzat e tij dhe ajo nuk e ka duruar dot më.

Lezhë, 4 prill 1997
Një 25-vjeçare ka plagosur me çifte bashkëshortin e saj me të cilin kishte vetëm 5 muaj që ishte martuar, i cili më pas ka gjetur vdekjen në spital. Liljana Keçi është arrestuar vetëm disa orë pasi ka kryer plagosjen e të shoqit 27-vjeçar dhe, në momentin që ka qenë duke dëshmuar në rajonin e policisë ka marrë vesh se Agron Keçi ka ndërruar jetë në spitalin e Lezhës. Ngjarja e rëndë që ka ndodhur më datë 4 prill të vitit 1997, në fshatin Torovicë të Lezhës. Kjo ngjarje e ka pasur zanafillën në grindjet e vazhdueshme mes çiftit të ri, shkak i të cilave ishte alkooli. Bashkëshorti i Liljanës shkonte çdo natë i dehur në shtëpi dhe grindej me të, duke e bërë 27-vjeçaren që të marrë çiften që mbanin në mur dhe ta vriste.

Fier, nëntor 1997
Xhelozia se burri e tradhtonte ka bërë që 25-vjeçarja nga Fieri të vrasë me pistoletë burrin e saj. Ngjarja ka nisur në nëntor të vitit 1997, ku A.L pas dyshimit se bashkëshorti shkonte me vajza të tjera ka marrë pistoletën duke e qëlluar për vdekje. Menjëherë në vendngjarje ka shkuar policia e qytetit të Fierit, e cila pas këqyrjes së vendit të ngjarjes shoqëron në komisariat bashkëshorten, e cila akuzohet për veprën penale të vrasjes me paramendim.

Tiranë, 26 nëntor 1997
Policia e Tiranës arreston nënën e katër fëmijëve, pasi dyshohet se ka ekzekutuar bashkëshortin e saj, në bashkëpunim me të dashurin. Mine Pëllumbi në bashkëpunim me Arben Vishën kanë vrarë me thikë Njazi Pëllumbin. Ngjarja ka ndodhur në fshatin Vilcë, pak kilometra larg kryeqytetit, më datë 26 nëntor 1997. Vetëm disa orë pasi ka ndodhur krimi, uniformat blu kanë bërë të mundur arrestimin e të dy autorëve. Por, sipas policisë, vrasjen e ka bërë 41-vjeçarja Mine Pëllumbi.

Tiranë, janar 1998
Plagos bashkëshortin me thikë, i cili më pas gjen vdekjen në spital. Ngjarja ka ndodhur në janar të vitit 1998, ku Afërdita Molla nga kryeqyteti gjatë grindjes së radhës që ka pasur me bashkëshortin e ka qëlluar atë në bark. Më pas fqinjët e kanë dërguar në spital, ku ka marrë ndihmën e shpejtë, por plaga që kishte marrë në bark ka bërë që 40-vjeçari Molla të vdesë në dhomën e spitalit. Më pas policia arreston autoren.

Tiranë, gusht 1998
Duket se martesa me mblesëri për një 18-vjeçare nuk ka shkuar siç ishte e parashikuar. Keqtrajtimi i bashkëshortit të saj 28-vjeçar ka bërë që e reja nga kryeqyteti, në gusht të vitit 1998 ta qëllojë me pistoletë duke e lënë të vdekur në vend. M.C pas grindjes që ka pasur me të shoqin ka marrë pistoletën që ndodhej në shtëpi dhe e ka qëlluar. Më pas në vendngjarje ka shkuar policia e kryeqytetit, e cila pasi ka bërë këqyrjen e vendit të ngjarjes ka vënë në pranga 18-vjeçaren e sapomartuar.

Shkup, 9 janar 1999
Gruaja vret burrin e pastaj edhe veten. Një 29-vjeçare nga Maqedonia, më 9 janar të vitit 1999, brenda në shtëpinë e saj në një lagje të Shkupit ka vrarë me pistoletë bashkëshortin e saj, 35-vjeçarin Dragan Stojanovski. Pasi e ka parë që ai ka vdekur, Elizabeta Stojanovski ka vrarë edhe veten. I shoqi Dragan Stojanovski ka punuar si epror në Armatën e Maqedonisë dhe ka pasur gradën e majorit, kurse pak javë para se të vdiste ka qenë në pozitën e komandantit të Brigadës së Gardës së Republikës. Pas hetimeve ka rezultuar se Elizabeta ka qenë e sëmurë nga dhimbje të rënda në kokë dhe është shëruar në klinikën neurologjike.

Korçë, 20 prill 1999
E ndihmuar nga babai i saj vret bashkëshortin, pasi ai e keqtrajtonte çdo natë. Ruzhdije Selimi është arrestuar nga uniformat blu së bashku me babanë e saj, pasi në bashkëpunim me njëri-tjetrin kanë vrarë bashkëshortin Kadri Selimi. Ngjarja ka ndodhur në qytetin e Korçës, më 20 prill të vitit 1999. 37-vjeçarja Ruzhdije Selimi e ka pranuar para uniformave blu veprën për të cilën akuzohej, duke e justifikuar me faktin që nuk i duronte dot më keqtrajtimet që i bënte çdo natë bashkëshorti i saj.

Fier, 31 gusht 1999
Donte të ndahej nga i shoqi dhe ai nuk e lejonte, kjo ka bërë që ta vrasë me armën e gjahut që mbanin në shtëpi. Kumrie Sena ka vrarë më 31 gusht të vitit 1999 burrin e saj Lavdoshin, 46 vjeç. Ngjarja ka ndodhur në Levan të Fierit, ku pasi e ka kryer veprën e rëndë penale, 39-vjeçarja Sena është arrestuar menjëherë nga uniformat blu. Ajo e ka pranuar krimin, duke treguar arsyen se përse e ka kryer. “Përveç se me keqtrajtonte dhe më rrihte çdo natë, sepse vinte i dehur, ai nuk donte që unë të ndahesha nga ai. Kjo situatë zgjati disa vite sa jeta mu kthye në ferr dhe nuk durova më, pastaj e vrava”. Kështu është shprehur para uniformave blu Kumrie Sena.

Berat, shtator 1999
Farie Jetolli nga frika e ndarjes nga bashkëshorti ka arritur deri në vrasjen e tij. Ngjarja ka ndodhur në shtator të vitit 1999, në qytetin e një mbi një dritareve. Grindjet e fundit dhe “kërcënimi” i bashkëshortit se do të kërkonte divorcin kanë rënduar gjendjen psikike të 30-vjeçares nga Berati, e cila pasi ka pritur që i shoqi të kthehej në shtëpi ka marrë thikën dhe më pas e ka qëlluar në shpinë, duke e lënë të vdekur në vend. Më pas ajo plagos veten, por dërgimi në spital nga fqinjët i shpëton jetën e 30-vjeçares.

Malësi e Madhe, 4 janar 2000
Lena Rrukaj, 32 vjeçe dhe Gazmend Ujkaj, 30 vjeç, të dy banues në fshatin Brojë të komunës Kelmend në Malësi të Madhe, janë arrestuar pasi akuzohen për vrasjen në bashkëpunim me paramendim, të bashkëshortit të Lenës, Nikolin Rrukaj. Ngjarja ka ndodhur 5 vjet para arrestimit të tyre. Krimi i rëndë ishte zbuluar tri ditë para prangosjes së tyre, kur babai i Nikolin Rrukajt zbuloi trupin e të birit rastësisht, të groposur pranë themeleve të shtëpisë së tyre. 35-vjeçari Nikolin Rrukaj ishte shpallur i zhdukur që prej datës 4 janar të vitit 2000, kur ishte vrarë në banesë nga e shoqja Lena dhe bashkëpunëtori Gazmend Ujkaj, i cili ishte i dashuri i saj.

Dibër, 20 janar 2000
Ngacmimet e tepërta të bashkëfshatarit kanë detyruar 28-vjeçaren nga Bulqiza ta qëllojë për vdekje. Ngjarja ka ndodhur në 20 janar të vitit 2000. Manushaqe Roçi kishte shkuar të merrte diçka për bagëtitë, jo larg shtëpisë, kur para i del Selim Previzi, i cili e ka tentuar ta përdhunojë. Ky veprim ka bërë që 28-vjeçarja të marrë automatikun dhe të qëllojë me breshëri plumbash mbi bashkëfshatarin, duke e lënë të vdekur në vend. Më pas në vendngjarje ka shkuar policia duke bërë arrestimin e saj. Aktualisht ajo ndodhet në qelitë e Burgut 325 në Tiranë.

Tiranë, 3 prill 2000
Ishte e martuar prej pesë vitesh dhe fryti i kësaj dashurie ishte një fëmijë. Por gjendja ekonomike si dhe xhelozia e bashkëshortit kanë detyruar Esmeralda.M, nga Tirana që në 3 prill të vitit 2000 të vrasë me thikë bashkëshortin e saj. 20-vjeçarja tregon në polici se i shoqi harxhonte të gjitha paratë duke pirë dhe se kohët e fundit dyshonte se e tradhtonte. Kështu, në grindje e sipër nëna e një fëmije merr thikën e bukës dhe qëllon për vdekje bashkëshortin e saj 25-vjeçar.

Fier, 4 shtator 2000
Ferude Bregu nga Peshtani i Fierit, nënë e dy fëmijëve, në bashkëpunim me të dashurin vret bashkëshortin e saj, Sali Bregu. Vihen në pranga nga policia, hetohen e në përfundim i dashuri dënohet, ndërsa Ferudja del e pafajshme. Më pas ajo shkon në Greqi, ku ishte me dokumente të rregullta që nga viti 1997, por ndërkohë ajo kërkohet nga Interpoli për dy akuza, për prostitucion dhe vrasjen e bashkëshortit. Për këto vepra penale Bregu arrestohet në vendin fqinj, ku bëhet gjykimi nga ku merr një dëshmi pafajësie. Por më pas ekstradohet në Shqipëri. Gjykata e Apelit e dënon me 20 vjet burg për prostitucion dhe vrasjen e bashkëshortit. Aktualisht ajo vuan dënimin në burgun “Ali Demi” në Tiranë.

Berat, 13 mars 2001
Fatime Xhafa, 62 vjeçe, vret në gjendje të dehur bashkëshortin e saj, Meçan Xhafa, në fshatin Pobrat të Beratit. Motivi i krimit ka qenë dhuna e ushtruar ndaj saj. Ngjarja ka ndodhur më 13 mars të vitit 2001, ku pas sherrit që kishte arritur kulmin, gruaja në gjendje depresioni ka goditur me sëpatë burrin e vet, duke e lënë të vdekur në vend. Por nuk e ka përfunduar me kaq krimin, pas vrasjes ajo ka masakruar kufomën e të shoqit, duke i prerë duart dhe fytin. Pasi ka bërë gjithë këtë, 62-vjeçarja ka lajmëruar me celular vëllanë e saj që jeton në qytetin e Patosit dhe ky i fundit ka mbërritur menjëherë në shtëpinë e së motrës, në Pobrat. Sapo ka mësuar dhe parë masakrën, së bashku me disa banorë të lagjes ai ka lajmëruar policinë, e cila ka bërë edhe arrestimin e saj.

Tiranë, 3 maj 2001
Sapo është kthyer në shtëpi, Avdi Noka është zënë me të shoqen. Sipas prokurorisë, në fund të konfliktit më 3 maj të vitit 2001, Dëshira Noka e ka qëlluar me një pistoletë “Beretta” të shoqin, të cilin e ka mbyllur në banjë për dy ditë. Gjatë kësaj kohe, dy punëtorë kanë hapur një gropë 2.2 metra të thellë, në të cilën është hedhur kufoma e Avdi Nokës. Skena është parë nga fëmijët, të cilët kanë pasur frikë të tregojnë për krimin gjatë pesë viteve. Në gropë është gjetur edhe kyçi me të cilin Dëshira Noka e kishte mbyllur derën e ambientit, ku kishte fshehur kufomën e të shoqit, në mënyrë që fëmijët të mos mësonin për krimin. Ajo arrestohet gjashtë vite pas krimit, e aktualisht vuan dënimin në Burgun 325 në Tiranë.

Tropojë, 7 korrik 2001
Kimete Bala nga fshati Dushaj i Tropojës ka vrarë bashkëshortin dhe e ka varrosur në mal, duke iu thënë të afërmve që ai ishte larguar jashtë shtetit, po nuk kishte pasur asnjë lidhje me të. Ajo e ka deklaruar të zhdukur 45-vjeçarin Bajram Bala, ndërkohë që e kishte vrarë vetë. Dyshimet e para i kanë lindur vëllait të Bardhokut, i cili ka dalë për gjah në pyll dhe qeni i tij vraponte gjithmonë drejt një vendi të njëjtë, deri sa një ditë kishte zbuluar një kufomë krejtësisht të dekompozuar. Ai ka arritur ta identifikojë vëllanë e vet nga rrobat që kishte veshur dhe i është drejtuar menjëherë policisë. Ngjarja ka ndodhur në Dushaj të Tropojës, më 7 korrik të vitit 2001 dhe policia ka arrestuar për këtë ngjarje 40-vjeçaren Kimete Bala, e cila më pas e ka pranuar veprën që kishte kryer.

Tiranë, Gusht 2001
Çdo natë duhet të duronte goditjet e bashkëshortit, i cili vinte I dehur. Çdo natë do të dëgjonte kërcënimet e tij, deri në gisht të vitit 2001, kur Erjola H. nga Burreli, por me banim në Tiranë do ta qëllonte për vdekje bashkëshortin e saj. Kishin tre vjet që ishin martuar, por gjatë këtyre viteve 26-vjeçarja kishte duruar vetëm keqtrajtimin e kryefamiljarit. Sipas policisë në gjaknxehtësi e sipër Erjola ka qëlluar mbi burrin duke e lënë të vdekur në vend. Më pas ka lajmëruar policinë duke treguar edhe ngjarjen si dhe motivin që e kishte detyruar të kryente këtë krim.

Tiranë, 14 prill 2002
Luljeta Rama, 50 vjeç, vret me çifte bashkëshortin e saj, Muhamet Rama. Ngjarja ka ndodhur më 14 prill të vitit 2002, ku për të shpëtuar djalin e saj, i cili është kërcënuar nga i ati pasi i kishte vjedhur 30 mijë lekë të vjetra, ajo qëllon për vdekje burrin. Menjëherë në vendngjarje shkojnë forcat e policisë së kryeqytetit, të cilat pasi bënë këqyrjen e vendit të ngjarjes, arrestojnë edhe 50-vjeçaren. Kjo e fundit akuzohet për veprën penale të vrasjes.

Vlorë, 15 korrik 2002
Entela.L nga Vlora ka shkuar në shtëpinë e saj dhe teksa ka hapur derën ka gjetur bashkëshortin e saj së bashku me të dashurën. Kjo skenë ka bërë që 23-vjeçarja, nënë e një foshnje të sapolindur, në 15 korrik të vitit 2002 të marrë pistoletën për të qëlluar burrin e saj. Menjëherë në vendngjarje ka shkuar policia e qytetit bregdetar, e cila ka prangosur Entelën. Sipas policisë, në komisariat është shoqëruar dhe vajza që ishte me viktimën për të bërë zbardhjen e kësaj ngjarjeje.

Tiranë, 5 tetor 2002
Gruaja qëllon për vdekje burrin e saj L.C, sepse ky e keqtrajtonte. Ngjarja ka ndodhur në datën 5 tetor të vitit 2002 në Tiranë. Marie.C pas grindjeve që ka pasur me të shoqin, ka marrë automatikun dhe nuk ka nguruar që të qëllojë mbi bashkëshortin e saj, babanë e dy fëmijëve. Në polici 30-vjeçarja ka pohuar se ai e keqtrajtonte dhe ky ka qenë edhe motivi që ka çuar atë të vrasë bashkëshortin e saj.

Devoll, 20 nëntor 2002
Marie Nallbati nga Vishovica e Devollit ka vrarë bashkëshortin e saj. Sipas policisë mësohet se, ajo e ka ekzekutuar burrin e saj 47-vjeçar me sëpatë. Ngjarja e ndodhur më 20 nëntor të vitit 2002, ka si shkak grindjet e shpeshta në familje dhe duke qenë se ajo vuante nga probleme mendore ka arritur të kryejë edhe krimin makabër. Më pas 47-vjeçarja është arrestuar nga policia e Devollit me akuzën e vrasjes.

Fushë-Krujë, 16 qershor 2003
Mimoza Shota ekzekutoi me dy plumba pistolete, në tregun e Fushë-Krujës, të dashurin e saj 27-vjeçar, Shkëlqim Shima. Ngjarja ka ndodhur në mesditën e datës 16 qershor të vitit 2003, sepse sipas saj e kërcënoi për të abortuar. Shota në një distancë shumë të afërt nuk ka nguruar t’i drejtojë pistoletën “TT” të dashurit të saj si dhe babait të foshnjës që mbante në bark, duke e shkrehur dy herë atë mbi trupin e Shkëlqimit. Distanca e vogël ka bërë që mbi Shkëlqimin të shkaktohen plagë të rënda, duke shkaktuar më pas edhe vdekjen e tij. Në vendngjarje kanë shkuar forcat e policisë së Fushë-Krujës që kanë bërë të mundur edhe arrestimin e 27-vjeçares, e cila aktualisht ndodhet në Burgun 325 të Tiranës.

Shkodër, 23 qershor 2003
Lumnije Lumaj është arrestuar nga policia pasi akuzohet se ka vrarë bashkëshortin e saj, Shaqir Lumaj. Ngjarja ka ndodhur në fshatin Postribë të Shkodrës, më 23 qershor të vitit 2003. Gruaja 19-vjeçare ka pranuar krimin pas arrestimit. Sipas policisë, vrasja fillimisht ishte mbuluar nga misteri, pasi autorja ishte munduar të fshihte gjurmët, madje kishte krijuar edhe një alibi. Familjarët kishin dhënë alarmin se Shaqir Lumaj ishte vetëvrarë me armën që mbante në stanin e bagëtive. Por hetimi i uniformave blu ka bërë të mundur identifikimin e autores, e cila ishte bashkëshortja e viktimës.

Shkodër, 26 korrik 2003
Nuk i ka duruar zënkat dhe keqtrajtimet që i bënte i shoqi dhe nuk ka nguruar ta ekzekutojë. Ngjarja ka ndodhur në datën 26 korrik të vitit 2003 në Shkodër. 38-vjeçarja Drande Tavosja, pas grindjeve të njëpasnjëshme që ka pasur me bashkëshortin e saj, Gjergj Tavosjen, 48 vjeç, ka mundur që të vrasë atë. Menjëherë në vendngjarje kanë shkuar forcat e policisë së qytetit verior, të cilat pasi kanë bërë verifikimet e duhura kanë vënë në pranga 38-vjeçaren.

Tropojë, 30 shtator 2003
Vret pa dashje bashkëshortin, hidhet në lumë dhe mbytet. Një 27-vjeçare nga Dragobia e Tropojës, duke pastruar armën e të shoqit e ka vrarë atë me një plumb në zemër dhe më pas është hedhur në lumin e Valbonës, duke vrarë edhe veten. Ngjarja mësohet se ka ndodhur më 30 shtator 2003, kur çifti kishin 5 vjet që ishin martuar. 27-vjeçarja i ka lënë një letër vjehrrës së saj, ku i shkruante që pa dashje i kishte vrarë të birin, pra bashkëshortin e saj dhe nga ky fakt kishte vendosur të mos jetonte më. Më pas ajo është hedhur në lumë dhe trupi i saj i pajetë është gjetur vetëm pas një jave e gjysmë në lumin Drin.

Kukës, 12 tetor 2003
Vret bashkëshortin, pasi ai tentoi të vriste djalin 15-vjeçar. Ngjarja ka ndodhur në qytetin e Kukësit, më datë 12 tetor të vitit 2003, ku 45-vjeçarja, Mrika.R, ka qëlluar prapa koke me hekur të shoqin. Sipas policisë, ditët e fundit kryefamiljari rrihte djalin e tij të vetëm, pasi ky i kërkonte para. Gjendja e dobët ekonomike bëri që në grindje e sipër me fëmijën, 45-vjeçarja të qëllojë për vdekje burrin, për të shpëtuar nga duart e tij adoleshentin. Më pas ajo shoqërohet në polici.

Lezhë, 24 dhjetor 2003
“Nuk desha ta bëja, por kisha frikë mos më vriste, sepse më keqtrajtonte çdo ditë para dhe mbas buke”, është shprehur Dilore Kukaj gjatë marrjes në pyetje për vrasjen e bashkëshortit të saj. Ngjarja ka ndodhur më 24 dhjetor 2003, në fshatin Krajm të Lezhës, ndërsa 24-vjeçarja Kukaj u arrestua pak momente pas krimit. Nëna e tri vajzave, ku më e madhja ishte vetëm 6 vjeç, nuk ka nguruar të ekzekutojë burrin e saj, Marjan Kukaj, 32-vjeç, pas keqtrajtimeve të përditshme.

Vlorë, 30 dhjetor 2003
Afërdita Lila, 42 vjeçe, ekzekuton të shoqin pasi kishte harxhuar të gjitha paratë me të cilat do të festonin Vitin e Ri. Ngjarja ka ndodhur në datën 30 dhjetor të vitit 2003 në qytetin e Vlorës. Bashkëshorti i 42-vjeçares pasi kishe harxhuar të gjitha paratë që ishin planifikuar për Vitin e Ri rikthehet në shtëpi. Ky veprim ka bërë që Afërdita Lila të qëllojë për vdekje bashkëshortin e saj. Më pas policia arreston 42-vjeçaren me akuzën e vrasjes.

Dibër, 2 shkurt 2004
Nënë e bijë vrasin me mjete të forta bashkëshortin e babanë, Murat Manjani. Më datë 09 shkurt të vitit 2004, rreth orës 18:00, policia ndaloi Pranvera Manjanin, 48 vjeçe dhe Sonila Manjanin, 18 vjeçe, banuese në Homesh, Dibër. Nënë e bijë në bashkëpunim me njëra-tjetrën kanë vrarë me mjete të forta bashkëshortin dhe babanë, Murat Manjani, 55 vjeç. Të arrestuarat kanë treguar para policisë se kryefamiljari dehej çdo ditë duke harxhuar ato të ardhura të pakta që kishin.

Kavajë, 15 korrik 2004
Dylbere Zhukri, 43 vjeç, qëllon me armë bashkëshortin e saj, Said Zhukri, 44 vjeç. Sipas policisë, pista kryesore e hetimit është motivi i xhelozisë. Ngjarja ka ndodhur në datën 15 korrik të vitit 2004 në Kavajë. 43-vjeçarja Dylbere Zhukri, pasi ka marrë armën që ndodhej në shtëpi ka qëlluar për vdekje bashkëshortin e saj. Policia pohon se xhelozia e 43-vjeçares ka qenë shkaku kryesor i këtij krimi. Mësohet gjithashtu, se vrasja ka ndodhur në tronditje të rëndë psikike.

Dibër, 30 korrik 2004
Një 30-vjeçare është arrestuar në Dibër, pasi akuzohet se ka ekzekutuar bashkëshortin e saj. Ngjarja ka ndodhur më 30 korrik të vitit 2004. Manushaqe Topuzi masakron nga mjete të mprehta, me sëpatë, burrin e saj Mina Topuzin. Sipas policisë, në cilësinë e provës materiale, bashkë me ndalimin e Manushaqes u bë edhe bllokimi i një sëpate, me të cilën ishte kryer vrasja makabre. Më pas 30-vjeçarja është shoqëruar në qelitë e paraburgimit.

Tiranë, gusht 2004
Pranvera Haxholli nga Tirana helmon me bar miu bashkëshortin. Ka shtruar drekën si herët e tjera, por në ndryshim në gjellën që do të hante bashkëshorti, kishte hedhur bar miu. Helmi vdekjeprurës ka bërë që pas disa minutash kryefamiljari të ndihej keq dhe të dërgohet urgjentisht në spital ku gjen edhe vdekjen. Ngjarja ka ndodhur në gusht të vitit 2004, ku Pranvera për të shkuar me të dashurin e saj helmon burrin. Por krimi qëndron i fshehur për një muaj, pasi përfundimi i ekspertizës tregon se kryefamiljari ishte helmuar duke hedhur dyshimet te bashkëshortja. Policia pas grumbullimit të provave arreston Haxhillin.

Tiranë, 14 nëntor 2004
Helmon burrin me helm në gjellë dhe e fsheh krimin për gjashtë muaj me radhë. Ngjarja e pazakontë ka ndodhur në fshatin Pezë-Helmes, në periferi të Tiranës. Burime nga policia bënë të ditur se, Vera Qevani ka helmuar bashkëshortin Ferit Qevani, duke i hedhur helm në gjellë, i cili gjeti vdekjen në spital. Ajo është arrestuar gjashtë muaj pas vrasjes. Rreth një javë para arrestimit, pas një grindjeje banale me djalin 15-vjeçar, i thotë se do ta pësonte njësoj si babai i tij. I irrituar nga kjo thënie e mamasë, djali i tregon të gjithë bisedën xhaxhait. Ndërsa ky i fundit shkon në komisariat dhe realizon një denoncim ndaj kunatës për vrasjen e vëllait të tij.

Tiranë, 1 shkurt 2005
Një 37-vjeçare nga Tirana vret me thikë burrin e saj 63-vjeçar. Sipas policisë së kryeqytetit mësohet se, motivi kryesor i këtij krimi kanë qenë grindjet e shpeshta që kanë qenë mes tyre. Diferenca e moshës mes burrit dhe gruas ka qenë nismëtari i zënkave të përditshme të çiftit. Kjo ka bërë që 37-vjeçarja në datën 1 shkurt të vitit 2005 të marrë thikën e bukës e të qëllojë për vdekje të moshuarin. Më pas policia bëri arrestimin e saj.

Kavajë, 2 shkurt 2005
I janë errur sytë kur ka parë bashkëshortin me të dashurën e tij në shtëpinë e tyre dhe në këto kushte e ka ekzekutuar me çifte. Krimi ndodhi në familjen Zhupi, në Momël të Kavajës, më 2 shkurt të vitit 2005. Dylbere Zhupi, 42 vjeç, nënë e 3 vajzave, ka ekzekutuar brenda në shtëpi burrin e saj 47-vjeçar, Siat Zhupi. Më pas ajo ka njoftuar policinë për atë që ka bërë dhe nuk është larguar nga vendngjarja. Sipas policisë, gruaja po kthehej nga një vizitë me tri vajzat e tij kur ka gjetur të shoqin me të dashurën 23-vjeçare, banore e të njëjtit fshat.

Selanik, 7 mars 2005
Një shqiptare 24-vjeçare ka vrarë për motive xhelozie ish-të dashurin grek. Ngjarja ka ndodhur në 7 mars të vitit 2005, kur 24-vjeçarja Anastasi Sotiri ka vrarë për konflikte 45-vjeçarin grek Jorgos Juanidis. 24-vjeçarja jetonte dhe punonte në Selanik, ku dhe dashurohet me 45-vjeçarin. Kjo lidhje ka zgjatur për disa vite, por është shoqëruar me shumë kontradikta që çuan në ndarjen e çiftit. Por, edhe pas ndarjes, vajza shqiptare vazhdonte të ushqente ndjenja për të ish-të dashurin dhe duke mos arritur të përtypë një tjetër lidhje që ai kishte krijuar, e ekzekuton me tre plumba pistolete.

Korçë, 9 prill 2005
Ditera Çinolli, 49 vjeç, është arrestuar nga uniformat blu të Korçës pasi akuzohej se kishte helmuar të shoqin me fostoksinë. Bashkëshorti i 49-vjeçares, Tefik Çinolli, ka shkuar në spitalin e Korçës në gjendje shumë të rëndë, duke menduar se ishte helmuar me ndonjë ushqim, por vetëm disa orë më pas ai ka vdekur. Fill pas vdekjes së tij kanë filluar hetimet dhe më 10 prill 2005 është arrestuar bashkëshortja e tij. Ngjarja ka ndodhur në fshatin Kuç i Zi të Korçës, ku 49-vjeçarja Çinolli pas një grindjeje që ka pasur në mbrëmje me bashkëshortin, dyshohet se e ka vrarë atë. Ajo i ka hedhur helmin në gjellë dhe i ka dhënë fund jetës së burrit të saj.

Burrel, 30 maj 2005
Mahmut Kadiu është vrarë nga komshija e tij, pasi ka tentuar ta përdhunojë. Ngjarja ka ndodhur në datën 30 maj të vitit 2005, në fshatin Gurrë e Madhe në Burrel. Duke qenë se gruaja e shtëpisë ishte e vetme, futja në shtëpinë e saj nuk ka qenë një problem. Por me rezistencën e Zalires Xhafës ai ishte ndeshur edhe dy herë të tjera. Pasi është futur në banesën e saj, mësohet se e ka kapur me forcë dhe është përpjekur që të kryejë marrëdhënie seksuale me të. Në përleshje e sipër, Zalirja ka rrëmbyer një automatik që mbante në shtëpi dhe e ka derdhur të gjithë karikatorin në drejtim të tij.

Berat, 2 qershor 2005
Gruaja vret me thikë pas shpine burrin e saj. Ngjarja ndodhi në familjen Bazonja, në Berat, më 2 qershor të vitit 2005. 37-vjeçarja Elvira Bazonja, pas një grindjeje të radhës me bashkëshortin e saj, Rakip Bazonja, 63 vjeç, e ka goditur këtë të fundit me thikë pas shpine, duke e lënë të vdekur në vend. Autorja e krimit ka thënë se grindej pothuajse çdo ditë me bashkëshortin e saj, pasi ai e keqtrajtonte. “Më keqtrajtonte mua dhe fëmijën, si dhe largohej nga shtëpia shpeshherë dhe nuk na linte lekë për të blerë ushqime. Ka shkuar në gjykatë për të kërkuar divorcin, pasi dyshonte se unë e tradhtoja”, mësohet të ketë thënë gruaja.

Elbasan, 28 korrik 2005
Majlinda Shuaipi, 50-vjeç, vret të shoqin me sëpatë. Sipas policisë, ajo ishte e sëmurë psikike. Ngjarja ka ndodhur në datën 28 korrik të vitit 2005 në Elbasan. Policia pohon se, mënyra e vrasjes së 54-vjeçarit Dervish Shuaipi tregon se është kryer nga një person me kriza të forta nervore. Më pas gruaja 50-vjeçare është arrestuar disa orë pas krimit dhe është dërguar menjëherë në spitalin psikiatrik të qytetit të Elbasanit, ku do t’i nënshtrohet kurimit, në të njëjtën kohë që do të hetohet për zbardhjen e rrethanave të kryerjes së krimit.

Vlorë, 2 shtator 2005
Një 49-vjeçare nga qyteti i Vlorës ka vrarë bashkëshortin e saj gjatë natës së 2 shtatorit të vitit 2005 në rrethana që janë zbardhur pjesërisht nga policia. Elisabeta Gjoka qëlloi me mjete të forta duke i shkaktuar vdekjen bashkëshortin e saj, Vasil Gjoka, në banesën e tyre në lagjen “24 Maji” në Vlorë. Sipas policisë, autorja e dyshuar mendohet ta ketë kryer krimin në kushtet e një depresioni të thellë. Ajo ishte me probleme mendore dhe për këtë ishte kuruar në spitalin neuropsikiatrik të qytetit.

Kurbin, 12 tetor 2005
Dava Laska është arrestuar në sallën e gjyqit, pas përfundimit të dëshmisë së saj për vrasjen e bashkëshortit më 12 tetor të vitit 2005 në Kurbin. Dëshmia e rreme si dhe dyshimi për vrasjen e burrit të saj, Fran Laska, ka bërë të mundur arrestimin. Sipas policisë, Fran Laska u gjet i vrarë e i djegur dhe më pas hedhur në një kanal, në fshatin Adriatik të Kurbinit. Hetimet e policisë kanë zbardhur vrasjen e Laskës, duke dërguar në qeli bashkëshorten e tij, Dava.

Librazhd, 4 nëntor 2005
Masakron burrin se ishte xheloz. Edlira Lilaj, 26 vjeç, ka vrarë me sëpatë bashkëshortin e saj me të cilin kishte vetëm një vit martesë, pasi ai ishte shumë xheloz. Ngjarja ka ndodhur në një fshat të Librazhdit, më 4 nëntor 2005. Policia ka arritur të arrestojë menjëherë 26-vjeçaren Lilaj, e cila ka pohuar edhe para uniformave blu se e kishte vrarë burrin nga xhelozia. Pas ekspertizave që i janë kryer së resë, nga specialistët mjeko-ligjor, ka rezultuar se ajo vuante nga sëmundje nervore dhe nuk ishte mjekuar asnjëherë për këtë gjë.

Lurë, dhjetor 2005
Vret më sëpatë bashkëshortin, babanë e 7 fëmijëve, më i madhi prej të cilëve ishte 20 vjeç. Dilore Lushi, ka vrarë burrin e saj pasi e keqtrajtonte vazhdimisht kur shkonte i dehur në shtëpi. Ngjarja ka ndodhur në dhjetor të vitit 2005, në një fshat të Lurës. Pasi e ka masakruar me sëpatë, Halim Lushin, ajo është arrestuar nga uniformat blu, si dhe ka pranuar veprën që sapo kishte kryer, duke e justifikuar me veprimet që bënte ai kur shkonte në shtëpi.

Tiranë, 11 prill 2006
Grindjet e shpeshta me bashkëshortin kanë çuar 37-vjeçaren nga Tirana ta qëllojë për vdekje. Ngjarja ka ndodhur më 11 prill të vitit 2006, përballë Ministrisë së Mbrojtjes në kryeqytet. Afërdita, 37 vjeçe, teksa grindej duke ecur rrugës me të shoqin moshatar, Pëllumbin, i qëllon këtij të fundit me thikë në shpatull. Ndërsa më pas, bashkëshorti i saj Pëllumb Sula u dërgua në spital ku u kurua nga mjekët, por vdiq një ditë më vonë pasi plagët ishin të rënda. Për këtë vepër penale 37-vjeçarja u dënua me gjykim të shkurtuar 8 vjet heqje lirie.

Berat, 2 tetor 2006
Lindita Shuka vret bashkëshortin e saj, Besnik Shuka, teksa ai po flinte. Autorja e krimit deklaroi se e vrau burrin pasi ushtronte dhunë ndaj saj. Sipas policisë, vrasja është kryer rreth orës 02:00 minuta të mëngjesit të datës 2 tetor 2006, në hotel “Belinda” në Berat, pronë e Besnik Shukës. 35-vjeçarja, Lindita Shuka, nënë e tre fëmijëve, është ndaluar për vrasjen e kryer. Sipas policisë, Lindita e ka qëlluar Besnik Shukën me një automatik “Skorpions”. Ajo e ka qëlluar vetëm një herë në kokë, ndërsa bashkëshorti i saj po flinte. Ndërkohë, rreth orës 04:00 të mëngjesit Lindita ka bërë një telefonatë në polici dhe ka njoftuar për vrasjen.

Tiranë, 15 mars 2007
Më 15 mars të këtij viti, familja Pajana në Baldushk të Tiranës kishte mbaruar darkën dhe fëmijët kishin dalë jashtë, përveç vajzës 13 vjeçe. Sapo Aishja ngriti pjatat nga tavolina, nuk ngurroi të rrëmbente një copë dru që e mbanin në shtëpi për bagëtinë. Goditjen e parë Hasan Pajana, bashkëshorti i Aishes, e ka marrë prapa kokës dhe u shemb në dyshemenë e shtëpisë. Vajza 13 vjeçe afroi gomarin dhe trupi i pajetë u ngarkua për t’u dërguar në kodrinën që ndodhej rreth 500 metra larg shtëpisë, ndërsa u hapën fjalë që Hasani kishte shkuar në Greqi. Ka mjaftuar vetëm një muaj që gruaja t’i tregojë policisë gjithë ngjarjen e më pas të zbulojë kufomën e Hasan Pajanës, të cilën e kishte groposur afër shtëpisë.

Tiranë, Gusht 2001
Çdo natë duhet të duronte goditjet e bashkëshortit, i cili vinte I dehur. Çdo natë do të dëgjonte kërcënimet e tij, deri në gisht të vitit 2001, kur Erjola H. nga Burreli, por me banim në Tiranë do ta qëllonte për vdekje bashkëshortin e saj. Kishin tre vjet që ishin martuar, por gjatë këtyre viteve 26-vjeçarja kishte duruar vetëm keqtrajtimin e kryefamiljarit. Sipas policisë në gjaknxehtësi e sipër Erjola ka qëlluar mbi burrin duke e lënë të vdekur në vend. Më pas ka lajmëruar policinë duke treguar edhe ngjarjen si dhe motivin që e kishte detyruar të kryente këtë krim.

Tirana Observer


Ps....Il Santo ja pasojat e dhunes...edhe keto nga dashuria e kane bere me siguri!!!

[ThE_DaRk_NiGhT]

Kjo qe ndodh vetem kur njeri prej bashkeshorteve krijon merredhenie xhelozie ose eshte antikapat

[DI_ANA]

Kjo qe ndodh vetem kur njeri prej bashkeshorteve krijon merredhenie xhelozie ose eshte antikapat

Xhelozia nuk duhet të krijojê dhunë dhe nuk mundet të justifikohet kjo dhunë e ushtruar prapa saj!!!!
Dhuna është nje sëmundje e shpifur dhe një akt që duhet dënuar dhe luftuar!

[DI_ANA]

Dhuna psikologjike, njësoj si e rrahura

Keqtrajtimet më të mëdha i pësojnë të miturit, që mbijetojnë në vatrat e konfliktev në vende të ndryshme të botës.

Studimi ndër radhët e ekspertëve po bën bujë dhe rezultatet janë formuluar më se qartësisht: torturat fizike te të burgosurit japin të njëjtat pasoja afatgjata siç jep një përdhunim apo keqtrajtim fizik. 279 viktima të torturës dhe dhunës nga luftërat civile në ish-Jugosllavi janë marrë në shqyrtim nga një grup shkencor i udhëhequr nga psikologu Dr. Metin Basoglu i "University of London".

Vlerësimet që ata kanë dhënë në intervistat e tyre, flasin qartë për këtë fakt. A kanë qenë njerëzit e testuar nga psikologu viktima, apo i janë nënshtruar rregullisht manipulimit të qëllimshëm, presioneve dhe stresit të jashtëzakonshëm psikologjik, dhe a kanë vuajtur ata për vite të tëra më vonë nga pasojat e ngjashme e të forta afatgjate, siç dihet se ndodh zakonisht kur pëson dëmtime apo dhunime trupore e tortura fizike?

Edhe format më të padëmshme të presionit, si izolimi, cilësohen aty si të ngjashme me torturat e dhunimet fizike, shkruan Dr.Basoglu dhe kolegët e tij në revistën e specializuar që merret me probleme të psikologjisë e psikiatrisë "Archives of General Psychiatry". "Një ndryshim mes torturës dhe trajtimit poshtërues nuk është vetëm i pavlerë, por edhe i rrezikshëm", komenton ndër të tjera për revistën në fjalë psikologu Steven Milesm, profesor në Universitetin e Minnesota-s,.

Edhe në pasojat afatgjata psikike, shkencëtarët nuk kanë gjetur asnjë ndryshim thelbësor mes torturës fizike e asaj psikologjike. Para së gjithash, prishja apo ndërhyrja në ritmin e ciklin normal të një njeriu, siç është izolimi nga jeta e përditshme, pengimi i mundësive që një person të përfitojë lirisht nga mundësitë që i jep jeta, apo kërcënimet, ka pasur të njëjtat pasoja ashtu sikurse kanë viktimat e një dhunimi apo abuzimi fizik.

Të prekurit vuajnë me vite të tëra nën efektet e ashtuquajtura "shqetësime post traumatike": tmerri, ankthi, rikthimi i kujtimeve nga e kaluara e hidhur, apo shqetësimet gjatë gjumit. Të gjitha këto bëjnë pjesë në përditshmërinë e jetëve të tyre.

Edhe dhimbjet fizike në trupin e tyre, paniku apo humbja e ndërgjegjes, mund të dalin në pah aty.


"Rezultatet vlejnë edhe për fëmijët"


Rezultatet e reja, të përftuara nga ky studim, do të sjellin disi pështjellim në shpjegimin e rrezikshmërisë, në ato kategori njerëzish që gjenden në frontin e luftës kundër terrorizmit për shembull, e që e shohin torturën psikologjike si një mjet me pasoja gjithsesi shumë më të lehta se sa tortura fizike, kur marrin në pyetje të dyshuarit gjatë seancave të hetimit.

Përveç kësaj, ngrihet dhe pyetja nëse ashtu sikurse të rriturit në zonat e luftërave, edhe fëmijët në vendet e paqta të jenë prekur nga kjo lloj torture.

Sigurisht që Dr.Basoglu shpjegon, duke na demonstruar rezultatet e testimeve të tij, se ekipi i tij nuk ka dashur të përfshijë në këtë test fëmijët, por ka përmendur disa aspekte të studimit që të çojnë në këtë përfundim. "Ato mekanizma psikike që çojnë te të rriturit në trauma të vazhdueshme, mund të ndodhin ngjashmërish te fëmijët", thotë ai.

E në këtë mendim ai nuk është i vetëm. Që largimi nga ngrohtësia e vatrës shtëpiake, në zhargonin popullor cilësohet si privim, që paraqet në vetvete një formë të abuzimit me fëmijën, shumë specialistë e shohin si fakt të pranuar në mënyrë të mirëfilltë nga të gjithë. Rezultatet e studimit të Dr.Basoglu "u përkasin në mënyrë absolute edhe fëmijëve", thotë nga ana tjetër Ernst Pfeiffer, profesor për psikiatrinë e fëmijëve dhe të rinjve në klinikën "Charite" të Berlinit.

"Ka shumë dëshmi për këtë, të sjella nga grupe të tjera kërkimore. Këto forma të ‘mbingarkesës psikologjike‘ çojnë 30-50 për qind të fëmijëve në dëmtime afatgjata konjitive e psikiatrike".

Se sa shumë ndikon privimi nga një e drejtë e menduar gjerësisht në opinion për zhvillimin e mëvonshëm të një fëmije, këtë kanë dashur ndër të tjera ta shpjegojnë e ta studiojnë konkretisht edhe shkencëtarët në Universitetin e Nju-Jorkut.

Së bashku me kolegë të tjerë britanikë, ata kanë ndjekur zhvillimet e fëmijëve që janë rritur në kushte mizerabël në jetimoret e Rumanisë gjatë kohës së pushtetit komunist të Nicolae Ceausescu-t.


Pasojat edhe shumë vite pas traumave

Kështu rezulton se, megjithëse këta fëmijë janë adoptuar më pas nga familje perëndimore, kanë shfaqur edhe pas shtatë vitesh nga shkëputja prej terrenit ku kanë jetuar fillimisht mangësi të mëdha në zhvillimin mendor.

Në krahasim me shokët e tyre bashkëmoshatarë nga Evropa perëndimore, niveli i inteligjencës së tyre është vënë re se kapte 15 gradë më pak. Rezultatet në fjalë, të publikuara në revistën e specializuar "Child Development" qysh në muajin maj të vitit të shkuar, përputhen kësisoj me përfundimet e sjella nga Dr.Pfeiffer, pasi ata i shpjegojnë pasojat tek fëmijët pas shumë vitesh me privimet që u janë bërë në kohën e hershme.

Ky efekt shfaqej thuajse te të gjithë ata të cilët në moshën nga 6 deri në 42 muaj i ishin nënshtruar stresit (fatkeqësisë) së qëndrimit në shtëpitë e jetimëve të periudhës diktatoriale.

Nga pikëpamja e një psikologu fëmijësh dhe studiuesi social, fusha e torturës psikologjike e emocionale është thuajse e parrahur mirë në terren, thekson një specialist tjetër i kësaj fushe, Heinz Kindler, i Institutit Gjerman për Problemet Rinore (DJI): "Te keqtrajtimet psikike me distancë, kemi shumë më pak informacione e të dhëna për fëmijët e prekur, të paktën në ato raste kur keqtrajtimi psikik del qartë si një formë eksplicite".

Se sa shpejt prindërit, shpesh pa marrë vesh fare nga kjo punë, e keqtrajtojnë në mënyrë psikike dhe emocionale krijesën që ata vetë kanë sjellë në jetë, e sqaron më së miri vështrimi mbi definicionin shkencor të këtij nocioni.

Edhe përsëritja e kërcënimeve dhe presioneve, kritikat e vazhdueshme, apo dhe refuzimi që u bëjnë fëmijëve, futen në këtë kategori. Edhe parapëlqimi që ata u bëjnë fëmijëve të tyre, duke veçuar për shembull vëllain më të vogël, apo atë më të madh, djalin apo vajzën, "dëmton një zhvillim të shëndetshëm shpirtëror e mendor te fëmijët", thuhet më tej në prononcimin e tij.

Për specialistë si Pfeiffer, një aspekt tjetër është më i rëndësishëm për t‘u mbajtur parasysh.

Përveç shqetësimeve, në zhvillimin e fëmijëve presionet psikologjike dhe emocionale shkaktojnë, sipas shkallës së tyre, edhe pasoja me kosto ekonomike e sociale. Në rastet ekstreme dërgim në psikiatri, apo mbyllje të të rinjve në vetvete. Gjithçka është e mundur në këtë kontekst, nëse fëmijëve u duhet ta nisin jetën si viktima të torturës psikologjike.


marrë nga "iliriaplus."

[DI_ANA]

Dhuna moderne mbi femrat

Ç’është dhuna mbi femrën

Dhunë ndaj femrës konsiderohet çdo lloj dhune e bazuar në gjini e cila rezulton ose mund të rezultojë me lëndim ose vuatje fizike, seksuale apo psikologjike të femrës. Ky shkrim nuk do të trajtojë mavijosjet e femrës, eshtrat apo brinjët e thyer e të ngjashme, por do të trajtojë forma shumë më perfide të dhunës mbi femrën, e të cilat në jashtësi përcillen me buzagaz e mirësjellje.


Psikiatri amerikan Skot Peck të keqen e përkufizon si “e keqja është imponimi i vullnetit vetjak me qëllim të pengimit të zhvillimit shpirtëror.” Thënë ndryshe, çdokush që palës tjetër përpiqet t’ia imponojë konceptet vetjake të të kuptuarit të dukurive të caktuara pa i lënë hapësirë për mospajtim ose qëndrim tjetërfare, ai bën ndërhyrje, asfiksim dhe pengim të tjetrit, dhe do të shkaktojë hendikep të përhershëm në pikëpamjen mentale të personalitetit ose grupit me të cilin është manipuluar.


Është lehtë të dëshmohet dhe demonstrohet kjo gjendje. Vetëm nëse e hapim televizorin, brenda dite, femrën do ta gjejmë si objekt reklamues apo si objekt që reklamon gjerat e ndryshme: aeroplanet, automjetet, rrobat e ndryshme, ushqimet e ndryshme; ajo është objekt epshi, perversiteti, shfrenie, komercializmi.

Vendtorturimet moderne të femrës

Evropa nga shekulli XV-XIX ka qenë një vend turturues i femrës që është vështirë t’ia gjesh shoqen në histori. Gjuatja e shtrigave në Evropë ka marrë pas vetes deri në 9 milionë koka femrash. Pas kësaj dhune qëndronte kryesisht Kisha katolike dhe priftrinjtë e saj dhe instrumenti i saj – shteti. Kisha femrën e konsideronte si krijesë të keqe, krijesë të ligë që e nxori Adamin nga parajsa, krijesë që meriton vetëm vdekje. Kisha sidomos ishte alergjike ndaj femrave intelektuale, duke i shpallur ato për shtriga. Shtrigat zakonisht digjeshin mizorisht, vareshin, shqyheshin deri në vdekje. Opinioni manipulohej se femrat e këtilla kanë prekur sedrën e Kishës, të vërtetat e Zotit dhe si të tilla meritojnë vetëm vdekje të dhembshme. Njëkohësisht, kjo ishte vërejtja e fundit edhe për femrat e tjera, se femrat janë të krijuara vetëm për plotësimin e kënaqësive të epsheve. Asgjë më shumë.
Si qëndron puna sot? A kemi dhunë të tillë sot kur fenë e shporrëm nga jeta publike, politike, ekonomike, kur e vendosëm në muzeume? Sot femra kërkohet në politikë, ekonomi, kulturë, sport! Ajo është pjesëmarrëse në vendimmarrje! Pas kësaj që shohim, ç’mund të themi: kemi dhunë sot dhe kush është fajtorë për këtë dhunë nëse ajo ekziston?


Për fat të keq, femra është pjesëmarrëse në jetën publike, por jo në aspekt që flitet. Prosperimi i saj lidhet ngusht me nevojat e epshet e ulta të meshkujve. Vendtorturimi modern i saj është puna e saj si top-modele, këngëtare, moderatore e show-programeve të ndryshme, për t’i kënaqur sytë e pangopur të mashkullit moralisht të kalbur. Kodoshllëku modern nuk dallon nga ai i vjetri, të fitojë në dëm të tjetrit, normalisht, duke i modernizuar mënyrat organizative. Tash, në krahasim më të shkuarën, kemi më shumë qeshje, më shumë retorikë erotike, përkulje perfide të vazhdueshme, si puthja e dorës, hapja e derës në automjet, dhënia përparësi në hyrje-dalje etj.

Prototipi i femrës moderne

Nëse i hedhim një vështrim personazheve dhe profilit të femrës në letërsi për fëmijë apo edhe në zhanret e tjera, do të shohim një gjendje të çuditshme. Këta personazhë janë figura moralisht të diskutueshme, me shprehi negative, me zhvillim psiko-fizik të gabueshëm. Për fat të keq, këta figura janë bërë prototipë të femrës moderne. Edhe Borëbardha, edhe Kësulkuqja, edhe Pipi çorapëgjatë, edhe Alisa nga bota e çudirave, zakonisht nuk kanë më të afërmit e tyre për mbëltim të dashurisë dhe edukimit cilësor. Këta personazhë zakonisht janë mjaft naivë dhe zakonisht ata nuk i shpëton dija, morali, apo meditimi, por princi i pasur. Pason dashurimi në shikim të parë, pa njohjen e ndërsjellë. Për të pranuar martesën Borëbardhës i është nevojitur vetëm një buzëqeshje dhe puthje dhe xhepi përplotë para nga Princi. Lumturia e Borëbardhes dhe Princit, në të cilën thirret autori, nuk çojnë më tej se Borëbardha të vendoset në rolin e ajrosjes së pallatit, pastrimit të pluhurit, bërjes së ëmbëlsirave e të ngjashme. Thjesht, femrën e shohim si prototip të krijesës për shfrenim e kënaqësi, naive, të krijuar për punë shërbyese, por jo edhe intelektuale; atë e shohim jo si qenie që ndihmon njerëzinë me intelekt e shpirt, por me trup dhe bukuri.

Çështjet e mirëfillta

Në fillim të erës islame, femrat sahabe të Muhammedit a.a. merrnin pjesë aktive në shpjegimin dhe interpretimin e shumë çështjeve, duke i shtruar pyetje Muhammedit a.s.. Pyetjet ishin të natyrës së ritualeve, të drejtave ndërnjerëzore, bontonit, vesh-mbathjes, transakcioneve ekonomike etj.. Muhammedi a.s. i ka përkrahur ato dhe kjo mund të vërehet edhe sot nga dora e parë nga burimet muslimane të hadithit dhe rasteve të shkruara. Kjo klimë pozitive ka ndikuar që në atë kohë të zhvillohen femra me aftësi të mëdha intelektuale dhe gjykuese. Ky ritëm ka vazhduar edhe në kohën e mëvonshme, por jo edhe në periudhën e stagnimit musliman, kur mashkulli është kënaqur që femra t’i bëhet lavatriqe e mirë, kuzhiniere e mirë, pastruese shtëpie dhe riprodhuese e mirë, por jo edhe intelektuale e mirë.

Anatomia e dhunës

Dhuna është rezultat i konfliktit e konflikti është rezultat i mosmarrëveshjeve. Mosmarrëveshjet janë pasojë e akcesit të gabueshëm në vlerësimin e dallimeve. Edhe pse dallimi, qoftë fizik, intelektual apo material, duhet në jetë në funksion të pasurimit dhe mirëkuptimit (li teârefû), në sytë e njerëzve egoistë dhe prepotentë, dallimi bëhet zjarr për inicimin e konfliktit të interesit, deri sa konflikti i interesit rezulton në përdorimin e aspekteve të ndryshme të dominimit, ku bën pjesë edhe forca. Nëse konstelacionin e sipërm e vendosim në nivel rajonal apo ndërkëmbëtar, do të shohim se shumë shtete sillen pikërisht në këtë mënyrë, duke i detyruar popujt e vegjël apo të dobët në heqje dorë nga shumë gjera me rëndësi dhe në privilegje të të pasurve dhe të fortëve. Pikërisht sikurse këto shtete të dobëta e të painformuara, edhe meshkujt dhe femrat bëhen pre, viktimë e lehtë në arenën botërore të dominimit dhe interesit.

Akcesi ndaj sfidave

Njeriu ka prirje që për mossuksesin e tij ta akuzojë dikend tjetër, zakonisht faktorët e jashtëm, që mos të ballafaqohet me mangësitë personale. Djemtë dhe vajzat për mossukseset e tyre akuzojnë kolegët e shpesh edhe fajin ia lënë sihrit dhe magjisë në vend që të hulumtojnë dhe eliminojnë mangësitë vetjake.


Me qëllim që të mbrojnë paraqitjen pozitive për veten, njeriu ka krijuar mekanizma të shumtë për të mbrojtur vrimat ‘e zeza’ në personalitetin e tij. Ky akces është nga jashtë brenda (outside-in) dhe manifestohet duke gjetur alibi për mangësitë vetjake në faktorët e jashtëm.


Akcesi i dytë është nga brenda jashtë (inside-out) dhe nënkupton ndërtimin maksimal të vetes dhe ndërrimin e personalitetit vetjak. Kjo konsiston në bindjen që njeriut askush nuk mund t’i bëjë keq përveç nëse në këtë ai/ajo lejon. Apo, njeriun askush nuk mund ta turpërojë më shumë se sa ai vetveten.


Njerëzit martohen, miqësohen apo hyjnë në institucione duke kërkuar më shumë mirkuptim, dashuri, shërbime, ngushëllime, kohë dhe në këtë rreth prej shumë individëve që gërshetohen, ku shumica shumë më tepër kërkon se sa ofron, lindin boshllëqe të zgjeruara të cilat gjenerojnë jaze të pakalueshme dhe ftohtësi mes veti.


Brezat e parë të muslimanëve dallohen prej të sotmëve me atë që ata ishin njerëz të mëdhenjë të cilët erdhën ta lumturojnë këtë planetë të vogël, deri sa muslimanët aktual janë njerëz të vegjël të cilët kanë ardhur të kërkojnë lumturi në këtë planet të madh.


Qëndrimi i fundit është shembull i dhunës moderne, të cilin njeriu ia bën vetes meqenëse vetvetiu e dëmton potencialin e dhënë nga Zoti të intelektit dhe shpirtit duke pranuar pozitë të mjerueshme të të nënshtruarit.


Vetëm njerëzit me qëndrim proaktiv mendor e plotësojnë përkufizximin e personaliteteve të fuqishme dhe e arsyetojnë qëndrimin e tyre në këto hapësira.

Mendimi përmbyllës

Shpesh dëgjojmë se baballarët i thërrasin sugareshat e tyre me “princesha ime”, apo barrat i thërrasin nuset e tyre “mbretëresha ime”. Kjo do të ishte në rregull, sepse njeriu kënaqet nga fjalët e mira, sikur pas këtyre fjalëve mos të qëndronte tentimi i mbulimit të mungesave dhe të mospërsosurive vetjake. Ky abuzim me femrën moderne i ngjanë asaj të lojës së shahut. Që ta kuptojmë ku qëndron abuzimi, do të theksojmë se ndër figurat e shahut vetëm një është femër – mbretëresha. Atë e pëlqejnë më së shumti kundrejt mbretit, i cili është statik, i ngathët dhe gjithnjë pas perdes, i mbrojtur nga topi, gjuetarët, kuajt, piunët etj. Mbretëresha nuk e ka këtë problem, asaj i është dhënë liri e lëvizjes dhe veprimit, por pikërisht për këtë ajo është figura më e eksponuar dhe më e përfolur. Ajo i ngjanë femrës së zhveshur në pub-lokale, së cilës i japin ndjenjën e vlerës së rrejshme kuajt, topat dhe figurat e shumta. Mbretëresha është figura që më së shumti rrezikon dhe shpesh pëson, duke mos pritur fund të lumtur. Madje, lojërat më të famshme të shahut janë ato, në të cilat viktimizohen mbretëreshat për të krijuar epërsi në fushën e tabelës së shahut.


Nexhat Ibrahimi
Publicist

[suada dr]

waw sa me kan shokuar keto qe lexova!!!
Me habisin disa njerez, ajo historia asja gruas se martuar nje her,bahhh.
Sa per dhunen ne cift me duket gjeja me e ulet qe mund te bej njeriu, keta njerez duhet te denohen, dhe duhet te jen keto femra qe duhet ti denoncojne.
Ai qe te rreh nje her ka me te rrah gjith jeten.
E cfare edukate do marin femijet kur shikoj babin e tyre teksa rreh nenen???!!!
Kam degjuar raste dhune plot, dilte gruja shkret nga shpia me sy te nxir e thoshte me ra tigani nga rafti padashje.Munohen te shkretat me gjet edhe justifikime per te tjeret.
P.S MOS PRANONI DAJAKUN SE KENI ME VUJT GJITH JETEN!!!