Energjitika!!

[no name]

Importi i energjise, 20 miliarde leke per gjysmen e 2007

E Marte, 08 Maj 2007

Qeveria shqiptare do te shpenzoje nga 18 deri ne 20 miliarde leke per importin e nevojshem te energjise elektrike. Shifra u be e ditur nga ministri i Ekonomise, Tregtise dhe Energjetikes, Genc Ruli, i cili theksoi se per kete shume parash, eshte rene dakord edhe me Fondin Monetar Nderkombetar. Ne kuader te inspektimit te zhvillimeve te ekonomise shqiptare nga FMN-ja, nje pjese te konsiderueshme ka zene edhe impakti qe do te kete ne buxhetin e shtetit realizimi i importit te energjise elektrike per periudhen ne vazhdim te vitit. Lidhur me keto bisedime, ministri Ruli beri te ditur se "FMN-ja ra dakord me qendrimin qe kemi mbajtur, se per te garantuar furnizimin e panderprere me energji elektrike gjate gjithe vitit, e kemi te nevojshme qe gati rreth 50 per qind te energjise elektrike, ta marrim nga importi". Por edhe pse blerjet nga importi te energjise elektrike ne keto nivele dhe me konjukturen e cmimit qe eshte sot, e rrisin mjaft koston financiare te blerjes se saj, ministri i METE-s, Ruli u shpreh se "ato do te jene te perballueshme. KESH pervec te ardhurave te veta, do te kete edhe nje kontribut nga buxheti i shtetit". Nga ana tjeter, nuk dihet ende se cili do te jete fondi qe qeveria shqiptare do t'i vendose ne dispozicion KESH-it per te perballuar blerjet e energjise elektrike. Ne vijim te kesaj ceshtjeje, Ruli beri te ditur se ne takimet me institucionin nderkombetar, eshte diskutuar edhe rreth shifrave konkrete rreth sasise se importit te energjise elektrike. Persa i perket kesaj pike, ministri theksoi se "kemi arritur ne nje konsensus per nje shifer te perafert, qe nuk mund te jete fikse, pasi varet shume edhe nga situata klimatike qe do te kemi gjate veres, per te ditur se do te kemi nje impakt prej 18-20 miliarde lekesh per importin e energjise". Megjithese realisht treguesit ekonomiko financiare te KESH-it nuk kane kaluar ende ne fazen e permiresimit, ministri Ruli u shpreh optimist lidhur me situaten financiare, te cilen e quajti "te perballueshme financiarisht, pasi KESH eshte ne fazen e nje permiresimi dinamik te treguesve te mbledhjes se te ardhurave, duke qene padyshim dhe garancia e pare e permiresimit financiar te tij, se sa eshte ndihma qe do te jepet nga buxheti".

[no name]

FMN: Qeveria ka deshtuar me administrimin e KESH

E Merkure, 09 Maj 2007


Pavaresisht debateve ne te cilat eshte perfshire ambienti ekonomik ne vend, nga disa iniciativa fiskale te qeverise, ajo qe duhet te jete realisht nje shqetesim, mbetet evitimi i krizes energjetike. Misioni i Fondit Monetar Nderkombetar qe inspektoi zhvillimet me te fundit ekonomike ne vend, e konsideroi KESH-in, majen e ajsbergut te problemeve qe qeveria ka per te zgjidhur. Per te evituar degradimin e vendit ne nje krize tjeter te thelle energjie, FMN ka lejuar buxhetin e shtetit t'i akordoje KESH-it kete vit 50 milione dollare, qe do te perdoren per importin e energjise. Kjo mase, tha shefi i Misionit te FMN-se, do te jete e perkohshme deri sa KESH te mund te grumbulloje parate e faturuara nga shitja e energjise elektrike. Per sa i perket FMN-se, furnizimi me energji eshte shqetesim themeltar pasi ne keto vitet e fundit, mungesa e saj ka frenuar ndjeshem ritmet e rritjes ekonomike ne vend. "Dobesite ne sektorin e energjise elektrike reflektojne nje kombinim faktoresh", tha shefi i Misionit te FMN. Sipas tij, jane ndeshur probleme kronike me rezultatet e mbledhjes se faturave dhe te humbjeve. Nga ana tjeter, cmimet e importit ne rajon per energjine elektrike, jane rritur shume dhe jane mjaft mbi nivelin vendas te tarifave, te cilat kane mbetur te pandryshuara qe nga viti i kaluar. "Por masa te tjera me thelbesore nevojiten per te krijuar nje kulture te pageses dhe per te siguruar qe cmimet do te sillen ne nivelin e mbulimit te kostos", tha Szekely.

"Autoritetet duhet te punojne ngushte me Banken Boterore dhe aktore te tjere kryesore ne kete fushe, per t'u siguruar qe strategjia e miratuar e privatizimit do te arrihet me sukses sa me shpejt te jete e mundur. Ne kete kontekst, ne kemi marre zemer nga mbeshtetja per nje privatizim te shpejte qe shprehet nga te gjitha krahet e spektrit politik", tha zyrtari i Fondit. Qeveria shqiptare do te shpenzoje nga 18 deri ne 20 miliarde leke per importin e nevojshem te energjise elektrike per 2007.

[Gerrard]

Përshëndetje të gjith lexuesve të Nën Forumit Ekonomi & Biznes.

Këtu do sillen informacione mbi Energjitikën, ku do ketë dhe diskutime rreth gjëndjes në Shqipëri, që kohët e fundit ka pasur shum probleme me Energjinë Elektrike.

Kalofshi sa më mirë.

T-B

[Gerrard]

"Kriza energjitike e vendit ve ne rrezik rritjen ekonomike dhe stabilitetin e cmimeve". Ky eshte alarmi qe ka dhene misioni i Fondi Monetar Nderkombetar (FMN)

Kriza energjitike e vendit ve ne rrezik rritjen ekonomike dhe stabilitetin e cmimeve. Eshte ky alarmi qe ka dhene misioni i FMN ne perfundim te vizites dy javore ne vendin tone ne kuader te rishikimit te marreveshjes me Shqiperine. FMN eshte shprehur e shqetesuar per fondet e konsidereushme nga buxheti i shtetit qe do te perdoren per rimekembjen e KESH. Brenda shqetesimit te nderkombetareve mbetet dhe rritja e shpejte e kreditimit te ekonmise. Ekspertet e FMN kane komentuar dhe vendimet e fundit qe kane vene ne konflikt qeverine me biznesin.

[Gerrard]

Ne beze te kontrates me firmat Beket dhe Dojc Bank hidrocentrali parashikohet te perfundoje brenda 36 muajve dhe ka vlere prej 130 milione euro.

Qeveria shqiptare ka nenshkruar me firmen italiane Beket dhe Dojc Bank marreveshjen per ndertimin e hidrocentralit te Kalivacit. I pranishem gjate firmosjes se marreveshjes ishte kryeministri Berisha qe e cilesoi si nje projekt mjaft te rendesishme ne fushen e energjitikes. Ne beze te kontrates hidrocentrali parashikohet te perfundoje brenda 36 muajve dhe ka vlere prej 130 milione euro. “Para jush u firmos kontrata me Deutsche Bank dhe Kompaninë Beget për hidrocentralin e Kalivaçit. Në përputhje me këtë kontratë të re të rinegociuar tërësisht palët që firmosën, Kompania Beget dhe Deutsche Bank, e cila u bashkua në ndërtimin e kësaj vepre me një pjesëmarrje shumë të thellë me kompaninë Beget, zotohet se brenda 6 muajve do të nisin zbatimin e projektit në përputhje me kushtet e kontratës, pasi duhet të jemi realist se projekti ka nisur të zbatohet dhe një pjesë e punimeve janë kryer, por kontrata ka përcaktuar një seri rregullash dhe kushtetsh të reja të cilat do të bëjnë të mundur përfundimin e kësaj vepre të rëndësishme energjitike brenda 3 vjet e 6 muajve” tha Berisha.

[Gerrard]

Szekely nënkuptoi se nuk do mbështesë asnjë ulje taksash, për sa kohë që KESH-i është në vështirësi financiare

Kriza energjetike e vitit të kaluar dhe përkeqësimi financiar i Korporatës Elektroenergjetike Shqiptare po bëhet pengesa e papritur, që qeveria shqiptare duhet të kapërcejë përpara se të fillojë zbatimin e politikave të saj fiskale, të cilat synojnë uljen e taksave. Ky është mesazhi që ka dhënë fare qartë shefi i misionit të Fondit Monetar Ndërkombëtar në Tiranë, Istvan Szekely, gjatë një konference të përbashkët me ministrin e Financave, Ridvan Bode, dhe guvernatorin e Bankës së Shqipërisë, Ardian Fullani. "Programi i FMN-së në këtë fazë nuk ka ndonjë kusht për performancën e KESH-it, pasi ajo është parashikuar në një marrëveshje mes qeverisë, donatorëve dhe korporatës. Por, nëse marrëveshja nuk realizohet do të ketë ndikime negative në politikat fiskale me pasoja të mëdha. Nëse ky program nuk realizohet, edhe programi i FMN-së vihet në rrezik," paralajmëroi Szekely. Ky problem është aq serioz për qeverinë saqë pyetjes së drejtpërdrejtë nëse do të ketë ulje taksash në fillim të qershorit, kreu i financave i dha përgjigje evazive. "Është një mirëkuptim i përgjithshëm, i cili duhet shkuar drejt taksës së sheshtë. Por një ulje taksash nuk ka kuptim, për aq kohë sa gjysma e ekonomisë qëndron në informalitet dhe ne po shkojmë paralelisht në të dyja drejtimet. Po taksojmë informalitetin dhe për ta lehtësuar këtë, që të gjithë të paguajnë, po ulim taksat, që të gjithë të paguajnë nga pak", tha Bode. Tani. qeveria është duke kërkuar rrugë të reja, që i sigurojnë para. Në këtë kontekst ishin edhe dy vendimet e fundit të ligjit për gjobat dhe ai që rrit pagat e biznesit. Por, sipas FMN-së edhe këto dy ligje nuk duhet të cenojnë të drejtën e biznesit për t‘u ankuar dhe kanë mundësi të rishikohen. Ndërsa guvernatori Fullani i kujtoi qeverisë një tjetër problem. "Shqetësim i vazhdueshëm për ne mbetet shpërndarja jo e drejtë e investimeve në muajt e vitit. Kjo gjë padyshim që ka pasur influencën e saj në gjendjen e likuiditetit dhe ka bërë që politikat tona të jenë shumë të kujdesshme", tha Fullani, duke iu referuar presioneve inflacioniste që shkakton çrregullsia e investime në muajt e ndryshëm të vitit. Muajt e ardhshëm, sipas FMN-së, do të jenë historike për rritjen ekonomike të Shqipërisë, por ka mjaft rreziqe, që duhen kapërcyer dhe përballuar.

Gazeta SHQIP

[no name]

Forumi I Krans Montanes, Prodhuesit e energjise: Krize energjitike ne Ballkan

Derguar me: 10/05/2007

• Genter Ofener, drejtori I kompanise austriake EVN, deklaroi gjate sesionit kushtuar situates energjitike se rajoni I Ballkanit ka nevoje per afro 30 mije megavat/ore energji elektrike

Ballkani rrezikon nje krize te re energjitike. Kompanite me te medha per prodhimin e energjise nepermjet perfaqesuesve te tyre ne forumin e Krans Montanes qe po mbahet keto dite ne Tirane, paralajmeruan krize ne rajon ne 5 vitet e ardhshme. Genter Ofener, drejtori I kompanise austriake EVN, deklaroi gjate sesionit kushtuar situates energjitike se rajoni I Ballkanit ka nevoje per afro 30 mije megavat/ore energji elektrike, gje qe sipas Ofner eshte e paperballueshme cka ben qe ne vitet e ardhshme rajoni te vuaje mungesen e energjise. Ekspertet e energjitikes, te cilet po studiojne tregun, po japin sinjale se do te rritet edhe cmimi I energjise ne tregun kombetar, ndaj Ofner paralajmeroi vendet e Balkanit te marrin masat e tyre per t’u paraprire efekteve negative te kesaj rritjeve ne vendet respektive. Ministri shqiptar I Ekonomise dhe Energjitikes, Genc Ruli deklaroi se duhet ripare strategjia kombetare e energjise per t’u pershtatur me zhvillimet e situates ne Rajon. Per drejtuesin e projektit per ndertimin e naftesjellesit AMBO, Ted Ferguson, Rajoni I Ballkanit ofron nje infrastrukture aspak te mire, cka behet pengese per zhvillimin e bizneseve. Ferguson u paraqiti pjesemarresve ne forum gjurmet e naftesjellesit te cilat ne baze te hartes se paraqitur nisin ne Burgas dhe perfundojne ne qytetin e Vlores, nderkohe qe ne Shqiperi ambjentalistet e kane kundershtuar nje fakt te tille dhe ne marreveshjen me palen shqiptare eshte rene dakord qe naftesjellesi te kaloje Burgas-Shqiperi, pa e specifikuar qytetin. (News 24)

[Imperator]

Ne Shqiperi energjia elektrike varet shume nga prodhimi ne hidrocentrale dhe nga importi. Hidrocentralet me te medha ne Shqiperi per prodhimin e energjise elektrike jane:

Hidrocentralet e ngritura mbi lumin Drin dhe Hidrocentralet e ngritura mbi lumin Mat.

Gjithashtu po behet nje pune nga qeveria per ngritje e dy TEC-ve, njeri ne Vlore e tjetri ne Fier per te ngritur prodhimin vendas te energjise elektrike.


Imperator

[Gerrard]

KESH duhet të vendosë matësit për të gjithë familjet shqiptare brenda 31 dhjetorit 2007

Maksimumi që do të paguhet në qytet 42 mijë lekë në muaj, minimumi 13 mijë në fshat

KESH do të ketë të drejtën e vendosjes së faturave afrofe dhe për 8 muaj me radhë për konsumatorët familjarë. Vendimi është marrë prej ERE, pas kërkesës së vetë KESH në shtyrjen e afatit për vendosjen e faturave afrove. Ndërsa është miratuar dhe harta e re e konsumit për KWH me qëllim vendosjen e faturës afrove. Sipas llogarive, maksimumi i vlerës në faturën afrove do të jetë 4200 lekë, ndërsa minimumi rreth 1300 lekë. Megjithatë fatura afrove do të jetë e ndryshime për periudha të ndryshme. Kështu konsumatorët do të paguajnë më pak gjatë verës dhe më shumë në dimër. Ndërsa konsumi do të jetë i ndryshëm për zona të ndryshme.

Vlera në verë

ERE ka vendosur që të ketë llogaritje të diferencuara të energjisë së llogaritur afrofe për qytetet dhe fshatrat. Banorët e Tiranës, Durrësit, Kavajës, Tropojës dhe Shkodrës do të jenë qytetet që do të paguajnë më shumë vlerë afrofe gjatë periudhës së verës. Kështu për këto qytete do të llogaritet 400 KWH energji e harxhuar në muaj. Në këtë mënyrë ata do të paguajnë rreth 2800 lekë energji elektrike. Ndërsa vlera më e ulët do të jetë rreth 1300 lekë. Kjo do të jetë për fshatrat si dhe për qytete ë largëta si Has, Laç, Tirana fshat, fshatrat e Gjirokastrës etj.

Vlera në dimër

Duke pasur parasysh se në dimër konsumi energjisë është më i lartë ERE ka rritur dhe kuotën e llogaritur afrofe për familjarët në këtë stinë. Kështu vlera maksimale do të jetë për Tiranën qytet me 600 KWH energji të llogaritur afrofe. Ndërsa çmimi do të mbetet i njëjtë. Në këtë mënyrë këta familjarë do të paguajnë rreth 42 lekë në muaj. Kjo deri më 31 dhjetor, kur llogaritet që të gjithë familjet të kenë matësin. Pas Tiranës vjen Kavaja me 550 KWH energji të vendosur afrofe në dimër dhe më të toleruar do të jenë banorët e Koplikut, ku familjarët do të paguajnë për 400 KWH në muaj. Llogaria do të jetë më e lehtë për fshatrat, të cilët do të paguajnë nga 400 KWH në maksimumi 250 KWH.

Vendimi

Harta e energjisë që do të faturohet afrofe, ka nisur të zbatohet prej datës 9 maj. Ndërsa të dhënat e vendimit të ERE kanë hyrë në fuqi me botimin në fletoren zyrtare në po këtë ditë. “Kohëzgjatja e aplikimit të faturimit afrove pa matës të energjisë do të jetë deri më 31 dhjetor 2007”, thuhet në vendimin ku botohet dhe harta me sasitë përkatëse sipas qyteteve.

U kërkua shtyrja e afatit për vendosjen e sahateve

ERE i vendos 300 mijë leke gjobë KESH

Koorportat Elektro Energjetike shqiptare do të duhet të paguajë një gjobë prej 300 mijë lekësh. Kjo për shkak se nuk është arritur vendosja në kohë e matëseve të energjisë elektrike për konsumatorët privatë. Megjithatë dje është marrë parasysh vendimi për të shtyrë afatin e aplikimit të faturave afrove. KESH do të ketë afat deri në fund të këtij viti që të përmbushë këtë detyrim. Ndërkohë që do të duhet të paguajë dhe gjobën. Vendimi i ERE vjen në kohën kur KESH ka nisur strategjinë për të ulur humbjet në rrjet. Kështu nën drejtimin e vetë drejtorit Gjergj Bojaxhi ka nisur prerja e lidhjeve të paligjshme si dhe të lidhjes së energjisë për familjet që nuk paguajnë energjinë elektrike. Duke e vlerësuar si një mall konsumi i cili duhet paguar, KESH ka realizuar kështu dhe uljen e humbjes. Ndërsa bëhet e ditur se menjëherë pas kësaj strategjie është shënuar dhe rritja e të ardhurave, ku konsumatorët paguajnë energjinë. Pikërisht nga kjo dhe Banka Botërore ka vendosur të rindihmojë KESH në blerjen e energjisë elektrike edhe pse në deklaratat e dhëna për media shtohet se situata është sërish delikate. Por duket se paralelisht me prerjen e lidhjeve të paligjshme si dhe të rritjes së nivelit të pagesës së këtij malli konsumi, KESH do të nisë strategjinë për pajisjen e familjeve shqiptare me matëse. Burimet kanë bërë të ditur se matësit janë të gatshëm dhe se po punohet për vendosjen e tyre.

[Gerrard]

Ja tarifat e afrofesë që do të aplikohen nga KESH-i sipas stinës dhe vendit

Të gjithë ata konsumatorë që e kanë paguar energjinë elektrike afrofe deri më sot, edhe për vitin 2007 do të vazhdojnë ta paguajnë afrofe. ERE, me kërkesë të KESH-it, ka miratuar këtë muaj një tabelë me tarifa për pagesën e energjisë mujore afrofe. Edhe pse afrofeja është një shkelje kushtetuese, KESH-i ka vendosur ta aplikojë atë deri në dhjetor të këtij viti për të gjithë ata të cilët po KESH-i nuk i ka pajisur me matës elektrikë. Pagesa afrofe e energjisë elektrike për konsumatorët familjarë është një metodë që bëhet çdo vit, me shpresën se një ditë KESH-i do t’i pajisë konsumatorët me matës elektrikë. Kështu, në vendimin e Entit Rregullator të Energjisë thuhet se kjo bëhet për “miratimin e kohëzgjatjes së periudhës transitore për aplikimi faturimit afrofe për klientët familjarë pa matës të energjisë elektrike”. Megjithëse ende nuk është përcaktuar kostoja e një kilovati energji elektrike, KESH-i vazhdon të përcaktojë çmimet e energjisë afrofe për konsumatorët. Kështu, në vendimin e ri të marrë nga ERE, çmimi afrofe për Tiranën do të jetë 400 kilovat-orë në muaj gjatë verës dhe 600 kilovat-orë gjatë dimrit. Kështu, çdo konsumator në qytetin e Tiranës do të paguajë 2840 lekë gjatë sezonit veror dhe 4260 lekë gjatë dimrit. Ndërkohë që tarifat e përcaktuara për fshatrat e Tiranës janë: 2590 lekë për verë dhe 2840 në dimër. Sipas tabelës së përcaktuar nga KESH-i, kilovatët mujorë për t’u paguar në rrethet kryesore të vendit, si Durrës, Kavajë, Vlorë Korçë, Fier etj., janë 350-400 kv/h në verë dhe 450-550 në dimër.
Afrofeja, më e lartë se konsumi
Çmimi i energjisë së përcaktuar afrofe nuk paraqet realisht konsumin mujor për konsumatorët familjarë pa matës elektrikë. Kështu, sipas specialistëve, energjia mesatare mujore e konsumuar në rang vendi është 200-300 kv/h në muaj, KESH-i ka përcaktuar dyfishin e saj për t’u paguar afrofe. Ndërkohë që fajtor për mospajisjen me matës elektrikë nuk ka si të jenë konsumatorët, por vetë Korporata Elektroenergjetike. Kjo ka sjellë shpesh debate midis Avokatit të Popullit dhe KESH-it, për përcaktimin e nivelit të afrofesë, e cila rëndon me pa të drejtë mbi konsumatorët familjarë. Madje, ka dhe një efekt psikologjik mjaft të dëmshëm për KESH-in, pasi çdokush që nuk ka matës dhe paguan afrofe, “lë dritat ndezur” gjithë kohës.