Lajme nga mjekesia

[Asteroid]

Sekreti per te jetuar me mire dhe me gjate? Mos te kesh frike nga pleqeria

Kush eshte optimist se po arrin plakja,i zgjatet jeta dhe 7 vjete e gjysem te tjera. Ky eshte rezultati i kerkime te bera nga Yale University,dhe publikuar ne Journal of Personality and Social Psychology,revista e shoqates se psikologeve amerikane.. Ekipi i eksperteve beri kerkime ne jeten e 660 burrave dhe grave ne Ohio “over 50 vjeç”. Moshat e vdekjes se pjesemarreve u krahasua me pergjigjet qe ata vete ata kishin dhene ne nje test te bere 23 vjet me para. Rezultati:bindja e krijuar qe pleqeria do te thote vetem rrudha,dhe humbje te vetekontrollit influencon negativisht mbi deshiren per te jetuar. Ne te kundert, te shikosh me qetesi dhe optimizem vitet qe kalojne ka nje efekt te mire ne shendetin tone. “Sidomos - shkruajne autoret e kerkimit - efekti i ketij optimizmi rezulton me i rrendesishem sesa te mbash te ulet nivelin e kolesterolit dhe te presionit te gjakut, qe ‘dhurojne’ 4 vjete jete me shume, dhe me i rrendesishem se ushtrimet fizike dhe lenia e duhanit,nga te cilat perfitojme ‘vetem’ 1 deri ne 3 vjet”.

[Asteroid]

Terapi vetem me nje klik te mouse. Ne USA ka shperthyer moda e mjekut online dhe amerikanet i besojne gjithmone e me shume shendetin e tyre keshillave te dhena nga Interneti.
Nje kerkim i publikuar ne Jama, revista e mjekeve amerikane, mbasi ekzaminoi 25 site web ne gjuhen angleze dhe spanjishte mbi kater semundje: kancer ne gjoks, azma e femijeve, depresion dhe obezitet. Sipas rezultateve te sondazhit,informacionet ne sitet anglisht ishin midis 75 dhe 91% te sakta , ndersa ne sitet ne spanjisht ishin midis 53 dhe 96% .
“Informacioni mjekesor ne Internet – shpjegon Sam Karp, zedhenesi i HealthCare Foundation, nje nga grupet private qe filluan keto kerkime - ka bere shume perparime. Por jo te gjitha sitet arrin te mbajne te njejtin standart dhe te jene te besueshem dhe te sigurte”.
Ne seksionin drejtuar pacienteve,ja dhe keshillat e eksperteve amerikane per tu orientuar ne Internet: te flasesh me mjekun tend, ti kerkosh keshilla qe ne cfare sitesh te kontrollosh; te kontrollosh te dhenat mbi ate qe publikon artikujt;te kontrollosh qe eshte i autorizuar nga ndonje organizate shkencore qe ben vizita virtuale.

[Asteroid]

Kafeja pa kafeine mund te rrise rrezikun e artritit reumatizmal te grate. Te ky konkluzion arriten dy studime te pavarura te prezantuara ne nje seminar ne San Francisco nga American College of Rheumatology. Kerkimi i pare i bere nga Univerty of Alabama (Usa), studioj 31000 gra te moshes nga 55 deri 65 vjeç. Dhe u zbulua qe grate qe pinin kater filxhane kafe (pa kafeine) ne dite kishin dy here me shume mundesi qe tu shfaqej kjo semundje.Kush konsumonte kafe normale (me kafeine) nuk kishte ndonje rrezik te madh dhe kush pinte tre filxhane caj kishte 60% mundesi me pak per te zhvilluar semundjen.Kerkimi tjeter i bere nga Boston University (Usa) mbi 64000 gra me ngjyre tregoi qe 1 filxhan kafeje (pa kafeine) ne dite e katerfishon rrezikun e artritit reumatizmal. Nen akuze,sipas tyre, produktet industriale te perdorura ne procesin e rafinimit.

[Asteroid]

Dy vajza binjake të lindura të bashkuara u dërguan javën e kaluar nga një fshat i thellë malor në veri të Perusë për në kryeqytetin Lima, ku mjekët do të studiojnë mundësinë e ndarjes së tyre. Mjeku pediatër Aldo Manrique, që kujdeset për to thotë se dy foshnjet janë të bashkuara në gjoks dhe në bark. Secila prej tyre ka zemrën dhe mushkritë e veta, por zorrët duket se i kanë të përbashkëta. Dy binjaket mbahen tani në një inkubator në spitalin e fëmijëve në Lima. Mjekët thonë se po studiojnë nëse ekziston mundësia e kryerjes së një operacioni për shkëputjen, pa rrezikuar jetën e tyre.

[Asteroid]

Njerëzit kanë një numër tiparesh të përbashkëta me majmunin, por ata ndahen nga njëri tjetri edhe nga disa karakteristika kyçe, një prej të cilave është aftësia për të folur. Në fakt, shumë shkencëtarë besojnë se të folurit ka qënë një nga parakushtet për zhvillimin e kulturës njerëzore. Megjithatë, si dhe kur u zhvillua gjuha askush nuk mund të thotë gjë me saktësi. Por rezultatet e një studimi botur këto ditë në revistën Nature mund të ndihmojë në zgjidhjen e këtij misteri. Shkencëtarët thonë se kanë zbuluar një ndryshim të thellë midis variantit njerëzor të gjenit i njohur si FOKSP2 që lidhet me të folurin dhe variantet e gjetura tek majmunët. Ky ndryshim, thonë ata, tregon se gjeni FOKSP2 ka qënë objekt seleksionimi natyror gjatë procesit të evolucionit që i dha mundësi njeriut të kontrollojë lëvizjet e gojës dhe laringut, një aftësi që majmunëve u mungon. Shkencëtarët thonë se ky proces mund të ketë filluar 200 mijë vjet më parë, afërsisht në kohën e shfaqjes për herë të parë të njeriut me tiparet anatomike që ka sot.

[Asteroid]

Akunpuktura është një shkencë ekzakte e njohur vetëm nga ata që kanë mësuar rreth këtij arti të lashtë. Akunpuktura që do të thotë pikë shtypjeje, bazohet në parimin se trupi përmban ngarkesa elektrike pozitive dhe negative që janë të lidhura me njëra tjetrën.

Ushtrimi i shtypjes mbi këto pika ndihmon në lehtësimin e dhimbjeve dhe përtëritjen e energjisë në pjesët përkatëse të trupit.

Tani nepërmejt nje paisjeje të re celuloide mjekët janë në gjendje të përcaktonjne pikat e ndjeshmërisë trupore. Midis të tjerash, akunpunktura përdoret edhe kundër urisë, por efektet mund të jenë të përkohëshme.

Gjithashtu, ekspertët thonë se personat me dhimbje të mëdha duhet pa tjetër të këshillohen me mjekët. Akunpuktura, thonë ata nuk rekomandohet për mjekimin e njerëzve që kanë tumor në tru, as për ata me sëmundje neurologjike, dhe as për gratë shtatzana.

[Asteroid]

Kërkimet e reja tregojnë se përfshirja e rregullt e perimeve në dietën ushqimore mund të ndihmojë në parandalimin e sëmundjes së Alcajmerit dhe kjo për arsye se këto ushqime janë të pasura me vitaminë E.

Por në studimin e botuar këto ditë në revistën e shoqatës amerikane të mjekësisë, jepen të dhënat më të qarta të një lidhjeje midis kësaj vitamine dhe Alcajmerit. Studimi u krye për të parë në se marrja e ushqimeve antioksiduese mund të pakësojë rrezikun e prekjes nga sëmundja.

Shkencëtarët vëzhguan 815 persona mbi 65 vjeç, që nuk kishin ndonjë shenjë të sëmundjes. Gjatë studimit, pjesmarrësve iu bënë pyetje rreth llojit të ushqimeve që merrnin.

Pas afro 4 vjetësh pjesmarrësit në studim iu nënshtruan një ekzaminimi mjekësor dhe 131 prej tyre u diagnostikuan me sëmundjen e Alcajmerit. Shumica e tyre i përkisnin grupit që nuk përdornin rregullisht perime në dietën e tyre ushqimore.

Ndër ushqime të pasura me vitaminë E janë drithrat, nënprodhimet e tyre, perimet, arrat, bajamet, farërat e ndryshme dhe vaji i ullirit

[Asteroid]

Një studim i botuar në revistën mjekësore të New Englandit hedh poshtë mendimin e krijuar se marrja e kontraceptivëve në formë tabletash bëhet shkak për kancerin e gjirit tek gratë.

Ekspertët thonë se studimi i ri tregon bindshëm se marrja e kontraceptivëve nëpërmjet gojës në formë tabletash nuk shton aspak rrezikun e kancerit të gjiri.

Në studim u përfshinë mbi 9 mijë nga mosha 35 deri në 64 vjeç. Llogaritet se rreth 80 përqind e grave amerikane kanë përdorur tableta kontraceptivë të paktën një herë gjatë jetës së tyre.

Në studim thuhet se marrja e kontraceptivëve në formë tabletash mund të pakësojë edhe mundësinë e prekjes nga kanceri i vezoreve. Madje shkencëtarët parashikojnë se përdorimi i tabletave kontraceptivë do të ndikojë në uljen 30 përqind të rasteve të cancerit të vezoreve tek gratë në Shtetet e Bashkuara gjatë pak viteve të ardhëshme.

[Asteroid]

Person i verbër dhe çuditërisht ai është në gjendje të ngas makinën. Jens është pajisur me një aparat i cili e lejon atë të shohë. Një pjesë e aparatit është lidhur me trurin e tij ndërsa pjesa tjetër me një kompjuter.

Mjeku Bill Dobelle, shpikësi i aparatit, thotë se ai përdor stimulantë elektrikë për të ri aktivizuar shqisat e të parit tek të verbërit.

Kjo teknologji ndodhet ende në fazat fillestare, por shkencëtarët besojnë se kjo do të bëhet teknologjia së ardhmes në fushën e luftës kundër verbimit.

[Asteroid]

Ushtrimet fizike mund të ndihmojnë në trajtimin e depresionit. Por megjithëse shumica e neurologëve janë dakord se një jetë aktive ndihmon, pak prej tyre janë gati të rekomandojnë ushtrimet fizike si alternativë ndaj ilaçeve antidepresive dhe formave të tjera terapike.

Kjo për arsye se shumë studime në këtë fushë nuk kanë arritur në ndonjë përfundim të caktuar. Por përse njerëzit ndihen më mirë pas një vrapi në natyrë apo pas ushtrimeve fizike.

Kjo, thonë mjekët, duket se ka një numër arsyesh, përfshi rritjen e nivelit të substancave kimike në tru, krahas ndryshimit të stilit të jetesës që mund të rezultojë kur një person bëhet fizikisht aktiv.