Burg per policin qe vrau vellane e plagosi nipin

[RaPSouL]

E Marte, 15 Maj 2007


Tirane- Tre dite pas krimit makaber ne familjen Luca ne Institutin Bujqesor te Kamzes, polici i akuzuar per vrasjen e vellait dhe plagosjen e nipit nuk ka pranuar te flase para gjyqtarit te gatshem. Grupi i shoqerimit ka nxjerre ne salle per mase sigurie Nik Lucen, ish efektivin e Repartit 324 ne Tirane, tashme i pezulluar nga detyra. Gjykata e Rrethit i dha masen e sigurise “arrest me burg” 45 vjecarit qe ekzekutoi me armen e punes Gjergj Lucen. Prokurori i ceshtjes kerkoi masen “arrest me burg”, e cila u pranua nga gjykata, me akuzen e “vrasjes” dhe te “plagosjes”. Ngjarja per te cilen akuzohet ish-polici ndodhi ne zonen e "Bregut te Lumit" ne Tirane, pasditen e se shtunes, per motive te dobeta.

[RaPSouL]

Operacioni i deshtuar, shkarkohet oficeri dhe 4 police

FIER - Pese uniforma blu kane lene detyren pas deshtimit te operacionit per arrestimin e Ahmet Isufit, i kerkuar per trafik te lendeve narkotike nga policia e Durresit, nderkohe qe prokuroria e po ketij rrethi kishte pushuar ceshtjen. Punonjesit e policise u shkarkuan per neglizhence dhe mungese profesionalizmi gjate operacionit, kurse gjate dites se diele dhe dje, ne komisariat u shoqeruan rreth 40 persona deshmitare te incidentit midis policise dhe mbrojtesve te te kerkuarit.

Nga ana tjeter, kjo ngjarje ka shkaktuar dhe akuza politike e institucionale. Kryeministri Sali Berisha ne Grupin Parlamentar te Partise Demokratike, akuzoi kryeprokurorin Theodhori Sollaku se la te lire nje trafikant droge kundrejt vleres ne para. Ministria e Brendshme gjithashtu, akuzon prokurorine e Durresit per pushimin e ceshtjes ndaj Isufit, nderkohe qe sipas saj, personi eshte arrestuar me droge. Si pergjigje ndaj ketyre akuzave, Nasip Naci, kreu i prokurorise se Durresit, thote se ka informuar policine per cdo veprim te kryer ndaj Ahmet Isufit dhe se ndaj ketij personi nuk kishte asnje prove ligjore dhe pse kishte informacione operative.

Pasi operacioni ka deshtuar, drejtuesit e policise se qarkut Fier, marrin ne analize situaten. Humbja e operacionit eshte shoqeruar me pushimin nga puna te inspektorit te krimeve te zones, Adriatik Nikollari dhe kater policeve qe ndodheshin me detyre ne fugonin policor. Pese punonjesit jane munduar te justifikojne mosnderhyrjen dhe mosarritjen e arrestimit te personit ne kerkim per shkak te situates se krijuar, jo vetem nga familjaret e tij, por edhe nga banore te lagjes. “Gjendja u acarua, kur qytetare te rastesishem u mblodhen shume. Per te kontrolluar situaten qe ajo te mos degjeneronte ne gjakderdhje, u larguam, por jo se e lame me kaq”, thote nje nga te larguarit nga detyra. Kurse nga drejtuesit e policise, nuk jepet asnje deklarate per shkarkimin e inspektorit te krimeve te zones dhe kater punonjesve te fugonit tip “Ford”.

“Nuk zbatuan detyren e marre nga titullaret e tyre. Operacioni ende vazhdon per shtetasin Ahmet Isufi, pasi ka kundershtuar me force dhe arme Policine e Shtetit”, thote nje zyrtare qe nuk do te identifikohet. Gjithsesi, dhe pas deshtimit, mesohet se ne Fier jane kryer disa kontrolle banesash dhe ne ambientet e komisariatit jane shoqeruar rreth 40 persona, te cilet jane marre ne pyetje per ngjarjen e nje nate me pare ku u largua nje i kerkuar. Policia ka bere dhe bllokimin e pese automjeteve me targa te huaja dhe pa dokumente perkatese.

Sipas policise se Fierit, operacioni policor per venien ne pranga te te kerkuarit Ahmet Isufi i organizuar mbremjen e se shtunes deshtoi, pasi ishin familjaret ata qe ndihmuan personin te largohej duke iu kundervene forcave te policise me pretekstin se ceshtja ishte pushuar per mungese provash. Isufi eshte akuzuar per sasine e 117 kg hashash qe eshte sekuestruar ne nje ambulance te spitalit te Fierit disa muaj me pare ne qytetin e Durresit. Lidhur me pafajesine e tij, policia nuk ka pasur dijeni, por e ka pasur ate ne listen e personave te shpallur ne kerkim. Pas informacionit te marre se i kerkuari Isufi ndodhej ne banese, nje “Ford” policie shkoi per ta arrestuar ne lagjen “Sheq i Vogel”. Kjo nuk u arrit per shkak te nderhyrjes se familjareve te tij si dhe te shume qytetareve, qe po shikonin skenen, pasi mund te kishte ndodhur konflikt, thone zyrtare te policise lokale.

Kush eshte Ahmet Isufi?

Ahmet Isufi njihet publikisht si biznesmen qe merret me ndertime. Banoire ne Fier, shprehen se e njohin si nje njeri i ndershem dhe punetor. Rreth gjashte muaj me pare, Isufi u akuzua se ishte poseduesi i sasise prej 117 kg hashash, qe u kapen ne ambulancen e spitalit te Fierit ne afersi te Durresit. Gjate kontrollit policor te materialeve ne ngarkim te tij, policia sekuestroi arme zjarri, municione dhe dy automjete, nder ta, nje fugon policie me targa te huaja te blinduar.

[RaPSouL]

E Marte, 15 Maj 2007


Ministria e Brendshme ka reaguar menjehere pas deshtimit te operacionit ndaj te kerkuarit ne Fier. Ajo sqaroi dje se te shtunen ne mbremje, ne vendin e quajtur “Sheq i Madh”, Fier, u organizua operacioni policor per kapjen dhe ndalimin e shtetasit Ahmet Isufi, i shpallur ne kerkim nga Drejtoria e Policise se Qarkut Durres per vepren penale te “trafikut te narkotikeve”, ne baze te procedimit penal nr 509, date 08.06.2006. “Gjate operacionit te policise, ky shtetas ka ushtruar kundershtim fizik”, thuhet ne njoftim. Me tej citohet se, ne ndihme te tij, duke kercenuar me arme zjarri punonjesit e policise, ka vepruar edhe shtetasi Arben Isufi duke bere te mundur largimin e personit ne kerkim, Ahmet Isufi. Pas ngjarjes nga procesi i ndjekjes, rezulton se prokuroria e rrethit gjyqesor Durres, ka pushuar ndjekjen penale per kete shtetas, me gjithe provat e shumta per trafikimin e narkotikeve dhe kjo prokurori, nuk ka bere njoftimin perkates prane strukturave te Policise se Shtetit, sqaron Ministria e Brendshme. Per shtetasit Ahmet Isufi, Arben Isufi etj, kane filluar veprimet proceduriale dhe eshte bere shpallja e kerkimit per vepren penale te kundershtimit me arme te forcave te rendit te kryer ne bashkepunim.



Kryeministri Berisha: Ne Fier u provokua gjakderdhje

Kryeministri Sali Berisha ka fajesuar prokurorin Theodhori Sollaku per operacionin e deshtuar te policise se Fierit, ku tha se i kerkuari Ahmet Isufi, mundi te largohej pasi u ndihmua nga te afermit e tij. Ky rast u permend nga Berisha ne mbledhjen e grupit te PD-se, ndersa po diskutohej per vendosmerine e qeverise ne rrugen e realizimit te reformave. “Vetem dje, ne Fier, per pak u be gjakderdhje, sepse Don Sollaku, kishte cliruar nga akuza nje eksponent te kapur me sasi te medha droge, natyrisht kundrejt nje shume teper te madhe parash”, tha Berisha. Duke folur per reformat, ai tha se, ato i kundershton se pari bota e krimit, ora e te cilit nuk ecen kurre me oren e shoqerise dhe oren e integrimit.

[RaPSouL]

Naci: Nuk kishim prova per Isufin

E Marte, 15 Maj 2007


Numri nje i organit te akuzes ne Durres, Nasip Naci, deklaroi dje per mediat se nuk kishin prova per Ahmet Isufin, ndaj dhe ishte pushuar ceshtja duke njoftuar per cdo procedure edhe strukturat e policise perkatese. Naci, i vene para akuzave te Policise se Shtetit per ngjarjen e ndodhur ne Fier, ku Isufi u largua pa u kapur nga policia, se u mbrojt nga familjaret me pretekstin se ishte mbyllur ceshtja, tha dje, se behet fjale vetem per nje mosrakordim te sakte brenda strukturave te policise, kurse “Prokuroria i ka kryer te gjitha veprimet sipas ligjit, ndaj dhe dosja eshte pushuar”. Sipas Nacit, me date 08.01.2007, eshte vendosur pushimi i ndjekjes penale dhe me 14.02.2007, ne shkresen nr. prot.1423, eshte njoftuar komisariati i policise se Durresit. Prokurori ka treguar per median edhe fashikullin penal numer 5091, ceshtje e cila eshte pezulluar per moszbulim te autorit te vepres penale. Prokurori tha se gjurmet ne deren e mjetit, si dhe eksperimentimet daktiloskopike te kreshtave papilare te gishterinjve, bere nga policia shkencore prane Drejtorise se Pergjithshme te Policise se Shtetit, nuk kane rezultuar te perputhen me ato te Ahmet Isufit. “Ne kushtet kur mbi te ka pasur vetem dyshime dhe jo prova konkrete, eshte vendosur pezullimi i ceshtjes penale, por per kete, jane njoftuar organet kompetente”, tha prokurori. Ai e ka quajtur "lajthitje" deklaraten e zedheneses se Drejtorise se Pergjithshme te Policise se Shtetit, e cila, sipas tij, ka ardhur nga mosrakordimi i punes midis strukturave te brendshme te Policise se Shtetit. Me tej, Naci, shtoi se deklarimi eshte i pabazuar dhe i pambeshtetur ne aktet shkresore te administruara. Per te argumentuar fjalet e tij, prokurori i Durresit, ka vene ne dispozicion te gazetareve edhe dokumentacionin e nevojshem qe verteton se ndermjet organit te akuzes dhe policise se Durresit, eshte mbajtur gjithe korrespondenca e nevojshme dhe jane hartuar shkresat dhe njoftimet sipas kerkesave te ligjit.

[RaPSouL]

E Marte, 15 Maj 2007

ELBASAN- Drejtoria e Policise se Qarkut Elbasan pranon perdorimin e drogave ne shkalle prefekture, por jo kultivimin e bimeve narkotike. Fakti eshte bere i ditur nga drejtori i Policise se Elbasanit, Shemsi Prenci, ne nje takim qe shtabi kunder kultivimit te bimeve narkotike realizoi dje ne Prefekture me kryetaret e fshatrave. Shemsi Prenci deklaroi se, “gjate vitit te kaluar ne Qarkun Elbasan nuk eshte kultivuar asnje bime narkotike”. “Megjithate, shtoi Prenci, policia ka konstatuar se ne disa qytete si ne Elbasan, Cerrik, Gramsh etj., ekzistojne perdorues te lendeve te ndryshme narkotike”. “Me te prekur nga dukuria, jane nxenesit e shkollave dhe moshat e reja”, deklaroi kryepolici.

Nderkohe, drejtori i Drejtorise Arsimore, Fatos Bajraktari, eshte shprehur se nuk ka informacion per perdorim te drogave nga nxenes shkollash. Gjate dy vjeteve te fundit, Zyra e LKD-se ne Drejtorine e Policise se Qarkut, ka mundur te kape sasi te ndryshme drogash, qe sipas saj kalojne transit ne Elbasan. E njejta zyre ka bere me dije se ne Elbasan perdoret droge sa per nevojat e qytetit dhe nuk behet fjale per rrjete te mireorganizuara te trafiqeve te lendeve narkotike. Megjithese deklarohet se ne shkalle qarku nuk ka asnje bime narkotike, skeptiket nuk mendojne ne kete menyre, pasi per shkak te terrenit te thyer malor, dyshohet se edhe ne disa zona te Elbasanit kultivohet Kanabis Sativa. Shtabi i LKD-se ne Elbasan theksoi domosdoshmerine e bashkepunimit mes pushtetit lokal, komunitetit dhe policise per te pasur sukses ne kete mision. Kete jave, nis kontrolli ne terren per zbulimin dhe parandalimin e rasteve te kultivimit te bimeve narkotike ne shkalle qarku. Fatos Salliu