Energjitika!!

[ganoid]

Ne vijim te shkrimit me larte te marre nga gazeta "Shqip" dua te shtoj se kriza energjitike eshte (duhet te jete) ceshtja ekonomike me me rendesi sot per qeverine.
Ne kohe te shkurter dalja nga kriza ka dy alternativa. E para eshte ndertimi i termocentraleve dhe e dyta importi i energjise. Te dyja keto kerkojne investime te cilat mund te perfundojne brenda dy vitesh, ndersa alternativat e tjera jane me afatgjata (mbi 4 vjet). Pyetja qe sot ngacmon qeveritaret vendim-marres eshte "te importojme apo te ndertojme termocentrale?"

Dje degjova Ridvan Boden qe deklaroi se do te ishte me mire ti jepej perparesi importit sesa ndertimit te Termocentraleve te cilat pervecse kane nje kosto fikse (ndertimi) deri ne qindra milione euro kane edhe kosto variabel (kosto /kWh te prodhuar) me te larte sesa ajo e importit.

Sot ne bote eshte veshtire te gjesh vende qe shohin Termocentralet si burime elektroenergjitike ku duhet investuar per arsyen se ato jane nje nga burimet me koston me te larte te energjise elektrike si dhe jane burimet energjitike me te ndotshme per mjedisit.

Nga ana tjeter importi vertet eshte pak me i lire sesa energjia e prodhuar nga termocentralet, por risku i mosrealizimit te sasise se nevojshme te energjise elektrike eshte me i larte dhe Korporata eshte e varuar nga qejfet dhe deshirat e kompanive qe tregetojne energji elektrike si dhe Operatorve te Rrjeteve te Transmetimit te vendeve fqinje qe shpeshhere me teper se anen ekonomike shikojne ate politike.

[Lukather]

Energjia, serbët e shesin më lirë

Zhvillohet tenderi i KESH. Çmimet më të ulëta i ofron kompania "Rudnap"

Në kulmin e krizës energjetike, por edhe në momentin më të vështirë financiar, Korporata
Elektroenergjetike Shqiptare zhvilloi tenderin vjetor për blerjen e energjisë dhjetor 2007- dhjetor 2008. Bëhet fjalë për shifra marramendëse që i kalojnë 22 milionë euro.
Sasia e kërkuar e energjisë ka qenë 2.45 miliardë kilovat/orë, që është një sasi e nevojshme për të mbuluar nevojat e vendit nëse prodhimi do të jetë në sasi optimale. Në tender kanë marrë pjesë 8 shoqëri, që e kanë plotësuar të gjithë sasinë e kërkuar nga KESH. Çmimi i energjisë së ofruar nga importuesit ka variuar nga 63 deri në 92.6 euro për megavat orë, ndërsa çmimi mesatar, me të cilën KESH-i kërkon ta blejë energjinë
ka qenë rreth 90 euro për kilovat/orë. Ky çmim është më i lartë se ai i një viti më
parë, por i krahasuar me gjendjen rajonale të tregut është gati i njëjti, pasi Mali i Zi dhe Kosova kanë blerë energji me të njëjtën vlerë. Vendimi se çfarë sasie dhe me çfarë çmimi do të blejë korporata do të vendoset vetëm pas dy javësh nga Komisioni i Vlerësimit të Ofertave. Burime zyrtare nga korporata thanë se KESH nuk e ka të gjithë sasinë e
nevojshme të parave, por shpreson t‘I sigurojë në vijimësi nga arkëtimet dhe nga një ndërhyrje e mundshme e qeverisë me fonde.

Tenderi

Tenderi i energjisë ka qenë i ndarë në 5 lote për një sasi totale prej 2.45 miliardë kilovat/orë. Në lotin e parë, që përkon me muajin dhjetor të këtij viti, sasia e kërkuar nga KESH-i ka qenë 235 milionë kilovat/orë dhe çmimi i kërkuar ka qenë 89.9 euro për megavat. Por importuesit kanë ofruar vetëm 210 milionë kilovat orë me një çmim mesatar prej 89.74 euro për mega. Loti i dytë që përkon me periudhën 1 janar deri në 31
mars 2008, sasia e kërkuar nga KESH-I ka qenë 895 milionë kilovat/orë për një çmim mesatar prej 94.65 euro. Shoqëritë kanë ofruar sasinë prej 828 milionë kilovat/orë për një çmim mesatar prej 88.83 euro për megavat. Për 3-mujorin e dytë të vitit 2008, korporata ka kërkuar një sasi energjie prej 436 milionë kilovat/orë me një çmim limit prej
80.69 euro, për shkak se çmimi i energjisë në këtë periudhë është më i lirë. Sasia e energjisë e ofruar nga importuesit ka qenë plot 852 milionë kilovat/orë për një çmim mesatar prej 70.9 euro për mega. Për dy lotet e tjera, atë të tremujorit të tretë dhe të katërt të vitit të ardhshëm, sasia e energjisë së kërkuar ka qenë e njëjtë, 441 milionë kilovat/
orë, ndërsa çmimet kanë qenë respektivisht 90.56 dhe 92.83 euro për mega. Ndërsa sasia e ofruar ka qenë për 793 dhe 927 milionë kilovat/orë për një çmim mesatar respektiv prej 87 dhe 82.5 euro për mega.


Serbët, çmimet më të lira

Në tenderin e djeshëm, kompania serbe "Rudnap" është ajo që ka dhënë ofertat me çmimet më të ulëta të energjisë, ndonëse e vetme kjo kompani nuk mund të ofrojë dot të gjithë energjinë e kërkuar nga KESH-i. Më konkretisht, serbët e kanë ofruar energjinë për
lotin e parë me një çmim prej 67.94 euro për mega, në një kohë që çmimi mesatar i ofruar nga të gjitha kompanitë së bashku ka qenë 89.74. për lotin e dytë, "Rudnap" ofroi energji me një çmim prej 85.93 euro për mega, kur çmimi mesatar i ofruar nga të gjitha shoqëritë ka qenë 88.83 euro. Edhe për tremujorin e dytë është prapë kompania "Rudnap" me çmimin më të ulët të energjisë, 68.83 euro për mega, kur mesatarja ka qenë 70.93 euro.
Ofertat e serbëve të "Rudnap" kanë qenë ndër më të mirat edhe për gjysmën e dytë të vitit 2008. Kjo kompani ka ofruar në total për gjithë vitin një sasi energjie prej 1 miliardë e 60 milionë kilovat orësh me çmim prej rreth 83 euro për mega. Pas ofertave të "Rudnap" më të leverdishme kanë qenë ato të paraqitura nga 3 kompanitë zvicerane EFT, EGL dhe ATEL.