Pashka - Simbol i ringjalljes apo i flijimit ?

[baaroar]

Pershendetje

Shume here jam perfshire ne debate midis te krishtereve mbi kuptimin apo se cfare simbolizon Pashka si rit.
A eshte Pashka simbol i ringjalljes apo i flijimit? Apo i te dyjave?
Gjithmone kur festojme Pashket, festojme ringjalljen e Zotit tone Jezu Krisht.
Sigurisht qe kuptimi i simbolit ne kete pike nuk eshte me i rendesishem sesa besimi.
Por duke pare disa momente ne shkrime, qe nga sprovimi i Abrahamit per te flijuar te birin e vetem, pashket e popullit te Izraelit ne Egjipt e deri ne Pashken e fundit, si edhe udhezime qe jepen mbi Pashken (sidomos tek libri L1 Korintasve);
Shume te krishtere mendojne se Pashka simbolizon me shume flijimin sesa ringjalljen.
Do te doja qe te ndanit mendimin tuaj.

[Albo]

Pashka është kremtimi i ditës së Ringalljes. Është dita më madhështore dhe më e vjetër e kalendarit kristian. Veçanërisht për orthodhoksët, nuk ka festë më të madhe se sa Pashka, as vetë Lindja e Krishtit (Krishtlindja) e cila duket si festa kryesore e kalendarit kishtar të kishës perëndimore. Arsyet përse Pashka vlerësohet më shumë nga orthodhoksët janë shumë dhe të gjitha janë bazuar në një pasazh të Shën Pavlit në Letrën e Parë dërguar Korinthianëve, “po të mos ishte ringjallur Krishti atëhere predikimi dhe besimi ynë do të ishin të kota” (15:14). Karakteristika e rëndësisë së Ringjalljes për orthodhoksët është fakti se Pashka quhet në greqisht “Lampri” dita më e shndëritshme nga gjitha ditët e tjera. Flaka e Ringjalljes që besimtarët orthodhoksë e marrin nga shërbesa e mesnatës së Pashkës dhe e shpien në shtëpitë e tyre shihet si një simbol i dukshëm i një jete të re me Krishtin e Ringjallur, një jetë me gëzim pas brengosjes së Kryqit. Edhe pse Pësimi i Krishtit kremtohet me thellësinë dhe domethënien e duhur ashtu siç i ka hije sakrificës supreme të Krishtit, është Ringjallja e Tij që vulos shpengimin që buron nga Kryqi. Orthodhoksët besojnë se pa këtë Ringjallje drama e ndarjes do të kish mbetur e pa përmbushur në lidhje me përjetimin e jetës njerëzore për të cilën një katharis triumfues duhet të pasojë të gjitha sakrificat përfshi sakrificën e Golgothës. Çdo liturgji që mbahet të dielave në Kishë gjatë vitit i dedikohet Ringjalljes dhe jo vuajtjes së Krishtit. Prej këtu buron toni i gëzueshëm i Eukaristisë Orthodhokse dhe theksimi i fitores mbi forcat e të keqes që bëhet me anë të Kungimit të Trupit dhe Gjakut të Krishtit. Nën këtë këndvështrim, pretendimi i disave se etimologjia e Pashkës rrjedh nga folja greke “paskein” (të vuash) është i gabuar. Fjala Pashka është thjeshtë shqiptimi i përafërt i Pashkës(Kalimit) hebraike.

Një kohë e gjatë parapërgatitore paraprin javën e Pësimit dhe quhet Kreshma e Madhe, kurse Java e Shenjtë kulmon me Të Premten e Zezë. Të gjitha së bashku na sjellin gëzimin e Ringjalljes i cili zgjat sipas kalendarit liturgjik për plot 40 ditë pas Pashke deri në ditën e Ngjitjes në qiell të Krishtit të Ringjallur. Në Kishën e hershme, ata që përgatiteshin për tu pranuar në jetën me Krishtin nëpërmjet Pagëzimit lejoheshin që të merrnin pjesë në shërbesën e të shtunës mbrëma dhe pagëzoheshin herët në ditën e Pashkës dhe merrnin për herë të parë Kungimin e Shenjtë. Shtëpitë dhe gjithë qytetet ndriçonin nga drita e Ringjalljes që njerëzit merrnin nga prifti pasi ai shpallte Krishti u Ngjall në shërbimin e së shtunës në mesnatë para fillimit të Liturgjisë së Pashkës. Himni orthodhoks i mirënjohur që shpallet me plot gojë, “Krishti u ngjall së vdekurish me vdekjen, vdekjen shkeli…” ngelet për orthodhoksët jo vetëm kurorë e artë e gjithë himnologjisë orthodhokse por edhe një simbol i lirisë kombëtare për shumë vende orthodhokse. Vigjilia e të shtunës mbrëma në Kishën e hershme mbahet edhe sot e kësaj dite nga Kisha Orthodhokse kurse në Perëndim kjo festë u lëviz njëherë mbasditen e së të shtunës dhe më vonë e lëvizën në mëngjesin e së Shtunës së Shenjtë në mënyrë që të mund të mund të kremtonin Liturgjinë e Parë të Pashkës të shtunë. Por, që nga viti 1950, tradita e hershme orthodhokse e mbajtjes së Liturgjisë së Parë të Pashkës në mesnatën e së shtunës duke u gdhirë e dielë po rikthehet gradualisht në Kishën Romano Katolike.

Nga i Ndjeri Fortlumturia e Tij
Nikon D Patrinakos


PS: Përktheu nga anglishtja, Ilirjan Papa.

[Albo]

Po bej edhe disa observime nga ato qe ke pyetur me lart:

1. Per besimtarin orthodhoks, Pashka nuk eshte nje simbol, eshte nje REALITET, ne te cilin besimtari hyn dhe e perjeton. Te gjitha liturgjite, kreshmat, lutjet, bamiresite i sherbejne ketij qellimi, perjetimit te realitetit te ringjalljes, jetes se re me Krishtin.

2. Me lart gjithashtu ben nje observim se shume besimtare besojne se Pashka eshte simboli i flijimit dhe jo ringjalljes. Te gjithe ata qe besojne ate qe prodhon mendja e tyre e jo ate qe na meson Kisha, detyrimisht qe do te prishin orthodhoksine e besimit dhe unitetin e tij.

3. Nje besimtar i krishtere jo-orthodhoks pyet se "cfare mendoni ju per kete problem" kurse nje besimtar orthodhoks pyet: "Cfare na meson Kisha dhe Tradita e Shenjte per kete problem?" Vetem ne kete menyre ne nuk bejme gabimin e tjetersimit te besimit tone dhe nuk prishim unitetin shpirteror me Kishen e Krishtit. Te njejten bese dhe te njejten Tradite te Shenjte qe besonin e ndiqnin te paret tane te njejten bese e tradite orthodhokse ndjekim edhe ne.

Prandaj nuk tu pergjigja me lart ate qe mendoj une si Albo, por te solla nje shkrim qe perktheva nga anglishja per komunitetin e Kishes ne te cilen une shkoj.

Albo

[skeshqe]

Pershendetje

Shume here jam perfshire ne debate midis te krishtereve mbi kuptimin apo se cfare simbolizon Pashka si rit.
A eshte Pashka simbol i ringjalljes apo i flijimit? Apo i te dyjave?
Gjithmone kur festojme Pashket, festojme ringjalljen e Zotit tone Jezu Krisht.
Sigurisht qe kuptimi i simbolit ne kete pike nuk eshte me i rendesishem sesa besimi.
Por duke pare disa momente ne shkrime, qe nga sprovimi i Abrahamit per te flijuar te birin e vetem, pashket e popullit te Izraelit ne Egjipt e deri ne Pashken e fundit, si edhe udhezime qe jepen mbi Pashken (sidomos tek libri L1 Korintasve);
Shume te krishtere mendojne se Pashka simbolizon me shume flijimin sesa ringjalljen.
Do te doja qe te ndanit mendimin tuaj.

Ashtu si thuhet dhe ne dy shkrimet me siper, keshtu dhe un po ngulmoj ne faktin qe vertet, Pashka eshte Kalimi nga vdekja ne jete nepermjet Krishtit. Eshte e vertete qe pa vuajtjet e tij ky kalim do te ishte i pamundur, por festimi qe si te krishtere bejme, eshte pikerisht Ringjallja.
Ne fund te fundit, askush nuk mund te "festoje" vuajtjet e shpetimtarit, perkunderazi, ne behemi pjesemarres duke mbajtur cdo dite kryqin tone dhe duke ecur dhe jetuar me kete premtim te mrekullueshem te Perendise. Pashka eshte premtimi i Jetes se perjetshme, eshte mposhtja e cdo te keqeje, eshte martesa perfundimtare e Krishtit me krijesen e tij, me nusen e tij, me kishen qe ai ndertoi me vuajtje.