Festivali Europian 2007

[RaPSouL]

Dj Bobo te themi te drejten skishte te beje me Eurovisionin ajo ishte kenge per te ta nxjer gjumin ne mengjes

[Fiori]

Eh...sinqerisht, per ke festival ziheni ju ?

Me ne fund tani ne darke e pashe dhe 'cirkun europian'. Skandal! Fatkeqsisht vetem ne anglisht po e komentoj dot tani dhe s'kam njeri prane te mi perktheje fjalet mire qe tu shprehja ate qe mendoj ne keto momente.

Nuk thoni me mire qe nuk fitoi Shqiperia, se keshtu tregon qe nuk eshte ne nje nivel me kete skandal qe Europa quan 'VISION'. Serbia pastaj i vuri kapakun haha si shtrigat e Europes. Po kengetari qe i largonin shpirtrat ato macet me floke te vena, ishte burre apo femer?

LOL

[Clauss]

pikerisht, eshte nje cirk i vertete. karagjozilliqe pa karar, institucion (e befte perendia) muzikor. dhe kap 90% ne shikim. gjynah viktimat qe e shohin. tani do na lodhin koken dhe me kenget i marrte e mira i marrte lol

[Dita]

Cfare pershkrimi Fiori!!! Yll me xixa dhe flamur meriton.

S'ka qene ne kete nivel me pare festivali, ka degraduar dalengadale. Dikur ka marre pjese Domenico Modugno, Hulio Iglesias e vone dhe Celine Dion.

[Inside_man]

po nuk kopjove nuk meret klasa

[conman]

Akoma me Serbine juve......

[Cimo]

Serbia fiton me këngën e Sonit në "Top Fest"?! Akuza për pirateri

Rekord në Youtube, 90 mijë vizita. Shqiptarë e serbë, luftë për muzikën

Gëzimi i triumfit në "Eurovizion" për serbët nuk ka zgjatur më shumë se 24 orë. Dy ditë pasi kënga e tyre u shpall fituese, në evenimentin më të rëndësishëm evropian të këngës që këtë vit u mbajt në Finlandë, zbulohet se ajo është vjedhur nga një këngë shqiptare. Serbia fitoi "Eurovizion"-in me një këngë shqiptare të vjedhur nga "Top-Fest 3" interpretuar nga Soni Malaj. Ky është konkluzioni i asaj që shkruante dje gazeta më e madhe britanike "The Sun". Skandali i publikuar në faqet e saj duket se është zbuluar nga një specialist muzike, i cili ia ka shitur informacionin tablloidit me kokë të kuqe, duke i shokuar të gjithë, në veçanti, britanikët që tradicionalisht në një eveniment të tillë nuk shkëlqejnë dot. Specialisti i muzikës që ka kontaktuar "The Sun" është shprehur se kënga fituese "Molitva" performuar nga Maria Sherifovic është vjedhur nga një këngë shqiptare. Gazetarja e mirënjohur britanike, Viktoria Newton, e cila ka publikuar skandalin në kolumnin///////////// e saj të përditshëm "Bizarre", thotë se asaj i është vënë në dispozicion kënga shqipe, e cila kur krahasohet me këngën fituese serbe është e ngjashme.
"The Sun" citon një person, i cili ka thënë se "kam pasur dijeni për këtë këngë kohë më parë. Kjo këngë është fituese e një evenimenti popullor në Shqipëri, i cili quhet "Top Fest". Personi që ka zbuluar skandalin është shprehur se që në herën e parë kur dëgjoi këngën serbe dalloi se ishte e vjedhur.
"Nuk e di nëse ata e kanë bërë qëllimisht apo jo, por ngjashmëria është e dukshme", është shprehur ai. Gazeta britanike, në faqen e saj online, ka vendosur këngën e Soni Malajt me titull "Ndarja" interpretuar në "Top Fest 3" një vit më parë, si dhe këngën e Maria Sherifovic ku duken qartë ngjashmëritë mes tyre. Pa filluar mirë dita, tema e këngës së vjedhur ka pushtuar emisionin e mëngjesit në radion londineze "Capital FM". Drejtuesi i emisionit "Mirëmëngjes me Jony Wogan" ka marrë me dhjetëra telefonata ku është diskutuar për këtë turp me protagonistë serbët në "Eurovizion".

EBU, ende asnjë reagim

Nëse vërtetohet që kemi të bëjmë me një vjedhje nga grupi i vajzave serbe, atëherë këngës serbe do t‘i duhej të zhvishej nga fitorja, sepse rregullat e EBU-së kërkojnë që këngët pjesëmarrëse në "Eurovizion" të jenë origjinale. Deri dje në mbrëmje, nuk ka konfirmim apo reagim zyrtar në lidhje me këtë nga burimet zyrtare sikurse është "European Broadcasting Union" që organizon "Eurovizion"-in. Ky lajm, në mënyrë të rrufeshme, është përhapur nëpër media të ndryshme botërore e ndër to edhe në tablloidin britanik "The Sun", kurse videoklipi që krahason këngët postuar në "YouTube" vetëm për tri ditë është parë nga rreth 80000 njerëz.
Suedezët zbuluan skandalin

Megjithëse gazeta "The Sun" thotë që ajo është kontaktuar e para me lajmin e mashtrimit nga Maria Sherifovic në "Eurovizion", zbulimi i skandalit e ka origjinën në Suedi. Një ditë pas mbarimit të "Eurovizion"-it ka qenë gazeta daneze "Ekstra Bladet" ku shkruhej se melodia e këngës fituese serbe "Molitva" në "Eurovizion"-in e sivjetshëm është vjedhur nga kënga shqipe "Ndarja" kënduar nga Soni Malaj në vitin 2006. .http://ekstrabladet.dk/flash/musik/article298570.ece Gazeta në fjalë i referohej një numri të madh e-mail-esh disa orë përpara "Eurovizion"-it të 52-të që u mbajt pardje në Helsinki të Finlandës, që sqaronin se kënga serbe është e kopjuar. Po ashtu, shumë komente kanë mbërritur edhe në faqen online. www.oikotimes.com

Maki: 50% e këngës "Ndarja" është vjedhur


Kompozitori maqedonas, Maki, i kontaktuar dje nga një televizion shqiptar, konfirmoi se më shumë se gjysma e këngës së kompozuar prej tij për këngëtaren Soni është e vjedhur. "Mbi 50% e këngës ‘Ndarja‘, e kënduar nga Soni Malaj është e vjedhur. Këtu nënkuptohet vjedhja e idesë bazë të këngës, harmonisë dhe ekziston i njëjti ritëm i këngës ‘Ndarja‘ me atë fituese serbe të Festivalit Evropian të zhvilluar ditët e fundit në Helsinki. "Jam në përpjekje kontaktimi me disa ekspertë këngësh për të gjykuar nëse dyshimet e mia janë të vërteta", tha kompozitori Maki, sipas të cilit disa elementë të këngës serbe fituese janë të njëjta me atë që këndon shqiptarja Soni. "Nëse profesionistët i vërtetojnë këto dyshime, atëherë është normale të mendoj që çështjen ta ndjek në rrugë gjyqësore", përfundoi ai.


Soni Malaj


Këngëtarja Soni Malaj është shprehur dje për "Top Channel" se kishte vënë re ngjashmëri të këngës serbe me dy baladat e saj të fundit që kur e pa në skenën e "Eurovizion"-it. Ndërsa në momentin kur kishte dëgjuar refrenin e këngës serbe kishte parë ngjashmëri me baladën e saj të njohur "Ndarja". Më pas, ajo kishte komunikuar me kompozitorin, i cili kishte të njëjtat dyshime për komponentë të njëjtë. Sipas saj, balada "Ndarja" është një krijim origjinal i bërë enkas për këngëtaren shqiptare. Ajo ka rrëfyer se kompozitori maqedonas, Maki, ishte frymëzuar për të krijuar një baladë për të, pasi kishte dëgjuar albumin e saj "E vogla". "Ai më ka dëgjuar në studio dhe në bazë të vokalit tim më tha se unë duhet të kisha patjetër një baladë. Pavarësisht se isha skeptike në duhet ta këndoja apo një baladë, kjo baladë doli fituese si "Kënga më e mirë në Top Fest 3", është shprehur Soni.

gazeta-shqip

[Hyllien]

Serbia fiton me këngën e Sonit në "Top Fest"?! Akuza për pirateri

Rekord në Youtube, 90 mijë vizita. Shqiptarë e serbë, luftë për muzikën
gazeta-shqip

Apo jo mo Ballist ? Per luft vec ai largohet, qe eshte lindur tradhetor. Po si i bohet hallit qe ne nje qytet me 200,000 vete ne Kosove, vec 100 kan luftue ? Ndersa Kroati kishte 150,000 civile ne lufte(vetem civilet aq) ?

Cfare rrockash qe kemi ne shtyp.

[Cimo]

Apo jo mo Ballist ? Per luft vec ai largohet, qe eshte lindur tradhetor. Po si i bohet hallit qe ne nje qytet me 200,000 vete ne Kosove, vec 100 kan luftue ? Ndersa Kroati kishte 150,000 civile ne lufte(vetem civilet aq) ?

Cfare rrockash qe kemi ne shtyp.

Ne kemi luftuar me mend...kemi shfrytezuar Ameriken, te njejten Amerike qe duam te ja sulmojme bazat ushtarake

Edhe ne youtube nuk jane gjith vizitat tonat , e ben perendimi ( Anglia - The Sun ) kupton...se humben thelle ne ''transferte'' jo se na duan shume po per interesa te veta sic thonte kosovari2006

[Cimo]

Eksperti Gjergj Leka: Serbja nuk ka kopjuar



ANILA MEMA

Serbia ka vjedhur këngën shqiptare, apo kënga shqiptare është e ngjashme me këngën serbe? Kjo është pyetja që shtrohet që prej dy ditësh në mbarë Evropën për këngën fituese në “Eurovizion”.

Madje, që prej mëngjesit të ditës së djeshme lajmi është përhapur në mënyrë të befasishme edhe në Shqipëri. Polemikat kanë marrë udhë. Fillimisht “Ekstra Blodet” një gazetë daneze ka bërë të ditur ngjashmërinë e këngëve, asaj me titull “Molitva” (Lutja) fituesja e “Eurovizion” 2007, e kënduar nga këngëtarja e re serbe Marija Serifovic dhe këngës shqiptare “Ndarja” të kënduar nga këngëtarja tashmë e njohur Soni Malaj. Përveç lajmit e njëjta gazetë ka botuar edhe dy videot, atë të pjesëmarrjes së Serifovic në Helsinki dhe videon, ku Soni Malaj interpreton në një nga konkurset e këngës moderne shqiptare në edicionin e “Top Fest 3”, ku edhe u vlerësua me çmimin si kënga më e mirë. Pas këtij publikimi, gazeta e njohur “The Sun” me gërma të mëdha, pason të njëjtin lajm, “Serbia vjedh këngën shqiptare” bashkë me lajmin dhe videot. S’është aspak e vështirë t’i gjesh, t’i shohësh dhe në fund të nxjerrësh një vendim. Dhe muzikantët e ndjejnë më mirë ndryshimin. Pas gjithë kësaj rrokopujë të madhe për “vjedhjen” që i është bërë këngës shqiptare “Ndarja”, eksperti i muzikës dhe kompozitori i njohur Gjergj Leka shpjegon ngjashmëritë dhe pangjashmëritë mes këngëve.
“Për mendimin tim, dhe jua them me bindje se kur bëhet fjalë për vjedhje nuk mund të flitet vetëm për katër apo pesë nota të ngjashme. Në rastin konkret të dyja këngët kanë vetëm pesë notat e para njëlloj. Mjafton t’ju ndërtoj një pentagram me nota dhe do ta kuptoni se sa pak ngjashmëri ka mes këngëve”, shprehet Leka. Madje ai thekson se nëse do të flitet për ngjashmëri, ai që duhet të ankohet më tepër për këtë rast është këngëtari bullgar Azizi, një nga këngët e të cilit “Kush ka faj” është përkthyer dhe këndohet në shqip nga Erjon Korini dhe Greta Koçi. “Ai ndoshta ka më shumë për t’u ankuar pasi në pjesën e dytë të refrenit të këngës janë katër masa njësoj. Ngjashmëria që mund të jetë mes dy këngëve është tek orkestracioni dhe ritmi, të cilat janë disi të ngjashme por s’do të thotë se ka vjedhje”, shton më tej Gjergj Leka.
Por deri në orët e vona të ditës së djeshme, nuk pati asnjë reagim zyrtar nga organizatorët e “Eurovizion”-it, qoftë edhe në sitin zyrtar “European Broadcasting Union”. Ndërsa gazeta britanike “The Sun” në artikullin me titull “Serbia vodhi këngën fituese” shkruan se një person, i paidentifikuar, thotë se ndoshta kopja s’është e qëllimshme, por këngët kanë gjëra të përbashkëta që i lidhin. “E njoh këtë këngë, tha ai, ka fituar një kompeticion shumë të rëndësishëm “Top-Fest” që organizohet në Shqipëri. Sapo e dëgjova mendova se ka gjëra të ngjashme mes tyre”, shprehet i njëjti person. Ndërkaq pas publikimit të lajmit edhe në mediat shqiptare ka reaguar ndërkaq edhe kompozitori i këngës shqiptare “Ndarja” të realizuar nga Mariano Filipovski ose i njohur ndryshe me emrin e artit “Maki”, me të cilin këngëtarja shqiptare Soni Malaj ka realizuar pjesën më të madhe të krijimeve të fundit. “Ka ngjashmëri mes këngëve, veçanërisht harmonia. Nuk mund të them me saktësi se sa për qind e këngës është vjedhur, por besoj se mbi 50% e saj. 7 bitet e para të këngës janë të njëjta dhe po ashtu edhe tempi”, shprehet Maki për median shqiptare. Ndërkohë i pyetur se çfarë procedurash janë duke ndjekur për këtë rast flagrant kompozitori maqedonas shprehet se është në kontakte me ekspertë për të gjykuar nëse kënga është vërtet e vjedhur. “Nëse del që Serbia ka vjedhur këngën, atëherë do ta ndjekim rastin në rrugë ligjore”, ka shtuar ai. Ndërkaq ndonëse e rezervuar në komunikim, edhe këngëtarja shqiptare, Soni Malaj, është shprehur se është duke ndjekur në rrugë ligjore çështjen. “Jam duke përgatitur dokumentacionin përkatës për ta dorëzuar në Gjermani, ku ndodhen dhe zyrat qendrore të EBU”, ka shtuar këngëtarja. Ndërkohë asnjë reagim nuk është bërë deri në orët e vona të mbrëmjes së djeshme nga pala serbe. As këngëtarja Marija Serifovic, dhe as kompozitori i këngës “Molitva”, nuk kanë reaguar dje për këngën me të cilën fitoi 268 vota mbrëmjen e së shtunës në ‘Eurovizion”, në Finlandë. Balada “Molitva” dhe interpretimi i këngëtares Serifoviç, mundi 23 finalistët e tjerë me këngën e saj kushtuar dashurisë, zotit dhe lutjeve. Maria e veshur me pantallona të gjera të zeza dhe syze me skelet të trashë, mundi favoritin, një ukrainian, që vishet si grua dhe që u paraqit në skenë me një kostum të shndritshëm prej ngjyre argjendi. Maria tha se fitorja e saj kishte hapur një kapitull të ri për Serbinë. “Jam shumë krenare, sepse suksesi im ka ardhur vetëm nga të kënduarit, dhe asgjë tjetër, jam shumë krenare për këtë”, u shpreh pas fitores 23-vjeçarja Maria. Por ende nuk dihet se ku qëndron e vërteta, një këngë e vjedhur nga serbët, apo një këngë e ngjashme me serbët. Le të presim në vazhdim ç’do të ndodhë.



Çfarë shkruan “The Sun”
“Molitva” kopje shqiptare

Festimet e fitores së Serbisë në festivalin evropian të këngës, “Eurovizion” janë trazuar nga deklaratat se pjesa është një kopje e një tjetër kënge, si dhe akuzat për votimin e vendeve të Evropës Lindore. Kritikët e vlerësojnë “Molitvan”, të performuar nga Marija Šerifovic, si një kopje pirate të një kënge të vjetër shqiptare. Një burrë, i cili ka postuar një video ku krahason të dy këngët përkrah njëra-tjetrës tha se: “E kam njohur këtë këngë shqiptare kohë më parë. Ajo fitoi një festival të njohur kënge ku konkurronin shumë artistë, “Top Fest”, të organizuar çdo vit.
“Sapo dëgjova këngën serbe e kuptova menjëherë se ajo ishte plagjiaturë. “Nuk mund të them nëse ata e bënë këtë me qëllim pasi nuk jam në dijeni por ngjashmëria e tyre është shumë e dukshme. “Ndërkohë e tmerrshmja Scooch”, e cila përfundoi e dyta nga fundi me vetëm 19 pikë dhe i ftuar Terry Wogan kanë deklaruar se votimi kishte të bënte më shumë me politikën se sa këngën. Terry u shpreh se: “Votimi i bllokut i ka hequr vlerat dhe mendoj se ne nuk mund të shkojmë deri në fund. Megjithatë ne u renditëm vetëm të dytët nga fundi. Për fat të keq Irlanda u rendit e fundit dhe mendoj se vendet e Evropës Perëndimore u lanë pas dore, kam frikë. “Anëtari i “Scooch”, David shtoi: “Ne menduam se këtë vit do të ishte ndryshe dhe nuk do të kishte votime me miqësi. Kjo ishte performancë e jonë më e mirë. Ne menduam se vërtet do të tundnim flamurin për Britaninë por ne ishim viktimat e votës. Kjo është një farsë. Kënga më e mirë nuk fiton kurrë. Na vjen keq, David, duhet të keni të drejtë për taktikat e votimit por performanca juaj edhe pse ishte mirë vlen 19 pikë”.





Danimarkë
“Kënga serbe, kopje e një kënge shqiptare”

Pak orë para edicionit 52-të të këngës, “Eurovizion Song Contest”, në natën finale adresat e internetit të vëna në dispozicion, mes tyre oikotimes.com ka marrë dhjetëra e-mail-e, ku deklarohet se ka një problem me këngën përfaqësuese serbe në “Eurovizion Song Contest”. Ne u përpoqëm të kontaktojmë “European Broadcasting Union” (transmetimin evropian) për këtë çështje por kontaktimi ishte i pamundur gjatë festivalit dhe akuzat kishin ardhur nëpërmjet e-mail-eve dhe videove në youtube.com. Sot gazeta daneze “Ekstra Bladet” ka raportuar se kënga serbe “Molitva” nuk është një këngë origjinale siç kërkohet nga rregullat e instruktimit të EBU. Kënga është një kopje e një kënge shqiptare, të realizuar në vitin 2006 dhe titulli i saj origjinal është “Ndarja”, dhe këndohet nga Soni Malaj, deklaron gazeta. Gazeta ka paraqitur në foto edhe krahasimet e dy videove të dy këngëve paralelisht, asaj serbe dhe asaj shqiptare. Videot mund të shikohen, duke klikuar në adresën e gazetës. Në çdo rast kënga shqiptare duket se është performuar në publik. Pra nuk ka konfirmim për vlefshmërinë e videos nga ndonjë burim zyrtar dhe as ndonjë përgjigje zyrtare apo reagim nga RTS dhe “European Broadcasting Union”. Këngët që fitojnë janë shpesh të akuzuara për plagjiatura. Në vitin 1995 kënga fituese norvegjeze mori të tilla akuza por vendimi përfundimtar ishte se kënga nuk ishte një plagjiaturë. Në këtë rast mund të jetë një e vërtetë por mund të jetë edhe një përpjekje për të “minuar” këngën serbe.
“Ekstra Bladet”



Këngëtarja: Ka ngjashmëri por s’mund të them se është e vjedhur
Soni Malaj: Gjithçka, në duar të profesionistëve

Ndonëse e rezervuar në prononcim këngëtarja shqiptare Soni Malaj nuk mund të rrinte gojëkyçur, pas këtij lajmi jo pak të bujshëm. E pyetur dje nga media shqiptare këngëtarja, e cila kohët e fundit po shijon frytet e suksesit është shprehur se pas dëgjimit të këngës në “Eurovizion”, fillova të dyshoja që në momentin e parë. Por më pas vura re se kishim ngjashmëri në këngë. Megjithatë mendova se mund të ishte një mendim subjektiv imi. Por kur dëgjova refrenin atëherë shtanga. Mënyra e të kënduarit, vokali, tempi, harmonia e këngës ishin të njëjta”, është shprehur dje këngëtarja në një nga mediat shqiptare. Sipas Malaj, kënga me titull “Ndarja” është kompozuar në vitin 2004 nga kompozitori maqedonas, Maki për albumin e saj të titulluar “E vogëla”. Ndër të tjera këngëtarja shqiptare shton se fillimisht ishte skeptike për të kënduar një baladë të tillë, pasi nuk ishte në natyrën e saj. Megjithatë ka qenë kompozitori që i ka dhënë shtysën për ta kënduar këtë baladë. Ndërkohë këngëtarja Malaj, as nuk e ka mohuar se kënga mund të jetë e vjedhur nga kënga e saj, por as nuk e ka pohuar një gjë të tillë, duke besuar gjithmonë tek autoritet përkatëse për ta zgjidhur këtë problem. “Ka ngjashmëri si prurje në festival me këngën time, por kjo mund të jetë dhe një koiçidencë. Ndërkohë që kjo punë kërkon kohë për t’u vërtetuar dhe mbetet që juria e festivalit të vendos se çfarë ka ndodhur në të vërtetë”, shton ajo. Soni Malaj ka kënduar këngën “Ndarja” vitin e shkuar në “Top Fest 3” (prill 2006), ku është vlerësuar edhe me çmimin e “Këngës më të mirë”, ndërsa Mara Serifovic ka kënduar “Lutja” ne festivalin “Beovizija” më 7-8 mars 2007 ku u vlerësua edhe me çmimin e parë. Kjo është hera e dytë që Serbia akuzohet për këngë të vjedhur në “Eurovizion”. Ndërkohë një prej hite-ve më të njohura të këngëtares serbe, ”Agonija” ka qenë një këngë e kënduar më parë nga grekja Despina Vandis me titull “Olo Lipis”, (Besoj ).



Fitorja e Serbisë

Mbrëmjen e së shtunës Serbia është shpallur zyrtarisht fituese e edicionit të 52 të Festivalit Evropian të këngës. Këngëtarja serbe, Marija Serifoviç, mundi 23 finalistët e tjerë në Helsinki, me një këngë baladë për dashurinë, zotin dhe lutjet. Serifoviç ka fituar 268 vota, duke lënë pas Ukrainën me 235 vota. Këngëtarja pas fitores u shpreh se kishte hapur një kapitull të ri për Serbinë. Finalja e “Eurovizion” u ndoq nga 100 milionë teleshikues në 42 vende të botës, përfshirë edhe Shqipërinë, ku gjithashtu kishte një juri vlerësuese. Pas 10 vjetësh heshtje në këtë edicion të këngës evropiane u kthye sërish edhe Italia.



Ndoci me rregullin e “treshit”: U eliminuam prej Kosovës

Batutat e parafestivalit nuk kanë të njëjtin dozë humori, tanimë, pas pjesëmarrjes në “Eurovizion”. I kthyer vetëm dy ditë më parë, në humorin e shkodranit, këngëtarit shqiptar, Frederik Ndoci, i cili këtë vit përfaqësoi Shqipërinë në “Eurovizion” me këngën “Balada e gurit”, ndihen tone të ashpra, dhe padyshim edhe kritika. I vendosur në atë që thotë, dhe sigurisht i bindur në aftësitë e tij dhe prezantimin dinjitoz që i bëri Shqipërisë, Ndoci se ka vështirë t’ja kaloj pasimin të tretëve. Për gazetën shton se pjesëmarrja këtë vit në “Eurovizion” ishte e denjë, me përfaqësues të denjë, por pa përkrahje. “Gjatë ditëve para konkurrimit, hidheshin baste, sikurse hidhen baste për kuaj, a lojëra të ndryshme. Në të gjitha bastet mes dy këngëve të tjera përfshihej edhe Shqipëria. Dua të them se shpirtërisht të gjithë na kanë mbështetur gjatë pjesëmarrjes sonë në “Eurovizion”, ndonëse nuk patëm asnjë mbështetje nga shteti, as nga Ministria e Kulturës, as nga qeveritarë”, shprehet këngëtari. Ndërsa arsyet për skualifikimin shqiptar, i lidh politikisht. “Të gjithë e dinin se kënga shqiptare “Balada e gurit” ishte kënga më e votuar nga ana shpirtërore, ndërsa përsa i përket televotimit dua të them se është një sistem që nuk funksionon. Çmimi u dha në drekë dhe në darkë njerëzit telefonin kot”, shton Ndoci, duke nxjerrë të tjera arsye edhe më të mprehta duke përdorur rregullin e treshit. “Shqipëria dhe Kosova i kundërshtojnë sllavët në Evropë. Amerika ndihmon shqiptarë dhe ne të dy, pavarësisht se ishim përfaqësues të Shqipërisë, vinim nga një vend si Amerika, ndaj dhe u skualifikuam. Është si puna e kështjellës “Rozafa” që u sakrifikua. Ndaj edhe kënga jonë u sakrifikua për të marrë me të mirë Serbinë”, shprehet Ndoci, i sigurt në ato çka thotë. Ai shton se pjesëmarrja shqiptare ishte dinjitoze, pavarësisht se ditët para garës nuk pati asnjë promovim shqiptar, sikurse ndodhi edhe me pjesëmarrësit e tjerë nga vende të ndryshme të botës. “Nuk mërzitem që u s’kualifikuam, pasi pjesëmarrja jonë ishte e mirë, pavarësisht se nuk patën asnjë ndihmë nga ana e shtetit. Në këtë rast Shqipëria falë intuitës, kënga doli më e bukur se shumë këngë të tjera të vendeve sllave. Ne nuk kishim stemë shqiptare, nuk organizuam asnjë manifest shqiptarë, as promovim, as me CD nuk u përfaqësuam. Duhet që dikush të sponsorizonte për këto gjëra, të kishim një pavijon për të promovuar turizmin shqiptar”, shton ai. Ndërkohë për këngën fituese serbe dhe për debatet që po e shoqërojnë ditët e fundit, Ndoci shton: E kam ditur që më parë që kënga dhe teksti ishte i njëjtë me atë të këngës shqiptare, por dua të them se këngëtarja serbe ishte njeri i mirë, kishte respekt për këngën tonë dhe na thoshte shpesh se e vetmja frikë e saj, ishte kënga shqiptare. “Gjatë tri ditëve të provave kur ishim në Finlandë, fliste me superlativa për këngën tonë”, shprehet Ndoci. Shqipëria nuk mundi të hyjë në finalen e Festivalit Evropian, edhe pse Frederik Ndoci përcolli emocion përmes interpretimit të tij. Nëse ishte kjo kënga e duhur për një festival si ai Evropiani, kjo është një tjetër çështje. E vërteta është se rezultatet e natës gjysmëfinale nuk zhgënjyen vetëm shqiptarët. Gjatë ditëve të mëpasme mësohet të ketë pasur reagime të ashpra nga përfaqësuesit e delegacioneve të vendeve që nuk u kualifikuan, si edhe mediat që ndiqnin festivalin. Ajo që vunë re të gjithë ishte fakti që të 10 të kualifikuarit janë prej Evropës Lindore dhe Qendrore. Lob i fuqishëm Lindja. Serbia, Maqedonia, Sllovenia, vende të të ish-Jugosllavisë. Moldavia, Gjeorgjia, Bjellorusia dhe Letonia prej ish-Bashkimit Sovjetik. Hungaria dhe Bullgaria gjithashtu Lindje, përveç Turqisë që është ca më në juglindje. Vende si Zvicra, Qipro, Malta, Norvegjia, Danimarka, Andora e Holanda, etj, edhe këtë herë mbetën jashtë finales

Panorama